ଶ୍ରୀନଗର: ଜମ୍ମୁ କାଶ୍ମୀରରେ ଅନୁପ୍ରବେଶକାରୀଙ୍କ ଆଉ ଏକ ପ୍ରୟାସକୁ ଭାରତୀୟ ଯବାନମାନେ ବିଫଳ କରିଛନ୍ତି। ଜମ୍ମୁ କାଶ୍ମୀରର ଊରି ସେକ୍ଟରରେ ଲାଇନ୍ ଅଫ୍ କଣ୍ଟ୍ରୋଲ୍ (LoC) ରେ ଅନୁପ୍ରବେଶ ଉଦ୍ୟମକୁ ସୁରକ୍ଷା ବାହିନୀ ବିଫଳ କରିଛନ୍ତି। ଉତ୍ତର କାଶ୍ମୀରର ବରମୁଲ୍ଲା ଜିଲ୍ଲାର ଉରି ସେକ୍ଟରର କମଲକୋଟ ଅଞ୍ଚଳରେ ଥିବା ମଦିୟାନ୍ ନାନକ ପୋଷ୍ଟ ନିକଟରେ ଏହି ଅନୁପ୍ରବେଶ ଉଦ୍ୟମ ବିଫଳ ହୋଇଛି। ଜବାନମାନଙ୍କ ଗୁଳି ଦ୍ଵାରା ତିନି ଜଣ ଆତଙ୍କବାଦୀ ମୃତ୍ୟୁବରଣ କରିଛନ୍ତି। ପୋଲିସ ଆଜି ଏହି ସୂଚନା ଦେଇଛି।
ଗତ ୪ ଦିନ ମଧ୍ୟରେ ଆତଙ୍କବାଦୀଙ୍କ ଚତୁର୍ଥ ପ୍ରୟାସକୁ ଯବାନମାନେ ବିଫଳ କରିଛନ୍ତି। ଗତକାଲି ରାତିରେ ଆତଙ୍କବାଦୀମାନେ ନୋଶେରା ସେକ୍ଟରରେ ମଧ୍ୟ ଅନୁପ୍ରବେଶ କରିବାକୁ ଚେଷ୍ଟା କରିଥିଲେ, ଯାହା ଭାରତୀୟ ସେନା ଦ୍ୱାରା ବିଫଳ ହୋଇଥିଲା।
ଯଦି ଆମେ ନାଉଶେରା ସେକ୍ଟର ବିଷୟରେ କହିବା, ତେବେ ସେଠାରେ ଜଣେ ଆତଙ୍କବାଦୀ ଜୀବନ୍ତ ଧରାପଡିଥିବା ବେଳେ ବିସ୍ଫୋରଣରେ ଦୁଇ ଆତଙ୍କବାଦୀ ନିହତ ହୋଇଥିଲେ। ନୋଶେରାର ଝଙ୍ଗର ସେକ୍ଟରରେ ନିୟୋଜିତ ଥିବା ଯବାନ ଅଗଷ୍ଟ ୨୧ ତାରିଖ ସକାଳେ LoC ରେ ୨-୩ ଆତଙ୍କବାଦୀଙ୍କ ଅନୁପ୍ରବେଶ ଦେଖିଥିଲେ। ଜଣେ ଆତଙ୍କବାଦୀ ଭାରତୀୟ ପୋଷ୍ଟ ନିକଟରେ ପହଞ୍ଚି ବାଡ କାଟିବାକୁ ଚେଷ୍ଟା କରୁଥିଲେ। ଯେତେବେଳେ ଯବାନମାନେ ତାଙ୍କ ଉପରକୁ ଗୁଳି ଚଳାଇଥିଲେ, ସେ ଖସି ପଳାଇବାକୁ ଚେଷ୍ଟା କରିଥିଲା, କିନ୍ତୁ ଗୋଡରେ ଗୁଳି ବାଜିବାରୁ ସେ ଆହତ ହୋଇଥିଲା। ହେଲେ ଅନ୍ୟ ଦୁଇଜଣ ଆତଙ୍କବାଦୀ ଜଙ୍ଗଲ ଭିତରକୁ ଖସି ପଳେଇଯାଇଥିଲେ।