Author: Samikhsya Bureau

ଭୁବନେଶ୍ୱର: ନିଜ ଦଳର ସାଙ୍ଗଠନିକ ଶକ୍ତି ବଳରେ ବଳିୟାନ ହେବା ପରିବର୍ତ୍ତେ ଶାସକ ବିଜୁ ଜନତା ଦଳର ସାଙ୍ଗଠନିକ ଶକ୍ତି ଆଗରେ ନିଜକୁ ସମର୍ପଣ କରି ଦୟାର ପାତ୍ର ହୋଇ ଲୋକସଭା ନିର୍ବାଚନ ବୈତରଣୀ ପାର ହେବା ଆଶାରେ ଅଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଢେଙ୍କାନାଳ ଆସନରୁ ନ ଲଢ଼ି ସମ୍ବଲପୁର ଆସନ ପାଇଁ କାହିଁକି ଇଚ୍ଛାପ୍ରକାଶ କରିଛନ୍ତି ତାହାହିଁ ବର୍ତ୍ତମାନ ରାଜନୀତିକ ମହଲରେ ଆଲୋଚନାର ବିଷୟବସ୍ତୁ ପାଲଟିଛି। ବିଜେପିର କେନ୍ଦ୍ରୀୟ ନିୟମ ଅନୁସାରେ ଯେଉଁମାନେ ଦୁଇଥର ରାଜ୍ୟସଭାକୁ ନିର୍ବାଚିତ ହୋଇଛନ୍ତି ଆଉ ସେମାନଙ୍କୁ ରାଜ୍ୟସଭା ମିଳିବ ନାହିଁ। ସେମାନେ ଲୋକସଭା ନିର୍ବାଚନ ଲଢ଼ିବାକୁ ପଡ଼ିବ ବୋଲି ନିଷ୍ପତ୍ତି ହୋଇଛି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିହାର ଓ ମଧ୍ୟପ୍ରଦେଶରୁ ଦୁଇଥର ରାଜ୍ୟସଭାକୁ ନିର୍ବଚିତ ହୋଇଥିବାରୁ ସେ ବାଧ୍ୟ ହୋଇ ଆଗାମୀ ନିର୍ବାଚନରେ ଲୋକସଭା ଲଢ଼ିବେ। ଏହିକ୍ରମରେ ଗତମାସରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଏକ ଖବର ସରବରାହ ସଂସ୍ଥାକୁ ସୂଚନା ଦେଇ କହିଥିଲେ…

ଭୁବନେଶ୍ୱର: ଅବକାରୀ କମିଶନର ନରସିଂହ ଭୋଳ ବେଆଇନ ମଦ କାରବାରରୁ ଲାଞ୍ଚ ନେଇ ଦୁର୍ନୀତି କରିଥିବା ଅଭିଯୋଗରେ କଟକ ଜିଲ୍ଲା ଅବକାରୀ ଏଏସଆଇ ନିରଞ୍ଜନ ଖଟୁଆଙ୍କୁ ଚାକିରିରୁ ବହିଷ୍କାର କରିଛନ୍ତି। ତାଙ୍କ ବିରୋଧରେ ଏ ସଂକ୍ରାନ୍ତରେ ଅନେକ ଅଭିଯୋଗ ଆସିଥିଲା। ଆଇଟି ଆପ୍ଲିକେସନ୍ ମାଧ୍ୟମରେ ତଦନ୍ତରୁ ବେଆଇନ ମଦ କାରବାରରେ ମଦ ବେପାରୀଙ୍କ ସହ ତାଙ୍କର ସମ୍ପୃକ୍ତି ଥିବା ପ୍ରମାଣିତ ହୋଇଥିଲା। ଏହା ପୂର୍ବରୁ ମଧ୍ୟ ଗୋଟିଏ ବିଦେଶୀ ମଦ ଦୋକାନରେ ମଦ ବେପାରୀଙ୍କ ସହ ମଦ ପିଇବା ଅଭିଯୋଗରେ ତାଙ୍କୁ ନିଲମ୍ବିତ କରାଯାଇଥିଲା ଏବଂ ତାଙ୍କ ବିରୁଦ୍ଧରେ ବିଭାଗୀୟ ତଦନ୍ତ ଜାରି ରହିଛି। ପୂର୍ବରୁ ବେଆଇନ ଭାବେ ବିଦେଶୀ ମଦ ବିକ୍ରି କରୁଥିବା ବେଳେ ତାଙ୍କ ବାପାଙ୍କୁ କଟକ ଇଆଇ ଓ ଇବି ୟୁନିଟ୍-୧ ଗିରଫ କରି ଜେଲ୍ ହାଜତକୁ ପଠାଇଥିଲେ। ପୋଷାକରେ ରହି ବେଆଇନ ମଦ କାରବାର ରୋକିବା ଦିଗରେ ସେ ଦାୟିତ୍ୱ ତୁଲାଇବା ପରିବର୍ତ୍ତେ ବେଆଇନ ମଦ…

ଖୋର୍ଦ୍ଧା: ଖୋର୍ଦ୍ଧା ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ଆଜିର ପ୍ରତ୍ୟେକ୍ଷ ମିଳିତ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଆଜି ମୋଟ ୯୪ ଗୋଟି ଆପତ୍ତି ଅଭିଯୋଗ ଦାଖଲ ହୋଇଥିବା ବେଳେ ସେଥିମଧ୍ୟରୁ ୮୪ ଟି ଅଭିଯୋଗ ବ୍ୟକ୍ତିଗତ ଥିଲା ଓ ବାକି ୦୬ ଟି ବିଭିନ୍ନ ଗ୍ରାମର ସାମୁହିକ ସମସ୍ୟା ଥିଲା। ଉକ୍ତ ଅଭିଯୋଗ ମାନଙ୍କ ମଧ୍ୟରୁ ସ୍ଥଳବିଶେଷରେ ୩ ଟି ଅଭିଯୋଗର ତତ୍କାଳ ସମାଧାନ କରାଯାଇଥିଲା। ଜଣଙ୍କୁ ‌୨୦ ହଜାର ଟଙ୍କାର CMRF ଆର୍ଥିକ ସହାୟତା ରାଶି ପ୍ରଦାନ କରାଯାଇଛି। ଆଜିର ମିଳିତ ଜନଶୁଣାଣି ଅବସରରେ ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ ଅଧ୍ୟକ୍ଷତା କରିଥିବାବେଳେ ଆରକ୍ଷୀ ଅଧିକ୍ଷକ ସିଦ୍ଧାର୍ଥ କାଟାରିଆ, ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ବାଦଲ କୁମାର ମହାନ୍ତି, ଉପ-ଜିଲ୍ଲାପାଳ, ଖୋର୍ଦ୍ଧା ଦୀପ୍ତି ରଞ୍ଜନ ସେଠୀ, ସି ଡ଼ି ଏମ୍ ଓ ଡଃ ଆର୍ତ୍ତଵନ୍ଧୁ ନାୟକ, ବିଡିଓ  ଓ ଅନ୍ୟ ସମସ୍ତ ବିଭାଗୀୟ ଅଧିକାରୀ ପ୍ରମୁଖ…

