Author: Samikhsya Bureau

ନୂଆଦିଲ୍ଲୀ: ବ୍ୟାଙ୍କ ଠକେଇ ମାମଲାରେ ସିବିଆଇ ଆଜି ଜେଟ ଏୟାରୱେଜ କାର୍ଯ୍ୟାଳୟ ଏବଂ ପ୍ରତିଷ୍ଠାତାଙ୍କ ଘରେ ଚଢାଉ କରିଛି। କେନାରା ବ୍ୟାଙ୍କରୁ ୫୩୮ କୋଟି ଟଙ୍କା ଠକେଇ ଅଭିଯୋଗରେ ଜେଟ ଏୟାରୱେଜ୍ ପ୍ରତିଷ୍ଠାତା ନରେଶ ଗୋୟଲ ଏବଂ ଅନ୍ୟମାନଙ୍କ ବିରୋଧରେ ସିବିଆଇ ଏକ ମାମଲା ରୁଜୁ କରିଛି। ମିଳିଥିବା ସୂଚନା ଅନୁଯାୟୀ, ମୁମ୍ବାଇର ଜେଟ୍ ଏୟାରୱେଜ୍ ସହିତ ଜଡିତ ସାତଟି ପରିସରରେ ସିବିଆଇ ତଲାସୀ ନେଇଛି। ଏଥିମଧ୍ୟରେ ଜେଟ୍ ଏୟାରୱେଜ୍ ପ୍ରତିଷ୍ଠାତା ନରେଶ ଗୋୟଲ ଏବଂ ଅନୀତା ଗୋୟଲଙ୍କ ଘର ଅନ୍ତର୍ଭୁକ୍ତ। ଏହା ସହିତ ଗୌରଙ୍ଗା ଆନନ୍ଦ ଶେଟ୍ଟୀଙ୍କ ଠିକଣାରେ ମଧ୍ୟ ଚଢାଉ କରାଯାଇଛି।

ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନ କରୋନା ସମ୍ବନ୍ଧରେ ବିଶ୍ୱକୁ ବହୁତ ଆଶ୍ଵସ୍ତି ଦେଇଛି। WHO କୋଭିଡ ବିଷୟରେ ଏକ ବଡ ଘୋଷଣା କରି କହିଛି ଯେ, କୋଭିଡ-୧୯ ଆଉ ବୈଶିକ ମହାମାରୀ ନୁହେଁ। ଜରୁରୀ କମିଟିର ୧୫ ତମ ବୈଠକରେ ଏ ସମ୍ପର୍କରେ ନିଷ୍ପତ୍ତି ନିଆଯାଇଛି। WHO ମହାନିର୍ଦ୍ଦେଶକ ଡକ୍ଟର ଟେଡ୍ରୋସ କହିଛନ୍ତି ଯେ, “ଗତକାଲି ଜରୁରୀକାଳୀନ କମିଟି ୧୫ ତମ ବୈଠକ କରିଥିଲା। ଏଥିରେ କୋଭିଡ -୧୯ କୁ ବୈଶିକ ସ୍ୱାସ୍ଥ୍ୟ ଜରୁରୀକାଳୀନ ପରିସ୍ଥିତିରୁ ବାହାର କରିବାକୁ ମୋତେ କୁହାଯାଇଛି। ମୁଁ ତାଙ୍କ ପରାମର୍ଶ ଗ୍ରହଣ କଲି।

ସୀତାରାମ ଅଗ୍ରୱାଲ ବାଣପୁର: ଆସନ୍ତା ୭ ତାରିଖରେ ହେବାକୁ ଥିବା ସମ୍ଭାବ୍ୟ ବାତ୍ୟା ଓ ପାଣିପାଗ ବିଭାଗର ଆକଳନକୁ ନଜରରେ ରଖି ସରକାରଙ୍କ ନିର୍ଦ୍ଦେଶକ୍ରମେ ଖୋର୍ଦ୍ଧା ଜିଲ୍ଲା ବାଣପୁର ପ୍ରଶାସନ ତପ୍ତର ହୋଇ ଉଠିଛି। ଆଜି ପୂର୍ବାହ୍ନରେ ବାଣପୁର ବ୍ଲକ ଅନ୍ତର୍ଗତ କୁମାରାଙ୍ଗ, ତୁମୁରାପୁଟ ଓ ଭେଟେଶ୍ୱର ପଞ୍ଚାୟତର ବହୁମୁଖୀ ବାତ୍ୟା ଆଶ୍ରୟସ୍ଥଳୀ ଗୁଡିକୁ ବିଡ଼ିଓ ଶୀତଲ ଅଗ୍ରୱାଲ, ଜିପିଇଓ ମମତା ମଞ୍ଜରୀ ଚିନ୍ନାରା, ବିଧାୟକଙ୍କ ପ୍ରତିନିଧି ମନୋଜ ପ୍ରଧାନ ଓ ଅଗ୍ନିଶମ ଅଧିକାରୀ ବିବେକାନନ୍ଦ ଦାସ ବୁଲି ସେଠାରେ ବିଦ୍ୟୁତ, ପାଣି ଏବଂ ଅନ୍ୟାନ୍ୟ ବ୍ୟବସ୍ଥା ବାବଦରେ ତନଖି କରିଛନ୍ତି। ଅନୁରୂପ ଭାବେ ବାଣପୁର ତହସିଲଦାର କୁଞ୍ଜବିହାରୀ ବଡ଼ଜେନା ଅପରାହ୍ନରେ କୁଲେଇ ଓ ମୋରାମରୀ ପଞ୍ଚାୟତ ଠାରେ ଥିବା ବହୁମୁଖୀ ବାତ୍ୟା ଆଶ୍ରୟସ୍ଥଳୀ ଗୁଡିକୁ ପରଖିଛନ୍ତି।  ବ୍ଲକରେ ଏକ କଣ୍ଟ୍ରୋଲ ରୁମ ଖୋଲାଯାଇ ପ୍ରତ୍ୟେକ ପଞ୍ଚାୟତ ପାଇଁ ଜଣେ ଜଣେ ନୋଡାଲ ଅଫିସରଙ୍କୁ ନିଯୁକ୍ତ କରାଯାଇଥିବାର ବିଡ଼ିଓ ଶ୍ରୀମତୀ ଅଗ୍ରୱାଲ…

