ମନ୍ତ୍ରୀ ନିରଞ୍ଜନ ପୂଜାରୀ ଓ ବିଧାୟକ ପ୍ରଦୀପ ମହାରଥୀଙ୍କ ତୁତୁ ମେଁମେଁ ପ୍ରସଙ୍ଗରେ ନିଆଁରେ ଘିଅ ଢାଳିଛନ୍ତି ସରକାରୀ ମୁଖ୍ୟ ସଚେତକ ପ୍ରମିଳା ମଲ୍ଲିକ। ପ୍ରମିଳା କହିଛନ୍ତି, ଉଭୟଙ୍କ ମଧ୍ୟରେ କୌଣସି ବିବାଦ ନାହିଁ । ମହାରଥୀ ସବୁବେଳେ ଯାତ୍ରୀ ଶୈଳୀରେ କଥାବାର୍ତ୍ତା କରନ୍ତି। ସେ ଆହୁରି କହିଛନ୍ତି,“ସମସ୍ତଙ୍କର ବିଧାନସଭାରେ କହିବାର ଅଧିକାର ରହିଛି। ମହାରଥୀ ଯାହା ଅନୁଭବ କଲେ, ତାହା କହିଛନ୍ତି।” ଗତକାଲି ଆଳୁ ମିଶନ ଫେଲ ମାରିବା ଓ ଶୀତଳ ଭଣ୍ଡାର ବନ୍ଦ ହେବା ନେଇ ପୂର୍ବତନ କୃଷି ମନ୍ତ୍ରୀ ପ୍ରଦୀପ ମହାରଥୀଙ୍କୁ ପରୋକ୍ଷରେ ଦାୟୀ କରିଥିଲେ ମନ୍ତ୍ରୀ ନିରଞ୍ଜନ ପୂଜାରୀ। ଆଜି ମଧ୍ୟ ମହାରଥୀ ଏହି ବିଷୟକୁ ନେଇ ପୂଜାରୀଙ୍କ ଆକ୍ଷେପ କରିବା ସହିତ ଏହି ପ୍ରସଙ୍ଗରେ ବାଚସ୍ପତିଙ୍କ ଦୃଷ୍ଟି ଆକର୍ଷଣ କରାଇଛନ୍ତି ।
Author: Samikhsya Bureau
ମାଡ୍ରାସ ହାଇକୋର୍ଟ ପକ୍ଷରୁ ରାଜୀବ ଗାନ୍ଧୀ ହତ୍ୟା ମାମଲାରେ ହତ୍ୟାକାରୀଙ୍କୁ ମୁକ୍ତ କରିବା ନିମନ୍ତେ ଆଦେଶ ପ୍ରଦାନ ନିମନ୍ତେ ମାଡ୍ରାସ ହାଇକୋର୍ଟ ମନା କରି ଦେଇଛନ୍ତି । ହତ୍ୟାକାଣ୍ଡର ଅଭିଯୁକ୍ତ ଏସ୍ ନଳିନୀଙ୍କ ସମେତ ଅନ୍ୟ 7 ଜଣ ନିଜର ସଜା ଶେଷ ହେବା ପୂର୍ବରୁ ମୁକ୍ତି ନିମନ୍ତେ ଆବେଦନ କରିଥିଲେ । ମାତ୍ର ସମସ୍ତ ଅଭିଯୁକ୍ତଙ୍କ ରିଟ୍ ପିଟିସନ୍କୁ କୋର୍ଟ ଖାରଜ କରିବା ସହିତ ତାମିଲନାଡୁ ସରକାରଙ୍କୁ ଆଦେଶ ଦେବା ନେଇ ମନା କରି ଦେଇଛନ୍ତି । ଜଷ୍ଟିସ୍ ଆର ସୁବଇୟା ଏବଂ ସି ସର୍ବାନନ୍ ଏହି ମାମଲାର ବିଚାର କରିଥଇଳେ । ଆଡଭୋକେଟ ଜେନେରାଲ ବିଜୟ ନାରାୟଣ ଏହା କୋର୍ଟଙ୍କ କ୍ଷମତା ପରିସର ବାହାରର ଜିନିଷ ବୋଲି ଅଭିହିତ କରିଛନ୍ତି । ସମ୍ବିଧାନର ଧାରା 161 ଅନୁଯାୟୀ ଏପରି କରିବା ନିମନ୍ତେ ସରକାରଙ୍କୁ ନିର୍ଦ୍ଦେଶ ପ୍ରଦାନ କରାଯାଇ ପାରିବ ନାହିଁ ।
ପୁଣି ଗୃହରେ ବର୍ଷିଲେ ପ୍ରଦୀପ ମହାରଥୀ । ଗତକାଲି ବିଧାନସଭାରେ ବିଜେଡି ବିଧାୟକ ପ୍ରଦୀପ ମହାରଥୀଙ୍କୁ ମନ୍ତ୍ରୀ ନିରଞ୍ଜନ ପୂଜାରୀ ଆକ୍ଷେପ କରିଥିଲେ । ଆଜି ମହାରଥୀ ବିଧାନସଭାରେ ପୂଜାରୀଙ୍କୁ ଉତ୍ତର ଫେରଇଛନ୍ତି । ଶାଣିତ ସ୍ବରରେ କଡ଼ା ପ୍ରତି ଜବାବ ଦେଇଛନ୍ତି ବିଜେଡ଼ି ବିଧାୟକ ମହାରଥୀ । “ କାଲି ମନ୍ତ୍ରୀ ଯାହା ଉତ୍ତର ଦେଇଥିଲେ ତାହା ଭୁଲ୍ ଉତ୍ତର ଥିଲା। ମନ୍ତ୍ରୀ କହିଥିଲେ ରାଜ୍ୟରେ ୧୨୮ଟି ଶୀତଳ ଭଣ୍ଡାର ଥିଲା। କିନ୍ତୁ ତାହା ୪୮କୁ ଖସିଛି। ହେଲେ ମୁଁ ଆସିବା ବେଳକୁ ୨୪ ଥିଲା। ମୋ ସମୟରେ ତାହା ୪୮ ହୋଇଥିଲା। ମୋ କାର୍ଯ୍ୟଦକ୍ଷତା, କର୍ତ୍ତବ୍ୟନିଷ୍ଠାକୁ ନେଇ ପ୍ରଶ୍ନ କରାଯିବା ଠିକ୍ ନୁହେଁ। ମୋ ସମୟରେ ଆମେ ଚାରି ଥର କୃଷି କର୍ମଣ ପୁରସ୍କାର ପାଇଛୁ। ଯଦି ଭାବୁଥାନ୍ତି ଏମିତି କହି ମହାରଥୀଙ୍କ ପାଟି ଚୁପ୍ ରଖିବେ ତାହା ପାରିବେନି। ଗୋଟିଏ ମନ୍ତ୍ରୀ ପଦ ଫାଙ୍କା ଅଛି ବୋଲି…