ହାଇଦ୍ରାବାଦ: ନଭେମ୍ବର ୩୦ରେ ତେଲେଙ୍ଗାନାରେ ହେବାକୁ ଥିବା ନିର୍ବାଚନ ପାଇଁ ଜନସେନା ବିଜେପି ସହ ମେଣ୍ଟ କରିଛି। ଜନସେନା ଯେଉଁ ୩୨ଟି ଆସନରେ ପ୍ରାର୍ଥୀ ଦେବାକୁ ଚାହୁଁଥିଲା ତାହାର ତାଲିକା ପ୍ରସ୍ତୁତ କରିବା ପାଇଁ ଆଲୋଚନା ଆରମ୍ଭ କରିଥିଲା। ଅଭିନେତା-ରାଜନେତା ପୱନ କଲ୍ୟାଣଙ୍କ ଦଳ କେଉଁ ଆସନରେ ଲଢ଼ିବ ତାହା ଏପର୍ଯ୍ୟନ୍ତ ଚୂଡ଼ାନ୍ତ ହୋଇନାହିଁ। ଜନସେନାର ଆସନ ସଂଖ୍ୟା ସଂଖ୍ୟା ୬ରୁ ୯ ମଧ୍ୟରେ ରହିଛି। ଏହା ଗୁରୁତ୍ୱପୂର୍ଣ୍ଣ ଯେ ଦଳ ତେଲେଙ୍ଗାନାରେ ନିଜର ନିର୍ବାଚନୀ ଶକ୍ତି ପରୀକ୍ଷା କରିବାକୁ ବାଛିଛି। ସବୁଠାରୁ ବଡ଼ ପ୍ରଶ୍ନ ହେଉଛି ତେଲେଙ୍ଗାନାରେ ଜନସେନାକୁ ସାମିଲ କରିବାକୁ ବିଜେପି କାହିଁକି ଏତେ ଆଗ୍ରହୀ? ଏହା ଆନ୍ଧ୍ରପ୍ରଦେଶରେ ସ୍ୱାର୍ଥ ଥିବା ଏବଂ ତେଲେଙ୍ଗାନାରେ ଶୂନ୍ୟ ଉପସ୍ଥିତି ଥିବା ଏକ ରାଜନୈତିକ ଦଳ। କେବଳ ସେତିକି ନୁହେଁ, ଆନ୍ଧ୍ରପ୍ରଦେଶରେ ଜନସେନାର ବନ୍ଧୁ ଦଳ ତେଲୁଗୁ ଦେଶମ ତେଲେଙ୍ଗାନାରେ ନିର୍ବାଚନ ଲଢ଼ିବାରୁ ଓହରି ଯାଇଥିଲା। ବାସ୍ତବକଥା ହେଉଛି ଏହା ରାଜନୈତିକ…

ଭୁବନେଶ୍ଵର: ଗୃହ ଓ ସହରାଞ୍ଚଳ ବ୍ୟାପାର ମନ୍ତ୍ରଣାଳୟ ଏହାର ପ୍ରମୁଖ ଯୋଜନା ଅଟଳ ମିଶନ ଫର ରିଜୁଭେସନ ଆଣ୍ଡ ଅର୍ବାନ ଟ୍ରାନ୍ସଫର୍ମେସନ (ଅମୃତ) ଅଧୀନରେ ମନ୍ତ୍ରଣାଳୟର ଜାତୀୟ ସହରାଞ୍ଚଳ ଜୀବିକା ମିଶନ (ଏନୟୁଏଲଏମ) ସହ ଭାଗିଦାରୀରେ ଏକ ପ୍ରଗତିଶୀଳ ପଦକ୍ଷେପ ଭାବେ “ମହିଳାଙ୍କ ପାଇଁ ଜଳ, ଜଳ ପାଇଁ ମହିଳା ଅଭିଯାନ”ର ଶୁଭାରମ୍ଭ କରିବାକୁ ଯାଉଛି। ଏଥିରେ ଓଡ଼ିଶା ଅର୍ବାନ ଏକାଡେମୀ ହେଉଛି ବୌଦ୍ଧିକ ସହାୟକ। ଏହି ଅଭିଯାନ ଅଧିନରେ  “ଜଳ ଦୀପାବଳି” ପାଳନ କରାଯିବ  ଏବଂ  ଏହା  ୭ ନଭେମ୍ବର, ୨୦୨୩ରୁ ଆରମ୍ଭ ହେବାକୁ ଯାଉଛି। ଏହା ୨୦୨୩  ନଭେମ୍ବର ୯ ତାରିଖ ପର୍ଯ୍ୟନ୍ତ ଚାଲିବ। ଏହି ଅଭିଯାନର ଉଦ୍ଦେଶ୍ୟ ହେଉଛି ଜଳ ପ୍ରଶାସନ କ୍ଷେତ୍ରରେ ମହିଳା ମାନଙ୍କୁ ଅନ୍ତର୍ଭୁକ୍ତ କରିବା ପାଇଁ ଏକ ମଂଚ ପ୍ରଦାନ କରିବା।  ସେମାନଙ୍କୁ ନିଜ ନିଜ ସହରରେ ଥିବା ଜଳ ବିଶୋଧନ ପ୍ଲାଂଟ (ଡବ୍ଲ୍ୟୁଟିପି) ପରିଦର୍ଶନ ମାଧ୍ୟମରେ ଜଳ ବିଶୋଧନ ପ୍ରକ୍ରିୟା ବିଷୟରେ…