କନ୍ଦର୍ପ ବେହେରା ରେଢ଼ାଖୋଲ: କଥିତ ଭାଷାକୁ ଚମତ୍କାର ଭାବରେ କବିତା ରଚନା କରି ପ୍ରକାଶ କରିଛନ୍ତି ସନ୍ଥ କବି ଭୀମ ଭୋଇ। ସୁସ୍ଥ ସମାଜ ଗଠନରେ ତାଙ୍କର ଭୂମିକା ବେଶ୍ ଗୁରୁତ୍ବପୂର୍ଣ୍ଣ। ଆନନ୍ଦମୟ ସମାଜ ଥିଲା ତାଙ୍କର ବାର୍ତ୍ତା ବୋଲି ଆଜି ରେଢ଼ାଖୋଲ କନ୍ଧରାରେ ଅନୁଷ୍ଠିତ ଜୟନ୍ତୀ ସଭାରେ ବକ୍ତାମାନେ ମତବ୍ୟକ୍ତ କରିଥିଲେ। ସନ୍ଥ କବି ଭୀମଭୋଇ ଜୟନ୍ତୀ ପାଳନ କମିଟି ରେଢ଼ାଖୋଲ ତରଫରୁ ଆୟୋଜିତ ଆବାହକ ମୁରଲୀଧର ସେଠୀଙ୍କ ଆବାହକତ୍ବରେ ଅନୁଷ୍ଠିତ ସଭାରେ ବିଶେଷ ଅତିଥି ଭାବରେ ସନ୍ଥ ଆନନ୍ଦ ଚନ୍ଦ୍ର ଦାସ ବାବା, ମୁଖ୍ୟ ଅତିଥି ଭାବରେ ରେଢ଼ାଖୋଲ ଉପଜିଲ୍ଲାପାଳ ପବିତ୍ର ବେହେରା, ମୁଖ୍ୟବକ୍ତା ଭାବରେ ଅଧ୍ୟାପକ ଶ୍ରୀକାନ୍ତ ବଲ୍ଲଭ ସାମନ୍ତ, ସମ୍ମାନୀତ ଅତିଥି ଭାବରେ ମହିଳା ମହାବିଦ୍ୟାଳୟ, ସମ୍ବଲପୁରର ଓଡ଼ିଆ ବିଭାଗର ବରିଷ୍ଠ ଅଧ୍ୟାପକ ପ୍ରଫେସର ଅଖିଳ ବିଶ୍ବାଳ ପ୍ରମୁଖ ଯୋଗଦେଇ ଭୀମଭୋଇଙ୍କ କବିତା ତଥା ତାଙ୍କର କୈଶୋର ଜୀବନ କେଡ଼େ ସଂଘର୍ଷମୟ ଥିଲା ସେ ସଂପର୍କରେ…

ନୂଆଦିଲ୍ଲୀ: ଶରଦ ପାୱାର ଏନସିପି ସଭାପତି ପଦରୁ ଇସ୍ତଫା ପ୍ରତ୍ୟାହାର କରିଛନ୍ତି। ବର୍ତ୍ତମାନ ସେ ଏନସିପିର ସଭାପତି ରହିବେ। ଆଜି ମୁମ୍ବାଇରେ ଏକ ସାମ୍ବାଦିକ ସମ୍ମିଳନୀ କରି ସେ ଏହା ଘୋଷଣା କରିଛନ୍ତି। ସାମ୍ବାଦିକ ସମ୍ମିଳନୀରେ ଶରଦ ପାୱାରଙ୍କ ସହ ଦଳର ଅନ୍ୟାନ୍ୟ ବରିଷ୍ଠ ନେତା ମଧ୍ୟ ଉପସ୍ଥିତ ଥିଲେ। ସାମ୍ବାଦିକ ସମ୍ମିଳନୀରେ ଶରଦ ପାୱାର କହିଛନ୍ତି ଯେ, ଏହି ପଦ ଛାଡିବା ପରେ ଦଳର ନେତା ଓ କର୍ମୀମାନେ ମୋତେ ମୋର ନିଷ୍ପତ୍ତି ଉପରେ ବିଚାର କରିବାକୁ କହିଥିଲେ। ସେମାନେ ଚାହୁଁଥିଲେ ମୁଁ ମୋର ପଦବୀ ଜାରି ରଖିବି। ସେମାନଙ୍କ ଅନୁରୋଧ ପରେ ହିଁ ମୁଁ ମୋର ନିଷ୍ପତ୍ତି ଉପରେ ପୁନର୍ବିଚାର କଲି। ଏହା ପରେ ହିଁ ମୁଁ ଆଜି ମୋର ଇସ୍ତଫା ପ୍ରତ୍ୟାହାର କରୁଛି। ମୁଁ ମୋର ଦଳର ନେତା ଓ କର୍ମୀମାନଙ୍କ ଭାବନାକୁ ସମ୍ମାନ କରେ। ମୋର ପ୍ରିୟଜନମାନେ ମଧ୍ୟ ଚାହୁଁଥିଲେ ଯେ ମୁଁ ମୋର ନିଷ୍ପତ୍ତି…

