ସମୀକ୍ଷା ବ୍ୟୁରୋ
୬୬ତମ ରାଷ୍ଟ୍ରୀୟ ଫିଲ୍ମ ପୁରସ୍କାରର ଘୋଷଣା କରାଯାଇଛି । ଶାସ୍ତ୍ରୀ ଭବନ ପରିସରରେ ପିଆଇବି କନଫରେନ୍ସ ହଲ୍ରେ ପୁରସ୍କାର ପ୍ରଦାନ ସମାବେଶର ଉତ୍ସବ ଆୟୋଜନ କରାଯାଇଛି । ଫିଚର ଫିଲ୍ମରେ ୩୧ଟି ଶ୍ରେଣୀରେ ଜାତୀୟ ପୁରସ୍କାର ଦିଆଯିବ । ୨୩ଟି ନନ୍ଫିଚର୍ ଫିଲ୍ମ ଓ ୩୧ଟି ଫିଚର ଫିଲ୍ମ ପାଇଁ ଏହି ପୁରସ୍କାର ଦିଆଯିବ । ମୋଷ୍ଟ ଫିଲ୍ମ ଫ୍ରେଣ୍ଡଲୀ ଷ୍ଟେଟ୍ ପାଇଁ ଉତ୍ତରାଖଣ୍ଡକୁ ପୁରସ୍କାର ମିଳିବ । ପ୍ରତ୍ୟେକ ବର୍ଷ ନ୍ୟାସନାଲ୍ ଆଓ୍ବାର୍ଡର ଘୋଷଣା ଅପ୍ରେଲ୍ ମାସରେ କରାଯାଉଥିବାବେଳେ ଚଳିତ ବର୍ଷ ଲୋକସଭା ନିର୍ବାଚନ ପାଇଁ ଏହାକୁ ଘୁଞ୍ଚାଇ ଦିଆଯାଇଥିଲା । ତେବେ ଏହି ୬୬ ତମ ଜାତୀୟ ପୁରସ୍କାରରେ ବଲିଉଡ୍ଫିଲ୍ମ ଅନ୍ଧାଧୁନ୍ ବାଜି ମାରିଛି। ଶ୍ରେଷ୍ଠ ଫିଲ୍ମ, ଶ୍ରେଷ୍ଠ ଚିତ୍ରନାଟ୍ୟ ଓ ଶ୍ରେଷ୍ଠ ଅଭିନେତାର ୩ଟି ପୁରସ୍କାର ପାଇଥିବାବେଳେ ’ଉରି’ ଶ୍ରେଷ୍ଠ ଅଭିନେତା ଓ ଶ୍ରେଷ୍ଠ ନିର୍ଦ୍ଦେଶକର ପୁରସ୍କାର ପାଇଛି । ‘ଅନ୍ଧାଧୁନ୍’ର ନିର୍ଦ୍ଦେଶନା ଦେଇଥିଲେ ଶ୍ରୀରାମ ରାଘବନ୍ । ଏହି ଫିଲ୍ମରେଆୟୁଷ୍ମାନ ଖୁରାନାଙ୍କ ସହ ତବୁ ଓ ରାଧିକା ଆପ୍ତେ ପ୍ରମୁଖ ନଜର ଆସିଥିଲେ । ଚଳିତ ଥର ମଧ୍ୟ କୌଣସି ଯୋଗ୍ୟ ଓଡ଼ିଆ ଫିଲ୍ମ ଏହି ତାଲିକାରେ ସ୍ଥାନ ପାଇନାହିଁ । ସବୁ ଆଞ୍ଚଳିକ ଭାଷାର ଫିଲ୍ମଗୁଡ଼ିକରେ ଭାରତର ବିଭିନ୍ନ ଭାଷାର ଫିଲ୍ମଗୁଡ଼ିକ ପୁରସ୍କୃତ ହେଉଥିବାବେଳେ ଓଡ଼ିଆ ଫିଲ୍ମ ଏହି କ୍ରମରେ ସ୍ଥାନିତ ନ ହେବା ଦୁର୍ଭାଗ୍ୟର ବିଷୟ । ବର୍ଷକରେ ଦୁଇ ଡର୍ଜନ ପାଖାପାଖି ଫିଲ୍ମ ନିର୍ମାଣ ହେଉଥିଲେ ମଧ୍ୟ କୌଣସି ମୌଳିକ ଓଡ଼ିଆ ସିନେମା ନିର୍ମାଣ ନ ହେବା ଆମ ଓଡ଼ିଆ ଫିଲ୍ମ ଭବିଷ୍ୟତ ପାଇଁ ବିପଦ ସୃଷ୍ଟି କରିଛି । ତେବେ ଆଜିର ସମୟରେ ଓଡ଼ିଆର ନିର୍ଦ୍ଦେଶକ ତଥା ପ୍ରଯୋଜକମାନେ ମୌଳିକ ଓଡ଼ିଆ ସିନେମା ନିର୍ମାଣରେ ରୁଚି ନ ରଖି କେବଳ ବ୍ୟବସାୟିକ ସିନେମା ନିର୍ମାଣରେ ଆଗ୍ରହୀ ହେଉଛନ୍ତି । ଯାହା ଆମ ଓଡ଼ିଆ ଚଳଚ୍ଚିତ୍ର ଜଗତ ପାଇଁ ଏକ ବିରାଟ ପ୍ରଶ୍ନବାଚୀ ସୃଷ୍ଟି କରୁଛି ।
