Categories
ଆଜିର ଖବର ରାଜ୍ୟ ଖବର

କର୍ଲାମୁଣ୍ଡାଠାରେ ଜିଲ୍ଲାପାଳ ତଥା ଆରକ୍ଷୀ ଅଧିକ୍ଷକଙ୍କ ଅଧ୍ୟକ୍ଷତାରେ ଯୁଗ୍ମ ଜନଶୁଣାଣି ଶିବିର ଅନୁଷ୍ଠିତ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ସୋମବାର ଦିନ କର୍ଲାମୁଣ୍ଡା ପଞ୍ଚାୟତ ସମିତି ସଭା ଗୃହରେ କଳାହାଣ୍ଡି ଜିଲ୍ଲାପାଳ ପି ଅନ୍ୱେଷା ରେଡ୍ଡୀ ତଥା ଆରକ୍ଷୀ ଅଧିକ୍ଷକ ଅଭିଳାଷ ଜି ଙ୍କ ଯୁଗ୍ମ ଅଧକ୍ଷତାରେ ଏକ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଉପ ଜିଲ୍ଲାପାଳ ଡ଼ ବିଶ୍ୱଜିତ୍ ଦାସ, ବ୍ଲକ ଅଧ୍ୟକ୍ଷା କୁନି ସାହୁଙ୍କ ସମେତ ସମସ୍ତ ଜିଲ୍ଲା ସ୍ତରୀୟ ବିଭାଗୀୟ ଅଧିକାରୀ ଓ କର୍ଲାମୁଣ୍ଡା ବ୍ଲକ ସ୍ତରୀୟ ଅଧିକାରୀଉପସ୍ଥିତ ଥିଲେ।

ଏହି ଜନ ଶୁଣାଣି ଶିବିରରେ ମୋଟ୍ ୨୨୭ ଜଣ ଆବେଦନକାରୀ ନିଜର ଅଭିଯୋଗ ପତ୍ର ଦାଖଲ କରିଥିଲେ। ସେଥିମଧ୍ୟରୁ ୨୦୧ଟି ବ୍ୟକ୍ତିଗତ ସମସ୍ୟା ଜର୍ଜରିତ ଅଭିଯୋଗ ଓ ୨୬ଟି ଗ୍ରାମ୍ୟ ତଥା ସାମୁହିକ ସମସ୍ୟା ସମ୍ମିଳିତ ଥିଲା। ୩୮ଟି ଅଭିଯୋଗର ସମାଧାନ ତୁରନ୍ତ କରାଯାଇଥିଲା।

Categories
ଆଜିର ଖବର ରାଜ୍ୟ ଖବର

ନବଗଠିତ କଳାହାଣ୍ଡି ଜନବାଦି ଲୋକମଞ୍ଚ ପକ୍ଷରୁ ଆଲୋଚନା ଚକ୍ର ଆୟୋଜିତ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ ସହର ସ୍ଥିତ ସଂସ୍କୃତି ଭବନ ଠାରେ ନବଗଠିତ କଳାହାଣ୍ଡି ଜନବାଦି ଲୋକମଞ୍ଚ ପକ୍ଷ ରୁ କଳାହାଣ୍ଡି ର ପ୍ରାକୃତିକ ସୌନ୍ଦର୍ଯ୍ୟ ଜଳ, ଜଙ୍ଗଲ, ତଥା ଖଣ୍ଡୁଆଲ ମାଳି ପର୍ବତ ମାଳା ର ସୁରକ୍ଷା ନେଇ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ଏହି ସମ୍ମିଳନୀ ରେ ଆବାହକ ଦାମୋଦର ବେହେରା ସଭାପତିତ୍ବ କରିଥିଲେ ଏବଂ ଆଦିବାସୀ ମହାସଂଘ ର କଳାହାଣ୍ଡି ଜିଲ୍ଲା ଉପଦେଷ୍ଟା କୃଷ୍ଣ ଚନ୍ଦ୍ର ଭୋଇ, ଉପେନ୍ଦ୍ର ଦ୍ରାବିଡ, ସତ୍ୟ ମାହାର, କ୍ରାନ୍ତି କାରି ସଙ୍ଗୀତଜ୍ଞ ରାଜ କିଶୋର ସୁନାନି, କର୍ଲାପାଟ ସରପଞ୍ଚ ବିଶ୍ଵ ନାଥ ମାଝୀ, ସୁରେଶ ସଂଗ୍ରାମ, ଆଜାଦ ସ୍ଵାତୀ, ସୁରେଶ ସଂଗ୍ରାମ, ବରିଷ୍ଠ ଆଇନଯିବି ପୂର୍ଣ୍ଣ ଚନ୍ଦ୍ର ପ୍ରଧାନ, ଅଖିଳ ଭାରତ ଛାତ୍ର ସଙ୍ଘ ଜିଲ୍ଲା ସଭାପତି ରାଜାରାମ ଡଙ୍ଗରି, ଅଖିଳ ଭାରତ ଯୁବ ସଙ୍ଘ ଜିଲ୍ଲା ସମ୍ପାଦକ ସଞ୍ଜୟ ଶୁନାନି, ଲକ୍ଷ୍ମଣ ରଣବୀର, ଜୁନାଗଡ ବଣିକ ସଂଘ ସଂପାଦକ ପ୍ରଭାତ ଦାସ, ଦୂର୍ଯ୍ୟ ମାଝୀ ଆଦି ବିଭିନ୍ନ ସଂଘଠନ ମଞ୍ଚାସିନ ଥିଲେ ଏବଂ ମୁଖ୍ୟ ବକ୍ତା ଭାବରେ କାର୍ତ୍ତିକ ମାଝୀ, ବ୍ରିଟିଶ କୁମାର, ଲଦ ସିକ୍କା ବକ୍ତବ୍ୟ ପ୍ରଦାନ କରିଥିଲେ ଏବଂ ଅତିଥି ବକ୍ତା ଭାବରେ ଲିଙ୍ଗରାଜ ଆଜାଦ, ଲେଖକ ଏବଂ ମାନବାଧିକାର କର୍ମୀ ନିଗମ, ମିଥ୍ୟା ମକଦ୍ଦମା ବିରୋଧି ଅଭିଯାନ ଆବାହକ ନରେନ୍ଦ୍ର ମହାନ୍ତି, ନିସାନ କବି ତଥା ସମ୍ପାଦକ ଲେନିନ କୁମାର, ସାମାଜିକ କର୍ମୀ ଶ୍ରୀମନ୍ତ ମହାନ୍ତି ପ୍ରଭୂତ ଅଂଶଗ୍ରହଣ କରି ମତାମତ ରଖିଥିଲେ।

ଆଗାମୀ ଦିନରେ ଜନଆନ୍ଦୋଳନ କୁ ବଳିଷ୍ଟ କରିବା ସହ ବୁଦ୍ଧିଜୀବୀ ଏବଂ ସଚେତନ ନାଗରିକ ମାନଙ୍କୁ ଆନ୍ଦୋଳନ ସହ ଯୋଡିବା ପାଈଁ ଏହି ଆଲୋଚନା ଚକ୍ର ରେ ନିଷ୍ପତ୍ତି ନିଆଯାଇଥିବା ଜଣାପଡିଛି।

Categories
ଆଜିର ଖବର

ଭବାନୀପାଟଣା ଠାରେ ପ୍ରାଣୀ ସହାୟତା ଆମ୍ବୁଲାନ୍ସ ସେବା ଉଦଘାଟିତ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ସ୍ଥାନୀୟ ଜିଲ୍ଲା ମୁଖ୍ୟ ପ୍ରାଣୀସମ୍ପଦ କାର୍ଯ୍ୟାଳୟ ଠାରେ କଳାହାଣ୍ଡି ଜିଲ୍ଲାପାଳ ତଥା ଜିଲ୍ଲା ଜୀବ ନିରୋଧ ନିଷ୍ଠୁରତା ସମିତି ଅଧ୍ୟକ୍ଷ ଡ଼ ଗାଭାଲି ପରାଗ ହର୍ଷଦ୍  ଭବାନୀପାଟଣା ପୌରପରିଷଦ ପାଇଁ ପ୍ରାଣୀ ସମ୍ପଦ ବିଭାଗ ତରଫରୁ ଏକ ପ୍ରାଣୀ ସହାୟତା ଆମ୍ବୁଲାନ୍ସ ସେବାର ଶୁଭ ଉଦଘାଟନ କରିଛନ୍ତି।

ଏହି ଆମ୍ବୁଲାନ୍ସ ସେବାର ମୁଖ୍ୟ ଆଭିମୁଖ୍ୟ ଭବାନୀପାଟଣା ମ୍ୟୁନିସିପାଲଟି ଅଞ୍ଚଳରେ ଅସୁସ୍ଥ ଓ ଦୁର୍ଘଟଣାଗ୍ରସ୍ତ ବୁଲା ଜୀବଜନ୍ତୁଙ୍କୁ ଜରୁରୀ ଚିକିତ୍ସା ଯୋଗାଇଦେବା ଏବଂ ଏଥିପାଇଁ ଟୋଲ ଫ୍ରି ନଂ ୧୯୬୨ କୁ ଯେ କୌଣସି ବ୍ୟକ୍ତି ଫୋନ କରି ଜଣାଇପାରିବେ। ଏହି ସେବା ସକାଳ ୬.୦୦ଘଣ୍ଟା ରୁ ରାତ୍ର ୧୦.୦୦ଘଣ୍ଟା ପର୍ଯ୍ୟନ୍ତ ନିଃଶୁଳ୍କ ରେ ଉପଲବ୍ଧ ହୋଇପାରିବ।

ଏହି ଆମ୍ବୁଲାନ୍ସ ସେବାରେ ୨ ଜଣ ପ୍ରାଣୀ ଚିକିତ୍ସକ,୨ ଜଣ ପ୍ରାଣୀ ସହାୟକ ଏବଂ ୨ ଜଣ ସହାୟକ ୨ଟି ସିଫ୍ ରେ ସେବା ଯୋଗାଇବେ। ଖୁସିର ବିଷୟ ରାଜ୍ୟର ୧୧ ଟି ମ୍ୟୁନିସିପାଲଟି ମଧ୍ୟରୁ ଭବାନୀପାଟଣା ମ୍ୟୁନିସିପାଲଟି ଆଜିଠୁ ଏହି ସେବାରେ ଅନ୍ତର୍ଭୁକ୍ତ ହେଲା।

ସୂଚନା ଯୋଗ୍ୟ ଯେ, ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାରା ରାଜ୍ୟରେ ସମସ୍ତ ମ୍ୟୁନିସିପାଲଟିରେ ଅତିଶିଘ୍ର ଏହି ପ୍ରାଣୀ ଆମ୍ବୁଲାନ୍ସ ସେବାର ରାଜ୍ୟସ୍ତରୀୟ ଶୁଭ ଉଦଘାଟନ କରିବେ। ଏହି ଆମ୍ବୁଲାନ୍ସ ସେବାରେ ପରିଚାଳନା ସହଯୋଗର ହାତ ବଢାଇଛନ୍ତି ସ୍ଥାନୀୟ ” ଦାପ୍ତା” ସ୍ଵେଚ୍ଛା ସେବୀ ଅନୁଷ୍ଠାନ।

ଉକ୍ତ ଉଦଘାଟନ ସମାରୋହରେ ସି ଡି ଭି ଓ ଡ ଚୈତନ୍ୟ ଚରଣ ସେଠୀ, ଅତିରିକ୍ତ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡ ଅଶୋକ ଚନ୍ଦ୍ର ପଣ୍ଡା, ଏଭିଡିଓ ଡ ଦୟା ସାଗର ଦୁରୀୟା, ଉପ ନିର୍ଦ୍ଦେଶକ, ପ୍ରାଣୀସମ୍ପଦ ଡ ଧର୍ମାନନ୍ଦ ମହାନ୍ତି, ଜିଲ୍ଲା ତାଲିମ ସଂଯୋଜକ ଡ କେଦାରନାଥ ଖମାରୀ, ଡିଆଈପିଆର୍ ଓ ମନୋଜ ବେହେରା, ମ୍ୟୁନିସିପାଲଟି ନିର୍ବାହୀ ଅଧିକାରୀ ବଳୟ ଦେହୁରୀ, ଦାପ୍ତା ସମ୍ପାଦକ ରାଜୁ ଶର୍ମାଙ୍କ ସମେତ ପ୍ରାଣୀସମ୍ପଦ କାର୍ଯ୍ୟାଳୟର କର୍ମଚାରୀ ଉପସ୍ଥିତ ଥିଲେ।