ଭୁବନେଶ୍ୱର: ଗୋଟିଏ ବର୍ଷ ତଳେ ଶିକ୍ଷା ଓ ଅନୁସନ୍ଧାନ (ସୋଆ) ପକ୍ଷରୁ ଆରମ୍ଭ ହୋଇଥିବା ସହରାଂଚଳ ପଶୁ ଚିକିତ୍ସାଳୟ (ଅର୍ବାନ୍ ଭେଟେରିନାରୀ ହସ୍ପିଟାଲ୍‌)ରେ ବର୍ଷକ ମଧ୍ୟରେ ପ୍ରାୟ ୫୫୨୭ ପଶୁପକ୍ଷୀଙ୍କର ବିଭିନ୍ନ ରୋଗର ଚିକିତ୍ସା କରାଯାଇ ପାରିଛି। ସୋଆ ପରିଚାଳିତ ଇନ୍‌ଷ୍ଟିଚ୍ୟୁଟ୍ ଅଫ୍ ଭେଟେରିନାରୀ ସାଇନସେସ୍ ଆଣ୍ଡ ଆନିମଲ ହଜବାଣ୍ଡ୍‌୍ରୀ (ଆଇଭିଏସ୍‌ଏଏଚ୍‌)ର ଡିନ୍ ପ୍ରଫେସର ବ୍ରହ୍ମଦେବ ପଟ୍ଟନାୟକ ଏହି ସୂଚନା ଦେଇଛନ୍ତି। ଭୁବନେଶ୍ୱର ଉପକଣ୍ଠ ଶାମପୁର ଠାରେ ଗତ ବର୍ଷ ଏପ୍ରିଲ୍ ୨୮ ତାରିଖରେ ଆରମ୍ଭ ହୋଇଥିବା ଏହି ପଶୁ ଚିକିତ୍ସାଳୟକୁ ସୋଆର ପ୍ରତିଷ୍ଠାତା ସଭାପତି ପ୍ରଫେସର (ଡକ୍ଟର) ମନୋଜରଞ୍ଜନ ନାୟକ ତଥା ତତ୍କାଳୀନ କୃଷି ଏବଂ କୃଷକ ସଶକ୍ତିକରଣ ଓ ପଶୁ ସମ୍ପଦ ମନ୍ତ୍ରୀ ତଥା ବର୍ତମାନର ନୟାଗଡର ବିଧାୟକ ଡକ୍ଟର ଅରୁଣ ସାହୁଙ୍କ ଦ୍ୱାରା ଉଦ୍‌ଘାଟିତ ହୋଇଥିଲା। ଏହି ହସ୍ପିଟାଲ୍‌ରେ ଲାବାରେଟୋରୀ ଓ ଅପରେସନ୍ ଥିଏଟର ସମେତ ସବୁ ପ୍ରକାର ପଶୁପକ୍ଷୀଙ୍କର ଚିକିତ୍ସା କରାଯିବାର ବ୍ୟବସ୍ଥା ରହିଛି। ବର୍ଷକ…

ନୂଆଦିଲ୍ଲୀ: ଆହତ କାରଣରୁ ଲକ୍ଷ୍ନୌ ସୁପର ଜଏଣ୍ଟସ୍ ଅଧିନାୟକ ଲୋକେଶ ରାହୁଲ (କେ.ଏଲ୍ ରାହୁଲ) ଆଇପିଏଲ ଏବଂ ଡବ୍ଲ୍ୟୁଟିସି ଫାଇନାଲରୁ ବାଦ୍ ପଡିଛନ୍ତି। କେ.ଏଲ୍ ରାହୁଲ ଇନଷ୍ଟାଗ୍ରାମରେ ଏହି ପୋଷ୍ଟ ସେୟାର କରି ଏହି ସୂଚନା ସେୟାର କରିଛନ୍ତି। ପ୍ରକାଶ ଯେ, WTC ର ଫାଇନାଲ୍ ଆଇପିଏଲ୍ ପରେ ଖେଳାଯିବ। କେଏଲ ବାଦ ପଡିଥିବା ଯୋଗୁଁ ପ୍ରଶଂସକମାନଙ୍କୁ ନିଶ୍ଚିତ ଭାବରେ ଝଟକା ଲାଗିଛି। ରାହୁଲ ଏହି ପୋଷ୍ଟକୁ ଇନଷ୍ଟାଗ୍ରାମରେ ସେୟାର କରି କହିଛନ୍ତି ଯେ, ବର୍ତ୍ତମାନ ସେ ଅସ୍ତ୍ରୋପଚାର କରିବାକୁ ଯିବେ। ତାଙ୍କ ଅନୁପସ୍ଥିତିରେ କ୍ରୁନାଲ ପାଣ୍ଡ୍ୟା ଆଇପିଏଲରେ ଲକ୍ଷ୍ନୌ ଫ୍ରାଞ୍ଚାଇଜ୍ ଅଧିନାୟକ ହେବାକୁ ଯାଉଛନ୍ତି। ଇନଷ୍ଟାଗ୍ରାମ ପୋଷ୍ଟ ସେୟାର କରି କେ.ଏଲ୍ ରାହୁଲ ଲେଖିଛନ୍ତି ଯେ, ‘ଡାକ୍ତରୀ ଦଳ ସହ ଯତ୍ନର ସହ ବିଚାର କରିବା ପରେ ଏହା ସିଦ୍ଧାନ୍ତ ନିଆଯାଇଛି ଯେ ମୁଁ ଶୀଘ୍ର ମୋ ଜଙ୍ଘରେ ଅସ୍ତ୍ରୋପଚାର କରିବି .. ମୋର ଧ୍ୟାନ ଆସନ୍ତା ସପ୍ତାହରେ ନିଜକୁ…

