ବିଭିନ୍ନ ଆତଙ୍କୀ ସଙ୍ଗଠନରେ ଯୋଗ ଦେଇଥିବା ୫କାଶ୍ମୀର ଯୁବକ ଆତ୍ମ ସମର୍ପଣ କରିଛନ୍ତି। ସୁରକ୍ଷା ଦୃଷ୍ଟିକୋଣରୁ ପୋଲିସ୍ ପକ୍ଷରୁ ଆତ୍ମସମର୍ପଣକାରୀଙ୍କ ନାମ ଗୋପନ ରଖାଯାଇଛି। ଆତ୍ମସମର୍ପଣ ପରେ ଉକ୍ତ ଯୁବକମାନେ ନିଜ ନିଜ ଘରକୁ ଫେରି ଯାଇଥିବା ନେଇ ପୋଲିସ ସୂଚନା ଦେଇଛି। ଜମ୍ମୁ କାଶ୍ମୀରର କୁଲଗାମ ଥାନାରେ ଏହି ଯୁବକ ମାନେ ଆତ୍ମସମର୍ପଣ କରିଥିବା ଜଣାପଡିଛି। ୨୦୧୭ ରେ ମଧ୍ୟ କାଶ୍ମୀର ଉପତ୍ୟାକାରେ ୧୫ରୁ ଅଧିକ ଆତଙ୍କବାଦୀ ଆତ୍ମସମର୍ପଣ କରିବା ସହିତ ଅସ୍ତ୍ର ଶସ୍ତ୍ର ପରିତ୍ୟାଗ କରି ନିଜ ପରିବାର ନିକଟକୁ ଫେରିଥିଲେ। ଏପରିକି କିଛି ଆତଙ୍କୀ ସୁରକ୍ଷାବଳଙ୍କ ସହିତ ଏନ୍କାଉଣ୍ଟର ସମୟରେ ମଧ୍ୟ ଆତ୍ମସମର୍ପଣ କରିଥିଲେ।
Author: Samikhsya Bureau
ବରିଷ୍ଠ ବିଜେଡି ନେତା ସୂର୍ଯ୍ୟ ନାରାୟଣ ପାତ୍ର ଆଜି ବିଧାନସଭାର ୨୨ତମ ବାଚସ୍ପତି ଭାବେ ନିର୍ବାଚିତ ହୋଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ନାମ ପ୍ରସ୍ତାବ କରିଥିଲେ। ମୁଖ୍ୟମନ୍ତ୍ରୀଙ୍କ ପ୍ରସ୍ତାବକୁ ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ ଆରୁଖ ସମର୍ଥନ କରିଥିଲେ। ତା’ପରେ ବାଚନିକ ଭୋଟ୍ରେ ତାଙ୍କୁ ବାଚସ୍ପତି ଭାବେ ନିର୍ବାଚିତ କରାଯାଇଥିଲା। ତେବେ ବାଚସ୍ପତି ନିର୍ବାଚନ ବେଳେ ବିଜେପି ସଦସ୍ୟମାନେ ଗୃହରେ ଅନୁପସ୍ଥିତ ଥିଲେ। ସୂର୍ଯ୍ୟ ନାରାୟଣ ପାତ୍ର ବିଧାନସଭାକୁ ମୋଟ ୭ଥର ନିର୍ବାଚିତ ହୋଇଛନ୍ତି । ଚଳିତ ଥର ଦିଗପହଣ୍ଡିରୁ ନିର୍ବାଚନ ଲଢ଼ିଥିଲେ। ସେ ବିଜୁବାବୁ ଓ ନବୀନ ପଟ୍ଟନାୟକଙ୍କ ମନ୍ତ୍ରିମଣ୍ଡଳରେ ଅନେକ ଥର ମନ୍ତ୍ରୀ ମଧ୍ୟ ରହି ଥିଲେ। ସେ ଗଂଜାମ ଜିଲ୍ଲାର ଜଣେ ଟାଣୁଆ ନେତା ଭାବେ ବେଶ୍ ପରିଚିତ।
ଶନିବାର ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀ କଂଗ୍ରେସ ସଂସଦୀୟ ଦଳର ଅଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି । କଂଗ୍ରେସ ଦଳର ସମସ୍ତ ଲୋକସଭା ଏବଂ ରାଜ୍ୟସଭା ସଦସ୍ୟଙ୍କ ଉପସ୍ଥିତିରେ ଏହି ବୈଠକ ଅନୁଷ୍ଠିତ ହୋଇଥିଲା । ସଭାରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ସୋନିଆ ଗାନ୍ଧୀଙ୍କ ନାମ ସୁପାରିଶ କରିଥିଲେ । ସଂସଦର କେନ୍ଦ୍ରୀୟ ହଲ୍ରେ ଏହି ବୈଠକ ଅନୁଷ୍ଠିତ ହୋଇଥିଲା ଏବଂ ସୋନିଆ ନିର୍ବାଚିତ ହୋଇଥିଲେ ବୋଲି ଦଳର ମିଡିଆ ମୁଖ ପାତ୍ର ରଣଦୀପ ସୁର୍ଜେଓ୍ବାଲା ପ୍ରକାଶ କରିଛନ୍ତି । ନିର୍ବାଚିତ ହେବା ପରେ ଏଆଇସିସି ଉପରେ ଆସ୍ଥା ପ୍ରକଟ କରିଥିବା 12.13 କୋଟି ଭୋଟରଙ୍କୁ ଧନ୍ୟବାଦ ଜଣାଇଥିଲେ ସୋନିଆ ଗାନ୍ଧୀ । ଜାତି ଧର୍ମ ନିର୍ବିଶେଷରେ ସମସ୍ତ ଭୋଟରଙ୍କୁ ଦେଶ ପାଇଁ କାର୍ଯ୍ୟ କରିବାକୁ ଆହ୍ବାନ ଜଣାଇଥିଲେ କଂଗ୍ରେସ ସଭାପତି ରାହୁଲ ଗାନ୍ଧୀ । ଆସନ୍ତା ଜୁନ୍ 17 ତାରିଖରେ ସଂସଦ ଅଧିବେଶନ ପୂର୍ବରୁ କଂଗ୍ରେସର ବୈଠକ ବସିବ…
