ଭୁବନେଶ୍ବର: ଟେକ୍ନୋଲୋଜି ଏବଂ ଭିତ୍ତିଭୂମି ନେତୃତ୍ୱ ଅଭିବୃଦ୍ଧି ଉପରେ ବଜେଟର ଧ୍ୟାନ ସକରାତ୍ମକ ପ୍ରଭାବ ପକାଇବ। ସ୍ବାସ୍ଥ୍ୟ ଏବଂ ଶିକ୍ଷା କ୍ଷେତ୍ରରେ ପ୍ରସ୍ତାବିତ ଟେକ୍ନୋଲୋଜି ଦେଶକୁ ଏହି ମହାମାରୀ ପରିସ୍ଥିତିରେ ବହୁ ପରିମାଣରେ ସାହାଯ୍ୟ କରିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।
ସେହିପରି ନବୀନ କହିଛନ୍ତି ଯେ, ଚଉଦଟି ସେକ୍ଟରରେ ଉତ୍ପାଦନ ଲିଙ୍କ୍ ଇନିସିଏଟିଭ୍ ସ୍କିମ୍ ଏବଂ ଜରୁରୀକାଳୀନ କ୍ରେଡିଟ୍ ଲାଇନ୍ ଗ୍ୟାରେଣ୍ଟି ସ୍କିମର ସଂପ୍ରସାରଣ ବିଭିନ୍ନ ପ୍ରତିବନ୍ଧକକୁ ହ୍ରାସ କରିବାରେ ସହାୟକ ହେବ। କୃଷି ଏବଂ କୃଷକ କଲ୍ୟାଣ, ଉଚ୍ଚଶିକ୍ଷା, ଗ୍ରାମାଞ୍ଚଳର ବିକାଶ ଏବଂ ମହିଳା ଏବଂ ଶିଶୁ ବିକାଶ ଭଳି ଗୁରୁତ୍ୱପୂର୍ଣ୍ଣ କ୍ଷେତ୍ରଗୁଡିକରେ କ୍ଷେତ୍ର ଆବଣ୍ଟନ ହ୍ରାସ ପାଇଛି। ଯାହା ଏହି କ୍ଷେତ୍ରକୁ ଆଗେଇ ନେବାରେ ବେଶ୍ ସହାୟତା ପ୍ରଦାନ କରିବ।
ମହାମାରୀ ପରିସ୍ଥିତିରେ MGNREGS ରେ ହ୍ରାସ ଗରିବ ଲୋକଙ୍କ ପାଇଁ ଦୁଃଖଦାୟକ। ପୂର୍ବରୁ, ଏଫସିଆଇ ଦ୍ବାରା ଧାନ କ୍ରୟରେ ସ୍ଥାନାନ୍ତର ହେବାର ଗୁରୁତ୍ବ ପୂର୍ଣ୍ଣ ସମସ୍ୟା ରହିଛି। ଅଧିକନ୍ତୁ, NFSA ଅଧୀନରେ ଖାଦ୍ୟ ସବସିଡି ହ୍ରାସ କୃଷକମାନଙ୍କୁ ଗୁରୁତର ଅସୁବିଧାରେ ପକାଇବ। ଏହାର ପୁନର୍ବିଚାର କରାଯିବା ଆବଶ୍ୟକ ବୋଲି ମୁଖ୍ୟମନ୍ତ୍ରୀ କହିଛନ୍ତି।
ମୂଲ୍ୟ ବୃଦ୍ଧି ଏବଂ ମୁଦ୍ରାସ୍ଫୀତି ଦ୍ୱାରା ମଧ୍ୟବିତ୍ତ ଏବଂ ଗରିବ ଲୋକମାନେ ଅଧିକ ପ୍ରଭାବିତ ହୁଅନ୍ତି। ବଜେଟରେ ଲୋକମାନେ ସମ୍ମୁଖୀନ ହେଉଥିବା ମୂଲ୍ୟ ବୃଦ୍ଧିକୁ କେନ୍ଦ୍ର ଦ୍ମାର ସରକାର ସମାଧାନ କରିନାହାଁନ୍ତି। ଏହାକୁ ଆହୁରି ଜଟିଳ କରିବା ପାଇଁ, ଏଲପିଜି ସବସିଡିକୁ ହ୍ରାସ ଘଟିଛି । ଏହା ଘରୋଇ ଅର୍ଥନୀତିକୁ ବହୁତ ଖରାପ ପ୍ରଭାବ ପକାଇବ ଏବଂ ମହିଳାମାନେ ଏଲପିଜି ମୂଲ୍ୟ ବୃଦ୍ଧିର ଶିକାର ହେବେ ବୋଲି ନବୀନ କହିଛନ୍ତି।