ଶ୍ରୀନଗର: ଜମ୍ମୁ କାଶ୍ମୀରର ରାଜୌରୀ ଜିଲ୍ଲାର କାଣ୍ଡି ଜଙ୍ଗଲ ଅଞ୍ଚଳରେ ଆତଙ୍କବାଦୀଙ୍କ ସହ ହୋଇଥିବା ମୁକାବିଲାରେ ପାଞ୍ଚ ଜଣ ସେନା ସହିଦ ହୋଇଛନ୍ତି। ଦୁଇ ସୈନିକଙ୍କ ସହିଦ ହେବା ଏବଂ ଜଣେ ଅଧିକାରୀଙ୍କ ସମେତ ଚାରିଜଣଙ୍କ ଆହତ ବିଷୟରେ ପୂର୍ବରୁ ସୂଚନା ମିଳିଥିଲା, ଏହା ପରେ ଆହତମାନଙ୍କ ମଧ୍ୟରୁ ତିନିଜଣ ଚିକିତ୍ସା ସମୟରେ ସହିଦ ହୋଇଥିଲେ। ସୂଚନା ଅନୁଯାୟୀ, ଜମ୍ମୁ କାଶ୍ମୀରର ରାଜୌରେ ତଲାସୀ ଅଭିଯାନ ସମୟରେ ଆତଙ୍କବାଦୀମାନେ ଏକ ବିସ୍ଫୋରଣ ଘଟାଇଥିଲେ ଯେଉଁଥିରେ ଯବାନମାନେ ସହିଦ ହୋଇଥିଲେ। ଏହି ଅଞ୍ଚଳରେ ତଲାସୀ ଅଭିଯାନ ଜାରି ରହିଛି। ସୁରକ୍ଷା ଦୃଷ୍ଟିରୁ ଜିଲ୍ଲାରେ ଇଣ୍ଟରନେଟ୍ ସେବା ବନ୍ଦ କରାଯାଇଛି।

ନୂଆଦିଲ୍ଲୀ: ସମଗ୍ର ବିଶ୍ୱରେ ଇଣ୍ଟରନେଟ୍ ବ୍ୟବହାର ବୃଦ୍ଧି ପାଉଛି। ଭାରତ ମଧ୍ୟ ଏଥିରେ ବାଦ ପଡିନାହିଁ। ଭାରତରେ ଅର୍ଦ୍ଧାଧିକ ଇଣ୍ଟରନେଟ୍ ବ୍ୟବହାରକାରୀ ସମ୍ବାଦ ପଢିବା ଏବଂ ଦେଖିବା ପାଇଁ ଅନଲାଇନ୍ ପ୍ଲାଟଫର୍ମ ବ୍ୟବହାର କରିବାକୁ ପସନ୍ଦ କରନ୍ତି ଏବଂ ଏହି ଅର୍ଦ୍ଧାଧିକ ଲୋକ ସମ୍ବାଦରେ ବିଶ୍ୱାସକୁ ଏକ ଗୁରୁତ୍ୱପୂର୍ଣ୍ଣ କାରଣ ବୋଲି ବିବେଚନା କରନ୍ତି। ଗୁରୁବାର ମିଳିତ ଭାବେ ପ୍ରକାଶିତ ଏକ ରିପୋର୍ଟରେ ମିଡିଆ କମ୍ପାନୀ କାନ୍ତାର ଏବଂ ଗୁଗୁଲ ଏହି ଆକଳନ କରିଛନ୍ତି। ଏହି ରିପୋର୍ଟ ଅନୁଯାୟୀ, ଗ୍ରାମାଞ୍ଚଳରେ (୬୩ ପ୍ରତିଶତ କିମ୍ବା ୨୩.୮ କୋଟି) ସମ୍ବାଦ ପ୍ରତି ଆଗ୍ରହ ଅଧିକ ଥିବାବେଳେ ସହରାଞ୍ଚଳରେ ଏହା ମାତ୍ର ୩୭ ପ୍ରତିଶତ ଅଟେ। ରିପୋର୍ଟରେ କୁହାଯାଇଛି ଯେ, ଭାରତୀୟ ଭାଷାରେ ୫୨ ପ୍ରତିଶତ କିମ୍ବା ୩୭.୯ କୋଟି ଇଣ୍ଟରନେଟ୍ ବ୍ୟବହାରକାରୀ ବିଭିନ୍ନ ନ୍ୟୁଜ୍ ଆପ୍ / ୱେବସାଇଟ୍, ସୋସିଆଲ୍ ମିଡିଆ ପୋଷ୍ଟ, ହ୍ଵାଟସ୍ ଆପ୍ ମେସେଜ୍ ଏବଂ ୟୁଟ୍ୟୁବ୍ ଇତ୍ୟାଦିରେ ଅନଲାଇନରେ…

ଶ୍ରୀନଗର: ଆଜି ଜମ୍ମୁ କାଶ୍ମୀରର ରାଜୌରୀରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି। ସୂଚନା ଅନୁଯାୟୀ, ଜମ୍ମୁ କାଶ୍ମୀରର ରାଜୌରୀରେ ସର୍ଚ୍ଚ ଅପରେସନ୍ ସମୟରେ ଆତଙ୍କବାଦୀଙ୍କ ଦ୍ଵାର ହୋଇଥିବା ବିସ୍ଫୋରଣରେ ଦୁଇ ଯବାନ ସହିଦ ହୋଇଛନ୍ତି। ଏବଂ ୪ ଅଧିକାରୀ ଆହତ ହୋଇଛନ୍ତି। ବର୍ତ୍ତମାନ ଏହି ଅଞ୍ଚଳରେ ଅପରେସନ୍ ଚାଲିଛି। ସୁରକ୍ଷା ଦୃଷ୍ଟିରୁ ଜିଲ୍ଲାରେ ଇଣ୍ଟରନେଟ୍ ସେବା ବନ୍ଦ କରାଯାଇଛି।

