ନୂଆଦିଲ୍ଲୀ: ଗୌତମ ଗମ୍ଭୀରଙ୍କ ପ୍ରଶିକ୍ଷକ ଭାବରେ ପ୍ରଥମ ବର୍ଷରେ ବିରାଟ କୋହଲି ଏବଂ ରୋହିତ ଶର୍ମା ଟେଷ୍ଟ କ୍ରିକେଟରୁ ଅବସର ନେଇଥିଲେ। ବର୍ଡର-ଗାଭାସ୍କର ଟ୍ରଫିରେ ଭାରତୀୟ ଦଳର ଖରାପ ପ୍ରଦର୍ଶନ ପରେ କିଛି ରିପୋର୍ଟରେ କୁହାଯାଇଛି ଯେ, ବରିଷ୍ଠ ଖେଳାଳି ଏବଂ ମୁଖ୍ୟ ପ୍ରଶିକ୍ଷକଙ୍କ ମଧ୍ୟରେ ମତଭେଦ ଥିଲା। ତାଙ୍କର ସଦ୍ୟତମ ବିବୃତ୍ତିରେ ଗୌତମ ଗମ୍ଭୀର ଇଙ୍ଗିତ କରିଛନ୍ତି ଯେ, ସେ ବିରାଟ କୋହଲି ଏବଂ ରୋହିତ ଶର୍ମାଙ୍କ ସହ ତାଙ୍କର ସମ୍ପର୍କକୁ ସେପରି ପରିଚାଳନା କରିପାରି ନାହାଁନ୍ତି ଯେପରି ସେ ଚାହିଁଥାନ୍ତେ। ଏ ବିଷୟରେ ପଚରାଯିବାରୁ ସେ କହିଛନ୍ତି ଯେ, ସେ ମଣିଷ ଏବଂ ଭୁଲ ପାଇଁ ତାଙ୍କୁ ମଧ୍ୟ ଛାଡ ଦିଆଯିବା ଉଚିତ।
Revsportz Conclave ରେ ଗୌତମ ଗମ୍ଭୀରଙ୍କୁ ପଚରାଯାଇଥିଲା ଜେ, “ଆପଣ ଟ୍ୱିଟ୍ କରିଥିଲେ ଯେ କିଛି ଲୋକ ଆପଣଙ୍କ ବିରୁଦ୍ଧରେ ଖେଳାଳିମାନଙ୍କୁ ଉସୁକାଇବାକୁ ଚେଷ୍ଟା କରୁଛନ୍ତି। ସ୍ପଷ୍ଟ ଭାବରେ, ଏହା ବିରାଟ କୋହଲି ଏବଂ ରୋହିତ ଶର୍ମାଙ୍କ ବିଷୟରେ ଥିଲା। ଆପଣ ଏକ ଡ୍ରେସିଂ ରୁମ୍ ସେୟାର କରନ୍ତି, ଆପଣ ଟିମ୍ ଇଣ୍ଡିଆ ପାଇଁ ଏକାଠି ମ୍ୟାଚ୍ ଜିତନ୍ତି। ଯେତେବେଳେ କୁହାଯାଏ ଯେ, ଆପଣ ବିରାଟ କିମ୍ବା ରୋହିତଙ୍କ ପରି ବରିଷ୍ଠ ଖେଳାଳିଙ୍କ ବିରୁଦ୍ଧରେ ଅଛନ୍ତି, ଏହା ଚାପ ସୃଷ୍ଟି କରିବା ଉଚିତ। ଆପଣ ଏସବୁ ସହିତ କିପରି ମୁକାବିଲା କରନ୍ତି? ଆପଣ ଏହି ମନ୍ତବ୍ୟଗୁଡିକ ସହିତ କିପରି ମୁକାବିଲା କରନ୍ତି?”
ଗୌତମ ଗମ୍ଭୀର କହିଛନ୍ତି ଯେ, “ମୁଁ ମଣିଷ ଏବଂ ମୋ ଭୁଲ ପାଇଁ ମୋତେ ମଧ୍ୟ ଛାଡ ଦିଆଯିବା ଉଚିତ। ଖେଳାଳିମାନଙ୍କୁ ଏବଂ ମୋତେ ମଧ୍ୟ ଭୁଲ କରିବାର ଛାଡ ମିଳେ। ଗତ ୧୮ ମାସରେ ମୁଁ ମଧ୍ୟ ଅନେକ ଭୁଲ କରିଥିବି। ମୁଁ କେବେ ଏହାକୁ ମନା କରିନାହିଁ। କିନ୍ତୁ ମୁଁ ବିଶ୍ୱାସ କରେ ଯେ, ଯଦି ଉଦ୍ଦେଶ୍ୟ ଠିକ୍ ଥାଏ, ତେବେ ଏକ ଭୁଲ ନିଷ୍ପତ୍ତି ଗ୍ରହଣୀୟ। କିନ୍ତୁ ଭୁଲ ଉଦ୍ଦେଶ୍ୟ ନେଇ ନିଆଯାଇଥିବା ନିଷ୍ପତ୍ତି, ଗ୍ରହଣୀୟ ନୁହେଁ। ସମସ୍ତଙ୍କୁ ଭୁଲ ପାଇଁ ଛାଡ ମିଳିବା ଉଚିତ।”
ଗୌତମ ଗମ୍ଭୀର କହିଛନ୍ତି ଯେ, “ଯେପର୍ଯ୍ୟନ୍ତ ମୁଁ ମୋର କାମ ସଚ୍ଚୋଟତାର ସହିତ କରୁଛି, ମସାଜରଠାରୁ ସହାୟକ ପ୍ରଶିକ୍ଷକ ପର୍ଯ୍ୟନ୍ତ ଡ୍ରେସିଂ ରୁମର ସମସ୍ତଙ୍କୁ ସଚ୍ଚୋଟତାର ସହିତ ବ୍ୟବହାର କରୁଛି, ମୁଁ ଅନୁଭବ କରୁଛି ଯେ, ମୁଁ ମୋର ଦାୟିତ୍ୱ ସମ୍ପୂର୍ଣ୍ଣ ସଚ୍ଚୋଟତାର ସହିତ ପାଳନ କରୁଛି।”