ଭୁବନେଶ୍ବର: ରାଜ୍ୟ ସରକାରଙ୍କର ଗ୍ରାମାଭିମୂଖୀ ମହତ୍ବକାଂକ୍ଷୀ ଯୋଜନା ‘ଆମ ଓଡିଶା ନବୀନ ଓଡିଶା’ ମାଧ୍ୟମରେ ନୂଆ ଓଡିଶା ସଶକ୍ତ ଓଡିଶା ଗଠନର ଭିତ୍ତିଭୂମିକୁ ସୁଦୃଢ କରିବା ପାଇଁ ଆରମ୍ଭ ହୋଇଛି ଅଭିଯାନ। ଏହି କାର୍ଯ୍ୟକ୍ରମର ଫୋକସ୍‌ ହେବ ପ୍ରତି ପଞ୍ଚାୟତ, ପ୍ରତି ଗାଁ। ଆଜି ଭୁବନେଶ୍ବରରୁ ଆଭାସୀ ଯୋଗେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ କାର୍ଯ୍ୟକ୍ରମର ୧୧ତମ ଦିନରେ କନ୍ଧମାଳ, ଅନୁଗୋଳ ଓ ଗଜପତି ଜିଲ୍ଲାରେ ଏହି ଯୋଜନାର ଶୁଭାରମ୍ଭ କରିଛନ୍ତି। ପ୍ରତି ପଞ୍ଚାୟତ ପାଇବେ ୫୦ ଲକ୍ଷ ଟଙ୍କା। ଏଥିପାଇଁ କନ୍ଧମାଳ ଜିଲ୍ଲାର ୩ଟି ନିର୍ବାଚନମଣ୍ଡଳୀକୁ ମିଳିଛି ୮୫.୫୦ କୋଟି ଟଙ୍କା। ଏହି ନିର୍ବାଚନମଣ୍ଡଳୀ ଗୁଡିକ ହେଲା – ବାଲିଗୁଡା, ଜି. ଉଦୟଗିରି ଓ ଫୁଲବାଣୀ। ଏହିସବୁ ନିର୍ବାଚନ ମଣ୍ଡଳୀର ୧୨ଟି ବ୍ଲକ୍‌‌ର ୧୭୧ ଟି ଗ୍ରାମ ପଞ୍ଚାୟତରେ ୨୦୯୯ଟି ପ୍ରକଳ୍ପ ହେବ। ସେହିପରି ଅନୁଗୋଳ ଜିଲ୍ଲାର ୫ଟି ନିର୍ବାଚନମଣ୍ଡଳୀ ପାଇଁ ୧୧୨.୫୦ କୋଟି ଟଙ୍କା ମଂଜୁର ହୋଇଛି। ଏହି…

ଭୁବନେଶ୍ୱର: ଶନିବାର ମଧ୍ୟପ୍ରଦେଶ ଏବଂ ଛତିଶଗଡ଼ରେ ନିର୍ବାଚନୀ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗରିବମାନଙ୍କୁ ମାଗଣା ରାସନ ପ୍ରଦାନ କରୁଥିବା ପିଏମ୍ ଗରିବ କଲ୍ୟାଣ ଅନ୍ନ ଯୋଜନା ଆଗାମୀ ୫ବର୍ଷ ପର୍ଯ୍ୟନ୍ତ ଜାରି ରହିବ ବୋଲି ଘୋଷଣା କରିଛନ୍ତି। ପ୍ରଧାନମନ୍ତ୍ରୀ ନିଜେ ତାଙ୍କ ଅଭିଭାଷଣରେ ସ୍ମରଣ କରାଇ ଦେଇଛନ୍ତି ଯେ, କୋଭିଡ୍-୧୯ ମହାମାରୀ ଯୋଗୁଁ ସୃଷ୍ଟି ହୋଇଥିବା ଆହ୍ୱାନପୂର୍ଣ୍ଣ ପରିସ୍ଥିତିକୁ ଦୃଷ୍ଟିରେ ରଖି ଏହି ଯୋଜନା ଆରମ୍ଭ କରାଯାଇଥିଲା। ସେହି ସମୟରେ କଠୋର ଲକଡାଉନ୍ ଯୋଗୁଁ କେବଳ ବହୁ ସଂଖ୍ୟକ ଲୋକ କେବଳ ଜୀବିକା ହରାଇନଥିଲେ, ବରଂ ସେମାନେ ନୂଆ ଚାକିରି ଖୋଜିବା କିମ୍ବା ଆରମ୍ଭ କରିବା ଅବସ୍ଥାରେ ମଧ୍ୟ ନ ଥିଲେ। ଏଭଳି ସ୍ଥିତିରେ ସକାଳ ଓ ସନ୍ଧ୍ୟାରେ କୋଟି କୋଟି ଲୋକଙ୍କ ଘରେ ଚୁଲା କେମିତି ଜଳିବ ଏବଂ ପରିବାର ପାଇଁ ଖାଦ୍ୟର ବ୍ୟବସ୍ଥା କେମିତି କରିବେ ତାହା ସଙ୍କଟ ସୃଷ୍ଟି କରିଥିଲା। ଏଭଳି ସ୍ଥିତିରେ…

ନୂଆଦିଲ୍ଲୀ: ଦିଲ୍ଲୀ ଜେଲରେ ବନ୍ଦଥିବା କଏଦୀମାନେ ନିଜ ଜୀବନସାଥୀଙ୍କ ସହ ଅନ୍ତରଙ୍ଗ ମୁହୂର୍ତ୍ତ ବିତାଇବାର ସୁଯୋଗ ପାଇପାରିବେ। ଦିଲ୍ଲୀ ସରକାର କଏଦୀଙ୍କ ବୈବାହିକ ସମ୍ପର୍କ ଅଧିକାରକୁ ସୁରକ୍ଷା, କ୍ଷମତା ଏବଂ କଏଦୀଙ୍କ ଅଧିକାର ସମେତ ବିଭିନ୍ନ ଦିଗରୁ ଯାଞ୍ଚ କରୁଛନ୍ତି। ଏ ନେଇ ଜେଲ ମହାନିର୍ଦ୍ଦେଶକ ରାଜ୍ୟ ଗୃହ ବିଭାଗକୁ ଏକ ପ୍ରସ୍ତାବ ଦେଇଥିଲେ। ବରିଷ୍ଠ ସରକାରୀ ଅଧିକାରୀମାନେ କହିଛନ୍ତି ଯେ, ଜେଲଗୁଡ଼ିକରେ ଅତ୍ୟଧିକ ଭିଡ଼ ଏବଂ ସୁରକ୍ଷା ଚ୍ୟାଲେଞ୍ଜ ପ୍ରଶାସନ ସମ୍ମୁଖୀନ ହେଉଥିବା ଦୁଇଟି ମୁଖ୍ୟ ଆହ୍ୱାନ। ନିକଟରେ ଦିଲ୍ଲୀ ହାଇକୋର୍ଟରେ ଏକ ପିଟିସନ ଦାଖଲ ହୋଇଥିଲା। ଜେଲ କର୍ତ୍ତୃପକ୍ଷଙ୍କ ଯାଞ୍ଚଠାରୁ ଦୂରରେ ବୈବାହିକ ସମ୍ପର୍କ ଏକ ମୌଳିକ ଅଧିକାର ବୋଲି କୋର୍ଟ କହିଥିଲେ। ଏହା ଅଧୀନରେ ବୈବାହିକ ମିଳନ ନିର୍ଦ୍ଧାରିତ ହୋଇଥାଏ ଯେଉଁଥିରେ ଜଣେ କଏଦୀ ତାଙ୍କ ଆଇନଗତ ଜୀବନସାଥୀଙ୍କ ସହିତ ଗୋପନୀୟତାରେ ସମୟ ବିତାଇ ପାରିବେ। ଦିଲ୍ଲୀ ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି, ଆମେ ସବୁ…