Categories
ଆଞ୍ଚଳିକ

ଭବାନୀପାଟଣା ଠାରେ ଜିଲ୍ଲା ସ୍ତରୀୟ ବିଶ୍ଵ ତମାଖୁ ବର୍ଜନ ଦିବସ ପାଳିତ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଆଜି ସ୍ଥାନୀୟ ଜିଲ୍ଲା ମୁଖ୍ୟ ଚିକିତ୍ସାଳୟର ସଭାଗୃହ ରେ ଜିଲ୍ଲା ସ୍ତରୀୟ ବିଶ୍ଵ ତମାଖୁ ବର୍ଜନ ଦିବସ ପାଳନ କରାଗଲା। ସି ଡ଼ି ଏମ ଓ ଡ କସ୍ତୁରୀ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଡି ପି ଏଚ ଓ ଡ ରାକେଶ ସାହୁ, ଏ ଡି ପି ଏଚ ଓ ଡ ଚନ୍ଦ୍ରିକା ଆଚାର୍ଯ୍ୟ, ଡି ପି ଏମ ଅବନୀ ମହାପାତ୍ରଙ୍କ ସମେତ ନିହାର ଠାକୁର, ହିମାଂଶୁ ବାରିକ, ବିବେକାନନ୍ଦ ସାମଲ ପ୍ରମୁଖ ଉପସ୍ଥିତ ଥିଲେ।

ଅତିଥିଗଣ ନିଜ ଭାଷଣରେ ତମାଖୁ ସେବନର ଅପକାରିତା ଓ କର୍କଟ ରୋଗ ର ଅନ୍ୟତମ କାରଣ କହିବା ସହ ଏହିଭଳି ନିଶାଦ୍ରବ୍ୟକୁ ସେବନ ନ କରିବାତଥା ତଦ୍ ଜନିତ ମୃତ୍ୟୁ ସଂଖ୍ୟା ହ୍ରାସ ପାଇଁ ସମାଜ ରେ ବିଶେଷ ପ୍ରଚାର ସହ ସ୍କୁଲ କଲେଜ ମାନଙ୍କ ପାଖରେ ଏଭଳି ନିଶାଦ୍ରବ୍ୟ ର ବିକ୍ରି କୁ ନିଷେଧ ଉପରେ କହିଥିଲେ। ଚଳିତ ବର୍ଷର ସ୍ଲୋଗାନ” ତମାଖୁ ଆମ ପରିବେଶ ପ୍ରତି ବିପଦ”ଏବଂ ଏହା ଉପରେ ଗୁରୁତ୍ବ ଦେଇ ତମାଖୁ ସେବନ କୁ ନିରୁତ୍ସହିତ କରିବା ଆମ ସମସ୍ତଙ୍କର ଦାୟିତ୍ୱ।ଏହି ଦିବସର ମହତ୍ତ୍ଵକୁ ମାନେ ପକାଇ ଏକ ଶପଥ ପାଠ କାର୍ଯକ୍ରମ ହୋଇଥିଲା।

ବିଶ୍ଵ ତମାଖୁ ବର୍ଜନ ଦିବସ ଉପଲକ୍ଷେ ଅନୁଷ୍ଠିତ ହୋଇଥିବା ସ୍କୁଲ ଓ କଲେଜ ସ୍ତରୀୟ ବକ୍ତୃତା, ଚିତ୍ରାଙ୍କନ,ସ୍ଲୋଗାନ ପ୍ରତିଯୋଗିତା ରେ ବିଜୟୀ କୃତି ଛାତ୍ର ଛାତ୍ରୀ ଙ୍କୁ ମୁଖ୍ୟ ଅତିଥି ଡ କସ୍ତୁରୀ ମିଶ୍ର ପୁରସ୍କାର ପ୍ରଦାନ କରିଥିଲେ। ସଭା କାର୍ଯକ୍ରମ ପୂର୍ବରୁ ସକାଳ ୮.୦୦ ଘ ସମୟରେ ଆଶା କର୍ମୀ ଓ ଏ ଏନ୍ ଏମ ଛାତ୍ରୀ ମାନଙ୍କ ଦ୍ଵାରା ଏକ ଶୋଭାଯାତ୍ରା ବାହାରି ସହର ପରିକ୍ରମା କରାଯାଇଥିଲା।

Categories
ଅପରାଧ ଆଜିର ଖବର ରାଜ୍ୟ ଖବର

ଦୀର୍ଘ ଦିନର ବ୍ୟବଧାନ ପରେ କଳାହାଣ୍ଡିରେ ମାଓବାଦୀଙ୍କ ସ୍ଥିତି ଜାହିର

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲାରେ ମାଓ ତାଣ୍ଡବ ଦିନ ପ୍ରତିଦିନ ବୃଦ୍ଧି ପାଇବାରେ ଲାଗିଛି। ଜିଲ୍ଲାରେ ମାଓ ବାହୀନି ନିଜର ସ୍ଥିତି ଜାହିର କରୁଥିବା ବେଳେ ବିଭିନ୍ନ ସମୟରେ ବିଭିନ୍ନ ସ୍ଥାନରେ ଲ୍ୟାଣ୍ଡ ମାଇନ ବିସ୍ଫୋରଣ, ପୋଡାଜଳା ଭଲି ଛିଟ ବଡ ଘଟଣା ନଜରକୁ ଆସୁଛି।

ଇତି ମଧ୍ୟରେ କେତେକ ମାଓବାଦୀ ଆତ୍ମ ସମର୍ପଣ କରି ସମାଜର ମୂଖ୍ୟ ସ୍ରୋାତରେ ସାମିଲ ହେଉଥିଭା ବେଳେ ନିକଟ ଅତୀତରେ ପୁଣି ଥରେ ମାଓବାଦୀ ମାନେ ସେମାନଙ୍କ ସ୍ଥିତି ଜାହିର କରିଥିବା ଜଣାପଡିଛି। ଏହିଭଳି ଏକ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଭବାନୀପାଟଣା ସଦର ବ୍ଲକ ଅନ୍ତର୍ଗତ ଯୁଗସାଇପାଟଣା ପୋଖରୀ ଘାଟି ମାନସ୍କା ପ୍ରଧାନ ମନ୍ତ୍ରୀ ସଡକ ଯୋଜନାରେ ରାସ୍ତା ନିର୍ମାଣରେ।

ଏଠାରେ ନିୟୋଜିତ ଟ୍ରାକ୍ଟର, ଟିପର ଓ ଜେସିବି ମେସିନକୁ କୁ ସିପିଆଇ ମାଓବାଦୀ ଓଡିଶା ରାଜ୍ୟ କମିଟି ପକ୍ଷରୁ ପୋଡି ଦିଆଯାଇଥିବା ବେଳେ ରାସ୍ତା କାମକୁ ବିରୋଧ କରି ମାଓବାଦୀ ସଂଗଠନ ପକ୍ଷରୁ ପୋଷ୍ଟର ଲଗା ଯାଇଛି। ୨୦୧୮ ମସିହା ପରେ ମାଓ ସଂଗଠନ ର ଏହା ଏକ ବଡ଼ ହିଂସାକାଣ୍ଡ। ଏହି ରାସ୍ତା କାମ ଭବାନୀପାଟଣା ର ଠିକାଦାର ପ୍ରମୋଦ ପଟନାୟକ କରୁଥିଲେ ବୋଲି ଜଣା ପଡ଼ିଛି। ଘଟଣା ପରେ ସିଆରପିଏଫ ଓ ପୋଲିସ ପକ୍ଷରୁ କୁମ୍ବିଂ କୁ ଜୋରଦାର କରାଯାଇଥିବା ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଜୟପାଟଣା ପୋଲିସର ବଡ ସଫଳତା, ଚାଲାଣ ସମୟରେ ୪୨୭ କେଜି ଗଞ୍ଜେଇ ଜବତ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲାରେ ଦିନକୁ ଦିନ ଗଞ୍ଜେଇ ମାଫିଆ ମାନେ ସକ୍ରୀୟ ହେଉଥିବା ବେଳେ ଜୟପାଟଣା ପୋଲିସକୁ ବଡ ସଫଳତା ମିଳିଛି। କଳାହାଣ୍ଡି ଏସପି ଅଭିଲାଷ ଜି. ଆଇପିଏସ ଙ୍କ ନିର୍ଦ୍ଦେଶରେ ଜୟପାଟଣା ଥାନାଧିକାରୀ ବାସୁଦେବ ଛତ୍ରୀଆଙ୍କ ନେତୃତ୍ୱରେ ପୋଲିସ ଟିମ କୌଣସି ସୂତ୍ରରୁ ଖବର ପାଇ ଏକ ବୋଲେରୋ ପିକପ ଓଡି ୦୮-ଏଲ-୬୨୨୬ ଗାଡିରେ ପ୍ରତାପପୁର କେନାଲ ରାସ୍ତା ମଧ୍ୟ ଦେଇ ୪୨୭ କେଜି ଗଞ୍ଜେଇ ଚାଲାଣ ହେଉଥିବା ବେଳେ ଜବତ କରିଥିବା ପୋଲିସ ସୂତ୍ରରୁ ପ୍ରକାଶ।

ପଡୋଶୀ ଆନ୍ଧ୍ର ପ୍ରଦେଶ ର ଭେଲାକାଟୁ ଠାରୁ ମହୁଲପାଟଣା ଘାଟି ରେ କୋକସରା ପଟକୁ ଆଣୁଥିବା ବେଳେ ବୋଲେରୋ ଏସଏଲଇ ଓଡି ୩୩-ଏଏ-୨୦୨୭ ଏବଂ ଏକ ଗ୍ଲାମର ଓଡି୦୮-ଗି-୪୧୧୮ ବାଇକ ରେ ରାଜେନ୍ଦ୍ର ଦଣ୍ଡସେନା, ସାଗର ପାଣିଗ୍ରାହୀ, ପିଙ୍କୁ ରାଉତ,ଦୟାସାଗର ପୋଡ, ରିପୁ ପୁଂଜି ଉକ୍ତ ଗଂଜେଇ ଗାଡିକୁ ଏସକର୍ଟ କରି ଆଣୁଥିବା ପୋଲିସ ଜାଣିପାରି ସମସ୍ତଙ୍କୁ ଘଟଣା ସ୍ଥଳରେ ଗିରଫ କରିଥିବା ପୋଲିସ ସୂତ୍ରରୁ ପ୍ରକାଶ।

ଜୟପାଟଣା ପୋଲିସ ଏମଡିପିଏସ ଆଇନର ଧାରା ୨୦ ଏ.ବି.ସି ଅନୁସାରେ ଥାନା କେଶ ନଂ. ୧୮୬ ତା.୨୭.୦୫.୨୦୨୨ ରେ ଏକ କେଶ ରୁଜ୍ଜୁ କରି କୋକସରା ତେଣ୍ଡାପାଲିର ଟିକେଧର ଗଏନ୍ତା (୩୮. କୃଷ୍ଣ ବିଶି (୫୦) ଓ ଦିବାକର ମାଝୀ (୪୦), ଦାବରୀଗୁଡା ର ଶୋଭା ମାଝୀ (୩୬),ଉଛଲାର ଶଙ୍କର ଧଙ୍ଗଡାମାଝୀ (୪୨),ଜୁନାଗଡ ର ରାଜେନ୍ଦ୍ର ଦଣ୍ଡସେନା (୩୫), ବଡକୁଟ୍ରୁର ସାଗର ପାଣିଗ୍ରାହୀ(୩୦), ବିଜମରାର ପିଙ୍କୁ ରାଉତ (୩୦), ମାଝୀଗୁଡାର ଦୟାସାଗର ପୋଡ (୩୦) ଓ ରିପୁ ପୁଂଜି (୪୨) ଙ୍କୁ ଗିରଫ କରି ୪୨୭ କେଜି ଗଂଜେଇ, ବୋଲେରୋ, ପିକଅପ, ବାଇକ, ପାଂଚ ଗୋଟି ମୋବାଇଲ ଓ ୧୧ହଜାର ୫୬୦ ଟଙ୍କା ଜୟପାଟଣା ଏକଜିକ୍ୟୁଟିଭ ମାଜିଷ୍ଟ୍ରେଟଙ୍କ ଉପସ୍ଥିତିରେ ଜବତ କରି ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରିଥିବା ପ୍ରେସ ବିଜ୍ଞପ୍ତିରେ ପ୍ରକାଶ।

