ମହାରାଷ୍ଟ୍ର, ହରିୟାଣା ପାଇଁ ବିଧାନସଭା ନିର୍ବାଚନ ପାଇଁ ଆଜି ମୁଖ୍ୟ ନିର୍ବାଚନ କମିଶନର ସୁନୀଲ୍ ଆରୋରା ତାରିଖ ଘୋଷଣା କରିଛନ୍ତି । ଅକ୍ଟୋବର ୨୧ରେ ଗୋଟିଏ ପର୍ଯ୍ୟାୟରେ ଭୋଟ ଗ୍ରହଣ ଅନୁଷ୍ଠିତ ହେବ । ଉଭୟ ରାଜ୍ୟରେ ଅକ୍ଟୋବର ୨୪ରେ ଭୋଟ୍ ଗଣତି ହେବ ବୋଲି ସୂଚନା ରହିଛି । ମହାରାଷ୍ଟ୍ରର ୨୮୮ ଓ ହରିୟାଣାର ୯୦ଟି ଆସନ ପାଇଁ ହେବ ନିର୍ବାଚନ ଅନୁଷ୍ଠିତ ହେବ । ମହାରାଷ୍ଟ୍ର ଓ ହରିୟାଣାରେ ବିଧାନସଭା ନିର୍ବାଚନ ପାଇଁ ରାଜନୈତିକ ଦଳମାନେ ପୂର୍ବରୁ ପ୍ରସ୍ତୁତ ହୋଇଛନ୍ତି। ନିର୍ବାଚନରେ ନିଜର ବିଜୟ ଅଭିଯାନ ଜାରି ରଖିବା ପାଇଁ ବିଜେପି ଓ ଶିବସେନା ଏକାଠି ହୋଇ ପୁଣି ଥିରେ ମହାରାଷ୍ଟ୍ରରେ ନିର୍ବାଚନ ଲଢ଼ିବେ । ସେହିପରି ହରିୟାଣାରେ ମନୋହର ଖଟ୍ଟର ସରକାର ନିଜର କ୍ଷମତା ଜାରି ରଖିବାକୁ ରଣନୀତି ପ୍ରସ୍ତୁତ କରୁଛନ୍ତି । ସେହିପରି ଓଡିଶାର ବିଜେପୁରରେ ମଧ୍ୟ ସେହି ଅକ୍ଟୋବର ୨୧ ତାରିଖରେ ନିର୍ବାଚନ ହେବ…
Author: Samikhsya Bureau
ବହୁ ଚର୍ଚ୍ଚିତ ଗ୍ରାହାମ୍ ଷ୍ଟେନ୍ସ ଓ ତାଙ୍କ ଦୁଇ ଶିଶୁପୁତ୍ରଙ୍କୁ ପୋଡ଼ି ହତ୍ୟା ମାମଲାର ଦୀର୍ଘ 20 ବର୍ଷ ପରେ ଆଉ ଜଣେ ବ୍ୟକ୍ତିଙ୍କୁ ଗିରଫ କରିଛି ସିବିଆଇ । ଗିରଫ ବ୍ୟକ୍ତି ଜଣଙ୍କ ହେଲେ ବୁଦ୍ଧଦେବ ନାଏକ(45) । ସେ ଏହି ଘଟଣାର ମୁଖ୍ୟ ଅଭିଯୁକ୍ତ ଦାରା ସିଂର ଘନିଷ୍ଠ ସହଯୋଗୀ ବୋଲି କୁହାଯାଉଛି । ବୁଦ୍ଧଦେବକୁ ମୟୂରଭଞ୍ଜ ଠାକୁରମୁଣ୍ଡା ଥାନା ନିଶ୍ଚିତପୁର ଗାଁସ୍ଥିତ ତାଙ୍କ ଘରୁ ଗିରଫ କରାଯାଇଛି । 1999 ପରଠାରୁ ଫେରାର ଥିବା ବୁଦ୍ଧଦେବ ଗତକାଲି ବିଳମ୍ବିତ ରାତିରେ ଘରେ ଥିବା ସୂଚନା ପାଇ ସିବିଆଇ ତାକୁ ଗିରଫ କରିଥିଲା ।
