ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ୭, ଲୋକ କଲ୍ୟାଣ ମାର୍ଗଠାରେ ପିଲାମାନଙ୍କ ସହିତ ରକ୍ଷାବନ୍ଧନ ପାଳନ କରିଛନ୍ତି। ପିଲାମାନେ ପ୍ରଧାନମନ୍ତ୍ରୀଙ୍କୁ ରାଖୀ ବାନ୍ଧି ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ। ପିଲାମାନେ ଚନ୍ଦ୍ରଯାନ-୩ ମିଶନର ସାମ୍ପ୍ରତିକ ସଫଳତା ଉପରେ ସେମାନଙ୍କର ସକାରାତ୍ମକ ଭାବନା ସେୟାର କରିଥିଲେ ଏବଂ ଆଗାମୀ ଆଦିତ୍ୟ ଏଲ୍ -୧ ମିଶନ କୁ ନେଇ ଉତ୍ସାହ ପ୍ରକାଶ କରିଥିଲେ। ଆଲୋଚନା ସମୟରେ ପିଲାମାନେ କବିତା ପାଠ କରିବା ସହ ଗୀତ ଗାଇଥିଲେ। ସେମାନଙ୍କ ବକ୍ତବ୍ୟରେ ପ୍ରଭାବିତ ହୋଇ ଜନସାଧାରଣଙ୍କ ହିତ ନିମନ୍ତେ ସରକାରୀ ଯୋଜନା ସମେତ ବିଭିନ୍ନ ବିଷୟ ଉପରେ କବିତା ଲେଖିବା ପାଇଁ ପ୍ରଧାନମନ୍ତ୍ରୀ ସେମାନଙ୍କୁ ଉତ୍ସାହିତ କରିଥିଲେ। ଆତ୍ମନିର୍ଭରଶୀଳତାର ଗୁରୁତ୍ୱ ବୁଝାଇ ପ୍ରଧାନମନ୍ତ୍ରୀ ପିଲାମାନଙ୍କୁ ମେଡ୍ ଇନ୍ ଇଣ୍ଡିଆ ଉତ୍ପାଦ ବ୍ୟବହାର କରିବାକୁ ପରାମର୍ଶ ଦେଇଥିଲେ। ଏହି ଉତ୍ସବରେ ବିଭିନ୍ନ ଛାତ୍ରଛାତ୍ରୀ ସେମାନଙ୍କ ଶିକ୍ଷକମାନଙ୍କ ସହ ଅଂଶଗ୍ରହଣ କରିଥିଲେ। ସ୍ୱେଚ୍ଛାସେବୀ ଅନୁଷ୍ଠାନର ପ୍ରତିନିଧି, ବୃନ୍ଦାବନର ବିଧବା…
Author: Samikhsya Bureau
ନୂଆଦିଲ୍ଲୀ: ବ୍ରିଟେନର ରାଷ୍ଟ୍ରାୟତ୍ତ ନ୍ୟାସନାଲ ହେଲଥ ସର୍ଭିସ ଏଭଳି ଏକ ଇଞ୍ଜେକ୍ସନ ଆଣିବାକୁ ଯାଉଛି ଯାହା ଦେଶର ଶହ ଶହ କର୍କଟ ରୋଗୀଙ୍କ ଚିକିତ୍ସା କରିପାରିବ ଏବଂ ଚିକିତ୍ସା ସମୟକୁ ତିନି ଚତୁର୍ଥାଂଶ ପର୍ଯ୍ୟନ୍ତ ହ୍ରାସ କରିପାରିବ। ଏପରି କରିବାରେ ଏହା ବିଶ୍ୱର ପ୍ରଥମ ଜାତୀୟ ସ୍ୱାସ୍ଥ୍ୟ ସେବା। ମେଡିସିନ ଆଣ୍ଡ ହେଲଥକେୟାର ପ୍ରଡକ୍ଟସ ରେଗୁଲେଟରୀ ଏଜେନ୍ସି (ଏମଏଚଆରଏ)ର ଅନୁମୋଦନ ପାଇବା ପରେ ଏନଏଚଏସ ଇଂଲଣ୍ଡ ମଙ୍ଗଳବାର କହିଛି ଯେ ଇମ୍ୟୁନୋଥେରାପି ଦ୍ୱାରା ଚିକିତ୍ସିତ ହୋଇଥିବା ଶତାଧିକ ରୋଗୀଙ୍କୁ ଆଟେଜୋଲିଜୁମାବର ‘ଚର୍ମ ତଳେ’ ଇଞ୍ଜେକସନ୍ ଦିଆଯିବ, ଯାହା ଶେଷରେ କର୍କଟ ଦଳକୁ ଅଧିକ ସମୟ ଦେବ। ୱେଷ୍ଟ ସଫୋକ୍ ଏନ୍ଏଚ୍ଏସ୍ ଫାଉଣ୍ଡେସନ୍ ଟ୍ରଷ୍ଟର ପରାମର୍ଶଦାତା ଅନ୍କୋଲୋଜିଷ୍ଟ ଡାକ୍ତର ଆଲେକଜାଣ୍ଡର ମାର୍ଟିନ୍ କହିଛନ୍ତି ଯେ ଏହି ଅନୁମୋଦନ କେବଳ ଆମ ରୋଗୀମାନଙ୍କ ପାଇଁ ସୁବିଧାଜନକ ଏବଂ ଦ୍ରୁତ ଯତ୍ନ ପ୍ରଦାନ କରିବାକୁ ଅନୁମତି ଦେବ ନାହିଁ, ବରଂ ଆମ ଦଳକୁ ଦିନସାରା ଅଧିକ…
ନୂଆଦିଲ୍ଲୀ: ଅଗଷ୍ଟ ୩୧ରେ ବିରୋଧୀ ଦଳର ମେଣ୍ଟ ‘ଇଣ୍ଡିଆ’ର ଏକ ବୈଠକ ମୁମ୍ବାଇରେ ହେବାକୁ ଯାଉଛି, କିନ୍ତୁ ଏହାର ଠିକ୍ ପୂର୍ବରୁ ଆପ୍ ପକ୍ଷରୁ ଏକ ବଡ଼ ବୟାନ ଆସିଛି। ଆପ୍ର ରାଷ୍ଟ୍ରୀୟ ମୁଖପାତ୍ର ପ୍ରିୟଙ୍କା କକ୍କର କହିଛନ୍ତି ଯେ ବର୍ତ୍ତମାନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିପକ୍ଷରେ ବିରୋଧୀଙ୍କଠାରୁ ଭଲ ପ୍ରାର୍ଥୀ ସାବ୍ୟସ୍ତ ହେବେ। ଅଗଷ୍ଟ ୩୧ରେ ମୁମ୍ବାଇରେ ଇଣ୍ଡିଆ ଆଲାଏନ୍ସର ବୈଠକ ବସି ଭବିଷ୍ୟତ ରଣନୀତି ଉପରେ ଆଲୋଚନା ହେବାର କାର୍ଯ୍ୟକ୍ରମ ରହିଛି। ଏହା ଭିନ୍ନକଥା ଯେ ଚାପ ରାଜନୀତି ମଧ୍ୟ ଦେଖିବାକୁ ମିଳୁଛି। ବୈଠକରେ ଯୋଗ ଦେବା ପାଇଁ ଆମ୍ ଆଦମୀ ପାର୍ଟିକୁ ନିମନ୍ତ୍ରଣ ପଠାଯାଇଥିବାବେଳେ ଏହା ପୂର୍ବରୁ ଆପ୍ ପକ୍ଷରୁ ଦାବି କରାଯାଇଛି। ଅରବିନ୍ଦ କେଜ୍ରିୱାଲଙ୍କୁ ପ୍ରଧାନମନ୍ତ୍ରୀ ଚେହେରା କରିବା ପାଇଁ ଆମ୍ ଆଦମୀ ପାର୍ଟି ମଧ୍ୟ ଯୁକ୍ତି ଉପସ୍ଥାପନ କରିଛି। ଆପଣଙ୍କୁ କହିରଖୁଛୁ ଯେ ନିକଟରେ ଦିଲ୍ଲୀରେ ଲୋକସଭା ଆସନ…
ରେଢାଖୋଲ: “ସୁଚିତ୍ରା” ପତ୍ରିକା ପକ୍ଷରୁ ରେଢାଖୋଲ ଏନ୍ ଏ ସି କଲ୍ୟାଣ ମଣ୍ଡପରେ ଗଙ୍ଗାଧର ମେହେର ଜୟନ୍ତି କବି ସନ୍ତୋଷ କୁମାର ରଥଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ଏହି ଜୟନ୍ତି ଉତ୍ସବରେ ରେଢାଖୋଲ ଏନ୍ ଏ ସି ର ଅଧ୍ୟକ୍ଷ ଶିବରାମ ସାହୁ ମୁଖ୍ୟ ଅତିଥି ଭାବରେ, କବି ମାନିନୀ ମିଶ୍ର ଓ ସମାଜସେବୀ ଗୋବିନ୍ଦ ଅଗ୍ରଓାଲା ସମ୍ମାନୀତ ଅତିଥି, ମାଧପୁର ହାଇସ୍କୁଲର ଅବସର ପ୍ରାପ୍ତ ଶିକ୍ଷକ ତଥା ଶିକ୍ଷାବିତ୍ ଦେବରାଜ ନାଏକ ପ୍ରମୁଖ ଯୋଗେଦେଇ ଗଙ୍ଗାଧର ମେହେରଙ୍କ ଜୀବନୀ ତଥା ତାଙ୍କର କବିତା ସଂପର୍କରେ ଆଲୋଚନା କରିଥିଲେ। ଗଙ୍ଗାଧର ମେହେର ଥିଲେ ଜଣେ ପ୍ରକୃତି କବି ତାଙ୍କ ସାହିତ୍ୟରେ ପଶୁ, ପକ୍ଷୀ, ବୃକ୍ଷଲତା ସ୍ଥାନ ପାଇଛି। ସେ ପ୍ରକୃତିକୁ ବହୁତ ଭଲ ପାଉଥିଲେ ବୋଲି ବକ୍ତାମାନେ କହିଥିଲେ। ଆଗାମୀ ଦିନରେ ରେଢାଖୋଲରେ ମେହେର ଜୟନ୍ତୀ ବହୁ ଆଡମ୍ବର ସହକାରେ ପାଳନ କରାଯିବାକୁ ବକ୍ତା ମାନେ ପ୍ରସ୍ତାବ ଦେଇଥିଲେ। ସାମ୍ବାଦିକ ସୁଶାନ୍ତ…
ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ବୁଧବାର କହିଛି ଯେ ଆଦିତ୍ୟ ଏଲ୍ ୧ ମିଶନକୁ ଉତକ୍ଷେପଣ କରିବା ପାଇଁ ପ୍ରସ୍ତୁତି ଚାଲିଛି। ଗାଡ଼ିର ଆଭ୍ୟନ୍ତରୀଣ ଯାଞ୍ଚ ଶେଷ ହୋଇଛି। ସେପ୍ଟେମ୍ବର ୨ ତାରିଖ ପୂର୍ବାହ୍ନ ୧୧ଟା ୫୦ରେ ଶ୍ରୀହରିକୋଟାସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ପିଏସଏଲଭି ଏକ୍ସଏଲ ରକେଟ ଜରିଆରେ ଆଦିତ୍ୟ ଏଲ୧ କୁ ଉତକ୍ଷେପଣ କରାଯିବ। ପ୍ରାୟ ୪ ମାସ ମଧ୍ୟରେ ଏହା ପୃଥିବୀଠାରୁ ୧.୫ ନିୟୁତ କିଲୋମିଟର ଦୂର ଲଙ୍ଗରେଞ୍ଜ ପଏଣ୍ଟ-୧ ଅର୍ଥାତ୍ ଏଲ୍ ୧ ପଏଣ୍ଟରେ ପହଞ୍ଚିବ। ଆଦିତ୍ୟ ମହାକାଶଯାନ ଏଲ୍ ୧ ବିନ୍ଦୁ ପରିକ୍ରମା କରି ସୂର୍ଯ୍ୟଉପରେ ଉଠୁଥିବା ଝଡ଼କୁ ବୁଝିବ। ଏହାବ୍ୟତୀତ ଚୁମ୍ବକୀୟ କ୍ଷେତ୍ର ଓ ସୌର ପବନ ଭଳି ଜିନିଷ ଉପରେ ଅଧ୍ୟୟନ କରାଯିବ। ଆଦିତ୍ୟ ପାଖରେ ବ୍ୟବହାର ପାଇଁ ୭ଟି ପେଲୋଡ୍ ରହିଛି। କାହିଁକି ଆଦିତ୍ୟ ଗାଡ଼ିକୁ କେବଳ ଏଲ୧ ପଏଣ୍ଟକୁ ପଠାଯିବ ଆଦିତ୍ୟକୁ ସୂର୍ଯ୍ୟ ଓ ପୃଥିବୀ…
