ନୂଆଦିଲ୍ଲୀ, ୫୨ତମ ଭାରତୀୟ ଆନ୍ତର୍ଜାତିକ ଚଳଚ୍ଚିତ୍ର ମହୋତ୍ସବ (ଇଫି) ପକ୍ଷରୁ ଇଣ୍ଡିଆନ୍ ପାନୋରାମା ୨୦୨୧ ନିମନ୍ତେ ପ୍ରବେଶିକ ଆମନ୍ତ୍ରଣ ଘୋଷଣା କରାଯାଇଛି । ଇଣ୍ଡିଆନ୍ ପାନୋରାମା ବାସ୍ତବ ପକ୍ଷେ ଇଫି ମହୋତ୍ସବର ଏକ ପ୍ରମୁଖ ଅଂଶ ଯାହା ଅଧୀନରେ ଚଳଚ୍ଚିତ୍ର କଳାର ପ୍ରଚାର ନିମନ୍ତେ ସବୁଠାରୁ ଉତ୍ତମ ସମକାଳନୀ ଭାରତୀୟ ଚଳଚ୍ଚିତ୍ରକୁ ଚୟନ କରାଯାଇଥାଏ । ଇଫିର ୫୨ତମ ମହୋତ୍ସବ ନଭେମ୍ବର ୨୦ରୁ ୨୮, ୨୦୨୧ ତାରିଖ ପର୍ଯ୍ୟନ୍ତ ଆୟୋଜିତ ହେବ।
ଏଥିରେ ଆବେଦନ ଅନଲାଇନ୍ ମାଧ୍ୟମରେ ଦାଖଲ କରାରିବାର ଅନ୍ତିମ ତାରିଖ ୧୨ ଅଗଷ୍ଟ, ୨୦୨୧ ରଖାଯାଇଛି ଏବଂ ଅନ୍ୟ ଆବଶ୍ୟକ କାଗଜାତ ସହିତ ଅନଲାଇନ୍ରେ ଜମା କରାଯାଇଥିବା ଆବେଦନର ହାର୍ଡ଼କପି ପ୍ରାପ୍ତ ହେବାର ଚୂଡ଼ାନ୍ତ ତାରିଖ ୨୩ ଅଗଷ୍ଟ, ୨୦୨୧ । ଭାରତୀୟ ପାନୋରାମା, ୨୦୨୧ ନିମନ୍ତେ ଚଳଚ୍ଚିତ୍ର ଦାଖଲ କରିବା ବେଳେ କିଛି ଦିଶା ନିର୍ଦ୍ଦେଶକୁ ମଧ୍ୟ ଅନୁପାଳନ କରିବାକୁ ପଡ଼ିବ।
ସିବିଏଫସିର ତାରିଖ ଅଥବା ପୈଠ କରାଯାଇଥିବା ଚଳଚ୍ଚିତ୍ରର ନିର୍ମାଣ କାର୍ଯ୍ୟ ଏହି ମହୋତ୍ସବ ପୂର୍ବରୁ ୧୨ ମାସ ମଧ୍ୟରେ ହୋଇଥିବା ବାଂଛନୀୟ, ଅର୍ଥାତ୍, ତାହା ୧ ଅଗଷ୍ଟ, ୨୦୨୦ ଠାରୁ ୩୧ ଜୁଲାଇ ୨୦୨୧ ମଧ୍ୟରେ ହୋଇଥିବା ଆବଶ୍ୟକ । ଯେଉଁ ଚଳଚ୍ଚିତ୍ରକୁ ସିବିଏଫସି ଦ୍ୱାରା ପ୍ରମାଣିତ କରାଯାଇନାହିଁ ଏବଂ ସେହିସବୁ ଚଳଚ୍ଚିତ୍ର ଏହି ଅବଧି ମଧ୍ୟରେ ନିର୍ମନ୍ତ ହୋଇଛି, ସେଗୁଡ଼ିକୁ ମଧ୍ୟ ଦାଖଲ କରାଯାଇପାରିବ। ସମସ୍ତ ଚଳଚ୍ଚିତ୍ରରେ ଇଂରାଜୀ ଭାଷାରେ ଉପଶୀର୍ଷକ ହେବା ବାଧ୍ୟତାମୂଳକ।
