Author: Samikhsya Bureau

ଭୁବନେଶ୍ୱର: ମିଶନ ଶକ୍ତି ଆଜି ଓଡ଼ିଶାର ୭୦ ଲକ୍ଷରୁ ଅଧିକ ମହିଳାଙ୍କ ଜୀବନରେ ପରିବର୍ତ୍ତନ ଆଣିଛି। ଏଥି ନିମନ୍ତେ ମହିଳାମାନଙ୍କୁ ୬ ଲକ୍ଷରୁ ଅଧିକ ସ୍ୱୟଂ ସହାୟକ ଗୋଷ୍ଠୀରେ ସଂଗଠିତ କରି ରୋଜଗାରଭିତ୍ତିକ କାର୍ଯ୍ୟକ୍ରମ ଏବଂ ବିଭିନ୍ନ ସରକାରୀ ଯୋଜନାରେ ସଂପୃକ୍ତ କରାଇ ସଶକ୍ତ କରାଯାଉଛି। ନିରନ୍ତର ଆର୍ଥିର୍କ ସହାୟତା, ଦକ୍ଷତା ବିକାଶ ତାଲିମ ଏବଂ ନୂତନ ଜୀବିକାର ରାହା ଦେଖାଇ ରାଜ୍ୟ ସରକାର ପ୍ରତ୍ୟେକ ମହିଳାଙ୍କ ମନରେ ଆତ୍ମବିଶ୍ୱାସ ଏବଂ ଗର୍ବର ଭାବନା ସୃଷ୍ଟି କରିଛନ୍ତି ବୋଲି ମହିଳା ଓ ଶିଶୁ ବିକାଶ, ମିଶନ ଶକ୍ତି ମନ୍ତ୍ରୀ ଶ୍ରୀମତୀ ବାସନ୍ତୀ ହେମ୍ବ୍ରମ୍‌ କହିଛନ୍ତି। ଆଜି ପୂର୍ବାହ୍ନରେ ଗୀତ ଗୋବିନ୍ଦ ସଦନଠାରେ ମିଶନ ଶକ୍ତି ବିଭାଗ ଦ୍ୱାରା ଆଗତ ୨୦୨୩-୨୪ ମସିହା ବଜେଟ ମୁଖ୍ୟାଂଶ ସଂପର୍କରେ ଗଣମାଧ୍ୟମ ପ୍ରତିନିଧିମାନଙ୍କୁ ସୂଚନା ଦେଇ ମନ୍ତ୍ରୀ ଶ୍ରୀମତୀ ହେମ୍ବ୍ରମ୍‌ କହିଛନ୍ତି ଯେ ରାଜ୍ୟ ସରକାର ୨୦୨୩-୨୪ ଆର୍ଥିକ ବର୍ଷରେ ମିଶନ ଶକ୍ତି ବିଭାଗ ପାଇଁ…

ଡ. ଫକୀର ମୋହନ ନାହାକ ‘କେବଳ ଉତ୍କଳୀୟ ଜନଜୀବନ ନୁହେଁ, ପୂର୍ବଭାରତର ବଙ୍ଗ, ଆସାମ, ମଣିପୁର, ତ୍ରିପୁରା ଆଦି ଅଞ୍ଚଳରେ ଶ୍ରୀକୃଷ୍ଣ ଓ ଶ୍ରୀଚୈତନ୍ୟଙ୍କ ଅନୁଗାମୀ ଅନେକ । ଦୋଳପୂର୍ଣ୍ଣିମାରେ ଧରାବତରଣ କରିଥିଲେ ଶ୍ରୀଚୈତନ୍ୟ ମହାପ୍ରଭୁ । ରାହୁଗ୍ରସ୍ତେ ଜଡ଼ ଶଶଧରେ ଫାଲଗୁନେ ପୂର୍ଣ୍ଣିମାୟାଂ , ଗୌଡ଼େଶାକେ ମନୁଶତମିତେ ସପ୍ତବର୍ଷାଧିକେ ଯଃ ମାୟାପୁର୍ଯ୍ୟାଂ ସମଜନୀ ଶଚୀ ଗର୍ଭସିନ୍ଧୌ ପ୍ରଦୋଷେ, ତଂ ଚିଚ୍ଛକ୍ତି ପ୍ରକଟିତ ତନୁଂ ମିଶ୍ରସୂନୁଂ ସ୍ମରାମି ।।    ଫାଲଗୁନ ପୂର୍ଣ୍ଣିମାର ରାହୁଗ୍ରସ୍ତ ଚନ୍ଦ୍ରଗ୍ରହଣ କାଳରେ ଗୌଡ଼ୀୟ ଶକାବ୍ଦ 1407 ବା 1485 ଖ୍ରୀଷ୍ଟାବ୍ଦରେ ନଦୀୟା ଜିଲ୍ଲାର ମାୟାପୁରୀରେ ଶଚୀଦେବୀଙ୍କ ଗର୍ଭରୂପକ ସିନ୍ଧୁରୁ ସନ୍ଧ୍ୟାକାଳରେ ମିଶ୍ରପୁତ୍ର ଶ୍ରୀଚୈତନ୍ୟ ନିଜ ଶରୀରକୁ ପ୍ରକଟ କଲେ । ସେହି ସଚ୍ଚିଦାନନ୍ଦ ସ୍ୱରୂପ ଶ୍ରୀଚୈତନ୍ୟଙ୍କୁ ଆମ୍ଭେ ସ୍ମରଣ କରୁଛୁ। ସେହି ଶ୍ରୀଚୈତନ୍ୟ ଥିଲେ ଶ୍ରୀଜଗନ୍ନାଥଙ୍କ ପରମଭକ୍ତ। ନଦୀୟା ନବଦ୍ୱୀପରୁ ହରିନାମ ସଂକୀର୍ତ୍ତନ କରି 1510 ଖ୍ରୀଷ୍ଟାବ୍ଦରେ ଶ୍ରୀକ୍ଷେତ୍ର ଆସିଥିଲେ ଶ୍ରୀଚୈତନ୍ୟ ମହାପ୍ରଭୁ। ଗଜପତି ପ୍ରତାପରୁଦ୍ର…

