ଭୁବନେଶ୍ୱର: ୩୦ ଦଫା ଦାବି ନେଇ ତିନି ଦିନ ଧରି ଆନ୍ଦୋଳନ କରୁଥିବା ଅନ୍ଲାଇନ୍ ଚାଳକଙ୍କ ଆନ୍ଦୋଳନ ଆଜି ଉଗ୍ର ରୂପ ନେଇଛି। ମାଷ୍ଟରକ୍ୟାଣ୍ଟିନ୍ ଛକରେ ରାସ୍ତାରୋକକୁ ନେଇ ପୁଲିସ ଓ ଆନ୍ଦୋଳନକାରୀଙ୍କ ମଧ୍ୟରେ ହାତାହାତି ସହ ଢେଲାପଥର ମାଡ଼ ହୋଇଥିଲା।
ଆନ୍ଦୋଳନକାରୀଙ୍କ ପଥରମାଡ଼ରେ ଆମ ବସ୍ ଓ ପୁଲିସ ଗାଡ଼ି ସମେତ ୧୫ରୁ ଅଧିକ ଗାଡ଼ି ଭାଙ୍ଗିଛି। ପୁଲିସ ଉପରେ ମଧ୍ୟ ପଥରମାଡ଼ ହୋଇଥିବା ବେଳେ କିଛି କର୍ମଚାରୀ ଆହତ ହୋଇଛନ୍ତି। ସ୍ଥିତି ନିୟନ୍ତ୍ରଣ ପାଇଁ ପୁଲିସ ପାଣିମାଡ଼ ଓ ଲାଠିଚାର୍ଜ କରିଥିଲା। ଏଥିରେ ୧୨ରୁ ଅଧିକ ଆନ୍ଦୋଳନକାରୀ ଆହତ ହୋଇଛନ୍ତି।
ପୁଲିସ ଶତାଧିକ ଆନ୍ଦୋଳନକାରୀଙ୍କୁ ଉଠାଇ ନେଇଥିବା ବେଳେ ଅନେକଙ୍କୁ ଗିରଫ କରିଛି। ଘଟଣାରେ ପିଡିପିପି ଆକ୍ଟ ଅନୁସାରେ ମାମଲା ରୁଜୁ ହୋଇଛି।
ଚାଳକଙ୍କ ଦାବି ନେଇ ସରକାର ଆଲୋଚନା ପାଇଁ ପ୍ରସ୍ତୁତ ଥିବା ପରିବହନ ମନ୍ତ୍ରୀ ବିଭୂତି ଜେନା କହିଥିବା ବେଳେ ଆଇନକୁ ହାତକୁ ନନେବାକୁ ଚେତାବନୀ ଦେଇଛନ୍ତି।