ଝାରଖଣ୍ଡ,23/11 : ଝାରଖଣ୍ଡର ଲାତେହାର ଜିଲ୍ଲାରେ ଶୁକ୍ରବାର ସନ୍ଧ୍ୟାରେ ନକ୍ସଲଙ୍କ ସହିତ ସଙ୍ଘର୍ଷରେ 4 ଯବାନ ଶହୀଦ ହୋଇଛନ୍ତି । ଗତକାଲି ରାତିରେ ହୋଇଥିବା ଗୁଳି ବିନିମୟରେ 4 ଜଣ ଯବାନ ଶହୀଦ୍ ହୋଇଛନ୍ତି । ଚାନ୍ଦୱା ପୁଲିସ୍ ଥାନା ଅଧୀନରେ ଏକ ଗାଡ଼ିରେ ସୁରକ୍ଷାକର୍ମୀ ଯାଉଥିବା ସମୟରେ ଏହି ଆକ୍ରମଣ ହୋଇଥିଲା । ଝାରଖଣ୍ଡ ନିର୍ବାଚନ ପୂର୍ବରୁ ଏହି ଆକ୍ରମଣ ସୁରକ୍ଷାବଳଙ୍କ ପାଇଁ ମୁଣ୍ଡବ୍ୟଥାର କାରଣ ହୋଇଛି । ଝାରଖଣ୍ଡର 81 ଆସନ ପାଇଁ ଆସନ୍ତା 30 ତାରିଖରୁ ବିଧାନସଭା ନିର୍ବାଚନ ହେବ । 5 ପର୍ଯ୍ୟାୟରେ ହେବାକୁ ଥିବା ନିର୍ବାଚନ ଆସନ୍ତା ଡିସେମ୍ବର 23 ତାରିଖରେ ଶେଷ ହେବ ବୋଲି ଜଣାପଡିଛି । (ଏଜେନ୍ସୀ)