ବାଲୁଗାଁ: ବିଜେପି ରାଷ୍ଟ୍ରୀୟ ମୁଖପାତ୍ର ଡ଼ା ସମ୍ବିତ ପାତ୍ରଙ୍କ ହସ୍ତକ୍ଷେପ ପରେ ଗତକାଲି ରାତିରେ ଜଣେ ବ୍ୟକ୍ତିଙ୍କ ମର ଶରୀର ସୁଦୂର ମଧ୍ୟପ୍ରଦେଶ ରୁ ଆସି ପହଁଚିବା ପରେ ଆଜି ସକାଳେ ଅନ୍ତେଷ୍ଟି କ୍ରିୟାକର୍ମ କରାଯାଇଛି। ସୂଚନା ମୁତାବକ ଚିଲିକା ବ୍ଲକ ଅନ୍ତର୍ଗତ କଳକଳେଶ୍ୱର ପଞ୍ଚାୟତର ମହେଶ୍ୱର ପ୍ରଧାନଙ୍କ ପୁଅ ସହଦେବ ପ୍ରଧାନ ଦୀର୍ଘ ଦିନ ଧରି ମଧ୍ୟ ପ୍ରଦେଶ ଇନ୍ଦୋର ଗୋଏଲ ନଗର ସ୍ଥିତ ମାରାଲ ଓଭରସିଜ ଲିମିଟେଡ଼ କମ୍ପାନୀରେ ମେଣ୍ଟେନାନ୍ସ ଫିଟର ଭାବେ କାର୍ଯ୍ୟରତ ଥିଲେ। ମାତ୍ର ଗତ ଶନିବାର ଦିନ ସଡକ ଦୁର୍ଘଟଣାରେ ମୃତ୍ୟୁ ବରଣ କରିଥିବା ଖବର ମିଳିଥିଲା। ଏହି ଖବର ଗ୍ରାମରେ ପହଁଚିବା କ୍ଷଣି ଶୋକର ଛାୟା ଖେଳିଯାଇଥିବା ବେଳେ ପରିବାର ବର୍ଗ ଧର୍ଯ୍ୟହରା ହୋଇପଡିଥିଲେ।ପରିବାର କହିଲେ ପତ୍ନୀ ମାଳତୀ ପ୍ରଧାନ ଓ ଦୁଇ ଯମଜ ସନ୍ତାନ ତୁଷାର ପ୍ରଧାନ ଓ ବିନୟ ପ୍ରଧାନ ନବମ ଶ୍ରେଣୀରେ ଅଧ୍ୟୟନ ରତ।ସ୍ୱାମୀର ମର ଶରୀର ଭିଟାମାଟିକୁ…

ନୂଆଦିଲ୍ଲୀ: ପାକିସ୍ତାନରେ ପୁଣି ଥରେ ଆତ୍ମଘାତୀ ବିସ୍ଫୋରଣ ଘଟିଛି। ଆତ୍ମଘାତୀ ବିସ୍ଫୋରଣକାରୀ ପୋଲିସକୁ ଟାର୍ଗେଟ କରିଛନ୍ତି। ଏହି ଆକ୍ରମଣରେ ୯ ଜଣ ପୋଲିସ କର୍ମୀଙ୍କ ମୃତ୍ୟୁ ଘଟିଛି। ପାକିସ୍ତାନ ପୋଲିସର ମୁଖପାତ୍ର କହିଛନ୍ତି ଯେ, ଆତ୍ମଘାତୀ ବିସ୍ଫୋରଣକାରୀ ଆଜି ଦକ୍ଷିଣ-ପଶ୍ଚିମ ପାକିସ୍ଥାନର ଏକ ପୋଲିସ ଟ୍ରକକୁ ମୋଟରସାଇକେଲ ଧକ୍କା ଦେଇଥିଲା, ଯେଉଁଥିରେ ନଅ ଜଣ ପୋଲିସ କର୍ମୀଙ୍କ ମୃତ୍ୟୁ ହୋଇଥିଲା। ବାଲୁଚିସ୍ତାନ ପ୍ରଦେଶର ରାଜଧାନୀ କ୍ୱେଟାର ପ୍ରାୟ ୧୬୦ କିଲୋମିଟର ପୂର୍ବରେ ଥିବା ସିବିରେ ଏହି ଆକ୍ରମଣ ହୋଇଛି।

ସୀତାରାମ ଅଗ୍ରୱାଲ ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଭୂଷଣ୍ଡପୁର ଅଞ୍ଚଳରେ ଏକ ଅଭାବନୀୟ ଘଟଣା ଘଟିଯାଇଛି। ଦୋଳ ଯାତ୍ରା ପାଇଁ ବାଣ ଭିଡୁଥିବା ବେଳେ ବିସ୍ଫୋରଣ ହୋଇ ଚାରି ଜଣଙ୍କ ମୃତ୍ୟୁ ହୋଇଥିବା ବେଳେ ଚାରି ଜଣ ଗୁରୁତର ଆହତ ହୋଇଥିବାର ଖୋର୍ଦ୍ଧା ଏସପି ସିଦ୍ଧାର୍ଥ କଟାରିଆ ସୂଚନା ଦେଇଛନ୍ତି। ଖବର ପାଇ ଘଟଣାସ୍ଥଳରେ ଖୋର୍ଦ୍ଧା ଜିଲ୍ଲାପାଳ, ଏସପି, ଉପଜିଲ୍ଲାପାଳ, ବାଲୁଗାଁ ଏସଡିପିଓ, ଟାଙ୍ଗୀ ଆଇଆଇସି, ବିଡ଼ିଓ, ତହସିଲଦାର ଆଦି ପହଞ୍ଚି ତଦନ୍ତ ଜାରି ରଖିଛନ୍ତି। ଅନ୍ୟପକ୍ଷେ ଆହତଙ୍କୁ ମେଡିକାଲ ପଠାଯାଇଛି। ଅଗ୍ନିଶମ ବାହିନୀ ମଧ୍ୟ ଘଟଣାସ୍ଥଳରେ ଅଛି। ତେବେ କୋଭିଡ ମହାମାରୀ ନିମନ୍ତେ ୨ ବର୍ଷ ହେଲା ଦୋଳ ଯାତ୍ରାରେ ରୋକ ଲାଗିଥିବା ବେଳେ ଚଳିତ ବର୍ଷ ସାରା ରାଜ୍ୟରେ ଧୁମଧାମରେ ଏହା ପାଳନ ହେଉଛି। ଏଥିପାଇଁ କାରିଗର ବାଣ ତିଆରି କାର୍ଯ୍ୟରେ ନିଯୋଜିତ ଥିଲେ।