ନୂଆଦିଲ୍ଲୀ: ଅଗଷ୍ଟ ୨୦୧୯ରେ ସୀମାନ୍ତ ରାଜ୍ୟ ଜମ୍ମୁ-କଶ୍ମୀରକୁ ଦୁଇ ଭାଗରେ ବିଭକ୍ତ କରିବାର ଆବଶ୍ୟକତା ଉପରେ ପ୍ରଶ୍ନ ଉଠାଇ ସୁପ୍ରିମକୋର୍ଟ କହିଛନ୍ତି ଯେ ଜମ୍ମୁ-କଶ୍ମୀର ଏକ ଅନନ୍ୟ ରାଜ୍ୟ ନୁହେଁ, ପଞ୍ଜାବ ଏବଂ ଉତ୍ତର-ପୂର୍ବାଞ୍ଚଳ ମଧ୍ୟ ସମାନ ପରିସ୍ଥିତିର ସମ୍ମୁଖୀନ ହୋଇଛନ୍ତି। ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ ଆହୁରି ମଧ୍ୟ ପ୍ରଶ୍ନ କରିଛନ୍ତି ଯେ ରାଜ୍ୟକୁ ବିଭାଜନ କରିବା ପାଇଁ କେନ୍ଦ୍ର ସରକାରଙ୍କ କ୍ଷମତାର କିପରି ଅପବ୍ୟବହାର ହେବ ନାହିଁ। ରାଜ୍ୟକୁ ଦୁଇ ଭାଗରେ ବିଭକ୍ତ କରିବା ପ୍ରସଙ୍ଗକୁ ସଂସଦ କାହିଁକି ସମାଧାନ କରିପାରିଲା ନାହିଁ, ତାହାକୁ ନେଇ ବିତର୍କ ହୋଇପାରେ। ଧାରା-୩୭୦ ସମ୍ବନ୍ଧୀୟ ଆବେଦନର ଶୁଣାଣିବେଳେ ସୁପ୍ରିମକୋର୍ଟ ପ୍ରଥମ ଥର ପାଇଁ ଜମ୍ମୁ-କଶ୍ମୀରରେ ନିର୍ବାଚନୀ ଗଣତନ୍ତ୍ର ପୁନରୁଦ୍ଧାର ପାଇଁ ସମୟସୀମା ବିଷୟରେ କହିଛନ୍ତି। ଅଦାଲତ କହିଛନ୍ତି ଯେ ବର୍ତ୍ତମାନର ବ୍ୟବସ୍ଥା ଶେଷ ହେବା ଦରକାର। କେନ୍ଦ୍ର ସରକାରଙ୍କ ପକ୍ଷରୁ ସଲିସିଟର ଜେନେରାଲ ତୁଷାର ମେହେଟ୍ଟା କହିଛନ୍ତି ଯେ ଜମ୍ମୁ-କଶ୍ମୀରର କେନ୍ଦ୍ରଶାସିତ…
ନୂଆଦିଲ୍ଲୀ: ଆଇଏନଡିଆଇଏର ମୁମ୍ବାଇ ବୈଠକ ପୂର୍ବରୁ ମାୟାବତୀ ବିରୋଧୀ ମେଣ୍ଟକୁ ବଡ଼ ଝଟକା ଦେଇଛନ୍ତି। ବହୁଜନ ସମାଜ ପାର୍ଟି ସୁପ୍ରିମୋ ମାୟାବତୀ ସ୍ପଷ୍ଟ କରିଛନ୍ତି ଯେ, ସେ ବିରୋଧୀ ମେଣ୍ଟ ଆଇଏନଡିଆଇଏର ଅଂଶ ହେବେ ନାହିଁ। ଇମ୍ରାନ ମାସୁଦଙ୍କୁ ବିଏସପିରୁ ହଟାଇବା ସେ ଏହି ସଙ୍କେତ ଦେଇଛନ୍ତି। ରାହୁଲଙ୍କୁ ପ୍ରଶଂସା କରିବାର କିଛି ଘଣ୍ଟା ପରେ ଇମ୍ରାନ ମାସୁଦଙ୍କୁ ଦଳ ବିଏସପିରୁ ବହିଷ୍କାର କରାଯାଇଥିଲା। ଆଇଏନଡିଆଇଏର ବୈଠକ ପୂର୍ବରୁ ମାୟାବତୀଙ୍କ ଘୋଷଣା ପରେ ଭାରତୀୟ ଜନତା ପାର୍ଟି ମଧ୍ୟ ଆଶ୍ୱସ୍ତିର ନିଶ୍ୱାସ ନେଇଛି। ଏବେ ୨୦୨୪ ଲୋକସଭା ନିର୍ବାଚନ ସମୟରେ ଆଇଏନଡିଆଇଏର ନେତା ନୀତୀଶ କୁମାର ଚାହୁଁଥିବା ଭଳି ୟୁପିରେ ବିରୋଧୀ ମେଣ୍ଟ ହୋଇପାରି ନାହିଁ। ପୂର୍ବରୁ ମାୟାବତୀ ୟୁପିରେ ୪୫ଟି ଲୋକସଭା ଆସନ ଦାବି କରୁଛନ୍ତି ବୋଲି ଚର୍ଚ୍ଚା ହେଉଥିଲା। କିନ୍ତୁ ଯେତେବେଳେ ଏହା ହୋଇନଥିଲା, ବିଏସପି ନିଜକୁ ଆଇଏନଡିଆଇଏଠାରୁ ଦୂରେଇ ନେଇଛି। ୟୁପିରେ ୱାନ୍-ଟୁ-ୱାନ୍ ପ୍ରତିଯୋଗିତା ହେବ ନାହିଁ…
ଭୁବନେଶ୍ଵର: କୋରାପୁଟ ସ୍ଥିତ ଲାଣ୍ଡିଗୁଡା କ୍ୟାମ୍ପସରେ ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟର ୧୫ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଭାରତ ସରକାରଙ୍କ ମାନ୍ୟବର କେନ୍ଦ୍ର ଶିକ୍ଷା ମନ୍ତ୍ରୀ ତଥା ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସାରସ୍ୱତ ଅତିଥି ଭାବେ ଯୋଗ ଦେଇଥିଲେ । ବିଶ୍ୱବିଦ୍ୟାଳୟର କୁଳପତି ପ୍ରଫେସର ଚକ୍ରଧର ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଏଏମବି ଭାଗଲପୁର ବିଶ୍ୱବିଦ୍ୟାଳୟର ପୂର୍ବତନ କୁଳପତି ପ୍ରଫେସର ବିଭାଷ ଚନ୍ଦ୍ର ଝା ପ୍ରତିଷ୍ଠା ଦିବସର ଅଭିଭାଷଣ ପ୍ରଦାନ କରିଥିଲେ। ବିଶ୍ୱବିଦ୍ୟାଳୟର ଭାରପ୍ରାପ୍ତ କୁଳସଚିବ ତଥା ବିତ୍ତ ଅଧିକାରୀ ପ୍ରଫେସର ଏନ୍ ସି ପଣ୍ଡା ସ୍ୱାଗତ ଭାଷଣ ଦେଇଥିଲେ। ପରୀକ୍ଷା ନିୟନ୍ତ୍ରକ ପ୍ରଫେସର ପ୍ରଶାନ୍ତ ମେଶ୍ରାମ ଅନ୍ଯତମ ଅତିଥି ଭାବେ ଉପସ୍ଥିତ ଥିଲେ। ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭର୍ଚୁଆଲ ମାଧ୍ୟମରେ ସଭାକୁ ସମ୍ବୋଧିତ କରିବା ସହ ଭବିଷ୍ୟତରେ ସଫଳତା ହାସଲ ଦିଗରେ ଗବେଷଣା ଓ ବିକାଶ ଉପରେ ଗୁରୁତ୍ୱାରୋପ କରିଥିଲେ ।…
ନୂଆଦିଲ୍ଲୀ: ରକ୍ଷା ବନ୍ଧନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୋକଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ଉତ୍ସବ ସମସ୍ତଙ୍କ ଜୀବନରେ ସୌହାର୍ଦ୍ଦ୍ୟ ଏବଂ ସଦ୍ଭାବନାକୁ ଆହୁରି ଗଭୀର କରୁ ବୋଲି ଶ୍ରୀ ମୋଦୀ କାମନା କରିଛନ୍ତି। ଏକ ଏକ୍ସ ପୋଷ୍ଟରେ ପ୍ରଧାନମନ୍ତ୍ରୀ କହିଛନ୍ତି ଯେ, ‘ମୋର ସମସ୍ତ ପରିବାରଜନଙ୍କୁ ରକ୍ଷାବନ୍ଧନର ଶୁଭେଚ୍ଛା। ଭଉଣୀ ଏବଂ ଭାଇଙ୍କ ମଧ୍ୟରେ ଅତୁଟ ବିଶ୍ୱାସ ଏବଂ ଅଗାଧ ପ୍ରେମର ଶୁଭପର୍ବ ହେଉଛି ରକ୍ଷାବନ୍ଧନ। ଆମ ସଂସ୍କୃିତର ଏହା ପବିତ୍ର ପ୍ରତିବିମ୍ବ। ଏହି ପର୍ବ ସମସ୍ତଙ୍କ ଜୀବନରେ ସ୍ନେହ, ସୌହାର୍ଦ୍ଦ୍ୟ ଏବଂ ସଦ୍ଭାବକୁ ଆହୁରି ଗଭୀର କରୁ ବୋଲି ମୋର କାମନା।’
ନୂଆଦିଲ୍ଲୀ: କେନ୍ଦ୍ର ନଗର ଉନ୍ନୟନ ମନ୍ତ୍ରଣାଳୟ ଦିଲ୍ଲୀର ଜାମା ମସଜିଦ ସମେତ ୱାକଫ ବୋର୍ଡର ୧୨୩ ସମ୍ପତ୍ତି ଫେରାଇ ଆଣିବାକୁ ନୋଟିସ ଜାରି କରିଛି। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସରକାର ସମୟରେ ୱାକଫ ବୋର୍ଡକୁ ଜାମା ମସଜିଦ ଦିଆଯାଇଥିଲା। ବର୍ତ୍ତମାନ ସରକାର ଦିଲ୍ଲୀର ୧୨୩ ଗୁରୁତ୍ୱପୂର୍ଣ୍ଣ ସମ୍ପତ୍ତି ଫେରାଇ ନେବେ। ଅଣ ଅଧିସୂଚନା ୱାକଫ୍ ସମ୍ପତ୍ତି ଉପରେ ଦୁଇ ସଦସ୍ୟ ବିଶିଷ୍ଟ କମିଟିର ରିପୋର୍ଟ ଆଧାରରେ କେନ୍ଦ୍ର ନଗର ଉନ୍ନୟନ ମନ୍ତ୍ରଣାଳୟ ଦିଲ୍ଲୀ ୱାକଫ ବୋର୍ଡର ୧୨୩ ସମ୍ପତ୍ତି ନେବାକୁ ନିଷ୍ପତ୍ତି ନେଇଛି। ଏଥିରେ ମସଜିଦ, ଦରଗା ଏବଂ କବରସ୍ଥାନ ଅନ୍ତର୍ଭୁକ୍ତ। ମନ୍ତ୍ରଣାଳୟ ଦିଲ୍ଲୀ ୱାକଫ ବୋର୍ଡ ଅଧ୍ୟକ୍ଷ ତଥା ଏଏପି ବିଧାୟକ ଅମାନୁତୁଲ୍ଲା ଖାନଙ୍କୁ ଏହି ନିଷ୍ପତ୍ତି ସମ୍ପର୍କରେ ଏକ ଚିଠି ଲେଖିଛି