Categories
ଆଜିର ଖବର ରାଜ୍ୟ ଖବର

ସତ୍ୟ ହେଲେ ସାଂଘାତିକ!: ଅଣ-ଓଡିଆ ଜମି ମାଫିଆଙ୍କ ଲୋଲୁପ ଦୃଷ୍ଟିରେ କଳାହାଣ୍ଡି, ଉଚ୍ଚ ସ୍ତରୀୟ ତଦନ୍ତ ଦାବୀ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲାରେ ପ୍ରୋଜେକ୍ଟ ଅଂଚଳରେ ବ୍ୟାପକ ଭାବେ ଅଣ-ଓଡିଆ ମାନେ ଜମିବାଡି କିଣି ଚାଷବାସ କରି ଦୀର୍ଘ ଦିନରୁ ରହିଆସୁଥିବା ବେଳେ ଜମି ମାଫିଆ ମାନେ ସକ୍ରୀୟ ଥିବା ଅଭିଯୋଗ ହେଉଛି। ନିକଟ ଅତୀତରେ ଲାଂଜିଗଡ ଅଂଚଳରେ ଏହି ଅଣ-ଓଡିଆ ମାନେ ସ୍ଥାନୀୟ ନୀରିହ ଗରିବ ଆଦିବାସୀ ମାନଙ୍କ ଜମି ଜବରଦଖଲ କରିବା ସହିତ ସରକାରୀ ଜମିକୁ ମଧ୍ୟ କବଜା କରିଥିବା ସମଗ୍ର ଜିଲ୍ଲାରେ ଚର୍ଚ୍ଚା ହେଉଥିଲା।

ପଡୋଶୀ ରାଜ୍ୟରେ ଜମି ମୂଲ୍ୟ ଓଡିଶାର ଜମି ମୂଲ୍ୟ ଠାରୁ ବହୁ ଗୁଣରେ ଅଧିକ ଥିବା ବେଳେ ସେଠାକାର ମୂଲ୍ୟବାନ ଜମିକୁ କୋଟି କୋଟି ଟଙ୍କାରେ ବିକ୍ରୀ କରିଦେଇ ଏହି ଅଣ-ଓଡିଆ ମାନେ ଓଡିଶାର ଉପାନ୍ତ ଅଂଚଳକୁ ଆସି ସେହି ଟଙ୍କାରେ ଶାଗ ମାଛ ଦରରେ ଅନେକ ଜମି ନିଜ ପରିବାର ଲୋକଙ୍କ ନାମରେ କିଣି ଆସ୍ଥାନ ଜମାଉଥିବା ଦେଖା ଯାଉଛି। ବିଶେଷ କରି ଇନ୍ଦ୍ରାବତୀ ଆୟାକଟ ଅଂଚଳରେ ଏହି ଅଣ ଓଡିଆ ମାନେ ସ୍ଥାନୀୟ ଲୋକଙ୍କ ଠାରୁ ଶାଗମାଛ ଦରରେ ଅନେକ ଜମି କିଣି ନିଜ ନିଜ ସଂପର୍କୀୟ ମାନଙ୍କ ନାମରେ ରଖିଥିବା ଆଲୋଚନା ହେଉଛି। ଏପରିକି ଏହି ଅଣ-ଓଡିଆ ମାନଙ୍କ ଦ୍ୱାରା ବିଭିନ୍ନ ଶସ୍ୟ ତଥା ବିହନ, ଔଷଧ, ଖତସାର ଇତ୍ୟାଦି ସରକାରୀ ବ୍ୟବସ୍ଥା ଅଗୋଚରରେ ଅନେକ କାରବାର ହେଉଥିବା ମଧ୍ୟ ଅଭିଯୋଗ ହେଉଛି।

ଲାଂଜିଗଡ ବ୍ୟତୀତ ମୋଟେର-ଜୟପାଟଣା ରାସ୍ତା ଉପରେ ବଡକୁଟ୍ରୁଛକରେ, ଲଡୁଗାଁ ରାସ୍ତାରେ ବିମଳା ଗ୍ରାମରେ, ଗୁନଗୁନିଆ ରାସ୍ତାରେ ରେଙ୍ଗାଲପାଲି ଗ୍ରାମରେ, ବୁଢୀଦର ରାସ୍ତାରେ ତେତେଲପଡା ଗ୍ରାମରେ ବିଶେଷ କରି ଏହି ଅଣ-ଓଡିଆ ମାନେ ବହୁମାତ୍ରାରେ ବସତି ସ୍ଥାପନ କରୁଥିବା ଏବଂ ଚାଷ ବାସ ସହିତ ବିଭିନ୍ନ କାରବାର କରୁଥିବା ଦେଖାଯାଉଛି। ବିମଳା ଗ୍ରାମର କେନାଲ ହୁଡା ପାଶ୍ୱର୍ରେ ରହୁଥିବା ଜନୈକ ଅଣଓଡିଆ ପ୍ରାୟ ୨୭ ଗୋଟି କମ୍ବାଇନ ହାରଭେଷ୍ଟର ବିଭିନ୍ନ ଆଦିବାସୀ ଲୋକଙ୍କ ନାମରେ ସବସିଡି ମାଧ୍ୟମରେ କିଣି ସେସବୁକୁ ଭଡାରେ ଲଗାଉଥିବା ଅଭିଯୋଗ ହୋଇଛି।

ଜୁନାଗଡ ଓ ବନମାଳିପୁର ଠାରେ ଜନୈକ ଅଣ-ଓଡିଆ ୟାନମାର କଂପାନୀର କମ୍ବାଇନ ହାରଭେଷ୍ଟର ଡିଲରସିପ କରି ଅନେକ ଆଦିବାସୀ ଲୋକଙ୍କ ନାମରେ ସବସିଡି ଉଠାଇ ଥିବା ଅଭିଯୋଗ ହୋଇଛି। ନିକଟ ଅତୀତରେ ଧର୍ମଗଡ ଉପଖଣ୍ଡରେ ଶିଳ୍ପ ପ୍ରତିଷ୍ଠା ପାଇଁ ସରକାର ଯୋଗାଇ ଦେଇଥିବା ଜମିକୁ ଅଣ-ଓଡିଆ ଲୋକେ ସଂପୃକ୍ତ କଂପାନୀ ଠାରୁ କୌଣସି ଉପାୟରେ କିଣି ନେଇ ଚାଷ କରୁଥିବା ମଧ୍ୟ ଜଣାପଡିଛି।

ସୂଚନା ଯୋଗ୍ୟ ଯେ ସ୍ଥାନିୟ ଲୋକେ ସରଳ ନୀରିହ ବିଶ୍ୱାସୀ ହୋଇଥିବା ବେଳେ ବିଭିନ୍ନ ପ୍ରାକୃତିକ ବିପର୍ଯ୍ୟୟ କାରଣରୁ ସ୍ୱଳ୍ପ ଆୟ ହେତୁ ଗରିବ ମଧ୍ୟ ହୋଇଥାନ୍ତି। ଏଠାକାର ଜମିବାଡିର ମୂଲ୍ୟ ସେଭଳି ଚଢା ଦାମରେ ମଧ୍ୟ ବିକ୍ରୀ ହୋଇପାରିନଥାଏ। ଯାହାଫଳରେ ପଡୋଶୀ ରାଜ୍ୟରେ ଏକର ପିଛା ଲକ୍ଷ ଲକ୍ଷ ଟଙ୍କାରେ ଜମି ବିକି ଦେଇ କଳାହାଣ୍ଡିରେ ବହୁ ପରିମାଣରେ ଜମି କିଣୁଥିବା ଜଣାପଡିଛି।

ଅନ୍ୟପକ୍ଷରେ କଳାହାଣ୍ଡିର ନୀରିହ ଲୋକେ ବିଶେଷ କରି ସ୍ୱାସ୍ଥ୍ୟ ସେବା ପାଇଁ ପଡୋଶୀ ରାଜ୍ୟ ଉପରେ ଭରସା କରୁଥିବାରୁ ସେଠାରେ ଏହି ଅଣ-ଓଡିଆ ଦଲାଲ ମାନେ ହୁଏତ ହଇରାଣ ହରକତ କରିପାରନ୍ତି ବୋଲି ଆଶଙ୍କା କରି ନୀରିହ ଲୋକେ ଅଣ-ଓଡିଆ ମାନଙ୍କୁ ପ୍ରତିବାଦ କରୁନଥିବା ଜଣାପଡିଛି।

ଜୟପାଟଣା ବ୍ଲକ ଅଂଚଳର ଜନୈକ ଅଣ-ଓଡିଆଙ୍କ ସଂପର୍କୀୟ ଲାଲବାହାଦୁର ଶାସ୍ତ୍ରୀ ଏକାଡେମୀ ଅଫ ଏଡମିନିଷ୍ଟ୍ରେସନରେ ପଦସ୍ଥ ପଦାଧିକାରୀ ରହିଥିବା ପ୍ରଚାର କରି ବିଭିନ୍ନ ପଦାଧିକାରୀ ମାନଙ୍କୁ ଚାପ ପକାଉଥିବା ଏବଂ ପ୍ରଶାସନିକ ବ୍ୟବସ୍ଥାରେ ଅଣ-ଓଡିଆ ମାନଙ୍କୁ ସୁହାଇବା ଭଲି ଫାଇଦା ନେଉଥିବା ବିଷୟ ମଧ୍ୟ ସାଧାରଣରେ ଆଲୋଚନା ହେଉଛି। ପଦାଧିକାରୀ ମାନଙ୍କୁ ଚାପ ପକାଇ ଅଣ-ଓଡିଆ ମାନଙ୍କ ବିଭିନ୍ନ କାର୍ଯ୍ୟ ପାଇଁ ଏହି ବାବୁ ଦଲାଲି କରୁଥିବା ଅଭିଯୋଗ ହେଉଛି।

ଏହା ଯଦି ସତ୍ୟ ହୋଇଥାଏ ତେବେ ଏସଂପର୍କରେ ଏକ ଉଚ୍ଚ ସ୍ତରୀୟ ତଦନ୍ତ କରାଯାଇ ସଂପୃକ୍ତ ଦଲାଲଗିରି ବନ୍ଦ କରାଯିବାକୁ ବୁଦ୍ଧିଜୀବି ମହଲରେ ଦାବୀ ହେଉଛି। ସ୍ଥାନୀୟ ସାଧାରଣ ଲୋକେ ବିଭିନ୍ନ ସ୍ତରରେ ଉଚିତ ନ୍ୟାୟ ପାଇପାରୁନଥିବା ବେଳେ ପ୍ରଶାସନିକ ଟ୍ରେନିଂ ଏକାଡେମୀରେ ସଂପର୍କୀୟ ଥିବାର ପ୍ରକାଶ କରି ବିଭିନ୍ନ ସ୍ତରରେ ଚାପ ପକାଇ ଫାଇଦା ଉଠାଉଥିବା ଏଭଳି କାରବାର ସଂପର୍କରେ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ଦାବୀ ହେଉଛି।

Categories
ଅପରାଧ ଆଜିର ଖବର ରାଜ୍ୟ ଖବର

କଳାହାଣ୍ଡି ଜିଲ୍ଲା ଏବେ ଆଇପିଏଲ ସଟ୍ଟା ଖେଳର ହବ ପାଲଟିଛି

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡିରେ ଆଇପିଏଲ ସଟ୍ଟା ମୁହାଁ ହୋଇଛନ୍ତି ଯୁବଗୋଷ୍ଠୀ। ବିନା ପରିଶ୍ରମରେ ଟଙ୍କା ଉପାର୍ଜନର ଲୋଭ ଦେଖାଇ ସଟ୍ଟା ବ୍ୟବସାୟୀ କରୁଛନ୍ତି ବ୍ୟବସାୟ। ମୁଖ୍ୟ ଟାର୍ଗେଟରେ ଅଛନ୍ତି ଗ୍ରାମାଞ୍ଚଳର ବେକାର ଯୁବଗୋଷ୍ଠୀ।

