ଚିଲିକା: ଚିଲିକା ନିର୍ବାଚନ ମଣ୍ଡଳୀ ଅନ୍ତର୍ଗତ ହରିପୁର ଶାସନ ଗ୍ରାମର ଆରାଧ୍ୟ ଦେବତା ପଶ୍ଚିମାଭିମୁଖୀ ମହାଶମ୍ଭୁ ଶ୍ରୀ ଶ୍ରୀ ବାବା ପ୍ରତାପେଶ୍ବର ମହାଦେବଙ୍କ ପୀଠରେ ଅନୁଷ୍ଠିତ ହେଉଥିବା ସପ୍ତବିଂଶତମ ରୁଦ୍ର ମହାଯଜ୍ଞ ଓ ଅଷ୍ଟତ୍ରିଂଶ ଶମ୍ଭୁ ମିଳନ ଉତ୍ସବରେ ଯୋଗଦେଇ ପୀଠାଧିପତି ପ୍ରଭୁ ଶ୍ରୀ ଶ୍ରୀ ବାବା ପ୍ରତାପେଶ୍ବର ଦେବଙ୍କ ସମେତ ଛଅ ଗୋଟି ଜିଲ୍ଲାରୁ ଆଗମନ କରିଥିବା ଶମ୍ଭୁ, ଶକ୍ତି ସ୍ବରୁପା କାଠି ଠାକୁରାଣୀ ଓ ଶ୍ରୀ ବିଷ୍ଣୁଙ୍କୁ ଦର୍ଶନ କରି ଆଶୀର୍ବାଦ ଭିକ୍ଷା କରିବା ସହ ଅଞ୍ଚଳବାସୀଙ୍କ ସୁଖ, ଶାନ୍ତି ଓ ପ୍ରଗତି ନିମନ୍ତେ ପ୍ରାର୍ଥନା କରିଛନ୍ତି ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ।
ଭକ୍ତି, ଆଧ୍ୟାତ୍ମିକତା ଓ ସାଂସ୍କୃତିକ ପରମ୍ପରାର ଏହି ମହାମିଳନ ଉତ୍ସବ ସମଗ୍ର ଅଞ୍ଚଳକୁ ଏକ ଆଧ୍ୟାତ୍ମିକ ପରିବେଶରେ ଉଦ୍ଭାସିତ କରିଥିଲା। ସମସ୍ତ ଆୟୋଜକ ସଦସ୍ୟ ବୃନ୍ଦ, ଗ୍ରାମବାସୀ,ଉପସ୍ଥିତ ସ୍ଥାନୀୟ ମୁରବୀ,ପ୍ରତିନିଧି, ଗୁରୁଜନ, ଶ୍ରଦ୍ଧାଳୁ, ଜନସାଧାରଣ ତଥା କର୍ମକର୍ତ୍ତା ମାନଙ୍କୁ ସେ ଆନ୍ତରିକ ଶୁଭେଚ୍ଛା ଜଣାଇବା ସହ ଅଶେଷ ଧନ୍ୟବାଦ୍ ଜ୍ଞାପନ କରିଛନ୍ତି।