ଚଳିତ ବିଶ୍ବକପ୍ର ଅଷ୍ଟ୍ରେଲିଆ ବିପକ୍ଷରୁ ଅଭିଯାନ କରିବ ଗୁଲ୍ବଦିନ୍ ନାଇବ୍ଙ୍କ ଆଫଗାନିସ୍ତାନ। ଡିଫେଣ୍ଡିଂ ଚାମ୍ପିୟନ୍ ଅଷ୍ଟ୍ରେଲିଆ ବିପକ୍ଷରୁ ଅଭିଯାନ ଆରମ୍ଭ କରିବ ଶେଷ ସ୍ଥାନରେ ରହିଥିବା ଆଫଗାନିସ୍ତାନ। ସର୍ବଦା ବିପର୍ଯ୍ୟୟ ସୃଷ୍ଟି ପାଇଁ ପ୍ରସିଦ୍ଧ ଆଫଗାନ ଦଳ ଆରୋନ ଫିଞ୍ଚଙ୍କ ଅଷ୍ଟ୍ରେଲିଆକୁ କଡା ଟକ୍କର ଦେବ ବୋଲି ଆଶା କରାଯାଉଛି। ବ୍ରିଷ୍ଟଲର କାଉଣ୍ଟି ଗ୍ରାଉଣ୍ଡରେ ଅନୁଷ୍ଠିତ ହେବାକୁ ଥିବା ମ୍ୟାଚ୍ ଶନିବାର ଅପରାହ୍ନ 2.30ରେ ଖେଳାଯିବ। ସ୍ମିଥ୍ ଏବଂ ଓ୍ବାର୍ଣ୍ଣରଙ୍କ ପ୍ରତ୍ୟାବର୍ତ୍ତନ ପରେ ଅଷ୍ଟ୍ରେଲିଆ ଅତ୍ୟନ୍ତ ଶକ୍ତିଶାଳୀ ତଥା ଟୁର୍ଣ୍ଣାମେଣ୍ଟର ଅନ୍ୟତମ ଫେବ୍ରିଟ୍ ଦଳ ରହିଥିଲେ ମଧ୍ୟ ବିପର୍ଯ୍ୟୟ ସୃଷ୍ଟି କରି ପାରିବ ଆଫଗାନିସ୍ତାନ। ଅଷ୍ଟ୍ରେଲିଆ ଓପ୍ନର ଡେଭିଡ୍ ଓ୍ବାର୍ଣ୍ଣର ଜଙ୍ଘରେ ଆଘାତ ଯୋଗୁଁ ଏହି ମ୍ୟାଚ୍ରେ ଓପନ୍ ନ କରିବାର ସମ୍ଭାବନା ରହିଛି। ଆଫଗାନିସ୍ତାନ ନିଜର ଅଭ୍ୟାସ ମ୍ୟାଚ୍ରେ ପାକିସ୍ତାନକୁ ପରାସ୍ତ କରିଥିବା ବେଳେ ଇଂଲଣ୍ଡ ନିକଟରୁ ପରାଜିତ ହୋଇଥିଲା। ରଶିଦ୍ ଖାନ୍ ଏବଂ ଗୁଲବଦିନ୍ ନାଇବଙ୍କ ପ୍ରଦର୍ଶନ ଉପରେ…
ଭାରତ ସହିତ ରହିଥିବା ବାଣିଜ୍ୟ ଅଗ୍ରାଧିକାର ଚୁକ୍ତି ଶେଷ କରିବ ଆମେରିକା। ଜୁନ୍ 5ରେ ଏହି ଚୁକ୍ତିର ସମୟସୀମା ଶେଷ ହୋଇଥିବା ବେଳେ ଏହି ଚୁକ୍ତିକୁ ଶେଷ କରିବା ନେଇ ସୂଚନା ଦେଇଛନ୍ତି ଟ୍ରମ୍ପ। ହ୍ବାଇଟ୍ ହାଉସ୍ ପକ୍ଷରୁ ପ୍ରାପ୍ତ ସୂଚନା ଅନୁଯାୟୀ ଦୁଇ ରାଷ୍ଟ୍ର ମଧ୍ୟରେ ହୋଇଥିବା ବାଣିଜ୍ୟିକ ଚୁକ୍ତି 1974କୁ ଆସନ୍ତା ଜୁନ୍ 5, 2019ରେ ଶେଷ ହେବାକୁ ଯାଉଛି। ଆମେରିକୀୟ ବଜାରକୁ ପ୍ରାଧାନ୍ୟ ଦେବା ପାଇଁ ଭାରତ ପରି ଏକ ବିକାଶଶୀଳ ରାଷ୍ଟ୍ର ସହିତ ସମ୍ପର୍କ ଛିନ୍ନ କରାଯାଉଛି ବୋଲି ଟ୍ରମ୍ପ କହିଛନ୍ତି। ମାର୍ଚ୍ଚ ପ୍ରାରମ୍ଭରେ ଆମେରିକୀୟ ବାଣିଜ୍ୟିକ ଦଳ (ୟୁଏସ୍ଟିଅର୍) ଭାରତ ଏବଂ ତୁର୍କୀ ପରି ବିକାଶଶୀଳ ରାଷ୍ଟ୍ର ସହ ଏହି ବାଣିଜ୍ୟିକ ଚୁକ୍ତି ଶେଷ କରିବା ପାଇଁ ଘୋଷଣା କରିଥିଲା। ନଭେମ୍ବର 1975ରେ ଉଭୟ ରାଷ୍ଟ୍ର ମଧ୍ୟରେ ଏହି ଚୁକ୍ତି ସ୍ବାକ୍ଷରିତ ହୋଇଥିଲା। 2017ରେ ଉଭୟ ରାଷ୍ଟ୍ର ମଧ୍ୟରେ 5.6 ବିଲିୟନ୍ ଡଲାରର ଆୟକର…