ଓ୍ବାର୍ଲ୍ଡ ଫେମସ୍ ଲଭର୍ର ଫାଷ୍ଟ ପୋଷ୍ଟର ରିଲିଜ୍ ହୋଇଛି । ପୋଷ୍ଟରରେ ବିଜୟ ଦେବରକୋଣ୍ଡା ପୁନର୍ବାର ନିଜର ଅର୍ଜୁନ ରେଡ୍ଡୀ ଅବତାରରେ ନଜର ଆସିଛନ୍ତି । ଶୁକ୍ରବାର ସନ୍ଧ୍ୟାରେ ରିଲିଜ୍ ହୋଇଥିବା ପୋଷ୍ଟରକୁ ନେଇ ଟ୍ବିଟ୍ଟରରେ ମିଶ୍ର ପ୍ରତିକ୍ରିୟା ମିଳିଛି । କ୍ରାନ୍ତି ମାଧବ ନିର୍ଦ୍ଦେଶିତ ଏହି ଫିଲ୍ମରେ ବିଜୟ ଦେବରକୋଣ୍ଡାଙ୍କ ବିପକ୍ଷରେ ରାଶି ଖାନ୍ନା, ଐଶ୍ବର୍ଯ୍ୟା ରାଜେଶ, କ୍ୟାଥରିନ୍ ଟ୍ରେସା ଏବଂ ଇଜାବେଲ୍ ଲିଟ୍ ନଜର ଆସିବାକୁ ଯାଉଛନ୍ତି । ଗୋପୀ ସୁନ୍ଦର ଏହି ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମର ପୋଷ୍ଟର ବ୍ୟତିତ ଅନ୍ୟ ଏକ ତେଲୁଗୁ ଫିଲ୍ମ ମିକୁ ମାତ୍ରମେ ଚେପ୍ତାର ଟ୍ରେଲର ରିଲିଜ୍ କରିଥିଲେ ବିଜୟ ଦେବରକୋଣ୍ଡା ।
ନିକଟରେ ସମାପିତ ଭାରତର ବହୁ ପ୍ରତୀକ୍ଷିତ ଚନ୍ଦ୍ରଯାନ ପ୍ରକଳ୍ପ ଚନ୍ଦ୍ରଯାନ-2 98 ପ୍ରତିଶତ ସଫଳ ହୋଇଛି ବୋଳଇ ଇସ୍ରୋ ମୁଖ୍ୟ କେ ଶିବନ ମତ ଦେଇଛନ୍ତି । ଆଇଆଇଟି ଭୁବନେଶ୍ବରର ସମାବର୍ତ୍ତନ ଉତ୍ସବରେ ଯୋଗ ଦେବାକୁ ଭୁବନେଶ୍ବର ଆସିଥିବା ଶିବନ ଏହି ମତ ଦେଇଛନ୍ତି । ବିମାନ ବନ୍ଦରରୁ ଓହ୍ଲାଇବା ପରେ ସାମ୍ବାଦିକଙ୍କ ପ୍ରଶ୍ନର ଉତ୍ତର ରଖିବାକୁ ଯାଇ ଶିବନ ଏହି ମତ ରଖିଛନ୍ତି । ଏହା ସହିତ ଇସ୍ରୋର ବୈଜ୍ଞାନିକ ମାନେ ଏହି ପ୍ରକଳ୍ପ ପାଇଁ ବହୁତ ପରିଶ୍ରମ କରିଛନ୍ତି ଏବଂ ଚଳିତ ଥରର ତ୍ରୁଟିକୁ ସଂଶୋଧନ କରାଯିବ ବୋଲି ଶିବନ ସୂଚନା ଦେଇଥିଲେ । ଚନ୍ଦ୍ରଯାନ-2ର ଲ୍ୟାଣ୍ଡର ବିକ୍ରମରେ କେଉଁଠି ତ୍ରୁଟି ରହିଲା ଏହାର ଅନୁସନ୍ଧାନ ଚାଲିଛି ଏବଂ ସମସ୍ତ ସୂଚନା ମିଳିବା ପରେ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ବୋଲି ଶିବନ ପ୍ରକାଶ କରିଛନ୍ତି । ଅର୍ବିଟରରୁ ଚନ୍ଦ୍ର ସମ୍ପର୍କରେ ଅନେକ ତଥ୍ୟ ମିଳିବ ଏବଂ ଆସନ୍ତା…
