ପୁଣି ରାଜ୍ୟରେ ଚାଷୀ ଆତ୍ମହତ୍ୟା ଅଭିଯୋଗ ହୋଇଛି । ଚାଷୀ ଜଣକ ହେଉଛନ୍ତି ପୋଡାମୁଡ଼ା ଗାଁର ବୈଷ୍ଣବ ଭାଇ । ବୈଷ୍ଣବ ଋଣ କରି ଧାନ ଚାଷ କରିଥିଲେ । କିନ୍ତୁ ବର୍ଷା ଅଭାବରୁ ସେ ଫସଲ ଭଲ ହୋଇ ନ ଥିଲା । ସେ ଗତ କିଛି ଦିନ ହେବ ଫସଲ ହାନି ଓ ଋଣ ଟଙ୍କା ସୁଝିବା ପାଇଁ ମାନସିକ ଚିନ୍ତାରେ ରହୁଥିଲେ । ଗତକାଲି ସେ ମାନସିକ ଭାରସାମ୍ୟ ହରାଇ ବିଷ ପିଇ ଦେଇଥିଲେ । ତାଙ୍କୁ ଗୁରୁତର ଅବସ୍ଥାରେ ମେଡ଼ିକାଲରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ସେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଛନ୍ତି । ସେ ଫସଲ କ୍ଷତି ପାଇଁ ଆତ୍ମହତ୍ୟା କରିଛନ୍ତି ବୋଲି ତାଙ୍କ ବାପା ଅଭିଯୋଗ କରିଛନ୍ତି । ପୋଲିସ ତଦନ୍ତ ଆରମ୍ଭ କରିଛନ୍ତି ।
Author: Samikhsya Bureau
ରାଜୀବ ଗାନ୍ଧୀ ହତ୍ୟା ମାମଲାରେ ଆଜୀବନ କାରାଦଣ୍ଡ ଭୋଗୁଥିବା ନଳିନୀ ଶ୍ରୀହରନ୍ ପାରୋଲ୍ରେ ମୁକ୍ତ ହୋଇଛନ୍ତି । ନିଜ ଝିଅର ବିବାହ ନିମନ୍ତେ ନଳିନୀଙ୍କୁ ଏହି ପାରୋଲ୍ ମିଳିଛି । ନିଜ ଝିଅ ହରିଥ୍ରାର ବିବାହ ନିମନ୍ତେ ଆଜି ଭେଲୋର ଜେଲ୍ରୁ ଏକ ମାସ ନିମନ୍ତେ ବାହାରକୁ ଆସିଛନ୍ତି ନଳିନୀ । ମାଡ୍ରାସ ହାଇକୋର୍ଟରୁ ନଳିନୀଙ୍କୁ ଏହି ପାରୋଲ୍ ମିଳିଥିବା ବେଳେ ନଳିନୀ ପାରୋଲ୍ ସମୟରେ କୌଣସି ରାଜନେତା କିମ୍ବା ଗଣମାଧ୍ୟମ ଅଧିକାରୀଙ୍କୁ ଭେଟିବା ଉପରେ କୋର୍ଟ କଟକଣା ଜାରି କରିଛନ୍ତି । ଏହା ସହିତ ଆସନ୍ତା ଏକ ମାସ ମଧ୍ୟରେ ନଳିନୀ ଭେଲୋରରୁ ବାହାରକୁ ଯାଇ ପାରିବେ ନାହିଁ ବୋଲି ମଧ୍ୟ କୋର୍ଟ ଆଦେଶ ପ୍ରଦାନ କରିଛନ୍ତି । ନଳିନୀ 6 ମାସର ପାରୋଲ୍ ନିମନ୍ତେ ଆବେଦନ କରିଥିବା ବେଳେ ଜଷ୍ଟିସ୍ ଏମ୍ ଏମ୍ ସୁନ୍ଦରେଶ ମାତ୍ର ଏକ ମାସ ପାଇଁ ପାରୋଲ୍ ପ୍ରଦାନ କରିଥିଲେ । ରାଜୀବ ଗାନ୍ଧୀ…
ପାରାଦ୍ୱୀପ ସହରରେ ଘୋର ଜଳ ସଙ୍କଟ ଦେଖାଦେଇଛି। ଆଜିଠାରୁ ଟାଉନସିପ ଅଂଚଳରେ ଦିନକୁ ମାତ୍ର ଥରେ ଜଳଯୋଗାଣ ହେବ ବୋଲି ବନ୍ଦର କର୍ତ୍ତୃପକ୍ଷ ସୂଚନା ଦେଇଛନ୍ତି। ସାରା ରାଜ୍ୟରେ ମୌସୁମୀ ଦୁର୍ବଳ ରହିଛି। ଜୁଲାଇ ମାସରେ ଯେତିକ ପରିମାଣରେ ବର୍ଷା ହେବା କଥା ତାହାଠାରୁ କମ ପରିମାଣର ବର୍ଷା ହୋଇଛି। ଫଳରେ ରାଜ୍ୟରେ ଜଳସଙ୍କଟ ଭଳି ପରିସ୍ଥିତି ସୃଷ୍ଟି ହୋଇଛି। ନଦୀ ଓ ଅନ୍ୟାନ୍ୟ ଜଳାଶୟରେ ଯେଉଁ ପରିମାଣର ପାଣି ରହିବା କଥା ତାହା ରହିନାହିଁ। ଯାହାର ପ୍ରଭାବ ପାରାଦ୍ୱୀପ ଅଳରେ ଦେଖିବାକୁ ମିଳିଛି। ଆଜି ଡାକବାଜି ଯନ୍ତ୍ର ଯୋଗେ ଟାଉନସିପରେ ଦିନକୁ ମାତ୍ର ଥରେ ଜଳ ଯୋଗାଣ ହେବ ବୋଲି ବନ୍ଦର କର୍ତ୍ତୃପକ୍ଷ ପ୍ରଚାର କରିଛନ୍ତି । ଟାଉନସିପ ଲାଗି ଉଦିଷ୍ଟ ଜଳଭଣ୍ଡାରରେ ଜଳସ୍ତର ଯଥେଷ୍ଟ କମ ରହିଛି। ତେଣୁ ଏହି ପଦକ୍ଷେପ ନିଆଯାଇଛି ବୋଲି କର୍ତ୍ତୃପକ୍ଷ ଜଣାଇଛନ୍ତି ।