ନୂଆଦିଲ୍ଲୀ: କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଆଜି ନ୍ୟୁୟର୍କ ଟାଇମ୍ସ ସଭାପତି ଏ.ଜି. ସୁଲଜବର୍ଗରଙ୍କୁ ଟାର୍ଗେଟ କରିଛନ୍ତି। ଭାରତରେ ସାମ୍ବାଦିକମାନଙ୍କୁ ଆତଙ୍କବାଦୀ ଭଳି ବ୍ୟବହାର କରାଯାଏ ବୋଲି ତାଙ୍କ ଦାବିକୁ ନେଇ କେନ୍ଦ୍ର ମନ୍ତ୍ରୀ ସମାଲୋଚନା କରିଛନ୍ତି। ବୁଧବାର ଦିନ ବିଶ୍ୱ ପ୍ରେସ ସ୍ୱାଧୀନତା ଦିବସରେ ମିଳିତ ଜାତିସଂଘର ଶିକ୍ଷା, ବୈଜ୍ଞାନିକ ଏବଂ ସାଂସ୍କୃତିକ ସଂଗଠନ (ୟୁନେସ୍କୋ) କାର୍ଯ୍ୟକ୍ରମରେ ଯୋଗ ଦେଇ ସୁଲଜବର୍ଗର କହିଥିଲେ ଯେ, ଭାରତର କର୍ତ୍ତୃପକ୍ଷ ନ୍ୟୁଜ୍ ରୁମ ଉପରେ ଚଢାଉ କରି ସାମ୍ବାଦିକମାନଙ୍କୁ ଆତଙ୍କବାଦୀ ଭାବରେ ବ୍ୟବହାର କରିଛନ୍ତି। ଏହାପରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ, କୌଣସି ଭୁଲ ମାମଲାରେ ଭାରତରେ ଏହି କାର୍ଯ୍ୟ କରାଯାଇଛି ଏବଂ ମିଡିଆ ସଂଗଠନ ହେବାର ମାନ୍ୟତା ଦର୍ଶାଇ କେହି ରିହାତି ଦାବି କରିପାରିବେ ନାହିଁ। ସେ ଟ୍ୱିଟରରେ ଲେଖିଛନ୍ତି ଯେ, “ଭାରତରେ ଆଇନ ନିଜ କାର୍ଯ୍ୟ କରୁଛି। ନ୍ୟୁଜ୍ ରୁମ୍ କିମ୍ବା ଅନ୍ୟ…

ଚଣ୍ଡିଗଡ଼: ପଞ୍ଜାବ ବିଧାନସଭାର ପୂର୍ବତନ ବାଚସ୍ପତି ଚରଣଜିତ ସିଂ ଅଟୱାଲ ଶିରୋମଣୀ ଅକାଳୀ ଦଳ ଛାଡି ବିଜେପିରେ ଯୋଗ ଦେଇଛନ୍ତି। ଶ୍ରୀଯୁକ୍ତ ଅଟୱାଲଙ୍କୁ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ବିଜେପିରେ ସାମିଲ କରିଛନ୍ତି। ଚରଣଜିତ ସିଂଙ୍କ ପୁଅ ଇନ୍ଦର ଇକବାଲ ସିଂ ଅଟୱାଲ ବିଜେପି ଟିକେଟରେ ଜଲନ୍ଧର ଲୋକସଭା ଉପ-ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଛନ୍ତି। କିଛି ସମୟ ପୂର୍ବରୁ, ଚରଣଜିତ ସିଂ ଅଟୱାଲ ଶିରୋମଣୀ ଅକାଳୀ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଥିଲେ। ଦୀର୍ଘ ଦିନ ଧରି ସେ ବିଜେପିରେ ଯୋଗଦେବା ନେଇ କଳ୍ପନା ଜଳ୍ପନା ଚାଲିଥିଲା। ସେ ୨୦୦୪-୨୦୦୯ ରୁ ଲୋକସଭାର ଉପ ବାଚସ୍ପତି ଭାବରେ କାର୍ଯ୍ୟ କରିଛନ୍ତି। ସେ ଦୁଇଥର ପଞ୍ଜାବ ବିଧାନସଭାର ବାଚସ୍ପତି ହୋଇଛନ୍ତି। ବାରିଷ୍ଠ ନେତା ତଥା ପଞ୍ଜାବ ବିଧାନସଭାର ପୂର୍ବତନ ବାଚସ୍ପତି ଚରଣଜିତ ସିଂ ଅଟୱାଲ ତାଙ୍କ ପୁଅ ଇନ୍ଦର ଇକବାଲ ଅଟୱାଲ ବିଜେପିରେ ଯୋଗଦେବାର କିଛି ଦିନ ପରେ ଶିରୋମଣୀ ଅକାଳୀ ଦଳର…

ମୁମ୍ବାଇ: ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) କମିଟି ଶରଦ ପାୱାରଙ୍କ ଇସ୍ତଫାକୁ ନାମାଞ୍ଜୁର କରିଛି। ଏକ ସାମ୍ବାଦିକ ସମ୍ମିଳନୀରେ ଦଳର ବରିଷ୍ଠ ନେତା ପ୍ରଫୁଲ୍ଲ ପଟେଲ ଏହି ସୂଚନା ଦେଇଛନ୍ତି। ପ୍ରଫୁଲ୍ଲ ପଟେଲ କହିଛନ୍ତି ଯେ, କିଛି ଦିନ ପୂର୍ବରୁ ଶରଦ ପାୱାର ଆମକୁ ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ର ଏକ କମିଟି ଗଠନ କରି ନୂତନ ସଭାପତି ଚୟନ କରିବାର ଦାୟିତ୍ଵ ଦେଇଥିଲେ। ଏହି କମିଟିରେ ମୋର ନାମ ପ୍ରଥମେ ଥିଲା। ଯେତେବେଳେ ଶରଦ ପାୱାର ତାଙ୍କ ଇସ୍ତଫା ଘୋଷଣା କଲେ, ଆମେ ସମସ୍ତେ ସେହି କାର୍ଯ୍ୟକ୍ରମରେ ଉପସ୍ଥିତ ଥିଲୁ। ସେବେଠାରୁ ତାଙ୍କୁ ଇସ୍ତଫା ପ୍ରତ୍ୟାହାର କରିବାକୁ ନିବେଦନ କରାଯାଉଛି। ଆମେ ତାଙ୍କୁ କହିଥିଲୁ ଯେ, ଆଜି କେବଳ ଦଳ ନୁହେଁ, ରାଜ୍ୟ ତଥା ଦେଶର ରାଜନୀତି ମଧ୍ୟ ତାଙ୍କୁ ଆବଶ୍ୟକ କରୁଛି। ଏନସିପି କମିଟି ଶରଦ ପାୱାରଙ୍କ ଇସ୍ତଫାକୁ ନାମାଞ୍ଜୁର କରିଛି। କମିଟିର ସମସ୍ତ ସଦସ୍ୟ ସର୍ବସମ୍ମତି…