ଅସଦାଚାରଣ ଅଭିଯୋଗରେ ସମ୍ବଲପୁର ଜିଲ୍ଲା ରେଙ୍ଗାଲି ତହସିଲଦାର ପ୍ରଫୁଲ୍ଲ ବେହେରାଙ୍କୁ ଶୁକ୍ରବାର ରାତିରେ ପୋଲିସ୍ ଗିରଫ କରିଛି । ଜଣେ ଅତିରିକ୍ତ ମହିଳା ତହସିଲଦାର ତାଙ୍କ ବିରୋଧରେ ଅସଦାଚାରଣ ଅଭିଯୋଗ ଆଣିଛନ୍ତି । କୋର୍ଟଚାଲାଣ ପରେ ତାଙ୍କୁ ସମ୍ବଲପୁର ଜେଲ୍ ପଠାଇ ଦିଆଯାଇଛି । ଜଣେ ଉଚ୍ଚପଦସ୍ଥ ମହିଳା ଅଧିକାରୀଙ୍କୁ ଜଣେ ଅଧିକାରୀ ଅସଦାଚାରଣ କରିବା ସମ୍ବଲପୁର ଜିଲ୍ଲାରେ ଚର୍ଚ୍ଚାର କାରଣ ପାଲଟିଛି। ପୋଲିସ୍ ସୂଚନା ଅନୁଯାୟୀ, ଅଭିଯୋଗକାରିଣୀ ଧନୁପାଲି ଅଞ୍ଚଳରେ ଭଡ଼ା ଘରେ ଏକୁଟିଆ ରୁହନ୍ତି । ଏହାର ସୁଯୋଗ ନେଇ ପ୍ରଫୁଲ୍ଲ ବେହେରା ଗତ କାଲି ତାଙ୍କ ଘରେ ପଶି ଅସଦାଚରଣ କରିଥିଲେ ।
କେଦାର ମିଶ୍ର ଗତକାଲି ଭାରତର ଶିଥିଳ ଅର୍ଥବ୍ୟବସ୍ଥା ଲାଗି ଗୋଟେ ଗୁରୁତ୍ୱପୂର୍ଣ୍ଣ ଦିନ ଥିଲା। ଆଜିଯାଏ ଅର୍ଥନୀତିର ଶିଥିଳ ଅବସ୍ଥାକୁ ଅସ୍ଵୀକାର କରି ଆସୁଥିବା କେନ୍ଦ୍ର ସରକାର ପ୍ରଥମଥର ଲାଗି ଶିଥିଳତାକୁ ସ୍ଵୀକାର କରିବା ସହିତ ଏଥିରୁ ମୁକୁଳିବା ଲାଗି କେତୋଟି ବାଟ ବାହାର କରିଛନ୍ତି। ତେବେ ଏ ବାଟ ଅର୍ଥନୈତିକ ଅଭିବୃଦ୍ଧିରେ କେତେ ଦୂର ସହାୟକ ହେବ, ତାକୁ ନେଇ ସନ୍ଦେହ ଆଜି ମଧ୍ୟ ରହିଛି। ଗତକାଲି କର୍ପୋରେଟ ଟିକସକୁ ୩୫% ରୁ ୨୫% କୁ ଖସାଇ ଦିଆଯାଇଛି। ପ୍ରାୟ ୧୦% କର୍ପୋରେଟ ଟିକସ କମିବା ଫଳରେ ସରକାରଙ୍କ ରାଜକୋଷ କୁ ପ୍ରାୟ ୧ ଲକ୍ଷ ୪୫ ହଜାର କୋଟି ଟଙ୍କାର ବିତ୍ତୀୟ ଘାଟା ସହିବାକୁ ପଡିବ। ଏକଥା କହିଲା ବେଳେ ଆମେ ଭୁଲିଯିବା ଉଚିତ ନୁହଁ ଯେ ଆନ୍ତର୍ଜାତିକ ବଜାରରେ ତେଲର ମୂଲ୍ୟବୃଦ୍ଧି ଓ ଆରବ ବଜାରରେ ତେଲ ଯୋଗାଣର ସଙ୍କଟ ଯୋଗୁଁ ମଧ୍ୟ ବିତ୍ତୀୟ ଘାଟା ପ୍ରଭାବିତ…