ନୂଆଦିଲ୍ଲୀ: ଭାରତୀୟ ଜନତା ପାର୍ଟିର ତାମିଲନାଡୁ ୟୁନିଟ୍ ର ଆଇଟି ସେଲ୍ ମୁଖ୍ୟ ସି.ଟି.ଆର. ନିର୍ମଳ କୁମାର ଦଳରୁ ଇସ୍ତଫା ଦେଇଛନ୍ତି। ଦଳ ଛାଡିବାର କିଛି ଘଣ୍ଟା ପରେ ନିର୍ମଳ କୁମାର ଏଆଇଏଡିଏମକେର ଅନ୍ତରୀଣ ମୁଖ୍ୟ କେ ପାଲାନିସ୍ୱାମୀଙ୍କୁ ଭେଟି ତାଙ୍କ ଦଳରେ ଯୋଗ ଦେଇଛନ୍ତି। ଟ୍ୱିଟରରେ ଦେଇଥିବା ବିବୃତ୍ତିରେ ନିର୍ମଳ କୁମାର ଦଳର ରାଜ୍ୟ ନେତୃତ୍ୱଙ୍କୁ କର୍ମୀମାନଙ୍କୁ ଅବହେଳା କରିଥିବା ଅଭିଯୋଗ କରିଛନ୍ତି। ଏଥିସହ ସେ ଅନାମଲାଇଙ୍କୁ ଅନେକ ଲୋକଙ୍କ ଉପରେ ନଜର ରଖିଥିବା ଅଭିଯୋଗ କରିଛନ୍ତି। ମଦୁରାଇରେ ରହୁଥିବା ପୂର୍ବତନ ବିଜେପି ନେତା ନିର୍ମଲ କୁମାର କହିଛନ୍ତି ଯେ, ଆମର ନିଜ ଦଳର ସଦସ୍ୟ ତଥା ପଦାଧିକାରୀଙ୍କ ଉପରେ ନଜର ରଖି ଆନନ୍ଦିତ ହେବାଠାରୁ ଅଧିକ ଅପମାନଜନକ କିଛି ନାହିଁ। ନିର୍ମଲ କୁମାର କହିଛନ୍ତି, ୨୦୧୯ ରେ ବିଜେପି ଯେପରି ଥିଲା, ଅନ୍ନାମଲାଇ ଦାୟିତ୍ଵ ନେବା ପରେ ବିଜେପିର ସ୍ଥିତି ୨୦ ପ୍ରତିଶତ ମଧ୍ୟ ନାହିଁ। AIADMK ରେ…

ଜଂକିଆ: ଖୋର୍ଦ୍ଧା ନୂଆ ଜଗନ୍ନାଥ ସଡକ ଜଂକିଆ ବଜାର ନିକଟରେ ଥିବା ଏସବିଆଇ ଏଟିଏମରୁ ଲୁଟ ହୋଇଥିବା ଜଣାପଡିଛି। ଲୁଟେରାମାନେ ଗ୍ୟାସ କଟରରେ କାଟି ଟଙ୍କା ଲୁଟିନେଇଛନ୍ତି। ଏଟିଏମ ରେ ଲାଗିଥିବା ସିସିଟିଭି ମଧ୍ୟ କାଟି ଦେଇଥିବା ସୂଚନା ରହିଛି। ଗତକାଲି ବିଳମ୍ବିତ ରାତିରେ ହୋଇଛି ଲୁଟ ହୋଇଛି। ଖବର ପାଇ ଜଙ୍କିଆ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବାର କହିଛନ୍ତି ଆଇଆଇସି ଅନିତା ସାହୁ। ସୂଚନା ଥାଉକି ଦିନକ ପୂର୍ବରୁ ନିରାକାରପୁର ଥାନା ଅଞ୍ଚଳରେ ଏକ ଏଟିଏମ ଲୁଟିବାରେ ଦୁର୍ବୁତ୍ତ ମାନେ ବିଫଳ ହୋଇଥିବା ବେଳେ ଜଙ୍କିଆ ବଜାରରୁ ଲୁଟିବାରେ ସକ୍ଷମ ହୋଇଛନ୍ତି।  ତେବେ ବ୍ୟାଙ୍କ କର୍ତ୍ତୃପକ୍ଷମାନେ ଜାତୀୟ ରାଜପଥରେ ଅବସ୍ଥିତ ଏଟିଏମ ଗୁଡିକରେ ରାତ୍ର ଜଗୁଆଳି ବ୍ୟବସ୍ଥା ନକରିବାରୁ ବାରମ୍ବାର ଏପରି ଲୁଟ ହେଉଥିବା ଅଭିଯୋଗ ହେଉଛି।