ଗଙ୍ଗା ନଦୀକୁ ବାରମ୍ବାର ପ୍ରଦୂଷିତ କରୁଥିବାରୁ ତିନୋଟି ରାଜ୍ୟକୁ ୨୫ ଲକ୍ଷ ଟଙ୍କାର ଜରିମାନା ପ୍ରଦାନ କରିଛନ୍ତି ଜାତୀୟ ଗ୍ରୀନ ଟ୍ରିବ୍ୟୁନାଲ (ଏନ୍ଜିଟି)। ବିହାର, ଝାଡ଼ଖଣ୍ଡ ଏବଂ ପଶ୍ଚିମବଙ୍ଗ ଉପରେ ଜାତୀୟ ଗ୍ରୀନ୍ ଟ୍ରିବ୍ୟୁନାଲ(ଏନଜିଟି) ଅସନ୍ତୋଷ ପ୍ରକାଶ କରିବା ସହିତ ଏହି ୩ଟି ରାଜ୍ୟକୁ ୨୫ ଲକ୍ଷ ଟଙ୍କା ଲେଖାଏ ଜରିମାନା ଲାଗୁ କରିଛନ୍ତି। ରାଜ୍ୟଗୁଡ଼ିକ ଦୂଷିତ ପାଣିକୁ ସ୍ବଚ୍ଛ ନ କରି ସିଧାସଳଖ ଗଙ୍ଗାକୁ ଛାଡ଼ୁଥିବାରୁ ନଦୀର ଦଳ ଦୂଷିତ ହେଉଛି। ତେଣୁ ଏନଜିଟି ଉପରୋକ୍ତ ୩ ରାଜ୍ୟକୁ ସିୱେଜ ପ୍ରକଳ୍ପ ନିର୍ମାଣ କରିବାକୁ ନିର୍ଦେଶ ଦେଇଥିଲେ ମଧ୍ୟ କୌଣସି ରାଜ୍ୟ ତାହାକୁ ପାଳନ କରିନାହାନ୍ତି। ବିହାର ବର୍ତ୍ତମାନ ସୁଦ୍ଧା ଗୋଟିଏ ହେଲେ ସିୱେଜ ପ୍ରକଳ୍ପ ଶେଷ କରି ନ ଥିବାବେଳେ ପଶ୍ଚିମବଙ୍ଗା ୨୨ରୁ ୩ଟି ପ୍ରକଳ୍ପ ସମ୍ପୂର୍ଣ୍ଣ କରିଛି। ଝାଡ଼ଖଣ୍ଡ ବି ଆବଶ୍ୟକ ସଂଖ୍ୟକ ସିୱେଜ ପ୍ରକଳ୍ପ କରିବାରେ ବିଫଳ ହୋଇଛି। ଏ ନେଇ ଏନଜିଟି ୩ ରାଜ୍ୟକୁ…
ଆମେରିକାର ଭର୍ଜିନିଆ ବିଚ୍ର ଏକ ମୁନିସିପାଲିଟି କାର୍ଯ୍ୟାଳୟରେ ଗୁଳିମାଡରେ ୧୨ ଜଣ ନିହତ ହୋଇଛନ୍ତି। ଜଣେ କର୍ମଚାରୀ ଆଖିବୁଜା ଗୁଳିମାଡ଼ କରି ନିଜର ୧୨ ଜଣ ସହକର୍ମୀଙ୍କୁ ହତ୍ୟା କରିଛନ୍ତି। ଏହି ଗୁଳିମାଡ଼ରେ ଅନ୍ୟ ୬ ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ଜଣେ ପୁଲିସ କର୍ମଚାରୀ ରହିଛନ୍ତି। ପୁଲିସ ପକ୍ଷରୁ ପାଲଟା ଗୁଳି ଚାଳନାରେ ସମ୍ପୃକ୍ତ କର୍ମଚାରୀଙ୍କର ମୃତ୍ୟୁ ଘଟିଛି। ଶୁକ୍ରବାର ଅପରାହ୍ନରେ ଭର୍ଜିନିଆ ମ୍ୟୁନିସିପାଲ ସେଣ୍ଟରରେ ଏହି ଘଟଣା ଘଟିଛି। ଏହି କର୍ମଚାରୀ ଜଣକ ଏକ ପିସ୍ତଲରେ ସାଇଲେନ୍ସର ଲଗାଇ ଏହି ଆକ୍ରମଣ କରିଥିଲେ। ଗୁଳିମାଡ଼ ସମୟରେ କର୍ମଚାରୀଙ୍କ ମଧ୍ୟରେ ଭୟର ବାତାବରଣ ଖେଳିଯାଇଥିଲା। ଶୁକ୍ରବାର ଅପରାହ୍ନରେ ସେ ଅଫିସରେ କାର୍ଯ୍ୟ କରୁଥିବାବେଳେ ହଠାତ ବନ୍ଧୁକ ବାହାର କରି ଗୁଳି ଚଳାଇଥିଲେ।
କେଦାର ମିଶ୍ର ସେ ଯେ ଆଜି ରାଜନୀତିକୁ ଆସିଲେ, ସେୟା ନୁହଁ। ଗତ କୋଡିଏ ବର୍ଷ ଧରି ଓଡିଶାର ରାଜନୈତିକ ଜୀବନରେ ତାଙ୍କର ଚଳ ପ୍ରଚଳ ରହିଛି। ତାଙ୍କୁ ଅନେକ ସମୟରେ ଜଣେ ଉଗ୍ରବାଦୀ ଧାର୍ମିକ ନେତା ଭାବରେ ଆମେ ଟେଲିଭିଜନ ପରଦାରେ ଯୁକ୍ତି ତର୍କ କରୁଥିବାର ଦେଖିଛୁ। ଭୋପାଳରୁ ଜିତିଥିବା ଲୋକସଭା ସାଂସଦ ପ୍ରଜ୍ଞା ସିଂ କହିବାର ବହୁ ଆଗରୁ, ସେ ଗାନ୍ଧୀଙ୍କ ହତ୍ୟାକାରୀକୁ ଜଣେ ଦେଶଭକ୍ତ ବୋଲି କହିବାର ଆମେ ଶୁଣିଛୁ। ବ୍ୟକ୍ତିଗତ ଭାବରେ ତାଙ୍କ ସହିତ ଅନେକ ଟିଭି ବିତର୍କରେ ମୁଁ ତାଙ୍କର ପ୍ରତିପକ୍ଷ ହୋଇ ଛିଡା ହୋଇଛି। ସାଧାସିଧା ଲାଗୁଥିବା ଏ ବ୍ୟକ୍ତି ଜଣକ ୨୦ ବର୍ଷ ଧରି ଆମ ରାଜନୀତିରେ ଥିଲେ ବି, କାଇଁ ତାଙ୍କୁ ତ କେବେ ଆମେ ସନ୍ଥ କି ମହାପୁରୁଷ ବୋଲି କହୁନଥିଲୁ। ଏପରିକି ଏଥର ନିର୍ବାଚନ ଲଢିବା ବେଳେ ମଧ୍ୟ ସେ ଅନ୍ୟ ସାଧାରଣ ବିଜେପି ପ୍ରାର୍ଥୀଙ୍କ ପରି…