କଳାହାଣ୍ଡି ଜିଲ୍ଲା ଧର୍ମଗଡ଼ ସହର ଏବେ ଆଇପିଏଲ ସଟ୍ଟା ଖେଳର ହବ ପାଲଟିଛି। ଧର୍ମଗଡ଼ ସହର ସମେତ ଏହାର ଆଖପାଖ ଗ୍ରାମାଞ୍ଚଳ ମାନଙ୍କରେ ଏହା ପରିଚାଳିତ ହେଉଥିବା ଦେଖିବାକୁ ମିଳୁଛି। ସୋସିଆଲ ମିଡିଆ ଜରିଆରେ ଖେଳ ହେଉଥିବା ପୋଲିସ ତଦନ୍ତରୁ ଜଣାପଡିଛି।

ଧର୍ମଗଡ଼ ଏସଡ଼ିପିଓ ଧିରଜ ଚୋପଦାରଙ୍କ ନେତୃତ୍ତ୍ବରେ ଏକ ପୋଲିସ ଟିମ ଆଇପିଏଲ ସଟା ବ୍ୟବସାୟୀଙ୍କ ଉପରେ ଅତର୍କିତ ଚଢ଼ାଉ କରିଛନ୍ତି। ଏହି ଘଟଣାରେ ଧର୍ମଗଡ଼ର କେନ୍ଦୁମୁଣ୍ଡି ପଡାର ରଶ୍ମି ରଞ୍ଜନ ଚୌଧୁରୀକୁ ଗିରଫ କରିବା ସହ ୭ଟି ମୋବାଇଲ ଫୋନ, ଗୋଟିଏ ଲାପଟପ, ୪ଟି ପାସବୁକ ସହ ୪ଟି ଏଟିଏମ କାର୍ଡ, ୭୦ ହଜାର ଟଙ୍କା, ଗୋଟିଏ ନୋଟ କାଉଣ୍ଟିଙ୍ଗ ମେସିନ ସମେତ ଏକ ଫର୍ଡ ଇକକୋ ସ୍‌ସ୍ପସ୍ପୋର୍ଟ କାର ଜବତ କରାଯାଇଥିବା  ପୋଲିସ ପ୍ରକାଶ କରିଛି।

ଏସଂକ୍ରାନ୍ତରରେ ଧର୍ମଗଡ ଥାନା କକେଶ ନଂ. ୧୧୬ ତା.୧୬.୦୫.୨୦୨୨ ରେ ଆଇପିସି ଧାରା ୪୨୦/୨୯୪-ଏ ସହିତ ଓପିଜି ଆଇନର ଧାରା ୩ ଏବଂ ପିସିଏମସିଏସ ବେନିଂ ଆଇନର ଧାରା ୪/୫ ଅନୁସାରରେ ଏକ କକେଶ ରୁଜ୍‌ଜ୍ଜୁ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଜୁଆଆଡ୍ଡା ଉପରେ ପୋଲିସର ଅତର୍କିତ ଚଢାଉ, ମାଷ୍ଟରମାଇଣ୍ଡ ସମେତ ୬ ଜଣ ଗିରଫ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲାର ଗ୍ରାମାଞ୍ଚଳ ସମେତ ସହରାଞ୍ଚଳରେ ବେଧଡକ ଭାବେ ଚାଲିଛି ଜୁଆ ଖେଳ। ପୋଲିସ ଆଖିରେ ଧୂଳି ଦେଇ କଳାହାଣ୍ଡି ଜିଲ୍ଲାରେ ବେଆଇନ ଜୁଆ ଖେଳ ଚାଲିଥିବା ଅଭିଯୋଗ ରହିଥିଲା। ଏହାକୁ ନେଇ ସାଧାରଣରେ ଅସନ୍ତୋଷ ବୃଦ୍ଧିପାଇଥିଲା। ଗୋଳାମୁଣ୍ଡା ପୋଲିସ ଥାନା ଅଞ୍ଚଳରେ ଚାଲିଥିବା ଜୁଆଆଡ୍ଡା ଉପରେ ଅତର୍କିତ ଚଢାଉ କରି ପୋଲିସ ୬ ଜଣ ଜୁଆଡି କୁ ଗିରଫ କରିଛି। ସେମାନଙ୍କ ନିକଟରୁ ୮ ଟି ବାଇକ, ୬ ଟି ମୋବାଇଲ ଫୋନ, ନଗଦ ୯୫ ହଜାର ଟଙ୍କା, ୩ ସେଟ ତାସ ପତି, ତାରପାଉଲିନ ଇତ୍ୟାଦି ସମେତ ଜୁଆଖେଳରେ ବ୍ୟବହୃତ ଅନେକ କାଗଜପତ୍ର ଜବତ କରାଯାଇଥିବା ପୋଲିସ ସୂତ୍ରରୁ ପ୍ରକାଶ।

ସୁଚନା ଅନୁଯାୟୀ, ଗୋଳାମୁଣ୍ଡା ଥାନା ଅନ୍ତର୍ଗତ ଘୋଟିଆ ଗାଁ ଶେଷ ମୁଣ୍ଡରେ ଥିବା ଟିକେନ୍ ଜୋର ନାଳ ନିକଟରେ ଜୁଆ ଖେଳ ଚାଲୁଥିବାର ବିଶ୍ବସ୍ତ ସୂତ୍ରରୁ ଖବର ପାଇ ପୋଲିସର ଏକ ସ୍ବତନ୍ତ୍ର ଟିମ୍ ସେଠାରେ ଅତର୍କିତ ଚଢାଉ କରିଥିଲା। ଚଢାଉ ସମୟରେ ମାଷ୍ଟରମାଇଣ୍ଡ ସହ ୬ ଜଣ ଜୁଆ ଖେଳାଳିଙ୍କୁ ଗିରଫ କରିବାରେ ସଫଳ ହୋଇଥିଲା ପୋଲିସ। ଗୋଲାମୁଣ୍ଡା ଥାନା କେଶ ନଂ. ୯୦/୨୦୨୨ ୩ଓପିଜି ଆଇନ ରେ ଅଭିଯୁକ୍ତ ମାଷ୍ଟର ମାଇଣ୍ଡ ଚିଚୈଗୁଡା ର ପ୍ରକାଶ ଚନ୍ଦ୍ର ମେହେର(୫୬), ସାନଚେରଗାଁର ଅନନ୍ତ ସାହୁ (୩୯), କଗୋଁ ର ନବ ପୁଟେଲ (୪୨), ସିନାପାଲିର ଦେବେନ୍ଦ୍ର କଟା, ଲିମସେର ଗାଂର ନୃପରାଜ ମେହେର ଓ ଅରକ୍ଷିତ ମେହେର କୁ ପୋଲିସ ଗିରଫ କରି  ରେ ଏକ କେଶ ରୁଜ୍ଜୁ କରି ରୁଜ୍ଜୁ କରି କୋର୍ଟ ଚାଲାଣ କରିଥିବା ପୋଲିସ ସୂତ୍ରରୁ ଜଣାପଡିଛି।

Categories
ଆଜିର ଖବର ରାଜ୍ୟ ଖବର

ଲାଞ୍ଜିଗଡ଼ଠାରେ ଜିଲ୍ଲାପାଳଙ୍କ ଜନଶୁଣାଣି ଶିବିର ଅନୁଷ୍ଠିତ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ଆଜି ସ୍ଥାନୀୟ ଲାଞ୍ଜିଗଡ଼ବ୍ଲକ ବିଶ୍ଵନାଥପୁର ବିଡିଓଙ୍କ ସମ୍ମିଳନୀ କକ୍ଷରେ ଜିଲ୍ଲାପାଳ ଡ ଗାଭାଲି ପରାଗ ହର୍ଷଦ୍ ଙ୍କ ଅଧକ୍ଷତାରେ ଏକ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଏଥିରେ ପି ଡି, ଡି ଆର୍ ଡି ଏ ସୋମେଶ ଉପାଧ୍ୟାୟ, ଉପ ଜିଲ୍ଲାପାଳ ଭବାନୀପାଟଣା ଡ ବିଶ୍ୱଜିତ୍ ଦାସଙ୍କ ସମେତ ସମସ୍ତ ଜିଲ୍ଲା ସ୍ତରୀୟ ବିଭାଗୀୟ ଅଧିକାରୀ ଓ ଲାଞ୍ଜିଗଡ଼ ବ୍ଲକସ୍ତରୀୟ ଅଧିକାରୀ ଉପସ୍ଥିତ ଥିଲେ।

ଏହି ଜନ ଶୁଣାଣି ଶିବିରରେ ମୋଟ୍ ୩୯୭ ଜଣ ଆବେଦନକାରୀ ନିଜର ଅଭିଯୋଗ ପତ୍ର ଦାଖଲ କରିଥିଲେ। ସେଥିମଧ୍ୟରୁ ୩୪୦ଟି ବ୍ୟକ୍ତିଗତ ସମସ୍ୟା ଜର୍ଜରିତ ଅଭିଯୋଗ ଓ ୫୭ଟି ଗ୍ରାମ୍ୟ ତଥା ସାମୁହିକ ସମସ୍ୟା ସମ୍ମିଳିତ ଥିଲା। ୬୨ଟି ଅଭିଯୋଗ ର ସମାଧାନ ତୁରନ୍ତ କରାଯାଇଥିଲା।

ଜନଶୁଣାଣୀ ଶିବିର ପୂର୍ବରୁ ଜିଲ୍ଲାପାଳ ଡ଼ ଗାଭାଲି ସାମାଜିକ ଗଣମାଧ୍ୟମ, ମେଲ୍ ଓ ପତ୍ର ମାଧ୍ୟମରେ ଆସିଥିବା ମୁଖ୍ୟମନ୍ତ୍ରୀଙ୍କ ଅଭିଯୋଗ ପୋର୍ଟାଲ,ଜନଶୁଣାଣୀ ପୋର୍ଟାଲ ତଥା ଜିଲ୍ଲାପାଳଙ୍କ ଅଫିସ୍ କୁ ଆସିଥିବା ଆବେଦନ ର ଅଭିଯୋଗ ଓ ସମସ୍ୟା ସଂଯୁକ୍ତ ଜିଲ୍ଲାର ବିଭାଗୀୟ ଅଧିକାରୀ ଠାରେ ପ୍ରାପ୍ତ ହୋଇଥିବା ଅଭିଯୋଗର ସମୀକ୍ଷା କରି ଏହାର ଅଗ୍ରଗତି ଓ ସମାଧାନ ଶୀଘ୍ର କରିବାକୁ ନିର୍ଦ୍ଦେଶ ଦେଇଥିଲେ। ଅଭିଯୋଗ ମୁଖ୍ୟତଃ ପ୍ରଧାନମନ୍ତ୍ରୀ ଆବାସ ଯୋଜନା, ପେନସନ, ରାସନ୍ କାର୍ଡ, ଭତ୍ତା, ପାନୀୟ ଜଳ ଉପରେ ଥିବାର ଜଣା ପଡ଼ିଛି।

Categories
ଆଞ୍ଚଳିକ

ସମାଜରୁ କୁସଂସ୍କାର ବିଲୋପ ଓ ଶୃଙ୍ଖଳିତ ଜୀବନଯାପନ ମୂଳ ଲକ୍ଷ୍ୟ: କଳାହାଣ୍ଡି ମେହେର ସମାଜ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକ ପଳାସ ଗ୍ରାମରେ କଲାହାଣ୍ଡି ଜିଲ୍ଲା ମେହେର (ଭୁଲିଆ )ସମାଜର ଏକ ମହା ସଭା ଅନୁଷ୍ଠିତ ହୋଇ ନୂତନ କର୍ମକର୍ତ୍ତା ଚୟନ କରାଯାଇଥିଲା। ଏହି ମହାସଭାରେ ମୁଖ୍ୟ ଅତିଥି ଭାବେ ପୂର୍ବତନ ମନ୍ତ୍ରୀ ହିମାଂଶୁ ଶେଖର ମେହେର ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ଶ୍ରୀବତ୍ସ ମେହେର ରହିଥିଲେ।  ଏଥିରେ ସମାଜର ଉଦ୍ୟେଶ୍ୟ ଶୃଙ୍ଖଳିତ ଜୀବନ ଯାପନ ଓ କୁସଂସ୍କାର ଦୂରୀଭୂତ ପାଇଁ ସମାଜର ପ୍ରତ୍ୟେକ ସଦସ୍ୟ ଯତ୍ନବାନ ହେବାକୁ ଆହ୍ୱାନ କରାଯାଇ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା।

