ତାମିଲନାଡୁ : କରୋନା ମହାମାରୀ ଯୋଗୁଁ ଦେଶ ସାରା ଲକ୍ଡାଉନ୍ ଜାରି ରହିଥିବାବେଳେ ଜୁଲାଇର ପ୍ରଥମାର୍ଦ୍ଧରୁ ଅନେକ ସ୍ଥାନରେ ଅନଲକ୍ ପ୍ରକ୍ରିୟା ଆରମ୍ଭ ହୋଇଛି । କିନ୍ତୁ କରୋନା ମାମଲା ବୃଦ୍ଧି ଦେଖି କିଛି କଟକଣା ଜାରି କରାଯାଇଛି । କିନ୍ତୁ ଦେଖାଯାଉଛି କେହି କେହି ଏହାର କଟକଣା ପାଳନ କରୁନାହାନ୍ତି । ନିକଟରେ ତାମିଲନାଡୁର ତିରୁପଟ୍ଟୁର ଜିଲ୍ଲାରୁ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଜଣେ ଯୁବକ ଲକ୍ଡାଉନ୍ ନିୟମର କଟକଣାକୁ ଠିକ୍ ରୂପେ ପାଳନ ନ କରିବାରୁ ପୋଲିସ୍ ଉକ୍ତ ଯୁବକକୁ ଅଟକ ରଖିବା ସହ ତାଙ୍କ ଗାଡିକୁ ଜବତ କରିଥିଲା କିନ୍ତୁ ଯୁବକ ଜଣକ ଏଥିରେ ଉତ୍କ୍ଷିପ୍ତ ହୋଇ ନିଜକୁ ନିଆଁ ଲଗାଇଦେଇଛି ।
ମିଳିଥିବା ସୂଚନା ଅନୁସାରେ ଯୁବକଟିର ନାମ ମୁଗଲିନ୍ । 27 ବର୍ଷୀୟ ମୁଗଲିନ୍ ଅମ୍ବୁର୍ର ଅାନ୍ନା ନଗରରେ ରହୁଥିଲେ । ରବିବାର ଦିନ ସେ ତାଙ୍କ ଦୁଇ ଚକିଆ ଯାନରେ ମଟଗରସ୍ତି ଯିବା ସମୟରେ ଧରାପଡିଥିଲେ । ତାମିଲନାଡୁରେ ଜୁଲାଇ 31 ପର୍ଟ୍ରନ୍ତ ସମସ୍ତ ରବିବାରକୁ ସଟ୍ଡାଉନ୍ ଘୋଷଣା କରାଯାଇଛି । କିନ୍ତୁ ମୁଗଲିନ୍ ଏହି ନିୟମର ପାଳନ କରିନଥିଲେ । ସ୍ଥାନୀୟ ପୋଲିସ୍ ଜିଲ୍ଲାରେ ବହୁ ସ୍ଥାନରେ ଚେକ୍ ପୋଷ୍ଟ କରିଛନ୍ତି ।
ମଗୁଲିନ୍କୁ ଅଟକ ରଖିଥିଲେ ପୋଲିସ୍ । ଏହା ପରେ ପୁଲିସ୍ ତାଙ୍କ ଦୁଇଚକିଆ ଗାଡିକୁ ଜବତ କରିବା ସହ ତାଙ୍କ ବିରୁଦ୍ଧରେ ଭାରତୀୟ ଦଣ୍ଡ ସଂହିତା 269 ଓ 188, କରୋନା ମହାମାରୀ ଅନ୍ତର୍ଗତ ସେକ୍ସନ 2 ଓ 3ଅନ୍ତର୍ଗତ ବିପର୍ଯ୍ୟୟ ଆଇନ 51 (ବି) ଆଧାରରେ ମାମଲା ରୁଜୁ କରିଥିଲା ।
ଏହା ପରେ ମୁଗଲିନ୍ ପୋଲିସ୍ ସହ ଯୁକ୍ତିତର୍କ କରିଥିଲେ । ପୋଲିସ୍ ତାଙ୍କ ଗାଡି ଦେବାକୁ ମନା କରିଥିଲ । ଏହା ପରେ ମୁଗଲିନ୍ ରାଗରେ ଘରକୁ ଫେରି କିରୋସିନି ଆଣି ପୋଲିସ୍ ଚେକ୍ ପୋଷ୍ଟର କିଛି ଦୂରରେ ନିଜକୁ ନିଆଁ ଲଗାଇ ଦେଇଥିଲା । ଏହାର ଏକ ଭିଡିଓ ଏବେ ଭାଇରାଲ୍ ହୋଇଛି ।
ମଗୁଲିନ୍ଙ୍କୁ ତୁରନ୍ତ ଅମ୍ବୁରର ସରକାରୀ ହସ୍ପିଟାଲ ନିଆଯାଇଥିଲା । ଏହା ପରେ ତାଙ୍କୁ ବେଲ୍ଲୋର ସିଏମ୍ସି ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ମିଳିଥିବା ସୂଚନା ଅନୁସାରେ ତାଙ୍କ ଶରୀରର 80 ପ୍ରତିଶତ ଜଳି ଯାଇଛି । ତିରୁପଟ୍ଟୁରର ଏସ୍ପି ବିଜୟ କୁମାର ଡିଏସ୍ପି ପ୍ରବୀଣ କୁମାର ବିଭାଗୀୟ ଯାଞ୍ଚ ପାଇଁ ଆଦେଶ ଦେଇଛନ୍ତି। (ଏଜେନ୍ସି)