କେଦାର ମିଶ୍ର ଗଣତନ୍ତ୍ର ଓ ମାନବ ଅଧିକାର ଉପରେ ଆସ୍ଥା ରଖିଥିବା ଯେ କୌଣସି ସଭ୍ୟ ନାଗରିକ ପାଇଁ ଏ ଦୃଶ୍ୟଟି ଅତ୍ୟନ୍ତ ପୀଡାଦାୟକ। କର୍ତ୍ତବ୍ୟରତ ଜଣେ ସାମ୍ବାଦିକଙ୍କ ପ୍ରତି କେନ୍ଦ୍ରାପଡା ଜିଲା ପୋଲିସ ଅଧୀକ୍ଷକ ଯେଉଁ ପ୍ରକାର ଆଚରଣ ପ୍ରଦର୍ଶନ କଲେ, ତାହା ଜଣେ ରାସ୍ତାଘାଟର ଗୁଣ୍ଡାର ଆଚରଣ ସହିତ ତୁଳନୀୟ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ବାଚନୀ ଗସ୍ତ ସମୟରେ ଦାୟିତ୍ଵ ନିର୍ବାହ କରୁଥିବା ଓଡିଆ ଟେଲିଭିଜନ ଚାନେଲ ନ୍ୟୁଜ-18 ର ସାମ୍ବାଦିକ ଅଜେଶ ମଲ୍ଲିକଙ୍କୁ କେନ୍ଦ୍ରାପଡା ପୋଲିସ ଅଧିକ୍ଷକ ସର୍ବସାଧାରଣରେ ଧମକ ଦେବା ଓ ତାଙ୍କ ଉପରକୁ ହାତ ଉଠାଇବା, ଅତ୍ୟନ୍ତ ନିନ୍ଦନୀୟ। ସବୁଠୁ ଆଶ୍ଚର୍ୟର କଥା ହେଉଛି, ଏହି ଘଟଣା ଘଟିଲା ବେଳେ ସେଠାରେ ଶାସକ ବିଜୁ ଜନତା ଦଳର ଦୁଇଜଣ ବଡ ନେତା ଉପସ୍ଥିତ ଥିଲେ। ବିଧାୟକ ପ୍ରଣବ ପ୍ରକାଶ ଦାସ ଓ ପୂର୍ବତନ ମନ୍ତ୍ରୀ ସଞ୍ଜୟ ଦାସ ବର୍ମାଙ୍କ ଉପସ୍ଥିତିରେ ଏ କଥା ଘଟୁଥିବା…
ଆଜି ବିଧାନସଭାର ଶୂନ୍ୟକାଳରେ କେନ୍ଦ୍ରାପଡାରେ ସାମ୍ବାଦିକଙ୍କୁ ମାଡ଼ ପ୍ରସଙ୍ଗ ଉଠିଥିଲା। ବିରୋଧୀ ଦଳ ନେତା ପ୍ରଦୀପ୍ତ ନାଏକ ଏହି ପ୍ରସଙ୍ଗ ଉଠାଇ କହିଲେ ଯେ, ଦୁଇ ପୂର୍ବତନ ମନ୍ତ୍ରୀଙ୍କ ଉପସ୍ଥିତିରେ ଏସ୍ପି ନିତିଶେଖର ସାମ୍ବାଦିକଙ୍କୁ ମାଡ ମାରିଛନ୍ତି। ଯାହା ଚତୁର୍ଥ ସ୍ତମ୍ଭ ପ୍ରତି ଅପମାନ। ତେଣୁ ସମ୍ପୃକ୍ତ ଏସ୍ପିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ନଚେତ୍ ତାଙ୍କୁ ନିଲମ୍ବନ କରାଯାଉ ବୋଲି ବାଚସ୍ପତିଙ୍କୁ କହିଛନ୍ତି। ଏନେଇ ବରିଷ୍ଠ କଂଗ୍ରେସ ନେତା ତାରାପ୍ରସାଦ ବାହିନୀପତି ଏହା ରାଜତନ୍ତ୍ର, ଗଣତନ୍ତ୍ର ନା ନବୀନ ତନ୍ତ୍ର ବୋଲି ପ୍ରଶ୍ନ କରିଛନ୍ତି। ଏଥିସହ କାର୍ଯ୍ୟାନୁଷ୍ଠାନ ନେବା ଲାଗି ବାଚସ୍ପତି ନିର୍ଦ୍ଦେଶ ଦିଅନ୍ତୁ ବୋଲି ତାରାପ୍ରସାଦ ବାହିନୀପତି କହିଛନ୍ତି। ତେବେ ଏସ୍ପିଙ୍କ ନିଲମ୍ବନ ଦାବି କରି ବିରୋଧୀ ଗୃହରେ ହୋହାଲ୍ଲା କରିଥିଲେ। ବାଚସ୍ପତିଙ୍କ ରୁଲିଂ ମଧ୍ୟ ଦାବି କରିଛନ୍ତି ବିରୋଧୀ ଦଳ ଉପନେତା ବିଷ୍ଣୁ ସେଠୀ। ଉଭୟ କଂଗ୍ରେସ ଓ ବିଜେପି ଏହି ମାମଲାକୁ ନେଇ କଂଗ୍ରେସରେ…
