Categories
ଆଜିର ଖବର ଜାତୀୟ ଖବର ବ୍ୟବସାୟ

ପିଟୁଏମ କୁ ବଢ଼ାଇବା ଲାଗି ପ୍ରୋତ୍ସାହନ ଯୋଜନାକୁ କେନ୍ଦ୍ର କ୍ୟାବିନେଟର ମଞ୍ଜୁରି

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟ ଏପ୍ରିଲ ୨୦୨୨ ଠାରୁ ଗୋଟିଏ ବର୍ଷର ଅବଧି ନିମନ୍ତେ ରୁପେ ଡେବିଟ୍‌ କାର୍ଡ ଏବଂ କମ ମୂଲ୍ୟ ବିଶିଷ୍ଟ ଭୀମ-ୟୁପିଆଇ ନେଣଦେଣ (ବ୍ୟକ୍ତିଙ୍କ ଠାରୁ ବ୍ୟବସାୟୀ)କୁ ବଢ଼ାଇବା ଲାଗି ପ୍ରୋତ୍ସାହନ ଯୋଜନାକୁ ମଞ୍ଜୁର କରିଛନ୍ତି।

୧- ରୂପେ ଡେବିଟ୍‌ କାର୍ଡ ଏବଂ କମ୍‌ ମୂଲ୍ୟ ବିଶିଷ୍ଟ ଭୀମ-ୟୁପିଆଇ ନେଣଦେଣ (ପିଟୁଏମ)କୁ ପ୍ରୋତ୍ସାହନ ଦେବା ନିମନ୍ତେ ମଞ୍ଜୁର ପ୍ରୋତ୍ସାହନ ଯୋଜନାର ଆର୍ଥିକ ବ୍ୟୟବରାଦ ୨,୬୦୦ କୋଟି ଟଙ୍କା ରହିଛି । ଏହି ଯୋଜନା ଅଧୀନରେ ଚଳିତ ଆର୍ଥିକ ବର୍ଷ ୨୦୨୨-୨୩ ପାଇଁ ରୂପେ ଡେବିଟ୍‌ କାର୍ଡ ଏବଂ କମ ମୂଲ୍ୟର ଭୀମ ୟୁପିଆଇ ନେଣଦେଣ (ପିଟୁଏମ)ର ଉପଯୋଗ କରି ପଏଣ୍ଟ ଅଫ୍‌ ସେଲ (ପିଓଏସ) ଏବଂ ଇ-କମର୍ସ ନେଣଦେଣକୁ ପ୍ରୋତ୍ସାହିତ କରିବା ନିମନ୍ତେ ଅଧିଗୃହିତ କରୁଥିବା ବ୍ୟାଙ୍କମାନଙ୍କୁ ଆର୍ଥିକ ପ୍ରୋତ୍ସାହନ ପ୍ରଦାନ କରାଯିବ।

୨- ଅର୍ଥ ମନ୍ତ୍ରୀ ୨୦୨୨-୨୩ ଆର୍ଥିକ ବର୍ଷର ବଜେଟ୍‌ ସମୟରେ ଦେଇଥିବା ନିଜ ଭାଷଣରେ, ଚଳିତ ବଜେଟରେ ଘୋଷିତ ଡିଜିଟାଲ ପରିଶୋଧ ନିମନ୍ତେ ଆର୍ଥିକ ସହାୟତା ଜାରି ରଖିବା ନିମନ୍ତେ ସରକାରଙ୍କ ଉଦ୍ଦେଶ୍ୟର ଘୋଷଣା କରିଥିଲେ। ଏଥିରେ ଶସ୍ତା ଓ ବ୍ୟବହାରକାରୀଙ୍କ ପାଇଁ ଅନୁକୂଳ ଅର୍ଥପଇଠ ପ୍ଲାଟଫର୍ମର ବ୍ୟବହାର ବଢ଼ାଇବା ଉପରେ ଗୁରୁତ୍ବାରୋପ କରାଯାଇଥିଲା। ଉପରୋକ୍ତ ବଜେଟ୍‌ ଘୋଷଣାର ଅନୁପାଳନ ପାଇଁ ଏହି ଯୋଜନାକୁ ପ୍ରସ୍ତୁତ କରାଯାଇଛି।