ଆସ୍କା: ଆସ୍କା ସହର କୁମ୍ଭାର ସାହି ନିକଟ ମାଲ ସାହିର ସୀମା ବେହେରା ନାମକ ଜଣେ ବ୍ୟକ୍ତିଙ୍କ ଝୁଲନ୍ତା ମୃତ ଉଦ୍ଧାର କରାଯାଇଛି। ପ୍ରକାଶ ଥାଉକି ୫୫ ବର୍ଷୀୟ ସୀମା ଜଣେ ଜଣାଶୁଣା ଦରଜୀ ଭାବେ ଆସ୍କା ସହରରେ ବହୁତ ପରିଚିତ ବ୍ୟକ୍ତି। କିନ୍ତୁ ଏହି କିଛି ବର୍ଷ ହେଲା ସେ ଦରଜୀ ପେଷା ଛାଡ଼ି ପନିପରିବା ବ୍ୟବସାୟ କରୁଥିଲେ। କିନ୍ତୁ ବ୍ୟବସାୟ ଭଲ ଭାବରେ ଚାଲୁଥିଲା ଓ ସେ କିଛି ଋଣ କରଜ କରି ସୁଝି ପାରୁନଥିଲା। ଯ’ଦ୍ଵାରା ଋଣ ଦେବା ବ୍ୟକ୍ତି ମାନେ ତାଙ୍କୁ ପ୍ରତ୍ୟେକ ଦିନ ଆସି ଟଙ୍କା ମାଗିଥିଲେ। ଯାହା ଫଳରେ ସେ ମାନସିକ ଭାରସାମ୍ୟ ହରାଇ ଏହି ଭଳି ଆତ୍ମହତ୍ୟା ନିଷ୍ପତ୍ତି ନେଇଥିବା ସହରରେ ଚର୍ଚ୍ଚା ହେଉଛି।

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ ଚିକରଡା ଗ୍ରାମର ଲଳିତା ମହାନ୍ତି ନାମକ ଜଣେ ଯୁବତୀଙ୍କ ସନ୍ଦେହ ଜନକ ଭାବେ ମୃତ୍ୟୁ ଘଟିଛି। ଘଟଣାରୁ ପ୍ରକାଶ ଯେ, ନିଜ ଘରେ ଖାଇପିଇ ରାତିରେ ଲଳିତା ଶୋଇଥିଲେ। କ’ଣ ହେଲା ହଠାତ୍ ରାତି ଅଧରେ ସେ ବାନ୍ତି କରିବାରୁ ପରିବାର ଲୋକେ ଚିକିତ୍ସା ପାଇଁ ବ୍ରହ୍ମପୁର ବଡ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ ଓ ଚିକିତ୍ସିତ ହେଉଥିବା ସମୟରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି।

କଲିକତା: ପଶ୍ଚିମବଙ୍ଗର ପୁରବା ମେଦିନୀପୁର ଜିଲ୍ଲାର ଚାନ୍ଦିପୁରରେ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ କାରରେ ଧକ୍କା ହେବାରୁ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ନାମ ଶେଖ ଇସ୍ରାଫିଲ ବୋଲି ଜଣାପଡିଛି। ସ୍ଥାନୀୟ ଲୋକ ଏବଂ ଜଣେ ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, କାରଟି ତାଙ୍କୁ ଧକ୍କା ଦେବା ବେଳେ ସେ ରାସ୍ତା କଡ଼ରେ ଛିଡ଼ା ହୋଇଥିଲେ। ତେବେ ଗାଡିଟି ନନ୍ଦିଗ୍ରାମ ବିଧାୟକଙ୍କ ଶୋଭାଯାତ୍ରାର ଅଂଶ କି ନୁହେଁ ତାହା ଏପର୍ଯ୍ୟନ୍ତ ପୋଲିସ ନିଶ୍ଚିତ କରି ନାହିଁ। ବିରୋଧୀ ଦଳର ନେତା ମୋଇନାରେ ଏକ ପାର୍ଟି କାର୍ଯ୍ୟକ୍ରମରୁ ଫେରୁଥିଲେ। ସ୍ଥାନୀୟ ଲୋକ ଅଭିଯୋଗ କରିଛନ୍ତି ଯେ ଦୁର୍ଘଟଣା ପରେ ମଧ୍ୟ କାର ଅଟକି ନାହିଁ। ଦୁର୍ଘଟଣା ପରେ ସ୍ଥାନୀୟ ଲୋକମାନେ ଏକ ଘଣ୍ଟାରୁ ଅଧିକ ସମୟ ରାସ୍ତା ଅବରୋଧ କରିଥିଲେ। ଏହି ସମୟରେ ରାସ୍ତା ଅବରୋଧ କରାଯାଇ ଶୁଭେନ୍ଦୁ ଅଧିକାରୀଙ୍କ ବିରୋଧରେ ପ୍ରଦର୍ଶନ କରାଯାଇଥିଲା ଏବଂ ତାଙ୍କ ବିରୋଧରେ କଠୋର ଦଣ୍ଡ ଦାବି କରାଯାଇଥିଲା। ପ୍ରତ୍ୟକ୍ଷଦର୍ଶୀ…

