କେନ୍ଦ୍ର ମନ୍ତ୍ରୀମଣ୍ଡଳର ଆବଣ୍ଟନକୁ ନେଇ ବିବାଦ ଦେଖା ଦେବା ପରେ ମନ୍ତ୍ରୀମଣ୍ଡଳରେ ସାମିଲ ହୋଇ ନଥିଲା ନୀତିଶ କୁମାରଙ୍କ ଜେଡିୟୁ। ଏହି ଘଟଣା ପରେ ବିଜେପି -ଜେଡିୟୁ ବିବାଦ ଘନେଇଛି। ବିହାର ମୁଖ୍ୟମନ୍ତ୍ରୀ ନୀତିଶ କୁମାର ରବିବାର ନିଜ ମନ୍ତ୍ରିମଣ୍ଡଳ ସମ୍ପ୍ରସାରଣ କରିଛନ୍ତି। ଏଥିରେ ଜେଡିୟୁରୁ ୬-୭ ଜଣଙ୍କୁ ସରକାରରେ ସାମିଲ କରାଯାଇଛି। କିନ୍ତୁ ଏହି ସମ୍ପ୍ରସାରଣରେ ଜେଡିୟୁ ସହିତ ମେଣ୍ଟ କରିଥିବା ବିଜେପିର କୌଣସି ସଦସ୍ୟଙ୍କୁ ସୁଯୋଗ ମିଳି ନାହିଁ। ଏହା ଉପରେ ଜେଡିୟୁ ପକ୍ଷରୁ କୁହାଯାଇଛି ଯେ, ପୂର୍ବରୁ ବିଜେପି କୋଟାରୁ ମନ୍ତ୍ରି ହୋଇସାରିଛନ୍ତି। ବର୍ତ୍ତମାନ ଯେଉଁ ପଦବୀ ଖାଲି ପଡ଼ିଛି ସେସବୁ ଜେଡିୟୁ କୋଟାରେ ରହିଛି। ତେବେ ମୋଦୀ ସରକାରରେ ଜେଡିୟୁର କୌଣସି ସାଂସଦଙ୍କୁ ମନ୍ତ୍ରୀ ପଦ ନ ମିଳିବା ପରେ ରାଜ୍ୟରେ ନୀତିଶ ସରକାର ମନ୍ତ୍ରିମଣ୍ଡଳ ସମ୍ପ୍ରସାରଣ କରିବା ଏବଂ ଏଥିରେ କୌଣସି ବିଜେପି ବିଧାୟକଙ୍କୁ ସାମିଲ ନ କରିବା ବିହାର ରାଜନୀତିକୁ ସରଗରମ କରିଛି।…
Author: Samikhsya Bureau
ସିରିଆରେ ଇସ୍ରାଏଲ୍ ରବିବାର ଆକ୍ରମଣ କରିଛି। ଏହି ଆକ୍ରମଣରେ ସିରିଆ ସେନାବାହିନୀର ତିନି ସୈନ୍ୟଙ୍କ ପ୍ରାଣହାନି ଘଟିଥିବା ବେଳେ ୭ ଜଣ ଆହତ ହୋଇଛନ୍ତି। ସୂଚନା ଅନୁଯାୟୀ, ସିରିଆର ଦକ୍ଷିଣ ପ୍ରାନ୍ତରେ ରହିଥିବା କ୍ବେନୈଟ୍ରାର ସେନା କ୍ୟାମ୍ପ ଏବଂ ଅନ୍ୟାନ୍ୟ ସ୍ଥାନରେ ଏହି ଆକ୍ରମଣ ହୋଇଥିଲା। ଏହା ସହିତ ଇସ୍ରାଏଲ୍ର ଗୋଲାନ୍ ହାଇଟ୍ସରେ ମଧ୍ୟ ଆକ୍ରମଣ ହୋଇଛି। ଇସ୍ରାଏଲ ପକ୍ଷରୁ ଟ୍ବିଟ୍ଟର ଜରିଆରେ ଆକ୍ରମଣକୁ ସ୍ବୀକାର କରାଯିବା ସହିତ ଆକ୍ରମଣରେ ବିମାନ ଆକ୍ରମଣ ହୋଇଥିବା ନେଇ ସୂଚନା ଦିଆଯାଇଛି।
ପଞ୍ଚମ ତେଲେଙ୍ଗାନା ଦିବସ ଅବସରରେ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ। ତେଲେଙ୍ଗାନାର ଶହିଦ ମାନଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କରିବା ସହିତ ସମସ୍ତେ ଏକତ୍ର ହୋଇ ପ୍ରଦେଶର ବିକାଶ କରିବା ଉଚିତ୍ ବୋଲି ରାଓ ପ୍ରକାଶ କରିଥିଲେ। ପବ୍ଲିକ୍ ଗାର୍ଡେନ୍ ନିକଟରେ ରହିଥିବା ଶହୀଦ ସ୍ମୃତି ସ୍ତମ୍ଭ ନିକଟରେ ରାଓ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ଶ୍ରଦ୍ଧାଞ୍ଜଳି ଜ୍ଞାପନ ଅବସରରେ ତିନି ନୂତନ ବିଧେୟକ ପ୍ରଣୟନ ସମ୍ପର୍କରେ ସୂଚନା ଦେଇଥିଲେ କେସିଆର। ସରକାରୀ ବିଭାଗକୁ ଦୁର୍ନୀତିମୁକ୍ତ ରହି ଜନସାଧାରଣଙ୍କ ସେବାରେ ନିୟୋଜିତ ହେବା ପାଇଁ ମଧ୍ୟ ଆହ୍ବାନ ଦେଇଥିଲେ ଚନ୍ଦ୍ରଶେଖର ରାଓ। ଜାତୀୟ ଅର୍ଥ କମିଶନ ତେଲେଙ୍ଗାନା ନିମନ୍ତେ ୧୨୮୯ କୋଟିର ଅର୍ଥରାଶି ପ୍ରଦାନ କରୁଥିବା ବେଳେ ତେଲେଙ୍ଗାନା ସରକାର ମଧ୍ୟ ସମାନ ଅର୍ଥ ପ୍ରଦାନ କରିବେ ବୋଲି କହିଥିଲେ ରାଓ। ସେହିପରି ୫୦୦ରୁ ଅଧିକ ଜନସଂଖ୍ୟା ବିଶିଷ୍ଟ ଗ୍ରାମ ପାଇଁ ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି…
