ଭୁବନେଶ୍ବର: ଆସନ୍ତାକାଲି ପ୍ରଦେଶ କଂଗ୍ରେସ ଓଡିଶା ବନ୍ଦ ଡାକରା ଦେଇଛି। ମମିତା ମେହେର ହତ୍ୟାକାଣ୍ଡରେ ଏହି ବନ୍ଦ ଡାକରା ଦିଆଯାଇଛି। ଏଥିରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବୀ କରି ଏହି ବନ୍ଦ କରାଯିବ। ସେଥିପାଇଁ ଦଳ ତରଫରୁ ସମସ୍ତ ପ୍ରସ୍ତୁତି କରାଯାଇଛି। ଏହି ବନ୍ଦ ସକାଳ 6ଟାରୁ ଆରମ୍ଭ ହୋଇ ଦିନ 12ଟା ପର୍ଯ୍ୟନ୍ତ ଚାଲିବ ବୋଲି କୁହାଯାଇଛି।
ବର୍ତ୍ତମାନ କରୋନା ସମୟରେ ସାଧାରଣ ବ୍ୟବସାୟୀ ଖାଉଟି ହଇରାଣ ନ ହେବା ପାଇଁ କଂଗ୍ରେସ ଗୋଟେ ଓଳି ବନ୍ଦ ଡକରା ଦେଇଛି। ତେବେ ଏହି ବନ୍ଦ ସମୟରେ କୌଣସି ଅତ୍ୟାବଶ୍ୟକ ଜିନିଷ ନେବାଆଣିବାରେ ଅସୁବିଧା ହେବ ନାହିଁ। ଦଳ ତରଫରୁ କଂଗ୍ରେସ ଭବନରୁ ଏକ ରାଲି ବାହାରି ଲୋକସେବା ଭବନ ପର୍ଯ୍ୟନ୍ତ ଯିବ। ସେଠାରେ ଆନ୍ଦୋଳନ କରାଯିବ ବୋଲି ଘୋଷଣା କରାଯାଇଛି।