ଭୁବନେଶ୍ଵର: ରେଳ ନିରାପତ୍ତା ଆୟୁକ୍ତ (ସିଆରଏସ) ଙ୍କ ଦ୍ୱାରା ଅନୁମୋଦନ ପରେ ମାର୍ଚ୍ଚ ମାସ ୩ ତାରିଖ ଠାରୁ ଜାରୋଲି-ଯଖପୁରା ସୁପର କ୍ରିଟିକାଲ ଦୋହରୀକରଣ ପ୍ରକଳ୍ପର ଶଗଡ଼ପଟା ଓ ଟାଙ୍ଗିରିଆପାଳ ମଧ୍ୟରେ ୧୭.୭୯୯ କିଲୋମିଟର ଦୈର୍ଘ୍ୟ ଦୋହରୀକରଣ ଲାଇନରେ ୩ ମାର୍ଚ୍ଚ ୨୦୨୩ ଠାରୁ ଟ୍ରେନ୍ ଚଳାଚଳ ପାଇଁ କାର୍ଯ୍ୟକ୍ଷମ କରାଯାଇଅଛି।  ରେଳ ଚଳାଚଳ ପାଇଁ ସମସ୍ତ ନିରାପତ୍ତା ସମ୍ବନ୍ଧୀୟ ଦିଗକୁ ନୀରିକ୍ଷଣ କରିବାପରେ ସିଆରଏସ ଏହି ରେଳ ସେକ୍ସନକୁ ଅନୁମୋଦନ କରିଛନ୍ତି। ଏହି ସୁପର କ୍ରିଟିକାଲ ଦୋହରୀକରଣ ରେଳ ପ୍ରକଳ୍ପର କାର୍ଯ୍ୟକ୍ଷମ ହେବାପରେ ଏହି ରେଳ ମାର୍ଗରେ ପଣ୍ୟ ପରିବହନ (ମୁଖ୍ୟତ ଲୁହାପଥର ଏବଂ ମାଙ୍ଗାନିଜ୍ ଇତ୍ୟାଦି ଖଣିଜ ଦ୍ରବ୍ୟ) ତଥା ଯାତ୍ରୀ ପରିବହନ ପାଇଁ ବର୍ତ୍ତମାନର ଯାତାୟାତ ସୁବିଧା ଠାରୁ ଉନ୍ନତ କ୍ଷମତା ପ୍ରଦାନ କରିବ। ଯାତ୍ରୀ ପରିବହନ କରୁଥିବା ଟ୍ରେନ୍ ଚଳାଚଳ ବ୍ୟତୀତ ପୂର୍ବତଟ ରେଳପଥ ଦ୍ୱାରା ଧାମରା, ପାରାଦୀପ ଏବଂ ବିଶାଖାପାଟନମ୍ ପରି ନିକଟ ବନ୍ଦରକୁ…

ବାସ୍ତୁ ଶାସ୍ତ୍ର: ବାସ୍ତୁ ଶାସ୍ତ୍ର ଆମ ଜୀବନରେ ଗଭୀର ପ୍ରଭାବ ପକାଇଥାଏ। ବାସ୍ତୁ ଶାସ୍ତ୍ର ନିୟମ ଅନୁସରଣ କଲେ ସକରାତ୍ମକ ଶକ୍ତି ଘରେ ପ୍ରବେଶ କରେ, ସୁଖ ଏବଂ ସମୃଦ୍ଧି ରହିଥାଏ। ବାସ୍ତୁରେ ଗୃହ ନିର୍ମାଣ ଠାରୁ ଆରମ୍ଭ କରି ରକ୍ଷଣାବେକ୍ଷଣ ଇତ୍ୟାଦି ପର୍ଯ୍ୟନ୍ତ, ରାସ୍ତା ଏବଂ ଦିଗ ବିଷୟରେ ବର୍ଣ୍ଣନା କରାଯାଇଛି। ରୋଷେଇ ଘରର ସବୁଠାରୁ ଗୁରୁତ୍ୱପୂର୍ଣ୍ଣ ସ୍ଥାନ ଭାବରେ ବିବେଚନା କରାଯାଏ। କାରଣ ଏଠାରୁ ହିଁ ଘରେ ରହୁଥିବା ସଦସ୍ୟମାନେ ଖାଦ୍ୟ ଏବଂ ଶକ୍ତି ପାଆନ୍ତି। ବାସ୍ତୁ ଶାସ୍ତ୍ରରେ ରୋଷେଇ ବିଷୟରେ ବିସ୍ତୃତ ଭାବରେ ଆଲୋଚନା କରାଯାଇଛି। ଆଜିକାଲି ରୋଷେଇ ପାଇଁ ପ୍ରତ୍ୟେକ ଘରେ ଗ୍ୟାସ୍ ଚୁଲା ବ୍ୟବହାର କରାଯାଏ। ଗ୍ୟାସ ଚୁଲାର ରକ୍ଷଣାବେକ୍ଷଣ, ଦିଗ ଏବଂ ଅବସ୍ଥାନ ଇତ୍ୟାଦି ବାସ୍ତୁ ଶାସ୍ତ୍ରରେ କୁହାଯାଇଛି। କିନ୍ତୁ ଆପଣ ଜାଣନ୍ତି କେଉଁ ଦିନ ଗ୍ୟାସ ଚୁଲା କିଣିବା ଉଚିତ୍। ଯଦି ନୁହେଁ ତେବେ ଏହି ଖବର ଆପଣଙ୍କ ପାଇଁ ଅଟେ।…

ମେଷ- ପୁରୁଣା ବନ୍ଧୁ ଏବଂ ସମ୍ପର୍କୀୟମାନେ ଭେଟିବେ। ତୁମେ ଭଲ ଖବର ପାଇବ । ଖୁସି ହେବେ। ବିପଦ କରନ୍ତୁ ନାହିଁ । ଉପକୃତ ହେବେ। ପ୍ରଣାଳୀରେ ବିଶ୍ୱସନୀୟତା ସୃଷ୍ଟି କରନ୍ତୁ। ଆର୍ଥିକ ସୁସଙ୍ଗତତା ରହିବ। ଟଙ୍କା ସଂଗ୍ରହ ହେବ। ବୃତ୍ତି ପକ୍ଷରୁ ଅନେକ ଲାଭ ଅଛି । ନୂତନ ଯୋଜନା ଆରମ୍ଭ ହେବ। ବୃଷ- ଘର ବାହାରେ ପଚରାଉଚରା କରାଯିବ। କାର୍ଯ୍ୟ ସମାପ୍ତ ହେବ। ଆୟ ବୃଦ୍ଧି ପାଇବ। ଏହା ଏକ ମଜାଦାର ଯାତ୍ରା ହେବ। ଖୁସି ହେବେ। ସହକର୍ମୀମାନେ ସାହାଯ୍ୟ କରିବେ ନାହିଁ। ଖର୍ଚ୍ଚ କାଟିବାକୁ ଚେଷ୍ଟା କରନ୍ତୁ । ପରିବାରରେ ସୁଖର ପରିବେଶ ରହିବ । ବ୍ୟବସାୟରୁ ବାହାରକୁ ଯିବାକୁ ପଡିପାରେ। ମିଥୁନ- ଶୋକ ଖବର ମିଳିପାରେ। କାର୍ଯ୍ୟରେ ମନ ଦେବେ ନାହିଁ । ବିବାଦରୁ ଦୂରେଇ ରୁହନ୍ତୁ । କଠିନ ପରିଶ୍ରମ ଅଧିକ ହେବ। ଗୃହ ସମସ୍ୟା ସମାଧାନ ହେବ। ଅଳସୁଆ ହୁଅନ୍ତୁ ନାହିଁ, ଚିନ୍ତା କରିଥିବା କାର୍ଯ୍ୟ ଠିକ୍…

