ନୂଆଦିଲ୍ଲୀ, 26/12 : ଗୁରୁବାର ସଙ୍ଗଠିତ ହୋଇଥିବା ବର୍ଷର ଶେଷ ସୂର୍ଯ୍ୟପରାଗ ଦେଖିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଢ ଲକ୍ଷ ଟଙ୍କାର ଚଷମା ପିନ୍ଧିଛନ୍ତି । ସୂର୍ଯ୍ୟପରାଗ ଦେଖୁଥିବା ସମୟର ଫଟୋ ସୋସିଆଲ ମିଡିଆରେ ସେୟାର କରିଥିଲେ । ସୋସିଆଲ ମିଡିଆରେ ସେୟାର ପରେ ଏହାକୁ ନେଇ ବିଭିନ୍ନ ମିମ୍ ଦେଖିବାକୁ ମିଳିଛି । କିଛି ଲୋକ ମୋଦିଙ୍କ ସପକ୍ଷରେ ମିମ୍ ପୋଷ୍ଟ କରିଥିବା ବେଳେ କିଛି ମୋଦିଙ୍କ ବିପକ୍ଷରେ ଦେଖିବାକୁ ମିଳିଛି । ଏକ ମିମ୍ରେ ମୋଦି ଏହି ଚଷମାରେ ରାହୁଲ ଓ ସୋନିଆଙ୍କୁ ଦେଖୁଛନ୍ତି ବୋଲି ଲେଖାଯାଇଥିବା ବେଳେ ଅନ୍ୟ ଏକ ମିମ୍ରେ ମୋଦିଙ୍କ 5 ଟ୍ରିଲିୟନ୍ ଅର୍ଥନୀତି ଉପରେ କମେଣ୍ଟ କରାଯାଇଥିଲା । ମୋଦି ପିନ୍ଧିଥିବା ଏହି ଚଷମାଟି ଜର୍ମାନୀରେ ନିର୍ମିତ ହୋଇଥିବା ବେଳେ ଏହାର ମୂଲ୍ୟ 1.5 ଲକ୍ଷ ଟଙ୍କା ରହିଛି । (ଏଜେନ୍ସୀ)