ନୂଆଦିଲ୍ଲୀ: ପଞ୍ଜାବର ବଡ କୃଷକ ସଂଘ ଭାରତ କିଷାନ ୟୁନିଅନ ଜନ୍ତର ମନ୍ତରରେ ବିକ୍ଷୋଭ ପ୍ରଦର୍ଶନ କରୁଥିବା କୁସ୍ତିଯୋଦ୍ଧାଙ୍କ ସମର୍ଥନରେ ବାହାରିଛି। ମେ ୭ ତାରିଖରେ ସଭାପତି ଯୋଗୀନ୍ଦର ସିଂ ଉଗ୍ରାହାଁଙ୍କ ନେତୃତ୍ୱରେ ପଞ୍ଜାବର ହଜାର ହଜାର ମହିଳା ଖେଳାଳିଙ୍କୁ ସମର୍ଥନ କରିବା ପାଇଁ ଜନ୍ତର ମନ୍ତରରେ ପହଞ୍ଚିବେ। ଏହା ବ୍ୟତୀତ ୧୧, ୧୨ ଏବଂ ୧୩ ତାରିଖରେ ପଞ୍ଜାବ, ହରିୟାଣା ଏବଂ ଉତ୍ତରାଖଣ୍ଡରେ ମହିଳାଙ୍କ ଦ୍ୱାରା ତୀବ୍ର ବିରୋଧ କରାଯିବ। କୃଷକ ନେତା ଚୌଧୁରୀ ନରେଶ ଟିକାଏତ ଏକ ଟୁଇଟ୍‌ରେ ଲେଖିଛନ୍ତି ଯେ, ଦିଲ୍ଲୀର ଜନ୍ତର ମନ୍ତରରେ ଧର୍ମଘଟ କରୁଥିବା କୁସ୍ତିଯୋଦ୍ଧାମାନଙ୍କୁ ପୋଲିସ ଅସଦାଚରଣ କରିଥିଲା। ଯାହାକୁ ନେଇ ସର୍ଭଖପ ମୁଖ୍ୟାଳୟ ସୌରାମରେ ତୁରନ୍ତ ପଞ୍ଚାୟତ ଡକାଗଲା। ଯେଉଁଥିରେ ଖାପ୍ସର ପ୍ରତିନିଧୀମାନେ ଅଂଶଗ୍ରହଣ କରିଥିଲେ ଏବଂ ସର୍ବସମ୍ମତି କ୍ରମେ ମଇ ୭ ତାରିଖରେ ଦିଲ୍ଲୀ ଯିବାକୁ ସ୍ଥିର କଲେ। ଉଲ୍ଲେଖ ଯୋଗ୍ୟ ଯେ, ଏପ୍ରିଲ ୨୩ ତାରିଖରୁ କୁସ୍ତିଯୋଦ୍ଧାମାନେ ଜନ୍ତର…

ଭୁବନେଶ୍ଵର:ଭାରତର ସାମଗ୍ରିକ କୋଇଲା ଉତ୍ପାଦନ ୨୦୨୨-୨୩ ଆର୍ଥିକ ବର୍ଷରେ ୮୯୩.୦୮ ମିଲିୟନ ଟନ୍କୁ‌ ବୃଦ୍ଧି ପାଇଛି, ଯାହା କି ୨୦୧୮-୧୯ ଆର୍ଥିକ ବର୍ଷରେ ୭୨୮.୭୩ ମିଲିୟନ ଟନ୍ ତୁଳନାରେ ୨୩% ଅଧିକ ବୋଲି କୋଇଲା ମନ୍ତ୍ରଣାଳୟ ଟୁଇଟ କରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଟୁଇଟ୍ କରି କହିଛନ୍ତି ଯେ, https://twitter.com/narendramodi/status/1653763354325045248?cxt=HHwWgMDS0cfArPMtAAAA ‘ଏହି କ୍ଷେତ୍ର ତଥା ଭାରତର ସାମଗ୍ରିକ ଅର୍ଥନୈତିକ ପ୍ରଗତି ପାଇଁ ବହୁତ ଭଲ ଖବର’।

ଦିଲ୍ଲୀ: କେନ୍ଦ୍ର ଯୁବ ବ୍ୟାପାର ଏବଂ କ୍ରୀଡ଼ା ମନ୍ତ୍ରୀ ଅନୁରାଗ ସିଂହ ଠାକୁର ଆଜି ଲକ୍ଷ୍ନୌର ଗୋମତି ନଗର ସ୍ଥିତ ଇନ୍ଦିରା ଗାନ୍ଧୀ ପ୍ରତିଷ୍ଠାନରେ ଖେଲୋ ଇଣ୍ଡିଆ ୟୁନିଭରସିଟି ଗେମ୍ସ ( ଖେଲୋ ଇଣ୍ଡିଆ ବିଶ୍ୱ ବିଦ୍ୟାଳୟ ସ୍ତରୀୟ କ୍ରୀଡା) ୨୦୨୨ (କେଆଇୟୁଜି ୨୦୨୧)ର ଲୋଗୋ, ଜର୍ସି, ମାସ୍କଟ ଏବଂ ସଂଗୀତ ଲଞ୍ଚ କରିବେ। ଖେଲୋ ଇଣ୍ଡିଆ ବିଶ୍ୱ ବିଦ୍ୟାଳୟ ସ୍ତରୀୟ କ୍ରୀଡାର ତୃତୀୟ ସଂସ୍କରଣ ମେ ୨୩ ରେ ଆରମ୍ଭ ହୋଇ ଜୁନ୍ ୩ ପର୍ଯ୍ୟନ୍ତ ଚାଲିବ; ଉଦଘାଟନୀ ସମାରୋହ ମେ ମାସ ୨୫ ତାରିଖରେ ଲକ୍ଷ୍ନୌର ବାବୁ ବନାରସୀ ଦାସ ବିଶ୍ୱ ବିଦ୍ୟାଳୟ ଠାରେ ଅନୁଷ୍ଠିତ ହେବ ବୋଲି ଧାର୍ଯ୍ୟ କରାଯାଇଛି। ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଯୁବ ବ୍ୟାପାର ତଥା କ୍ରୀଡ଼ା ରାଷ୍ଟ୍ର ମନ୍ତ୍ରୀ ନିଶିଥ ପ୍ରମାଣିକ, ଉତ୍ତର ପ୍ରଦେଶର କ୍ରୀଡ଼ା ମନ୍ତ୍ରୀ ଗିରିଶ ଚନ୍ଦ୍ର ଯାଦବଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ମଧ୍ୟ ଏହି…