ଭୁବନେଶ୍ୱର: ଭାରତବର୍ଷର କୋଟି କୋଟି ଜନସାଧାରଣଙ୍କ ଏଲଆଇସିରେ ସଂଚିତ ଅର୍ଥ ଏବଂ ବ୍ୟାଙ୍କ ମାନଙ୍କରେ ଜମାରାଶିକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଚାପ ଯୋଗୁଁ ଅତି ଚଂଚକତା କରି ଆଦାନୀ ଗ୍ରୁଫ ଅଫ କମ୍ପାନୀ ମାନଙ୍କରେ ହଜାର ହଜାର କୋଟି ପୁଞ୍ଜି ବିନିଯୋଗ କରାଯାଇଛି। ହିଣ୍ଡେନବର୍ଗ ରିପୋର୍ଟ ପ୍ରକାଶ ପାଇବାପରେ ଆଜି ଭାରତୀୟ ଷ୍ଟକ ବଜାରରେ ଆଦାନୀ ଗ୍ରୁଫ ଅଫ କମ୍ପାନୀଜ୍‌ର ସମସ୍ତ ସେୟାର ଗୁଡ଼ିକ ବହୁ କମ୍ ମୂଲ୍ୟରେ ଖରିଦାରୀ ହେଉଛି। ଏପରିକି ଏହି ସମସ୍ତ କମ୍ପାନୀର ସେୟାର ଗୁଡ଼ିକର ମୂଲ୍ୟ ଏତେ ହ୍ରାସ ପାଇଛି ଯଦ୍ୱାରା କି ଷ୍ଟେଟବ୍ୟାଙ୍କ ଅଫ ଇଣ୍ଡିଆ ଏବଂ ଅନ୍ୟାନ୍ୟ ବ୍ୟାଙ୍କ ମାନଙ୍କ ସହିତ ଏଲଆଇସି ର ହଜାର ହଜାର କୋଟି ଟଙ୍କା କ୍ଷତି ସହିଲେଣି। ଆଶଂକା କରାଯାଉଛି ଏହି କ୍ଷତି ଆସନ୍ତା ଦିନମାନଙ୍କରେ ଆହୁରି ବହୁତ ଅଧିକ ହୋଇଯିବ। ଏହାଦ୍ୱାରା ଭାରତ ବର୍ଷର କୋଟି କୋଟି ଜନାତଙ୍କର ବହୁ ଆର୍ଥିକ କ୍ଷତି ଘଟିବ ଏସବୁ…

ଭୁବନେଶ୍ୱର: ଭୀମଟାଙ୍ଗିରେ ଦୋଳଯାତ୍ରା ଆରମ୍ଭ ହୋଇଛି। ଏହି ଉପଲକ୍ଷେ ରାଧାକୃଷ୍ଣ ଓ ଦୋଳ ଗୋବିନ୍ଦଙ୍କ ପ୍ରତିମୂର୍ତିଙ୍କୁ ଭକ୍ତମାନଙ୍କ ଘର ଦ୍ୱାର ନିକଟକୁ ଯାଇ ଭୋଗ ଲାଗି କରାଯାଉଛି। ସୁସଜ୍ଜିତ ବିମାନ ଯୋଗେ ଠାକୁର ଯାତ୍ରା କର ଦୋଳର ଚାର୍ଚେରୀ ଭାଗ ଲାଗି କରାଯାଉଛି। ପ୍ରଥମେ ଉପର ଫେଜ୍ ଏହା ପରେ ତଳ ଫେଜ୍ ଓ କପିଳପ୍ରସାଦ ଅଂଚଳରେ ଏହି ଦୋଳଯାତ୍ରା କରାଯାଇଛି। ବିଧି ଅନୁଯାୟୀ ପୂଣ୍ଣମୀ ତିଥିରେ ପାଞ୍ଜି ପଠନ କରାଯିବ। ଏହାକୁ ସମିତିର କାର୍ଯ୍ୟକାରୀ ସଭାପତି ମାନସ ରଞ୍ଜନ ପଟ୍ଟନାୟକ, ସମ୍ପାଦକ ପଦ୍ମନାଭ ଷଡ଼ଙ୍ଗୀ, କର୍ପୋରେଟର ଶିବ ନାରାୟଣ ରାୟ ଓ ସଭ୍ୟମାନେ ପରିଚାଳଣା କରିଥିଲେ।

ଭୁବନେଶ୍ୱର: ଆଜି ଆମର ପ୍ରିୟ ନେତା ବିଜୁ ବାବୁଙ୍କ ଜନ୍ମ ଦିବସ। ଏହି ଅବସରରେ ତାଙ୍କ ଅମ୍ଲାନ ସ୍ମୃତି ପ୍ରତି ଗଭୀର ଶ୍ରଦ୍ଧାଞ୍ଜଳି ଅର୍ପଣ କରୁଛି। ଆଜି ଦିନଟିକୁ ଆମେ ପଞ୍ଚାୟତିରାଜ ଓ ଲୋକସେବା ଦିବସ ଭାବରେ ମଧ୍ୟ ପାଳନ କରୁଛୁ। Biju babu is an idea in continuity. An idea of realizing breadth of human aspirations, an idea of Odia self-esteem, selfless service and empowerment. An idea that was much ahead of his time that will live for ever, and continue to inspire generations to come. Biju Babu transcends the ordinary boundaries of definitions. ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରକାଶ କରିଛନ୍ତି। ଆଜି ସୂଚନା ଓ ଲୋକସଂପର୍କ ବିଭାଗ ଏବଂ ପଞ୍ଚାୟତିରାଜ ଓ ପାନୀୟ ଜଳ ବିଭାଗର…

