ମମିତା ମେହେରଙ୍କ ମା’ ତୁଲସୀ ମେହେର ଗୁରୁତର ଅସୁସ୍ଥ: ଚିକିତ୍ସା ପାଇଁ ବିଶାଖାପାଟଣା ସ୍ଥାନାନ୍ତର

Published: Oct 30, 2021, 1:56 pm IST

ଭୁବନେଶ୍ବର: ମମିତା ମେହେରଙ୍କ ମା’ ତୁଲସୀ ମେହେର ଗୁରୁତର ଅସୁସ୍ଥ ହୋଇପଡିଥିବା ସୂଚନା ରହିଛି। ତୁଲସୀ ଛାତିରେ ଯନ୍ତ୍ରଣା ଅନୁଭବ କରିବା ସହ ବାରମ୍ବାର ଅଚେତ ହୋଇପଡୁଥିବା ଶୁଣିବାକୁ ମିଳିଛି। ତେବେ ତାଙ୍କର ଚିକିତ୍ସା ପାଇଁ ହସ୍ପିଟାଲକୁ ନିଆଯାଇଛି। ତୁଲସୀଙ୍କୁ ଚିକିତ୍ସା ପାଇଁ ବିଶାଖାପାଟଣା ନିଆଯାଉଥିବା ସୂଚନା ମିଳିଛି। ଏନେଇ ପରିବାର ଲୋକଙ୍କ ପକ୍ଷରୁ ସୂଚନା ମିଳିଛି।

ଉଲ୍ଲେଖ ଯୋଗ୍ୟ ଯେ, ମମିତାଙ୍କ ହତ୍ୟାକାଣ୍ଡକୁ ନେଇ ସମଗ୍ର ରାଜ୍ୟରେ ବିରୋଧୀ ଦଳ ସକ୍ରିୟ ହୋଇପଡିଥିବା ବେଳେ ସରକାର ବିରୋଧରେ ଆନ୍ଦୋଳନ କରୁଛି। ବିରୋଧୀ ଦଳ ବିଜେପି ଏବଂ କଂଗ୍ରେସ ଦଳ କ୍ରମାଗତ ଭାବେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ବିରୋଧରେ ଆଇନଗତ ତଦନ୍ତ କରିବା ସହ ତାଙ୍କୁ ମନ୍ତ୍ରୀ ପଦବୀରୁ ବହିସ୍କାର ପାଇଁ ଦାବି କରୁଛନ୍ତି। ଗତକାଲି ବିଜେପିର ଏକ ମହିଳା ଦଳ ମମିତାଙ୍କ ଘରକୁ ଯାଇ ପରିବାର ଲୋକ ସହ ସାକ୍ଷାତ କରିଥିଲେ। ସେହିଭଳି କଂଗ୍ରେସ ମଧ୍ୟ ଆଜି ନବୀନ ନିବାସ ଆଗରେ ବିକ୍ଷୋଭ କରିଛି।

Related posts