ରାଜ୍ୟସଭାରେ ସମାଜବାଦୀ ପାର୍ଟିର ସାଂସଦମାନେ ହୋ ହଲ୍ଲା କରିବା ଯୋଗୁଁ ରାଜ୍ୟସଭା ୧୫ ମିନିଟ୍ ପାଇଁ ମୁଲତବୀ ହୋଇଛି। ଗୁରୁବାର ସମାଜବାଦୀ ନେତା ରାମଗୋପାଳ ଯାଦବଙ୍କ ନେତୃତ୍ବରେ ସମାଜବାଦୀ ସାଂସଦମାନେ ହୋ ହଲ୍ଲା କରିଥିଲେ। ଉତ୍ତରପ୍ରଦେଶର ସୋନେଭଦ୍ରାରେ ୯ ଜଣଙ୍କ ହତ୍ୟା କାରଣକୁ ନେଇ ଯୋଗୀ ସରକାରଙ୍କୁ ସମାଲୋଚନା କରିବା ସହିତ ଆଇନ୍ ବ୍ୟବସ୍ଥାର ଉଲ୍ଲଂଘନ ହେଉଥିବା ନେଇ ଅଭିଯୋଗ ଆଣି ହଙ୍ଗାମା କରିଥିଲେ। ଜମି ବିବାଦକୁ ନେଇ ଏହି ହତ୍ୟାକାଣ୍ଡ ଘଟିଥିଲା। ଗୃହର ବିବରଣୀରେ ଏହାକୁ ସାମିଲ କରିବା ନେଇ ଗୃହର ମଧ୍ୟଭାଗକୁ ଆସି ହୋ ହଲ୍ଲା କରିଥିଲେ। ଏହାପରେ ଉପରାଷ୍ଟ୍ରପତି ଏମ୍ ଭେଙ୍କୟା ନାଇଡୁ ଗୃହକୁ ୧୫ ମିନିଟ୍ ପର୍ଯ୍ୟନ୍ତ ମୁଲତବୀ ଘୋଷଣା କରିଥିଲେ।
ଗତକାଲି ଇଣ୍ଟରନ୍ୟାସନାଲ କୋର୍ଟ ଅଫ୍ ଜଷ୍ଟିସ୍ରେ ପୂର୍ବତନ ଭାରତୀୟ ନୌସେନା ଅଧିକାରୀ କୁଳଭୂଷଣ ଯାଦବଙ୍କ ମାମଲାର ରାୟ ପ୍ରକାଶ ପାଇଥିଲା । ଏହି ମାମଲାର ରାୟ ପ୍ରକାଶ ପାଇବା ପରେ ସଂସଦର ଉଭୟ ଗୃହକୁ ସମ୍ବୋଧିତ କରିଛନ୍ତି ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର । ଉଭୟ ଗୃହକୁ ସମ୍ବୋଧିତ କରିବା ଅବସରରେ କୁଳଭୂଷଣଙ୍କ ପରିବାରକୁ ପ୍ରଶଂସା କରିଛନ୍ତି ଜୟଶଙ୍କର । ଅବସରପ୍ରାପ୍ତ ନୌସେନା ଅଧିକାରୀ କୁଳଭୂଷଣଙ୍କ ପରିବାର ପ୍ରତିକୂଳ ପରିବେଶରେ ମଧ୍ୟ ଅସୀମ ଧୈର୍ଯ୍ୟର ପରିଚୟ ଦେଇଛନ୍ତି । ଗତକାଲିର ରାୟ ପ୍ରକାଶ ପାଇବା ପରେ କୁଳଭୂଷଣଙ୍କ ମୁକ୍ତ ହେବାର ସମ୍ଭାବନା ସ୍ପଷ୍ଟ ହୋଇଛି । ଭାରତ ସରକାରଙ୍କ ପକ୍ଷରୁ କୁଳଭୂଷଣଙ୍କୁ ମୁକ୍ତ କରାଯିବାର ପ୍ରୟାସ କରାଯିବ ବୋଲି ଜୟଶଙ୍କର ଉଭୟ ଗୃହକୁ ସମ୍ବୋଧିତ କରିବା ଅବସରରେ ସୂଚନା ଦେଇଛନ୍ତି । 2016 ମାର୍ଚ୍ଚ ମାସରେ ଗୁପ୍ତଚର ବୃତ୍ତି ଅଭିଯୋଗରେ ପୂର୍ବତନ ଭାରତୀୟ ନୌସେନା ଅଧିକାରୀ କୁଳଭୂଷଣଙ୍କୁ ପାକିସ୍ତାନ ପକ୍ଷରୁ ଗିରଫ…
ଜାପାନର କ୍ୟୋଟୋ ସହରରେ ଗୁରୁବାର ସକାଳରୁ ଏକ ବଡ଼ ଧରଣର ଅଘଟଣ ଘଟିଯାଇଛି । ଏଠାରେ ସ୍ଥିତ ପ୍ରସିଦ୍ଧ କ୍ୟୋଟୋ ଏନିମେଶନ୍ ଷ୍ଟୁଡିଓରେ ଅଜଣା ବ୍ୟକ୍ତି ନିଆଁ ଲଗାଇଦେଇଛନ୍ତି । ଏହି ଘଟଣାରେ ୧୨ଜଣଙ୍କର ମୃତ୍ୟୁ ହୋଇଥିବାବେଳେ ୩୮ଜଣ ଗମ୍ଭୀର ଭାବରେ ଆହତ ହୋଇଥିବାର ସୂଚନା ରହିଛି । ସକାଳ ୧୦.୩୦ ମିନିଟ୍ର ଏହି ଅଘଟଣ ଘଟିଛି । ସମ୍ପୃକ୍ତ ବ୍ୟକ୍ତି ଜଣକ କିଛି ତରଳ ପଦାର୍ଥ ଜରିଆରେ ଷ୍ଟୁଡିଓରେ ନିଆଁ ଲଗାଇଛନ୍ତି । ସମସ୍ତ ଆହତଙ୍କୁ ନିକଟସ୍ଥ ହସ୍ପିଟାଲ୍ରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଜାପାନର ପ୍ରସିଦ୍ଧ ଆନିମେସନ୍ ସିରିଜ୍ କେ- ଅନ୍, ସୁଜିମିଆ ହୁରୁହୀ, ଅ ସାଇଲେଣ୍ଟ ବୟଜ୍ ସମେତ ବହୁ ବଡ଼ ବଡ଼ ଆନିମେସନ୍ ଫିଲ୍ମ ଓ ସିରିଜ୍ ଏହି ଷ୍ଟୁଡିଓ ଦ୍ବାରା ନିର୍ମାଣ କରାଯାଇଛି ।