ଆଜି ଲୋକସଭାରେ ମୋଦି ସରକାର ଆଗତ କରିବେ ବହୁ ପ୍ରତୀକ୍ଷିତ ତିନି ତଲାକ୍ ବିଲ୍। ଏହି ବିଧେୟକ ଉପରେ ଆଜି ଗୃହରେ ଆଲୋଚନା ହେବା ପରେ ଏହା ପାରିତ ହେବାର ସମ୍ଭାବନା ରହିଛି। ଏଥିପାଇଁ ବୁଧବାର ବିଜେପି ସମସ୍ତ ସାଂସଦଙ୍କୁ ହ୍ପିପ୍ ଜାରି କରିଛି। ଏହି ବିଧେୟକରେ ତିନି ତଲାକ ଏକ ଅପରାଧ ବୋଲି ବିବେଚିତ କରାଯାଇଛି ଏବଂ ଯିଏ ଦୋଷୀ ତାକୁ ଜେଲରେ ସଜା କାଟିବାକୁ ପଡ଼ିବ ବୋଲି ନିୟମ ରହିଛି। ନରେନ୍ଦ୍ର ମୋଦି ସରକାର ଦ୍ୱିତୀୟ ଥର ପାଇଁ ସରକାର ଗଢ଼ିବା ପରେ ସଂସଦର ପ୍ରଧାନମନ୍ତ୍ରୀ ତିନି ତଲାକ ବିଧେୟକର ଉଦ୍ଦେଶ୍ୟ ବାବଦରେ କହିଥିଲେ। ତେବେ ସରକାରଙ୍କ ଏହି ବିଧେୟକକୁ ସେତେବେଳେ ବିରୋଧୀ ବିରୋଧ କରିବା ସହିତ ଅନେକ ସମାଲୋଚନା ମଧ୍ୟ କରିଥିଲେ। କଂଗ୍ରେସ, ତୃଣମୂଳ କଂଗ୍ରେସ ଏବଂ ଡିଏମକେ ଏହି ବିଧେୟକ ବାବଦରେ ଯାଞ୍ଚ କରିବା ପାଇଁ ସଂସଦୀୟ କମିଟି ତିଆରି କରାଯାଉ ବୋଲି ଦାବି କରିଥିଲେ।…
ରାଜ୍ୟରେ ପୁଣି ସକ୍ରିୟ ହେବ ମୌସୁମୀ ବାୟୁ। ଆନ୍ଧ୍ର-ଓଡ଼ିଶା ଉପକୂଳ ବଙ୍ଗୋପସାଗରରେ ସୃଷ୍ଟି ହୋଇଥିବା ଏକ ଘୂର୍ଣ୍ଣିବଳୟ ଲଘୁଚାପର ରୂପ ନେବା ସମ୍ଭାବନା ରହିଛି। ଏହାର ପ୍ରଭାବରେ ରାଜ୍ୟରେ ୨ରୁ ୩ଦିନ ବର୍ଷା ହେବ। ବିଶେଷକରି ଉପକୂଳ ଓ ଆଭ୍ୟନ୍ତରୀଣ ଓଡ଼ିଶାରେ ବର୍ଷାର ପରିମାଣ ଅଧିକ ରହିବା ନେଇ ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ପୂର୍ବାନୁମାନ କରିଛି। ମିଳିଥିବା ସୂଚନା ଅନୁସାରେ ମୌସୁମୀର ନିଷ୍କ୍ରିୟତା ପାଇଁ ରାଜ୍ୟର ପ୍ରାୟ ୨୧ଟି ଜିଲ୍ଲାରୁ ଅଧିକ ଅଞ୍ଚଳରେ ଗଜା ମରୁଡ଼ି ସାଙ୍ଗକୁ ଧାନ ତଳି ସମ୍ପୂର୍ଣ୍ଣ ନଷ୍ଟ ହେବାକୁ ବସିଛି। ତେଣୁ ବର୍ଷା ହେଲେ ଏହି କ୍ଷେତ୍ରରେ ଟିକେ ସୁଧାର ଆସିବା ନେଇ ଆଶା ସଞ୍ଚାର ହୋଇଛି ।
