ପଶ୍ଚିମବଙ୍ଗର ସବୁଠୁ ବଡ଼ ପର୍ବ ତଥା ଗଣପର୍ବ ହେଉଛି ଦୁର୍ଗା ପୂଜା । ଏଥିପାଇଁ ପ୍ରସ୍ତୁତି ପୂରା ଜୋର୍ସୋର୍ରେ ଚାଲିଛି । ଏହି ପ୍ରସ୍ତୁତି ଭିତରେ ପଶ୍ଚିମବଙ୍ଗର ଦୁଇ ଲୋକସଭା ସାଂସଦଙ୍କ ଦୁର୍ଗାପୂଜା ଉପଲକ୍ଷେ ଗୋଟେ ସୁନ୍ଦର ଗୀତର ଭିଡିଓ ଭାଇରାଲ୍ ହୋଇଛି । ନବନିଯୁକ୍ତ ତୃଣମୂଳ କଂଗ୍ରେସର ସାଂସଦ ନୁସରତ୍ ଜହାଁ ଓ ମିମି ଚକ୍ରବର୍ତ୍ତୀଙ୍କ ସହ ଲୋକପ୍ରିୟ ତାରକା ଶୁଭଶ୍ରୀ ଗାଙ୍ଗୁଲିଙ୍କୁ ମଧ୍ୟ ଦେଖିବାକୁ ମିଳିଛି । ଏହି ଭିଡିଓକୁ ବର୍ତ୍ତମାନ ସୁଦ୍ଧା ପାଖାପାଖି ୧.୫ ମିଲିୟନ୍ରୁ ଅଧିକ ଥର ଦେଖିସାରିଲେଣି । ସୂଚନାଯୋଗ୍ୟ, ନୁସରତ୍ ବଶୀରହାଟ୍ ନିର୍ବାଚନ କ୍ଷେତ୍ରରୁ ପ୍ରତିନିଧିତ୍ବ କରୁଥିବାବେଳେ ମିମି ଯାଧବପୁରରୁ ସାଂସଦ ହୋଇଛନ୍ତି । ଦୁର୍ଗାପୂଜା ଅକ୍ଟୋବର ୩ରୁ ଅକ୍ଟୋବର ୮ ପର୍ଯ୍ୟନ୍ତ ଅନୁଷ୍ଠିତ ହେବ । ଏହି ଗୀତକୁ ଇନ୍ଦ୍ରଦୀପ୍ ଦାସ ଗୁପ୍ତା ସଙ୍ଗୀତ ନିର୍ଦ୍ଦେଶନା ଦେଇଥିବାବେଳେ ବାବା ଯାଦବ ଏହାର କୋରିଓଗ୍ରାଫି କରିଛନ୍ତି । ଏହି ଡ୍ୟାନ୍ସ ଭିଡିଓଧରେ ବଙ୍ଗଳାର ପାରମ୍ପରିକ ଛଉ ନୃତ୍ୟ ମଧ୍ୟ ଦେଖିବାକୁ ମିଳିଛି।