ଭାରତର ବହୁପ୍ରତୀକ୍ଷିତ ଚନ୍ଦ୍ର ଅଭିଯାନ ଚନ୍ଦ୍ରଯାନ-୨ ଆସନ୍ତା ଜୁଲାଇ ୨୨ ତାରିଖରେ ସମାପନ ହେବ। ଗୁରୁବାର ଦିନ ଭାରତୀୟ ମହାକାଶ ବିଜ୍ଞାନ ସଂସ୍ଥାନ ପକ୍ଷରୁ ଏହି ସମ୍ପର୍କରେ ଘୋଷଣା କରାଯାଇଥିଲା। ତିନିଦିନ ପୂର୍ବରୁ କରାଯିବାକୁ ଥିବା ଏହି ଉତ୍କ୍ଷେପଣ ତୈଳ ଲିକ୍ ଯୋଗୁଁ ବାତିଲ କରାଯାଇଥିଲା। ଉତ୍କ୍ଷେପଣର ୫୬ ମିନିଟ୍ ପୂର୍ବରୁ ଉତ୍କ୍ଷେପଣ ନିମନ୍ତେ ବ୍ୟବହୃତ ହେବାକୁ ଥିବା ରକେଟ୍ରେ ଯାନ୍ତ୍ରିକ ସମସ୍ୟା (ହିଲିୟମ୍ ଲିକ୍ ) କାରଣରୁ ଉତ୍କ୍ଷେପଣ ବାତିଲ କରାଯିବା ସହିତ ଆଗାମୀ ଦିନରେ ପୁନର୍ବାର ଏହାକୁ କାର୍ଯ୍ୟକାରୀ କରାଯିବ ବୋଲି ଘୋଷଣା କରାାଯାଇଥିଲା। ଆଜି ଗୁରୁବାର ଦିନ ଇସ୍ରୋ ପକ୍ଷରୁ ଟ୍ବିଟ୍ କରାଯାଇ ଜୁଲାଇ ୨୨ରେ ଉତ୍କ୍ଷେପଣ ହେବା ନେଇ ସ୍ପଷ୍ଟ କରାଯାଇଛି। ଜୁଲାଇ ୨୨ ତାରିଖ ଅପରାହ୍ନ ୨.୪୩ ମିନିଟ୍ ସମୟରେ ଏହି ଉତ୍କ୍ଷେପଣ କରାଯିବ ବୋଲି ଜଣା ପଡିଛି।
ଉତ୍ତର-ପଶ୍ଚିମ ବଙ୍ଗୋପସାଗରରେ ଓଡ଼ିଶା ଉପକୂଳକୁ ଲାଗି ପୁଣି ଘୂର୍ଣ୍ଣିବଳୟ ସୃଷ୍ଟି ହୋଇଛି । ସେହି ଘୂର୍ଣ୍ଣିବଳୟ ଲଘୁଚାପର ରୂପ ନେବା ସମ୍ଭାବନା ରହିଛି । ଯାହା ଫଳରେ ଆସନ୍ତା ୪୮ଘଣ୍ଟାରେ ଓଡ଼ିଶାର ଅଧିକାଂଶ ସ୍ଥାନରେ ରେ ପ୍ରବଳରୁ ଅତି ପ୍ରବଳ ବର୍ଷା ହେବା ସମ୍ଭାବନା ରହିଛି । ଓଡ଼ିଶାରେ ମୌସୁମୀ ଓ ଲଘୁଚାପ ପ୍ରଭାବରେ ସ୍ୱଭାବିକ ଠାରୁ କମ ପରିମାଣର ବର୍ଷା ହୋଇଛି । ଏହି ଲଘୁଚାପ ପ୍ରଭାବରେ ଉପକୂଳ, ଉତ୍ତର ଓ ଦକ୍ଷିଣ ଓଡ଼ିଶାରେ ବର୍ଷା ସମ୍ଭାବନା ରହିଛି । ଏନେଇ ଭୁବନେଶ୍ୱରସ୍ଥିତ ଆଂଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ବିଲରେ ତଳିରୁଆ କାମ ଚାଲିଥିବା ବେଳେ ରାଜ୍ୟରେ ୪୦ପ୍ରତିଶତରୁ କମ ବର୍ଷା ହୋଇଛି । ଯାହା ଚାଷଜମିରେ ମରୁଡ଼ିସ୍ଥିତି ଦେଖା ଦେଖାଣି । ଚଳିତ ଥର ମୌସୁମୀ ବହୁତ ଡେରିରେ ଓଡ଼ିଶା ଉପକୂଳ ଛୁଁଇଥିବାବେଳେ ଆଶାଠାରୁ କମ୍ ପରିମାଣର ବର୍ଷା ଚିନ୍ତା ବଢାଇ ଦେଇଛି ।
ଯୁକ୍ତ ୩ ପ୍ରଥମ ପର୍ଯ୍ୟାୟ କଟଅଫ୍ ମାର୍କ ତାଲିକା ପ୍ରକାଶ ପାଇଛି । ଜୁଲାଇ ୧୯ରୁ ୨୪ ତାରିଖ ଯାଏଁ ପ୍ରଥମ ପର୍ଯ୍ୟାୟ ନାମଲେଖା ଚାଲିବ । ପ୍ରଥମ ପର୍ଯ୍ୟାୟ କଟଅଫରେ ୧ଲକ୍ଷ ୮୮ହଜାର ୨୨୨ଛାତ୍ରଛାତ୍ରୀଙ୍କ ନାମ ତାଲିକାରେ ରହିଛି। ଚଳିତ ଥର ଯୁକ୍ତ ୩ ନାମଲେଖା ପାଇଁ ୨ଲକ୍ଷ ୧୦ହଜାର ୪୪୬ ଛାତ୍ରଛାତ୍ରୀ ଆବେଦନ କରିଥିଲେ । ବିଜେବି କଲେଜ ବିଜ୍ଞାନ ସମ୍ମାନରେ (ଜୁଲୋଜି)ରେ ସର୍ବାଧିକ ୯୧.୫ ପ୍ରତିଶତ ରହିଛି । ଏହା ସହ ବିଜେବି କଲେଜରେ ବିଜ୍ଞାନ ସମ୍ମାନ(ଗଣିତ)ରେ ସର୍ବଧିକ ୯୩ପ୍ରତିଶତ ଥିବା ବେଳେ ଫିଜିକ୍ସରେ ୯୨.୬୭ ପ୍ରତିଶତ ଓ କେମିଷ୍ଟ୍ରିରେ ୯୦.୮ ପ୍ରତିଶତ ଓ ବଟାନିରେ ୮୮ପ୍ରତିଶତ କଟଅଫ୍ ମାର୍କ ରହିଛି ।