ପୁରୀ: ପୁରୀ ଏସପିଙ୍କ ନିର୍ଦ୍ଦେଶକ୍ରମେ ଅସାମାଜିକ ବ୍ୟକ୍ତିଙ୍କୁ ଗିରଫ ପାଇଁ ଏକ ସ୍ୱତନ୍ତ୍ର ଅଭିଯାନ ଜାରି ରହିଛି। ଅଗଷ୍ଟ ମାସରେ ପୁରୀ ଟାଉନର ବିଭିନ୍ନ ଥାନା ଅଞ୍ଚଳରୁ ୫୦ ରୁ ଊର୍ଦ୍ଧ୍ଵ ଅପରାଧୀମାନଙ୍କୁ ଗିରଫ କରାଯାଇଥିବା ବେଳେ ଗତକାଲି ୧୨ ଜଣ ଅପରାଧୀଙ୍କୁ ଗିରଫ କରାଯାଇଛି। ପୁରୀ ଟାଉନ ଥାନା, ସମୁଦ୍ରକୂଳ ଥାନା ଏବଂ ବାସେଳୀ ସାହି ଥାନା ପୋଲିସ ମିଳିତ ଭାବେ ଚଢ଼ାଉ କରି ୧୨ କୁଖ୍ୟାତ ଡକାୟତଙ୍କୁ ଗିରଫ କରିଛି। ଉକ୍ତ ଅପରାଧୀ ମାନେ ଡକାୟତି ଯୋଜନା ପାଇଁ ଏକାଠି ହୋଇଥିବା ବେଳେ ପୋଲିସ ସେମାନଙ୍କୁ ମାଡିବସିଥିଲା। ସେମାନଙ୍କ ନିକଟରୁ ବହୁ ମାରଣାସ୍ତ୍ର ଜବତ କରିଛି ପୋଲିସ। ତେବେ ଉକ୍ତ ଅଭିଯାନ ଆଗକୁ ମଧ୍ୟ ଜାରି ରହିବ ବୋଲି ପୋଲିସ କହିଛି।
ବେଙ୍ଗାଲୁର: ଚନ୍ଦ୍ରଯାନ-୩ ଚନ୍ଦ୍ରରେ ପହଞ୍ଚିବାର ପଞ୍ଚମ ଦିନ (ଅଗଷ୍ଟ ୨୮)ରେ ଦ୍ୱିତୀୟ ପର୍ଯ୍ୟବେକ୍ଷଣ ପଠାଇଛି। ଏହା ଅନୁଯାୟୀ ଚନ୍ଦ୍ରର ଦକ୍ଷିଣ ମେରୁରେ ସଲ୍ଫରର ଉପସ୍ଥିତି ରହିଛି। ଚନ୍ଦ୍ରପୃଷ୍ଠରେ ଆଲୁମିନିୟମ, କ୍ୟାଲସିୟମ, ଲୌହ, କ୍ରୋମିୟମ, ଟାଇଟାନିୟମର ଉପସ୍ଥିତି ମଧ୍ୟ ଠାବ କରାଯାଇଛି। ଏହାବ୍ୟତୀତ ଚନ୍ଦ୍ରମାଟିରେ ମାଙ୍ଗାନିଜ, ସିଲିକନ୍ ଓ ଅମ୍ଳଜାନ ମଧ୍ୟ ଥିବାବେଳେ ହାଇଡ୍ରୋଜେନର ସନ୍ଧାନ ଜାରି ରହିଛି। ଅର୍ଥାତ୍ ଚନ୍ଦ୍ରର ମାଟିରେ ଏପର୍ଯ୍ୟନ୍ତ ମୋଟ ୯ଟି ଉପାଦାନ ଦେଖିବାକୁ ମିଳିଛି। ପ୍ରଜ୍ଞାନ ରୋଭରରେ ଲାଗିଥିବା ଲିବିଏସ୍ ଅର୍ଥାତ୍ ଲେଜର୍ ଇଣ୍ଡୋସ୍ଡ଼ ବ୍ରେକ୍ ଡାଉନ୍ ସ୍ପେକ୍ଟ୍ରୋସ୍କୋପି ପେଲୋଡ୍ ଦ୍ୱାରା ଏହି ପର୍ଯ୍ୟବେକ୍ଷଣ ପଠାଯାଇଛି। ଏହି ଅମ୍ଳଜାନଦ୍ୱାରା ସିଧାସଳଖ ନିଶ୍ୱାସ ନେଇପାରିବେ ନାହିଁ ତେବେ ଚନ୍ଦ୍ରମାଟିରେ ମିଳୁଥିବା ଅମ୍ଳଜାନ ସିଧାସଳଖ ନିଶ୍ୱାସ ନେବା ଭଳି ନୁହେଁ। ଏହା ଅକ୍ସାଇଡ ଆକାରରେ ଥାଏ। ଏହା ପୂର୍ବରୁ ନାସା ମଧ୍ୟ ଚନ୍ଦ୍ରର ମାଟିରେ ଅମ୍ଳଜାନ ଠାବ କରିଥିଲା। ତେଣୁ ଇସ୍ରୋକୁ ଏଠାରେ ଅକ୍ସିଜେନ ମିଳିବାର ସମ୍ଭାବନା ଥିଲା।…
ନୂଆଦିଲ୍ଲୀ: ୨୦୦୧ ଗୁଜରାଟ ଭୂକମ୍ପରେ ନିଖୋଜଙ୍କ ଉଦ୍ଦେଶ୍ୟରେ ସ୍ମୃତି ଭ୍ୟାନ୍ ଉଦଘାଟନୀ ଦିବସକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ମରଣ କରିଛନ୍ତି। ଶ୍ରୀ ମୋଦୀ ଗତବର୍ଷ ଉଦଘାଟନ କରିଥିବା ବେଳର କିଛି ଝଲକ ସେୟାର କରିଛନ୍ତି। ଏଥିସହ ସେ କୁଚରେ ସ୍ମୃତି ଭ୍ୟାନ ପରିଦର୍ଶନ କରିବାକୁ ସମସ୍ତଙ୍କୁ ଅନୁରୋଧ କରିଛନ୍ତି। ମୋଦୀ ଷ୍ଟୋରୀ ଏକ୍ସ ପୋଷ୍ଟର ପ୍ରତିକ୍ରିୟାରେ ପ୍ରଧାନମନ୍ତ୍ରୀ ଏକ୍ସରେ ଏକ ପୋଷ୍ଟ କରି କହିଛନ୍ତି ଯେ, ‘୨୦୦୧ ମସିହା ଗୁଜରାଟ ଭୂକମ୍ପରେ ଆମେ ନିଖୋଜ ହୋଇଯାଇଥିôବା ଲୋକଙ୍କୁ ହୃଦୟରୁ ଶ୍ରଦ୍ଧାଞ୍ଜଳି ଦେବାର ବର୍ଷେ ବିତିଗଲାଣି। ଏହା ଏକ ସ୍ମାରକ ଯାହା କି ସ୍ଥିରତା ଏବଂ ସ୍ମୃତିର ପ୍ରତୀକ। ଗତବର୍ଷର କିଛି ଝଲକ ସେୟାର କରୁଛି ଏବଂ ମୁଁ ଆପଣ ସମସ୍ତଙ୍କୁ କୁଚରେ ସ୍ମୃତି ଭ୍ୟାନ୍ ପରିଦର୍ଶନ କରିବାକୁ ଅନୁରୋଧ କରୁଛି।’