ଗତକାଲି କର୍ଣ୍ଣାଟକରେ କଂଗ୍ରେସ-ଜନତା ଦଳ ସେକୁଲାର (ଜେଡିଏସ୍)ର ମେଣ୍ଟ ସରକାର ଭାଙ୍ଗି ଯାଇଥିବାବେଳେ ବିଜେପି ମଧ୍ୟପ୍ରଦେଶରେ ମଧ୍ୟ ସେହିଭଳି କିଛି ସ୍ଥିତି ଉପୁଜାଇବା ନେଇ ଚର୍ଚ୍ଚା ସୃଷ୍ଟି ହୋଇଥିଲା। ଏହି ବିଷୟରେ ମଧ୍ୟ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ଚୌହ୍ବାନ କିଛି ଆଭାସ ମଧ୍ୟ ଦେଇଥିଲେ। କିନ୍ତୁ ବୁଧବାର ଏହାର ଓଲଟା ପ୍ରଭାବ ଦେଖିବାକୁ ମିଳିଛି। ଗୋଟିଏ ପକ୍ଷରେ ବିଜେପି ସରକାର ଭାଙ୍ଗିବା କଥା କହିଲାବେଳେ ଅପରପକ୍ଷରେ ମଧ୍ୟପ୍ରଦେଶ ବିଧାନସଭାରେ ଅପରାଧିକ କାନୁନ୍ ସଂଶୋଧନ ବିଲ୍ ସମ୍ବନ୍ଧୀୟ ଭୋଟିଂରେ ବିଜେପିର ଦୁଇ ବିଧାୟକ କମଲନାଥ ସରକାରଙ୍କ ସମର୍ଥନରେ ଭୋଟ୍ ଦେଇଛନ୍ତି। ଏହି ସମ୍ବନ୍ଧରେ ମୁଖ୍ୟମନ୍ତ୍ରୀ କମଲନାଥ ସୂଚନା ଦେଇଛନ୍ତି।
ରାଜ୍ୟରେ ନାବାଳିକା ଅସଦାରଣ ପ୍ରସଙ୍ଗରେ ଗୃହରେ ମୁଲତବୀ ଆଲୋଚନା ହୋଇଛି। ଏହି ଆଲୋଚନା ସମୟରେ ବିଭାଗୀୟ ମନ୍ତ୍ରୀ ବିକ୍ରମ କେଶରୀ ଆରୁଖ ଉତ୍ତର ରଖିଛନ୍ତି। ମନ୍ତ୍ରୀ କହିଛନ୍ତି ଯେ, ୨୦୧୮ ତୁଳନାରେ ୨୦୧୯ରେ ଦୁଷ୍କର୍ମ ଅପରାଧରେ ୫.୯ ଭାଗ ହ୍ରାସ ଘଟିଛି। ମନ୍ତ୍ରୀଙ୍କ ଉତ୍ତରରେ ଅସନ୍ତୋଷ ପ୍ରକଟ କରି ବିରୋଧୀ କକ୍ଷତ୍ୟାଗ କରିଛନ୍ତି। ମୁଲତବୀ ଆଲୋଚନା ସମୟରେ ମନ୍ତ୍ରୀ ବିକ୍ରମ ଆରୁଖ କହିଛନ୍ତି ଯେ, ୨୦୧୯ ମେ ସୁଦ୍ଧା ରାଜ୍ୟରେ ୯୩୭ଟି ଦୁଷ୍କର୍ମ ମାମଲା ପଞ୍ଜୀକୃତ ହୋଇଛି। ୨୦୧୮ ମେ ଶେଷ ସୁଦ୍ଧା ୯୯୬ ଦୁଷ୍କର୍ମ ମାମଲା ପଞ୍ଜୀକୃତ ହୋଇଥିଲା। ଏହି ପରି ୨୦୧୮ ତୁଳନାରେ ୨୦୧୯ରେ ଦୁଷ୍କର୍ମ ଅପରାଧ ୫.୯ ଭାଗ ହ୍ରାସ ପାଇଛି। ୬୦ ଦିନ ମଧ୍ୟରେ ଦୁଷ୍କର୍ମ ମାମଲାରେ ଚୂଡ଼ାନ୍ତ ତଦନ୍ତର ବ୍ୟବସ୍ଥା ହୋଇଛି। ମନ୍ତ୍ରୀ କହିଛନ୍ତି ଯେ, ମହିଳା ଓ ଶିଶୁଙ୍କ ସୁରକ୍ଷା ପାଇଁ ସରକାର ଟୋଲ ଫ୍ରି ନମ୍ବର ବ୍ୟବସ୍ଥା ହୋଇଛି। ଅନେକ ମାମଲାରେ…
ବହୁ ଚର୍ଚ୍ଚିତ ପାଟକୁରା ନିର୍ବାଚନ ଫଳାଫଳ ଘୋଷଣା ହୋଇଛି । ଏହି ବିଧାନସଭା ଆସନରେ ବିଜେଡ଼ି ବାଜିମାତ୍ କରିଛି । ବିଜେଡିର ପ୍ରାର୍ଥୀ ସାବିତ୍ରୀ ଦେବୀ ୧୭,୯୨୦ ଭୋଟ୍ରେ ବିଜୟୀ ହୋଇଛନ୍ତି । ସାବିତ୍ରୀ ଦେବୀଙ୍କୁ ୯୬,୦୧୭ଟି ଭୋଟ୍ ପାଇଥିବାବେଳେ ବିଜେପିର ବିଜୟ ମହାପାତ୍ର ୭୮,୦୯୭ଟି ଓ କଂଗ୍ରେସର ଜୟନ୍ତ ମହାନ୍ତି ୨୧୦୪ଟି ଭୋଟ୍ ପାଇଛନ୍ତି । ତେବେ ପାଟକୁରା ନିର୍ବାଚନ ଫଳାଫଳକୁ ନେଇ କଂଗ୍ରେସ ପ୍ରାର୍ଥୀ ଜୟନ୍ତ ମହାନ୍ତି ପ୍ରତ୍ରିକିୟା ରଖିଛନ୍ତି । ଜନାଦେଶକୁ ନମ୍ରତାର ସହ ଗ୍ରହଣ କରି ନିର୍ବାଚନରେ ବିଫଳତା ପାଇଁ ନିଜକୁ ଦାୟୀ କରିଛନ୍ତି ଜୟନ୍ତ । ଗତ ଥର ନିର୍ବାଚନରେ ଦ୍ବିତୀୟ ସ୍ଥାନରେ ରହିଥିବାବେଳେ ଏଥର ଦଳର ପ୍ରଦର୍ଶନ ବେଶ୍ ଅନୁନ୍ନତ ରହିଛି । କଂଗ୍ରେସର ଭୋଟ୍ ବିଜେପିକୁ ଚାଲିଗଲା, ଦଳର ବିଫଳତା ପଦାରେ ପଡ଼ିଲା ବୋଲି କହିଛନ୍ତି ଜୟନ୍ତ । ପାଟକୁରା ନିର୍ବାଚନ ଫଳାଫଲ ତାଙ୍କୁ ଚକିତ କରିଛି । ତେବେ ଆଗାମୀ…