ବହୁ ଚର୍ଚ୍ଚିତ ଅଯୋଧ୍ୟା ଜମି ବିବାଦର ସୁପ୍ରିମକୋର୍ଟ ଶୁଣାଣି କରିଛନ୍ତି । ଗୁରୁବାର ଦିନ ମଧ୍ୟସ୍ଥତା କମିଟିର ରିପୋର୍ଟ ଦେଖିବା ପରେ ସୁପ୍ରିମ୍କୋର୍ଟର ସାମ୍ବିଧାନିକ ବେଞ୍ଚ ମଧ୍ୟସ୍ଥତା କମିଟିକୁ ୩୧ ଜୁଲାଇ ପର୍ଯ୍ୟନ୍ତ ସମୟ ଦେଇଛନ୍ତି । ଏହା ପରେ ଅଗଷ୍ଟରୁ ଦ୍ବିପ୍ରହର ୨ ଘଟିକା ସମୟରେ ଓପନ୍ କୋର୍ଟର ଏହି ବିବାଦର ଶୁଣାଣି କରାଯିବ ବୋଲି କହିଛନ୍ତି ସୁପ୍ରିମ୍କୋର୍ଟ । ରାମଜନ୍ମଭୂମି-ବାବ୍ରୀ ମସ୍ଜିଦ୍ ବିବାଦ ମାମଲାରେ ଏକ ପକ୍ଷ ଗୋପାଲ ସିଂହ ବିଶାରଦ୍ ସିଂ ବିଶାରଦ ଯାଚିକା ଉପରେ ସୁପ୍ରିମକୋର୍ଟର ମଧ୍ୟସ୍ଥତା କମିଟି ରିପୋର୍ଟ ତଲବ କରିଛନ୍ତି । ଗୁରୁବାର ମଧ୍ୟସ୍ଥତା କମିଟି ନିଜ ରିପୋର୍ଟ କୋର୍ଟରେ ଉପସ୍ଥାପନ କରିଥିଲେ । ଏହି ରିପୋର୍ଟକୁ ଦେଖି ସୁପ୍ରିମ୍କୋର୍ଟ ମଧ୍ୟସ୍ଥତା କମିଟିକୁ ଆସନ୍ତା ୩୧ ତାରିଖ ପର୍ଯ୍ୟନ୍ତ ସମୟ ଦେଇଛନ୍ତି ।
ସମୀକ୍ଷା ବ୍ୟୁରୋ ବିଜୁ ଜନତା ଦଳ ଲାଗି ପାଟକୁରା ଉପ ନିର୍ବାଚନ ସମ୍ମାନର ପ୍ରଶ୍ନ ହୋଇଥିବା ବେଳେ ବିଜେପି ପ୍ରାର୍ଥୀ ବିଜୟ ମହାପାତ୍ରଙ୍କ ଲାଗି ଏହା ତାଙ୍କର ରାଜନୈତିକ ଅସ୍ତିତ୍ଵର ପ୍ରଶ୍ନ। ବିଜେଡି ପାଟକୁରାରେ ହାରିଲେ ବିଧାନସଭାରେ ଏହାର ବିଶେଷ କିଛି ପ୍ରଭାବ ପଡିବ ନାହିଁ। ହେଲେ ନିଜକୁ ଅପରାଜେୟ ସାବ୍ୟସ୍ତ କରିଥିବା ବିଜେଡି ମୁଖିଆ ନବୀନ ପଟ୍ଟନାୟକଙ୍କ ଲାଗି ଏହା ପତିଆରାର ପ୍ରଶ୍ନ। ଅପର ପକ୍ଷରେ ବିଜେପି ପ୍ରାର୍ଥୀ ବିଜୟ ମହାପାତ୍ରଙ୍କ ପାଇଁ ଏହା ଏକ ପ୍ରକାର “କର ବା ମର” ର ଆହ୍ଵାନ। ଗତ ଚାରୋଟି ଯାକ ନିର୍ବାଚନରେ ହାରି ଆସୁଥିବା ବିଜୟଙ୍କ ଲାଗି ଏହା ହୁଏତ ଶେଷ ସୁଯୋଗ। ତେବେ ବିଜୟଙ୍କ ଲାଗି ତାଙ୍କ ଦଳ ହିଁ ତାଙ୍କର ସବୁଠୁ ବଡ ସମସ୍ୟା। ସାରା ରାଜ୍ୟରେ ବର୍ତ୍ତମାନ ବିଜେଡି-ବିଜେପି ସମ୍ପର୍କ ଚର୍ଚ୍ଚାରେ ରହିଥିବା ବେଳେ ପାଟକୁରା ନିର୍ବାଚନରେ ଏହି ଦୁଇ ଦଳ ପରଷ୍ପର ବିରୋଧରେ ଅତ୍ୟନ୍ତ ସତର୍କତାର…