ମାନସ ପୂର୍ଣ୍ଣ ଆଚାର୍ଯ୍ୟ ଭଞ୍ଜନଗର: ଭଞ୍ଜନଗର ଅଂଚଳର ଜଣା ଶୁଣା ବ୍ୟବସାୟୀ, କଂଗ୍ରେସର ଜଣେ ବରିଷ୍ଠ ନେତା, ପୂର୍ବତନ ବ୍ଲକ୍ କଂଗ୍ରେସ ସଭାପତି ତଥା ଗଞ୍ଜାମ ଜିଲ୍ଲାର ପୂର୍ବତନ ଉପ ସଭାପତି ଭାସ୍କର ପତିଙ୍କ ସଡ଼କ ଦୁର୍ଘଟଣାରେ ଅକାଳ ବିୟୋଗ ହୋଇଯାଇଛି। ଖବର ମୁତାବକ ଗତ କାଲି ସନ୍ଧ୍ୟା ସମୟରେ ସେ ନିଜ ଚାଷ ଜମି ସାମ୍ନାରେ ନିଜ ମୋଟର ସାଇକେଲ ଉପରେ ବସି ଚାଷ ଜମିରେ କାମ କରୁଥିବା ଶ୍ରମିକମାନଙ୍କ କାର୍ଯ୍ୟକୁ ଅନୁସନ୍ଧାନ କରୁଥିଲେ। ଠିକ୍ ସେତିକି ବେଳେ ଅପର ପାର୍ଶ୍ଵରୁ ଏକ କାର ଆସି ତାଙ୍କୁ ଶାକ୍ତ ଧକ୍କା ଦେଇ ଥିଲା। ଯେଉଁଥିରେ ତାଙ୍କର ପ୍ରାଣହାନୀ ଘଟିଥିଲା। ଭଞ୍ଜନଗର ଥାନା ଅଧିକାରୀଙ୍କ ସୂଚନା ମୁତାବକ, ବର୍ତ୍ତମାନ ସୁଦ୍ଧା କୌଣସି ଏତଲା ହୋଇ ନଥିବା ବେଳେ, କାର ଟି ଥାନାରେ ଅଟକ ରହିଛି। ଏହି ମର୍ମନ୍ତୁଦ ସଡକ ଦୁର୍ଘଟଣାରେ ଭଞ୍ଜନଗର ଅଞ୍ଚଳରେ ଶୋକର ଛାୟା ଖେଳି ଯାଇଛି।
ସୀତାରାମ ଅଗ୍ରୱାଲ ବାଣପୁର: ଆଜି ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ବାଣପୁର ଶାଖା ତରଫରୁ ସ୍ଥାନୀୟ ରଙ୍କନାଥ ଦେବ ମନ୍ଦିର ପରିସରରେ ପବିତ୍ର ରକ୍ଷା ବନ୍ଧନ ଉତ୍ସବ ପାଳିତ ହୋଇଯାଇଛି। ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ଉତ୍କଳ ବିଶ୍ୱବିଦ୍ୟାଳୟର ଅବସରପ୍ରାପ୍ତ ଶିକ୍ଷା ଅଧିକାରୀ ଡ଼ ଚିନ୍ତାମଣି ମିଶ୍ର ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ବାଣପୁର ଖଣ୍ଡ ସଂଘଚାଳକ ତଥା ଅବସରପ୍ରାପ୍ତ ଉପଜିଲ୍ଲାପାଳ ସତ୍ୟନାରାୟଣ ଷଡ଼ଙ୍ଗୀ ଯୋଗଦେଇଥିଲେ। ଏହି ଅବସରରେ ହିନ୍ଦୁ ସଂସ୍କୃତିରେ ରକ୍ଷା ବନ୍ଧନର ମହତ୍ୱ ବିଷୟରେ ଅତିଥି ମାନେ ଆଲୋକପାତ କରିବା ସହ ଆରଏସଏସ ର ନିସ୍ଵାର୍ଥପର ରାଷ୍ଟ୍ର ସେବା ସମ୍ବନ୍ଧରେ ଆଲୋଚନା କରିଥିଲେ। ପ୍ରତ୍ୟେକ ବ୍ୟକ୍ତି ଜଣେ ଜଣେ ସ୍ୱୟଂସେବକ ଏବଂ ଦେଶ ମାତୃକାର ସେବା ନିମନ୍ତେ ସର୍ବଦା ତତ୍ପର ହୋଇ ରହିବା ଜଣେ ସ୍ୱୟଂସେବକର କର୍ତ୍ତବ୍ୟ ବୋଲି ମୁଖ୍ୟ ଅତିଥି କହିଥିଲେ। ଆରଏସଏସ ୧୯୨୫ ମସିହାରୁ ଭାରତବର୍ଷରେ ସେବା କାର୍ଯ୍ୟ ଜାରି ରଖିଛି…
ମାନସ ପୂର୍ଣ୍ଣ ଆଚାର୍ଯ୍ୟ ଆସିକା: ଗତ ୨୬ ତାରିଖ ଶନିବାର ଦିନ ୫-ଟି ସଚିବଙ୍କ ଆସିକାଗସ୍ତ ବେଳେ ବଡ଼ଖୋଲି ପଂଚାୟତର ସାନ୍ତରାପୁର ଗ୍ରାମର ଝିଅ ତଥା ବାଲିପଦର ଆଞ୍ଚଳିକ ବିଜ୍ଞାନ ଡିଗ୍ରୀ କଲେଜର ଯୁକ୍ତ ୩ ଦ୍ୱିତୀୟ ବର୍ଷ ଛାତ୍ରୀ ସୁଜାତା ଜେନା ଆସିକା କଲେଜ ଛକ ପଡ଼ିଆରେ ନିଜର ଅସୁବିଧାକୁ ୫-ଟି ସଚିବଙ୍କ ଆଗରେ ଗୁହାରି କରିଥିଲେ। ସେହିଭଳି ନିରାଳ ପଂଚାୟତ ରିସିପୁର ଗ୍ରାମର କୃପାସିନ୍ଧୁ ପଣ୍ଡାଙ୍କ ଏକ ମାତ୍ର ପୁଅ ନବମ ଶ୍ରେଣୀର ଛାତ୍ର ବାବୁଲା ପଣ୍ଡା ଗତ ବର୍ଷ କିରୋସିନ ଷ୍ଟୋଭ ଫାଟି ଶରୀରର ଅଧିକାଂଶ ଅଂଶ ପୋଡି ବହୁ ଅସୁବିଧାରେ ରହିଛନ୍ତି। ସେ ନିଜେ ତାଙ୍କ ମା’ ଙ୍କ ସହ ଆସି ୫-ଟି ସଚିବ ପାଣ୍ଡିଆନଙ୍କୁ ନିଜର ଅଭିଯୋଗ ଶୁଣାଣି କରିଥିଲେ। ଏଭଳି ଦୁଇ ଜଣ ବିଦ୍ୟାର୍ଥୀଙ୍କ ନିବେଦନକୁ ଗୁରୁତର ଭାବେ ବିଚାର କରି ଦୁଇ ଜଣଙ୍କୁ ୬୦ ହଜାର ଟଙ୍କା ଦେବା ଲାଗି ୫-ଟି…
