BUDGET 2021: ଶେଷରେ, କରୋନା ଯୋଗୁଁ 73 ବର୍ଷର ପୁରୁଣା ବଜେଟ୍ ପରମ୍ପରା ଉପରେ ପ୍ରଭାବ ପଡିଲା। ଏଥର ବଜେଟ ବହି ଛପା କାର୍ଯ୍ୟ ବନ୍ଦ କରାଗଲା। ଅର୍ଥମନ୍ତ୍ରୀ ନିର୍ମଳା ସୀତାରମଣ ଏଥର ଫେବୃଆରୀ ୨ ତାରିଖରେ ସଫ୍ଟ କପି ବଜେଟ୍ ଉପସ୍ଥାପନ କରିବେ। ସାଂସଦମାନଙ୍କୁ ମଧ୍ୟ ବଜେଟର ହାର୍ଡ କପି ଦିଆଯିବ ନାହିଁ। ତାହା ବଦଳରେ ସାଂସଦମାନଙ୍କୁ ସଫ୍ଟ କପ ପ୍ରଦାନ କରାଯିବ ବୋଲି ନିଷ୍ପତି କରାଯାଇଛି।
ପ୍ରଥମ ଥର ପାଇଁ ସ୍ବାଧୀନ ଭାରତରେ, 26 ନଭେମ୍ବର 1947 ରେ, ବଜେଟ୍ ଆକାରରେ ଆର୍ଥିକ ଆକାଉଣ୍ଟିଂ ଉପସ୍ଥାପିତ କରାଯାଇଥିଲା । ସେବେଠାରୁ ସଂସଦରେ ଉପସ୍ଥାପିତ ହେବାକୁ ଥିବା ବଜେଟର ମୁଦ୍ରଣର ଧାରା ରହିଆସିଛି। ପ୍ରତିବର୍ଷ ବଜେଟ୍ ମୁଦ୍ରଣର ଆନୁଷ୍ଠାନିକ ଆରମ୍ଭ ପୂର୍ବରୁ, ହାଲୁଆ ଉତ୍ସବ କରାଯାଇଥାଏ। ହେଲେ ଚଳିତ ବର୍ଷ ତାହା କରାଗଲା ନାହିଁ ।
ବଜେଟ ବହି ଛପା ଏକ ପରଂପରା ତଥା ବେଶ ଗୁପ୍ତ ଭାବରେ ପରିଚାଳନା କରାଯାଇଥାଏ। ମୁଦ୍ରଣ ସମୟରେ, 50 ରୁ ଅଧିକ କର୍ମଚାରୀ ଅର୍ଥ ମନ୍ତ୍ରଣାଳୟର ନର୍ଥ ବ୍ଲକରେ ପ୍ରାୟ 15 ଦିନ ଏକାଠି ରୁହନ୍ତି, ସେମାନଙ୍କୁ ପରିବାରଠାରୁ ସମ୍ପୂର୍ଣ୍ଣ ଦୂରରେ ରଖାଯାଇଥାଏ। ବଜେଟ୍ ମୁଦ୍ରଣରେ ସଂପୃକ୍ତ କର୍ମଚାରୀଙ୍କୁ ବାହାରକୁ ଯିବାକୁ ଅନୁମତି ଦିଆଯାଏ ନାହିଁ। ଏହା ଦ୍ବାରା ବଜେଟ୍ ଲିକ୍ ହେବାର ସମ୍ଭାବନା ରହି ନ ଥାଏ । ସଂସଦରେ ବଜେଟ୍ ଉପସ୍ଥାପିତ ହେବା ପରେ ଏହି କର୍ମଚାରୀମାନଙ୍କୁ ଘରକୁ ଯିବାକୁ ଅନୁମତି ଦିଆଯାଇଥାଏ।
ସଂସଦରେ ଉପସ୍ଥାପିତ ପୂର୍ବରୁ ବଜେଟ ତଥ୍ୟ ଯେପରି ଲିକ ନ ହେବ ସେଥିପାଇଁ ବଜେଟ ଛପା କର୍ମଚାରୀଙ୍କୁ ପୁରା କଟକଣା ଭିତରେ ରଖାଯାଇଥାଏ। ତାଙ୍କୁ ଅର୍ଥ ମନ୍ତ୍ରଣାଳୟର ପ୍ରିଣ୍ଟିଂ ପ୍ରେସରେ ମୋବାଇଲ୍ ଫୋନ୍ ମଧ୍ୟ ରଖିବାକୁ ଦିଆଯାଇ ନ ଥାଏ। ସେମାନେ କେବଳ ଜରୁରୀକାଳୀନ ପରିସ୍ଥିତିରେ ବଜେଟ ଛପା ସଂପର୍କରେ କାହା ସହିତ କଥା ହେବାକୁ ଅନୁମତି ଦିଆଯାଇଥାଏ। ଅନ୍ୟ କେତେକ କର୍ମଚାରୀ ମଧ୍ୟ ଏହି ସମସ୍ତ କର୍ମଚାରୀଙ୍କ ଖାଦ୍ୟ ଏବଂ ରହିବା ପାଇଁ ବ୍ୟବସ୍ଥା କରିବା ପାଇଁ ନର୍ଥ ବ୍ଲକରେ ରୁହନ୍ତି ।
କରୋନା ସଂକ୍ରମଣକୁ ଦୃଷ୍ଟିରେ ରଖି ସରକାର କୈଣସି ପ୍ରକାର ବିପଦ ନେଲେ ନାହିଁ। ଉଲ୍ଲେଖଥାଉ କି, ବର୍ଷ ବର୍ଷ ଧରି ବଜେଟର ମୁଦ୍ରିତ କପି ସଂଖ୍ୟା ଯଥେଷ୍ଟ ହ୍ରାସ ପାଇଛି। ଯଦିଓ ମୁଦ୍ରଣ ହ୍ରାସ ହେଉଥିଲା, ତଥାପି ବଜେଟ୍ ମୁଦ୍ରଣ ପରମ୍ପରାର ଧାରା ବଜାଇ ରହିଥିଲା।