ଶ୍ରେଷ୍ଠ ଅଭିନେତା : ଆୟୁଷ୍ମାନ ଖୁରାନା (ଅନ୍ଧାଧୁନ୍), ଭିକି କୌଶଲ୍ (ଉରି)
ଶ୍ରେଷ୍ଠ ଅଭିନେତ୍ରୀ : କୀର୍ତ୍ତି ସୁରେଶ (ମହାନାଟୀ)
ଶ୍ରେଷ୍ଠ ନିର୍ଦ୍ଦେଶକ – ଆଦିତ୍ୟ ଧର (ଉରି)
ଶ୍ରେଷ୍ଠ ସହଅଭିନେତ୍ରୀ : ସୁରେଖା ସିକ୍ରି (ବଧାଇ ହୋ)
ଶ୍ରେଷ୍ଠ ସହଅଭିନେତା : ସ୍ବନନ୍ଦ କିର୍କିରେ (ଚୁମ୍ବକ୍)
ଶ୍ରେଷ୍ଠ ଫିଲ୍ମ (ହିନ୍ଦୀ) : ଅନ୍ଧାଧୁନ୍
ଶ୍ରେଷ୍ଠ ଫିଲ୍ମ (ତେଲୁଗୁ): ମହାନାଟୀ
ଶ୍ରେଷ୍ଠ ଫିଲ୍ମ (ପଞ୍ଜାବୀ) : ଅର୍ଜିତା
ଶ୍ରେଷ୍ଠ ଫିଲ୍ମ (ଆସମୀୟା) : ବୁଲ୍ବୁଲ୍ କେନ୍ ସିଙ୍ଗ୍
ଶ୍ରେଷ୍ଠ ଫିଲ୍ମ (ମଲୟାଲମ୍) : ସୁଦାନୀ ଫ୍ରମ୍ ନାଇଜେରିଆ
ଶ୍ରେଷ୍ଠ ଫିଲ୍ମ (କୋଙ୍କଣୀ) : ଓମୋରୀ
ଶ୍ରେଷ୍ଠ ଫିଲ୍ମ (ଗୁଜୁରାତୀ) : ରେବା
ଶ୍ରେଷ୍ଠ ଫିଲ୍ମ (ତାମିଲ୍) : ବରାମ୍
ଶ୍ରେଷ୍ଠ ଫିଲ୍ମ (ଉର୍ଦ୍ଦୁ) : ହାମିଦ୍
ଶ୍ରେଷ୍ଠ ଫିଲ୍ମ (ବଙ୍ଗଳା) : ଏକ ଜେ ଛିଲୋ ରାଜା
ଶ୍ରେଷ୍ଠ ଫିଲ୍ମ (ମରାଠୀ) : ଭେଙ୍ଗା
ଶ୍ରେଷ୍ଠ ଫିଲ୍ମ (ରାଜସ୍ଥାନ) : ଟର୍ଟଲ୍
ଶ୍ରେଷ୍ଠ ପଞ୍ଚାଙ୍ଗ ଫିଲ୍ମ : ଇନ୍ ଦ ଲାଣ୍ଡ ଅଫ୍ ପଏଜନଏସ୍ ଓ୍ବେମ୍ୟାନ୍
ଶ୍ରେଷ୍ଠ ଫିଲ୍ମ (ଗାରୋ) : ଆନ୍ନା
ଶ୍ରେଷ୍ଠ ଅନୁସନ୍ଧାନମୂଳକ ଫିଲ୍ମ – ଓମୋଲି
ଶ୍ରେଷ୍ଠ ଖେଳଭିତ୍ତିକ ଫିଲ୍ମ : ସୁଇମିଂ ଥ୍ରୁ ଦି ଡାର୍କନେସ୍
ଶ୍ରେଷ୍ଠ ସାମାଜିକ ସମସ୍ୟା ଧର୍ମୀ ଫିଲ୍ମ : ତାଲା ତେ କୁଞ୍ଜୀ
ଶ୍ରେଷ୍ଠ ପରିବେଶଧର୍ମୀ ଫିଲ୍ମ – ଦ ଓ୍ବାର୍ଲ୍ଡ ମୋଷ୍ଟ ଫେମସ୍ ଟାଇଗର
ଶ୍ରେଷ୍ଠ ପାରିବାରିକ ଫିଲ୍ମ : ଚାଲୋ ଜିତେ ହୈ