ଆମେରିକାର କାର୍ଯ୍ୟବାହକ ରକ୍ଷା ମନ୍ତ୍ରୀ ପୈଟ୍ରିକ ଶାନାହନ ଅନ୍ୟ ଦେଶର ସମ୍ପତ୍ତିକୁ ଚୋରୀ କରିବା ନେଇ ଚୀନର ଚେଷ୍ଟା ଏବଂ ଦକ୍ଷିଣ ଚୀନ ସାଗରରେ ବନ୍ଦର ବସାଇବା ନେଇ ତୀବ୍ର ନିନ୍ଦା କରିଛନ୍ତି। ଏତଦ୍ ବ୍ୟତୀତ ବେଜିଙ୍ଗର ଖରାପ ବ୍ୟବହାର ଶେଷ ହେବା ଉଚିତ୍ ବୋଲି ମଧ୍ୟ ସେ କହିଛନ୍ତି। ପୈଟ୍ରିକ ଶାନାହନ ଅନ୍ତରାଷ୍ଟ୍ରୀୟ ମଂଚରେ ସମ୍ବୋନ୍ଧନ କରିବା ସମୟରେ ଚୀନ ଏବଂ ଉତ୍ତର କୋରିଆର ଚେତାବନୀକୁ କଡା ସମାଲୋଚନା କରିଛନ୍ତି ଏବଂ କହିଛନ୍ତି କି, ହିନ୍ଦ-ପ୍ରଶାନ୍ତ କ୍ଷେତ୍ର ପାଇଁ ଆମେରିକା ସର୍ବଦା ପ୍ରତିବଦ୍ଧ ରହିବ। ଏହି କ୍ଷେତ୍ରରେ ଶାନ୍ତି ଏବଂ ସ୍ଥାୟିତ୍ୱ ଆଣିବା ପାଇଁ ଆମେରିକା ଲକ୍ଷ ଲକ୍ଷ ଡଲାର ନିବେଶ କରିବା ପାଇଁ ମଧ୍ୟ ପ୍ରସ୍ତୁତ ଅଛି। ଏହି ସମୟରେ ସେ ପରୋକ୍ଷ ଭାବରେ ଚୀନର ନାମ ନନେଇ ତୀବ୍ର ନିନ୍ଦା କରିଛନ୍ତି। ଏତଦ୍ ବ୍ୟତୀତ ବିବାଦିତ ଦ୍ୱୀପରେ ଉନ୍ନତ ଅସ୍ତ୍ରଶସ୍ତ୍ର ସ୍ଥାନ ସ୍ଥାପିତ କରିବା ପାଇଁ ଚୀନର…
ଉତ୍ତର ପ୍ରଦେଶର ପୂର୍ବତନ କ୍ୟାବିନେଟ ମନ୍ତ୍ରୀ ଏବଂ ରାମପୁରରୁ ସମାଜବାଦୀ ପାର୍ଟିର ସାଂସଦ ଆଜମ ଖାନଙ୍କ ପାଇଁ ଅଡୁଆ ନିର୍ବାଚନ ପରେ ମଧ୍ୟ ହ୍ରାସ ପାଇନାହିଁ। ଆଜାମ ଖାନ ଏବଂ ଅନ୍ୟ କିଛି ଲୋକଙ୍କ ବିରୋଧରେ ଶନିବାର ନାମରେ ନଦୀ ଜମି ଜବର ଦଖଲ ଅଭିଯୋଗ ହୋଇଛି। ଜୌହର ବିଶ୍ୱବିଦ୍ୟାଳୟର କୁଳସଚିବ, ସୁରକ୍ଷା ଅଧିକାର ଏବଂ କର୍ମଚାରୀଙ୍କ ବିରୋଧରେ ମଧ୍ୟ ଏହି ଅଭିଯୋଗ ହୋଇଥିବା ଜଣାପଡ଼ିଛି। ପୂର୍ବରୁ ନିର୍ବାଚନ ସମୟରେ ତାଙ୍କ ବିରୋଧରେ ମାମଲା ରୁଜୁ କରାଯାଇଥିଲା। ବିଶ୍ୱବିଦ୍ୟାଳୟର ପ୍ରତିଷ୍ଠାତା ଆଜମ ଖାନଙ୍କ ଉପରେ ଅଭିଯୋଗ ହୋଇଛି ଯେ, ସେ କୋଶୀ ନଦୀର ୫ ହେକ୍ଟର ଜମିକୁ ଜବରଦଖଲ କରିଛନ୍ତି। ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ କୋଶୀ ନଦୀର ୫ ହେକ୍ଟର ଜମିକୁ ବିଶ୍ୱବିଦ୍ୟାଳୟ ପରିସର ପାଇଁ ବ୍ୟବହାର କରାଯାଉଛି। ଜିଲ୍ଲା ଅଧିକାରୀ ନଦୀ ଜମି ଜବରଦଖଲ କରିବା ନେଇ ତଦନ୍ତ କରାଇଛନ୍ତି। ତଦନ୍ତ ସମୟରେ ରାଜସ୍ୱ ବିଭାଗର ଟିମ ଅଭିଯୋଗ…