ଭାରତୀୟ ନୌସେନାର ପୂର୍ବତନ ଅଧିକାରୀ କୁଲଭୂଷଣ ଯାଧବଙ୍କ ମାମଲାରେ ଅନ୍ତରାଷ୍ଟ୍ରୀୟ ନ୍ୟାୟାଳୟର ନିଷ୍ପତ୍ତି ପରେ ଗୁରୁବାର ବିଦେଶ ମନ୍ତ୍ରୀ ଏସ୍. ଜୟଶଙ୍କର ସଂସଦରେ ଅଭିଭାଷଣ ରଖିବେ । ବୁଧବାର ଦିନ ଆଇସିଜେ ଯାଧବ ମାମଲାରେ ନିଷ୍ପତ୍ତି ଶୁଣାଇ ଫାଶୀ ଉପରେ ରୋକ୍ ଲଗାଇଛନ୍ତି । ଏହି ମାମଲାରେ ପାକିସ୍ତାନକୁ ପୁନର୍ବିଚାର କରିବାକୁ ମଧ୍ୟ କହିଛନ୍ତି । ଏହାସହିତ ଅନ୍ତରାଷ୍ଟ୍ରୀୟ ନ୍ୟାୟଳୟ ପାକିସ୍ତାନରୁ ଭିଏନା ଚୁକ୍ତିନାମାର ଭଙ୍ଗ କରିଛି ବୋଲି ମଧ୍ୟ କହିଛନ୍ତି । ଭାରତୀୟ ପୂର୍ବତନ ନୌସେନା ଅଧିକାରୀ କୂଳଭୂଷଣ ଯାଧବଙ୍କୁ ପାକିସ୍ତାନ ଗୁଇନ୍ଦା ସନ୍ଦେହ କରି ବଳପୂର୍ବକ ଅପରାଧୀ ରୂପେ ଦଣ୍ଡିତ କରି ମୃତ୍ୟୁଦଣ୍ଡାଦେଶ ଶୁଣାଇଥିଲା । ଏହାକୁ ଭାରତ ପ୍ରବଳ ବିରୋଧ କରିବା ସହିତ ଆଇସିଜେରେ ଚ୍ୟାଲେଞ୍ଜ କରିଥିଲା। ଆଇସିଜେଙ୍କ କୂଳଭୂଷଣ ଉପରେ ନେଇଥିବା ନିଷ୍ପତ୍ତିକୁ ପୂର୍ବତନ ବୈଦେଶିକ ମନ୍ତ୍ରୀ ସୁଷମା ସ୍ବରାଜ ସ୍ବାଗତ ମଧ୍ୟ କରିଛନ୍ତି ।
ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ରେଡ଼ରେ ଧରା ପଡିଛନ୍ତି ବାରିପଦାର ସହକାରୀ ନିର୍ବାହୀ ଯନ୍ତ୍ରୀ। ଏହି ଯନ୍ତ୍ରୀଜଣକ ହେଉଛନ୍ତି କ୍ଷୁଦ୍ର ଜଳସେଚନ ବିଭାଗର ସହକାରୀ ନିର୍ବାହୀ ଯନ୍ତ୍ରୀ ହୃଦେଶ୍ବର ବେହେରା । ରାଜ୍ୟ ଦୁର୍ନୀତି ନିବାରଣ ବିଭାଗର ୫ଟି ଟିମ ନିର୍ବାହୀ ଯନ୍ତ୍ରୀଙ୍କ ୫ଟି ଠିକଣା ଉପରେ ଚଢାଉ କରିଛନ୍ତି । ବାରିପଦା ସ୍ଥିତ ଅଫିସ ଏବଂ ଶ୍ୱଶୁର ଘରେ ଭିଜିଲାନ୍ସ ଟିମ ଚଢାଉ କରିଛି । ସେହିପରି ଭୁବନେଶ୍ୱରେ ଥିବା କୋଠା, କପ୍ତିପଦାରେ ଥିବା ବାସ ଭବନ ଉପରେ ଟିମ ଚଢାଉ କରିଛି । ସହକାରୀ ନିର୍ବାହୀ ଯନ୍ତ୍ରୀ ହୃଦେଶ୍ୱରଙ୍କ ବିରୋଧରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ ହୋଇଥିଲା ।
ଗତ ୧୫ ଦିନ ଧରି କର୍ଣ୍ଣାଟକ ରାଜନୀତିରେ ଚାଲିଥିବା ସଂକଟ ଆଜି ଶେଷ ହେବ । ଗୁରୁବାର ବିଧାନସଭାରେ ଫ୍ଲୋର୍ ଟେଷ୍ଟ୍ ଦେବେ କୁମାରସ୍ବାମୀ ସରକାର । ଏହି ନିଷ୍ପତ୍ତି ଆଧାରରେ କର୍ଣ୍ଣାଟକ ରାଜନୀତିର ସଂକଟ ଦୂର ହେବ । କଂଗ୍ରେସ-ଜେଡିଏସ ମେଣ୍ଟର ୧୫ ବିଧାୟକ ଇସ୍ତଫା ଦେବାପରେ କର୍ଣ୍ଣାଟକରେ ରାଜନୀତି ପରିବେଶ ବେଶ୍ ଗୋଳମାଳିଆ ହୋଇଯାଇଥିଲା । ଆଜି କୁମାରସ୍ବାମୀ ସରକାର ଆସ୍ଥା ଭୋଟର ସାମ୍ନା କରିବାକୁ ଯାଉଛନ୍ତି। ଏଭଳି ସ୍ଥିତିରେ ବିଦ୍ରୋହୀ ବିଧାୟକମାନେ ଆସ୍ଥା ଭୋଟରେ ଭାଗ ନେବେ ନାହିଁ ବୋଲି ସ୍ପଷ୍ଟ କରିସାରିଛନ୍ତି। ବିଦ୍ରୋହୀ ବିଧାୟକଙ୍କୁ ଆସ୍ଥା ଭୋଟରେ ସାମିଲ ହେବାକୁ ବାଧ୍ୟ କରାଯାଇପାରିବ ନାହିଁ ବୋଲି ସୁପ୍ରିମକୋର୍ଟ ବୁଧବାର ରାୟ ଦେଇଛନ୍ତି। ତେବେ ବିଜେପି ନିଜ ପାଖରେ ବହୁମତ ରଖିଛି ବୋଲି ଦାବି କରିଛି । ଆଜି ସକାଳ ୧୧ଟା ସମୟରେ ଗୃହରେ ଶକ୍ତି ପରୀକ୍ଷଣ ପରେ କର୍ଣ୍ଣାଟକ ରାଜନୀତିର ଭବିଷ୍ୟତ ଜଣାପଡ଼ିବ ।