ଭୁବନେଶ୍ଵର: BSNL ସହରାଞ୍ଚଳ ତଥା ଗ୍ରାମାଞ୍ଚଳର ଓଡିଶାବାସୀଙ୍କୁ ବ୍ରଡବ୍ୟାଣ୍ଡ ସେବା ଯୋଗାଇ ଆସୁଛି। ବର୍ତ୍ତମାନ ଅପ୍ଟିକାଲ୍ ଫାଇବର ଏବଂ କପର୍ ନେଟୱାର୍କ ମାଧ୍ୟମରେ ଓଡିଶାର ପ୍ରତ୍ୟେକ ଭାଗରେ 1.1 ଲକ୍ଷରୁ ଅଧିକ ବ୍ରଡବ୍ୟାଣ୍ଡ ସଂଯୋଗ କାର୍ଯ୍ୟ କରୁଅଛି।  USOF ଫଣ୍ଡ୍ ସହାୟତାରେ ଭାରତନେଟ ପ୍ରକଳ୍ପ ସରକାରଙ୍କ ଦ୍ୱାରା ରାଜ୍ୟର ପ୍ରତ୍ୟେକ କୋଣରେ ହାଇସ୍ପିଡ୍ ଇଣ୍ଟରନେଟ୍ ସେବା ଯୋଗାଇବା ପାଇଁ ଆରମ୍ଭ କରାଯାଇଥିଲା। ଭାରତର ପ୍ରଥମ ପର୍ଯ୍ୟାୟରେ, ଓଡିଶା ରାଜ୍ୟର 18ଟି ଜିଲ୍ଲା BSNL ଭରତନେଟ ସହିତ ଆବୃତ। ଓଡିଶାର ଦ୍ୱିତୀୟ ପର୍ଯ୍ୟାୟରେ ଅର୍ଥାତ୍ ବରଗଡ, ସମ୍ବଲପୁର, ଝାରସୁଗୁଡା, ସୁନ୍ଦରଗଡ, ବଲାଙ୍ଗୀର, ସୋନପୁର, ନୁଆପଡା, ରାୟଗଡା, ମାଲକାନଗିରି, କୋରାପୁଟ, ନବରଙ୍ଗପୁର ଏବଂ ଅନଗୁଳ ନେତୃତ୍ୱାଧୀନ ମଡେଲ ଅଧୀନରେ ପ୍ରଥମେ ଓପିଟିସିଏଲ୍ ଦ୍ୱାରା କାର୍ଯ୍ୟକାରୀ କରାଯାଇଥିଲା। ଏହି 12ଟି ଜିଲ୍ଲାର ଗ୍ରାମ ପଞ୍ଚାୟତ ସ୍ତର ପର୍ଯ୍ୟନ୍ତ ସମସ୍ତ କ୍ଷେତ୍ରକୁ ହାଇ-ସ୍ପିଡ୍ ଇଣ୍ଟରନେଟ୍ ସଂଯୋଗ ଯୋଗାଇବା ପାଇଁ OCAC (ଓକାକ୍), OPTCL (ଓପିଟିସିଏଲ୍) ଏବଂ BSNL…

କୈଳାଶ ଚନ୍ଦ୍ର ଚୌଧୁରୀ ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ କନିଷି ଅଟୋନଗର୍ ନିକଟ ଜାତୀୟ ରାଜପଥ କଡ ଢାବା ନିକଟ ପାର୍କିଂ ସ୍ଥାନରୁ ଏକ ଟ୍ରକ ଚୋରି ଘଟଣାର ଅଭିଯୋଗ ହୋଇଛି। ଘଟଣାରୁ ପ୍ରକାଶ ଯେ, ଓଡି ୧୫ ଜି ୬୩୨୭ ନଂ ବିଶିଷ୍ଟ ଏକ ଟ୍ରକ ରାସ୍ତାକଡ଼ରେ ଛିଡ଼ା ହୋଇଥିବା ବେଳେ ଟ୍ରକ୍ ର କବାଟ ଭାଙ୍ଗି କେହି ଦୁର୍ବୃତ୍ତ ଚୋରି କରିଥିବା ଗାଡ଼ି ମାଲିକ ଅଶୋକ କୁମାର ଦଳବେହେରା ଗୋଳନ୍ଥରା ଥାନା ରେ ଅଭିଯୋଗ କରିଛନ୍ତି। ଉକ୍ତ ଗାଡ଼ି ଗଲାପରେ ଖଲିକୋଟ ନିକଟ ଗୋରାପଲି ଟୋଲ୍ ଗେଟ୍ ରେ ଖଜଣା ପୈଠ କରିଥିବା ତଥ୍ୟ ଫାଷ୍ଟଟେଗ୍ ଜରିଆରେ ଜଣା ପଡ଼ିଛି ଓ ଜି ପି ଆର୍ ଏ ସ୍ ରେ ଉକ୍ତ ଗାଡି ଆନ୍ଧ୍ର ପ୍ରଦେଶରେ ଥିବା ଜଣାପଡିଛି। ଏତଲା ଗ୍ରହଣ କରି ପୋଲିସ ଅନୁସନ୍ଧାନ କରୁଛି।