ଏହି କାର୍ଯ୍ୟକ୍ରମରେ ସଭାପତି ଭାବେ ଦିଲୀପ କୁମାର ମେହେର, ଉପସଭାପତି ସନ୍ତୋଷ କୁମାର ମେହେର, ଗଙ୍ଗାଧର ମେହେର, ଶ୍ରୀବତ୍ସ ମେହେର ରାଜ୍ୟ କମିଟି ସଦସ୍ୟ, ସମ୍ପାଦକ ଭାବେ ବିଦ୍ୟାଧର ମେହେର ଓ ସହ ସମ୍ପାଦକ ଶାନ୍ତନୁ ମେହେର, କୋଷାଧକ୍ଷ ଭାବେ ଗୋପୀନାଥ ମେହେର ପ୍ରମୁଖ ରହିଥିଲେ।

ସେହିପରି ବିଭୁତି ଭୂଷଣ ମେହେର ଓ କବିରାଜ ମେହେର ନିର୍ବାଚନ ଦାୟିତ୍ୱ ତୁଲାଇ ଥିଲେ।  ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ଧୀରଜ କୁମାର ମେହେର ଓ ସୁଜିତ କୁମାର ମେହେରଙ୍କୁ ସମ୍ମାନିତ କରାଯାଇଥିଲା। ଶ୍ରୀବତ୍ସ ମେହେର ଓ ଶାନ୍ତନୁ ମେହେର ମଞ୍ଚ ପରିଚାଳନା କରିଥିଲେ।

ସେହିପରି ଜିଲ୍ଲା ପରିଷଦ ଉପାଧ୍ୟକ୍ଷା ସୁଧୀରା ମେହେର, ବ୍ଲକ ଅଧ୍ୟକ୍ଷା ସବିତା ମେହେର, ପୂର୍ବତନ ବ୍ଲକ ଅଧ୍ୟକ୍ଷ ମନୋଜ ମେହେର ପ୍ରମୁଖ ସକ୍ରିୟ ସଦସ୍ୟ ରହିଥିଲେ। ଏହି ମହାସଭା ରେ ଜିଲ୍ଲାର ବିଭିନ୍ନ ଅଂଚଳରୁ ଶତାଧିକ ମେହେର ସମାଜ ସଦସ୍ୟ ଯୋଗ ଦେଇଥିଲେ।

Categories
ଆଜିର ଖବର ରାଜ୍ୟ ଖବର

ଭୁସୁଡ଼ିବାରେ ଲାଗିଛି କଳାହାଣ୍ଡି ଆଦିବାସୀ ଅଞ୍ଚଳରେ ଶିକ୍ଷାର ଭିତ୍ତିଭୂମି

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ଼ ବ୍ଲକର ଦେଦର ଏକ ଆଦିବାସୀ ବହୁଳ ଅନଗ୍ରସର ପଞ୍ଚାୟତ ଅଟେ। ଏହି ପଞ୍ଚାୟତର ଗୋଳମୁଣ୍ଡା ଗ୍ରାମର ଏକ ପଡା ଶବର ପଡା। ଇନ୍ଦ୍ରାବତୀ ଦକ୍ଷିଣ କେନାଲ ପାଖରେ ରହିଛି ଶବର ପଡା ପ୍ରାଥମିକ ବିଦ୍ୟାଳୟ। ଏହି ପ୍ରାଥମିକ ବିଦ୍ୟାଳୟରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ଚାଳିଶ ଜଣ ଛାତ୍ରଛାତ୍ରୀ ଅଧ୍ୟୟନ କରୁଥିବା ବେଳେ ସେମାନଙ୍କ ଶିକ୍ଷାଦାନ ପାଇଁ ନିୟୋଜିତ ଅଛନ୍ତି ତିନିଜଣ ଶିକ୍ଷକ।

୨୦୦୮ ମସିହାରେ ପ୍ରତିଷ୍ଠିତ ଏହି ବିଦ୍ୟାଳୟର ଶ୍ରେଣୀଗୃହ ଗୁଡିକ ବିପଦସଂକୁଳ ଅବସ୍ଥାରେ ପହଂଚିଲାଣି। ଶ୍ରେଣୀ ଗୃହ ଗୁଡିକର ଛାତରେ ସିମେଣ୍ଟ ଢଳେଇ ଫାଟି ଆଁ କଲାଣି।ଶ୍ରେଣୀ ଗୃହରେ ପାଠ ପଢିବା ସମୟରେ ଶିକ୍ଷକ ଓ ଛାତ୍ରଛାତ୍ରୀ ବିପଦ ଆଶଙ୍କାରେ ରହୁଛନ୍ତି।ଇନ୍ଦ୍ରାବତୀ ଦକ୍ଷିଣ କେନାଲକୁ ଏହି ବିଦ୍ୟାଳୟଟି ଲାଗି ରହିଛି। କେନାଲରେ ଜଳ ପ୍ରଭାହିତ ସମୟରେ କୋମଳମତି ଛାତ୍ରଛାତ୍ରୀ ବିପଦର ସମ୍ମୁଖୀନ ହେବା ସମ୍ଭାବନାକୁ ଏଡାଇ ଦିଆ ଯାଇ ନ ପାରେ।

ଏହି ପରିପ୍ରେକ୍ଷୀରେ ସ୍କୁଲ ଚାରିପଟେ ପାଚେରୀ ନିର୍ମାଣ ଅନିବାର୍ଯ୍ୟ ହୋଇ ପଡିଛି। ସ୍କୁଲର ବହୁବିଧ ସମସ୍ୟା ସମ୍ପର୍କରେ ଗ୍ରାମବାସୀ ସ୍ଥାନୀୟ ସରପଞ୍ଚ ଓ ପ୍ରଶାସନକୁ ଜଣାଇଥିଲେ ହେଁ ଅଦ୍ୟାବଧି ସୁଫଳ ପାଇ ପାରି ନାହାନ୍ତି। ଏହି ବିଦ୍ୟାଳୟର ଆନୁସଙ୍ଗିକ ଭିତ୍ତିଭୂମି ଯଥା ନୂତନ ସ୍କୁଲଗୃହ, ପାଚେରୀ, ଶୌଚାଳୟ ଆଦି ନିର୍ମାଣ ଦିଗରେ ଜିଲ୍ଲା ଶିକ୍ଷା ବିଭାଗ ଓ ଜିଲ୍ଲା ପ୍ରଶାସନ ବିହିତ ପଦକ୍ଷେପ ନେବାକୁ ଗ୍ରାମବାସୀ ଦାବୀ କରୁଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

କଳାହାଣ୍ଡି: ମାଓବାଦୀଙ୍କ ସହ ସମ୍ପର୍କ ଓ ମାଓ ସାମଗ୍ରୀ ଯୋଗାଇବା ଅଭିଯୋଗରେ ୩ ଗିରଫ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ମାଓବାଦୀଙ୍କ ସହ ଯୋଗାଯୋଗ ଓ ସେମାନଙ୍କୁ ମାଓ ସାମଗ୍ରୀ ଯୋଗାଇବା ଅଭିଯୋଗରେ ୩ ଜଣଙ୍କୁ ଗିରଫ କରିଛି କଳାହାଣ୍ଡି ପୋଲିସ। ଗିରଫ ଅଭିଯୁକ୍ତ ନର୍ଲା ଥାନା ଅନ୍ତର୍ଗତ ଲାଞ୍ଜିଗଡ଼ ରୋଡ ଗାଁର ପ୍ରବୀଣ ରାଉତ ଓରଫ କବି, ପ୍ରତିଦାନ ରାଉତ ଏବଂ ଅନୁଗୁଳ ଜିଲ୍ଲାର ଶକ୍ତି ସାମନ୍ତ ଦଳ ବେହେରା। ଏମାନେ କେକେବିଏନ ଡିଭିଜନ ମାଓ ସଂଗଠନକୁ ୱାକିଟକି, ମୋବାଇଲ ଫୋନ୍ ଆଦି ସାମଗ୍ରୀ ଯୋଗାଇ ଆସୁଥିବା ଅଭିଯୋଗ ହୋଇଛି।

ଅଭିଯୁକ୍ତ ପ୍ରବୀଣ ରାଉତ ଓରଫ କବି ମାଓ ସଂଗଠନର ଜଣେ ସକ୍ରିୟ ମିଲିସିଆ ସଦସ୍ୟ। ସେପଟେ ଶକ୍ତି ସାମନ୍ତ ଦଳ ବେହେରା ଅନୁଗୁଳ ଜିଲ୍ଲାରୁ ଆସି ଲାଞ୍ଜିଗଡ଼ ରୋଡରେ ରହୁଥିଲା। ଏମାନେ ମାଓ ସଂଗଠନକୁ ସୁଦୃଢ କରିବା ପାଇଁ ଅନୁଦାନ ସଂଗ୍ରହ ସହ ବନ୍ଧୁକ ଓ ବିସ୍ଫୋରକ ସାମଗ୍ରୀ ମଧ୍ୟ ମାଓ ସଂଗଠନକୁ ଯୋଗାଇ ଆସୁଥିବା ନେଇ ଅଭିଯୋଗ ରହିଛି।

ଏନେଇ ନର୍ଲା ଥାନାରେ ୩ ଅଭିଯୁକ୍ତଙ୍କ ନାଁ ରେ ମାମଲା ରୁଜୁ ପରେ ୩ ଅଭିଯୁକ୍ତଙ୍କୁ ଗିରଫ କରି ତଦନ୍ତ ଜାରି ରଖିଛି କଳାହାଣ୍ଡି ପୋଲିସ। ଏହାକୁ ନେଇ କଳାହାଣ୍ଡି ପୋଲିସ ଏସପି ସୂଚନା ଦେଇଛନ୍ତି। ଅଭିଯୋଗ ଆଧାରରେ ତିନି ଅଭିଯୁକ୍ତଙ୍କ ବିରୋଧରେ ତଦନ୍ତ ଜାରି ରଖିଛି ପୋଲିସ।

Categories
ଆଜିର ଖବର ରାଜ୍ୟ ଖବର

ଓଡିଶାରେ ମୃଦୁ ଭୂମିକମ୍ପ ଅନୁଭୂତ, କିଛି ସ୍ଥାନରେ ଫାଟିଲା ଘରର କାନ୍ଥ

ଭୁବନେଶ୍ବର: ଓଡିଶାରେ ଆଜି ମୃଦୁ ଭୂମିକମ୍ପ ଅନୁଭୂତ ହୋଇଛି। କଳାହାଣ୍ଡି ଏବଂ ନବରଙ୍ଗପୁର ଜିଲ୍ଲାରେ ଆଜି ମୃଦୁ ହୁମିକମ୍ପ ଅନୁଭୂତ ହୋଇଛି। ଉମରକୋଟ, ଚନ୍ଦାହାଣ୍ଡି, ଝରିଗାଁରେ ଭୂମିକମ୍ପ ହୋଇଥିବା ସୂଚନା ରହିଛି। ରିକ୍ଟର ସ୍କେଲରେ ୩.୪ ତୀବ୍ରତାର ଭୂମିକମ୍ପ ହୋଇଥିବା କୁହାଯାଇଛି। ପ୍ରାୟ ୬ ରୁ ୭ ସେକେଣ୍ଡ ପର୍ଯ୍ୟନ୍ତ ଏହି ଅଞ୍ଚଳରେ ଭୂମିକମ୍ପ ଅନୁଭୂତ ହୋଇଛି। ଏନେଇ ଭୁବନେଶ୍ଵର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ମିଳିଛି। ଏହାର ପ୍ରଭାବରେ କିଛି ସ୍ଥାନରେ ଘରର କାନ୍ଥ ଫାଟିଯାଇଥିବା ଜଣାପଡିଛି।