ନେପାଳର ପ୍ରଧାନମନ୍ତ୍ରୀ କେ.ପି. ଓଲି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେପାଳ ଗସ୍ତ କରିବାକୁ ଆମନ୍ତ୍ରଣ କରିଛନ୍ତି। କ୍ରମାଗତ ଗସ୍ତ ଦ୍ବାରା ଦ୍ବିପାକ୍ଷିକ ସମ୍ବନ୍ଧ ଅଧିକ ମଜଭୁତ ହେବ ବୋଲି ଆଶା ରଖିଛନ୍ତି ଓଲି। ଗୁରୁବାର ମୋଦିଙ୍କ ଦ୍ବିତୀୟ ଥର ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ ଉତ୍ସବରେ ଯୋଗ ଦେବା ପାଇଁ ଦୁଇଦିନିଆ ନୂଆଦିଲ୍ଲୀ ଗସ୍ତରେ ଆସିଥିଲେ। ସୂଚନାଯୋଗ୍ୟ ଯେ ଏହି ଭବ୍ୟ ସମାରୋହକୁ ବିମ୍ଷ୍ଟେକ୍ ରାଷ୍ଟ୍ରସମୂହର ନେତୃବୃନ୍ଦଙ୍କୁ ନିମନ୍ତ୍ରଣ କରାଯାଇଥିଲା। ବିମ୍ଷ୍ଟେକ୍ରେ ଭାରତ ବ୍ୟତୀତ ବାଂଲାଦେଶ, ମ୍ୟାଁମାର୍, ଶ୍ରୀଲଙ୍କା, ଥାଇଲାଣ୍ଡ, ନେପାଳ ଓ ଭୁଟାନ ସଦସ୍ୟ ଅଛନ୍ତି। ନେପାଳ ବୈଦେଶିକ ମନ୍ତ୍ରଣାଳୟର ଏକ ବିବୃତି ଅନୁଯାୟୀ ମୋଦି ନେପାଳର ନିମନ୍ତ୍ରଣକୁ ଗ୍ରହଣ କରିଛନ୍ତି। ଶୁକ୍ରବାର ନିଜ ଦେଶକୁ ଫେରିଯାଇଥିବା ଓଲି ତାଙ୍କର ନୂଆଦିଲ୍ଲୀ ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦିଙ୍କ ସହ ମଧ୍ୟ ସାକ୍ଷାତ କରିଥିଲେ। ଉଭୟ ଦେଶ ମଧ୍ୟରେ କିଭଳି ସମ୍ପର୍କ ସୁଦୃଢ଼ ହେବ, ସେ ସମ୍ପର୍କରେ ଦୁହେଁ ଆଲୋଚନା…
ଝାଡ଼ଖଣ୍ଡର ଦୁମ୍କା ଜଙ୍ଗଲରେ ରବିବାର ଭୋର ସମୟରେ ଯବାନ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ଘଟିଛି। ଏଥିରେ ଜଣେ ଯବାନ ଶହୀଦ ହୋଇଥିବାବେଳେ ୫ ଜଣ ମାଓବାଦୀ ନିହତ ହୋଇଛନ୍ତି। ଏଥିସହ ୪ ଯବାନ ଆହତ ହୋଇଛନ୍ତି। ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିବା ଦୁମକା ଏସପି ୱାଇ. ଏସ. ରମେଶ କହିଛନ୍ତି। ଘଟଣା ପରେ ସମ୍ପୃକ୍ତ ଅଞ୍ଚଳରେ କମ୍ବିଂ ଅପରେଶନକୁ ଜୋରଦାର କରାଯାଇଛି। ଉଚ୍ଚ ପଦସ୍ଥ ଅଧିକାରୀମାନେ ଘଟଣା ଉପରେ ନଜର ରଖିଛନ୍ତି। ସୂଚନାଯୋଗ୍ୟ, ଗତ ଶନିବାର ଦିନ ଆସାମର ଚିରାଙ୍ଗ ଜିଲା ଅନ୍ତର୍ଗତ ବାସୁଗାଓ ଅଞ୍ଚଳରୁ ଯବାନମାନେ ୨ ଜଣ ମାଓବାଦୀଙ୍କୁ ଗିରଫ କରିଥିଲେ। ଉଭୟ ମାଓବାଦୀ ମୁସଲିମ ମୌଳବାଦୀ ସଂଗଠନ(ଏମଏଫଓ)ର ମୋଫିଜୁଲ ଇସଲାମ ଏବଂ ଫରମାନ ଅଲି ବୋଲି ଜଣାପଡ଼ିଛି। ସେମାନଙ୍କଠାରୁ ବହୁ ପରିମାଣର ଟଙ୍କା, ଅସ୍ତ୍ରଶସ୍ତ୍ର ଏବଂ ପାସ୍ପୋର୍ଟ ଜବତ ହୋଇଥିଲା।
ସମୀକ୍ଷା ବ୍ୟୁରୋ ଭି. କାର୍ତ୍ତିକେୟାନ୍ ପାଣ୍ଡିଆନ, ଏ ନାଁଟି ସହିତ ଓଡିଶାର ରାଜନୀତି ବେଶ ପରିଚିତ। ଗତ ପାଞ୍ଚ ବର୍ଷ ଭିତରେ ଏହି ବରିଷ୍ଠ ଆଇଏଏସ ଅଧିକାରୀ ଜଣକ ସର୍ବ ସାଧାରଣରେ ପଦେ ବି କଥା କହିନାହାନ୍ତି। ଅଥଚ ତାଙ୍କୁ ନେଇ ଓଡିଶାର ରାଜନୀତି ଗତ ପାଞ୍ଚ ବର୍ଷ ଧରି ଗତିଶୀଳ ରହିଛି। ତାଙ୍କୁ କେତେବେଳେ ଓଡିଶାର ବାସ୍ତବ କ୍ଷମତା କେନ୍ଦ୍ର ବୋଲି କୁହାଯାଉଛି, ତ ପୁଣି କେବେ ତାଙ୍କରି ନିର୍ଦ୍ଦେଶରେ ଓଡିଶାର ଶାସକ ଦଳ ପରିଚାଳିତ ବୋଲି ଅଭିଯୋଗ ଆସୁଛି। ବିରୋଧୀ ଦଳର ରାଜନୈତିକ ଆକ୍ରମଣରେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ତୁଳନାରେ ତାଙ୍କର ପ୍ରମୁଖ ସଚିବ ଭି. କାର୍ତ୍ତିକ ପାଣ୍ଡିଆନ ହିଁ ରହି ଆସିଛନ୍ତି। କିଛି ବିରୋଧୀ ତ ସିଧା ସିଧା ପାଣ୍ଡିଆନଙ୍କୁ ନିଜର ରାଜନୈତିକ ପ୍ରତିପକ୍ଷ ବୋଲି ଭାବି ନେଇଛନ୍ତି। ଗତ ସାଧାରଣ ନିର୍ବାଚନରେ ପାଣ୍ଡିଆନ ହିଁ ଥିଲେ ବିରୋଧୀ ଦଳର ପ୍ରମୁଖ ଲକ୍ଷ୍ୟ ଓ ତାହା…
ପୂର୍ବତନ ବିମାନ ଚଳାଚଳ ମନ୍ତ୍ରୀ ପ୍ରଫୁଲ୍ଲ ପଟେଲଙ୍କୁ ଇଡିର ସମନ, ବହୁ କୋଟି ଟଙ୍କାର ବେଆଇନ ଅର୍ଥ କାରବାର ମାମଲାରେ ଜେରା କରିବ ଇଡି। ବିମାନ ଚଳାଚଳରେ ହୋଇଥିବା ଦୁର୍ନୀତି ଘଟଣାରେ ତାଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ନୋଟିସ୍ କରିଛି। ତାଙ୍କୁ ଜୁନ୍ ୬ରେ ବ୍ୟକ୍ତିଗତ ଭାବେ ଇଡିରେ ହାଜର ହେବାକୁ ଏହି ନୋଟିସ୍ରେ କୁହାଯାଇଛି। ବିଦେଶ ବିମାନ କମ୍ପାନୀଗୁଡ଼ିକୁ ଫାଇଦା ଦେବା ଘଟଣାରେ ପ୍ରଫୁଲ୍ଲ ପଟେଲ୍ଙ୍କ ଭୂମିକା ସନ୍ଦେହ ଘେରରେ ରହିଛି। ଇଣ୍ଡିଆନ୍ ଏୟାର୍ଲାଇନ୍ସ ଦ୍ବାରା ୨୦୦୬ ଫେବୃଆରୀରେ ବିମାନ ଅଧିଗ୍ରହଣ ବିଷୟରେ ନିୟନ୍ତ୍ରକ ଓ ମହାଲେଖାପରୀକ୍ଷକ (କ୍ୟାଗ୍) ଅଗଷ୍ଟ ୧୭, ୨୦୧୧କୁ ରିପୋର୍ଟରେ ଆଇଏଏଲ୍ର ଅନୁମୋଦିତ ୮,୩୯୯,୬୦ କୋଟି ଟଙ୍କାର ୪୩ଟି ବିମାନ କ୍ରୟରେ ବହୁ କୋଟିର ଦୁର୍ନୀତି ହୋଇଥିବାର ଜଣାଯାଇଥିଲା। ଅନ୍ୟପକ୍ଷରେ ଇଡି ସହ ସଂପୂର୍ଣ୍ଣ ସହଯୋଗ କରିବେ ବୋଲି ପ୍ରଫୁଲ୍ଲ କହିଛନ୍ତି।
ସରକାରୀସ୍ତରୀୟ ମିଟିଂ ସହ କ୍ୟାବିନେଟ ବୈଠକରେ କୌଣସି ମନ୍ତ୍ରୀ ମୋବାଇଲ ଫୋନ୍ ବ୍ୟବହାର କରିପାରିବେ ନାହିଁ ବୋଲି ଶନିବାର ଦିନ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସୂଚନା ଦେଇଛନ୍ତି। ଗୁରୁତ୍ୱପୂର୍ଣ୍ଣ ବୈଠକ ସମୟରେ ମନ୍ତ୍ରୀମାନେ ମୋବାଇଲର ହ୍ବାଟସ୍ ଆପ୍ ମେସେଜରେ ବ୍ୟସ୍ତ ରହୁଥିବା ଦେଖାଯାଉଛି। ତେଣୁ କୌଣସି ଆଲୋଚନାକୁ ସେମାନେ ଗୁରୁତର ସହ ନେଉ ନାହାଁନ୍ତି ବୋଲି ଦେଖାଯାଉଛି। ଏହାକୁ ଲକ୍ଷ୍ୟ କରି ରାଜ୍ୟ ସରକାରଙ୍କ ତରଫରୁ ଏଭଳି ନିଷ୍ପତ୍ତି ନିଆଯାଇଥିବା ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି।
