ସୀତାରାମ ଅଗ୍ରୱାଲ
ବାଣପୁର: ଖୋର୍ଦ୍ଧା ଜିଲ୍ଲା ବାଣପୁର ଥାନା ସାମ୍ନାରେ ନଷ୍ଟ ହେଉଛି ହଜାର ହଜାର ଲିଟର ପିଇବା ପାଣି। ଥାନା ସାମ୍ନାରେ ଥିବା ରୋଡର ଭୂତଳରେ ବିଛାଯାଇଥିବା ଏକ ସପ୍ଲାଇ ପାଣି ପାଇପ ଫାଟିଯାଇଥିବାରୁ ପ୍ରତ୍ୟେକ ଦିନ ଘଣ୍ଟା ଘଣ୍ଟା ଧରି ପିଇବା ପାଣି ନଷ୍ଟ ହେଉଛି। ମିଳିଥିବା ସୂଚନା ଅନୁଯାୟୀ ବାଣପୁର ଏନ.ଏ.ସି ଅଞ୍ଚଳରେ ଦିନକୁ ଦୁଇ ଥର ଲେଖାଏଁ ପାଖାପାଖି ୫ ଘଣ୍ଟା ପର୍ଯ୍ୟନ୍ତ ପିଇବା ପାଣି ସପ୍ଲାଏ ହୋଇଥାଏ। ପବ୍ଲିକ ହେଲଥ ଡିପାର୍ଟମେଣ୍ଟ ପାଖରେ ରହିଛି ଏହାର ରକ୍ଷଣାବେକ୍ଷଣ ଦାୟିତ୍ତ୍ଵ।
କିନ୍ତୁ ବଡ଼ ଆଶ୍ଚର୍ଯ୍ୟ ର ବିଷୟ ମାସ ମାସ ଧରି ପ୍ରତ୍ୟେକ ଦିନ ଏହିପରି ଭାବେ ହଜାର ହଜାର ଲିଟର ପିଇବା ପାଣି ନଷ୍ଟ ହେଉଥିବା ସ୍ଥଳେ ବିଭାଗୀୟ ଯନ୍ତ୍ରୀ କୁମ୍ଭକର୍ଣ୍ଣ ନିଦ୍ରାରେ ଶୋଇଛନ୍ତି। ଯଦି ଜଣେ ସାଧାରଣ ନାଗରିକ ସରକାରୀ ପାଣିର ଅପଚୟ କଲେ ତାଙ୍କ ନାମରେ ଏନ.ଏ.ସି ତରଫରୁ ପାଞ୍ଚ ଆଇନ କେସ ଦିଆଯାଉଛି। ତେବେ ଏଠି ଖୋଦ ସରକାରୀ ଯନ୍ତ୍ରୀଙ୍କ ଅବହେଳା ଲାଗି ପ୍ରତିଦିନ ଯେଉଁ ହଜାର ହଜାର ଲିଟର ପିଇବା ପାଣି ନଷ୍ଟ ହେଉଛି ତାଙ୍କ ନାମରେ ଏନ.ଏ.ସି କାର୍ଯ୍ୟନିର୍ବାହୀ ଅଧିକାରୀ କେସ ଦେଇପାରିବେ ତ? ତାଙ୍କ ବିରୁଦ୍ଧରେ କଣ ପାଇଁ କାର୍ଯ୍ୟାନୁଷ୍ଠାନ ନେଉନାହାନ୍ତି ଏନ.ଏ.ସି କର୍ତ୍ତୃପକ୍ଷ?
Thousands Of Litres Drinking Water Daily Wastage For 4-5 Hours In Banpur N.A.C Since Month (Visual – In front Of Banpur P.S). Strange PHD A.E, Balugaon Till Today Not Focused This @HFWOdisha @HFWOdisha @DMKhordha @CMO_Odisha @OdishaWater @MoSarakaar pic.twitter.com/OGnx2vcsYB
— Journalist Sitaram Agrawal (@BeingSitu) September 7, 2020
ଜଳ ହିଁ ଜୀବନ ଏହି ଉକ୍ତି କେବଳ ଲେଖାରେ ସୀମିତ ହୋଇ ରହିଛି। ମାତ୍ର ପାଞ୍ଚ କିଲୋମିଟର ଦୂରରେ ଥିବା ବାଲୁଗାଁ ଏନ.ଏ.ସି ର ଜନସାଧାରଣମାନେ ହଜାର ହଜାର ଟଙ୍କା ଦେଇ ସରକାରଙ୍କ ଠୁ ପିଇବା ପାଣି କିଣିକି ପିଉଥିବା ବେଳେ ବାଣପୁର ଏନ.ଏ.ସି ରେ ଏ ଅବସ୍ଥା ଦେଖି ଲୋକେ କହିଲେଣି ସରକାର କା ମାଲ ଦରିଆ ମେ ଡାଲ। ଅନ୍ୟ ପକ୍ଷରେ ବାଣପୁର ଏନ.ଏ.ସି ରେ ଅର୍ଦ୍ଧାଧିକ ୱାର୍ଡ ରେ ମଇଳା ସପ୍ଲାଏ ପାଣି ଆସୁଥିବା ଅଭିଯୋଗ ହେଉଛି।
ତେବେ ସହକାରୀ ଯନ୍ତ୍ରୀ ମହୋଦୟ ବାଲୁଗାଁ କାର୍ଯ୍ୟାଳୟରେ ବସି କେବଳ କାଗଜ କଲମରେ ସବୁ ଠିକ ଠାକ ଚାଲିଥିବା ଦର୍ଶାଉଛନ୍ତି। କିନ୍ତୁ ଗ୍ରାଉଣ୍ଡ ରିପୋର୍ଟ ନେବା ପାଇଁ କେବେ ହେଲେ କ୍ଷେତ୍ର ପରିଦର୍ଶନ ପାଇଁ ଆସୁନାହାନ୍ତି। କଣ ସେଥିପାଇଁ ଏମିତି ସାଙ୍ଘାତିକ ଘଟଣାମାନ ତାଙ୍କ ନଜରକୁ ଆସୁନାହିଁ? ଯଥାଶୀଘ୍ର ପିଇବା ପାଣିର ଅପଚୟକୁ ରୋକାନଗଲେ ଏବଂ ମଇଳା ସପ୍ଲାଏ ପାଣି ସମସ୍ୟାର ସମାଧାନ କରାନଗଲେ ଆଗାମୀ ଦିନରେ ବଡ଼ ଆନ୍ଦୋଳନ ମୁଣ୍ଡ ଟେକିବାର ସମ୍ଭାବନାକୁ ଏଡାଇ ଦିଆଯାଇନପାରେ।