ଇଣ୍ଡିଆନ୍ ପାନୋରାମାକୁ ୧୯୭୮ ମସିହାରେ ଭାରତୀୟ ଆନ୍ତର୍ଜାତିକ ଚଳଚ୍ଚିତ୍ର ମହୋତ୍ସବର ଅଂଶ ବିଶେଷ ଭାବେ ଆରମ୍ଭ କରାଯାଇଥିଲା ଯଦ୍ୱାରା ଭାରତୀୟ ଚଳଚ୍ଚିତ୍ରଗୁଡ଼ିକ ମାଧ୍ୟମରେ ଭାରତୀୟ ଚଳଚ୍ଚିତ୍ର ଏବଂ ଏହାର ସମୃଦ୍ଧି ସଂସ୍କୃତି ଓ ପରମ୍ପରାକୁ ବୃଦ୍ଧି କରିବାରେ ସହାୟକ ହୋଇପାରିବ। ସେହି ଦିନଠାରୁ ହିଁ ଭାରତୀୟ ପାନୋରାମା ସେହି ବର୍ଷ ସର୍ବଶ୍ରେଷ୍ଠ ଭାରତୀୟ ଚଳ୍ଚ୍ଚିତ୍ରକୁ ପ୍ରଦର୍ଶିତ କରିବା ନିମନ୍ତେ ସମର୍ପିତ ରହିଆସିଛି।
ଭାରତ ସରକାରଙ୍କ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଚଳଚ୍ଚିତ୍ର ସମାରୋହ ନିର୍ଦ୍ଦେଶାଳୟ ଦ୍ୱାରା ଆୟୋଜିତ ଇଣ୍ଡିଆନ୍ ପାନୋରାମାର ଉଦ୍ଦେଶ୍ୟ ସିନେମାଟିକ୍, ବିଷୟଗତ ଏବଂ ସୌନ୍ଦର୍ଯ୍ୟଗତ ଉତ୍କୃଷ୍ଟତାଯୁକ୍ତ ଫିଚର ଏବଂ ଅଣ- ଫିଚର ଚଳଚ୍ଚିତ୍ରକୁ ଚୟନ କରିବା ଏବଂ ସେହିସବୁ ଚଳଚ୍ଚିତ୍ରଗୁଡ଼ିକୁ ଲାଭମୁକ୍ତ ଭାବେ ପ୍ରଦର୍ଶନ କରି ଚଳଚ୍ଚିତ୍ର କଳାର ବୃଦ୍ଧି ଘଟାଇବା ଅଟେ।
ଏହିସବୁ ଚଳଚ୍ଚିତ୍ରର ଏଭଳି ପ୍ରଦର୍ଶନ ଭାରତୀୟ ଏବଂ ବିଦେଶୀ ଅନ୍ତରାଷ୍ଟ୍ରୀୟ ଚଳଚ୍ଚିତ୍ର ସମାରୋହରେ ଦ୍ୱିପାକ୍ଷିୟ, ସାଂସ୍କୃତିକ ଆଦାନ ପ୍ରଦାନ କାର୍ଯ୍ୟକ୍ରମମାନଙ୍କ ଅଧୀନରେ ଆୟୋଜିତ ଭାରତୀୟ ଚଳଚ୍ଚିତ୍ର ସପ୍ତାହରେ ସାଂସ୍କୃତିକ ଭାବ ବିନିମୟ ପ୍ରୋଟୋକଲ ବାହାରେ ବିଶେଷ ଭାରତୀୟ ଚଳଚ୍ଚିତ୍ର ସମାରୋହରେ ଏବଂ ଭାରତରେ ବିଶେଷ ଭାବେ ଇଣ୍ଡିଆନ୍ ପାନୋରାମା ସମାରୋହମାନଙ୍କରେ କରାଯାଇ ଆସୁଛି।