କଳାହାଣ୍ଡି ଅଧମୁଣ୍ଡା ଆବାସିକ ବିଦ୍ୟାଳୟରେ ଛାତ୍ର ମୃତ୍ୟୁ ଘଟଣାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି ଘଟଣାରେ ହଷ୍ଟେଲ ଓ୍ବାର୍ଡେନ୍ ଓ ପ୍ରଧାନଶିକ୍ଷକଙ୍କୁ ସଦର ଥାନା ପୋଲିସ ଗିରଫ କରିଛି । କଳାହାଣ୍ଡି ଜିଲ୍ଲା ଅଧମୁଣ୍ଡା ଆବାସିକ ବିଦ୍ୟାଳୟର ଜଣେ ଛାତ୍ରଙ୍କର ଭବାନୀପାଟଣାସ୍ଥିତ ମେଡ଼ିକାଲରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଥିଲା । କିନ୍ତୁ ଛାତ୍ର 3 ଦିନ ଧରି ଅସୁସ୍ଥ ଥିଲେ ବି ସ୍କୁଲ କର୍ତ୍ତୃପକ୍ଷଙ୍କ ଅବହେଳାରୁ ଚିକିତ୍ସା ହୋଇପାରି ନଥିବା କାରଣରୁ ତାର ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଥିଲେ । ଏହି ଘଟଣାରେ ତଦନ୍ତ କରାଯାଇ ପ୍ରଧାନଶିକ୍ଷକ ଅଗସ୍ତି ସାହୁ ଓ ଓ୍ବାର୍ଡେନ୍ ନବୀନ ମହାନନ୍ଦଙ୍କୁ ଗିରଫ କରାଯାଇଛି ।
ପୁରୀରେ ଅନ୍ତର୍ଜାତୀୟ ବେଳାଭୂମି ସଫେଇ ଦିବସ ପାଳିତ ହୋଇଯାଇଛି । ଏହି ଅବସରରେ 140 କିମି ବେଳାଭୂମିର ସଫେଇ କରାଯାଇଥିଲା । ଶତାଧିକ ସ୍ବେଚ୍ଛାସେବୀ ଏବଂ ସାଧାରଣ ଲୋକ ନିଜକୁ ଏହି ସଫେଇ କାର୍ଯ୍ୟରେ ନିୟୋଜିତ କରିଛନ୍ତି । ପୁରୀର 18ଟି ଜୋନ୍ରେ ଏହି ସଫେଇ ଅଭିଯାନ ଜୋରସୋରରେ ଚାଲିଛି । ସଫେଇ କାର୍ଯ୍ୟକ୍ରମରେ ଅନେକ ଚଳଚିତ୍ର ତାରକା ଯୋଗ ଦେଇ ସ୍ବେଚ୍ଛାସେବୀଙ୍କୁ ଉତ୍ସାହିତ କରିଛନ୍ତି । ଦେଶରେ ଆସନ୍ତା ଅକ୍ଟୋବର 2ରୁ ପ୍ଲାଷ୍ଟିକ୍ ବ୍ୟବହାର ବନ୍ଦ କରାଯାଉଥିବାରୁ ଏକକ ପ୍ଲାଷ୍ଟିକ ବ୍ୟବହାର ବର୍ଜନ କରିବା ପାଇଁ ସଚେତନ କରାଯାଇଥିଲା ।
ସମୀକ୍ଷା ବ୍ୟୁରୋ କେନ୍ଦ୍ର ସରକାର ଆୟକର ଆଇନ ୧୯୬୧ ଏବଂ ଅର୍ଥ (ସଂଖ୍ୟା ୨) ଆଇନ ୨୦୧୯ରେ କେତେକ ସଂଶୋଧନ ଆଣିବା ଉଦ୍ଦେଶ୍ୟରେ କର ନିର୍ଦ୍ଧାରଣ ଆଇନ (ସଂଶୋଧନ) ଅଧ୍ୟାଦେଶ ୨୦୧୯ ଆଗତ କରିଛନ୍ତି । କେନ୍ଦ୍ର ଅର୍ଥ ଏବଂକର୍ପୋରେଟ ବ୍ୟାପାରମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ଗୋଆରେ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି । ଅର୍ଥମନ୍ତ୍ରୀଏହି ସଂଶୋଧନର ଯେଉଁ ବିଶେଷତ୍ୱ ବିଷୟରେ ସୂଚନା ଦେଇଥିଲେ, ତାହା ହେଲା ୧. ବିକାଶ ଏବଂ ନିବେଶକୁ ପ୍ରୋତ୍ସାହନ ଦେବା ଲାଗି ଆୟକର ଆଇନରେ ଏକ ନୂଆ ବ୍ୟବସ୍ଥା କରାଯାଇଛି । ଏହା ୨୦୧୯-୨୦ ଆର୍ଥିକ ବର୍ଷଠାରୁ ଲାଗୁ ହେବ ।ଏହି ବ୍ୟବସ୍ଥା ଦ୍ୱାରା ଯେ କୌଣସି ଘରୋଇ କମ୍ପାନୀ ୨୨% ହାରରେ ଆୟକର ପରିଶୋଧ କରିବାର ବିକଳ୍ପ ପାଇବେ । ତେବେ କୌଣସି ପ୍ରକାରର ରିହାତି କିମ୍ବା ପ୍ରୋତ୍ସାହନ ଗ୍ରହଣ ନ କରିବାର ସର୍ତରେ ସେମାନଙ୍କୁ ଏହି ସୁବିଧା ମିଳି…
ଆଜି ବାଣପୁରଠାରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ନୂତନ ମୋଟର ଯାନ ଆଇନ୍ ପରେ ପରିବହନ ବିଭାଗ ଓ ପୋଲିସ୍ ପକ୍ଷରୁ ବିଭିନ୍ନ ସ୍ଥାନରେ ଗାଡ଼ି ମୋଟର ଯାଞ୍ଚ କଡ଼ାକଡି କରାଯାଇଥିବା ବେଳେ ଜରିମାନା ମଧ୍ୟ ଆଦାୟ କରାଯାଉଛି । ଏହାକୁ ନେଇ ସାଧାରଣରେ ଅସନ୍ତୋଷ ମଧ୍ୟ ଦେଖାଯିବା ସହିତ ଅନେକ ସ୍ଥାନରେ ଅପ୍ରୀତିକର ପରିସ୍ଥିତ ଘଟୁଥିବାର ନଜରକୁ ଆସୁଛି । ତେବେ ଲୋକମାନଙ୍କୁ ନୂତନ ମୋଟର ଯାନ ଆଇନ୍ ସମ୍ପର୍କରେ ଧାରଣା ଦେବା ସହିତ ସଚେତନତା ସୃଷ୍ଟି କରିବା ଲକ୍ଷ୍ୟରେ ଖୋର୍ଦ୍ଧା ଜିଲ୍ଲା ବାଣପୁର ପୋଲିସ୍ ପକ୍ଷରୁ ବାଣପୁରଠାରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଥାନା ଭାରପ୍ରାପ୍ତ ଅଧିକାରୀ ଶ୍ରୀଯୁକ୍ତ ସଞ୍ଜୟ କୁମାର ପଟ୍ଟନାୟକ , ସବ୍ଇନ୍ସପେକ୍ଟର ଉମାକାନ୍ତ ସାହୁ ଓ ଚିଲିକା ରିପୋର୍ଟର ଆସୋସିଏସନର ସଭାପତି ସୁନୀଲ କୁମାର ସୁବୁଦ୍ଧି , ସମ୍ପାଦକ ଅମିତାଭ ପଟ୍ଟୋଜୋଶୀ , ଉପ-ସଭାପତି ଲକ୍ଷ୍ମୀଧର…