ସୀତାରାମ ଅଗ୍ରୱାଲ ଚିଲିକା: ମାର୍ଚ୍ଚ ପାଞ୍ଚ ତାରିଖ ହେଉଛି ମହାନ ଜନନାୟକ ପ୍ରବାଦ ପୁରୁଷ ବିଜୁପଟ୍ଟନାୟକଙ୍କ ୧୦୭ ତମ ଜନ୍ମ ତିଥି। ଏହି ଅବସରରେ ଚିଲିକା ନିର୍ବାଚନ ମଣ୍ଡଳୀ ବିଜୁ ଜନତା ଦଳ ତରଫରୁ ଆଜି ଅପରାହ୍ନରେ କ୍ରିଷ୍ଣା କଲ୍ୟାଣ ମଣ୍ଡପ ଠାରେ ବିଜୁ ବାବୁଙ୍କ ଜନ୍ମ ଜୟନ୍ତୀ ମହା ଆଡ଼ମ୍ବରରେ ପାଳନ କରାଯାଇଥିଲା। ଉକ୍ତ ଜନ୍ମତିଥି ସଭାରେ ବିଧାୟକ ପ୍ରତିନିଧି ମନୋଜ ପ୍ରଧାନଙ୍କ ସଭାପତିତ୍ୱରେ ନିର୍ବାଚନ ମଣ୍ଡଳୀର ବହୁ ବିଜୁ ପ୍ରେମୀ ଯୋଗ ଦେଇଥିଲେ। ଉକ୍ତ ସଭାରେ ମୁଖ୍ୟ ଅତିଥି ଭାବେ ବିଜୁ ଜନତା ଦଳର ସଂଗଠିକା ସ୍ଵାଗତିକା ଜଗଦ୍ଦେବ, ପୂର୍ବତନ ମନ୍ତ୍ରୀ ଦେବେନ୍ଦ୍ର ନାଥ ମାନସିଂହ ମୁଖ୍ୟ ବକ୍ତା ଭାବରେ ଯୋଗ ଦେଇଥିଲେ। ସମ୍ମାନିତ ଅତିଥି ଭାବେ ଖୋର୍ଦ୍ଧାଜିଲ୍ଲା ଉପ ସଭାପତି ଗୋପୀନାଥ ମହାରଣା ବାଲୁଗାଁ ଏନଏସି ଅଧ୍ୟକ୍ଷା ସୁକାନ୍ତି ପାଇକରାୟ, କାଉନସିଲର ଅଭିମନ୍ୟୁ ସ୍ୱାଇଁ, ପ୍ରଭାସ ସୁନ୍ଦରାୟ ଆଦି ଯୋଗ ଦେଇଥିଲେ। ମଞ୍ଚରେ ବିଜୁ ଜନତା ଦଳର…

ସୀତାରାମ ଅଗ୍ରୱାଲ ବାଣପୁର: ଆଜି ରାତି ନଅ ଘଟିକା ସମୟରେ ବାଣପୁର ଅଂଚଳର ଜଣେ ବିଜେଡି ନେତା ତଥା ଏନଏସି ପାଞ୍ଚ ନମ୍ବର ୱାର୍ଡ କାଉନସିଲର ଅନୁସୟା ପ୍ରଧାନଙ୍କ ସ୍ୱାମୀ ସତ୍ୟନାରାୟଣ ପ୍ରଧାନଙ୍କର ଏକ ରାସ୍ତା ଦୁର୍ଘଟଣାରେ ମୃତ୍ୟୁ ହୋଇଥିବା ଜଣାଯାଇଛି। ପ୍ରକାଶ ଥାଉକି କୌଣସି ଏକ ଜରୁରୀ କାମରେ ବାଣପୁର ସ୍ଥିତ ସାନହନ୍ତୁଆଡ଼ ଗ୍ରାମକୁ ଯାଇ ଫେରୁଥିବା ବେଳେ ଦୁର୍ଘଟଣାରେ ଆହତ ହୋଇଥିଲେ ସତ୍ୟ। ତାଙ୍କୁ ସଙ୍ଗେ ସଙ୍ଗେ ବାଣପୁର ମେଡିକାଲକୁ ଅଣାଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସେ ଜଣେ ପରୋପକାରୀ ବ୍ୟକ୍ତି ଭାବରେ ସ୍ଥାନୀୟ ଅଞ୍ଚଳରେ ଜଣାଶୁଣା ଥିଲେ। ତାଙ୍କ ମୃତ୍ୟୁରେ ତାଙ୍କ ଗ୍ରାମ ସମେତ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ଦୁର୍ଘଟଣା ଘଟାଇଥିବା ଗାଡିକୁ ଧରିବାକୁ ସ୍ଥାନୀୟ ଲୋକ ପ୍ରୟାସ କରୁଥିବା ଜଣାଯାଇଛି।

ଦୁଷ୍ମନ୍ତ କୁମାର ପଣ୍ଡା କଳାହାଣ୍ଡି: ଆଜି ଓଡ଼ିଶା ପଞ୍ଚାୟତିରାଜ ଦିବସ ତଥା ପ୍ରବାଦ ପୁରୁଷ ସ୍ବର୍ଗତ ବିଜୁ ପଟ୍ଟନାୟକଙ୍କ ଜୟନ୍ତୀ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ପଶ୍ଚିମ ଓଡ଼ିଶାର ୩ଟି ଜିଲ୍ଲା (ବରଗଡ଼, ନୂଆପଡ଼ା ଓ କଳାହାଣ୍ଡି) ଗସ୍ତ ଅବସରରେ ‘ବିଜୁ ଏକ୍ସପ୍ରେସ୍‌ ୱେ’ର ଲୋକାର୍ପଣ କରିଛନ୍ତି। ମୁଖ୍ୟମନ୍ତ୍ରୀ ଗୋଲାମୁଣ୍ଡା ବ୍ଲକ ବୃନ୍ଦାବାହାଲ ଠାରେ ମୋଟ ୫୨୭ କୋଟି ଟଙ୍କାର ୯୩ଟି ପ୍ରକଳ୍ପର ଉଦଘାଟନ କରିଥିବା ବେଳେ ୧୫୭୩ କୋଟି ଟଙ୍କାର ୧୧୩ ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏଥିରେ ପାନୀୟଜଳ, ଶିକ୍ଷା ଓ ସ୍ୱାସ୍ଥ୍ୟ ଭଳି ବିକାଶମୂଳକ ପ୍ରକଳ୍ପ ସାମିଲ ରହିଛି। ଏହି ଅବସରରେ ମୁଖ୍ୟମନ୍ତ୍ରୀ ବୃନ୍ଦାବାହାଲ ରେ ଆୟୋଜିତ ସାଧାରଣ ସଭାକୁ ସମ୍ବୋଧିତ କରି କଥାରେ ନୁହେଁ କାମରେ ବିଶ୍ୱାସ କରେ ବୋଲି କହିଥିଲେ। ଏ ମାଟିର ମଣିଷଙ୍କ ସ୍ୱପ୍ନ ସହ ସେ ସବୁବେଳେ ଯୋଡ଼ି ହୋଇ ରହିଥିବା ନିଜ ବକ୍ତବ୍ୟରେ କହିଥିଲେ। ସୂଚନାଯୋଗ୍ୟ ଯେ…