ଗୋଆର ଜନୈକ କଂଗ୍ରେସ ବିଧାୟକ, ମେୟର ଏବଂ ଡେପୁଟି ମେୟରଙ୍କ ନାମରେ ଜଣେ ମହିଳାଙ୍କୁ ଅସଦାଚରଣ କରିଥିବା ନେଇ ଅଭିଯୋଗ ଆସିଛି । ଶୁକ୍ରବାର ଏକ କ୍ୟାସିନୋ ବାହାରେ ଆନ୍ଦୋଳନ ସମୟରେ ଏହି ଘଟଣା ଘଟିଥିବା ନେଇ ମହିଳା ଜଣକ ଅଭିଯୋଗ କରିଛନ୍ତି । ପାଣାଜୀ ବିଧାୟକ ଆଟାନ୍ସିଓ ମନେସାରଟ୍ଟେ, ମେୟର ଏବଂ ଡେପୁଟି ମେୟରଙ୍କ ବିପକ୍ଷରେ ମାମଲା ରୁଜୁ କରାଯାଇଛି । ଶୁକ୍ରବାର କ୍ୟାସିନୋଟିକୁ ଭଙ୍ଗା ଯାଉଥିବା ବେଳେ ମହିଳା ଜଣଙ୍କ ବାହାରେ ଆନ୍ଦୋଳନ କରୁଥିବା ସମୟରେ ଏହି ଘଟଣା ଘଟିଥିଲା । ମହିଳା ଜଣଙ୍କମ ତିନି ଜଣଙ୍କ ନାମରେ ମାମଲା ରୁଜୁ କରିଥିବା ନେଇ ଗୋଆ ପୋଲିସ୍ ମୁଖ୍ୟ ଚନ୍ଦନ ଚୌଧୁରୀ ଗଣମମାଧ୍ୟମକୁ ସୂଚନା ଦେଇଛନ୍ତି ।
ଷ୍ଟ୍ରିଟ୍ ଡ୍ୟାନ୍ସର ୩’ରେ ଅଭିନେତା, କୋରିଓଗ୍ରାଫର୍ ତଥା ନିର୍ଦ୍ଦେଶକ ପ୍ରଭୁ ଦେବା ତାଙ୍କ ଲୋକପ୍ରିୟ ଗୀତ ‘ମୁକ୍କାବଲା ମୁକାବିଲା’କୁ ରିମେକ୍ କରିବେ ବୋଲି ଜଣାପଡିଛି । ଅଭିନେତା ବରୁଣ ଧାଓ୍ବନ୍ ପ୍ରଭୁ ଦେବାଙ୍କ ଏହି ଡ୍ୟାନ୍ସ ଦେଖି ଆଶ୍ଚର୍ଯ୍ୟ ହେବା ସହିତ ଟୁଇଟ୍ କରି କହିଛନ୍ତି ଯେ, ୨୫ ବର୍ଷ ପରେ ପ୍ରତ୍ୟାବର୍ତ୍ତନ, ପ୍ରଭୁଦେବାଙ୍କ ଚମତ୍କୃତ ଡ୍ୟାନ୍ସକୁ ଦେଖିବା ପାଇଁ ଆପଣମାନେ ମଧ୍ୟ ଅପେକ୍ଷା କରିପାରିବେ ନାହିଁ, ଏହି ଡ୍ୟାନ୍ସକୁ ଦେଖି ମୋ‘ର ଲୋମ ମୂଳ ଠିଆ ହୋଇଗଲା, ଏବେ ମୁଁ ଚୁପ୍ ରହିବି’ ‘ଷ୍ଟ୍ରିଟ୍ ଡ୍ୟାନ୍ସ ଥ୍ରି ।’ ରେମୋ ଡି’ସୁଜାଙ୍କ ନିର୍ଦ୍ଦେଶିତ ଏହି ଫିଲ୍ମଟି ‘ଏବିସିଡି’ର ତୃତୀୟ ସଂସ୍କରଣ ଅଟେ । ଏହି ଫିଲ୍ମରେ ବରୁଣ ଧାଓ୍ବନଙ୍କ ସହିତ ଶ୍ରଦ୍ଧା କପୁର୍ ଓ ନୋରା ଫତେହୀ ପ୍ରମୁଖଙ୍କୁ ଦେଖିବାକୁ ମିଳିବ । ଫିଲ୍ମଟି ଜାନୁଆରୀ ୨୦୨୦ରେ ପରଦା ଉପରକୁ ଆସିବ ।
ଚଳିତ ସଂସଦର ପ୍ରଥମ ବଜେଟ୍ ଆସନ୍ତା ଜୁଲାଇ ୫ରେ ଉପସ୍ଥାପନ କରିବାକୁ ଯାଉଛନ୍ତି ଦେଶର ଅର୍ଥମନ୍ତ୍ରୀ ନିର୍ମଳା ସୀତାରମଣ । ପ୍ରଥମଥର ପାଇଁ ସ୍ବାଧୀନ ମହିଳା ଅର୍ଥନୀତି ଭାବରେ ନିର୍ମଳା ସୀତାରମଣ ବଜେଟ୍ ଉପସ୍ଥାପନ କରିବେ । ଶପଥ ଗ୍ରହଣର ଗୋଟିଏ ଦିନ ପରେ ପଦବୀ ବଣ୍ଟନ ହେବା ପରେ କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ଏହି ସୂଚନା ପ୍ରଦାନ କରିଛନ୍ତି । ୧୭ ଜୁନ୍ରେ ଚଳିତ ସଂସଦର ପ୍ରଥମ ଅଧିବେଶନ ଅନୁଷ୍ଠିତ ହେବାକୁ ଯାଉଥିବା ବେଳେ ଏହା ୨୬ ତାରିଖରେ ଶେଷ ହେବାକୁ ଯାଉଛି । ସଂସଦର ଏହି ନିମ୍ନ ସଦନର ବାଚସ୍ପତି ଚୟନ ଚଳିତ ୧୯ ତାରିଖରେ ହେବାର ଥିବା ବେଳେ ଜୁଲାଇ ୪ ତାରିଖରେ ଅର୍ଥନୈତିକ ସର୍ବେକ୍ଷଣ ରିପୋର୍ଟ ଏବଂ ଜୁଲାଇ ୫ ତାରିଖରେ ବଜେଟ୍ ଉପସ୍ଥାପିତ ହେବ । ରାଷ୍ଟ୍ରପତି ରାମନାଥ କୋବିନ୍ଦ ପ୍ରଥମ ଦିନର ଅଧିବେଶନରେ ଉଭୟ ଗୃହର ସଦସ୍ୟଙ୍କୁ ସମ୍ବୋଧିତ କରିବେ । ପ୍ରଥମ ଦିନ…
