ଭୁବନେଶ୍ବର: ଆସନ୍ତାକାଲି ମଙ୍ଗଳବାର ୨୬ ଡିସେମ୍ବର ହେଉଛି ବିଜୁ ଜନତା ଦଳର ୨୭ ତମ ପ୍ରତିଷ୍ଠା ଦିବସ। ଏହି ଉପଲକ୍ଷେ ଦଳ ତରଫରୁ ବ୍ୟାପକ କାର୍ଯ୍ୟକ୍ରମର ଆୟୋଜନ କରାଯାଇଛି। ସେହି ଅନୁସାରେ ଆସନ୍ତାକାଲି ୭ଟାରେ ଶଙ୍ଖଭଭନରେ ପତାକା ଉତ୍ତୋଳନ କରାଯିବ।
ଏହାପରେ ସକାଳ ୮ ଟାରୁ କଟକ ଆନନ୍ଦ ଭବନ ଠାରୁ ଏକ ବିଶାଳ ସାଇକଲ ରାଲି ଆରମ୍ଭ ହୋଇ, ଭୁବନେଶ୍ୱର ବିମାନ ବନ୍ଦର ବିଜୁ ବାବୁଙ୍କ ପ୍ରତିମୂର୍ତ୍ତି ପାଖରେ ସକାଳ ୯:୩୦ ରୁ ୯:୪୫ ମଧ୍ୟରେ ପହଂଚିବ। ଏହି ସାଇକେଲ ରାଲିର ନେତୃତ୍ବ ନେବେ ଦଳର ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ।
ଏହାପରେ ୯ ଟା ୩୦ ମିନଟରେ ଶଙ୍ଖ ଭବନ ଠାରେ ଏକ ବିଶାଳ ରକ୍ତ ଦାନ ଶିବିରର ଆୟୋଜନ କରାଯାଇଛି। ଏହାପରେ ୧୦ ଟା ୩୦ ମିନଟରେ ଭୁବନେଶ୍ୱର ଫରେଷ୍ଟ ପାର୍କ ସ୍ଥିତ ବିଜୁ ବାବୁଙ୍କ ପ୍ରତିମୂର୍ତ୍ତିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଷ୍ପମାଳା ଅର୍ପଣ କରିବେ।
Tags: ବିଜେଡ଼ି ପ୍ରତିଷ୍ଠା ଦିବସ
