ରଣପୁର: ବିଧାନସଭା ନିର୍ବାଚନରେ ରଣପୁର ଆସନରୁ ବିଜେପି ପ୍ରାର୍ଥୀନୀ ସୁରମା ପାଢୀ ତାଙ୍କ ନିକଟତମ ପ୍ରତିଦ୍ୱନ୍ଦୀ ସତ୍ୟନାରାୟଣ ପ୍ରଧାନ (ବାଦଲ) କୁ ୧୫୩୪୬ ଭୋଟରେ ପରାସ୍ତ କରି ବିଜୟ ଲାଭ କରିଛନ୍ତି । ଏହା ପରେ ସୁରମା ଙ୍କୁ ବିଭିନ୍ନ ମହଲରୁ ଶୁଭେଛାର ସୁଅ ଛୁଟିଥିବା ବେଳେ ବିଜେଡି ମହଲରେ ନୈରାସ୍ୟ ଭାବ ଖେଳିଯାଇଛି ।
ଚଳିତ ବିଧାନସଭା ନିର୍ବାଚନରେ ବିଜେପି ,ବିଜେଡି , କଂଗ୍ରେସ .ସିପିଏମ ସହ ୭ ଜଣ ପ୍ରାର୍ଥୀ ପ୍ରତିନ୍ଦନ୍ଦିତା କରୁଥିଲେ। ଏହି ନିର୍ବାର୍ଚନରେ ବିଜେପି ପ୍ରାର୍ଥୀ ସୁରମା ପାଢୀ ମୋଟ ୮୧୦୦୨ ଭୋଟ ପାଇଥିଲା ବେଳେ ତାଙ୍କ ନିକଟତମ ପ୍ରତିଦ୍ୱନ୍ଦି ବିଜେଡିର ସତ୍ୟନାରାୟଣ ପ୍ରଧାନ ୬୫୬୫୬ ଖଣ୍ଡ ଭୋଟ ପାଇଥିଲେ । ଯାହାଫଳରେ ସୁରମା ସତ୍ୟନାରାୟଣଙ୍କଠାରୁ ୧୫୩୪୬ ଭୋଟ ଅଧିକା ପାଇଁ ବିଜୟୀ ଲାଭ କରିଛନ୍ତି । ଏହି ନିର୍ବାଚନରେ କଂଗ୍ରେସ ପ୍ରାଥୀ ର୍ ବିଭୁପ୍ରସାଦ ମିଶ୍ର ୪୯୧୨ ଭୋଟ ପାଇଛନ୍ତି ।
୨୦୦୦ ମସିହାରେ ବିଜେପି ବିଜେଡି ମେଣ୍ଟ ହୋଇଥିଲା । ସେତେବେଳେ ମେଣ୍ଟ ତରଫରୁ ରଣପୁରର ବିଜେପି ପ୍ରାର୍ଥୀ ସୁରମା ପାଢୀ ହୋଇଥିଲେ । କିନ୍ତୁ ଏହି ନିର୍ବାଚନରେ କଂଗ୍ରେସ ପ୍ରାର୍ଥୀ ରମାକାନ୍ତ ମିଶ୍ର ଙ୍କ ଠରୁ ସୁରମା ପରାସ୍ତ ହୋଇଥିଲେ । ୨୦୦୪ ମସିହାରେ ପୁଣି ବିଜେପି ବିଜେଡି ମେଣ୍ଟ ତରଫରୁ ସୁରମା ପାଢୀ ପ୍ରାର୍ଥୀ ହୋଇ ରମାକାନ୍ତ ମିଶ୍ର ଙ୍କୁ ପରାସ୍ତ କରି ବିଧାନସଭାକୁ ଯାଇ ଗୁରୁତ୍ୱପୂର୍ଣ୍ଣ ସମାବାୟ ମନ୍ତ୍ରୀ ହୋଇଥିଲେ ।
ପରେ ୨୦୦୯ ରେ ବିଜେପି ବିଜେଡି ମେଟଂ ଭାଙ୍ଗି ଯାଇଥିଲା । ସେତେବେଳେ ସୁରମା ବିଜେପି ପ୍ରର୍ଥୀ ଭାବେ ପ୍ରତିଦ୍ୱନ୍ଦିତା କରିଥିଲେ । କିନ୍ତୁ ସେ ୨୦୦୯ ରେ ବିଜେଡି ପ୍ରାର୍ଥୀ ସତ୍ୟନାରାୟଣ ପ୍ରଧାନ , ୨୦୧୪ ରେ ବିଜେଡି ପ୍ରାର୍ଥୀ ରବିନାରାୟଣ ମହାପାତ୍ର ଓ ୨୦୧୯ ରେ ପୁଣି ସତ୍ୟନାରାୟଣ ପ୍ରଧାନ ଙ୍କ ଠାରୁ ପରାସ୍ତ ହୋଇଥିଲେ । କିନ୍ତୁ ୨୦୨୪ ରେ ସୁରମାଙ୍କ ପାଇଁ ସୌଭାଗ୍ୟ ଆଣିଦେଇଛି ।
ଏବେ ସୁରମାଙ୍କ ବିଜୟ ପରେ କର୍ମିମାନେ ଖୁସି ହୋଇଛନ୍ତି ସତ, ହେଲେ ସୁରମା ଏଥର ମନ୍ତ୍ରୀ ହେବାର ସମ୍ଭାବନା ଥିବାରୁ ସେମାନେ ଆହୁରି ଅଧିକ ଖୁସି ହେଉଥିବାର ଜଣାପଡିଛି।
