ଭୁବନେଶ୍ବର: ଜିତୁ ମୁଣ୍ଡାଙ୍କ ଘଟଣାରେ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖିଲେ ବିରୋଧୀ ଦଳ ନେତା ନବୀନ ପଟ୍ଟନାୟକ । ଏହି ଘଟଣାରେ ତୁରନ୍ତ ହସ୍ତକ୍ଷେପ କରିବାକୁ ନିବେଦନ କରିଛନ୍ତି ନବୀନ । କେନ୍ଦୁଝର ଜିଲ୍ଲାର ଓଡିଶା ଗ୍ରାମ୍ୟ ବ୍ୟାଙ୍କର ମଲିପୋଷି ଶାଖା ସମ୍ପର୍କରେ ମଧ୍ୟ ସେ ଉଲ୍ଲେଖ କରିଛନ୍ତି । ଏପରି ତ୍ରୁଟି ପାଇଁ କିଏ ଦାୟୀ ତାହା ତୁରନ୍ତ ସ୍ଥିର କରାଯାଉ । ଏହା ଗ୍ରାମୀଣ ବ୍ୟାଙ୍କଗୁଡିକୁ ନାଗରିକ କେନ୍ଦ୍ରିକ ସେବା ପ୍ରଦାନକୁ ସହଜ କରିବ ବୋଲି ଉଲ୍ଲେଖ କରିଛନ୍ତି ।
ସୂଚନାଯୋଗ୍ୟ, ଜିତୁ ମୁଣ୍ଡାଙ୍କ ଘଟଣାରେ ସରକାର RDC ତଦନ୍ତ ନିର୍ଦ୍ଦେଶ ଦେଇଥିଲେ । RDC ଏହି ଘଟଣାରେ ବ୍ୟାଙ୍କକୁ ଦାୟୀ କରିଛନ୍ତି । ଅପରପକ୍ଷରେ ଆରଡ଼ିସିଙ୍କ ଏହି ତଦନ୍ତକୁ ବ୍ୟାଙ୍କ ସଂଘ ଚ୍ୟାଲେଞ୍ଜ କରିଛି।