୩- ୨୦୨୧-୨୨ ଆର୍ଥିକ ବର୍ଷରେ, ସରକାର ଡିଜିଟାଲ ନେଣଦେଣକୁ ଆହୁରି ବଢ଼ାଇବା ନିମନ୍ତେ ଆର୍ଥିକ ବର୍ଷ ୨୦୨୧-୨୨ ବଜେଟ୍‌ ଘୋଷଣାକୁ ଅନୁପାଳନ କରି ଏକ ପ୍ରୋତ୍ସାହନ ଯୋଜନାକୁ ମଞ୍ଜୁର କରିଥିଲେ। ଯାହାଫଳରେ, ମୋଟ୍‌ ଡିଜିଟାଲ ଅର୍ଥପଇଠ କାରବାରରେ ୫୯ ପ୍ରତିଶତ ବାର୍ଷିକ ବୃଦ୍ଧି ଦେଖିବାକୁ ମିଳିଥିଲା। ୨୦୨୦-୨୧ ଆର୍ଥିକ ବର୍ଷରେ ଏହା ୫,୫୫୪ କୋଟି ଟଙ୍କାରୁ ବୃଦ୍ଧି ପାଇଁ ୨୦୨୧-୨୨ ଆର୍ଥିକ ବର୍ଷରେ ୮,୮୪୦ କୋଟି ଟଙ୍କା ହୋଇଯାଇଛି। ଭୀମ-ୟୁପିଆଇ କାରବାର ୧୦୬ ପ୍ରତିଶତ ବାର୍ଷିକ ବୃଦ୍ଧି ଦେଖିବାକୁ ମିଳିଛି, ଯାହାକି ୨୦୨୦-୨୧ରେ ୨,୨୩୩ କୋଟି ଟଙ୍କାରୁ ବୃଦ୍ଧି ପାଇ ୨୦୨୧-୨୨ରେ ୪,୫୯୭ କୋଟି ଟଙ୍କାରେ ପହଞ୍ଚିଛି।

୪- ଡିଜିଟାଲ ପଇଠ ପ୍ରଣାଳୀର ବିଭିନ୍ନ ଅଂଶୀଦାର ଏବଂ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଡିଜିଟାଲ ଅର୍ଥ ପଇଠ ସଂକ୍ରାନ୍ତ ଇକୋସିଷ୍ଟମର ବିକାଶ ଉପରେ ଶୂନ୍ୟ ଏମଡିଆର ଶାସନର ସମ୍ଭାବ୍ୟ ପ୍ରତିକୂଳ ପ୍ରଭାବ ବିଷୟରେ ଚିନ୍ତା ବ୍ୟକ୍ତ କରିଛନ୍ତି। ଏହାବ୍ୟତୀତ, ନେସନାଲ ପେମେଣ୍ଟସ୍‌ କର୍ପୋରେସନ ଅଫ୍‌ ଇଣ୍ଡିଆ (ଏନପିସିଆଇ) ଭୀମ-ୟୁପିଆଇ ଏବଂ ରୂପେ ଡେବିଟ୍‌ କାର୍ଡ ନେଣଦେଣକୁ ପ୍ରୋତ୍ସାହିତ କରିବା ଦିଗରେ ଇକୋସିଷ୍ଟମ ସହ ଜଡ଼ିତ ଅଂଶୀଦାରମାନଙ୍କ ନିମନ୍ତେ ମିତବ୍ୟୟୀ ମୂଲ୍ୟ ପ୍ରସ୍ତାବ ପ୍ରସ୍ତୁତ କରିବା, ବ୍ୟବସାୟୀଙ୍କ ଦ୍ବାରା ଏହାର ଗ୍ରହଣୀୟତା ବଢ଼ାଇବା ଏବଂ ନଗଦ ପଇଠ ସ୍ଥାନରେ ଡିଜିଟାଲ ପରିଶୋଧ କରିବା ନିମନ୍ତେ ଅନୁରୋଧ କରିଥିଲା।

