ନୂଆଦିଲ୍ଲୀ: ଓଡ଼ିଶା ଫେରିଲା ପୋସ୍କୋ। ଢିଙ୍କିଆରୁ ହଟିଥିଲା, ଢେଙ୍କାନାଳରେ କରିବ ବଡ଼ ନିବେଶ।ଢେଙ୍କାନାଳରେ JSW ସହ ମିଶି ବୃହତ ଷ୍ଟିଲ ପ୍ଲାଣ୍ଟ କରିବ ପୋସ୍କୋ। ଦିଲ୍ଲୀରେ ଆୟୋଜିତ ଭାରତ-କୋରିଆ ବ୍ୟାବସାୟିକ ଶିଖର ସମ୍ମିଳନୀରେ ଉଭୟଙ୍କ ମଧ୍ୟରେ ସ୍ୱାକ୍ଷରିତ ହୋଇଛି ମିଳିତ ଚୁକ୍ତି। କେନ୍ଦ୍ର ବାଣିଜ୍ୟ ମନ୍ତ୍ରୀ ପୀୟୁଷ ଗୋୟଲ, JSW ଗ୍ରୁପ୍ ଅଧ୍ୟକ୍ଷ ସଜ୍ଜନ ଜିନ୍ଦଲ ଓ POSCO ଅଧ୍ୟକ୍ଷ ଚାଙ୍ଗ ଇନ୍-ହ୍ୱାଙ୍କ ଉପସ୍ଥିତିରେ ଚୁକ୍ତି ସ୍ବାକ୍ଷରିତ ହୋଇଛି। ଢେଙ୍କାନାଳରେ ସ୍ଥାପନ ହେବ ବାର୍ଷିକ ୬ ମିଲିୟନ୍ ଟନ୍ କ୍ଷମତା ସମ୍ପନ୍ନ ବୃହତ ଷ୍ଟିଲ୍ ପ୍ଲାଣ୍ଟ। ଏଥିରେ ଉଭୟ କମ୍ପାନୀର ୫୦ ପ୍ରତିଶତ ଲେଖାଏଁ ଅଂଶଧନ ରହିବ। ଏହି ପ୍ରକଳ୍ପରେ ୩୫ ହଜାର କୋଟି ନିବେଶ ହେବ ବୋଲି ସୂଚନା ମିଳିଛି।