ମାନସ ପୂର୍ଣ୍ଣ ଆଚାର୍ଯ୍ୟ ଆସିକା: ଆସିକା ବ୍ଲକ ଜୟପୁର ପଂଚାୟତର ପଢାଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ତିନି ନମ୍ବର ଜିଲ୍ଲା ପରିଷଦ ଜୋନ ସଦସ୍ୟ ଡି ମନୋଜ ଦୋରାଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ବାଲିସିରା ମେଡିକାଲ ମୁଖ୍ୟ ଅଧିକାରୀ ମଧୁସୂଦନ ବାରିକ, ପଢାଳ ସ୍ୱାସ୍ଥ୍ୟ କେନ୍ଦ୍ରର ଭାରପ୍ରାପ୍ତ ଚିକିତ୍ସା ଅଧିକାରୀ ଅକ୍ଷୟ କୁମାର ପାଣିଗ୍ରାହୀ, ପୂର୍ଵତନ ଜିଲ୍ଲା ପରିଷଦ ସଦସ୍ୟ ରାଜେଶ ପଟ୍ଟଟନାୟକ, ଜୟପୁର ସରପଞ୍ଚ ଲକ୍ଷ୍ମୀ ବେହେରା, ଜିଲ୍ଲା ପରିଷଦ ପ୍ରତିନିଧି ପ୍ରତାପ ଚନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ। ପଢାଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ନିମନ୍ତେ ମୁଖ୍ୟ ଫାଟକ, ଅସଂପୂର୍ଣ୍ଣ କାନ୍ଥକୁ ସଂପୂର୍ଣ୍ଣ କରିବା, ଗୋଷ୍ଠୀ ଶୌଚାଳୟ ନିର୍ମାଣ, ଲେବ୍ରୋଟାରି ଟେକନିସିଆନ କର୍ମଚାରୀ ନିଯୁକ୍ତି, ସମେତ ଆଗାମୀ ବର୍ଷ ପାଇଁ ଦେଢ଼ ଲକ୍ଷ ଟଙ୍କା ବ୍ୟୟ ନିମନ୍ତେ କାର୍ଯ୍ୟ ଖସଡ଼ା ପ୍ରସ୍ତୁତି କରାଯାଇଥିଲା। ଏହି କାର୍ଯ୍ୟକ୍ରମରେ ସ୍ଥାନୀୟ ମହିଳା ସ୍ୱାସ୍ଥ୍ୟ କର୍ମୀ, ସ୍ୱୟଂ ସହାୟକ ଦଳ ର ସଭାନେତ୍ରୀ,…
ଦୁଷ୍ମନ୍ତ କୁମାର ପଣ୍ଡା ସାମାଜିକ ଚଳଣି ମଧ୍ୟରେ ପ୍ରତ୍ୟେକ ସମ୍ପର୍କ ଠାରୁ ଭାଇ ଓ ଭଉଣୀର ସମ୍ପର୍କ ସବୁଠାରୁ ପବିତ୍ର ଓ ଅନନ୍ୟ। ଗୋଟିଏ ପରିବାରର ସନ୍ତାନ ହେଉ କି ଅନ୍ୟ ପରିବାର ମଧ୍ୟରୁ ହୋଇଥାଉ ଯେଉଠି ଭାଇ ଓ ଭଉଣୀର ସମ୍ପର୍କ ଆସି ଯାଇଥାଏ, ସେହି ସମ୍ପର୍କରେ ସବୁବେଳେ ଅଜସ୍ର ଅନାବିଳ ସ୍ନେହ, ଶ୍ରଦ୍ଧା ଏବଂ ସର୍ତ୍ତ ହୀନ ଭଲ ପାଇବା ରହିଥାଏ। ଭାଇ ଭଉଣୀର ସମ୍ପର୍କ ନିଷ୍କପଟ, ନିସ୍ଵାର୍ଥପରତା ଏବଂ ପରସ୍ପର ପ୍ରତି ଉତ୍ସର୍ଗୀକୃତ ସହଯୋଗ ସହିତ ଏକ ଅନୁପମ ଭାବର ବନ୍ଧନ। ଭାଇ ଭଉଣୀର ସମ୍ପର୍କ ସର୍ବଦା ସତେଜ ଓ ଶାଶ୍ଵତ। ଏହି ପବିତ୍ର ସମ୍ପର୍କକୁ ଅଧିକ ଦୃଢିଭୂତ କରିଥାଏ ରକ୍ଷା ବନ୍ଧନ ପର୍ବ। ରକ୍ଷା ସୂତ୍ର ଯିଏ ଯାହାକୁ ବାନ୍ଧି ପାରେ କିନ୍ତୁ ଭାଇ ହାତରେ ରକ୍ଷା ସୂତ୍ର ମାଧ୍ୟମରେ ଭଉଣୀ ଭାଇର ସୁରକ୍ଷା ଓ ମଙ୍ଗଳ ମନାସି ଥାଏ ଏବଂ ଭାଇ ମଧ୍ୟ ପ୍ରତ୍ୟେକ…
ଭୁବନେଶ୍ୱର: ଡିଏଭି ପୋଖରୀପୁଟରେ ଜାତୀୟ କ୍ରୀଡ଼ାଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ କ୍ରୀଡ଼ା ଓ ଯୁବକଲ୍ୟାଣ ବିଭାଗର ଯୁଗ୍ମ ସଚିବ ଶୈଳେନ୍ଦ୍ର କୁମାର ଜେନା ଯୋଗ ଦେଇ ଆୟୋଜିତ ଗଣଦୌଡ଼ ପ୍ରତିଯୋଗିତାକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ପ୍ରାତଃ ୬.