ନୂଆଦିଲ୍ଲୀ: ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରାଙ୍କ ବିରୋଧରେ ବିଜେପି ସାଂସଦ ନିଶିକାନ୍ତ ଦୁବେ ‘ଟଙ୍କା ନେଇ ପ୍ରଶ୍ନ ପଚାରିବା’ ଅଭିଯୋଗର ତଦନ୍ତର ଡ୍ରାଫ୍ଟ ରିପୋର୍ଟ ଉପରେ ବିଚାର କରି ଗ୍ରହଣ କରିବା ପାଇଁ ନଭେମ୍ବର ୭ତାରିଖରେ ଲୋକସଭାର ନୈତିକତା କମିଟି ବୈଠକ ବସିବ। ଡ୍ରାଫ୍ଟ ରିପୋର୍ଟ ଗ୍ରହଣ କରିବା ପାଇଁ ଏକ ବୈଠକ ହେବାର ଅର୍ଥ ହେଉଛି ବିଜେପି ସାଂସଦ ବିନୋଦ କୁମାର ସୋନକରଙ୍କ ଅଧ୍ୟକ୍ଷତାରେ ଗଠିତ କମିଟି ଏହାର ତଦନ୍ତ ଶେଷ କରିଛି। ଏବେ ସେ ତାଙ୍କ ସୁପାରିସ କରିବେ। ସାଂସଦ ପଦରୁ ବରଖାସ୍ତ ହୋଇପାରନ୍ତି ମହୁଆ ମୋଇତ୍ରା ଏହା ପୂର୍ବରୁ ନଭେମ୍ବର ୨ ତାରିଖରେ ଅନୁଷ୍ଠିତ ଶେଷ ବୈଠକରେ କମିଟିର ସଦସ୍ୟମାନେ ନିଜ ନିଜ ଦଳର ଆଭିମୁଖ୍ୟ ଅନୁଯାୟୀ ବିଭାଜିତ ହୋଇଥିବା ଦେଖିବାକୁ ମିଳିଥିଲା। ନୈତିକତା କମିଟିରେ ୧୫ ଜଣ ସଦସ୍ୟ ଅଛନ୍ତି, ଯେଉଁମାନଙ୍କ ମଧ୍ୟରୁ ଅଧିକାଂଶ ବିଜେପିର। ବିଶେଷ କରି ଗତ ବୈଠକରେ ସୋନକର ତାଙ୍କୁ…

ଭୁବନେଶ୍ୱର: ଜାତି ଓ ସଂରକ୍ଷଣ ପୁଣି ଚର୍ଚ୍ଚାରେ। ସମ୍ବିଧାନର ଧାରା ୧୫ ଓ ୧୬ରେ ଅନୁସୂଚିତ ଜାତି, ଜନଜାତି ଏବଂ ସାମାଜିକ ଓ ଶିକ୍ଷାଗତ ଦୃଷ୍ଟିରୁ ପଛୁଆ ବର୍ଗଙ୍କ ପାଇଁ ‘ସଂରକ୍ଷଣ’ର ବ୍ୟବସ୍ଥା ରହିଛି। ଅର୍ଥନୈତିକ ଦୁର୍ବଳ ବର୍ଗଙ୍କ ପାଇଁ ସଂରକ୍ଷଣ (ଇଡବ୍ଲ୍ୟୁଏସ୍) ୨୦୧୯ରେ ଯୋଡ଼ାଯାଇଥିଲା। ଯେପର୍ଯ୍ୟନ୍ତ ‘ସଂରକ୍ଷଣ’ ନୀତି ରହିଛି, ସେପର୍ଯ୍ୟନ୍ତ ସଠିକ ତଥ୍ୟ ପାଇବା ପାଇଁ ଜାତିଗଣନା କରାଯିବା ଯୁକ୍ତିଯୁକ୍ତ। ସଂରକ୍ଷଣ ଦାବି ଭିତରେ ଜାତିହୀନ ସମାଜର ଲକ୍ଷ୍ୟ ବିଚ୍ୟୁତ ହେବାରେ ଲାଗିଛି। ବିଜେପି ନେତା ତଥା ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ କହିଛନ୍ତି, ମୁଁ ମୋ ଜାତି ପରିବର୍ତ୍ତନ କରିପାରିବି ନାହିଁ। ମରାଠା ସମ୍ପ୍ରଦାୟ ପାଇଁ ସଂରକ୍ଷଣ ଦାବିରେ ଚାଲିଥିବା ଆନ୍ଦୋଳନ ମଧ୍ୟରେ ତାଙ୍କ ଅସହ୍ୟ ସ୍ଥିତି ପରିପ୍ରେକ୍ଷୀରେ ଏହି ବୟାନ ଦିଆଯାଇଛି। ପ୍ରଥମେ ଏହି ବିବୃତ୍ତି କୌଣସି ସ୍ଥାନରୁ ଠିକ୍ ନୁହେଁ। ଗାନ୍ଧୀ, ନେହେରୁ ଓ ବୋଷଙ୍କୁ ଜାତିଗତ ପିଞ୍ଜରାରେ ରଖାଯାଇନଥିଲା ନିକଟରୁ ଦେଖିଲେ ଜଣାପଡ଼ୁଛି…

