ନୂଆଦିଲ୍ଲୀ: ଅପରାହ୍ନ ୩ଟାରୁ ରାତି ୯ଟା ପର୍ଯ୍ୟନ୍ତ ଦେଶର ରାସ୍ତାରେ ଅଧିକ ସତର୍କ ରୁହନ୍ତୁ କାରଣ ପ୍ରତିଦିନର ୨୪ ଘଣ୍ଟା ମଧ୍ୟରେ ସବୁଠାରୁ ମାରାତ୍ମକ ସଡ଼କ ଦୁର୍ଘଟଣା ଘଟୁଛି। ଏଥିରେ ମଧ୍ୟ ସନ୍ଧ୍ୟା ୬ଟାରୁ ରାତି ୯ଟା ପର୍ଯ୍ୟନ୍ତ ସମୟ ସବୁଠାରୁ ବିପଜ୍ଜନକ ହେବାରେ ଲାଗିଛି। ୨୦୨୨ରେ ଭାରତରେ ସଡ଼କ ଦୁର୍ଘଟଣାକୁ ନେଇ କେନ୍ଦ୍ର ସଡ଼କ, ପରିବହନ ଓ ରାଜପଥ ମନ୍ତ୍ରଣାଳୟଦ୍ୱାରା ପ୍ରକାଶିତ ବାର୍ଷିକ ରିପୋର୍ଟର ଅଧ୍ୟୟନରୁ ଏହା ସାମ୍ନାକୁ ଆସିଛି। ଏହା ଅନୁଯାୟୀ, ଦେଶରେ ସମୁଦାୟ ସଡ଼କ ଦୁର୍ଘଟଣାର ୩୭ ପ୍ରତିଶତରୁ ଅଧିକ କେବଳ ଏହି ସମୟରେ ପ୍ରତିଦିନ ଅପରାହ୍ନ ୩ଟାରୁ ରାତି ୯ଟା ମଧ୍ୟରେ ଘଟିଥାଏ। ପ୍ରତିଦିନ ସନ୍ଧ୍ୟା ୬ଟାରୁ ରାତି ୯ଟା ମଧ୍ୟରେ ୨୦ ପ୍ରତିଶତରୁ ଅଧିକ ସଡ଼କ ଦୁର୍ଘଟଣା ଘଟୁଛି। ନଚେତ୍ ସେହି ସମୟ ମଧ୍ୟରେ ୨୦ ପ୍ରତିଶତରୁ ଅଧିକ ସଡ଼କ ଦୁର୍ଘଟଣା ଘଟିଥିବାବେଳେ ୨୪ ଘଣ୍ଟା ମଧ୍ୟରେ ଗୋଟିଏ ବି ସମୟ ନାହିଁ। ଏହି…
Author: Samikhsya Bureau
ଭୁବନେଶ୍ବର: ମୁଖ୍ୟ ଶାସନ ସଚିବ ଶ୍ରୀ ପ୍ରଦୀପ କୁମାର ଜେନାଙ୍କ ଅଧ୍ୟକ୍ଷତାରେ ଆଜି ସମସ୍ତ ବିଭାଗ ସଚିବସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି। ଅକ୍ଟୋବର ଶେଷ ସୁଦ୍ଧା ବିଭିନ୍ନ ବିଭାଗ ସହିତ ରାଜ୍ୟର ବିତ୍ତୀୟ ପ୍ରଦର୍ଶନ ଉପରେ ଆଲୋକପାତ କରାଯାଇଥିଲା। ସମସ୍ତ ବିଭାଗ ପୂର୍ବ ବର୍ଷର ଅକ୍ଟୋବର ମାସ ତୁଳନାରେ ଏ ବର୍ଷର କାର୍ଯ୍ୟ ପ୍ରଦର୍ଶନ ଭଲ କରିଛନ୍ତି। ପ୍ରତିମାସ ପ୍ରଥମ ସପ୍ତାହରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥାଏ ଏହି ସଚିବ ସ୍ତରୀୟ ବୈଠକ। ଏଥିରେ ଗତ ମାସର ବିଭିନ୍ନ କାର୍ଯ୍ୟର ଅଗ୍ରଗତି ସହିତ ଚଳିତ ମାସର ଯୋଜନା ଉପରେ ଆଲୋଚନା ହୋଇଥାଏ।
ଭୁବନେଶ୍ୱର: ଭାରତୀୟ ସଂସ୍କୃତି ଅନୁଯାୟୀ ବିବାହ କେବଳ ଦୁଇଜଣଙ୍କୁ ନୁହେଁ ବରଂ ଦୁଇ ପରିବାରକୁ ବନ୍ଧନରେ ବାନ୍ଧି ରଖିଥାଏ। ତେଣୁ ବିବାହ ପରେ ଝିଅ କେମିତି ବଞ୍ଚିବ କିମ୍ବା ପୁଅ କେମିତି ବଞ୍ଚିବ ବୋଲି ପ୍ରଶ୍ନ ଉଠାଇବା ଭୁଲ। କାରଣ ଯେଉଁଠି ଅନେକ ସମ୍ପର୍କ ରହିଛି, ସେଠାରେ କେବଳ ଦୁଇଜଣ ବ୍ୟକ୍ତି ଭଲ ରହିବା ଯଥେଷ୍ଟ ନୁହେଁ। ପିଲାଙ୍କ ବିବାହ ପରେ ପିତାମାତାମାନେ ସେମାନଙ୍କ ଆଚରଣ ପ୍ରତି ଧ୍ୟାନ ଦେବା ଅତ୍ୟନ୍ତ ଜରୁରୀ। କାରଣ ଏହାହିଁ ଭବିଷ୍ୟତରେ ନୂଆ ପରିବାରର ଭବିଷ୍ୟତ ଏବଂ ନୂତନ ସଦସ୍ୟଙ୍କ ସମ୍ପର୍କର ନିର୍ଦ୍ଧାରଣ କରିଥାଏ। କିନ୍ତୁ ସମାଜରେ ଏ ବିଷୟରେ କୌଣସି କଥାବାର୍ତ୍ତା ହୁଏ ନାହିଁ, ଯାହାର ପରିଣାମ କାହାଠାରୁ ଲୁଚି ନ ଥାଏ – ପୁଅଝିଅମାନେ ବିବାହ କରିବାମାତ୍ରେ ପରିବାରଠାରୁ ଅଲଗା ହୋଇଯାଆନ୍ତି। ଏଭଳି ପରିସ୍ଥିତିରେ ଯଦି ଆପଣ ନିଜ ପୁଅବୋହୂଙ୍କୁ ନିଜଠାରୁ ଦୂରେଇ ରଖିବାକୁ ଚାହୁଁନାହାଁନ୍ତି ତେବେ ନିଜର କିଛି ଅଭ୍ୟାସରେ ସୁଧାର…