ସମୀକ୍ଷା ବ୍ୟୁରୋ ଶେଷରେ ବିଜୟ ମହାପାତ୍ର ତାଙ୍କ ନିଜ ଗଡରେ ହାରିବାକୁ ବାଧ୍ୟ ହୋଇଛନ୍ତି। ସମସ୍ତେ ଭାବିଥିଲେ ଯେ, ବିଜୟ ଜଣେ ଟାଣୁଆ ନେତା ନିଜର ଘରେ ସେ ଛିଡା ହୋଇଛନ୍ତି, ତେଣୁ ସେ ଜିତିଯିବେ। ହେଲେ ତାଙ୍କର ଜିତିବାରେ ତାଙ୍କ ଭାଗ୍ୟ ସାଥ୍ ଦେଉ ନାହିଁ। ଏବେ ନୁହେଁ ବିଗତ ୧୯ ବର୍ଷ ଧରି ସେ ଜଣେ ନିର୍ବାଚିତ ପ୍ରତିନିଧି ଭାବେ ପରିଗଣିତ ହେଉପାରି ନାହାଁନ୍ତି। ଆମେ ଏପରି ୧୦ଟି କାରଣ କହିବା ଯାହା ପ୍ରମାଣ ଦେବ ଯେ, ପ୍ରକୃତରେ ବିଜୟଙ୍କୁ ତାଙ୍କ ଭାଗ୍ୟ ସାଥ ଦେଉ ନାହିଁ। କାରଣ-୧ ବିଜୟ ମହାପାତ୍ର ଜଣେ ଟାଣୁଆ ବିଜେପି ନେତା। ହେଲେ ଯେଉଁଦିନଠାରୁ ଦଳରେ ଧର୍ମେନ୍ଦ୍ରଙ୍କ ନେତୃତ୍ବ ବୃଦ୍ଧି ଘଟିଲା ସେହି ଦିନଠାରୁ ବିଜୟଙ୍କ ପତିଆରା କମିବାରେ ଲାଗିଲା। କାରଣ-୨ ବିଜୟ ମହାପାତ୍ର ବିଜେପିରେ ରହି ମଧ୍ୟ ବିଭିନ୍ନ ସମୟରେ ପରୋକ୍ଷରେ ଧର୍ମେନ୍ଦ୍ରଙ୍କୁ ସମାଲୋଚନା କଲେ। ଯାହାକୁ ନେଇ ଦଳ ଭିତରେ…
ସମୀକ୍ଷା ବ୍ୟୁରୋ ଆଜି ଓଡିଶା ରାଜନୀତିରେ ୨‘ବି’ କୁ ନେଇ ଚର୍ଚ୍ଚା ଚାଲିଛି। ସେହି ଦୁଇ ବି ହେଲେ ଜଣେ ବିଜୟ ମହାପାତ୍ର ଆଉ ଜଣେ ହେଲେ ବିଶ୍ବଭୂଷଣ ହରିଚନ୍ଦନ। ଗୋଟିଏ ପଟେ ପାଟକୁରା ନିର୍ବାଚନରେ ବିଜୟ ମହାପାତ୍ରଙ୍କ ଭୋଟ ଗଣତି ଚାଲିଥିବା ବେଳେ ସେପଟେ ଆନ୍ଧ୍ର ପ୍ରଦେଶର ରାଜ୍ୟପାଳ ଭାବେ ଶପଥ ନେଲେ ବିଶ୍ବଭୂଷଣ ହରିଚନ୍ଦନ। ପାଟକୁରାରେ ବିଜେପିର ବରିଷ୍ଠ ନେତା ସମସ୍ତ ରାଉଣ୍ଡ ଗଣତିରେ ପଛୁଆ ରହି ଶେଷରେ ୧୭ ହଜାର ୬୫୫ ଭୋଟରେ ହାରିଗଲେ। ଠିକ୍ ସେହି ସମୟରେ ଆନ୍ଧ୍ରପ୍ରଦେଶର ରାଜ୍ୟପାଳ ଭାବେ ଶପଥ ନେଲେ ଓଡିଶାର ବରିଷ୍ଠ ବିଜେପି ନେତା ବିଶ୍ବଭୂଷଣ ହରିଚନ୍ଦନ। ଏହା ଏକ ସଂଯୋଗ ବୋଲି କୁହାଯାଇପାରେ। ଉଭୟ ବିଜୟ ଏବଂ ବିଶ୍ବଭୂଷଣ ଏକଦା ଓଡିଶା ରାଜନୀତିରେ ବେଶ୍ ନାମକରା ନେତା ଥିଲେ। ଉଭୟ ଓଡିଶା ମନ୍ତ୍ରିମଣ୍ଡଳରେ ମଧ୍ୟ ବେଶ୍ ଶକ୍ତିଶାଳୀ ଥିଲେ। ହେଲେ ପରିସ୍ଥିତି ଅନୁସାରେ ଉଭୟଙ୍କୁ ବିଜେପିରେ ଜଣେ ଜଣେ…