ବଲିଉଡ୍ ଅଭିନେତା ଅକ୍ଷୟ କୁମାରଙ୍କ ବଦାନ୍ୟତା କିଛି କମ୍ ନୁହେଁ । ଆସାମ, ବିହାର ଓ ଉତ୍ତରପ୍ରଦେଶରେ ଆସିଥିବା ବନ୍ୟା ଯୋଗୁଁ ହୋଇଥିବା କ୍ଷତିଗ୍ରସ୍ତ ବନ୍ୟା ପ୍ରପୀଡ଼ିତଙ୍କୁ ସାହାଯ୍ୟର ହାତ ବଢାଇଛନ୍ତି ଖିଲାଡି କୁମାର । ଆସାମର ମୁଖ୍ୟମନ୍ତ୍ରୀ ରିଲିଫ୍ ଫଣ୍ଡ ଓ କାଜିରଙ୍ଗା ନ୍ୟାସନାଲ୍ ପାର୍କ ପାଇଁ ୧ କୋଟି ଟଙ୍କା ଲେଖାଏଁ ସହାୟତା ରାଶି ଦାନ କରିଛନ୍ତି । ଏହି ଅବସରରେ ଅଭିନେତା ଅକ୍ଷୟ କହିଛନ୍ତି ଯେ, ଆସାମରେ ବନ୍ୟା ପ୍ରଭାବିତ ଲୋକଙ୍କୁ ଅବସ୍ଥା ବେଶ୍ ହୃଦୟ ବିଦାରକ । ମଣିଷ ହେଉ ଅଥବା ପଶୁ, ସମସ୍ତଙ୍କୁ ଏହି ଅସୁବିଧା ସମୟରେ ସହଯୋଗ ନିତାନ୍ତ ଆବଶ୍ୟକ । ଆସାମରେ ବନ୍ୟା ପାଇଁ ୫୫ ଜଣଙ୍କ ମୃତ୍ୟୁ ହୋଇଥିବାବେଳେ ଉତ୍ତରପ୍ରଦେଶରେ ୧୪ଜଣଙ୍କ ମୃତ୍ୟୁ ହୋଇଛି । ସେହିପରି କାଜିରଙ୍ଗା ନ୍ୟାସନାଲ୍ ପାର୍କର ଅଧିକାଂଶ ସ୍ଥାନ ଜଳାର୍ଣ୍ଣବ ହୋଇଯାଇଛି । ଏଠାରେ ଥିବା ପଶୁମାନେ ଜୀବନ ବଞ୍ଚାଇବା ପାଇଁ ସଂଘର୍ଷ କରୁଛନ୍ତି…
ପାଟକୁରା ବିଧାନସଭା ନିର୍ବାଚନ ପାଇଁ ଆଜି ସନ୍ଧ୍ୟାରେ ପ୍ରଚାର କାର୍ଯ୍ୟ ଶେଷ ହେବ। ଏହି ଆସନକୁ ହାତେଇବା ପାଇଁ ବିଜେଡି ଓ ବିଜେପି ମଧ୍ୟରେ କଡ୍ଡା ଟକ୍କର ଚାଲିଛି । ବିଜେଡିର ମାଳମାଳ ମନ୍ତ୍ରୀ,ବିଧାୟକ ଓ ନେତା ପାଟକୁରାରେ ଡେରା ପକାଇ ଥିବାବେଳେ ଗତକାଲି ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପାଟକୁରା ଯାଇ ହାଇଟେକ୍ ବସରେ ରୋଡ୍ ଶୋ’ କରିଛନ୍ତି। ସେହିପରି ବିଜେପି ଓ କଂଗ୍ରେସର ବହୁ ତୁଙ୍ଗ ଓ ବରିଷ୍ଠ ନେତାମାନେ ନିଜ ନିଜ ପ୍ରାର୍ଥୀ ସପକ୍ଷରେ ପ୍ରଚାର କରିଛନ୍ତି । ୨୦ ତାରିଖରେ ଏହି ଆସନରେ ନିର୍ବାଚନ ଅନୁଷ୍ଠିତ ହେବ । ୨୦ ତାରିଖକୁ ପାଟକୁରା ଭୋଟରଙ୍କ ପାଇଁ ଛୁଟି ଘୋଷଣା କରାଯାଇଛି । ଉଭୟ ବିଜେଡି ଓ ବିଜେପି ପାଇଁ ଏହି ଆସନଟି ସମ୍ମାନର ପ୍ରଶ୍ନ ହୋଇରହିଛି ।
୨୦୧୯-୨୦ କେନ୍ଦ୍ରୀୟ ବଜେଟରେ ୨୦୨୪ ସୁଦ୍ଧା ଦେଶର ସମସ୍ତ ଘରକୁ ପାଣି ପହଞ୍ଚାଇବାର ଲକ୍ଷ୍ୟ ନେଇଛି କେନ୍ଦ୍ର ଜଳ ଶକ୍ତି ମନ୍ତ୍ରଣାଳୟ । ଆଜି ଇସ୍ପାତ ତଥା ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କେନ୍ଦ୍ର ଜଳ ଶକ୍ତି ମନ୍ତ୍ରୀ ଗଜେନ୍ଦ୍ର ସିଂହ ଶେଖାବତଙ୍କୁ ପତ୍ର ଲେଖି ଜଳ ଶକ୍ତି ମନ୍ତ୍ରାଳୟକୁ ସହଯୋଗ କରିବେ ବୋଲି କହିଛନ୍ତି । ଉଭୟ ମନ୍ତ୍ରଣାଳୟ ମଧ୍ୟରେ ଭଲ ସହଯୋଗ ପାଇଁ ସେ ତାଙ୍କ ମନ୍ତ୍ରଣାଳୟର ଅଧିକାରୀ ମାନଙ୍କୁ ଜଳ ଶକ୍ତି