ଭୁବନେଶ୍ବର: ରାଜ୍ୟ ସରକାରଙ୍କର ଗ୍ରାମାଭିମୂଖୀ ମହତ୍ବକାଂକ୍ଷୀ ଯୋଜନା ‘ଆମ ଓଡିଶା ନବୀନ ଓଡିଶା’ ମାଧ୍ୟମରେ ନୂଆ ଓଡିଶା ସଶକ୍ତ ଓଡିଶା ଗଠନର ଭିତ୍ତିଭୂମିକୁ ସୁଦୃଢ କରିବା ପାଇଁ ଆରମ୍ଭ ହୋଇଛି ଅଭିଯାନ। ଏହି କାର୍ଯ୍ୟକ୍ରମର ଫୋକସ୍ ହେବ ପ୍ରତି ପଞ୍ଚାୟତ, ପ୍ରତି ଗାଁ। ଆଜି ଭୁବନେଶ୍ବରରୁ ଆଭାସୀ ଯୋଗେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ କାର୍ଯ୍ୟକ୍ରମର ୧୦ମ ଦିନରେ ମୟୁରଭଞ୍ଜ, ସମ୍ବଲପୁର ଓ ମାଲକାନଗିରି ଜିଲ୍ଲାରେ ଏହି ଯୋଜନାର ଶୁଭାରମ୍ଭ କରିଛନ୍ତି। ପ୍ରତି ପଞ୍ଚାୟତ ପାଇବେ ୫୦ ଲକ୍ଷ ଟଙ୍କା। ଏଥିପାଇଁ ମୟୁରଭଞ୍ଜ ଜିଲ୍ଲାର ୪ଟି ନିର୍ବାଚନମଣ୍ଡଳୀକୁ ମିଳିଛି ୯୦.୫୦ କୋଟି ଟଙ୍କା। ଏହି ନିର୍ବାଚନମଣ୍ଡଳୀ ଗୁଡିକ ହେଲା – ଯଶିପୁର, କରଞ୍ଜିଆ, ସାରସକଣା ଓ ରାଇରଙ୍ଗପୁର। ଏହିସବୁ ନିର୍ବାଚନ ମଣ୍ଡଳୀର ୧୩ଟି ବ୍ଲକ୍ର ୧୮୧ଟି ଗ୍ରାମ ପଞ୍ଚାୟତରେ ୨୪୨୭ଟି ପ୍ରକଳ୍ପ ହେବ। ସେହିପରି ସମ୍ବଲପୁର ଜିଲ୍ଲାର ୩ଟି ନିର୍ବାଚନମଣ୍ଡଳୀ ପାଇଁ ୬୯ କୋଟି ଟଙ୍କା ମଂଜୁର ହୋଇଛି। ଏହି ନିର୍ବାଚନମଣ୍ଡଳୀ…
ଖୋର୍ଦ୍ଧା: ସ୍ଵତନ୍ତ୍ର ସଂକ୍ଷିପ୍ତ ଭୋଟର ତାଲିକା ସଂଶୋଧନ-୨୦୨୪ ପରିପ୍ରେକ୍ଷୀରେ ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ, ଖୋର୍ଦ୍ଧାଙ୍କ ଅଧକ୍ଷତାରେ ସମସ୍ତ ରାଜନୈତିକ ଦଳର ପ୍ରତିନିଧିଙ୍କ ସହିତ ତା ୦୩/୧୧/୨୦୨୩ ରିଖ ଅପରାହ୍ନ ୪ ଘଟିକା ସମୟରେ ଜିଲ୍ଲାପାଳଙ୍କ କାର୍ଯ୍ୟ।ଳୟ ଠାରେ ଏକ ବୈଠକ ଅନୁଷ୍ଠିତ ହୋଇ ଯାଇଅଛି। ଏହି ବୈଠକରେ ସ୍ଵତନ୍ତ୍ର ସଂକ୍ଷିପ୍ତ ଭୋଟର ତାଲିକା ସଂଶୋଧନ-୨୦୨୪ ବିଷୟରେ ବିସ୍ତୃତ ଆଲୋଚନା ହୋଇଥିଲା ଏବଂ ସ୍ଥିରୀକୃତ ତା ୫/୧୧/୨୦୨୩, ୧୧/୧୧/୨୦୨୩, ୧୯/୧୧/୨୦୨୩ ଏବଂ ୨୫/୧୧/୨୦୨୩ ରିଖ ଦିନ ଗୁଡିକରେ ସ୍ଵତନ୍ତ୍ର ସଂକ୍ଷିପ୍ତ ଭୋଟର ତାଲିକା ସଂଶୋଧନ ଅଭିଯାନ କାର୍ଯ୍ୟକ୍ରମରେ ଭୋଟର ତାଲିକାରେ ନିର୍ଭୁଲ ସଂଶୋଧନ ଓ ଆସନ୍ତା ୨୦୨୪ ନିର୍ବାଚନରେ ଅଧିକରୁ ଅଧିକ ମତଦାନ ସଚେତନତା ପାଇଁ ସମସ୍ତ ରାଜନୈତିକ ଦଳ ଗୁଡିକର ସହଯୋଗ ଜାରି ରଖିବା ପାଇଁ ଜିଲ୍ଲାପାଳ ଅନୁରୋଧ କରିଥିଲେ ଓ ଉପସ୍ଥିତ ପ୍ରତିନିଧି ମାନେ ସହମତି ପ୍ରକାଶ କରିଥିଲେ।
ଜୟପୁର: ରାଜସ୍ଥାନର ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ କହିଛନ୍ତି ଯେ ସେ ଏବେ ଅବସର ନେଇପାରିବେ ବୋଲି ଅନୁଭବ କରୁଛନ୍ତି। ଲୋକସଭାରେ ଝାଲୱାର-ବରଣରୁ ପ୍ରତିନିଧିତ୍ୱ କରୁଥିବା ତାଙ୍କ ପୁଅ ଦୁଷ୍ମନ୍ତ ସିଂହ ଜନପ୍ରତିନିଧିଭାବେ ଅଗ୍ରଗତି କରୁଥିବା ବେଳେ ଭାରତୀୟ ଜନତା ପାର୍ଟି ନେତା ଏହି ମନ୍ତବ୍ୟ ଦେଇଛନ୍ତି। ଝାଲୱାରରେ ଏକ ସାଧାରଣ ସଭାରେ ତାଙ୍କ ପୁଅ ମଧ୍ୟ ଉପସ୍ଥିତ ଥିବାବେଳେ ରାଜେ କହିଛନ୍ତି, ‘ମୋ ପୁଅକଥା ଶୁଣିବା ପରେ ମୁଁ ଅନୁଭବ କରୁଛି ଯେ ମୁଁ ଅବସର ନେବା ଉଚିତ କାରଣ ଆପଣମାନେ ସମସ୍ତେ ତାଙ୍କୁ ଏତେ ଭଲଭାବେ ପ୍ରଶିକ୍ଷଣ ଦେଇଛନ୍ତି ଯେ ମୋତେ ତାଙ୍କୁ ଧକ୍କା ଦେବାର ଆବଶ୍ୟକତା ନାହିଁ।’ ସମସ୍ତ ବିଧାୟକ ଏଠାରେ ଅଛନ୍ତି ଏବଂ ମୁଁ ଅନୁଭବ କରୁଛି ଯେ ସେମାନଙ୍କ ଉପରେ ନଜର ରଖିବାର କୌଣସି ଆବଶ୍ୟକତା ନାହିଁ କାରଣ ସେମାନେ ନିଜେ ଲୋକଙ୍କ ପାଇଁ କାମ କରିବେ। ଏହା ହେଉଛି ଝାଲୱାର ବୋଲି କହିଛନ୍ତି…
ନୂଆଦିଲ୍ଲୀ: ଆସନ୍ତା ଲୋକସଭା ନିର୍ବାଚନ ପୂର୍ବରୁ କେନ୍ଦ୍ର ସରକାର ଦେଶର ୧.୨୦ କୋଟି ଗୃହିଣୀଙ୍କ ସେବା ପାଇଁ ପ୍ରସ୍ତୁତି ଚଳାଇଛନ୍ତି। ଏଥିପାଇଁ ଦେଶର ଏକ କୋଟି ପରିବାରକୁ ଖୁବ୍ କମ୍ ବିଦ୍ୟୁତ୍ ଶକ୍ତି ବ୍ୟବହାର ହେଉଥିବା ଫ୍ୟାନ୍ ଏବଂ ୨୦ ଲକ୍ଷ ଇଲେକ୍ଟ୍ରିକ୍ ଚୁଲା ବଣ୍ଟନ କରାଯିବ। ତେବେ ଏହି ଯୋଜନା ସରକାରୀ କମ୍ପାନୀ ଇଇଏସ୍ଏଲ୍ ଅଧୀନରେ ରହିଛି, ଯାହାଶକ୍ତି ମନ୍ତ୍ରାଳୟ ଅଧୀନରେ କାର୍ଯ୍ୟକାରୀ ହେବ। ଦେଶରେ ବିଜୁଳି ବ୍ୟବହାର ବଢ଼ାଇବାକୁ ଲକ୍ଷ୍ୟ ରଖାଯାଇଛି ପ୍ରଧାନମନ୍ତ୍ରୀ ଉଜ୍ଜ୍ୱଳା ଏଲପିଜି ଯୋଜନା ଭଳି ସାଧାରଣ ଜନତାଙ୍କୁ ଆକୃଷ୍ଟ କରିବାରେ ସମାନ ଭୂମିକା ଗ୍ରହଣ କରିପାରିବ ବୋଲି ଗୁରୁବାର ଶକ୍ତି ମନ୍ତ୍ରୀ ଆର୍ କେ ସିଂହ ଏ ସମ୍ପର୍କିତ ଦୁଇଟି କାର୍ଯ୍ୟକ୍ରମ ବିଷୟରେ କହିଥିଲେ। ଏହି ଯୋଜନାର ଅନ୍ୟତମ ଉଦ୍ଦେଶ୍ୟ ହେଉଛି ଦେଶରେ ବିଜୁଳି ବ୍ୟବହାର ବୃଦ୍ଧି କରିବା। ବିଶେଷ କରି ଯେଉଁ ଘରେ ବିଦ୍ୟୁତ୍ ସଂଯୋଗ ଦିଆଯାଇଛି ସେଠାରେ ଇଲେକ୍ଟ୍ରିକ୍ ଫ୍ୟାନ୍ ଓ…
ନୂଆଦିଲ୍ଲୀ: ବିଜେପି ସାଂସଦ ନିଶିକାନ୍ତ ଦୁବେ ସାଂସଦ ରମେଶ ବିଧୁରୀ ଏବଂ ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରା ପ୍ରସଙ୍ଗରେ ବିରୋଧୀଙ୍କ ଆଭିମୁଖ୍ୟ ଉପରେ ପ୍ରଶ୍ନ ଉଠାଇଛନ୍ତି। ଦେଶରେ ମହିଳା ଓ ମୁସଲମାନଙ୍କ ପାଇଁ ଭିନ୍ନ ନିୟମ ଅଛି କି ବୋଲି ସେ ପ୍ରଶ୍ନ କରିଛନ୍ତି। ନିଶିକାନ୍ତ ଦୁବେ ଏକ୍ସରେ ଟୁଇଟ୍ କରି କହିଛନ୍ତି, ହିନ୍ଦୁ ହେବା, ଏହି ଦେଶରେ ମଣିଷ ହେବା କ’ଣ ଅପରାଧ? ମହିଳା ଓ ମୁସଲମାନଙ୍କ ପାଇଁ ଅଲଗା ନିୟମ, ଆଇନ ଅଛି କି ? ସାଂସଦ ରମେଶ ବିଧୁରୀ ଜୀ ଦାନିଶ ଅଲ୍ଲୀ ସାଂସଦଙ୍କୁ ଗାଳି ଗୁଲଜ କରିଥିଲେ (ଯାହାକୁ କୌଣସି ସଭ୍ୟ ସମାଜ ଭୁଲ ମନେକରେ), ତାଙ୍କ ପଛରେ ଥିବା ସମଗ୍ର ବିରୋଧୀ ଭାବିଥିଲେ ଯେ ଯଦି ବିଧୁରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାନଯାଏ, ତେବେ ଭାରତର ଗଣତନ୍ତ୍ର ଶେଷ ହୋଇଯିବ । ଗତ କିଛିଦିନ ହେବ ମହୁଆ ମୋ ମା’ଙ୍କୁ ଗାଳି ଗୁଲଜ…
ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ବଢ଼ୁଥିବା ସଂଘର୍ଷ ଏବଂ ରୁଷିଆ-ୟୁକ୍ରେନ ଯୁଦ୍ଧ ଭଳି ଭୂ-ରାଜନୈତିକ ଅସ୍ଥିରତା ଯୋଗୁଁ ସୃଷ୍ଟି ହୋଇଥିବା ବିଶ୍ୱ ପରିସ୍ଥିତିରେ ଭାରତ ଆଶାର କିରଣ ହୋଇ ରହିଛି ବୋଲି ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ ବର୍ଣ୍ଣନା କରିଛନ୍ତି। ଚାଣକ୍ୟ ପ୍ରତିରକ୍ଷା ଆଲୋଚନାରେ ସେ କହିଛନ୍ତି ଯେ ପୂର୍ବ ଲଦାଖରେ ଚୀନ୍ ସହ ସୀମା ବିବାଦ ପରିପ୍ରେକ୍ଷୀରେ ଭାରତର ଆଭିମୁଖ୍ୟ ସମସ୍ତ ଦେଶର ସାର୍ବଭୌମତ୍ୱ ଏବଂ ଆଞ୍ଚଳିକ ଅଖଣ୍ଡତାକୁ ସମ୍ମାନ ଦେବା ସହିତ ବିବାଦର ଶାନ୍ତିପୂର୍ଣ୍ଣ ସମାଧାନ ଏବଂ ଅନ୍ତର୍ଜାତୀୟ ନିୟମପାଳନ ଉପରେ ଗୁରୁତ୍ୱାରୋପ କରୁଛି। ଜେନେରାଲ ପାଣ୍ଡେ ନିଜ ଅଭିଭାଷଣରେ ଏହା ମଧ୍ୟ କହିଛନ୍ତି ଯେ ଭାରତ ବିଶ୍ୱର ନୂଆ ନୂଆ ସ୍ଥାନରେ ପ୍ରତିରକ୍ଷା ଶାଖା ସ୍ଥାପନ କରୁଛି। ବନ୍ଧୁତ୍ୱପୂର୍ଣ୍ଣ ବିଦେଶୀ ସହଯୋଗୀ ରାଷ୍ଟ୍ରମାନଙ୍କ ସହ ମିଳିତ ପ୍ରଶିକ୍ଷଣ ଏବଂ ଅଭ୍ୟାସର ପରିସର ଏବଂ ବ୍ୟାପକତାକୁ ବିସ୍ତାର କରିବାକୁ ସେନା ଚାହୁଁଛି। ଏକଦା ଆମେ ଯେଉଁ ବିଶ୍ଵୀକରଣ ଦୁନିଆକୁ ପ୍ରଶଂସା…
ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଭୁବନେଶ୍ୱରର ଏକ ଚଳଚ୍ଚିତ୍ର ପ୍ରେକ୍ଷାଳୟରେ ଚାଲିଥିବା ଏକ ଚଳଚ୍ଚିତ୍ର ସମ୍ପର୍କରେ ଖବର ସଂଗ୍ରହ ପାଇଁ ଯାଇଥିବା ଜନୈକା ମହିଳା ସାମ୍ବାଦିକ ଦେବସ୍ମିତା ରାଉତଙ୍କୁ କର୍ତ୍ତବ୍ୟରତ ସମୟରେ ଚଳଚ୍ଚିତ୍ର ପ୍ରଯୋଜକ ସଞ୍ଜୟ ନାୟକ ମାଡ଼ ମାରିବା ସହ ଦୁର୍ବ୍ୟବହାର ପ୍ରଦର୍ଶନ କରିଥିଲେ। ଯାହାକି ସିସିଟିଭି ଫୁଟେଜ ରେ କଏଦ୍ ହୋଇଛି। କିନ୍ତୁ ଏହି ଭଳି ପରିସ୍ଥିତିରେ ସରକାର କିମ୍ବା ପୋଲିସ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବାରୁ ଆଜି ବ୍ରହ୍ମପୁର ସହରରେ କର୍ତ୍ତବ୍ୟରତ ବିଭିନ୍ନ ଗଣମାଧ୍ୟମ ପ୍ରତିନିଧିମାନେ ଦକ୍ଷିଣାଞ୍ଚଳ ରାଜସ୍ବ ଆୟୁକ୍ତ କାର୍ଯ୍ୟାଳୟରେ ବିକ୍ଷୋଭ ପ୍ରଦର୍ଶନ କରିଛନ୍ତି ଓ ଆୟୁକ୍ତଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କୁ ପ୍ରଯୋଜକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ସ୍ମାରକ ପତ୍ର ପ୍ରଦାନ କରିଛନ୍ତି। ଆଜିର ଏହି କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ମନୋଜ ଦାସ, ଶକ୍ତିଧର ରାଜଗୁରୁ, ଅଶୋକ ବ୍ରହ୍ମା, ସୁଦୀପ ସାହୁ, ସନ୍ୟାସୀ ଗୌଡ଼, ପିଣ୍ଟୁ ବେହେରା, ଶୁଭେନ୍ଦୁ ସାହୁ, ବାବୁଲା…