ସମୀକ୍ଷା ବ୍ୟୁରୋ ଗତକାଲି ନରେନ୍ଦ୍ର ମୋଦୀ ଏବଂ ତାଙ୍କ ମନ୍ତ୍ରିମଣ୍ଡଳ ଶପଥ ଗ୍ରହଣ କରିବା ପରେ ମୋଦୀ କ୍ୟାବିନେଟର ପ୍ରଥମ ବୈଠକ ଆଜି ଅନୁଷ୍ଠିତ ହୋଇଯାଇଛି। ଏହି ବୈଠକରେ ପ୍ରଥମ ଉପହାର ସହିଦ ପରିବାରଙ୍କୁ ଦେଇଛନ୍ତି। ସହିଦ ପରିବାରଙ୍କ ପାଇଁ ‘ପିଏମ ଛାତ୍ରବୃତ୍ତି’ର ସହାୟତା ରାଶି ବୃଦ୍ଧି କରାଯାଇଛି। ସହିଦଙ୍କ ପରିବାରର ପୁଅଙ୍କ ପାଇଁ ପୂର୍ବରୁ ରଖାଯାଇଥିବା ଛାତ୍ରବୃତ୍ତି ରାଶିକୁ ୨୦୦୦ଟଙ୍କାରୁ ୨୫୦୦ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇଛି। ଏବଂ ଝିଅଙ୍କ ପାଇଁ ବୃତ୍ତି ରାଶି ପରିମାଣ ୨୨୫୦ଟଙ୍କାରୁ ୩୦୦୦ଟଙ୍କା ପର୍ଯ୍ୟନ୍ତ ବୃଦ୍ଧି କରାଯାଇଛି। ପ୍ରଧାନମନ୍ତ୍ରୀ ମୋଦୀ ନିଜ ଟ୍ବିଟର ମାଧ୍ୟମରେ ମଧ୍ୟ ଏହା ସୂଚନା ଦେଇଛନ୍ତି। ସେହିପରି କ୍ୟାବିନେଟର ଦ୍ଵିତୀୟ ବଡ ଘୋଷଣା କୃଷକ ପରିବାରଙ୍କ ପାଇଁ କରାଯାଇଛି। ପୂର୍ବରୁ କୃଷକଙ୍କ ପାଇଁ କରାଯାଇଥିବା ‘ପିଏମ କିଷାନ ସମ୍ମାନ ଯୋଜନା’ରେ ହିତାଧିକାରୀଙ୍କ ସଂଖ୍ୟାକୁ ବୃଦ୍ଧି କରାଯାଇଛି। ଏହି ଯୋଜନାରେ ଏଥର ଭୂମିହୀନ କୃଷକମାନଙ୍କୁ ମଧ୍ୟ ସାମିଲ କରାଯାଇଛି। ତେଣୁ ଏହା ଦ୍ଵାରା…
ବିଧାନସଭା ବାଚସ୍ପତି ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇଛି। ବାଚସ୍ପତି ନିର୍ବାଚନ ପାଇଁ ବିଧାସଭା ସଚିବ ଏକ ନୋଟିସ ଜାରି କରିଛନ୍ତି। ଶନିବାର ଦିନ ୧୧ଟା ବେଳେ ବିଧାନସଭା ଅଧିବେଶନରେ ବାଚସ୍ପତି ନିର୍ବାଚନ ହେବ। ବାଚସ୍ପତି ଭାବେ ସୂର୍ଯ୍ୟ ନାରାୟଣ ପାତ୍ରଙ୍କ ନାମ ମୁଖ୍ୟମନ୍ତ୍ରୀ ସୁପାରିଶ କରିଛନ୍ତି। ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ ଆରୁଖ ଏନେଇ ସୂଚନା ଦେଇଛନ୍ତି। ପଞ୍ଚମଥର ପାଇଁ ରାଜ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ଥରେ ଶାସନ କ୍ଷମତାକୁ ହାତେଇଛନ୍ତି। ବୁଧବାର ଦିନ ମୁଖ୍ୟମନ୍ତ୍ରୀ ଏବଂ ତାଙ୍କ ୨୦ ଜଣିଆ ଟିମ୍ ଶପଥ ଗ୍ରହଣ କରିଥିଲେ। ଗତକାଲି ୧୦୬ ବିଧାୟକ ଶପଥ ଗ୍ରହଣ କରିଥିବାବେଳେ ଆଜି ୩୫ଜଣ ବିଧାୟକ ଶପଥ ଗ୍ରହଣ କରିଛନ୍ତି।ଏହି ବିଧାୟକଙ୍କୁ କାମଚଳା ବାଚସ୍ପତି ଅମର ଶତପଥୀ ଶପଥ ଗ୍ରହଣ କରାଇଥିଲେ।