୩୦ ମିନିଟ୍ ସମୟରେ ୩୦୦ ଜଣ ଛାତ୍ରଛାତ୍ରୀ ଗଣଦୌଡ଼ରେ ଅଂଶଗ୍ରହଣ କରିଥିଲେ। ଏଥିରେ ଉଭୟ ବିଭାଗର ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା କୃତୀ କ୍ରୀଡ଼ାବିତ୍ଙ୍କୁ ମୁଖ୍ୟଅତିଥିଙ୍କ ଦ୍ୱାରା ମାନପତ୍ର ଓ ମେଡାଲ ପ୍ରଦାନ କରାଯାଇଥିଲା। କ୍ରୀଡ଼ା ହିଁ ଶିକ୍ଷାର ଏକ ଅଂଶବିଶେଷ, ଯଦ୍ୱାରା ମାନସିକ ଶାରୀରିକ ସୁସ୍ଥତା ସମ୍ଭବପର ବୋଲି ମୁଖ୍ୟ ଅତିଥି ବିଦ୍ୟାର୍ଥୀମାନଙ୍କୁ କହିଥିଲେ। ବିଦ୍ୟାଳୟର ଅଧ୍ୟକ୍ଷ ବିପିନ କୁମାର ସାହୁ ଦୃଢ଼ ଆତ୍ମବଳ, ଏକାଗ୍ରତା ତଥା ନିୟମିତ ଯୋଗ , ବ୍ୟାୟାମ ଓ ପ୍ରାଣାୟାମ ଅଭ୍ୟାସ ମାଧ୍ୟମରେ ଅସାଧ୍ୟ ସାଧନ ସମ୍ଭବ ବୋଲି ଉପସ୍ଥିତ ବିଦ୍ୟାର୍ଥୀମାନଙ୍କୁ ନିଜର ଅଭିଭାଷଣରେ କହିଥିଲେ। ପରିଶେଷରେ ବିଦ୍ୟାଳୟର ମୁଖ୍ୟ…
ଚାଣକ୍ୟ ନୀତି: ଆଚାର୍ଯ୍ୟ ଚାଣକ୍ୟଙ୍କ ଅର୍ଥନୀତି, କୂଟନୀତି ଏବଂ ରାଜନୀତି ବିଶ୍ୱ ପ୍ରସିଦ୍ଧ, ଯାହା ସମସ୍ତଙ୍କ ପାଇଁ ପ୍ରେରଣା ଦାୟକ। ଜଣେ ବ୍ୟକ୍ତି ଆଚାର୍ଯ୍ୟ ଚାଣକ୍ୟଙ୍କ ନୀତି ଅନୁସରଣ କରି ଜୀବନରେ କେବେ ବିଫଳ ହୋଇପାରିବ ନାହିଁ। ଆଜିର ଦିନରେ ମଧ୍ୟ ଆଚାର୍ଯ୍ୟ ଚାଣକ୍ୟଙ୍କ ନୀତି ପୂର୍ବ ପରି ପ୍ରଭାବଶାଳୀ ଅଟେ। ‘ଚାଣକ୍ୟ ନୀତି’ର ଏକ ପଦରେ ଚାଣକ୍ୟ କହିଛନ୍ତି ଯେ ମହିଳାମାନଙ୍କରେ ଏପରି ଚାରୋଟି ଗୁଣ ଅଛି ଯେଉଁଥିରେ ପୁରୁଷମାନଙ୍କଠାରୁ ଅନେକ ଗୁଣ ଆଗରେ ଅଛନ୍ତି। ଆସନ୍ତୁ ଜାଣିବା ସେହି ୪ ଗୁଣ କେଉଁଗୁଡିକ … ଦୁଇଗୁଣ ଭୋକ ଲାଗେ ପୁରୁଷଙ୍କ ଅପେକ୍ଷା ମହିଳାମାନଙ୍କୁ ଅଧିକ ଭୋକ ଲାଗିଥାଏ। ଖାଦ୍ୟ ଗ୍ରହଣ ଦୃଷ୍ଟିରୁ ସେମାନେ ପୁରୁଷଙ୍କଠାରୁ ଆଗରେ ଅଛନ୍ତି। ଚାଣକ୍ୟ କହିଛନ୍ତି ଯେ ମହିଳାମାନେ ପୁରୁଷଙ୍କ ତୁଳନାରେ ଦୁଇଗୁଣ ଭୋକିଲା ଅନୁଭବ କରନ୍ତି। କାରଣ ସେମାନଙ୍କ ଶରୀରର ଗଠନ ହେତୁ ମହିଳାମାନେ ଅଧିକ କ୍ୟାଲୋରୀ ଆବଶ୍ୟକ କରନ୍ତି। ସେଥିପାଇଁ ମହିଳାମାନଙ୍କୁ ପୂର୍ଣ୍ଣ…
ମେଷ : ଆଜି ବ୍ୟବସାୟ ଅନୁକୂଳ ଲାଭ ଦେବ। ତୁମେ ତୁମର ଜୀବନସାଥୀଙ୍କଠାରୁ ସମର୍ଥନ ପାଇବ। ଚାକିରିରେ କାମକୁ ପ୍ରଶଂସା କରାଯିବ। ଆଜିର ଦିନଟି ଭଲ ଆକାରରେ କଟିବ। କାରବାରକୁ ଶୀଘ୍ର କର ନାହିଁ। ବୁଦ୍ଧିମାନ ଭାବରେ ଆପଣଙ୍କର ବିନିଯୋଗ ପ୍ରବେଶ କରନ୍ତୁ। ଉପକୃତ ହେବ। ଭାଗ୍ୟ ଅନୁକୂଳ ହେବ। ଲାଭ ସୁଯୋଗ ଆସିବ। ପ୍ରଲୋଭିତ ହୁଅ ନାହିଁ। ଆପଣ କୋର୍ଟର କାର୍ଯ୍ୟରୁ ମୁକ୍ତି ପାଇପାରିବେ। ବୃଷ : ସ୍ଥାୟୀ ସମ୍ପତ୍ତି କ୍ରୟ ଏବଂ ବିକ୍ରୟ ହୋଇପାରେ। ଦୀର୍ଘ ବିଚାରାଧୀନ କାର୍ଯ୍ୟ ସମାପ୍ତ ହେବାର ସମ୍ଭାବନା ଅଛି। ଜନମାଷ୍ଟମୀ ଦିନ ବହୁତ ଲାଭ ଆଣିପାରେ। ବେକାରୀ ସମସ୍ୟା ଦୂର କରିବା ପାଇଁ ପ୍ରୟାସ ସଫଳ ହେବ। ପ୍ରଗତିର ରାସ୍ତା ଖୋଲିଯିବ। ଶତ୍ରୁମାନଙ୍କଠାରୁ ସତର୍କତା ଆବଶ୍ୟକ। କ୍ଷତି କରିବାକୁ ଚେଷ୍ଟା କରିବେ। ସୁଖ ମିଳିବ। ମିଥୁନ : ଛାତ୍ର ଶ୍ରେଣୀ ସଫଳତା ହାସଲ କରିବ। ପାର୍ଟୀ ଏବଂ ପିକନିକ୍ ଉପଭୋଗ କରାଯିବ। ଆପଣ ଚାକିରିରେ କିଛି ନୂତନ…