ନୂଆଦିଲ୍ଲୀ: ମହିଳା ଅଧିକାରୀଙ୍କୁ କର୍ଣ୍ଣେଲଭାବେ ତାଲିକାଭୁକ୍ତ କରିବାକୁ ମନା କରିବା ସେନାର ଆଭିମୁଖ୍ୟ ମନମୁଖୀ ବୋଲି ସୁପ୍ରିମକୋର୍ଟ କହିଛନ୍ତି। ପଦୋନ୍ନତି ପାଇଁ ୧୫ ଦିନ ମଧ୍ୟରେ ସ୍ୱତନ୍ତ୍ର ଚୟନ ବୋର୍ଡକୁ ପୁନର୍ବାର ଡାକିବାକୁ କୋର୍ଟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ମହିଳା ଅଧିକାରୀଙ୍କ ଉଚିତ ଅଧିକାରକୁ ଶେଷ କରିବାର ବାଟ ଖୋଜିବା ପାଇଁ ସେନାର ଆଭିମୁଖ୍ୟକୁ ନିନ୍ଦା କରିଛନ୍ତି। ଖଣ୍ଡପୀଠ କହିଛନ୍ତି, ଏଭଳି ଆଭିମୁଖ୍ୟ ମହିଳା ଅଧିକାରୀମାନଙ୍କୁ ନ୍ୟାୟ ଦେବାର ଆବଶ୍ୟକତା ଉପରେ ପ୍ରତିକୂଳ ପ୍ରଭାବ ପକାଇଥାଏ, ଯେଉଁମାନେ ସେମାନଙ୍କର ପ୍ରାପ୍ୟ ଅଧିକାର ପାଇବା ପାଇଁ ଦୀର୍ଘ ଦିନ ଧରି ସଂଘର୍ଷ କରିଛନ୍ତି। କଟ୍ ଅଫ୍କୁ ଯେଉଁଭଳିଭାବେ କାର୍ଯ୍ୟକାରୀ କରାଯାଇଛି ତାହା ମନମୁଖୀ ଜଷ୍ଟିସ ଜେ ବି ପାର୍ଡିୱାଲା ଓ ଜଷ୍ଟିସ ମନୋଜ ମିଶ୍ରଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, କର୍ଣ୍ଣେଲଭାବେ ପ୍ୟାନେଲରେ ଯୋଗ ଦେବା ପାଇଁ ମହିଳା ଅଧିକାରୀଙ୍କ ସିଆର ହିସାବ…
ନୂଆଦିଲ୍ଲୀ: ବିଜେପି ବିରୋଧରେ ମିଳିତ ବିରୋଧୀ ଦଳ ‘ଇଣ୍ଡିଆ’ ସହିତ ଜଡିତ ଦଳଗୁଡ଼ିକ ପରସ୍ପର ବିରୋଧରେ ସ୍ୱର ଉତ୍ତୋଳନ କରୁଛନ୍ତି। ନୀତୀଶ କୁମାରଙ୍କ ପରେ ଅଖିଳେଶ ଯାଦବ ଏବଂ ଅରବିନ୍ଦ କେଜ୍ରିୱାଲ କଂଗ୍ରେସକୁ ଟାର୍ଗେଟ କରିଛନ୍ତି। ଏଥିସହିତ ବିରୋଧୀ ମେଣ୍ଟର ମତଭେଦକୁ ନେଇ ବିଜେପି କଟାକ୍ଷ କରି କହିଛି ଯେ, ସେମାନଙ୍କ ବ୍ରେକଅପ୍ ନିଶ୍ଚିତ। ବାସ୍ତବରେ ମଧ୍ୟପ୍ରଦେଶର ଅନେକ ଆସନରେ ସମାଜବାଦୀ ପାର୍ଟି ପ୍ରାର୍ଥୀ ଦେଇଛି। ସେପଟେ AAP ଉଭୟ ମଧ୍ୟପ୍ରଦେଶ ଏବଂ ଛତିଶଗଡରେ ଭାଗ୍ୟ ପରୀକ୍ଷା କରୁଛି। ନିର୍ବାଚନ ପ୍ରଚାର ପାଇଁ ମଧ୍ୟପ୍ରଦେଶରେ ପହଞ୍ଚିଥିବା ପୂର୍ବତନ ୟୁପି ସିଏମ୍ ଅଖିଲେଶ ଯାଦବ କହିଛନ୍ତି ଯେ, ଉଭୟ କଂଗ୍ରେସ ଏବଂ ବିଜେପି ମିଶି କରି ଅଛନ୍ତି। ଅଖିଳେଶ ଯାଦବ କ’ଣ କହିଥିଲେ?: ସମାଜବାଦୀ ପାର୍ଟି (ଏସପି) ମୁଖ୍ୟ ଅଖିଳେଶ ଯାଦବ ଶୁକ୍ରବାର ଦିନ କହିଛନ୍ତି ଯେ, କଂଗ୍ରେସ ଏହି ବିଶ୍ୱାସଘାତକତା କରିଛି। ସରକାର ଗଠନରେ କଂଗ୍ରେସକୁ ସମର୍ଥନ କରିଥିବା ପ୍ରଥମ ବ୍ୟକ୍ତି…
ବାସ୍ତୁ ଶାସ୍ତ୍ର: ଯେଉଁ ଘର ସଠିକ୍ ଏବଂ ଘରେ ଥିବା ସାଜସଜ୍ଜା ସାମଗ୍ରୀକୁ ବାସ୍ତୁ ଅନୁଯାୟୀ ରଖାଯାଏ, ତା’ହେଲେ ସେହି ଘରେ ସୁଖ ଏବଂ ସମୃଦ୍ଧତା ରହିଥାଏ। ପରିବାର ଅଗ୍ରଗତି କରେ। ପରିବାର ସଦସ୍ୟଙ୍କ ମଧ୍ୟରେ ପ୍ରେମ ଏବଂ ସୌହାର୍ଦ୍ଦ୍ୟ ବଢେ। କିନ୍ତୁ ଯେତେବେଳେ ଘରେ ବିଶୃଙ୍ଖଳା ଏବଂ ଅଭାବ ଅନଟନ ଲାଗି ରୁହେ, ସେତେବେଳେ ଏହା ବୁଝିବା ଉଚିତ୍ ଯେ ଘରେ କିଛି ବାସ୍ତୁ ତ୍ରୁଟି ଅଛି। ତେଣୁ କେବଳ ଘରର ଦିଗ ନୁହେଁ ଘରର ଜିନିଷଗୁଡ଼ିକର ମଧ୍ୟ ଯତ୍ନ ନେବା ଉଚିତ୍। ବାସ୍ତୁ ଶାସ୍ତ୍ର ଅନୁଯାୟୀ, ଏପରି କିଛି ଜିନିଷ ଘରେ ଉପସ୍ଥିତ ଥାଏ, ଯାହା ପରିବାରର ପ୍ରଗତିରେ ବାଧା ସୃଷ୍ଟି କରିଥାଏ। ଏହିପରି ଜିନିଷଗୁଡିକ ଘରୁ ବାହାରକୁ ଫିଙ୍ଗି ଦିଆଯିବା ଉଚିତ୍। ତେବେ ଆସନ୍ତୁ ଜାଣିବା କେଉଁ ଜିନିଷଗୁଡ଼ିକ ତୁରନ୍ତ ଘରୁ ବାହାରକୁ ଫିଙ୍ଗିବା ଉଚିତ୍। ଏହି ଜିନିଷଗୁଡ଼ିକୁ ଘରୁ ବାହାର କରନ୍ତୁ: – ନଟରାଜଙ୍କ ମୂର୍ତ୍ତିକୁ ଘରେ…
ଭୁବନେଶ୍ବର: ନବୀନ ଓଡିଶା ଓ ୫ଟି ଅଧ୍ୟକ୍ଷ ଶ୍ରୀ ଭି କେ ପାଣ୍ଡିଆନ୍ ଆଜି ଭୋର ୪.୩୦ ରେ ପୁରୀ ଯାଇ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଅଗ୍ରଗତି ସମ୍ପର୍କରେ ସମୀକ୍ଷା କରିଥିଲେ। ପରିକ୍ରମା ପ୍ରକଳ୍ପ କାମ ତ୍ଵରାନ୍ଵିତ କରି ୨୦୨୩ ଡିସେମ୍ବର ୧୫ ସୁଦ୍ଧା ସମ୍ପୂର୍ଣ୍ଣ କରିବାକୁ ସେ ନିର୍ଦ୍ଦେଶ ଦେଇଥିଲେ। ଶ୍ରୀକ୍ଷେତ୍ରରେ ଥିବା ବିଭିନ୍ନ ମଠ ଗୁଡିକର ପୁନରୁଦ୍ଧାର କାମ ତ୍ୱରାନ୍ୱିତ କରିବା ପାଇଁ ୫ଞ ଓ ନବୀନ ଓଡିଶା ଅଧକ୍ଷ ନିର୍ଦ୍ଦେଶ ଦେଇଥିଲେ। ପୁନରୁଦ୍ଧାର ସମୟରେ ମଠ ଗୁଡିକର ଇତିହାସ ଓ ପରମ୍ପରା କୁ ଗୁରୁତ୍ଵ ଦେଇ ସମସ୍ତ ଭାଗୀଦାର ମାନଙ୍କ ସହଯୋଗ ରେ କାମ କରିବାକୁ ଶ୍ରୀ ପାଣ୍ଡିଆନ୍ ପରାମର୍ଶ ଦେଇଥିଲେ। ପରିକ୍ରମା ପ୍ରକଳ୍ପ ସୌନ୍ଦର୍ୟ୍ୟକରଣ କାମରେ ଜଗନ୍ନାଥ ସଂସ୍କୃତି ସହ ଜଡିତ ବିଭିନ୍ନ ଦେଶୀୟ ବୃକ୍ଷ ଓ ଗୁଳ୍ମ ଲଗାଇବାକୁ ଶ୍ରୀ ପାଣ୍ଡିଆନ୍ ପରାମର୍ଶ ଦେଇଥିଲେ। ଏତବ୍ୟତୀତ ମେଘନାଦ ପାଚେରୀ ନିକଟରେ ମନ୍ଦିରର କ୍ଷୁଦ୍ର ପ୍ରତିକୃତି…
ଭୁବନେଶ୍ବର: ସନାତନ ଧର୍ମରେ କିଣାକିଣି ପର୍ବ ଧନତରାସରୁ ଆରମ୍ଭ ହୁଏ। ଏହି ଦିନ ମା ଲକ୍ଷ୍ମୀ ଏବଂ ଧନର ଦେବତା କୁବେରଙ୍କୁ ପୂଜା କରାଯାଏ। ଏହି ଦିନ ଲୋକମାନେ ସୁଖ, ସମୃଦ୍ଧତା ଏବଂ ଧନ ପାଇଁ ପ୍ରାର୍ଥନା କରନ୍ତି। ଏହା ସହିତ ଧନତରାସରେ ସୁନା ଓ ରୂପା କିଣିବା ଅତ୍ୟନ୍ତ ଶୁଭଦାୟକ ବୋଲି ବିଚାର କରାଯାଏ। ଏଥର ୧୦ ନଭେମ୍ବର ୨୦୨୩ ରେ ଧନତରାସ ପାଳନ କରାଯିବ। ବାସ୍ତବରେ ଏହି ଦିନ ନୂଆ ଜିନିଷ କିଣିବା ଅତ୍ୟନ୍ତ ଶୁଭଦାୟକ ବୋଲି ବିଶ୍ବାସ ରହିଛି। ଏହି ଦିନ ହଠାତ କେତେକ ପ୍ରାଣୀ ଦେଖିଲେ ଶୁଭଦାୟକ ବୋଲି ବିବେଚନା କରାଯାଏ। କିଛି ପ୍ରାଣୀ କିମ୍ବା ଲୋକଙ୍କର ହଠାତ୍ ଦୃଶ୍ୟ ଅତ୍ୟନ୍ତ ଶୁଭ ଅଟେ। ଏହା ଦେବୀ ଲକ୍ଷ୍ମୀଙ୍କ ଆଗମନ ଏବଂ କୁବେରଙ୍କ ଘରେ ଧନ ପରିପୂର୍ଣ୍ଣକୁ ସୂଚାଇଥାଏ। ଏହା ସୂଚିତ କରେ ଯେ ଏଥର ଆପଣ ମା ଲକ୍ଷ୍ମୀ ଦେବୀଙ୍କ ଆଶୀର୍ବାଦ ପାଇବ। ସମସ୍ତ…
ଭୁବନେଶ୍ଵର: ବହୁ ପ୍ରତିକ୍ଷୀତ ବିଗ ବଜେଟର ଓଡ଼ିଆ ଚଳଚ୍ଚିତ୍ର “ପ୍ରଥା” ଓଡ଼ିଶାର ୪୮ ଟି ପ୍ରେକ୍ଷାଳୟରେ ମୁକ୍ତିଲାଭ କରିଛି। ତେବେ ଭୁବନେଶ୍ୱର ସ୍ଥିତ ସ୍ଵାତି ସିନେପ୍ଲେକ୍ସ ରେ ପ୍ରଦର୍ଶିତ ହୋଇଥିବା ପ୍ରିମିଅର ଶୋ’ ରେ ନିମନ୍ତ୍ରିତ ଅତିଥି ଦର୍ଶକ ତଥା ସିନେ ଜଗତର ନାମୀ କଳାକାର, ନିର୍ଦ୍ଦେଶକ ଓ ପ୍ରଯୋଜକ ମାନେ ଉପସ୍ଥିତ ରହି ସମ୍ପୂର୍ଣ୍ଣ ସିନେମା ଟିକୁ ଦେଖିଥିଲେ। ମୁମ୍ବାଇ ନାୟିକା ସିମ୍ରନ କୌର ଏବଂ ନାୟକ ସ୍ୱରାଜ ମଧ୍ୟ ପ୍ରିମିଅର ଶୋ’ ରେ ଯୋଗଦେଇଥିଲେ। ପ୍ରଯୋଜିକା ସନଲିଶା ପଟେଲ, ନିର୍ଦ୍ଦେଶକ କେ. ମୁରଲୀକ୍ରିଷ୍ଣା, ଅଭିନେତା କୁନା ତ୍ରିପାଠୀ, ପ୍ରଯୋଜକ ଅକ୍ଷୟ ପରିଜା, ସଚ୍ଚିକାନ୍ତ ଜେନା, ଗଙ୍ଗାଧର ରେଡ୍ଡୀ, ଅରୁଣ ମହାନ୍ତି, ପ୍ରଣୟ ଜେଠୀ, ଜ୍ୟୋତି ମହାନ୍ତି, ସଙ୍ଗୀତ ନିର୍ଦ୍ଦେଶକ ପ୍ରେମ ଆନନ୍ଦ, ଅଭିନେତା ପାର୍ଥ ସାରଥୀ ରାୟ, ଡିସ୍କୋ, ରବି ମିଶ୍ର, ନିର୍ଦ୍ଦେଶକ ଅଶୋକ ପତି, ସୁଧାକର ବସନ୍ତ ପ୍ରମୁଖ ପ୍ରିମିଅର ଶୋ’ ଦେଖିଥିଲେ। ସନଲିଶା ସିଗନେଚର ଫିଲ୍ମସ…