ଆଜି ମୋଦି କ୍ୟାବିନେଟ୍ର ପ୍ରଥମ ବୈଠକ ଅନୁଷ୍ଠିତ ହେଉଛି। ଗତକାଲି ମୋଦି ଦ୍ବିତୀୟଥର ପାଇଁ ଦେଶର ପ୍ରଧାନମନ୍ତ୍ରୀ ଭାବେ ଶପଥ ନେଇଥିବାବେଳେ ଆଜି କ୍ୟାବିନେଟ୍ ବୈଠକ କରାଯାଇଛି। ମୋଦିଙ୍କ ସହ ୫୭ ମନ୍ତ୍ରୀମାନେ ମଧ୍ୟ ଶପଥ ଗ୍ରହଣ କରିଥିଲେ। ଆଜି ପ୍ରତ୍ୟେକ ମନ୍ତ୍ରୀଙ୍କୁ ସେମାନଙ୍କ ବିଭାଗ ଆବଣ୍ଟନ କରାଯାଇଥିଲା। ସମସ୍ତ ମନ୍ତ୍ରୀମାନେ ନିଜ ନିଜ ଦାୟିତ୍ବକୁ ସମ୍ଭାଳିଥିବାବେଳେ ଆଜି ସନ୍ଧ୍ୟା ୫ ଘଟିକାର ସମୟରେ ନରେନ୍ଦ୍ର ମୋଦିଙ୍କ ଦ୍ବିତୀୟ ସରକାରରେ ପ୍ରଥମ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ସମସ୍ତ କ୍ୟାବିନେଟ୍ ମନ୍ତ୍ରୀ ଯୋଗ ଦେଇଛନ୍ତି। ମୋଦି ସରକାର ପିଏମ୍ ଛାତ୍ରବୃତ୍ତିରେ ପରିବତ୍ତର୍ନ କରିଛନ୍ତି। ଶହୀଦଙ୍କ ପିଲାଙ୍କ ପାଇଁ କରାଯାଇଥିବା ଛାତ୍ରବୃତ୍ତି ଯୋଜନାରେ ପୁଅଙ୍କ ପାଇଁ ୨୦୦୦ରୁ ୨୫୦୦ ଓ ଝିଅଙ୍କ ପାଇଁ ୨୨୫୦ରୁ ୩୦୦୦ଟଙ୍କାକୁ ବୃଦ୍ଧି କରାଯାଇଛି। ଏଥିରେ ସେନା, ଅର୍ଦ୍ଧ ସାମରିକ ସହ ରାଜ୍ୟ ପୁଲିସ୍ଙ୍କ ପରିବାରର ପିଲାମାନଙ୍କୁ ଫାଇଦା ମିଳିବ ।
ଲୋକସଭା ନିର୍ବାଚନରେ ବିଜେପିର ଅଦ୍ଭୁଦପୂର୍ବ ସଫଳତା ପରେ ପ୍ରାୟ ସମସ୍ତ ଆଞ୍ଚଳିକ ଦଳକୁ ଝଟ୍କା ଲାଗିଛି। ସବୁଠୁ ବେଶୀ ଚିନ୍ତିତ ଅଛନ୍ତି ପଶ୍ଚିମବଙ୍ଗର ଟିଏମ୍ସି ସୁପ୍ରିମୋ ମମତା ବାନାର୍ଜୀ। ତେବେ ମମତା ବାନାର୍ଜୀ ଏବେ ‘ଜୟଶ୍ରୀରାମ’ ନାରାରେ ଉତ୍କ୍ଷିପ୍ତ ହୋଇପଡିଛନ୍ତି। ପଶ୍ଚିମବଙ୍ଗରେ ‘ଜୟଶ୍ରୀରାମ’ ନାରାଧାରୀଙ୍କ ମଧ୍ୟରୁ ୧୦ଜଣଙ୍କୁ ପୋଲିସ୍ ଗିରଫ କରିଛି। ଗୁରୁବାର ଦିନ ମମତା ବାନାର୍ଜୀ ନିଜ ଗାଡ଼ିରେ ୨୪ ପ୍ରଗଣା ଯାଉଥିବାବେଳେ କିଛି ଲୋକ ଜୟ ଶ୍ରୀରାମ ନାରା ଦେଇଥିଲେ। ଏହା ପରେ ମମତା ବାନାର୍ଜୀ ଗାଡ଼ି ଅଟକାଇ ଉପସ୍ଥିତ ଲୋକଙ୍କୁ ଗାଳି ଗୁଲଜ କରିଥିଲେ। ଯାହାର ଏକ ଭିଡ଼ିଓ ସୋସିଆଲ ମିଡ଼ିଆରେ ଘୂରିବୁଲୁଥିଲା। ମମତା ବାନାର୍ଜୀ ଏହାକୁ ରାଜନୈତିକ ନାରାର ଆଖ୍ୟା ଦେଇଛନ୍ତି। ଯେଉଁମାନେ ଏହି ନାରା ଦେଉଛନ୍ତି ସେମାନେ ସ୍ଥାନୀୟ ଲୋକ ନୁହଁନ୍ତି ବରଂ ତାଙ୍କୁ ବିଜେପି ଏଠାକୁ ପଠାଇଛି ବୋଲି ଦିଦି କହିଛନ୍ତି। ଏହା ଗୁଜୁରାଟ ନୁହେଁ ପଶ୍ଚିମ ବଙ୍ଗ। ଯେଉଁମାନେ ଏହି ନାରା…
କାବୁଲ୍ରେ ଏକ ଆତ୍ମଘାତୀ କାର୍ ବିସ୍ଫୋରଣରେ ୭ ଜଣ ବ୍ୟକ୍ତିଙ୍କ ପ୍ରାଣହାନି ଘଟିଛି। ଶୁକ୍ରବାର ସକାଳେ କାବୁଲର ପୂର୍ବୀୟ ଇଲାକାରେ ଏହି ବିସ୍ଫୋରଣ ଘଟିଥିବା ବେଳେ ଆହତଙ୍କ ସଂଖ୍ୟା ଜଣା ପଡିନାହିଁ। ବିସ୍ଫୋରଣର ପ୍ରଭାବ ଅତ୍ୟନ୍ତ ଗୁରୁତର ରହିଥିବାରୁ ଆହତଙ୍କ ସଂଖ୍ୟା ପ୍ରକାଶ କରି ହେବ ନାହିଁ ବୋଲି କାବୁଲ ପୋଲିସ୍ ମୁଖ୍ୟ ଫିରଦୌସ୍ ଫାରାମାଜ୍ ପ୍ରକାଶ କରିଛନ୍ତି। ଆମେରିକା ଏବଂ ନାଟୋର ସେନା ବାହିନୀ ରହିଥିବା ଅଞ୍ଚଳ ନିକଟରେ ଏହି ବିସ୍ଫୋରଣ ଘଟିଥିଲା। କୌଣସି ଆତଙ୍କୀ ସଙ୍ଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରି ନାହାନ୍ତି। ଗୁରୁବାର ମଧ୍ୟ ସମାନ ବିସ୍ଫୋରଣରେ ୬ ଜଣ ପ୍ରାଣ ହରାଇଥିଲେ।