କନ୍ଦର୍ପ ବେହେରା ରେଢାଖୋଲ: ସମ୍ବଲପୁର୍ ଜିଲ୍ଲା ପରିଷଦ ଆନୁକୁଲ୍ୟରେ ତା ୫.୩.୨୩ ରିଖ ଦିନ ଅନୁଷ୍ଠିତ ପଞ୍ଚାୟତିରାଜ ଓ ଲୋକସେଵା ଦିଵସରେ ନାକ୍ଟିଦେଉଳ ଵ୍ଲକ୍ ଅନ୍ତର୍ଗତ ସାହେବୀ, ସରାପାଲି, ଘୋଷରାମାଳ ଓ ଜାମୁଜୋରୀ ଗ୍ରାମ ପଞ୍ଚାୟତ କୁ ପୁରସ୍କୃତ କରାଯାଇଥିଲା। ଏହି ସମାରୋହରେ ସାହେଵୀ ସରପଞ୍ଚା ରାମପ୍ରସାଦ ସାହୁ, ସରାପାଲି ସରପଞ୍ଚ ଶିବାନୀ ବାରିକ, ଘୋଷରାମାଳ ସରପଞ୍ଚ ପ୍ରେମଶୀଳା ପ୍ରଧାନ ଓ ଜାମୁଜୋରୀ ସରପଞ୍ଚ ରୀନାରାଣୀ ବିଶି ଉଲ୍ଲେଖନୀୟ କାର୍ଯ୍ୟକ୍ରମ ପାଇଁ ପୁରସ୍କୃତ ହୋଇଥିଲେ। ସମ୍ବଲପୁର୍ ଜିଲ୍ଲା ପରିଷଦର ଅଧ୍ୟକ୍ଷା କୁମୁଦିନୀ ନାୟକଙ୍କ ପରିଚାଳନାରେ ଅନୁଷ୍ଠିତ ଏହି ସମାଵେଶ ରେ ସମ୍ବଲପୁର୍ ଜିଲ୍ଲା ଗ୍ରାମ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ଦିଲ୍ଲୀପ କୁମାର୍ ବଳ ମୁଖ୍ୟ ଅତିଥି ଭାବେ ଯୋଗ ଦେଇ ପଞ୍ଚାୟତ ପ୍ରତିନିଧି ମାନଙ୍କୁ ପୁରସ୍କୃତ କରିଥିଲେ।

ସିତରାମ ଅଗ୍ରୱାଲ ଚିଲିକା: ସର୍ବଭାରତୀୟ ସ୍ତରରେ ଏପ୍ରିଲ ୨୪ ତାରିଖକୁ ପଞ୍ଚାୟତିରାଜ ଦିବସ ଭାବେ ପାଳନ କରାଯାଉଛି। ହେଲେ ଏହାକୁ ନେଇ ବିଜେପି ପକ୍ଷରୁ କଡା ସମାଲୋଚନା କରାଯାଇଛି। ଓଡ଼ିଶାରେ ବିଜେଡି ସରକାର ମାର୍ଚ୍ଚ ୫ ତାରିଖରେ ଏହାକୁ ପାଳନ କରିବା କେବଳ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ବିଜେପି କହିଛି। ପଞ୍ଚାୟତିରାଜ ବ୍ୟବସ୍ଥାକୁ ସୁଦୃଢ଼ କରିବା ପରିବର୍ତ୍ତେ ଦୁର୍ବଳ କରୁଛନ୍ତି ରାଜ୍ୟ ସରକାର। ତେଣୁ ଆଜି ରାଜ୍ୟ ସରକାରଙ୍କ ତରଫରୁ ପାଳନ କରାଯାଉଥିବା ପଞ୍ଚାୟତିରାଜ ଦିବସକୁ ଭ୍ରଷ୍ଟାଚାର ଦିବସ ଭାବେ ବିଜେପି ପାଳନ କରିଛି। ଦଳର ନିଷ୍ପତିକ୍ରମେ ସମସ୍ତ ୩୧୪ଟି ବ୍ଲକ କାର୍ଯ୍ୟାଳୟ ସମ୍ମୁଖରେ ବିଜେପି କାର୍ଯ୍ୟକର୍ତ୍ତାମାନେ ହାତରେ କଳା ପଟି ବାନ୍ଧି ବିରୋଧ ପ୍ରଦର୍ଶନ କରିଛନ୍ତି। ଏହି ପରିପ୍ରେକ୍ଷୀରେ ଆଜି ଚିଲିକା ନିର୍ବାଚନମଣ୍ଡଳୀର ଉଭୟ ବାଣପୁର ଓ ଚିଲିକା ବ୍ଲକ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛି ବିଜେପି। ଜିଲ୍ଲା ବିଜେପି ସାଧାରଣ ସମ୍ପାଦକ ଦୁଷ୍ମନ୍ତ ହରିଚନ୍ଦନଙ୍କ ନେତୃତ୍ୱରେ ଉଭୟ…