Categories
ଅପରାଧ ଆଜିର ଖବର ରାଜ୍ୟ ଖବର

କଳାହାଣ୍ଡି: ମାଓବାଦୀଙ୍କ ଲ୍ୟାଣ୍ଡ ମାଇନ ବିସ୍ଫୋରଣରେ ସାମ୍ବାଦିକ ମୃତ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ମାଓବାଦୀଙ୍କ ଲ୍ୟାଣ୍ଡ ମାଇନ ବିସ୍ଫୋରଣରେ ଜଣେ ସାମ୍ବାଦିକଙ୍କ ମୃତ୍ୟୁ ଘଟିଛି। ଖବର ସଂଗ୍ରହ ପାଇଁ ଯାଇଥିବା ବେଳେ ଲ୍ୟାଣ୍ଡ ମାଇନ ବିସ୍ଫୋରଣ ଘଟି ସାମ୍ବାଦିକଙ୍କ ମୃତ୍ୟୁ ହୋଇଛି। ମୃତ ସାମ୍ବାଦିକ ମୋହନଗିରୀ ଅଞ୍ଚଳର ରୋହିତ ବିଶ୍ବାଳ ବୋଲି ଜଣାପଡିଛି।

ସୂଚନା ଅନୁଯାୟୀ, ମଦନପୁର ରାମପୁର ଡମ୍ବ କର୍ଲାଖୁଣ୍ଟା ନିକଟରେ ମାଓବାଦୀ ମାନେ ପୋଷ୍ଟର ଲଗାଇଥିଲେ। ନିର୍ବାଚନ ବର୍ଜନ କରିବା ସହ ଅନେକ ଦାବି ପୋଷ୍ଟରରେ ଉଲ୍ଲେଖ ଥିଲା। ତେଣୁ ଏହାର ଖବର ସଂଗ୍ରହ କରିବାକୁ ସାମ୍ବାଦିକ ରୋହିତ ବିଶ୍ବାଳ ଘଟଣାସ୍ଥଳକୁ ଯାଇଥିଲେ। କିନ୍ତୁ ମାଓବାଦୀମାନେ ପୂର୍ବରୁ ଟାର୍ଗେଟ କରି ଲ୍ୟାଣ୍ଡ ମାଇନ ବିଛାଇଥିଲେ। ଯାହାଫଳରେ ରୋହିତ ଏହି ଲ୍ୟାଣ୍ଡ ମାଇନର ଶିକାର ହୋଇଥିଲେ। ଲ୍ୟାଣ୍ଡ ମାଇନ ବିସ୍ଫୋରଣ ଯୋଗୁଁ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଥିଲା।

Categories
ଅପରାଧ ଆଜିର ଖବର ଜାତୀୟ ଖବର

କଳାହାଣ୍ଡି ଜୁନାଗଡ଼ ପୋଲିସ୍ ର ସଫଳତା, ୮ କୁଇଣ୍ଟାଲ ଗଞ୍ଜେଇ ଜବତ, ୨ ଗିରଫ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲା ଜୁନାଗଡ଼ ପୁଲିସ ହାବୁଡ଼ରେ ଆଜି ଗଞ୍ଜେଇମାଫିଆ ମାନେ ଧରାପଡିଛନ୍ତି। ଆଜି ପାହାନ୍ତିଆରେ ଜୁନାଗଡ଼ ପୁଲିସ କୌଣସି ଖବର ପାଇ ଏକ ଯାତ୍ରୀ ବିହୀନ ବସକୁ ଅଟକାଇ ଥିଲେ। ବସକୁ ଥାନାକୁ ଆଣି ଯାଞ୍ଚ କରାଯିବା ସମୟରେ ଏହି ବସରେ ଥିବା ଚୋରି ଡିକିରେ ବିପୁଳ ପରିମାଣରେ ଗଞ୍ଜେଇ ଭର୍ତ୍ତି ହୋଇ ରହିଥିଲା। ଯେହେତୁ ବସଟି ଗାଡି ନଂ ୟୁପି ୭୦ ଏଫଟି ୩୯୬୯ ଗାଡି ମାଲକାନଗିରିରୁ ଉତ୍ତର ପ୍ରଦେଶ ଯାଉଥିବା ସନ୍ଧେହ ହେଉଛି।

ଅନ୍ୟ ପକ୍ଷରେ ବସ ଡ୍ରାଇଭର ଅର୍ଜୁନ ବଗର୍ତି ଓ ହେଲପର ନକୁଳ ପ୍ରଧାନ ବଲାଙ୍ଗୀର ଜିଲ୍ଲାର ବୋଲି ଜଣାପଡିଛି। ଘଟଣା ସ୍ଥଳରେ ଧର୍ମଗଡ଼ ଏସଡିପିଓ ଧୀରୋଜ କୁମାର ଚୋପଦାର, ଜୁନାଗଡ଼ ଥାନା ଅଧିକାରୀ ଉତ୍ତମ କୁମାର ସାହୁ ତଦନ୍ତ ଆରମ୍ଭ କରିଥିଲେ। ବସରୁ ଏକ କଟର ସାହାଯ୍ୟରେ କାଟି ଗଞ୍ଜେଇ ବାହାର କରାଯାଇଥିଲା। ଚୋରା ଚାଲାଣ ହେଉଥିବା ଗଞ୍ଜେଇ ୮ କୁଇଣ୍ଟାଲ ହୋଇଥିବା ବେଳେ ଏହାର ଅନୁମାନିକ ମୂଲ୍ୟ ପ୍ରାୟ ୨୪ ଲକ୍ଷ ବୋଲି ପୁଲିସ କହିଛି। ଅନ୍ୟ ପକ୍ଷରେ ଆଜି ପୁଲିସ ୨ ଜଣଙ୍କୁ ଗିରଫ କରିଛି।

Categories
ବିଶେଷ ଖବର ରାଜ୍ୟ ଖବର

କଳାହାଣ୍ଡିର ମା ମାଣିକେଶ୍ବରୀ ପୀଠ ବିକାଶ କାମର ଶିଳାନ୍ୟାସ କଲେ ମୁଖ୍ୟମନ୍ତ୍ରୀ ନବୀନ

ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍‌ଫରେନ୍‌ସିଂ ଜରିଆରେ କଳାହାଣ୍ଡିର ଥୁଆମୂଳ-ରାମପୁର ମା ମାଣିକେଶ୍ବରୀ ପୀଠର ବିକାଶ କାମର ଶିଳାନ୍ୟାସ କରିଛନ୍ତି । ଏଥିରେ ଦୁଇ କୋଟି ଟଙ୍କା ଖର୍ଚ୍ଚ କରାଯିବ। ମା ମାଣିକେଶ୍ବରୀଙ୍କୁ ଲକ୍ଷ ଲକ୍ଷ ଲୋକଙ୍କର ଆସ୍ଥା ଓ ବିଶ୍ବାସର ପ୍ରତୀକ ଭାବରେ ବର୍ଣ୍ଣନା କରିବା ସହିତ ଏହି ଉଦ୍ୟମ ଦ୍ବାରା ମାଙ୍କ ପୀଠର ମହିମା ଆହୁରି ବୃଦ୍ଧି କରିବା ସହ ପର୍ଯ୍ୟଟନର ମଧ୍ୟ ବିକାଶ ହୋଇପାରିବ ବୋଲି ମୁଖ୍ୟମନ୍ତ୍ରୀ କହିଥିଲେ ।  ୫-ଟି ଉପକ୍ରମ ଅଧୀନରେ ମାଙ୍କର ଏହି ପୀଠର ବିକାଶ କାମ ଆରମ୍ଭ କରାଯାଇଛି ।

ମୁଖ୍ୟମନ୍ତ୍ରୀ କହିଥିଲେ ଯେ ମା ମାଣେକେଶ୍ବରୀଙ୍କ ଆଶୀର୍ବାଦ ଆମ ସମସ୍ତଙ୍କ ଉପରେ ରହିଛି ଏବଂ ମାଙ୍କ ଆଶୀର୍ବାଦ ଓ କଳାହାଣ୍ଡିବାସୀଙ୍କର ଉଦ୍ୟମ ଆଜି କଳାହାଣ୍ଡିରେ ରୂପାନ୍ତର ଆଣିଛି। କଳାହାଣ୍ଡି ଆଜି ବିକାଶର ନୂଆ ପରିଚୟ ନେଇ ଆଗକୁ ବଢୁଛି । ଏହି ବିକାଶରେ କଳାହାଣ୍ଡିର ପ୍ରତି ପରିବାର ଓ ପ୍ରତି ଲୋକ ସିଏ ଚାଷୀ ହେଉ ବା ଶ୍ରମିକ, ଯୁବ ସମାଜ, ସାଧାରଣ ଜନତା ବା ମହିଳା – ସମସ୍ତଙ୍କର ଅବଦାନରେ କଳାହାଣ୍ଡି ଆଗେଇ ଚାଲିଛି ।

କଳାହାଣ୍ଡିର ଚାଷୀ ଆଜି ସାରା ଦେଶକୁ ଖାଦ୍ୟ ଯୋଗାଉଛି । କଳାହାଣ୍ଡି କପାର ଚାହିଦା ବଢିଛି । ଶିଳ୍ପ ନୂଆ ସୁଯୋଗ ଆଣିଛି । ଭିତ୍ତିଭୂମି ମଜବୁତ ହୋଇଛି । କଳାହାଣ୍ଡି ୟୁନିଭରସିଟି, ସରକାରୀ ମେଡିକାଲ କଲେଜ, ସରକାରୀ ଇଂଜିନିୟରିଂ କଲେଜ ଆଜି କଳାହାଣ୍ଡି ଯୁବସମାଜ ପାଇଁ ନୂଆ ପରିଚୟ ଆଣିଛି । ବିଜୁଳି ଯୋଗାଣରେ ମଧ୍ୟ ଉନ୍ନତି ଆସିଛି ।

ମୁଖ୍ୟମନ୍ତ୍ରୀ କହିଥିଲେ ଯେ ବିକାଶ ସବୁବେଳେ ତାଙ୍କର ଲକ୍ଷ୍ୟ ହୋଇ ରହିଛି । କଳାହାଣ୍ଡିକୁ ସେ ସ୍ବତନ୍ତ୍ର ଗୁରୁତ୍ବ ଦେଇଆସିଛନ୍ତି ଏବଂ ଚଳିତ ବର୍ଷ ଦୁଇ ଦୁଇ ଥର କଳାହାଣ୍ଡି ଯାଇ ବିକାଶ ଓ କଲ୍ୟାଣ କାମ ଆରମ୍ଭ କରିଛନ୍ତି । ବିକାଶ ପ୍ରତି କଳାହାଣ୍ଡିବାସୀଙ୍କର ଅକୁଣ୍ଠ ସମର୍ଥନ ପାଇଁ ମୁଖ୍ୟମନ୍ତ୍ରୀ କୃତଜ୍ଞତା ଜଣାଇବା ସହ ଲୋକଙ୍କ ଆସ୍ଥା ଓ ବିଶ୍ବାସକୁ ସାଥିରେ ଧରି ବିକାଶ ଧାରା ଆଗକୁ ବଢିବ ବୋଲି କହିଛନ୍ତି ।

ଏହି କାର୍ଯ୍ୟକ୍ରମରେ ଉଦ୍‌ବୋଧନ ଦେଇ ସ୍ବାସ୍ଥୟ ମନ୍ତ୍ରୀ ନବ ଦାସ, ଶିଳ୍ପ, ଶକ୍ତି ଓ ସ୍ବରଷ୍ଟ୍ର ରାଷ୍ଟ୍ରମନ୍ତ୍ରୀ ଶ୍ରୀ ଦିବ୍ୟଶଂକର ମିଶ୍ର ଉଦ୍‌ବୋଧନ ଦେଇ ମୁଖ୍ୟମନ୍ତ୍ରୀଙ୍କ ନେତୃତ୍ବରେ କଳାହାଣ୍ଡିର ବିଭିନ୍ନ କ୍ଷେତ୍ରରେ ଯେଉଁ ଉନ୍ନତି ସାଧିତ ହୋଇଛି, ତାହା ଉପରେ ଆଲୋକପାତ କରିଥିଲେ ।

ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଶ୍ରୀ ଭି.କେ. ପାଣ୍ଡିଆନ କାର୍ଯ୍ୟକ୍ରମ ପରିଚାଳନା କରିଥିଲେ ।