ଭାରତୀୟ ପଳାତକ ଗହଣା ବ୍ୟବସାୟୀ ନୀରବ ମୋଦି ଜାମିନ ଆବେଦନ ପାଇଁ ୟୁକେର କୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ବିଭିନ୍ନ ଭାରତୀୟ ବ୍ୟାଙ୍କରୁ ୧୩୦୦ କୋଟିର ଅର୍ଥ ନେଇ ବିଦେଶ ପଳାୟନ କରିଥିଲେ ମୋଦି। ଗତକାଲି ନୀରବ ମୋଦିଙ୍କ ଜାମିନ ଆବେଦନ ଖାରଜ ହେବା ପରେ ଆଜି ପୁନର୍ବାର ଏନେଇ ଆବେଦନ କରିଛନ୍ତି। ନୀରବ ମୋଦିଙ୍କ ମାମଲାର ଶୁଣାଣି ଆସନ୍ତା ଜୁନ୍ ୧୧ ତାରିଖରେ ହେବାକୁ ଯାଉଛି। ଗୁରୁବାର ୟୁକେର ଏକ କୋର୍ଟ ମୋଦିଙ୍କ ଜାମିନ ଆବେଦନ ଖାରଜ କରିବା ସହିତ ଜୁନ୍ ୨୭ ପର୍ଯ୍ୟନ୍ତ ରିମାଣ୍ଡରେ ରଖିବାକୁ ନିର୍ଦ୍ଦେଶ ଦେଇଥିଲେ। ଏହା ସହିତ ଭାରତ ସରକାରଙ୍କୁ ୧୪ ଦିନ ମଧ୍ୟରେ ପ୍ରତ୍ୟର୍ପଣ ହେବାକୁ ଥିବା ବ୍ୟକ୍ତିଙ୍କ ସମ୍ପୂର୍ଣ୍ଣ ସୂଚନା ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି।
ଜେଲ୍ରେ ରହିଥିବା କଏଦୀମାନେ ସେମାନଙ୍କ ପରିବାରକୁ ଭେଟିବାରେ ଅକ୍ଷମ ହେବା ପରେ ଏନେଇ ରିପୋର୍ଟ ତଲବ କରିଛନ୍ତି ଦିଲ୍ଲୀ ହାଇ କୋର୍ଟ। ସାମାଜିକ କର୍ମୀ ଅମିତ ଶାହଣୀଙ୍କ ପକ୍ଷରୁ ଦାୟର କରାଯାଇଥିବା ଏକ ଯାଚିକାର ବିଚାର କରି ଉଚ୍ଚ ନ୍ୟାୟାଳୟଙ୍କ ଏକ ଖଣ୍ଡପୀଠ ଏହି ନିଷ୍ପତ୍ତି ନେଇଛନ୍ତି। ଦିଲ୍ଲୀ ହାଇକୋର୍ଟର ମୁଖ୍ୟ ବିଚାରପତି ରାଜେନ୍ଦ୍ର ମେନନ ଏବଂ ଜଷ୍ଟିସ୍ ବ୍ରିଜେଶ୍ ସେଠୀଙ୍କ ଖଣ୍ଡପୀଠ ଏହି ନିଷ୍ପତ୍ତି ନେଇଛନ୍ତି। ଏନେଇ ଦିଲ୍ଲୀ ସରକାର ଏବଂ ଜେଲ ବିଭାଗର ଡିଜିପିଙ୍କୁ ୪ ସପ୍ତାହ ମଧ୍ୟରେ ଉତ୍ତର ରଖିବାକୁ ନିର୍ଦ୍ଦେଶ ଦେଇଛନ୍ତି। ଅଗଷ୍ଟ ୨ତାରିଖରେ ଏହି ମାମଲାର ପରବର୍ତ୍ତୀ ଶୁଣାଣି ପାଇଁ ତାରିଖ ଧାର୍ଯ୍ୟ କରିଛନ୍ତି କୋର୍ଟ।
ଦିଲ୍ଲୀର ଉଚ୍ଚ ନ୍ୟାୟଳୟ ଶୁକ୍ରବାର ଦିନ ପୂର୍ବତନ ସିବିଆଇ ନିର୍ଦ୍ଦେଶକ ରାକେଶ ଆସ୍ଥାନା ଲାଞ୍ଚ ମାମଲାର ଯାଞ୍ଚ ପାଇଁ ସିବିଆଇକୁ ଆଉ ଚାରିମାସ ସମୟ ଦେଇଛନ୍ତି। ଜାନୁଆରୀରେ ଅଦାଲତ ସିବିଆଇକୁ ୧୦ ସପ୍ତାହ ଭିତରେ ଏହି ମାମଲାର ଯାଞ୍ଚ ପୂରା କରିବାକୁ ନିର୍ଦ୍ଦେଶ ଦେଇଥିଲେ। ପୂର୍ବତନ ସିବିଆଇ ନିର୍ଦ୍ଦେଶକ ରାକେଶ ଆସ୍ଥାନଙ୍କ ଉପରେ ଥିବା ଲାଞ୍ଚ ଅଭିଯୋଗ ମାମଲାର ଯାଞ୍ଚ ତଥା ଚୂଡ଼ାନ୍ତ ରିପୋର୍ଟ ପାଇଁ ସିବିଆଇ ଅଧିକ ସମୟ କୋର୍ଟକୁ ମାଗିଥିଲେ। ଯାହାକୁ କୋର୍ଟ ଗ୍ରହଣ କରିଛନ୍ତି। ଏହାପୂର୍ବରୁ ଅଦାଲତ ଆସ୍ଥାନା, କୁମାର ଓ ମନୋଜ କୁମାର ପ୍ରସାଦଙ୍କ ଜବରଦସ୍ତ ଆଦାୟ ତଥା ସତୀଶ ବାବୁ ସନାଙ୍କୁ ଧମକ ଦେବା ଅଭିଯୋଗକୁ ରଦ୍ଦ ଯାଚିକାକୁ ଖାରଜ କରିଦେଇଥିଲେ।
