ଆତଙ୍କରାଜ ଅଭିଯୋଗରେ ୭ ଗିରଫ ଓ ମାରଣାସ୍ତ୍ର ଜବତ

Published: Feb 7, 2023, 12:57 pm IST

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ଅନ୍ତର୍ଗତ କନିଷି ହାଟରେ ଗଣ୍ଡଗୋଳ ଓ ଆତଙ୍କରାଜ ଅଭିଯୋଗରେ ୭ ଜଣ ଅଭିଯୁକ୍ତ ଗିରଫ ହୋଇଛନ୍ତି। ଗୋଳନ୍ଥରା ପୋଲିସ ହଳଦିଆପଦର ଗୋଷାଣୀ ନୁଆଁଗାଁ ଅଞ୍ଚଳରୁ ୭ ଜଣ ଯୁବକକୁ ଗିରଫ କରିବା ସହ ସେମାନଙ୍କ ନିକଟରୁ ମାରଣାସ୍ତ୍ର ଜବତ କରିଛି। ମାରଣାସ୍ତ୍ର ମଧ୍ୟରେ ଗୋଟିଏ ବନ୍ଧୁକ, ୩ଟି ଖଣ୍ଡା ଓ ଗୋଟିଏ ଲୁହା ଛଡ଼ ପୋଲିସ ଜବତ କରିଛି।

କନିଷି ହାଟର ସୁଜାତା ପାତ୍ରଙ୍କ ଏତଲା ଅନୁଯାୟୀ ମାମଲା ନଂ ୬୭/୨୩ ଓ ସିହଳା ରୋଡ଼ ର ପ୍ରଦୀପ ଦଳବେହେରାଙ୍କ ମାଁ ଙ୍କ ଏତଲା ଅନୁଯାୟୀ ମାମଲା ନଂ ୬୬/୨୩ ରେ ଅଭିଯୁକ୍ତ ପ୍ରଦୀପ ବାଡତ୍ୟା, ଚନ୍ଦନ ସେଠୀ, ଶିଶିର ଦାସ, କିରଣ ବେହେରା, ଅମୀୟ ରଂଜନ ପଟ୍ଟନାୟକ, ସମୀର ସାହୁ ଓ ସଦାନନ୍ଦ ଦାସ ନାମରେ ୭ ଜଣ ଯୁବକକୁ ଗିରଫ କରି କୋର୍ଟ ଚାଲାଣ କରାଯାଇଛି।

Related posts