ସପ୍ତଦଶ ଲୋକସଭା ନିର୍ବାଚନରେ ବହୁମତ ନେଇ ବିଜେପି ସରକାର ଗଠନ କରିଛି । ସଂସଦରେ ବିଜେପିର ୩୦୩ ସଦସ୍ୟ ରହିଛନ୍ତି। ଅପରପକ୍ଷରେ କଂଗ୍ରେସ ସଦସ୍ୟ ସଂଖ୍ୟା ୫୨ ରହିଛି। ୩୦୩ ସମ୍ମୁଖରେ ୫୨ ଅଧିକ ଓଜନଦାର୍ ରହିବ ବୋଲି କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ରାହୁଲ ଗାନ୍ଧି ପ୍ରକାଶ କରିଛନ୍ତି। ଶନିବାର ସଂସଦର କେନ୍ଦ୍ରୀୟ ହଲ୍ରେ କଂଗ୍ରେସ ସଂସଦୀୟ ଦଳ ନେତା ଚୟନ ସମୟରେ ରାହୁଲ ଏଭଳି କହି ସଦସ୍ୟଙ୍କ ମଧ୍ୟରେ ଉତ୍ସାହ ସୃଷ୍ଟି କରିବାର ଉଦ୍ୟମ କରିଛନ୍ତି। ବିରୋଧୀ ଦଳ ସଦସ୍ୟଙ୍କ ସଂଖ୍ୟା କମ୍ ଥିଲେ ମଧ୍ୟ ଯଦି ସେମାନେ ଆକ୍ରାମଣାତ୍ମକ ତଥା ସଚେତନ ରହିବେ, ତେବେ ସରକାର ଭୁଲ୍ ପଦକ୍ଷେପ ନେଇପାରିବେ ନାହିଁ ବୋଲି ରାହୁଲ କରିଛନ୍ତି। ଦେଶବାସୀଙ୍କ ସୁରକ୍ଷା ଓ ସ୍ବାର୍ଥ ପାଇଁ ଲଢ଼େଇ ପୂର୍ବଭଳି ଜାରି ରଖିବାକୁ ରାହୁଲ ସଦସ୍ୟଙ୍କୁ ପରାମର୍ଶ ଦେଇଛନ୍ତି। କଂଗ୍ରେସ ସଂସୀଦୟ ଦଳର ନେତା ଭାବେ ସୋନିଆ ଗାନ୍ଧି ନିର୍ବାଚିତ ହୋଇଛନ୍ତି ।…
ବିଶ୍ବର ପ୍ରଥମ ଖେଳାଳି ଭାବରେ ଏକ ବିଶ୍ବ ରେକର୍ଡ କରିଛନ୍ତି ରୋଜର ଫେଡେରର । ପ୍ରଥମ ଖେଳାଳି ଭାବରେ 400 ଗ୍ରାଣ୍ଡସ୍ଲାମ୍ ମ୍ୟାଚ୍ ଖେଳିବାର ରେକର୍ଡ ହାସଲ କରିଛନ୍ତି ଫେଡେରର । ଚଳିତ ଫ୍ରେଞ୍ଚ ଓପନର ତୃତୀୟ ରାଉଣ୍ଡ ମ୍ୟାଚ୍ ଖେଳିବା ସହିତ ଏହି ମାଇଲଖୁଣ୍ଟ ହାସଲ କରିଛନ୍ତି 37 ବର୍ଷୀୟ ଫେଡେରର । ନିଜର ତୃତୀୟ ରାଉଣ୍ଡ ମୁକାବିଲାରେ ଫେଡେରର ନରଓ୍ବେର 20 ବର୍ଷୀୟ ଖେଳାଳି କାସ୍ପର ରୁଡ୍ଙ୍କୁ ପରାସ୍ତ କରି ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି ଫେଡେରର । ରୁଡ୍ଙ୍କୁ 6-3, 6-1, 7-6(10-8) ସେଟ୍ରେ ପରାସ୍ତ କରି ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି ରୁଡ୍ । 2 ଘଣ୍ଟା 11 ମିନିଟ୍ରେ ଏହି ମ୍ୟାଚ୍ଟି ଶେଷ ହୋଇଥିଲା । 14 ଥର ପାଇଁ ଫ୍ରେଞ୍ଚ ଓପନର ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି ଫେଡେରର ।
ଆସନ୍ତା ୩ରେ ଯୁକ୍ତ ୨ ବିଜ୍ଞାନ ପରୀକ୍ଷା ଫଳ ପ୍ରକାଶ ପାଇବ । ଏନେଇ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଘୋଷଣା କରାଯାଇଛି । ଚଳିତ ବର୍ଷ ବିଜ୍ଞାନରେ ୯୯ ହଜାର ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ପ୍ରଥମେ ଥିଓରୀ ପରୀକ୍ଷା ଅନୁଷ୍ଠିତ ହୋଇଥିଲା । ତେବେ ଚଳିତ ବର୍ଷ ରେଜଲ୍ଟ ପ୍ରକାଶ ବିଳମ୍ବ ହେବା ନେଇ ବିଭିନ୍ନ ଅଭିଯୋଗ ମଧ୍ୟ ଆସିଥିଲା । ଆସନ୍ତା ୩ରେ ଯୁକ୍ତ ଦୁଇ ବିଜ୍ଞାନ ପରୀକ୍ଷା ଫଳ ପ୍ରକାଶ ପାଇବ । ଭୁବନେଶ୍ୱର ଗୀତାଗୋବିନ୍ଦ ଭବନରେ ରେଜଲ୍ଟ ପ୍ରକାଶ ପାଇବା ପରେ ଏହା ୱେବସାଇଟରେ ଉପଲବ୍ଧ ହେବ ।
