ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଭାରତ କେବଳ ଜାତୀୟ ସ୍ୱାର୍ଥ ଦ୍ୱାରା ନିୟନ୍ତ୍ରିତ ହେବ।ଏକ ଟିଭି ଚ୍ୟାନେଲକୁ ସାକ୍ଷାତକାରରେ ସେ କହିଛନ୍ତି, ଏହା ରୁଷୀୟ ତେଲ ହେଉ କିମ୍ବା ଅନ୍ୟ କିଛି, ଆମେ ଦର ଏବଂ ଲଜିଷ୍ଟିକ୍ସ ଦୃଷ୍ଟିରୁ ଆମର ଆବଶ୍ୟକତା ଅନୁସାରେ ନିଷ୍ପତ୍ତି ନେବୁ। ଯେଉଁଠାରୁ ସୁବିଧା ହେବ ସେହି ଦେଶରୁ ତେଲ କିଣିବୁ।
ସେ କହିଛନ୍ତି ଯେ ନୂତନ GST ବ୍ୟବସ୍ଥା ନାଗରିକଙ୍କ ବ୍ୟବହାରକୁ ଉନ୍ନତ କରିବ ଏବଂ ଏହା ପୁଞ୍ଜି ଖର୍ଚ୍ଚକୁ ପ୍ରଭାବିତ କରିବ ନାହିଁ। ଶ୍ରୀମତୀ ସୀତାରମଣ କହିଛନ୍ତି, ସମସ୍ତ ସାମଗ୍ରୀ ଏବଂ ସେବାର 99 ପ୍ରତିଶତ ବର୍ତ୍ତମାନ ଶୂନ୍ୟ, ପାଞ୍ଚ କିମ୍ବା 18 ପ୍ରତିଶତ ବର୍ଗରେ ଅଛି।
ମନ୍ତ୍ରୀ ସୂଚନା ଦେଇଛନ୍ତି, ସରକାର 50 ପ୍ରତିଶତ ଆମେରିକୀୟ ଶୁଳ୍କ ଦ୍ୱାରା ପ୍ରଭାବିତ ରପ୍ତାନିକାରୀଙ୍କୁ ସମର୍ଥନ କରିବା ପାଇଁ ପଦକ୍ଷେପ ଉପରେ କାର୍ଯ୍ୟ କରୁଛନ୍ତି। ସେ କହିଛନ୍ତି, ରପ୍ତାନିକାରୀଙ୍କ ପାଇଁ ଏକ ପ୍ୟାକେଜ୍ ପ୍ରସ୍ତୁତ କରାଯାଉଛି।