ନୂଆଦିଲ୍ଲୀ: ଭାରତରେ କ୍ରିକେଟ୍ ଏକ ଖେଳ ନୁହେଁ ବରଂ ଏକ ଧର୍ମ ଏବଂ ଲୋକମାନେ କ୍ରିକେଟରଙ୍କୁ ପୂଜା କରନ୍ତି। ଆନ୍ତର୍ଜାତୀୟ ମ୍ୟାଚ୍ ବ୍ୟତୀତ ଭାରତୀୟ କ୍ରିକେଟରମାନେ ମଧ୍ୟ ଆଇପିଏଲ୍ ଖେଳନ୍ତି। ତାଙ୍କର ଲୋକପ୍ରିୟତା ହେତୁ ତାଙ୍କୁ ଅନେକ ବିଜ୍ଞାପନ ମିଳିଥାଏ, ଯେଉଁ କାରଣରୁ ସେ କେବଳ ଦେଶରେ ନୁହେଁ ସମଗ୍ର ବିଶ୍ୱରେ ଧନୀ ଖେଳାଳିଙ୍କ ମଧ୍ୟରେ ପରିଗଣିତ ହୁଅନ୍ତି। ନିକଟରେ ସୋସିଆଲ ମିଡିଆ ପ୍ଲାଟଫର୍ମରେ (ବିଶ୍ୱକପ ୨୦୨୩) ଭାରତର ସବୁଠାରୁ ଧନୀ କ୍ରିକେଟ୍ ଖେଳାଳିଙ୍କ ତାଲିକା ସେୟାର କରାଯାଇଥିଲା। ଏହି ତାଲିକାର ଶୀର୍ଷରେ ଥିବା ନାମ ପ୍ରତ୍ୟେକ ଭାରତୀୟଙ୍କର ପ୍ରିୟ ଅଟେ। ଏମାନେ ହେଉଛନ୍ତି ୧୦ ଜଣ ଧନୀ କ୍ରିକେଟର: ଶ୍ରେଷ୍ଠ ୧୦ ଜଣ ଭାରତୀୟ କ୍ରିକେଟର ତାଲିକାରେ ଶୀର୍ଷ ନାମ ହେଉଛି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର। ତାଲିକା ଅନୁଯାୟୀ, ସଚିନଙ୍କ ମୋଟ ମୂଲ୍ୟ ୧୫୦ ମିଲିୟନରୁ ଅଧିକ ଅଟେ। ପୂର୍ବତନ ଭାରତୀୟ ଅଧିନାୟକ ଏମଏସ ଧୋନି ଦ୍ୱିତୀୟ ସ୍ଥାନରେ…

ନୂଆଦିଲ୍ଲୀ: ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନାମ ସୋସିଆଲ ମିଡିଆ ଦୁନିଆର ବହୁ ଚର୍ଚ୍ଚିତ ରାଜନେତା ତାଲିକାରେ ଅନ୍ତର୍ଭୁକ୍ତ ହୋଇଛି। ହ୍ୟାସଟ୍ୟାଗ ଟ୍ରାକିଂ ଉପକରଣ ‘ଟ୍ୱିଟ୍ ବାଇଣ୍ଡର୍’ର ସମ୍ପ୍ରତି ରାଙ୍କିଙ୍ଗ୍ ଏହା ନିଶ୍ଚିତ କରିଛି। ଟ୍ୱିଟ୍ ବାଇଣ୍ଡର୍ ଦ୍ଵାରା ପ୍ରକାଶିତ ରାଙ୍କିଙ୍ଗ ଅନୁଯାୟୀ, ଅକ୍ଟୋବର ୨୦୨୩ ରେ ପ୍ରଧାନମନ୍ତ୍ରୀ ମୋଦୀଙ୍କ ପରେ ସୋସିଆଲ ମିଡିଆ ପ୍ଲାଟଫର୍ମ X ରେ ଯେଉଁ ଆକାଉଣ୍ଟ ଉପରେ ଅଧିକ ଚର୍ଚ୍ଚା କରାଯାଇଛି, ସେହି ରାଜନେତା ହେଉଛନ୍ତି ଯୋଗୀ ଆଦିତ୍ୟନାଥ। ପଛରେ ପଡିଲେ ରାହୁଲ ଗାନ୍ଧୀ: ଟ୍ୱିଟ୍ ବାଇଣ୍ଡର୍ ଦ୍ଵାରା ପ୍ରକାଶିତ ରାଙ୍କିଙ୍ଗ୍ ଅନୁଯାୟୀ ମୁଖ୍ୟମନ୍ତ୍ରୀ ଯୋଗୀ ଲୋକପ୍ରିୟତା ଦୃଷ୍ଟିରୁ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ପଛରେ ପକାଇଦେଇଛନ୍ତି। ସେ ରାହୁଲ ଗାନ୍ଧୀଙ୍କଠାରୁ ବହୁତ ଆଗରେ ଅଛନ୍ତି। ସିଏମ ଯୋଗୀଙ୍କଠାରୁ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଭାରତୀୟ କ୍ରିକେଟର ବିରାଟ କୋହଲି ଏବଂ ଦକ୍ଷିଣ ଅଭିନେତା ବିଜୟ ଆଗରେ ଅଛନ୍ତି। ଅକ୍ଟୋବର ୧ ତାରିଖରୁ ଅକ୍ଟୋବର ୩୧…

ଭୁବନେଶ୍ବର: ଆଜି ବିଜୁ ଜନତା ଦଳ ଆଉ ଜଣେ ନେତାଙ୍କୁ ଦଳରୁ ବହିସ୍କୃତ କରିଛି। ଦଳ ବିରୋଧୀ କାର୍ଯ୍ୟ ପାଇଁ ତାଙ୍କୁ ଦଳରୁ ବହିସ୍କାର କରାଯାଇଛି। ଦଳର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ବହିସ୍କାର ଆଦେଶ ଦେଇଛନ୍ତି। ଏ ନେଇ ଦଳ ତରଫରୁ ଏକ ବିଜ୍ଞପ୍ତି ପ୍ରକାଶ ପାଇଛି। ତେବେ ଯେଉଁ ନେତାଙ୍କୁ ବହିସ୍କାର କରାଯାଇଛି ସେ ହେଲେ କୋରାପୁଟର ନେତା ରଘୁରାମ ମାଛ। ସେ ଗତ ୨୦୧୪ ମସିହାରେ ଶିକ୍ଷକତା ଛାଡି ବିଜେଡିରେ ଯୋଗ ଦେଇଥିଲେ। ଏଥିସହିତ ସେ ସେହି ବର୍ଷ ବିଜେଡିରୁ କୋରାପୁଟ ଆସନ ପାଇଁ ବିଧାୟକ ଭାବେ ଲଢେଇ କରି ହାରିଯାଇଥିଲେ। ରଘୁରାମ ଗତ କିଛିମାସ ଧରି ବିଜେଡି ନେତାଙ୍କୁ ଟାର୍ଗେଟ କରିବା ସହିତ ତାଙ୍କ ବିରୋଧରେ କଟୁ ମନ୍ତବ୍ୟ ପ୍ରଦାନ କରୁଥିଲେ। ସେଥିପାଇଁ ଦଳ ତାଙ୍କୁ ବହିସ୍କାର କରିଛି। ପୂର୍ବରୁ ସେ ୨୦୨୧ ମସିହାରେ ମଧ୍ୟ ଦଳରୁ ନିଳମ୍ବିତ ହୋଇଥିଲେ।