ମନ୍ତ୍ରଣାଳୟର ଅଧିକାରୀ ମାନଙ୍କ ସହ ସମ୍ପର୍କରେ ରହି କାମ କରିବାକୁ ନିର୍ଦେଶ ଦେଇଥିବା ଶ୍ରୀ ପ୍ରଧାନ ଏହି ପତ୍ରରେ ଉଲ୍ଲେଖ କରିଛନ୍ତି । ଇସ୍ପାତ୍ ମନ୍ତ୍ରାଳୟ “ହର୍ ଘର ଜଲ୍” ଅଥବା ସବୁ ଘରକୁ ପାଣି ମିଶନରେ ସମସ୍ତ ପ୍ରକାଶ ସହଯୋଗ ଓ ସମର୍ଥନ ଦେବ । ଏହି ଯୋଜନା ପାଇଁ ଇସ୍ପାତ ମନ୍ତ୍ରାଳୟ ଷ୍ଟିଲ୍ ପାଇପ୍ ଯୋଗାଇବା ବୋଲି କହିଛନ୍ତି ଇସ୍ପାତ ମନ୍ତ୍ରୀ…
ପାକିସ୍ତାନ ଜେଲରେ ବନ୍ଦୀ ଥିବା ଭାରତୀୟ ନାଗରିକ କୁଲଭୂଷଣ ଯାଧବଙ୍କ ଉପରେ ଆଜି ଅନ୍ତରାଷ୍ଟ୍ରୀୟ ଅଦାଲତ (ଆଇସିଜେ) ନିଷ୍ପତ୍ତି ଶୁଣାଇଛନ୍ତି । ଆଇସିଜେ କୁଲଭୂଷଣଙ୍କ ଫାଶିରେ ରହିତାଦେଶ ଲଗାଇଛନ୍ତି । ଆଜି ଭାରତୀୟ ସମୟ ପ୍ରାୟ ୬ଟା ୩୦ ମିନିଟ୍ରେ ଆଇସିଜେ ଏହି ମାମଲାର ଶୁଣାଣି କରିଛନ୍ତି । ଏହି ମାମଲାରେ ଭାରତ ଆଇନଗତ ଲଢେଇ ଲଢି ପାରିବ ବୋଲି ଆଇସିଜେ ନିର୍ଦ୍ଦେଶ ଦେଇଛନ୍ତି । ନେଦରଲାଣ୍ଡର ଦ ହେଗରେ ସ୍ଥିତ ‘ଆଇସିଜେ’ର ‘ପ୍ରେସିଡେଣ୍ଟ ଅଫ ଦ କୋର୍ଟ’ରେ ଜଷ୍ଟିସ୍ ଅବଦୁଲକାଭି ଅହମ୍ମଦ ୟୁସୁଫ କୂଳଭୂଷଣ ମାମଲାର ଶୁଣାଣି କରିଥିଲେ । ଭାରତ ଓ ପାକିସ୍ତାନ ତରଫରୁ ଦୁଇ ଓକିଲ ସେଠାରେ ଉପସ୍ଥିତ ରହିଥିଲେ । ପାକିସ୍ତାନର ଭିଏନା ଚୁକ୍ତି ଭଙ୍ଗ କରିଛି ବୋଲି ଆଇସିଜେ କହିଛନ୍ତି । ଏଠାରେ ଉପସ୍ଥିତ ୧୬ ବିଚାରପତିଙ୍କ ମଧ୍ୟରୁ ୧୫ଜଣ ଭାରତ ସପକ୍ଷରେ ରହିଥିଲେ । ଭାରତୀୟ ପୂର୍ବତନ ନୌସେନା ଅଧିକାରୀ କୂଳଭୂଷଣ ଯାଧବଙ୍କୁ…
ଉତ୍ତର ପ୍ରଦେଶର ସୋନଭଦ୍ର ଜିଲ୍ଲାର ଉଭଭା ଗାଁରେ ଜମି ବିବାଦକୁ ନେଇ ଦୁଇ ଗୋଷ୍ଠୀ ମଧ୍ୟରେ ଗୋଷ୍ଠୀ ସଂଘର୍ଷ ହୋଇଛି । ଏହି ସଂଘର୍ଷରେ ୯ଜଣଙ୍କ ମୃତ୍ୟୁ ହୋଇଥିବାବେଳେ ୨୦ରୁ ଅଧିକ ଜଣ ଗୁରୁତର ଭାବେ ଆହାତ ହୋଇଛନ୍ତି । ମୃତକଙ୍କ ମଧ୍ୟରେ ୬ଜଣ ପୁରୁଷ ଓ ୩ ଜଣ ମହିଳା ରହିଛନ୍ତି । ଗ୍ରାମ ପଞ୍ଚାୟତରେ ଚାଲିଥିବା ଏହି ବିବାଦଟି ଠେଙ୍ଗା ବାଡ଼ିରୁ ଆରମ୍ଭ ହୋଇ ଗୁଳିଗୋଳାରେ ପହଞ୍ଚି ଯାଇଥିଲା । ଏହି ଘଟଣାର ସୂଚନା ମିଳିବା ପରେ ଘଟଣାସ୍ଥଳରେ ପୁଲିସ ଅଧିକାରୀ ପହଞ୍ଚି ଗୁରୁତରମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କକରିଥିଲେ । ହସ୍ପିଟାଲରେ ଭର୍ତ୍ତି ହୋଇଥିବା ଅନେକ ଗୁରୁତରମାନଙ୍କ ଅବସ୍ଥା ସଂକଟାପର୍ଣ୍ଣ ରହିଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସୋମଭଦ୍ରର ଏହି ଘଟଣାକୁ ବୁଝିବା ସହ ମୃତକଙ୍କୁ ସମବେଦନା ଜଣାଇଛନ୍ତି । ଏହାସହ ରାଜ୍ୟର ପୋଲିସ ମହାନିର୍ଦ୍ଦେଶକଙ୍କୁ ଏହି ଘଟଣା ଉପରେ ପ୍ରତ୍ୟକ୍ଷ ଧ୍ୟାନ ରଖିବା ସହ ଅଭିଯୁକ୍ତମାନଙ୍କ…