କଳାହାଣ୍ଡି ଜିଲ୍ଲାପାଳ ସ୍ବାଗତ ଭାଷଣ ଦେଇଥିଲେ ଏବଂ ଲାଞ୍ଜିଗଡ ବିଧାୟକ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ସାଂସଦ ଶ୍ରୀ ସୁଜିତ କୁମାରଙ୍କ ସମେତ ଜିଲ୍ଲାର ବିଧାୟକମାନେ ଉପସ୍ଥିତ ଥିଲେ ।

Categories
ଆଞ୍ଚଳିକ

କଳାହାଣ୍ଡି: ସଡକ ସୁରକ୍ଷା ସଂପର୍କିତ ରକ୍ଷକ ତାଲିମ କାର୍ଯ୍ୟକ୍ରମ ଉଦଯାପିତ

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: ଦୁର୍ଘଟଣାରେ ଆହତ ବ୍ୟକ୍ତିଙ୍କୁ ସହାୟତା ପ୍ରଦାନ ନିମନ୍ତେ ଅନୁଷ୍ଠିତ ହୋଇଥିବା ରକ୍ଷକ ତାଲିମ କାର୍ଯ୍ୟକ୍ରମ ସ୍ଥାନୀୟ ଜିଲ୍ଲା ଯୋଜନା ଓ ପର୍ଯ୍ୟବେକ୍ଷଣ କାର୍ଯ୍ୟାଳୟଠାରେ ଉଦଯାପିତ ହୋଇଯାଇଛି। କଳାହାଣ୍ଡି ଜିଲ୍ଲା ଆଞ୍ଚଳିକ ପରିବହନ କାର୍ଯ୍ୟାଳୟ ତରଫରୁ ଆୟୋଜିତ ଏହି ପ୍ରଶିକ୍ଷଣ ଶିବିରରେ ଜିଲ୍ଲା ସୂଚନା ଓ ଲୋକ ସଂପର୍କ ଅଧିକାରୀ ମନୋଜ କୁମାର ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଦୁର୍ଘଟଣାଗ୍ରସ୍ତଙ୍କୁ ତୁରନ୍ତ ଚିକିତ୍ସା ସହାୟତା ଯୋଗାଇବାରେ ତାଲିମ ଦିଆଯାଇଥିବା “ରକ୍ଷକ” ସଦସ୍ୟମାନଙ୍କୁ ଗୁରୁ ଦାୟିତ୍ୱ ନିର୍ବାହ କରିବାକୁ ଆହ୍ୱାନ ଦେଇଥିଲେ।

ସମ୍ମାନୀତ ଅତିଥି ଭାବେ  ରକ୍ଷକର ରାଷ୍ଟ୍ରୀୟ ପ୍ରଶିକ୍ଷକ ଅଙ୍କୁର ଶର୍ମା ରକ୍ଷକ ପ୍ରକଳ୍ପ ମାଧ୍ୟମରେ ଦୁର୍ଘଟଣା ମାତ୍ରା ହ୍ରାସ କରିବା ସହ ଅମୂଲ୍ୟ ଜୀବନ ରକ୍ଷା କରିବା ଉପରେ ଗୁରୁତ୍ୱ ଦେଇଥିଲେ।

ଅନ୍ୟତମ ସମ୍ମାନୀତ ଅତିଥି ଭାବରେ ଭବାନୀପାଟଣା ପୋଲିସ ଆରକ୍ଷୀ ନିରୀକ୍ଷକ ଚନ୍ଦ୍ର ଶେଖର ଶବର ପ୍ରଶିକ୍ଷକମାନଙ୍କୁ ଉତ୍ସାହିତ କରିଥିଲେ। ଆଞ୍ଚଳିକ ପରିବହନ ଅଧିକାରୀ ରାମ ନିବାସ ସିରୀକାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଜାତୀୟ ପ୍ରଶିକ୍ଷକ ରତିକାନ୍ତ ନାଥଙ୍କ ତତ୍ତ୍ବାବଧାନରେ କଳାହାଣ୍ଡି, ନୂଆପଡା ଓ ବଲାଙ୍ଗୀର ଜିଲ୍ଲାରୁ ପ୍ରଶିକ୍ଷାର୍ଥୀ ଭାବେ ସଂଜିବ କୁମାର ସାହୁ, ଶାନ୍ତନୁ କୁମାର ପରିଡା, ଦଇତାରି ପୁଜାରୀ, ରାମ ନାରାୟଣ ଦାଶ,ନାରାୟଣ ପ୍ରଧାନ, ମଦନ ମୋହନ ପ୍ରଧାନ,ଶିବ ପ୍ରସାଦ ସା, ପଲ୍ଲୀଶ୍ରୀ ପଟ୍ଟନାୟକ, ରଜନୀକାନ୍ତ ଜେନା, ରାଧାରାଣୀ ନାୟକ, ଭବାନୀ ଶଙ୍କର ପଣ୍ଡା, ସଂଜୟ କୁମାର ପୁରୋହିତ, ଗିରିରାଜ ଗହୀର, ସୁଧିର କୁମାର ପଣ୍ଡା, ବିଶ୍ବ ରଂଜନ ବେହେରା, ସୁଶାନ୍ତ କୁମାର ସାହୁ, ଅନୀଲ କୁମାର ମାଝୀ, ଗୋବିନ୍ଦ ବ୍ରହ୍ମା, ସୁଦାମ ଚରଣ ମିଶ୍ର, ମିଲନ କିଶୋର କୁମାର, ଦୁର୍ଯୋଧନ ପଶାୟତ, ରଶ୍ମୀ ରାଣୀ ଦାଶ, ଅରବିନ୍ଦ କୁମ୍ଭାର, ପ୍ରଭାକର ଛନ୍ଦା, ଅନିଲ କୁମାର ସା, ବିରଞ୍ଚି ନାରାୟଣ ଦାଶ, ଜୟଦେବ ବେହେରା, ଡମ୍ବରୁ ଧର ମାଝୀ, ନେତ୍ରାମ ହଂସ, ମୋହନ ଚରଣ ବିଷି ପ୍ରମୁଖ ରେଡକ୍ରସ ପରାମର୍ଶଦାତା, ପୋଲିସ କର୍ମଚାରୀ ଓ ସ୍ବେଚ୍ଛାସେବୀ ସଂଗଠନର ଅଧିକାରୀମାନଙ୍କୁ  ରକ୍ଷକ ତାଲିମ ପ୍ରମାଣ ପତ୍ର ଓ ପ୍ରାଥମିକ ଚିକିତ୍ସା କିଟ୍ ପ୍ରଦାନ କରାଯାଇଥିଲା।

ଏହି ତାଲିମ ପ୍ରାପ୍ତ ପ୍ରଶିକ୍ଷାର୍ଥୀମାନେ ଆଗାମୀ ଦିନରେ ବିଭିନ୍ନ ବର୍ଗର ଲୋକଙ୍କୁ ତାଲିମ ପ୍ରଦାନ କରିବେ ଓ ସେମାନେ ସଡକ ଦୁର୍ଘଟଣାରେ ଆହତମାନଙ୍କୁ ସୁରକ୍ଷା ପ୍ରଦାନ କରି “ରକ୍ଷକ” ସାଜିବେ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

କଳାହାଣ୍ଡି: ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରୁ ମୋଟର ସାଇକଲ ରେ ବୁହା ହେଲା ଶବ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କିଛି ବର୍ଷ ତଳେ ଦାନ ମାଝୀ ନିଜ ସ୍ତ୍ରୀ ଶବ କୁ କାନ୍ଧରେ ବୋହି ନେବା ଘଟଣା ସାରା ଦେଶରେ ଚର୍ଚ୍ଚାର ବିଷୟ ପାଲଟି ଥିଲା। ପୁଣି ସେହିଭଳି ଦୃଶ୍ୟ ଦେଖିବାକୁ ମିଳିଛି ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କଳାହାଣ୍ଡିରେ, ମେଡ଼ିକାଲ ରେ ଶବ ନେବା ପାଇଁ କୌଣସି ବ୍ୟବସ୍ଥା ନ ହେବାରୁ ମୋଟର ସାଇକଲ ରେ ବୁହା ହେଲା ଶବ ,ଏଭଳି ଏକ ଅଭାବ ନିୟ ଦୃଶ୍ୟ ଦେଖିବାକୁ ମିଳିଛି ପର୍ଲା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଠାରେ।

ସୁଚନା ମତେ ଆଜି ସକାଳୁ ବେହେରା ଗୁଡା ଗ୍ରାମର କରନ ବେମାଲ ନାମକ ବୃଦ୍ଧ ମହିଳା ଅସୁସ୍ଥ ହେବାରୁ ନିକଟସ୍ଥ ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ୧୦୮ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ପରିବାର ଲୋକେ ଆଣି ଥିଲେ କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। କିନ୍ତୁ ଶବ ଆଣିବା ପାଇଁ ମେଡ଼ିକାଲ ରେ କୌଣସି ସୁବିଧା ନାହିଁ ବୋଲି କହିବାରୁ ଏକ ମୋଟର ସାଇକଲ ଯୋଗେ ଦୀର୍ଘ ଦଶ କିଲୋମିଟର ପର୍ଯ୍ୟନ୍ତ ବେହେରାଗୁଡ଼ା ଗ୍ରାମକୁ ଆଣିଥିଲେ ,ପରିବାର ଅତ୍ୟନ୍ତ ଗରିବ ଶ୍ରେଣୀ ର ହୋଇଥିବାରୁ କୌଣସି ଉପାୟ ନ ପାଇ ବାଧ୍ୟ ହୋଇ ଏକ ମୋଟର ସାଇକଲ ଯୋଗେ ଶବ ଆଣିଥିବା ପ୍ରକାଶ କରିଛନ୍ତି। ଏନେଇ ଡକ୍ଟର ଆଶୁତୋଷ ପଟନାଏକଙ୍କ ପ୍ରତିକ୍ରିୟା ନେଇଥିଲୁ। ସେ କହିଲେ ଶବ ବାହକ ଗାଡିକୁ ଯୋଗାଯୋଗ କଲି। କିନ୍ତୁ ସେହି ନମ୍ୱର ସ୍ୱିଚ ଅଫ ଥିଲା। ପରେ ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଗାଡି ଡ୍ୟୁଟି ଯାଇଥିଲା ବୋଲି ସେ କହିଥିଲେ।

କିନ୍ତୁ ଏଠି ପ୍ରଶ୍ନବାଚୀ ସୃଷ୍ଟି ହେଉଛି ଏତେ ମେଡ଼ିକାଲ ଷ୍ଟାପ ରହିଥିବା ସତ୍ତ୍ୱେ ଶବ ବାଇକରେ ଯିବା ପରିତାପର ବିଷୟ। ତେଣୁ ଜିଲ୍ଲା ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ସାଧାରଣରେ ଦାବି ହେଉଛି ।