କଟକ: ଆଜି ହେଉଛି କାର୍ତ୍ତିକ ସୋମବାର। ଏହି କାର୍ତ୍ତିକ ସୋମବାରରେ ମହାଦେବଙ୍କୁ ଦର୍ଶନ କଲେ ବେଶ ପୂଣ୍ୟକାମ ବୋଲି ବିବେଚନା କରାଯାଏ। ଏହିଦିନ ମହାଦେବଙ୍କୁ ଦର୍ଶନ କଲେ ବର୍ଷ ସାରା ଶୁଭଦାୟକ ହୋଇଥାଏ ବୋଲି ବିଶ୍ବାସ ରହିଛି। ସେଥିପାଇଁ ଏହି ସୋମବାରରେ ସମସ୍ତ ଶୈବ୍ୟପୀଠରେ ପ୍ରବଳ ଭିଡ ହୋଇଥାଏ। ସେହିପରି ଓଡିଶାର ପ୍ରସିଦ୍ଧ ଶୈବ୍ୟପୀଠ ବାବା ଧବଳେଶ୍ବରରେ ଆଜି ସକାଳୁ ଭିଡ ପରିଲକ୍ଷିତ ହୋଇଛି। ବାବାଙ୍କୁ ଦର୍ଶନ କରିବା ପାଇଁ ଭକ୍ତମାନେ ଭୋରରୁ ମନ୍ଦିରରେ ଭିଡ କରିଛନ୍ତି। ଭକ୍ତମାନେ ବାବାଙ୍କ ଉପରେ ଖିର ଢାଳି ବେଲପତ୍ର ପ୍ରଦାନ କରି ଆର୍ଶିବାଦ ନେଇଛନ୍ତି।

ଭୁବନେଶ୍ବର: ଆଜି ସକାଳେ ଭୁବନେଶ୍ବରରୁ କୋରାପୁଟ ଜୟପୁରକୁ ଆଉ ଏକ ବିମାନ ଉଡାଣ ଆରମ୍ଭ ହୋଇଛି। ୱାନ ଇଣ୍ଡିଆ ଏୟାର କଂପାନୀ ତରଫରୁ ଏହି ସେବା ଆରମ୍ଭ କରାଯାଇଛି। ଏହି ବମାନ ଆଜି ସକାଳ ୭ ଟା ୧୦ରେ ଭୁବନେଶ୍ବରରୁ ଛାଡି ୮ଟା ୪୫ରେ ଜୟପୁର ବିମାନ ବନ୍ଦରରେ ପହଞ୍ଚିଛି। ସେହିପରି ଜୟପୁରରୁ ଆଜି ସକାଳ ୯ଟାରେ ଛାଡି ୧୦ଟା ୩୫ରେ ଭୁବେନଶ୍ବରରେ ପହଞ୍ଚିବ। ଏହି ବିମାନଟି ସପ୍ତାହରେ ଦୁଇଦିନ ସୋମବାର ଏବଂ ଶୁକ୍ରବାରରେ ଉଡାଣ କରିବ ବୋଲି ଜଣାପଡିଛି। ତେବେ ଏହି ବିମାନ ପାଇଁ କଂପାନୀ ଯାତ୍ରୀମାନଙ୍କୁ ଏକ ଅଫର ପ୍ରଦାନ କରିଛି। ଭୁବନେଶ୍ବରରୁ ଜୟପୁରକୁ ମାତ୍ର ୨୯୯୯ ଟଙ୍କାରେ ଯିବା ପାଇଁ ଏହି ଅଫର କଂପାନୀ ଦେଉଛି। ତେବେ ଏହା କେବଳ ଏହି ନଭେମ୍ବର ମାସ ପାଇଁ ରହିଛି।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଦିନ ଛତିଶଗଡର ରାଜନନ୍ଦନ ଜିଲ୍ଲାର ଏକ ଲୋକପ୍ରିୟ ତୀର୍ଥସ୍ଥାନ ଡୋଙ୍ଗରଗଡ ପରିଦର୍ଶନ କରି ଜୈନ ସାଧୁ ଆଚାର୍ଯ୍ୟ ବିଦ୍ୟାସାଗର ମହାରାଜଙ୍କୁ ସାକ୍ଷାତ କରିଛନ୍ତି। ତାଙ୍କର ପାଦତଳେ ମୁଣ୍ଡିଆ ମାରି ପ୍ରଧାନମନ୍ତ୍ରୀ ଆର୍ଶିବାଦ ଭିକ୍ଷା କରିଥିଲେ। ଏହାସହିତ ସେ ଡୋଙ୍ଗରଗଡର ଏକ ପାହାଡ ପାଦଦେଶରେ ଅବସ୍ଥିତ ମା ବାମଲେଶ୍ୱରୀ ମନ୍ଦିରରେ ମଧ୍ୟ ପ୍ରାର୍ଥନା କରିଥିଲେ। ସେ ତାଙ୍କର ଏକ୍ସ ରେ ଲେଖିଛନ୍ତି ଯେ, ଛତିଶଗଡର ଡୋଙ୍ଗରଗଡର ଚନ୍ଦ୍ରଗିରି ଜୈନ ମଣ୍ଡପରେ ଆଚାର୍ଯ୍ୟ ଶ୍ରୀ ୧୦୮ ବିଦ୍ୟାସାଗର ଜୀ ମହାରାଜଙ୍କ ଆଶୀର୍ବାଦ ଗ୍ରହଣ କରି ନିଜକୁ ଧନ୍ୟ ମନେ କରୁଛି। ପ୍ରଧାନମନ୍ତ୍ରୀ ଛତିଶଗଡକୁ ନିର୍ବାଚନ ପ୍ରଚାରରେ ଯାଇଥିବା ବେଳେ ସେ ଏହି ମନ୍ଦିର ଏବଂ ସାଧୁଙ୍କୁ ସାକ୍ଷାତ କରିଛନ୍ତି। ଛତିଶଗଡର ପ୍ରଥମ ପର୍ଯ୍ୟାୟ ନିର୍ବଚନ ଆସନ୍ତା ନଭେମ୍ବର ୭ ତାରିଖରେ ହେବ। ସେଥିପାଇଁ ରବିବାର ଦିନ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର ଶେଷ ହୋଇଯାଇଛି। ଆଚାର୍ଯ୍ୟ…

