ଭୁବନେଶ୍ବର : ଆସନ୍ତା କାଲି ଠାରୁ ଆରମ୍ଭ ହେବ ରଥ ନିର୍ମାଣ କାର୍ଯ୍ୟ । ଗଜପତି ମହାରାଜ ଏହି ସୂଚନା ଦେଇଛନ୍ତି । ମଙ୍ଗଳବାର ଠାରୁ ରଥକାମ ଆରମ୍ଭ କରିବା ନେଇ ଗଜପତି ମହାରାଜ ସରକାରଙ୍କୁ ପରାମର୍ଶ ଦେଇଛନ୍ତି । ପୁରୀ ଗ୍ରୀନ୍ ଜୋନ୍ରେ ରହିଥିବାରୁ ରଥ ନିର୍ମାଣ କାର୍ଯ୍ୟ ଆରମ୍ଭ କରିବାରେ କୌଣସି ଅସୁବିଧା ନାହିଁ ବୋଲି ଗଜପତି ମତ ଦେଇଛନ୍ତି । ଏ ନେଇ ରଥ ନିର୍ମାଣ କମିଟି ପକ୍ଷରୁ ସରକାରଙ୍କୁ ପରାମର୍ଶ ଦିଆଯାଇଛି । ରଥ ନିର୍ମାଣ ଏକ ଧାର୍ମିକ କାର୍ଯ୍ୟ ନୁହେଁ ଏବଂ ରଥଖଳା ଏକ ସର୍ବସାଧାରଣ ସ୍ଥାନ ହୋଇନଥିବାରୁ ସୋସିଆଲ ଡିଷ୍ଟାନ୍ସିଂକୁ ଧ୍ୟାନରେ ରଖି କାମ କରିବା ପାଇଁ ରଥ ନିର୍ମାଣ କମିଟି ପକ୍ଷରୁ ସରକାରଙ୍କୁ ପ୍ରସ୍ତାବ ଦିଆଯାଇଛି । ତେବେ ଅନ୍ତିମ ନିଷ୍ପତ୍ତି ସରକାର ନେବେ ବୋଲି ଜଣାପଡିଛି ।