ଆସାମର କରିମ୍ଗଞ୍ଜଠାରେ ଏକ ସଡକ ଦୁର୍ଘଟଣା ଘଟିଛି। ଦୁଇ ବସ୍ ମଧ୍ୟରେ ଧକ୍କା ହେବା ଫଳରେ ଏହି ଦୁର୍ଘଟଣା ହୋଇଛି। ଏହି ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବାବେଳେ ୩୦ଜଣ ଆହତ ହୋଇଛନ୍ତି। ବୁଧବାର ସକାଳରୁ ଏହି ଘଟଣାଟି ଘଟିଛି ବୋଲି ଜଣାପଡିଛି । ଆହତଙ୍କୁ ନିକଟସ୍ଥ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁସାରେ ଦ୍ରୁତ ଗତିରେ ଥିବା ଯୋଗୁଁ ଏହି ବସ୍ ଦୁଇଟି ଦୁର୍ଘଟଣାଗ୍ରସ୍ତ ହୋଇଛି। ଦୁଇ ବସ୍ଟି ଧକ୍କା ହୋଇ ପାଖରେ ଥିବା ପୋଖରୀରେ ପଡ଼ିଥିଲେ।
ପ୍ରଥମେ କଳାହାଣ୍ଡିରେ ଦୁଇ ଦିନରେ ଦୁଇ ଜଣଙ୍କୁ ହତ୍ୟା କରିବା ପରେ ଏବେ ସୀମାରେ ନିଜର ଆଧିପତ୍ୟ ଜାହିର କରିଛନ୍ତି। ଓଡ଼ିଶା-ଝାଡ଼ଖଣ୍ଡ ସୀମାନ୍ତରେ ଦୁଇ ଜଣଙ୍କୁ ହତ୍ୟା କରିଛନ୍ତି ମାଓବାଦୀ। ଝାଡ଼ଖଣ୍ଡର ସୋନୁଆ ଥାନା ଅନ୍ତର୍ଗତ ଉଡୁଣିଆ ଗାଁରେ ୨ଜଣଙ୍କୁ ଗୁଳି କରି ହତ୍ୟା କରାଯାଇଛି। ଘାଟି ନିକଟରେ ସେମାନଙ୍କ ଗୁଳି ବିଦ୍ଧ ମୃତ ଶରୀର ପଡ଼ି ରହିଛି। ପୋଲିସ ଇନ୍ଫର୍ମର ସନ୍ଦେହରେ ହତ୍ୟା କରାଯାଇଥିବା ଅନୁମାନ କରାଯାଉଛି। ଏହାକୁ ନେଇ ସ୍ଥାନୀୟ ଅଂଚଳରେ କୋକୁଆ ଭୟ ସୃଷ୍ଟି ହୋଇଛି। ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି।
ମଙ୍ଗଳବାର ରାତିରେ ପ୍ରବଳ ବର୍ଷା ଯୋଗୁଁ ମୁମ୍ବାଇର ରେଳପଥ ଓ ରାସ୍ତାଘାଟ ଜଳାର୍ଣ୍ଣବ ହୋଇଯାଇଛି। ପାଣିପାଗ ବିଭାଗର ସୂଚନା ଅନୁସାରେ ଆଗାମୀ ୨୪ ଘଣ୍ଟା ମଧ୍ୟରେ ମୁମ୍ବାଇରେ ପ୍ରବଳ ବର୍ଷା ହୋଇପାରେ । ମୁମ୍ବାଇରେ ୨୪ରୁ ୨୮ ତାରିଖ ଯାଏଁ ବର୍ଷା ହେବାର ଅନୁମାନ କରାଯାଉଛି । ଅନ୍ଧେରୀ ଅଂଚଳରେ ବର୍ଷା ଜାରି ଥିବା ବେଳେ କମ ଦୃଶ୍ୟମାନ ହେବାରୁ ବୁଧବାର ସକାଳୁ ୨ଟି କାର ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଫଳରେ ଏହି ଘଟଣାରେ ୮ ଜଣ ଆହତ ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ପ୍ରବଳ ବର୍ଷା ଯୋଗୁଁ ମୁମ୍ବାଇରେ ବନ୍ୟା ପରିସ୍ଥିତି ଦେଖାଯାଇଛି। ବର୍ଷା ଯୋଗୁଁ ରେଳପଥ ଗୁଡ଼ିକ ପାଣିରେ ବୁଡ଼ିଯାଇଛି । ଫଳରେ ଟ୍ରେନ ଚଳାଚଳ ପ୍ରଭାବିତ ହୋଇଛି । କେବଳ ମୁମ୍ବାଇ ନୁହେଁ, ମହାରାଷ୍ଟ୍ରର ବିଭିନ୍ନ ଅଞ୍ଚଳରେ ମଧ୍ୟ ବର୍ଷା ଲୋକଙ୍କ ପାଇଁ ଦାଉ ସାଜିଛି ।…
ବହୁ ଚର୍ଚ୍ଚିତ ପାଟକୁରା ନିର୍ବାଚନରେ ବିଜେଡ଼ି ବାଜିମାତ୍ କରିଛି। ଏହି ଆସନରେ ପୂର୍ବତନ ବିଜେଡି ବିଧାୟକ ବେଦ ପ୍ରକାଶ ଅଗ୍ରୱାଲଙ୍କ ପତ୍ନୀ ସାବିତ୍ରୀ ଅଗ୍ରୱାଲ ଏହି ଆସନରୁ ନିକଟତମ ପ୍ରତିଦ୍ବନ୍ଦ୍ବୀ ବିଜୟ ମହାପାତ୍ରଙ୍କୁ ୧୭,୯୨୦ ଭୋଟରେ ମାତ୍ ଦେଇଛନ୍ତି। ବିଜେପିର ପରାଜୟ ପରେ ବିଜୟ ମହାପାତ୍ର ଏନେଇ ଗଣମାଧ୍ୟମରେ ପ୍ରତିକ୍ରିୟା ରଖିଛନ୍ତି। ପାଟକୁରା ନିର୍ବାଚନ ଫଳାଫଳ ନେଇ ବିଜୟ ମହାପାତ୍ର କହିଛନ୍ତି କି, ଫଳାଫଳ ଆଶ୍ଚର୍ଯ୍ୟ କରିଛି, ଲୋକମତ ମୋ ସପକ୍ଷରେ ଥିଲା। ଗଣତନ୍ତ୍ରରେ ଲୋକମତକୁ ସମ୍ମାନ ଦେବାକୁ ପଡିବ। ଲୋକଙ୍କ ରାୟକୁ ମାନିବାକୁ ପଡିବ। ନିର୍ବାଚନ ଫଳ ମୋ ବିପକ୍ଷରେ ଯିବାର ଅନେକ କାରଣ ଅଛି। ସରକାର ପାଟକୁରାକୁ ଘେରାବନ୍ଦୀ କରି ରଖିଥିଲେ। ମନ୍ତ୍ରୀ, ନେତା ପାଟକୁରାରେ ଡେରା ପକେଇ ବସିଥିଲେ। କେବଳ ସେତିକୁ ନୁହେଁ ବିଜେଡି ନେତାମାନେ ଘରଘର ବୁଲି ଟଙ୍କା ବାଣ୍ଟୁଥିଲେ। ଭୋଟ କିଣିଥିଲେ। ଲୋକମତ ଭିନ୍ନ ଥିଲା, କଣ ପାଇଁ ଏପରି ହେଲା ତାହା ଅନୁଧ୍ୟାନ…
ଶ୍ରୀମନ୍ଦିରରେ ଆଜି ଶ୍ରୀଜୀଉଙ୍କର ବନକଲାଗି ନୀତି ଅନୁଷ୍ଠିତ ହେବ । ବିଧି ମୁତାବକ ଶ୍ରୀଜୀଉଙ୍କର ଶ୍ରୀମୁଖ ଶୃଙ୍ଗାର କରାଯିବ । ମଧ୍ୟାହ୍ନ ଧୂପ ଓ ଭୋଗମଣ୍ଡପ ପରେ ଦତ୍ତ ମହାପାତ୍ର ସେବକଙ୍କ ଦ୍ୱାରା ଏହି ଗୁପ୍ତସେବା ସମ୍ପାଦନ କରାଯିବ । ଏହା ଏକ ଗୁପ୍ତ ନୀତି ହୋଇଥିବାରୁ ସର୍ବସାଧାରଣରେ ଦର୍ଶନକୁ ଅପରାହ୍ନ ୪ଟାରୁ ରାତି ୮ଟା ପର୍ଯ୍ୟନ୍ତ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଏହି ସମୟରେ ଶ୍ରଦ୍ଧାଳୁମାନେ ପାର୍ଶ୍ୱ ଦେବାଦେବୀଙ୍କୁ ଦର୍ଶନ କରିପାରିବେ । ଦ୍ୱିତୀୟ ଭୋଗ ମଣ୍ଡପ ପରେ ଦର୍ଶନ ବନ୍ଦ ହେବ। ତେବେ ଶ୍ରୀଜୀଉଙ୍କର ଶ୍ରୀମୁଖ ସିଂହାର ପାଇଁ ହିଙ୍ଗୁଳ, ଶଂଖ, କେଶର, କର୍ପୂର, କଇଁଥ, ଅଠା, କସ୍ତୁରୀ, କଜ୍ୱଳ, ହରିତାଳ ଓ ତେଲର ସମ୍ମିଶ୍ରଣରେ ପ୍ରସ୍ତୁତ ହୋଇଥିବା ବନକକୁ ବ୍ୟବହାର କରାଯାଇଥାଏ। ବାହୁଡା ପରେ ଆଜି ପ୍ରଥମ ଥର ଲାଗି ମହାପ୍ରଭୁଙ୍କର ରତ୍ନବେଦୀରେ ବନକଲାଗି ନୀତି ଅନୁଷ୍ଠିତ ହେବ ।…
ଦେଶରେ ବଢି ଚାଲିଥିବା ମୁବ୍ ଲିଚିଂ ବା ଭିଡ ହିଂସା ଘଟଣାକୁ ନେଇ ଫିଲ୍ମ ତଥା କଳା ଜଗତର ୪୯ଜଣ ଖ୍ୟାତି ସମ୍ପନ୍ନ ବ୍ୟକ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛନ୍ତି । ଏହି ଚିଠିରେ ଦେଶରେ ବଢି ଚାଲିଥିବା ମୁବ୍ ଲିଚିଂ ଘଟଣାକୁ ନେଇ ଗଭୀର ଚିନ୍ତା ପ୍ରକଟ କରାଯାଇଛି । ସରକାର ଏକ୍ଷେତ୍ରରେ ଆବଶ୍ୟକୀୟ ପଦକ୍ଷେପ ଗ୍ରହଣ କରିବା ପାଇଁ ମଧ୍ୟ ପ୍ରସ୍ତାବ ଦିଆଯାଇଛି । ଏହି ଚିଠି ଲେଖିଥିବା ବ୍ୟକ୍ତିମାନଙ୍କ ମଧ୍ୟରେ ରହିଛନ୍ତି – ମଣି ରତ୍ନମ୍, ଅଦୂର ଗୋପାଳକୃଷ୍ଣନ୍, ରାମଚନ୍ଦ୍ର ଗୁହା, ଅନୁରାଗ କାଶ୍ୟପ, ବିନାୟମ ସେନ୍, ସୌମିତ୍ରୋ ଚାଟ୍ଟାର୍ଜୀ, ଅପର୍ଣ୍ଣା ସେନ୍, କୋଙ୍କଣା ସେନ ଶର୍ମା, ରେଭଥୀ, ଶ୍ୟାମ୍ ବେନଗଲ୍, ଶୁଭା ମୁଦଗଲ୍, ରୂପ୍ ଇସଲାମ୍, ଅନୁପମ୍ ରାୟ, ପ୍ରମ୍ବତା, ରିଦ୍ଧି ସେନ୍ ପ୍ରମୁଖ ବ୍ୟକ୍ତିମାନେ ଏହି ଚିଠି ଲେଖିଛନ୍ତି । ଏହି ପତ୍ରରେ ସେମାନେ କହିଛନ୍ତି ଯେ, ଆମ ସମ୍ବିଧାନ ମତରେ ଭାରତ…
ରାଜ୍ୟ ଅର୍ଥ ଓ ଅବକାରୀ ବିଭାଗ ମନ୍ତ୍ରୀ ନିରଞ୍ଜନ ପୂଜାରୀଙ୍କ ନାଁରେ ଅଭିଯୋଗ ଆଣିଛି ମୁଖ୍ୟ ବିରୋଧୀ ଦଳ ବିଜେପି। ମନ୍ତ୍ରୀ ଗୃହରେ ବିଭ୍ରାନ୍ତିକର ତଥ୍ୟ ଦେଉଛନ୍ତି। ତାଙ୍କ ବିରୋଧରେ ବିଧାୟକ ଜୟନାରାୟଣ ମିଶ୍ର ସ୍ୱାଧିକାର ଭଙ୍ଗ ନୋଟିସ୍ ଆଣିଛନ୍ତି। ଜୟନାରାୟଣଙ୍କ ଅଭିଯୋଗ ଅନୁଯାୟୀ କେନ୍ଦୁଝର ବିଧାୟକ ମୋହନ ମାଝୀ ଅବକାରୀ ବିଭାଗକୁ ପଚାରିଥିବା ପ୍ରଶ୍ନରେ ମନ୍ତ୍ରୀ ନିରଞ୍ଜନ ପୂଜାରୀ ଗୃହରେ ଭୁଲ ଉତ୍ତର ରଖିଛନ୍ତି। ରାଜ୍ୟରେ ୨୦୦୬ରୁ ଗୋଟିଏ ହେଲେ ବି ମଦ ଦୋକାନ ଖୋଲି ନାହିଁ ବୋଲି ଅବକାରୀ ମନ୍ତ୍ରୀ କହିଛନ୍ତି। ଏହା ସମ୍ପୂର୍ଣ୍ଣ ମିଥ୍ୟା ଅଟେ। ରାଜ୍ୟରେ ୨୦୦୬ ପରଠାରୁ ଶହ ଶହ ମଦ ଦୋକାନ ଖୋଲିଛି। ଯଦି ସ୍ୱାଧିକାର ଭଙ୍ଗ କମିଟି ଚାହିଁବ ତାହା ହେଲେ ସେ ତଥ୍ୟ ସହିତ ପ୍ରମାଣ ଦେବେ ବୋଲି ନିରଞ୍ଜନ ପୂଜାରୀ କରିଛନ୍ତି।
ବହୁ ଚର୍ଚ୍ଚିତ ପାଟକୁରା ନିର୍ବାଚନ ଫଳାଫଳ ଆଜି ଘୋଷଣା ହୋଇଛି। ସକାଳ ୮ଟାରୁ ଭୋଟ୍ ଗଣତି ଆରମ୍ଭ ହୋଇଥିଲା। ଏଠାରେ ୩୦୯ଟି ବୁଥ୍ ପାଇଁ ୧୭ ରାଉଣ୍ଡ ଗଣତି ହୋଇଥିଲା। ଏଠାରେ ୧୦ ଜଣ ପ୍ରାର୍ଥୀ ନିର୍ବାଚନ ଲଢୁଥିବାବେଳେ ମୁଖ୍ୟତଃ ଏଠାରେ ବିଜେଡି ଓ ବିଜେପି ମଧ୍ୟରେ କଡା ଟକ୍କର ହୋଇଥିଲା। ଏହି ଲଢେଇରେ ବାଜିମାତ୍ ମାରିନେଇଛନ୍ତି ବିଜେଡ଼ି ପ୍ରାର୍ଥୀ। ପୁଣିଥରେ ଗଡ ରକ୍ଷା କରିଛି ବିଜେଡି। ବିଜେଡି ପ୍ରାର୍ଥୀ ସାବିତ୍ରୀ ଅଗ୍ରଓ୍ବାଲା ୧୭, ୬୫୫ ଭୋଟ୍ରେ ଆଗୁଆ ରହିଛନ୍ତି। ତାଙ୍କୁ ୯୫, ୧୬୨ଟି ଭୋଟ୍ ମିଳିଥିବାବେଳେ ବିଜେପିର ବିଜୟ ମହାପାତ୍ରଙ୍କୁ ୭୭, ୫୦୭ ଓ କଂଗ୍ରେସର ଜୟନ୍ତ ମହାନ୍ତିଙ୍କୁ ୨୦୯୦ଟି ଭୋଟ୍ ମିଳିଛି । ଇଭିଏମ୍ ଗଣତି ଶେଷ ହୋଇଯାଇଥିବାବେଳେ ପୋଷ୍ଟାଲ୍ ଭୋଟ୍ ଗଣତି ବାକି ରହିଛି । ସେହିପରି ଔପଚାରିକ ଭାବେ ଏହି ନିର୍ବାଚନୀ ଫଳାଫଳକୁ ନିର୍ବାଚନ କମିଶନର ଘୋଷଣା କରିବେ ।