୫- ଭାରତ ସରକାର ସାରା ଦେଶରେ ଡିଜିଟାଲ ଅର୍ଥ କାରବାରକୁ ପ୍ରୋତ୍ସାହନ ଦେବା ଲାଗି ଅନେକ ପଦକ୍ଷେପ ଗ୍ରହଣ କରୁଛି। ବିଗତ ବର୍ଷଗୁଡ଼ିକରେ, ଡିଜିଟାଲ ଅର୍ଥପଇଠ କାରବାରରେ ବ୍ୟାପକ ବୃଦ୍ଧି ଦେଖିବାକୁ ମିଳିଛି। କୋଭିଡ-୧୯ ସଙ୍କଟ କାଳରେ, ଡିଜିଟାଲ ଅର୍ଥପଇଠ କ୍ଷୁଦ୍ର ବ୍ୟବସାୟୀମାନଙ୍କ ସମେତ ବ୍ୟବସାୟିକ କାର୍ଯ୍ୟକୁ ସୁଗମ କରିଥିଲା। ଏହା ସାମାଜିକ ଦୂରତା ବଜାୟ ରଖିବାରେ ସହାୟତା କରିଥିଲା। ୟୁପିଆଇ ଡିସେମ୍ବର ୨୦୨୨ରେ ୧୨.୮୨ ଲକ୍ଷ କୋଟି ଟଙ୍କା ମୂଲ୍ୟ ସହିତ ୭୮୨.୯ କୋଟି ଡିଜିଟାଲ ଅର୍ଥପଇଠ କାରବାର ରେକର୍ଡ କରିଥିଲା।

ଏହି ପ୍ରୋତ୍ସାହନ ଯୋଜନା ଏକ ମଜବୁତ ଡିଜିଟାଲ ପରିଶୋଧ ଇକୋସିଷ୍ଟମ ନିର୍ମାଣ ଏବଂ ରୂପେ ଡେବିଟ୍‌ କାର୍ଡ ଏବଂ ଭୀମ-ୟୁପିଆଇ ଡିଜିଟାଲ ନେଣଦେଣକୁ ପ୍ରୋତ୍ସାହନ ଦେବାର ସୁବିଧା ପ୍ରଦାନ କରିବ। ‘ସବକା, ସବକା ବିକାଶ’ ଉଦ୍ଦେଶ୍ୟ ଅନୁରୂପ, ଏହି ଯୋଜନା ୟୁପିଆଇ ଲାଇଟ୍‌ ଏବଂ ୟୁପିଆଇ ୧୨୩ ପେ’ କୁ ଶସ୍ତା ଏବଂ ବ୍ୟବହାରକାରୀ ଅନୁକୂଳ ଡିଜିଟାଲ ପରିଶୋଧ ସମାଧାନ ଆକାରରେ ମଧ୍ୟ ପ୍ରୋତ୍ସାହନ ଦେବ। ଦେଶରେ ସମସ୍ତ କ୍ଷେତ୍ର ଏବଂ ଲୋକମାନଙ୍କ ଅନ୍ୟ ବର୍ଗ ମଧ୍ୟରେ ଡିଜିଟାଲ ଅର୍ଥପଇଠକୁ ଆହୁରି ଅଧିକ ପ୍ରାଥମିକତା ପ୍ରଦାନ କରିବାରେ ସକ୍ଷମ କରିବ।

Categories
ଜାତୀୟ ଖବର ବିଶେଷ ଖବର ସ୍ବାସ୍ଥ୍ୟ

କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ କୋଭିଡ-୧୯ ପରିସ୍ଥିତିର ସମୀକ୍ଷା

ନୂଆଦିଲ୍ଲୀ: ନିକଟରେ କେତେକ ଦେଶରେ କୋଭିଡ-୧୯ ସଂକ୍ରମଣ ବୃଦ୍ଧି ପାଇଥିବା ପରିପ୍ରେକ୍ଷୀରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ ଏକ ବୈଠକରେ ଅଧ୍ୟକ୍ଷତା କରି ଦେଶରେ କୋଭିଡ-୧୯ ପରିସ୍ଥିତି, ଜନସ୍ୱାସ୍ଥ୍ୟ ପଦ୍ଧତି ଉପରେ ତୀକ୍ଷ୍ଣ ନଜର, ଏହାର ପରିଚାଳନା ଓ ନିରାକରଣ ସମ୍ପର୍କରେ ସମୀକ୍ଷା କରିଛନ୍ତି। ଏଥିରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ ଡକ୍ଟର ଭାରତୀ ପ୍ରବୀଣ ପାୱାର, ନୀତି ଆୟୋଗ ସଦସ୍ୟ (ସ୍ୱାସ୍ଥ୍ୟ) ଡକ୍ଟର ଭି. କେ. ପଲ, ଅନ୍ୟାନ୍ୟ ବରିଷ୍ଠ ଅଧିକାରୀ ଓ ଜନସ୍ୱାସ୍ଥ୍ୟ ବିଶେଷଜ୍ଞମାନେ ଉପସ୍ଥିତ ଥିଲେ।

କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ବୈଶ୍ୱିକ କୋଭିଡ-୧୯ ପରିସ୍ଥିତି ଓ ଦେଶୀୟ ଦୃଶ୍ୟପଟ ଉପରେ ସୂଚନା ଦିଆଯାଇଛି। ବିଶ୍ୱର କେତେକ ଦେଶ ଯଥା ଚୀନ, ଜାପାନ, ଦକ୍ଷିଣ କୋରିଆ, ଫ୍ରାନ୍ସ ଓ ଯୁକ୍ତରାଷ୍ଟ୍ର ଆମେରିକାରେ କୋଭିଡ-୧୯ର ମାମଲା ବୃଦ୍ଧି ପାଉଥିବା ପରିପ୍ରେକ୍ଷୀରେ ଏଥିରୁ ବାହାରୁଥିବା ନୂତନ ପ୍ରଜାତି ନେଇ, ବିଶେଷକରି ଆସୁଥିବା ପର୍ବପର୍ବାଣି ସମୟରେ ସତର୍କ ରହିବାକୁ ନିର୍ଦ୍ଦେଶ ଦେଇଥିଲେ। କୋଭିଡ ଶେଷ ହୋଇନଥିବା ଉପରେ ଗୁରୁତ୍ୱ ଆରୋପ କରି ସେ ନିରୀକ୍ଷଣକୁ ଅଧିକ ବ୍ୟାପକ କରିବା ସହ ସମ୍ପୂର୍ଣ୍ଣ ପ୍ରସ୍ତୁତ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ। ସେ ଜନସାଧାରଣଙ୍କୁ କୋଭିଡ ମାର୍ଗଦର୍ଶିକା ପାଳନ କରିବା ସହ କୋଭିଡରୁ ଦୂରେଇ ରହିବା ପାଇଁ ଟିକା ନେବାକୁ ନିବେଦନ କରିଥିଲେ।

ଡକ୍ଟର ମନସୁଖ ମାଣ୍ଡଭିୟ ନିରୀକ୍ଷଣ ପଦ୍ଧତିକୁ ଅଧିକ ବ୍ୟାପକ କରି ଜିନୋମ ସିକ୍ୱେନ୍ସିଂ ଜରିଆରେ ନମୁନାଗୁଡ଼ିକୁ ପରୀକ୍ଷା କରି ସମ୍ଭାବ୍ୟ କୋଭିଡ ପ୍ରଜାତିକୁ ଭାରତୀୟ ସାର୍ସ-କଭ ୨ ଜେନୋମିକ୍ସ କନସୋରଟିୟମ (ଆଇଏନଏସଏ ସିଓଜି) ନେଟୱର୍କ ଜରିଆରେ ସମୟୋଚିତ ଚିହ୍ନ କରିବା ପାଇଁ ନିର୍ଦେଶ ଦେଇଥିଲେ। ଏହାଦ୍ୱାରା ଉପଯୁକ୍ତ ଜନସ୍ୱାସ୍ଥ୍ୟ ପ୍ରତିକାର ବ୍ୟବସ୍ଥା ଗ୍ରହଣ କରାଯାଇପାରିବ। ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ପ୍ରତ୍ୟେକ କୋଭିଡ-୧୯ ପଜିଟିଭ ମାମଲାଗୁଡ଼ିକର ନୂତନ ପ୍ରଜାତି ଚିହ୍ନଟ ଲାଗି ଦୈନିକ ଭିତ୍ତିରେ (ଆଇଏନଏସଏ ସଓଜି) ଜିନୋମ ସ୍ୱିକ୍ୱେନ୍ସିଂ ପରୀକ୍ଷାଗାର ପଠାଇବା ଲାଗି ଅନୁରୋଧ କରାଯାଇଛି।