ପିଲିଭିତ: ଆଗାମୀ ଲୋକସଭା ନିର୍ବାଚନ ପାଇଁ ସାଂସଦ ବରୁଣ ଗାନ୍ଧିଙ୍କୁ ଲଗାତାର ଆକ୍ସନ ମୋଡ଼ରେ ଦେଖିବାକୁ ମିଳୁଛି। ବରୁଣ ଗାନ୍ଧି ଜନସଭାକୁ ସମ୍ବୋଧିତ କରି ଜନସାଧାରଣଙ୍କୁ ଆକୃଷ୍ଟ କରିବାରେ ବ୍ୟସ୍ତ ଅଛନ୍ତି। ଏଭଳି ପରିସ୍ଥିତିରେ ବରୁଣ ଗାନ୍ଧୀ ଶିଖମାନଙ୍କ ସମସ୍ୟାକୁ ନେଇ ଶନିବାର ବରେଲିର ବହେରୀରେ ଆୟୋଜିତ ଶିଖ ମହାପଞ୍ଚାୟତରେ ମଧ୍ୟ ଯୋଗ ଦେଇଥିଲେ। ବହେରୀ ପିଲିଭିତ ଲୋକସଭା ନିର୍ବାଚନ ମଣ୍ଡଳୀ ଅଧୀନରେ ରହିଛି। ଏହି ବୈଠକରେ ବରୁଣ ଗାନ୍ଧୀଙ୍କୁ ଶିଖମାନଙ୍କଠାରୁ ବହୁତ ସମର୍ଥନ ମିଳିଥିଲା। ବରୁଣ ଗାନ୍ଧୀ ମଞ୍ଚରୁ ଶିଖ ସମ୍ପ୍ରଦାୟ ସହ ଜଡ଼ିତ ପ୍ରସଙ୍ଗ ଉଠାଇବା ସହ ଶିଖମାନଙ୍କୁ ସାହସୀ ଲୋକଙ୍କ ସମ୍ପ୍ରଦାୟର ମାନ୍ୟତା ଦେଇଥିଲେ। ଜନହିତକର ପ୍ରସଙ୍ଗରେ ବରୁଣ ଗାନ୍ଧି ସରକାରଙ୍କ ମତଠାରୁ ଅଲଗା ରହିବାରୁ ତାଙ୍କୁ ଟିକେଟ ନ ମିଳିବା ନେଇ ମଧ୍ୟ ଚର୍ଚ୍ଚା ହେଉଛି। ଯଦିଓ ବିଜେପି ଆନୁଷ୍ଠାନିକଭାବେ ଏଭଳି କୌଣସି ଘୋଷଣା କରିନାହିଁ, କିନ୍ତୁ ଶିଖ୍ ସମ୍ପ୍ରଦାୟରେ ବରୁଣ ଗାନ୍ଧୀଙ୍କ ଦଖଲ ଦେଖି…

ନୂଆଦିଲ୍ଲୀ: ଭାରତୀୟ ଦଣ୍ଡବିଧି ସଂହିତା (ଆଇପିସି), ସିଆରପିସି ଏବଂ ପ୍ରମାଣ ଆଇନକୁ ବଦଳାଇବା ପାଇଁ ସଂସଦୀୟ କମିଟି ଆସନ୍ତାକାଲି ବୈଠକ କରିବ। ଅକ୍ଟୋବର ୨୭ରେ ଅନୁଷ୍ଠିତ ବୈଠକରେ କମିଟି ଡ୍ରାଫ୍ଟ ରିପୋର୍ଟକୁ ଗ୍ରହଣ କରିନଥିଲା। କେତେକ ବିରୋଧୀ ସଦସ୍ୟଙ୍କ ଯୁକ୍ତିକୁ ବିଚାରକୁ ନେଇ କମିଟି ଏହି ଡ୍ରାଫ୍ଟକୁ ଅଧିକ ଅଧ୍ୟୟନ କରିବାକୁ ସମୟ ମାଗିଥିଲା। କଂଗ୍ରେସ ନେତା ପି ଚିଦାମ୍ବରମଙ୍କ ସମେତ କିଛି ବିରୋଧୀ ସଦସ୍ୟ କମିଟି ଅଧ୍ୟକ୍ଷ ବ୍ରିଜ ଲାଲଙ୍କୁ ଏହି ଡ୍ରାଫ୍ଟ ଉପରେ ନିଷ୍ପତ୍ତି ନେବା ପାଇଁ ଦିଆଯାଇଥିବା ସମୟକୁ ତିନିମାସ ବୃଦ୍ଧି କରିବାକୁ ଅନୁରୋଧ କରିଥିଲେ। ସଭ୍ୟମାନେ କହିଥିଲେ ଯେ ନିର୍ବାଚନୀ ଫାଇଦା ପାଇଁ ଏହି ବିଲଗୁଡ଼ିକୁ ଅକାମୀ କରିବା ଠିକ୍ ନୁହେଁ। ଅଗଷ୍ଟ ୧୧ତାରିଖରେ ସଂସଦରେ ଏହି ବିଲ୍ ଆଗତ ହୋଇଥିଲା। ଅଗଷ୍ଟ ମାସରେ ହିଁ ଏହି ଡ୍ରାଫ୍ଟ ଗୃହ ବ୍ୟାପାର ସ୍ଥାୟୀ କମିଟିକୁ ପଠାଯାଇଥିଲା। ଏହି ଡ୍ରାଫ୍ଟକୁ ଗ୍ରହଣ କରିବାକୁ କମିଟିକୁ ୩ ମାସ…