ସମୀକ୍ଷା ବ୍ୟୁରୋ ଆନ୍ଧ୍ରପ୍ରଦେଶର ରାଜ୍ୟପାଳ ଭାବେ ଦାୟିତ୍ବ ଗ୍ରହଣ କଲେ ବିଶ୍ବଭୂଷଣ ହରିଚନ୍ଦନ। ରାଜଭବନ ପରିସରରେ ଆୟୋଜିତ ଏକ ସମାରୋହରେ ଆନ୍ଧ୍ରପ୍ରଦେଶର ମୁଖ୍ୟ ବିଚାରପତି ସି. ପ୍ରବୀଣ କୁମାର ବିଶ୍ବଭୂଷଣଙ୍କୁ ରାଜ୍ୟର ରାଜ୍ୟପାଳ ଭାବେ ଶପଥ ଗ୍ରହଣ କରାଇଛନ୍ତି। ଏହି ଶପଥଗ୍ରହଣ ଉତ୍ସବରେ ମୁଖ୍ୟମନ୍ତ୍ରୀ ଓ୍ବାଇ.ଏସ୍. ଜଗନ ମୋହନ ରେଡ୍ଡି ଓ ତାଙ୍କ କ୍ୟାବିନେଟ୍ ଟିମ୍ ଉପସ୍ଥିତ ରହିଥିଲେ। ବିଶ୍ବଭୂଷଣ ହରିଚନ୍ଦନ ଆନ୍ଧ୍ରପ୍ରଦେଶର ୨୩ତମ ରାଜ୍ୟପାଳ ଭାବେ ଆଜି ଦାୟିତ୍ବ ଗ୍ରହଣ କରୁଛନ୍ତି। ଓଡ଼ିଶାର ବରିଷ୍ଠ ବିଜେପି ନେତା ବିଶ୍ବଭୂଷଣ ହରିଚନ୍ଦନ ୫ଥର ବିଧାନସଭାକୁ ନିର୍ବାଚିତ ହୋଇ ଓଡ଼ିଶା ରାଜନୀତିରେ ଜଣେ ସକ୍ରିୟ ରାଜନେତା ଭାବେ ନିଜର ଅବଦାନ ରଖିଛନ୍ତି।
ଅରବିନ୍ଦ ରାଉତ ପ୍ରସଙ୍ଗଟି ଅଲୋଚନା କରିବା ପୂର୍ବରୁ କହି ରଖିବା ଉଚିତ୍ ମନେକରୁଛି କି ଭାରତରେ ବନବାସୀମାନେ କେଉଁ ଆବହମାନ କାଳରୁ ଜଙ୍ଗଲ ଉପରେ ନିର୍ଭର କରି ନିଜର ଜୀବନ ଜୀବିକା ନିର୍ବାହ କରିଆସୁଛନ୍ତି । ବହୁ ଗବେଷକ କହିଛନ୍ତି କି ଆଦିବାସୀମାନେ ହିଁ ଭାରତର ମୂଳ ଅଧିବାସୀ । ଜଙ୍ଗଲ ସେମାନଙ୍କର ମା’, ସେମାନଙ୍କ ପୂଜ୍ୟ ଦେବତା । ନିଜର ଜଙ୍ଗଲକୁ ସେମାନେ ପାରମ୍ପରିକ ଢ଼ଙ୍ଗରେ ଜଗାରଖା ଓ ପରିଚାଳନା ମଧ୍ୟ କରିଆସୁଛନ୍ତି । ସେମାନେ ଏତେ ଦୟାବନ୍ତ ଯେ ଅଣ-ବନବାସୀମାନଙ୍କୁ ସେମାନଙ୍କ ଜଙ୍ଗଲରେ ପ୍ରବେଶ କରିବାକୁ କେବେ ବାଧା ଦେଇ ନାହାନ୍ତି କି ତାଙ୍କ ଜଙ୍ଗଲକୁ ନେଇ ଭିନ୍ନ ସମୟରେ ଭିନ୍ନ ପ୍ରକାର ଆଇନ୍ ବନେଇାବା ବିରୋଧରେ ଆଜି ପର୍ଯ୍ୟନ୍ତ ପ୍ରତିବାଦ କରି ନାହାଁନ୍ତି । କିନ୍ତୁ ଆମେ ବନେଇଥିବା ଆଇନ୍ ଅନୁସାରେ ବନବାସୀମାନଙ୍କର ଜଙ୍ଗଲ ଉପରେ ଏହି ମୌଳିକ ଅଧିକାରକୁ ଅପରାଧ ବୋଲି ଧରାଯାଏ । ଜଙ୍ଗଲ…
ଅନୁଗୋଳ ଜିଲ୍ଲାର ତାଳଚେରସ୍ଥିତ ମହାନଦୀ କୋଲଫିଲ୍ଡ ଲିମିଟେଡ (ଏମସିଏଲ) ଭରତପୁର କୋଇଲା ଖଣିରେ ଦୁର୍ଘଟଣା ଘଟିଛି । ମାଟି ଅତଡା ଖସିବାରୁ ମଙ୍ଗଳବାର-ବୁଧବାର ରାତି ୧୦ ଜଣ ଶ୍ରମିକ ଗୁରୁତର ହୋଇଥିବା ସୂଚନା ମିଳିଛି । କୋଇଲା ବ୍ଲାଷ୍ଟିଂ ବେଳେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି । ମଧ୍ୟ ରାତିରେ ଅଚାନକ ମାଟି ଅତଡା ଖସିବାରୁ ଏଭଳି ଦୁର୍ଘଟଣା ଘଟିଥିବା କୁହାଯାଉଛି । ଆହତମାନଙ୍କୁ ଗୁରୁତର ଅବସ୍ଥାରେ ସେଣ୍ଟ୍ରାଲ ହସ୍ପିଟଲରେ ଭର୍ତ୍ତି କରାଯାଇଥିବା ବେଳେ ୪ ଜଣ ଶ୍ରମିକ ମାଟି ତଳେ ଚାପି ହୋଇଯାଇଥିବା ସନ୍ଦେହ କରାଯାଉଛି । ଉଦ୍ଧାରକାରୀ ଟିମ ଘଟଣାସ୍ଥଳରେ ପହଂଚଛନ୍ତି ।