ଏକ ପ୍ରଦର୍ଶନ ଜରିଆରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀଙ୍କୁ ଭାରତରେ ମାମଲାର ଦ୍ରୁତ ହ୍ରାସ ନେଇ ସୂଚନା ଦିଆଯିବା ସହ ଡିସେମ୍ବର ୧୯, ୨ଠ୨୨ ସୁଦ୍ଧା ସପ୍ତାହରେ ୧୫୮ଟି ମାମଲା ଚିହ୍ନଟ ହୋଇଥିବା କୁହାଯାଇଛି। ମାତ୍ର ବୈଶ୍ୱିକ ସ୍ତରରେ ଦୈନିକ ଭିତିରେ ଗତ ଛଅ ସପ୍ତାହ ମଧ୍ୟରେ ଡିସେମ୍ବର ୧୯, ୨ଠ୨୨ରେ ସରୁଥିବା ସପ୍ତାହ ସୁଦ୍ଧା ଦୈନିକ ୫.୯ ଲକ୍ଷ ମାମଲା ଚିହ୍ନଟ ହୋଇଛି। ଚୀନରେ ଦ୍ରୁତ ସଂକ୍ରମଣକ୍ଷମ ବିଏଫ-୭ ଓମିକ୍ରନ ପ୍ରଜାତି ଚୀନର କୋଭିଡ ମାମଲା ବୃଦ୍ଧିର ମୁଖ୍ୟ କାରଣ ବୋଲି ଜଣାପଡ଼ିଛି।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କୋଭିଡ-୧୯ ସକ୍ରାନ୍ତ ସଂଶୋଧିତ ନିରୀକ୍ଷଣ ରଣନୀତିକୁ ମାର୍ଗଦର୍ଶିକା ଜୁନ ୨ଠ୨୨ରୁ ଜାରି କରାଯାଇଛି। ଏଥିରେ ସଅଳ ଚିହ୍ନଟ, ସଂଗରୋଧ, ପରୀକ୍ଷା ଓ ସମ୍ଭାବ୍ୟ ଓ ନିଶ୍ଚିତ ମାମଲାଗୁଡ଼ିକର ସମୟଭିତ୍ତିକ ପରିଚାଳନା ଓ ସାର୍ସ-କଭ-୨ ପ୍ରଜାତିର ପ୍ରସାର ରୋକିବା ପରିପ୍ରେକ୍ଷୀରେ କରାଯାଇଛି। ଏହାକୁ ସକ୍ରିୟ ଭାବେ ତ୍ୱରାନ୍ୱିତ କରିବାକୁ ମଧ୍ୟ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅଧିକାରୀମାନଙ୍କୁ ନିର୍ଦେଶ ଦେଇଛି।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସଚିବ ରାଜେଶ ଭୂଷଣ, ପ୍ରଧାନ ବୈଜ୍ଞାନିକ ପରାମର୍ଶଦାତା ପ୍ରଫେସର ଅଜୟ କୁମାର ସୁଦ, ଜୈବ ପ୍ରଯୁକ୍ତିବିଦ୍ୟା ସେବା ସଚିବ ଡକ୍ଟର ଆର.ଏସ. ଗୋଖାଲେ, ଆୟୁଷ ସଚିବ ରାଜେଶ କୋଟେଚା, ସ୍ୱାସ୍ଥ୍ୟ ଗବେଷଣା ସଚିବ ଡକ୍ଟର ରାଜୀବ ଲାଲ, ଡିଜିଏସଏଚ ଡକ୍ଟର ଅତୁଲ ଗୋଏଲ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଅତିରିକ୍ତ ସଚିବ ଲବ ଅଗ୍ରୱାଲ, କୋଭିଡ କାର୍ଯ୍ୟକାରୀ ଗୋଷ୍ଠୀ ଅଧ୍ୟକ୍ଷ ଡକ୍ଟର ଏନ.କେ. ଅରୋରା, ଟିକାକରଣ ଜାତୀୟ ବୈଷୟିକ ପରାମର୍ଶଦାତା ଗୋଷ୍ଠୀ (ଏନଟିଏଜିଆଇ) ପ୍ରମୁଖ ଏହି ବୈଠକରେ ଉପସ୍ଥିତ ଥିଲେ।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଆଜି ଦେଶରେ ଆଉ ୪ ହଜାର ୫୧୦ ଆକ୍ରାନ୍ତ ଚିହ୍ନଟ, କମିଲା ସକ୍ରିୟ ରୋଗୀଙ୍କ ସଂଖ୍ୟା

ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ଭାରତରେ କୋଭିଡ-୧୯ରେ ୪ ହଜାର ୫୧୦ ଲୋକ ଆକ୍ରାନ୍ତ ହୋଇଛନ୍ତି। ଆଜିର ଆକ୍ରାନ୍ତଙ୍କୁ ମିଶାଇ ଦେଶରେ ମୋଟ ସଂକ୍ରମିତ ସଂଖ୍ୟା ୪ କୋଟି ୪୫ ଲକ୍ଷ ୪୭ ହଜାର ୫୯୯ କୁ ବୃଦ୍ଧି ପାଇଥିବାବେଳେ ଚିକିତ୍ସିତ ରୋଗୀଙ୍କ ସଂଖ୍ୟା ୪୭ ହଜାର ୩୭୯ ରୁ ୪୬ ହଜାର ୨୧୬ କୁ ହ୍ରାସ ପାଇଛି।