ସେସ୍ ଏବଂ ସରଚାର୍ଜର ବୃଦ୍ଧି ରାଜ୍ୟଗୁଡିକ ପ୍ରତି ଅଧିକ ବୋଝ ସୃଷ୍ଟି କରିବ। କେନ୍ଦ୍ରୀୟ ଟ୍ୟାକ୍ସଗୁଡିକର 20 ପ୍ରତିଶତରୁ ଅଧିକ ସେସ୍ ଏବଂ ସରଚାର୍ଜ ଆଦାୟ ମାଧ୍ୟମରେ ସଂଗ୍ରହ କରିବାକୁ ପ୍ରସ୍ତାବ ଦିଆଯାଇଛି, ଯାହା ସଂଘୀୟ ବ୍ୟବସ୍ଥାର ବିରୋଧାଚରଣ କରେ ବୋଲି ନବୀନ କହିଛନ୍ତି।
ସେହିପରି ଓଡିଶାରେ ଲାଗୁ ହୋଇଥିବା “ଓଡିଶା ମିଲେଟ ମିଶନ” ପୁଷ୍ଟିକର ଖାଦ୍ୟ ସୁରକ୍ଷା ତଥା କୃଷକଙ୍କ ଆୟ ବୃଦ୍ଧିରେ ଏକ ଯୁଗାନ୍ତକାରୀ ପଦକ୍ଷେପ। ମିଳିତ ଜାତିସଂଘ ଦ୍ବାରା 2023 ର ଆନ୍ତର୍ଜାତୀୟ ବର୍ଷ ମିଲେଟ ଘୋଷଣା କରାଯାଇଛି। ଏହି ପରିପ୍ରେକ୍ଷୀରେ ୟୁନିୟନ ବଜେଟରେ ମିଲେଟ ମିଶନର ଗୁରୁତ୍ୱକୁ ଭାରତ ସରକାର ସ୍ୱୀକୃତି ଦେଇଥିବାରୁ ମୁଁ ଖୁସି ବୋଲି ନବୀନ କହିଛନ୍ତି।
ଜଳ ଜୀବନ ମିଶନ୍ ଅନ୍ତର୍ଗତ ବର୍ଦ୍ଧିତ ଆବଣ୍ଟନ, PMAY ସ୍ୱାଗତଯୋଗ୍ୟ ପଦକ୍ଷେପ। ତେବେ ଗ୍ରାମାଞ୍ଚଳ ଗୃହ ଉପରେ ଓଡିଶାର ପ୍ରକୃତ ଦାବିକୁ ଅବହେଳା କରାଯାଉଥିବା ବେଳେ ଅନ୍ୟ ରାଜ୍ୟମାନଙ୍କ ପାଇଁ ଏହା ବିଚାରକୁ ନିଆଯାଇଛି। ଯାହାକୁ ନେଇ ଓଡିଶାବାସୀ ଆଶ୍ଚର୍ଯ୍ୟ ହୋଇଯାଇଛନ୍ତି। ମୁଁ ଆଶା କରୁଛି ଯେ କେନ୍ଦ୍ର ଏହା ଉପରେ ପୁନଃବିଚାର କରି ଗରିବ ଏବଂ ଓଡିଶାର ଆଦିବାସୀମାନଙ୍କୁ ନ୍ୟାୟ ପ୍ରଦାନ କରିବେ।
ଓଡ଼ିଶା ହେଉଛି ଦେଶର ଏକମାତ୍ର ରାଜ୍ୟ ଯାହାକି ପ୍ରାକୃତିକ ବିପର୍ଯ୍ୟୟ ଦ୍ୱାରା ବାରମ୍ବାର ପ୍ରଭାବିତ ହୁଏ । ଏହି ପରିପ୍ରେକ୍ଷୀରେ ଆମର ବାରମ୍ବାର ଦାବିକୁ ବଜେଟରେ ସମାଧାନ କରାଯାଇ ନାହିଁ ବୋଲି ନବୀନ ଉଲ୍ଲେଖ କରିଛନ୍ତି।