ଆସନ୍ତାକାଲି ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋର ମୁଖ୍ୟ କେ. ଶିବନ ଭୁବନେଶ୍ୱର ଆସୁଛନ୍ତି। ଭୁବନେଶ୍ୱରରେ ଆୟୋଜିତ ଆଇଆଇଟିର ସମାବର୍ତ୍ତନ ଉତ୍ସବରେ ସେ ଯୋଗଦେବାର କାର୍ଯ୍ୟକ୍ରମ ରହିଛି। ଚନ୍ଦ୍ରଯାନ-୨ ମିଶନ୍ ସମୟରେ ସବୁଠାରୁ ଚର୍ଚ୍ଚିତ ନାମ ଥିଲା ଇସ୍ରୋ ମୁଖ୍ୟ କେ. ଶିବନ୍ଙ୍କ ନାମ। ତାମିଲନାଡ଼ୁର ଏହି ରକେଟ ବିଜ୍ଞାନୀ ୨୦୧୮ ମସିହା ଜାନୁଆରୀରେ ଇସ୍ରୋ ମୁଖ୍ୟ ଦାୟିତ୍ୱ ନେଇଥିଲେ। ଲଞ୍ଚ ଭେଇକିଲ୍ ମିଶନ୍ ପିଏସ୍ଏଲ୍ଭି ପ୍ରକଳ୍ପରେ ସେ ବଡ଼ ଭୂମିକା ନିଭାଇଥିଲେ।
ବଲିଉଡ୍ରେ ଟେଲି ଅଭିନେତା ଅଭିନେତ୍ରୀ ମାନେ ନିଜର ଦବଦବା ଜାହିର କରୁଛନ୍ତି । ସୁଶାନ୍ତ ସିଂହ ରାଜପୁତ୍, ମୌନୀ ରାୟ, ଗୌତମ ରୋଡେ, ଅଙ୍କିତା ଲୋଖେଣ୍ଡ ପରି କଳାକାରମାନେ ବଲିଉଡ୍ରେ ଅଭିନୟ କରି ବେଶ୍ ଚର୍ଚ୍ଚାରେ ରହୁଥିବାବେଳେ ଏହି କ୍ରମରେ ଆଉଜଣେ ଟେଲି ଅଭିନେତ୍ରୀ ସାମିଲ୍ ହୋଇଛନ୍ତି । ଟେଲି ଅଭିନେତ୍ରୀ ପଙ୍ଖୁଡି ଅଓ୍ବସ୍ତି ବଲିଉଡ୍ ଅଭିନେତା ଆୟୁଷ୍ମାନଙ୍କ ସହ ନଜର ଆସିବେ । ଏହି ଅଭିନେତ୍ରୀ ଜଣକ ଆୟୁଷ୍ମାନ ଖୁରାନାଙ୍କ ସହିତ ଫିଲ୍ମ ‘ଶୁଭ ମଙ୍ଗଳ ଜ୍ୟାଦା ସାବଧାନ’ ଜରିଆରେ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି। ଫିଲ୍ମରେ ସେ କୁଙ୍କୁମ୍ ଭୂମିକାରେ ନଜର ଆସିବେ। ପ୍ରଥମେ ଆଶିକ୍ ଏବଂ ଏମ୍ ଟିଭିର ‘ଫାନା ସିଜିନ୍ ୨’ରେ ସେ କାମ କରିଥିଲେ। କିନ୍ତୁ ସେ ସିରିୟଲ ‘ରଜିଆ ସୁଲତାନ୍’ରେ ଘରେ ଘରେ ପରିଚିତା ହୋଇଥିଲେ । ନିକଟରେ ଆୟୁଷ୍ମାନଙ୍କ ଅଭିନୀତ ‘ଡ୍ରିମ୍ ଗାର୍ଲ’ ବ୍ୟାବସାୟିକ ସଫଳତା ହାସଲ କରିଛି ।
ସମୀକ୍ଷା ବ୍ୟୁରୋ ଭୁବନେଶ୍ୱର,ତା.୨୦/୦୯: ଆସନ୍ତାକାଲି ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ଜଳଶକ୍ତି ମନ୍ତ୍ରୀ ଗଜେନ୍ଦ୍ର ସିଂହ ଶେଖାୱତ । ଶ୍ରୀ ଶେଖାୱତ ଓଡିଶା ଗସ୍ତରେ ଆସି ଭୁବନେଶ୍ୱର ହୋଟେଲ ନିୟୁ ମ୍ୟାରିଅନଠାରେ ସକାଳ ୧୦.