ଏଟିଏମ୍‌ରୁ ସଂକ୍ରମିତ ହେଲେ ଗୁଜୁରାଟର ତିନି ଯବାନ୍‌!, କ୍ବାରେଣ୍ଟାଇନ୍‌ରେ ଗଲେ 28 ଲୋକ

Published: Apr 24, 2020, 8:52 am IST

ଗୁଜୁରାଟ : ଗୁଜୁରାଟର ବରଦୋରାଠାରେ ତିନି ଯବାନ କରୋନାରେ ସଂକ୍ରମିତ ହୋଇଛନ୍ତି । ପ୍ରାଥମିକ ପର୍ଯ୍ୟାୟ ଟେଷ୍ଟ ଅନୁସାରେ ଏକ ଏଟିଏମ୍‌ ବୁଥ୍‌କୁ ଏହି ତିନି ଯବାନ୍‌ମାନେ ବ୍ୟବହାର କରିଥିଲେ । ଗୋଟିଏ ଦିନରେ ତିନିଜଣ ଯାକ ଏଟିଏମ୍‌ରୁ ଟଙ୍କା ଉଠାଇ ନେଇଥିଲେ। ଏଟିଏମ୍ ଯୋଗୁଁ ଏହି ତିନି ଯବାନ୍‌ ସଂକ୍ରମିତ ହୋଇଥିବାର ଆଶଙ୍କା କରାଯାଉଛି। ଏହି ଯବାନ୍‌ଙ୍କ ସମ୍ପର୍କରେ ଆସିଥିବା 28ଜଣ ବ୍ୟକ୍ତିଙ୍କର ମଧ୍ୟ କରୋନା ଟେଷ୍ଟ କରାଯିବ । ଏହି ସମସ୍ତଙ୍କୁ କ୍ବାରେଣ୍ଟାଇନ୍‌କୁ ପଠାଯାଇଛି ।

ଦେଶରେ କରୋନା ଦ୍ରୁତ ଗତିରେ ବ୍ୟାପିବାରେ ଲାଗିଛି। ପୋଲିସ୍‌ କର୍ମୀ, ସୁରକ୍ଷା ବାହିନୀ ଏବଂ ତିନି ବାହିନୀ ଉପରେ ମଧ୍ୟ କରୋନା ପ୍ରଭାବ ପଡିଛି । ନିକଟରେ ମହାରାଷ୍ଟ୍ରର ନୌସେନାରେ କାମ କରୁଥିବା ଜଣେ ଅଧିକାରୀ କରୋନାରେ ସଂକ୍ରମିତ ହେବା ପରେ 25 ଜଣ ନୌସେନା କର୍ମଚାରୀଙ୍କ ଟେଷ୍ଟ କରାଯାଇଥିଲା । ଏଥିରେ 21 ଜଣଙ୍କ ପଜିଟିଭ୍‌ ରିପୋର୍ଟ ଆସିଥିଲା ।

ସୂଚନାଯୋଗ୍ୟ, ଦେଶରେ ଦ୍ରୁତ ଗତିରେ କରୋନା ସଂକ୍ରମଣ ହୋଇଚାଲିଛି । ଲକ୍‌ ଡାଉନ୍‌ ଜାରି ରହିଥିବା ସତ୍ତ୍ବେ ଦେଶରେ କରୋନା ପ୍ରଭାବ ବଢିବାରେ ଲାଗିଛି । ଏବେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା 21 ହଜାର 700 ପର୍ଯ୍ୟନ୍ତ ପହଞ୍ଚିଥିବାବେଳେ 686ଙ୍କର ମୃତ୍ୟୁ ହୋଇଛି । (ଏଜେନ୍ସି)

Related posts