ଇମ୍ଫାଲ: ମଣିପୁରର କାଙ୍ଗପୋକପି ଜିଲ୍ଲାରେ ଆଜି ଉଗ୍ରପନ୍ଥୀଙ୍କ ଆକ୍ରମଣରେ ୩ ଜଣଙ୍କ ମୃତ୍ୟୁ ହୋଇଛି ଏବଂ ୪ ଜଣ ଆହତ ହୋଇଛନ୍ତି। ଏକ ଚର୍ଚ୍ଚର ସଦସ୍ୟମାନେ ଚୁରାଚାନ୍ଦପୁରରୁ ଏକ ଧାର୍ମିକ କାର୍ଯ୍ୟକ୍ରମରୁ ଫେରୁଥିବା ବେଳେ କୋଟଜିମ ଏବଂ କୋଟଲେନ ଗ୍ରାମ ନିକଟରେ ସେମାନଙ୍କ ଉପରକୁ ଉଗ୍ରପନ୍ଥୀମାନେ ଗୁଳି ଚଳାଇଥିଲେ। ମୃତକଙ୍କ ମଧ୍ୟରେ ଅଛନ୍ତି ରେଭରେଣ୍ଡ ବି ସିଲେହୋର ଯିଏ କି ମଣିପୁର ବାପ୍ଟିଷ୍ଟ କନଭେନସନ୍ର ଜଣେ ପୂର୍ବତନ ସାଧାରଣ ସମ୍ପାଦକ। ଅନ୍ୟ ୨ ମୃତକ ହେଉଛନ୍ତି ରେଭରେଣ୍ଡ କୈଗୋଲେନ ଏବଂ ପାଷ୍ଟର ପାଗୋଲେନ। ୩ ଜଣ ପ୍ରମୁଖ ଚର୍ଚ୍ଚ ସଦସ୍ୟଙ୍କୁ ହତ୍ୟା ତୀବ୍ର ଉତ୍ତେଜନା ସୃଷ୍ଟି କରିଛି। ମୁଖ୍ୟମନ୍ତ୍ରୀ ୱାଇ ଖେମଚାନ୍ଦ ସିଂହ ଏହି ଘଟଣାର ନିନ୍ଦା କରିବା ସହ ଶାନ୍ତି ରକ୍ଷା ପାଇଁ ନିବେଦନ କରିଛନ୍ତି।