ଶ୍ରେଷ୍ଠ ସର୍ଟ ଫିଚର ଫିଲ୍ମ : କସାବ
ଶ୍ରେଷ୍ଠ ନ୍ୟାୟିକ ଫିଲ୍ମ : ଓ୍ବାଇ ମି, ଏକାନ୍ତ
ଶ୍ରେଷ୍ଠ ବିଜ୍ଞାନ ଓ ବୈଷୟିକଧର୍ମୀ ଫିଲ୍ମ : ଜିଡି ନାଇଡୁ : ଦ ଏଡିସନ୍ ଅଫ୍ ଇଣ୍ଡିଆ
ଶ୍ରେଷ୍ଠ ଶିଶୁ ଚଳଚ୍ଚିତ୍ର : ସରକାରୀ, ହାଏ, ପ୍ରା, ଶାଲେ କସାରୁଗୋଡୁ, କୋଡୁଗେ
ଶ୍ରେଷ୍ଠ କଳା ଓ ସଂସ୍କୃତଧର୍ମୀ ଫିଲ୍ମ : ମୁନ୍କାର୍
ଶ୍ରେଷ୍ଠ ଅଣଫିଚର ଫିଲ୍ମ : ସନ୍ରାଇଜ୍, ଦ ସିକ୍ରେଟ୍ ଲାଇଫ୍ ଅଫ୍ ଫର୍ଗସ
ଶ୍ରେଷ୍ଠ ଅଣଫିଚର ଫିଲ୍ (ନିର୍ଦ୍ଦେଶକ) : ଫେଲୁଦା
ଶ୍ରେଷ୍ଠ ଆକ୍ସନ : କେଜିଏଫ୍ (କନ୍ନଡ)
ଶ୍ରେଷ୍ଠ ସଙ୍ଗୀତକାର : ସଞ୍ଜୟ ଲୀଲା ଭଁସାଲୀ (ପଦ୍ମାବତ୍- ହିନ୍ଦୀ)
ଶ୍ରେଷ୍ଠ ପ୍ରଚ୍ଛଦ ସଙ୍ଗୀତ – ଶାଶ୍ବତ ସଚ୍ଚଦେବ (ଉରି – ହିନ୍ଦୀ)
ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟିକା – ବିନ୍ଧୁ ମାଲିନୀ, ‘ନାଥିଚାରାମି’ (କନ୍ନଡ)
ଶ୍ରେଷ୍ଠ ପ୍ରଚ୍ଛଦପଟ୍ଟ ଗାୟକ – ଅରଜିତ୍ ସିଂ (ପଦ୍ମାବତ)
ଶ୍ରେଷ୍ଠ ସଂଳାପ – ତାରିଖ୍ (ବଙ୍ଗଳା)
ଶ୍ରେଷ୍ଠ ନୃତ୍ୟ – ପଦ୍ମାବତ୍ (ଘୁମର୍)
ଶ୍ରେଷ୍ଠ ଗୀତ – ନାଥୀଚରାମୀ (କନ୍ନଡ)
ଶ୍ରେଷ୍ଠ ଚିତ୍ରନାଟ୍ୟ : ଅନ୍ଧାଧୁନ୍
ଶ୍ରେଷ୍ଠ ସାମାଜିକ ଧର୍ମୀ ଫିଲ୍ମ – ପ୍ୟାଡ୍ମ୍ୟାନ୍
ଶ୍ରେଷ୍ଠ ସ୍ପେଶାଲ୍ ଇଫେକ୍ଟ – କେଜିଏଫ୍ (କନ୍ନଡ) ଓ ଆଓ୍ବେ (ତେଲୁଗୁ)
ଶ୍ରେଷ୍ଠ କଷ୍ଟ୍ୟୁମ ଡିଜାଇନର୍ – ଇନ୍ଦ୍ରାଣୀ ପଟ୍ଟନାୟକ, ଗୌରାଙ୍ଗ ଶାହ, ଅର୍ଚ୍ଚନା ରାଓ (‘ମହାନଟୀ’- ତେଲୁଗୁ)
ଜାତୀୟ ସଂହତି ପାଇଁ ନର୍ଗିସ୍ ଦତ୍ତ ପୁରସ୍କାର : ଓଣ୍ଡାନ୍ୟା ଏରାଡାଲୁ
ସମ୍ପୂର୍ଣ୍ଣ ମନୋରଞ୍ଜନଧର୍ମୀ ଫିଲ୍ମ – ବଧାଇ ହୋ
ଜୁରୀ ଆଓ୍ବାର୍ଡ – କେଦାରା (ବଙ୍ଗାଳୀ), ହେଲାରୁ
ନବାଗତ ନିର୍ଦ୍ଦେଶକଙ୍କ ପାଇଁ ଇନ୍ଦିରା ଗାନ୍ଧି ପୁରସ୍କାର : ସୁଧାକର ରେଡ୍ଡୀ ୟାକାଣ୍ଠି (ନାଲ୍)