Categories
ଆଜିର ଖବର ରାଜ୍ୟ ଖବର

ମୂଖ୍ୟମନ୍ତ୍ରୀଙ୍କ ଦ୍ୱାରା କଳାହାଣ୍ଡିର ୨୯ ଟି ସ୍ମାର୍ଟ ସ୍କୁଲ ଉଦଘାଟିତ

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ସରକାରୀ ସ୍କୁଲ ଗୁଡିକୁ ଆଧୁନିକ ଶୈଳୀରେ ରୂପରେଖ ଦେବା ସହିତ ଶିକ୍ଷାର ଉପଯୁକ୍ତ ବାତାବରଣ ସୃଷ୍ଟି କରିବା ପାଇଁ ସ୍ମାର୍ଟ ସ୍କୁଲ ଯୋଜନା ପ୍ରଣୟନ କରାଯାଇଥିବା ବେଳେ ପ୍ରଥମ ପର୍ଯ୍ୟାୟରେ କଳାହାଣ୍ଡି ଜିଲ୍ଲାର ୨୯ ଟି ସ୍ମାର୍ଟ ସ୍କୁଲ ମୂଖ୍ୟମନ୍ତ୍ରୀଙ୍କ ଦ୍ୱାରା ଉଦଘାଟିତ ହୋଇଯାଇଛି। ଶିକ୍ଷା ମାଧ୍ୟମରେ ଓଡିଶାର ପ୍ରଗତି ହେଉଛି ଓଡିଶାର ମୂଳ ମନ୍ତ୍ରୀ ବୋଲି ଭବାନୀପାଟଣାସ୍ଥିତ ମାଣିକେଶ୍ୱରୀ ହାଇସ୍କୁଲ ପରିସରରେ ଏହି ଅବସରରେ ଅନୁଷ୍ଠିତ ଉଦଘାଟନୀ ସମାରୋହରେ ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର ପ୍ରକାଶ କରିଛନ୍ତି। ମୂଖ୍ୟମନ୍ତ୍ରୀଙ୍କ ଦୂରଦୃଷ୍ଟି ଯୋଗୁଁ ଏବଂ କଳାହାଣ୍ଡି ପ୍ରତି ସ୍ୱତନ୍ତ୍ର ପଦକ୍ଷେପ ନିଆଯାଉଥିବା ହେତୁ କଳାହାଣ୍ଡି ଆଜି ଭୋକର ଭୂଗୋଳରୁ ସବୁଜ ସଫଳ ଆଲୋକିତ ଉଜ୍ୱଳ ହୋଇପାରିଛି ବୋଲି ମନ୍ତ୍ରୀ ନିଜ ବକ୍ତବ୍ୟରେ ପ୍ରକାଶ କରିଥିଲେ। ଭିଡିଓ କନଫରନେସିଂ ମାଧ୍ୟମରେ ଜିଲ୍ଲାର ୨୯ଟି ସ୍ମାର୍ଟ ସ୍କୁଲକୁ ମୂଖ୍ୟମନ୍ତ୍ରୀ ଉଦଘାଟନ କରିଥିବା ବେଳେ ନର୍ଲା ବିଧାୟକ ଭୂପିନ୍ଦର ସିଂ, ଲାଂଜିଗଡ ବିଧାୟକ ପ୍ରଦୀପ ଦିଶାରୀ, ଧର୍ମଗଡ ବିଧାୟକ ମୌଷଧି ବାଗ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । କଳାହାଣ୍ଡି ଜିଲ୍ଲାପାଳଙ୍କ ପରିଚାଲନାରେ ଏହି କାର୍ଯ୍ୟକ୍ରମରେ ଗଣଶିକ୍ଷା ସଚିବ ସତ୍ୟବ୍ରତ ସାହୁ ଯୋଗ ଦେଇ ମାଣୀକେଶ୍ୱରୀ ହାଇସ୍କୁଲରେ ନିଜ ଛାତ୍ର ଜୀବନର ଅଭିଜ୍ଞତା ବଖାଣିବା ସହିତ ଶିକ୍ଷକ ରାମେଶ୍ୱର ଠାକୁରଙ୍କ ସଂପର୍କରେ ଉପସ୍ଥାପନ କରିଥିଲେ।

ଏହି ସ୍ମାର୍ଟ ସ୍କୁଲ କାର୍ଯ୍ୟକ୍ରମରେ ମାଣିକେଶ୍ୱରୀ ହାଇସ୍କୁଲ ସମେତ ବିଏମ ହାସ୍କୁଲ ଓ ଟାଉନ ହାଇସ୍କୁଲ, ଥୁଆମୂଲ ରାମପୁର ବ୍ଲକର ସିରମସ୍କା ହାଇସ୍କୁଲ ଓ ପାଡେପଦର ହାଇସ୍କୁଲ, ନର୍ଲା ବ୍ଲକର ତୁଳାପଡା ଦାମୋଦର ହାଇସ୍କୁଲ ଓ ନର୍ଲା ପଂଚାୟତ ହାଇସ୍କୁଲ, ମଦନପୁର ରାମପୁର ବ୍ଲକର ଦୁର୍ଗାମାଧବ ହାଇସ୍କୁଲ ଓ ଅଲାତରା ପଂଚସଖା ହାଇସ୍କୁଲ, ଲାଂଜିଗଡ ବ୍ଲକର ଲାଂଜିଗଡ ରୋଡ ସରକାରୀ ହାଇସ୍କୁଲ ଓ ବିଶ୍ୱନାଥପୁର ଗୋପବନ୍ଧୁ ହାଇସ୍କୁଲ, କେସିଙ୍ଗା ବ୍ଲକର କେସିଙ୍ଗା ହାଇସ୍କୁଲ, ବେଲଖଣ୍ଡି ହାଇସ୍କୁଲ ତୁୁଣ୍ଡଲା ହାଇସ୍କୁଲ ଓ କଶୃପଡା ହାଇସ୍କୁଲ, କର୍ଲାମୁଣ୍ଡା ବ୍ଲକର ରିଷିଡା ହାଇସ୍କୁଲ ଓ ଗଜବାହାଲ ହାଇସ୍କୁଲ, ଜୁନାଗଡ ବ୍ଲକର ଜୁନାଗଡ ହାଇସ୍କୁଲ ଓ ମହିଚଲା ବାଲାଜୀ ହାଇସ୍କୁଲ, କୋକସରା ବ୍ଲକର କୋକସରା ଜବାହର ହାଇସ୍କୁଲ ଓ ଲଡୁଗାଁ ହାଇସ୍କୁଲ, ଜୟପାଟଣା ବ୍ଲକର ଉମାଶଂକର ହାଇସ୍କୁଲ ଓ ହୀରାପୁର ହାଇସ୍କୁଲ, କଲମପୁର ବ୍ଲକର ଦୁର୍ଗାମାଧବ ହାଇସ୍କୁଲ ଓ ବୀଜମରା ସ୍ୱାମୀ ବିବେକାନନ୍ଦ ହାଇସ୍କୁଲ, ଗୋଲାମୁଣ୍ଡା ବ୍ଲକର ଫରଙ୍ଗ ହାଇସ୍କୁଲ ଓ ଗୋଲାମୁଣ୍ଡା ହାଇସ୍କୁଲ, ଧର୍ମଗଡ ବ୍ଲକର ଧର୍ମଗଡ ହାଇସ୍କୁଲ ଓ ବ୍ରାହ୍ମଣଛେଣ୍ଡିଆ ରାମକୃଷ୍ଣ ହାଇସ୍କୁଲ ଆଦି ୨୯ ଟି ହାଇସ୍କୁଲ କୁ ପ୍ରଥମ ପର୍ଯ୍ୟାୟରେ ସ୍ମାର୍ଟ ସ୍କୁଲ ଭାବେ ଉଦଘାଟନ କରାଯାଇଛି।

Categories
ଆଜିର ଖବର ରାଜ୍ୟ ଖବର

କଳାହାଣ୍ଡିରେ ମୂଖ୍ୟମନ୍ତ୍ରୀ ବାଂଟିଲେ ସ୍ୱାସ୍ଥ୍ୟ କଲ୍ୟାଣ କାର୍ଡ, ମନ୍ତ୍ରୀ ବଖାଣିଲେ ବିକାଶର ଗାଥା

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କଳାହାଣ୍ଡି ଜିଲ୍ଲା ଓୟୁଏଟି ପଡିଆଠାରେ ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ମହିଳାମାନଙ୍କୁ ସ୍ୱାସ୍ଥ୍ୟକଲ୍ୟାଣ କାର୍ଡ ବଂଟନ କରିଛନ୍ତି। ଏନେଇ ଆୟୋଜିତ ଏକ ସାଧାରଣ ସଭାରେ ମୂଖ୍ୟମନ୍ତ୍ରୀ ନବୀନ ପଟ୍ଟନାୟକ ମୂଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ  ସ୍ୱାସ୍ଥ୍ୟ ମନ୍ତ୍ରୀ ନବ ଦାସ, ଅର୍ଥମନ୍ତ୍ରୀ ନିରଂଜନ ପୂଝାରୀ, ମହିଳା ଓ ଶିଶୁ ବିକାଶ ମନ୍ତ୍ରୀ ଟୁକୁନି ସାହୁ ଙ୍କ ସମେତ ଗୃହ ରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟ ଶଙ୍କର ମିଶ୍ର ଯୋଗ ଦେଇଥିଲେ।

ଆକାଶ ଦାଶ ନାୟକ ଓ ସୁଲତା ଦେଓଙ୍କ ସଂଯୋଜନାରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମରେ ମୂଖ୍ୟମନ୍ତ୍ରୀ ସେଠାରେ ଉପସ୍ଥିତ ମହିଳା ମାନଙ୍କୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସ୍ୱାସ୍ଥ୍ୟ ସେବା କାର୍ଡ ବଂଟନ କରି ଶୁଭାରମ୍ଭ କରିଥିଲେ। ମନ୍ତ୍ରୀ ଟୁକୁନି ସାହୁ ସ୍ୱାଗତ ଭାଷଣ ଦେଇ ନବୀନ ସରକାର ତରଫରୁ ମାଆ ମାନଙ୍କୁ ସ୍ୱାସ୍ଥ୍ୟ ସେବା ପାଇଁ ଦଶ ଲକ୍ଷ ଟଙ୍କା ଆର୍ôଥକ ସାହାଯ୍ୟ ଯୋଗାଇ ଦେବାର ବ୍ୟବସ୍ଥା କରାଯାଉଥିବା ବିଷୟ ଉପସ୍ଥାପନ କରିଥିଲେ।

ସ୍ୱାସ୍ଥ୍ୟ ମନ୍ତ୍ରୀ ନବ ଦାଶ ମୂଖ୍ୟମନ୍ତ୍ରୀଙ୍କ ଦ୍ୱାରା ସମଗ୍ର ଓଡିଶାର କଣ ଅନୁକୋଣରେ ସମସ୍ତ ପରିବାର ଯେପରି ସ୍ୱାସ୍ଥ୍ୟ ସେବା ପାଇପାରିବେ ସେଥିପ୍ରତି ସରକାର ସର୍ବଦା ଚେଷ୍ଟିତ ଥିବା ପ୍ରକାଶ କରିଥିଲେ। ଅର୍ଥମନ୍ତ୍ରୀ ନିରଂଜନ ପୂଝାରୀ ସରକାରଙ୍କ ବିକାଶ ର ଗାଥା ପ୍ରକାଶ କରିଥିବା ବେଳେ ସରକାରଙ୍କ ବିକାଶୋନ୍ମୂଖି କାର୍ଯ୍ୟକ୍ରମକୁ ବିରୋଧି ସହ୍ୟ କରିପାରୁନଥିବା ପ୍ରକାଶ କରିଥରଲେ। ଗୃହ ରାଷ୍ଟ୍ର ମନ୍ତ୍ରୀ ବିଗତ ଦିନର କଳାହାଣ୍ଡି ଓ ଆଜିର ଉନ୍ନତି ପଥର କଳାହାଣ୍ଡି ସଂପର୍କରେ ଅବଲୋକନ କରି ସରକାର କଳାହାଣ୍ଡିର ବିକାଶ ପାଇଁ ସର୍ବଦା ଚେଷ୍ଟା କରିଆସୁଥିବା ପ୍ରକାଶ କରିଥିଲେ। ସେଥିପାଇଁ ମୂଖ୍ୟମନ୍ତ୍ରୀଙ୍କ ଦୂରଦୃଷ୍ଟି ଏବଂ କଳାହାଣ୍ଡିର ବିକାଶ ଯୋଜନା ସଂପର୍କରେ ଉପସ୍ଥିତ ଜନସାଧାରଣଙ୍କୁ ଅବଗତ କରାଇଥିଲେ।

ଏହି ଅବସରରେ ମୂଖ୍ୟମନ୍ତ୍ରୀ ପ୍ରାୟ ୪ ଲକ୍ଷ ୭ ହଜାର ୧୦୪ ପରିବାରକୁ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ଦେଇଥିବା ବେଳେ କଳାହାଣ୍ଡି ବାସୀଙ୍କୁ ପ୍ରାୟ ୯୦୦ କୋଟୀ ଟଙ୍କାର ପ୍ରକଳ୍ପ ଭେଟିଦେଇଛନ୍ତି। କଳାହାଣ୍ଡି ଆଜି ଶିକ୍ଷା, ସ୍ୱାସ୍ଥ୍ୟ ସେବା, ଜଳସେଚନ, କୃଷି କ୍ଷେତ୍ରରେ ବିକାଶ ଆଡକୁ ମୁହାଇଛି ଏବଂ ମୋର ପ୍ରତ୍ୟକ୍ଷ ନଜର ରହିଥିବା ମୂଖ୍ୟମନ୍ତ୍ରୀ ପ୍ରକାଶ କରିଛନ୍ତି।