ତେଲୁଗୁ ଏବଂ ତାମିଲ ଭାଷାରେ ରିଲିଜ୍ ହୋଇଛି ଅଭିନେତା ସୂର୍ଯ୍ୟାଙ୍କ ବହୁ ପ୍ରତୀକ୍ଷିତ ଫିଲ୍ମ ନନ୍ଦ ଗୋପାଳନ୍ କୁମାରନ୍ (ଏନ୍ଜିକେ) । ସେଲ୍ଭା ରାଘବନ୍ଙ୍କ ନିର୍ଦ୍ଦେଶିତ ଏହି ଫିଲ୍ମକୁ ଉଭୟ ଟିକଟ କାଉଣ୍ଟର ଏବଂ ସମାଲୋଚକଙ୍କ ପକ୍ଷରୁ ମିଶ୍ରିତ ପ୍ରତିକ୍ରିୟା ମିଳିଛି । ସୂର୍ଯ୍ୟା, ରକୁଲ ପ୍ରୀତ୍ ସିଂ, ସାଇ ପଲ୍ଲବୀଙ୍କ ଅଭିନୀତ ଏହି ଫିଲ୍ମଟିରେ ସୂର୍ଯ୍ୟାଙ୍କ ଅଭିନୟକୁ ଦର୍ଶକ ପସନ୍ଦ କରିଥିଲା । ୟୁଭାନ ଶଙ୍କର ରାଜା ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଥିବା ବେଳେ ଶିବ କୁମାର ବିଜୟନଙ୍କ ସିନେମାଟୋଗ୍ରାଫ୍ ଅତ୍ୟନ୍ତ ଚମତ୍କାର ହୋଇଛି । ଥ୍ରିଲର ଶ୍ରେଣୀର ଏହି ଫିଲ୍ମର ସମୟ 2 ଘଣ୍ଟା 28 ମିନିଟ୍ ରହିଛି । ଫିଲ୍ମଟିର ରିଲିଜ୍ ହେବା ସହିତ ସାଇ ପଲ୍ଲବୀ ସିନେମା ଜଗତରେ ନିଜର 4 ବର୍ଷ ପୂରଣ କରିଛନ୍ତି । ମାଲାୟଲମ ଫିଲ୍ମ ପ୍ରେମମ୍ରୁ ନିଜର କ୍ୟାରିୟର ଆରମ୍ଭ କରିଥିବା ସାଇ ପଲ୍ଲବୀ ସୂର୍ଯ୍ୟାଙ୍କୁ ଧନ୍ୟବାଦ ଜଣାଇ ଏକ…
ବିଜେପିର ଐତିହାସିକ ବିଜୟ ପରେ ଦ୍ବିତୀୟଥର ପାଇଁ ନରେନ୍ଦ୍ର ମୋଦିଙ୍କ ଦେଶର ୧୫ତମ ପ୍ରଧାନମନ୍ତ୍ରୀ ଭାବେ ଦାୟିତ୍ବ ନିର୍ବାହ କରିବେ। ଗତକାଲି ଏକ ଭବ୍ୟ ଶପଥ ସମାରୋହରେ ମୋଦିଙ୍କ ସମେତ ତାଙ୍କ ମନ୍ତ୍ରିମଣ୍ଡଳର ସଦସ୍ୟମାନେ ପଦ ଓ ଗୋପନୀୟତାର ଶପଥ ନେଇଛନ୍ତି। ତେବେ ମୋଦିଙ୍କର ଦ୍ବିତୀୟ କାର୍ଯ୍ୟକାଳରେ ବହୁ ନେତାଙ୍କୁ ସ୍ଥାନ ମିଳିନି। ଚଳିତଥର ଅରୁଣ୍ ଜେଟ୍ଲୀ, ସୁଷମା ସ୍ବରାଜ, ମହେଶ ଶର୍ମା, ସୁରେଶ ପ୍ରଭୁ, ରାଜ୍ୟବର୍ଦ୍ଧନ ସିଂହ ରାଠୋର, ଜୟନ୍ତ ସିହ୍ନା ଓ ମାନେକା ଗାନ୍ଧି ପ୍ରମୁଖଙ୍କୁ। ତେବେ ବିଜେପିର ବରିଷ୍ଠ ନେତ୍ରୀ ମାନେକା ଗାନ୍ଧି ଆଠ ଥର ସାଂସଦ ହୋଇଥିବାବେଳେ ଚଳିତ ଥର ଏକ ଗୁରୁତ୍ବପୂର୍ଣ୍ଣ ଦାୟିତ୍ବରେ ରହିପାରନ୍ତି। ଚଳିତ ଥର ଉତ୍ତରପ୍ରଦେଶର ସୁଲତାନପୁର ଲୋକସଭା ଆସନରୁ ନିର୍ବାଚିତ ହୋଇଛନ୍ତି । ପୂର୍ବଥର ମାନେକା ମହିଳା ଏବଂ ଶିଶୁ ବିକାଶ ମନ୍ତ୍ରୀ ଥିଲେ। ତେବେ ମିଳିଥିବା ସୂଚନା ଅନୁସାରେ ମାନେକା ୧୭ତମ ଲୋକସଭାରେ ଅସ୍ଥାୟୀ ଅଧ୍ୟକ୍ଷ ବା କାମଚଳା…
ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମନ୍ତ୍ରୀମଣ୍ଡଳରେ ଶପଥ ଗ୍ରହଣ କରିଥିବା ଦୁଇ ଓଡିଆ ଧର୍ମେନ୍ଦ୍ର ପ୍ରଧାନ ଏବଂ ପ୍ରତାପ ଷଡଙ୍ଗୀଙ୍କୁ ମନ୍ତ୍ରୀପଦ ମିଳିଛି। ଧର୍ମେନ୍ଦ୍ର ପେଟ୍ରୋଲିୟମ୍ ମନ୍ତ୍ରାଳୟର ଦାୟିତ୍ବ ପାଇଥିବା ବେଳେ ପ୍ରତାପଙ୍କୁ ମଧ୍ୟମ ଓ କ୍ଷୁଦ୍ର ଶିଳ୍ପ, ମତ୍ସ୍ୟ ଏବଂ ପ୍ରାଣୀ ସମ୍ପଦ ବିଭାଗର ଦାୟିତ୍ବ ପ୍ରଦାନ କରାଯାଇଛି। ଧର୍ମେନ୍ଦ୍ର ପ୍ରଧାନ ପୂର୍ବରୁ ପେଟ୍ରୋଲିୟମ୍ ମନ୍ତ୍ରାଳୟର ରାଷ୍ଟ୍ରମନ୍ତ୍ରୀ ସ୍ବାଧୀନ ଦାୟିତ୍ବରେ ରହିଥିବା ବେଳେ ପ୍ରଥମ ଥର ପାଇଁ ସଂସଦରେ ପ୍ରବେଶ କରିଥିବା ପ୍ରତାପ ଷଡଙ୍ଗୀଙ୍କୁ ଏହି ଗୁରୁତ୍ବପୂର୍ଣ୍ଣ ପଦବୀ ମିଳିଛି।
ଗୁରୁବାର ନିଜର ୫୭ ଜଣିଆ ମନ୍ତ୍ରିମଣ୍ଡଳ ସହ ଶପଥ ଗ୍ରହଣ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଗତକାଲି ଶପଥ ଗ୍ରହଣ ପରେ ବିଭାଗ ବଣ୍ଟନକୁ ନେଇ ଚର୍ଚ୍ଚା ଲାଗି ରହିଥିଲା। ଆଜି ସମସ୍ତ କ୍ୟାବିନେଟ ମନ୍ତ୍ରୀଙ୍କ ମଧ୍ୟରେ ବିଭାଗ ବଣ୍ଟନ କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବ୍ୟକ୍ତିଗତ ଏବଂ ସାଧାରଣ ଅଭିଯୋଗ, ପେନ୍ସନ୍, ଆଣବିକ ଶକ୍ତି, ମହାକାଶ ବିଜ୍ଞାନ ଏବଂ ଅନ୍ୟାନ୍ୟ ବଣ୍ଟାଯାଇନଥିବା ବିଭାଗ ରଖିଥିବା ବେଳେ ରାଜନାଥ ସିଂଙ୍କୁ ପ୍ରତିରକ୍ଷା ମନ୍ତ୍ରଣାଳୟର ଦାୟିତ୍ବ ପ୍ରଦାନ କରାଯାଇଛି। ପ୍ରଥମ ଥର ପାଇଁ କ୍ୟାବିନେଟ୍ରେ ପ୍ରବେଶ କରିଥିବା ବିଜେପିର ଚାଣକ୍ୟ ଅମିତ ଶାହଙ୍କୁ ଗୃହ ମନ୍ତ୍ରଣାଳୟର ଦାୟିତ୍ବ ପ୍ରଦାନ କରାଯାଇଛି। ନୀତିନ ଗଡକରୀ ପୂର୍ବପରି ସଡକ ଚଳାଚଳ ଓ ପରିବହନ ଏବଂ ଜାହାଜ ଚଳାଚଳ ମନ୍ତ୍ରାଳୟ ସହିତ ଗଙ୍ଗା ସଫେଇ ମନ୍ତ୍ରାଳୟର ଦାୟିତ୍ବ ସମ୍ଭାଳିବେ। ନିର୍ମଳା ସୀତାରମଣ ଅର୍ଥ ମନ୍ତ୍ରାଳୟର ଦାୟିତ୍ବ ହାସଲ କରିଛନ୍ତି। ନରେନ୍ଦ୍ର ମୋଦି : ବ୍ୟକ୍ତିଗତ ଏବଂ ସାଧାରଣ…
ଗତକାଲି ନରେନ୍ଦ୍ର ମୋଦି ଦ୍ବିତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ମୋଦିଙ୍କ ସମେତ ୫୮ଜଣ ମନ୍ତ୍ରୀ ମଧ୍ୟ ଶପଥ ନେଇଛନ୍ତି। ଏଥିରେ ରହିଛନ୍ତି ୨୪ଜଣ କ୍ୟାବିନେଟ୍ ୨୪ ଜଣ ରାଷ୍ଟ୍ର ମନ୍ତ୍ରୀ ଓ ୯ ଜଣ ସ୍ବତନ୍ତ୍ର ପାହ୍ୟା ରାଷ୍ଟ୍ରମନ୍ତ୍ରୀ। ତେବେ ଚଳିତଥର ଓଡ଼ିଶାରେ ବିଜେପି ବେଶ୍ ଭଲ କରିଥିଲା। ଲୋକସଭା ଆସନରେ ୮ଟି ଆସନରେ ବାଜିମାତ୍ କରିଥିଲା। ପଶ୍ଚିମ ଓଡ଼ିଶାରେ ୬ଜଣ ସାଂସଦ (ବିଜେପି) ଜିତିଥିବାବେଳେ ଗତକାଲି ମୋଦିଙ୍କ କ୍ୟାବିନେଟ୍ରେ ଏମାନଙ୍କୁ ମଧ୍ୟରୁ କାହାରିକୁ ସ୍ଥାନ ମିଳିନାହିଁ। ଏହାକୁ ନେଇ ଅଭିଯୋଗ କରିଛନ୍ତି ଶ୍ରମ ଓ ଗ୍ରାମ୍ୟ ଉନ୍ନୟନ ମନ୍ତ୍ରୀ ସୁଶାନ୍ତ ସିଂ। ମୋଦି ସରକାର ପଶ୍ଚିମ ଓଡ଼ିଶାକୁ ଅବହେଳା କରିଛନ୍ତି ବୋଲି ସୁଶାନ୍ତ କହିଛନ୍ତି। ମଉକା ଦେଖି ସୁଶାନ୍ତ ଚୌକା ମାରିଛନ୍ତି ବୋଲି କହିଲେ ଅତ୍ୟୁକ୍ତି ହେବ ନାହିଁ। ପଶ୍ଚିମ ଓଡ଼ିଶାରେ ବିଜେପିର ଅଦ୍ଭୁତପୂର୍ବ ସଫଳତା ପରେ ମଧ୍ୟ ପଶ୍ଚିମ ଓଡ଼ିଶାକୁ…
