ବର୍ମିଂହାମ: ବର୍ମିଂହାମରେ ଚାଲିଥିବା କମନୱେଲଥ ଗେମ୍ସରେ ଆଜିଠାରୁ କୁସ୍ତି ମ୍ୟାଚ୍ ଆରମ୍ଭ ହୋଇଛି। ଭାରତର ଅଂଶୁ ମଲିକ ଚମତ୍କାର ପ୍ରଦର୍ଶନ କରିଛନ୍ତି। ସେ ଫାଇନାଲରେ ପହଞ୍ଚିଛନ୍ତି। ସେ ୧ ମିନିଟ ୨ ସେକେଣ୍ଡରେ ସେମିଫାଇନାଲ ମ୍ୟାଚ ଜିତିଛନ୍ତି। ଏହାପୂର୍ବରୁ କ୍ୱାର୍ଟର ଫାଇନାଲରେ ମଧ୍ୟ ଅଂଶୁ ସହଜରେ ଜିତିଥିଲେ।
ସେହିଭଳି ପୁରୁଷ ୬୫ କିଲୋଗ୍ରାମ ଫ୍ରିଷ୍ଟାଇଲରେ ଭାରତର ବଜରଙ୍ଗ ପୁନିଆ ଜିତିଛନ୍ତି। ବଜରଙ୍ଗ ପୁନିଆ ସହଜରେ କ୍ୱାର୍ଟର ଫାଇନାଲରେ ଜିତିଛନ୍ତି। ଏକ ମିନିଟରୁ କମ୍ ସମୟ ମଧ୍ୟରେ ବଜରଙ୍ଗ ମ୍ୟାଚ୍ ଜିତିଥିଲେ। ଏହା ସହ ବଜରଙ୍ଗ ସେମିଫାଇନାଲରେ ପ୍ରବେଶ କରିଛନ୍ତି।
ତେବେ ଫ୍ରିଷ୍ଟାଇଲ୍ ୬୨ କିଲୋଗ୍ରାମ ବର୍ଗରେ ଭାରତର ସାକ୍ଷୀ ମଲିକ୍ ଇଂଲଣ୍ଡର ରେସଲରଙ୍କୁ ପରାସ୍ତ କରିଛନ୍ତି। ଏହା କ୍ୱାର୍ଟର ଫାଇନାଲ ଥିଲା। ଏଭଳି ପରିସ୍ଥିତିରେ ଏହି ବିଜୟ ସହିତ ସାକ୍ଷୀ ମଲିକ ସେମିଫାଇନାଲରେ ପ୍ରବେଶ କରିଛନ୍ତି।