୩୦ରେ ରାଷ୍ଟ୍ରୀୟ ଏକତା ଅଭିଯାନ ଅନ୍ତର୍ଗତ ଏକ ବୁଦ୍ଧିଜୀବୀ ସମ୍ମିଳନୀରେ ଯୋଗଦେବେ। ସେଠାରେ ସେ ଅନୁଛେଦ ୩୭୦ ଓ ୩୫(ଏ) ଉଚ୍ଛେଦ ସଂର୍ପକରେ ଆଲୋଚନା କରିବେ ବୋଲି ରାଜ୍ୟ ବିଜେପି ଗଣମାଧ୍ୟମ ବିଭାଗ ମୁଖ୍ୟ ଓ ମୁଖପାତ୍ର ଶ୍ରୀ ଗୋଲକ ମହାପାତ୍ର ସୂଚନା ଦେଇଛନ୍ତି ।ଜନ ସଂର୍ପକ ଓ ଜନଜାଗରଣ ଯାତ୍ରା ଅବସରରେ ଜାମ୍ମୁ କାଶ୍ମୀରରେ ଅନୁଛେଦ ୩୭୦ ଓ ୩୫ (ଏ) ଉଚ୍ଛେଦ ପରେ କଣ ପରିବର୍ତ୍ତନ ହୋଇଛି ସେ ସଂର୍ପକରେ ମନ୍ତ୍ରୀ ଯୁବପିଢୀ ଓ ବୁଦ୍ଧିଜୀବୀଙ୍କ ସହ ଆଲୋଚନା କରିବେ । ଏହି କାର୍ଯ୍ୟକ୍ରମରେ ରାଜ୍ୟ ବିଜେପି ସଭାପତି ବସନ୍ତ ପଣ୍ଡା, କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ଏବଂ ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା ପ୍ରମୁଖ…
ଢେଙ୍କାନାଳ ଜିଲ୍ଲାପାଳଙ୍କ ଅଫିସ୍ରେ ଲଙ୍କାକାଣ୍ଡ, ଭଙ୍ଗାରୁଜା ଘଟଣାରେ ଆପୋଷ ସମାଧାନ ଉଦ୍ୟମ ଫେଲ୍ ହୋଇଛି । ଜିଲ୍ଲା ପ୍ରଶାସନ ସହ ଓକିଲ ସଂଘର ପ୍ରାରମ୍ଭିକ ଆଲୋଚନା ବିଫଳ ହୋଇଛି । ଏହି ଆଲୋଚନାରେ ଏସ୍ପି, ଅତିରିକ୍ତ ଜିଲ୍ଲାପାଳ, ଉପଜିଲ୍ଲାପାଳଙ୍କ ସହ ଆଲୋଚନା ହୋଇଥିଲା । ଜିଲ୍ଲାପାଳଙ୍କ ନିଃସର୍ତ୍ତ କ୍ଷମା ପ୍ରାର୍ଥନା ଦାବିରେ ଅଡ଼ି ବସିଛନ୍ତି ଓକିଲ । ଆବଶ୍ୟକ ହେଲେ କାର୍ଯ୍ୟବନ୍ଦ ଆନ୍ଦୋଳନ କରିବାକୁ ଓକିଲ ସଂଘ ଧମକ ଦେଇଛି । ଆଲୋଚନା ଦ୍ବାରା ଘଟଣାର ସମାଧାନ ହେବ ବୋଲି କହିଛନ୍ତି ଅତିରିକ୍ତ ଜିଲ୍ଲାପାଳ । ସୂଚନାଯୋଗ୍ୟ, ଜିଲ୍ଲାପାଳ ଦୁର୍ବ୍ୟବହାର କରିଥିବା ଅଭିଯୋଗରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ଶତାଧିକ ଓକିଲଙ୍କ ଭଙ୍ଗାରୁଜା କରିବା ସହିତ ଅତିରିକ୍ତ ଜିଲ୍ଲାପାଳଙ୍କୁ ଠେଲାପେଲା ମଧ୍ୟ କରିଥିଲେ ।