ହାଇଦ୍ରାବାଦ ସାଂସଦ ଅସଦ୍ଦୁଦ୍ଦିନ ଓଓ୍ବେସୀ ରମ୍ଜାନର ଭିଡ ଟ୍ରାଫିକ୍ର ପରିଚାଳନା ଦାୟିତ୍ବ ନିର୍ବାହ କରିଛନ୍ତି। ଟ୍ରାଫିକ୍ ପରିଚାଳନା କରିବା ଏବଂ ଟ୍ରାଫିକ୍ ଖାଲି ହେବା ପରେ ଓଓ୍ବେସୀ ନିଜ କାର୍ରେ ଚାଲି ଯାଇଥିଲେ। ଫତେହ ଦରଓ୍ବାଜା ରୋଡରେ ଭୟଙ୍କର ଟ୍ରାଫିକ୍ ଖାଲି କରିଥିଲେ ଓଓ୍ବେସୀ। ସନ୍ଧ୍ୟା ସମୟରେ ଉକ୍ତ ଅଞ୍ଚଳ ଦେଇ ଯାଉଥିବା ଓଓ୍ବେସୀ ଭୟଙ୍କର ଭିଡ ଦେଖି କାର୍ରୁ ଓହ୍ଲାଇ ଲୋକଙ୍କ ସହାୟତା କରିଥିଲେ। ରମ୍ଜାନ୍ ମାସର ଅନ୍ତିମ ଶୁକ୍ରବାର ହୋଇଥିବାରୁ ଅନେକ ମୁସ୍ଲିମ୍ ଭକ୍ତ ନମାଜ ପାଇଁ ଯାଇଥିଲେ ଯାହା ଦ୍ବାରା ଭୟଙ୍କର ଟ୍ରାଫିକ୍ ସୃଷ୍ଟି ହୋଇଥିଲା। ହାଇଦ୍ରାବାଦର ଏହି ଚାରି ଥର ସାଂସଦ ଟ୍ରାଫିକ୍ ଜାମ୍ରେ ଫସିବା ପରେ ଟ୍ରାଫିକ୍ ଖାଲି କରିଥିଲେ। ଓଓ୍ବେସୀଙ୍କ ଏହି କାର୍ଯ୍ୟକୁ ସୋସିଆଲ ମିଡିଆରେ ପ୍ରଶଂସା କରାଯାଇଥିଲା।
ପୂର୍ବତନ ଭାରତୀୟ ରାଷ୍ଟ୍ରପତି ପ୍ରତିଭା ଦେବୀ ସିଂ ପାଟିଲଙ୍କୁ ମେକ୍ସିକୋ ସରକାର ଏହାର ସର୍ବୋଚ୍ଚ ବେସାମରିକ ସମ୍ମାନ ‘ଅର୍ଡେନ୍ ମେକ୍ସିକାନ୍ ଡେଲ୍ ଅଗୁଲିଆ ଆଜ୍ଟେକା’ରେ ସମ୍ମାନରେ ସମ୍ମାନିତ କରାଯାଇଛି । ବିଦେଶୀଙ୍କୁ ପ୍ରଦାନ କରାଯାଉଥିବା ମେକ୍ସିକୋର ଏହି ସର୍ବୋଚ୍ଚ ସମ୍ମାନରେ ଶନିବାର ଦିନ ସମ୍ମାନିତ କରାଯାଇଛି । ଭାରତରେ ଅବସ୍ଥାପିତ ମେକ୍ସିକୋ ରାଷ୍ଟ୍ରଦୂତ ମେଲବା ପାରିଆ ଶ୍ରୀମତି ପାଟିଲଙ୍କୁଏହି ସମ୍ମାନରେ ସମ୍ମାନିତ କରିଛନ୍ତି । ପୁନେର ଏମ୍ସିସିଆଇଏ ଭବନରେ ଏକ ସମ୍ବର୍ଦ୍ଧନା କାର୍ଯ୍ୟକ୍ରମରେ ଭାରତର ପ୍ରଥମ ମହିଳା ରାଷ୍ଟ୍ରପତି (2007-2012) ପ୍ରତିଭା ପାଟିଲଙ୍କୁ ସମ୍ମାନିତ କରାଯାଇଛି । 85 ବର୍ଷୀୟ ପାଟିଲ ଦ୍ବିତୀୟ ଭାରତୀୟ ଭାବରେ ଏହି ସମ୍ମାନ ହାସଲ କରିଛନ୍ତି । ପୂର୍ବରୁ ଡ. ସର୍ବପଲ୍ଲୀ ରାଧାକ୍ରିଷ୍ଣନ୍ ଏହି ପୁରସ୍କାର ହାସଲର ଗୌରବ ହାସଲ କରିଥିଲେ ।
କର୍ଣ୍ଣାଟକର ରାଜ୍ୟ ବିଜେପି ଅଧ୍ୟକ୍ଷ ବି.ଏସ. ୟେଦୁରପ୍ପାଙ୍କୁ ବିଜେପି କଡା ନିର୍ଦ୍ଦେଶ ଦେଇଛନ୍ତି । କର୍ଣ୍ଣାଟକରେ ସେ ବାରମ୍ବାର ରାଜ୍ୟର ମୁଖ୍ୟମନ୍ତ୍ରୀ ହେବାକୁ ଚେଷ୍ଟା କରୁଛନ୍ତି। ତେଣୁ ରାଜ୍ୟରେ କ୍ଷମତାସୀନ କଂଗ୍ରେସ-ଜେଡିଏସ ସରକାରକୁ ଅସ୍ଥିର କରିବା ଲାଗି ପ୍ରୟାସ କରୁଥିବା ନେଇ ତାଙ୍କ ବିରୋଧରେ ଅନେକ ଥର ଅଭିଯୋଗ ଆସିଛି। ରାଜ୍ୟରେ ସରକାରକୁ ଅସ୍ଥିର କରିବାକୁ ଉଦ୍ୟମ ନ କରିବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅମିତ୍ ଶାହା ୟେଦୁରପ୍ପାଙ୍କୁ କଡ଼ା ନିର୍ଦେଶ ଦେଇଛନ୍ତି। ଅପରପକ୍ଷେ ୟେଦୁରପ୍ପା ମେଣ୍ଟ ସରକାରର ସହଯୋଗୀ ଦଳଗୁଡ଼ିକୁ ରାଜ୍ୟର ବିକାଶ ଉପରେ ଧ୍ୟାନ ଦେବାକୁ କହିବା ସହ ତାଙ୍କ ଦଳ ସରକାରକୁ ଅସ୍ଥିର କରିବାକୁ ଉଦ୍ୟମ କରିବ ନାହିଁ ବୋଲି ସ୍ପଷ୍ଟ କରିଛନ୍ତି। ସେ ଆହୁରି କହିଛନ୍ତି, ଦଳ କ୍ଷମତାକୁ ଆସିବା ଲାଗି ବ୍ୟସ୍ତ ହେଉନାହିଁ। ବିରୋଧୀ ଦଳ ଭାବେ କାର୍ଯ୍ୟ କରିବା ଲାଗି ତାଙ୍କ ନିକଟରେ କ୍ଷମତା ରହିଛି।
ପାକିସ୍ତାନର ଏକ କୋର୍ଟ ଆତଙ୍କବାଦୀଙ୍କୁ ଅର୍ଥ ଯୋଗାଣ ମାମଲାରେ ତିନି ଜୈସ୍ ଏ ମହମ୍ମଦ ଆତଙ୍କବାଦୀଙ୍କୁ 5 ବର୍ଷ କାରାଦଣ୍ଡରେ ଦଣ୍ଡିତ କରିଛି । ମାସୁଦ୍ ଆଝାର ଦ୍ବାରା ପରିଚାଳିତ ଜେଇଏମ୍ର ତିନି ସଦସ୍ୟଙ୍କୁ ଏହି କାରାଦଣ୍ଡ ସହିତ ଅର୍ଥ ଦଣ୍ଡାଦେଶ ମଧ୍ୟ ପ୍ରଦାନ କରାଯାଇଛି । ତିନି ଜେଇଏମ୍ ସଦସ୍ୟ ଏମ୍ ଇଫ୍ତିକାର, ମହମ୍ମଦ ଆଜ୍ମଲ୍ ଏବଂ ବିଲାଲଙ୍କୁ ପାକିସ୍ତାନର ଆତଙ୍କୀ ନିବାରଣ ବିଭାଗ ଏହି ଦଣ୍ଡାଦେଶ ଶୁଣାଇଛନ୍ତି । ଇଫତିକାରଙ୍କୁ 45 ହଜାର, ଆଜମଲ୍ଙ୍କୁ 40 ହଜାର ଏବଂ ବିଲାଲକୁ 40 ହଜାର ଟଙ୍କାର ଅର୍ଥ ଦଣ୍ଡରେ ମଧ୍ୟଦଣ୍ଡିତ କରାଯାଇଛି । ବୁଧବାର ଆତଙ୍କୀ ନିବାରଣ ବିଭାଗ ପକ୍ଷରୁ 6 ଜେଇଏମ୍ ସଦସ୍ୟଙ୍କୁ ଗିରଫ କରାଯାଇଥିଲା । ଏହା ମଧ୍ୟରୁ ତିନି ଆତଙ୍କୀ ଆଇଏସ୍ ଏବଂ ଲସ୍କର ଏ ଝାଙ୍ଗଭୀ ସଙ୍ଗଠନର ସଦସ୍ୟ ରହିଛନ୍ତି ।
ଆସନ୍ତା ୨୦୧୯-୨୦ ଶିକ୍ଷା ବର୍ଷରେ ଯୁକ୍ତ ଦୁଇ କଲେଜରେ ନାମଲେଖା ପାଇଁ ବିଜ୍ଞପ୍ତି ପ୍ରକାଶ ପାଇଛି । ଆସନ୍ତା ଜୁନ୍ ୬ ତାରିଖରୁ ଏହି ନାମଲେଖା ପ୍ରକ୍ରିୟା ଆରମ୍ଭ ହେବ । ଉଭୟ ଅନଲାଇନ ଏବଂ ଅଫଲାଇନରେ ଛାତ୍ରଛାତ୍ରୀମାନେ ନାମଲେଖା ପ୍ରକ୍ରିୟାରେ ସାମିଲ ହୋଇପାରିବେ । ଛାତ୍ରଛାତ୍ରୀମାନେ ବିଭିନ୍ନ ଜୁନିଅର କଲେଜରେ କଳା, ବାଣିଜ୍ୟ ଏବଂ ବିଜ୍ଞାନ ପାଇଁ ଆବେଦନ କରିପାରିବେ । ଉଭୟ ସରକାରୀ ଏବଂ ପ୍ରାଇଭେଟ କଲେଜରେ ନାମଲେଖା ପାଇଁ ପ୍ରକ୍ରିୟା ସମାନ ରହିଛି । ନାମଲେଖା ଆବେଦନ ପାଇଁ ବିଭିନ୍ନ ବର୍ଗର ଛାତ୍ରଛାତ୍ରୀଙ୍କ ପାଇଁ ଫିସ୍ ଧାର୍ଯ୍ୟ କରାଯାଇଛି। ସାଧାରଣ ବର୍ଗ ଛାତ୍ରଛାତ୍ରୀଙ୍କ ପାଇଁ ତିନି ଶହ ଟଙ୍କା ଧାର୍ଯ୍ୟ କରାଯାଇଥିବା ବେଳେ ସଂରକ୍ଷିତ ବର୍ଗର ଛାତ୍ରଛାତ୍ରୀଙ୍କ ପାଇଁ ଦୁଇ ଶହ ଟଙ୍କା ଧାର୍ଯ୍ୟ କରାଯାଇଛି। ଅନ୍ଲାଇନ୍ ଆବେଦନ ପାଇଁ www.samsodisha.gov.in ୱେବସାଇଟ୍କୁ ଯିବାକୁ ପଡ଼ିବ। ଅନ୍ଲାଇନ୍ ଆବେଦନର ଶେଷ ତାରିଖ ହେଉଛି ଜୁନ୍ ୨୦। ଅଫଲାଇନ ପାଇଁ…