ଜ୍ୟୋତିଷ ଶାସ୍ତ୍ର: ଜ୍ୟୋତିଷ ଶାସ୍ତ୍ରରେ ଶନିଙ୍କୁ ବିଚାରପତି ଭାବେ ବିବେଚନା କରାଯାଏ। କାର୍ଯ୍ୟ ଆଧାରରେ ଶନି ଦେବ ଶୁଭ ଏବଂ ଅଶୁଭ ଫଳ ପ୍ରଦାନ କରନ୍ତି। ଶନି ଦେବଙ୍କ ଅଶୁଭ ଦୃଷ୍ଟି ପାଇଥିବା ବ୍ୟକ୍ତିଙ୍କ ପାଇଁ ଖରାପ ସମୟ ଆରମ୍ଭ ହୁଏ। ଗ୍ରହ ପରିବର୍ତ୍ତନ ଦ୍ୱାରା ଜଣେ ବ୍ୟକ୍ତିର ଜୀବନ ମଧ୍ୟ ପ୍ରଭାବିତ ହୁଏ। ଯେତେବେଳେ ରାଶିଫଳରେ ଶନିଙ୍କ ସ୍ଥିତି ବଦଳିଯାଏ, ଉଭୟ ନକାରାତ୍ମକ ଏବଂ ସକରାତ୍ମକ ଫଳାଫଳ ପ୍ରାପ୍ତ ହୁଏ। ଶନିଙ୍କ ଅଶୁଭ ଦୃଷ୍ଟିର ସଂକେତ କ’ଣ?: – ଯଦି ହଠାତ୍ ଧନ ନଷ୍ଟ ହୁଏ, ବ୍ୟବସାୟରେ କ୍ରମାଗତ ହ୍ରାସ ଘଟେ, ତେବେ ବୁଝାନ୍ତୁ ଯେ, ଏହା ଶନିଙ୍କର ଏକ ଖରାପ ଫଳାଫଳର ସଙ୍କେତ ଅଟେ। – ଶନି ଦେବଙ୍କ ଅଶୁଭ ପ୍ରଭାବ ହେତୁ ଜଣେ ବ୍ୟକ୍ତିଙ୍କୁ ଚାକିରି ସମ୍ବନ୍ଧୀୟ ସମସ୍ୟାର ସାମ୍ନା କରିବାକୁ ପଡିବ। ବିନା କାରଣରେ ଚାକିରିରେ ବିବାଦ ଉପୁଜିବା ଆରମ୍ଭ କରେ। ଏପରି ସମୟରେ, ଅନେକ ଥର…
ଭୁବନେଶ୍ବର, ସାଧାରଣତଃ ହିନ୍ଦୁ ଧର୍ମରେ ମନ୍ଦିର ଯାଇ ପୂଜାପଠା କରିବାର ପରଂପରା ରହିଛି। ବିଶେଷ ଦିନମାନଙ୍କରେ ମନ୍ଦିରରେ ଭକ୍ତଙ୍କ ଭିଡ ବେଶୀ ପରିଲକ୍ଷିତ ହୋଇଥାଏ। ତେବେ ଜଣେ ଯେତେବେଳେ ମନ୍ଦିରକୁ ପ୍ରବେଶ କରେ ସେ ପ୍ରଥମେ ଘଣ୍ଟି ବଜେଇ ଥାଏ। ସବୁ ଦେବାଳୟରେ ଠାକୁରଙ୍କ ପୂର୍ବରୁ ଘଣ୍ଟି ବନ୍ଧାଯିବା ବାଧ୍ୟତା ମୂଳକ। ବିନା ଘଣ୍ଟିରେ କୌଣସି ମନ୍ଦିର ପ୍ରତିଷ୍ଠା କରାଯାଏ ନାହିଁ। ସେହିପରି ଘରେ ପୂଜାପାଠ ବେଳେ ବା ଆରତୀ ବେଳେ ଆମେ ନିଶ୍ଚିତ ଘଣ୍ଟି ବଜାଇଥାଉ। ତେବେ ପୂଜାପାଠ ପୂର୍ବରୁ ଏହି ଘଣ୍ଟି କଣ ପାଇଁ ବଜାଯାଇଥାଏ, ଏଥିରେ କଣ ରହିଛି ଧାର୍ମିକ ତଥା ବୈଜ୍ଞାନିକ କାରଣ ଆସନ୍ତୁ ଜାଣିବା। ଧାର୍ମିକ କାରଣ ୧- ବିଶ୍ବାସ କରାଯାଏ ଯେ ଯେତେବେଳେ ଆମେ କୈଣସି ମନ୍ଦିରରେ ପ୍ରବେଶ କରୁ, ସେତେବେଳ ମନ୍ଦିରରେ ଉପସ୍ଥିତ ଦେବତାଙ୍କ ଅନୁମତି ନେବାକୁ କିମ୍ବା ତାଙ୍କ ଦୃଷ୍ଟି ଆକର୍ଷଣ କରିବାକୁ ଏକ ଘଣ୍ଟି ବଜାଯାଇଥାଏ। ୨- ଏହା ମଧ୍ୟ…
ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟ ମଣିଷକୁ ଚିହ୍ନିବା ପାଇଁ ବିଭିନ୍ନ ଉପାୟମାନ ତାଙ୍କ ରଚିତ ଚାଣକ୍ୟ ନୀତିରେ ସୁନ୍ଦର ଭାବେ ବର୍ଣ୍ଣନା କରିଛନ୍ତି। ସେଥିରେ ରହିଛି ଆପଣଙ୍କ ସହିତ ଯେଉଁମାନେ ସବୁବେଳେ ପାଖେ ପାଖେ ରୁହନ୍ତି, ସେମାନଙ୍କୁ କିପରି ଚିହ୍ନିବେ। ସେମାନଙ୍କ ମଧ୍ୟରେ ଅଛନ୍ତି ଚାକର, ବନ୍ଧୁ, ମିତ୍ର ଏବଂ ଧର୍ମପତ୍ନୀ। ଆଚାର୍ଯ୍ୟ ଚାଣକ୍ୟଙ୍କ ହିସାବରେ ଆପଣଙ୍କ ଚାକର କେତେ ବିଶ୍ବସ୍ଥ ତାହା ଜାଣିବା ପାଇଁ ତାଙ୍କୁ କୌଣସି କାର୍ଯ୍ୟରେ ନିୟୋଜିତ କରି ନିରକ୍ଷଣ କରନ୍ତୁ। ଦେଖିବେ ସେ ଯଦି ଠିକ ଭାବେ ମନ ଲଗାଇ କାମ କରେ ତେବେ ଜାଣିବେ ଯେ, ସେ ଜଣେ ସଚ୍ଚୋଟ ବ୍ୟକ୍ତି। ସେହିପରି ଆପଣଙ୍କର ସଂପର୍କୀୟ କିମ୍ବା ବନ୍ଧୁବାନ୍ଧବଙ୍କୁ ଚିହ୍ନିବା ପାଇଁ ଉପାୟ ମଧ୍ୟ ଚାଣକ୍ୟ କହିଛନ୍ତି। ତାହା ହେଲା ଯଦି ଦୁଃଖ ସମୟରେ ଆପଣଙ୍କର ସଂପର୍କୀୟମାନେ ପାଖରେ ନ ରୁହନ୍ତି ତେବେ ସେମାନେ ଠିକ୍ ନୁହଁନ୍ତି ବୋଲି ଧରିବାକୁ ପଡିବ। ଆପଣଙ୍କର ମିତ୍ରକୁ ମଧ୍ୟ…
ନୂଆଦିଲ୍ଲୀ: ଶନି ଦେବଙ୍କୁ ନ୍ୟାୟ ଏବଂ କାର୍ଯ୍ୟର ଦେବତା ଭାବରେ ବିବେଚନା କରାଯାଏ। କାରଣ ସେ କୌଣସି ବ୍ୟକ୍ତିଙ୍କ ପ୍ରତି ଅନ୍ୟାୟ କରନ୍ତି ନାହିଁ। ଏବଂ କର୍ମ ଅନୁସାରେ ସେମାନଙ୍କୁ ଫଳ ଦିଅନ୍ତି। ଯେଉଁ ବ୍ୟକ୍ତିଙ୍କ ଉପରେ ଶନି ଦେବଙ୍କ ଆଶୀର୍ବାଦ ଥାଏ, ସେମାନଙ୍କ ଜୀବନରେ କୌଣସି ଅସୁବିଧା ରହେନାହିଁ। କିନ୍ତୁ ଯାହା ଉପରେ ତାଙ୍କର ଦୃଷ୍ଟି ପଡ଼େ, ବୁଝନ୍ତୁଯେ ସେ କେବେ ଖୁସିରେ ରହିପାରିବ ନାହିଁ। ଆସନ୍ତୁ ଜାଣିବା ଶନି ଦେବ କେଉଁ ପ୍ରକୃତିର ଲୋକଙ୍କୁ ଅଧିକ ପସନ୍ଦ କରନ୍ତି। ଏହି ଲୋକମାନଙ୍କ ପ୍ରତି ଶନି ଦେବ ବହୁତ ସନ୍ତୁଷ୍ଟ ଥା’ନ୍ତି: ଯେଉଁମାନେ ଦାନ କରନ୍ତି ଏବଂ ଲୋକଙ୍କ ସେବା କରନ୍ତି ସେମାନଙ୍କ ଉପରେ ଶନି ଦେବ କଦାପି କ୍ରୋଧିତ ହୁଅନ୍ତି ନାହିଁ। ଶନିଙ୍କ କୃପା ସବୁବେଳେ ତାଙ୍କ ଉପରେ ରହିଥାଏ। ସେମାନଙ୍କର ସମସ୍ତ କାର୍ଯ୍ୟ କୌଣସି ବାଧା ବିନା ସମାପ୍ତ ହୁଏ। ଯେଉଁମାନେ କଳା, ଚଣା, କଳା ତେଲ, ପୋଷାକ…
ଭୁବନେଶ୍ୱର: ଓଡ଼ିଶା ଗସ୍ତରେ ଆସିଥିବା ଜମ୍ମୁ କଶ୍ମୀରର (କେନ୍ଦ୍ର ଶାସିତ ଅଞ୍ଚଳ) ମାନ୍ୟବର ଉପରାଜ୍ୟପାଳ ମନୋଜ ସିହ୍ନା ଭୁବନେଶ୍ୱରଠାରେ ସ୍ଥାପିତ ବିଶ୍ୱ ଦକ୍ଷତା କେନ୍ଦ୍ର ପରିଦର୍ଶନ କରିଛନ୍ତି। ଶୁକ୍ରବାର ଦିନ ସେ ବିଶ୍ୱ ଦକ୍ଷତା କେନ୍ଦ୍ରକୁ ଆସି ବିଭିନ୍ନ ଲାବୋରେଟୋରି ବୁଲି ଦେଖିଥିଲେ। ଛାତ୍ରଛାତ୍ରୀ ଓ ପ୍ରଶିକ୍ଷକମାନଙ୍କ ସହ କଥା ହୋଇ ଏଠାରେ ଦିଆଯାଉଥିବା ଅତ୍ୟାଧୁନିକ ତାଲିମ ପାଠ୍ୟକ୍ରମ ବିଷୟରେ ପଚାରି ବୁଝିଥିଲେ। ଉପରାଜ୍ୟପାଳ ଶ୍ରୀ ସିହ୍ନା ବିଶ୍ୱ ଦକ୍ଷତା କେନ୍ଦ୍ରରେ ପହଞ୍ଚିବା ପରେ ତାଙ୍କୁ ଗାର୍ଡ ଅଫ୍ ଅନର୍ ପ୍ରଦାନ କରାଯାଇ ସ୍ୱାଗତ କରାଯାଇଥିଲା। “ବର୍ତ୍ତମାନ ସମୟରେ ଦେଶ ବା ରାଜ୍ୟର ବିକାଶରେ ଦକ୍ଷ ଯୁବପିଢ଼ିଙ୍କର ଆବଶ୍ୟକତା ରହିଛି । ତେଣୁ ଏ ଦିଗରେ ବିଶ୍ୱ ଦକ୍ଷତା କେନ୍ଦ୍ର ଏକ ବଡ଼ ଭୂମିକା ଗ୍ରହଣ କରୁଛି । ଏହି କେନ୍ଦ୍ରରେ ଓଡ଼ିଶାର ଯୁବପିଢ଼ି ଶିଳ୍ପ ଉପଯୋଗୀ ତାଲିମ ନେଇ ସେମାନଙ୍କ ଦକ୍ଷତାକୁ ଏକ ନୂଆ ଉଚ୍ଚତାକୁ ନେଇପାରୁଛନ୍ତି”, କହିଛନ୍ତି ଉପରାଜ୍ୟପାଳ…
