ଭୁବନେଶ୍ବର: ଆଜି ବିଜୁ ଜନତା ଦଳ କେନ୍ଦ୍ରାପଡା ବିଜେପି ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡାଙ୍କ ବିରୋଧରେ ଗୁରୁତର ଅଭିଯୋଗ କରିଛି। ଦଳର ଏକ ପ୍ରତିନିଧୀ ମଣ୍ଡଳି ଓଡିଶା ମୁଖ୍ୟ ନିର୍ବାଚନ ଅଧିକାରୀଙ୍କୁ ତାଙ୍କ ବିରୋଧରେ ଏକ ଲିଖିତ ଅଭିଯୋଗ କରିଛନ୍ତି। ସେଥିରେ ସେମାନେ ଉଲ୍ଲେଖ କରିଛନ୍ତି ଯେ, ଶ୍ରୀ ପଣ୍ଡାଙ୍କ ବିରୋଧରେ ତୁରନ୍ତ ପଦକ୍ଷେପ ଗ୍ରହଣ କରାଯିବାକୁ ଦଳ ଦାବୀ କରିଛି।
ବିଜେଡି କହିଛି ଯେ, ଗତକାଲି ଶ୍ରୀ ପଣ୍ଡା କେନ୍ଦ୍ରାପଡାରେ ନିର୍ବାଚନ ପ୍ରଚାର କରୁଥିବା ବେଳେ 15 ରୁ 20 ପିଲା ସେଥିରେ ସାମିଲ ହୋଇଥିଲେ। ସେହି ସମୟରେ ଖୋଦ ବିଜେପି ପ୍ରାର୍ଥୀ ବୈଜୟନ୍ତ ପଣ୍ଡା ସେହି ଶୋଭାଯାତ୍ରାରେ ଥିଲେ। ଏହା ନିର୍ବାଚନ କମିଶନରଙ୍କ ଆଦର୍ଶ ଆଚରଣ ବିଧିର ଉଲ୍ଲଘଂନ କରୁଛି। ବିଜେଡି ଏ ନେଇ ଏକ ଫଟୋ ମଧ୍ୟ ନିର୍ବାଚନ ଅଧିକାରୀଙ୍କ ନିକଟରେ ଦାଖଲ କରିଛି।