ମେଷ- ଭାଗ୍ୟ ଆପଣଙ୍କ ସହିତ ରହିପାରେ । ଆପଣଙ୍କୁ ଦେଖା କରୁଥିବା ଲୋକମାନେ ଆପଣଙ୍କୁ କିଛି ନୂଆ ଚେଷ୍ଟା କରିବାକୁ ପ୍ରେରଣା ଦେଇପାରିବେ। ଏହି ସମୟରେ କରାଯାଇଥିବା ପ୍ରୟାସ ସଫଳ ହେବାର ସମ୍ଭାବନା ଅଧିକ । ବୋଧହୁଏ ଆପଣ ଅତିରିକ୍ତ ଦାୟିତ୍ବ ପାଇବେ କିମ୍ବା ସାମ୍ପ୍ରତିକ ଚାକିରିରେ କାମ କରିବ । ଆପଣଙ୍କର ଆୟ ବଢିବାର ସମ୍ଭାବନା ମଧ୍ୟ ଅଧିକ। ଆପଣଙ୍କର ମନ ଭଲ କାମ କରିବ। ଶାଶୁଙ୍କ ଅନୁଗ୍ରହରୁ ଉପହାର ପାଇବା ସମ୍ଭାବନା ସୃଷ୍ଟି ହେଉଛି । ବୃଷ- ଆପଣ ଆଜି ଧର୍ଯ୍ୟବାନ ହେବା ଉଚିତ୍। ଟଙ୍କା କ୍ଷେତ୍ରରେ କ୍ଷତି ହୋଇପାରେ । କିଛି ଆଇନଗତ ପ୍ରସଙ୍ଗରେ ଆପଣ ଜଡିତ ହୋଇପାରନ୍ତି। ସମୟର ଯତ୍ନ ନିଅନ୍ତୁ । କିଛି ବିଶେଷ କାର୍ଯ୍ୟ ପାଇଁ ଆପଣଙ୍କୁ ବହୁତ କଠିନ ପରିଶ୍ରମ କରିବାକୁ ପଡିପାରେ । ଆପଣ ମଧ୍ୟ କୈଣସି ଆକସ୍ମିକ ଘଟଣାରେ ତୁରନ୍ତ ନିଷ୍ପତ୍ତି ନେବା ଠାରୁ ଦୂରେଇ ରହିବା ଉଚିତ୍ । ଆପଣଙ୍କ…

ବେଗୁନିଆପଡା (ଟୁକୁନା ପ୍ରଧାନ): ଗଞ୍ଜାମ ଜିଲ୍ଲା କୋଦଳା ଏନ୍ ଏ ସି ସବଜେଲ ପଛପଟ ସାହିରେ ଭୟାବହ ଅଗ୍ନିକାଣ୍ଡ ଘଟିଛି। ଫଳରେ ଘରର ବିଭିନ୍ନ ଆସବା ପତ୍ର ଜଳି ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ। କୋଦଳା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଚଳାଇଥିବା ବେଳେ ପ୍ରବଳ ଧୂଆଁ ବାହାରୁଥିବା ଯୋଗୁଁ ନିଆଁକୁ ଆୟତ୍ତ କରିବା କଷ୍ଟକର ହୋଇଥିଲା। ଅଗ୍ନିକାଣ୍ଡରେ ଯୋଗୀ ପାତ୍ର, ବୁଦ୍ଧିଆ ସେଠି, ହାଡୁ ବେହେରାଙ୍କ ଘର ସଂପୂର୍ଣ୍ଣ ପୋଡି ନଷ୍ଟ ହେବା ସହ ବହୁ ମୂଲ୍ୟବାନ ଆସବା ପତ୍ର ପୋଡି ପାଉଁଶ ହୋଇଯାଇଛି। କ୍ଷତିଗ୍ରସ୍ତ ପରିବାରଙ୍କୁ ସରକାରୀ ସହାୟତା ଯୋଗାଇଦେବା ପାଇଁ ସାଧାରଣ ରେ ଦାବୀ ହୋଇଛି।

ଭୁବନେଶ୍ୱର: ଜଗତର ନାଥ ଜଗନ୍ନାଥଙ୍କ ରତ୍ନଭଣ୍ଡାରରେ ଗହଣା କେତେ ଅଛି ତାହା ଓଡ଼ିଶାବାସୀ ଜାଣିବା ଉଚିତ। କିନ୍ତୁ ରାଜ୍ୟ ସରକାର ରତ୍ନ ଭଣ୍ଡାର ଖୋଲିବା ବଦଳରେ ଲେଜର ସ୍କାନିଂ କରିବା କଥା କହିବା ରାଜ୍ୟ ସରକାରଙ୍କ ଯୋଜନାବଦ୍ଧ ଷଡଯନ୍ତ୍ର।ଆଜି ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି ବିଜେପିର ପୂର୍ବତନ ସଭାପତି ସମୀର ମହାନ୍ତି। ସେ କହିଛନ୍ତି ଯେ, ୧୯୫୨ମସିହାରେ ସ୍ୱତନ୍ତ୍ର ଆଇନ କରି ଜଗନ୍ନାଥ ମନ୍ଦିର ପରିଚାଳନା ପାଇଁ ନିଷ୍ପତି ନେଇ ଗଜପତିଙ୍କ ଠାରୁ କ୍ଷମତା ନେଇଗଲେ ରାଜ୍ୟ ସରକାର। ତେଣୁ ରତ୍ନ ଭଣ୍ଡାର ଖୋଲିବା ଦାୟିତ୍ୱ ସମ୍ପୂର୍ଣ୍ଣରୂପେ ରାଜ୍ୟ ସରକାରଙ୍କର। ହାଇକୋର୍ଟଙ୍କ ନିର୍ଦ୍ଦେଶ ଏବଂ ଗଜପତିଙ୍କ ସୁପାରିଶକୁ କାହିଁକି କାର୍ଯ୍ୟକାରୀ କରୁ ନାହାନ୍ତି ରାଜ୍ୟ ସରକାର ବୋଲି ଶ୍ରୀ ମହାନ୍ତି ଅବିଯୋଗ କରିଛନ୍ତି। ପରିକ୍ରମା ପ୍ରକଳ୍ପ ଉଦ୍‌ଘାଟନ କଥା ଗଜପତି ମହାରାଜଙ୍କ ମୁହଁରୁ କୁହାଇ ରତ୍ନ ଭଣ୍ଡାର ପ୍ରସଙ୍ଗରୁ ଦୃଷ୍ଟି ହଟାଇବା ରାଜ୍ୟ ସରକାରଙ୍କର ଏକ ଷଡଯନ୍ତ୍ର। ରାଜ୍ୟ ସରକାର…