ବେଙ୍ଗାଲୁର: କର୍ଣ୍ଣାଟକର କଂଗ୍ରେସ ନେତୃତ୍ୱାଧୀନ ସିଦ୍ଧରମେୟା ସରକାର ନିର୍ବାଚନ ସମୟରେ ଜିତିବା ଉଦ୍ଦେଶ୍ୟରେ ମତଦାତାଙ୍କୁ ଦେଇଥିବା ୫ଟି ଗ୍ୟାରେଣ୍ଟି ପ୍ରତିଶ୍ରୁତିକୁ ପୂରଣ କରିବା ପାଇଁ ଏବେ ଚିନ୍ତାରେ ପଡ଼ିଯାଇଛନ୍ତି। ୫ଟି ଗ୍ୟାରେଣ୍ଟି ପ୍ରତିଶ୍ରୁତିକୁ ପୂରଣ କରିବାକୁ ଆଦିବାସୀ ଓ ହରିଜନମାନଙ୍କ ଉନ୍ନତି ପାଇଁ ଥିବା ଅର୍ଥରୁ ୧୧ ହଜାର କୋଟି ଟଙ୍କା ଉଠାଇବାକୁ ଯାଉଛନ୍ତି।
ଏହି ଅର୍ଥ ଆଦିବାସୀ ଓ ହରିଜନ ସବ୍ ପ୍ଳାନରୁ ଉଠାଇବାକୁ ଯାଉଛନ୍ତି। ଏହି ଅର୍ଥ କେବଳ ଆଦିବାସୀ ଓ ହରିଜନମାନଙ୍କ ଉନ୍ନତି ପାଇଁ ବିନିଯୋଗ ହେବାର ବିଧି ରହିଛି। ନିର୍ବାଚନ ସମୟରେ ସିଦ୍ଧରମେୟା ସରକାର ଦେଇଥିବା ୫ଟି ଗ୍ୟାରେଣ୍ଟିକୁ ପୁରା କରିବା ପାଇଁ ୫୨ ହଜାର କୋଟି ଆବଶ୍ୟକ। ଏଥିପାଇଁ ସିଦ୍ଧରମେୟା ସରକାର ହରିଜନ ସବ୍ ପ୍ଲାନରୁ ୭ହଜାର ୭୦୦ କୋଟି ଓ ଆଦିବାସୀ ସବ୍ ପ୍ଲାନରୁ ୩ହଜାର ୪୩୦ କୋଟି ଟଙ୍କା ଉଠାଉଛନ୍ତି।