ସୀତାରାମ ଅଗ୍ରୱାଲ ବାଲୁଗାଁ: ରବିବାର ସନ୍ଧ୍ୟାରେ ୧୬ନଂ ଜାତୀୟ ରାଜପଥ ପାରିକଂସାରି ଓଭର ବ୍ରିଜ ଠାରେ ଏକ ଆଳୁ ବୋଝେଇ ବୋଲେରୋ ପିକଅପ ଭାରସାମ୍ୟ ହରାଇ ଓଲଟି ପଡିଛି। ସୂଚନା ମୁତାବକ ଓଆର ୦୭ ଏଏ ୦୫୫୨ ଏକ ଆଳୁ ବୋଝେଇ ବୋଲେରୋ ପିକଅପ ବ୍ରହ୍ମପୁରରୁ ଭୁବନେଶ୍ୱର କଟକରୁ ଅଭିମୁଖେ ଯାଉଥିବା ବେଳେ ପାରିକଂସାରି ଓଭର ବ୍ରିଜ ଠାରେ ଅଚାନକ ପଛ ଚକା ଫାଟି ଯିବାରୁ ଭାରସାମ୍ୟ ହରାଇ ଓଲଟି ପଡିଥିଲା। ଘଟଣାସ୍ଥଳରେ ବଜରଙ୍ଗୀ ଦଳର କାର୍ଯ୍ୟକର୍ତ୍ତାମାନେ ପହଞ୍ଚି ଗାଡ଼ି ଚାଳକକୁ ଉଦ୍ଧାର କରିବା ସହ ରାସ୍ତାରେ ପଡିଥିବା ଆଳୁ ବସ୍ତା ଗୁଡିକୁ ରାସ୍ତା କଡ଼କୁ ଆଣିଥିଲେ। ସମ୍ପୃକ୍ତ ଗାଡି ଚଳକଙ୍କ କୌଣସି କ୍ଷୟକ୍ଷତି ହୋଇନଥିବା ବେଳେ ସହଯୋଗର ହାତ ବଢାଇଥିବା ବଜରଙ୍ଗୀ ଦଳର କାର୍ଯ୍ୟକର୍ତ୍ତା ମାନଙ୍କୁ ପ୍ରଶଂସାର ସୁଅ ଛୁଟିଛି।

ସୀତାରାମ ଅଗ୍ରୱାଲ ବାଣପୁର: ୧୯୬୩ ମସିହାରେ ପ୍ରତିଷ୍ଠିତ ଏବଂ ଓଡିଶାର ବରପୁତ୍ର ପଣ୍ଡିତ ଗୋଦାବରୀଶ ମିଶ୍ରଙ୍କ ନାମରେ ନାମିତ ଗୋଦାବରୀଶ ମହାବିଦ୍ୟାଳୟର ପୁରାତନ ଛାତ୍ର ସ°ଘ ରବିବାର ଦିନ ମହାବିଦ୍ୟାଳୟ ପରିସରରେ ଗଠିତ ହୋଇଯାଇଛି। ମହାବିଦ୍ୟାଳୟର ଅଧ୍ୟକ୍ଷ ବିନାୟକ ହୋତାଙ୍କ ସଭାପତିତ୍ୱରେ ଆୟୋଜିତ ଓ ସ°ଯୋଜକ ଲକ୍ଷ୍ମୀ ପ୍ରସାଦ ମିଶ୍ରଙ୍କ ସ°ଯୋଜନାରେ ପରିଚାଳିତ ଏହି ବୈଠକରେ ଅନେକ ପୁରାତନ ଛାତ୍ରଛାତ୍ରୀ ଯୋଗଦେଇ ନିଜନିଜର ଅନୁଭୂତି ବଖାଣିବା ସହ ପୁରାତନ ଛାତ୍ର ସ°ଘ ଜରିଆରେ ମହାବିଦ୍ୟାଳୟର ଉନ୍ନତିକରଣ ପାଇଁ ବିଭିନ୍ନ ମତ ଉପସ୍ଥାପନ କରିଥିଲେ। ଆହୂତ ବୈଠକରେ ପୁରାତନ ଛାତ୍ର ଓ ପୂର୍ବତନ ମନ୍ତ୍ରୀ ଡ଼ ଦେବେନ୍ଦ୍ର ନାଥ ମାନସିଂହଙ୍କୁ ପୁରାତନ ଛାତ୍ର ସଂଘର ସଭାପତି ଭାବରେ ମନୋନୀତ କରାଯାଇଥିବା ବେଳେଡ ଡ଼ା ନୃସିଂହ ଚରଣ ପ୍ରଧାନ କାର୍ଯ୍ୟକାରୀ ସଭାପତି, ଅମରେନ୍ଦ୍ର ରଣସି°ହ ଓ ମିଟୁ ନାୟକ ଉପସଭାପତି, ଲକ୍ଷ୍ମୀ ପ୍ରସାଦ ମିଶ୍ର ସମ୍ପାଦକ, ଏସ୍ କେ ମୋହିନୁଲ୍ ହକ୍ ଓ ମହେଶ୍ଵର…

ସୀତାରାମ ଅଗ୍ରୱାଲ ବାଣପୁର: ରବିବାର ଅପରାହ୍ନରେ ବାଣପୁର ମେଡିକାଲ ଛକ ନିକଟରେ ଏକ କାର ଦୁର୍ଘଟଣାଗ୍ରସ୍ତ ହୋଇଛି। ଖବରରୁ ଜଣାଯାଇଛି ଓଡି ୦୨ ବିଡି ୧୫୪୪ ନମ୍ବର ବିଶିଷ୍ଟ ଏକ ଟାଟାନିଅମ କାରରେ ଭୁବନେଶ୍ୱରରୁ ଚାଳକ ତାଙ୍କର ମାଙ୍କୁ ନେଇ ବାଣପୁର ଅଂଚଳର ତାଙ୍କ ବନ୍ଧୁଙ୍କ ଘରକୁ ଆସିଥିଲେ। ଭୁବନେଶ୍ୱର ଫେରୁଥିବା ବେଳେ ଚାଳକଙ୍କ ଅସାବଧାନତା ପାଇଁ ବଜାର ଅଂଚଳରେ ଥିବା ଏକ ବିଦ୍ୟୁତ ଖୁଣ୍ଟରେ କାରଟି ପିଟି ହୋଇଯାଇଥିଲା। ଯାହାଫଳରେ ଦୁର୍ଘଟଣାରେ ଚାଳକ ଏବଂ ତାଙ୍କ ମାଙ୍କର ଗଭୀର ଆଘାତ ହୋଇଥିବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଥିବା ପ୍ରତ୍ୟେକ୍ଷ ଦର୍ଶୀ କହିଛନ୍ତି। ରିପୋର୍ଟ ଲେଖା ହେଲାବେଳକୁ ଥାନାରେ କୌଣସି ମାମଲା ରୁଜୁ ହୋଇନଥିବା ଜଣାଯାଇଛି।