ଆଜି ସକାଳ ୮ ଟାରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଜାରି ତଥ୍ୟ ଅନୁଯାୟୀ, କୋଭିଡ୍-୧୯ ରୁ ୩୩ ଜଣଙ୍କର ମୃତ୍ୟୁ ହୋଇଛି। ଯାହା ପରେ ଦେଶରେ ସମୁଦାୟ ମୃତ୍ୟୁ ସଂଖ୍ୟା ୫ ଲକ୍ଷ ୨୮ ହଜାର ୪୦୩ କୁ ବୃଦ୍ଧି ପାଇଛି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଭାରତରେ ୫,୬୬୪ ନୂତନ ଆକ୍ରାନ୍ତ ଚିହ୍ନଟ, ସକ୍ରିୟ ରୋଗୀଙ୍କ ସଂଖ୍ୟା ୪୭,୯୨୨ କୁ ବୃଦ୍ଧି

ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ଭାରତରେ କୋଭିଡ-୧୯ ର ୫ ହଜାର ୬୬୪ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଦେଶରେ ମୋଟ ସଂକ୍ରମିତ ଲୋକଙ୍କ ସଂଖ୍ୟା ୪ କୋଟି ୪୫ ଲକ୍ଷ ୩୪ ହଜାର ୧୮୮ ଥିବାବେଳେ ଚିକିତ୍ସିତ ହେଉଥିବା ରୋଗୀଙ୍କ ସଂଖ୍ୟା ୪୬ ହଜାର ୮୪୮ ରୁ ୪୭ ହଜାର ୯୨୨ କୁ ବୃଦ୍ଧି ପାଇଛି। ତଥ୍ୟ ଅନୁଯାୟୀ, ସଂକ୍ରମଣ ହେତୁ ଅଧିକ ୩୫ ଜଣଙ୍କ ମୃତ୍ୟୁ ହୋଇଛି। ତେବେ ମୋଟ ମୃତ୍ୟୁ ସଂଖ୍ୟା ୫ ଲକ୍ଷ ୨୮ ହଜାର ୩୩୭ କୁ ବୃଦ୍ଧି ପାଇଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ବାତିଲ୍ ହେଲା ସାମୟିକ ବିଶେଷ ଏକ୍ସପ୍ରେସ ଟ୍ରେନ୍, ଚଳାଚଳ କରିବ ବିଶେଷ ପାସେଞ୍ଜର ଟ୍ରେନ୍

ଭୁବନେଶ୍ୱର: କୋଭିଡ଼-19 କଟକଣା ପରେ ଯାତ୍ରୀ ମାନଙ୍କ ସୁବିଧା ପାଇଁ ଟ୍ରେନ୍ ସେବାରେ ସମନ୍ୱୟକୁ ଦୃଷ୍ଟିରେ ରଖି ପୂର୍ବତଟ ରେଳପଥ ପକ୍ଷରୁ ସାମୟିକ ଏକ୍ସପ୍ରେସ ସଂରକ୍ଷିତ ବିଶେଷ ଏକ୍ସପ୍ରେସ ଟ୍ରେନ୍ ବିଶାଖାପାଟନମରୁ ରାୟଗଡା, ପଲାସା ଏବଂ କିରାଣ୍ଡୁଲ କୁ ତିନି ଯୋଡ଼ା ଟ୍ରେନ ଚଳାଚଳ କରାଯାଉଥିଲା। ପରିସ୍ଥିତିର ସମୀକ୍ଷା କରିବା ପରେ ଉପରୋକ୍ତ ସାମୟିକ ଏକ୍ସପ୍ରେସ ଟ୍ରେନ୍ ଗୁଡିକୁ ଅପସାରଣ କରାଯାଇ ପାସେଞ୍ଜର ସ୍ପେଶାଲ୍ ଟ୍ରେନ୍ ଚଳାଚଳ କରାଇବାକୁ ନିଷ୍ପତ୍ତି ନିଆଯାଇଛି।

08504/08503 ବିଶାଖାପାଟନମ୍-ରାୟଗଡା-ବିଶାଖାପାଟନମ୍ ପାସେଞ୍ଜର ସ୍ପେଶାଲ୍ 15 ଜୁଲାଇ 2022 ଠାରୁ ବିଶାଖାପାଟନମ୍ରୁ ଏବଂ 16 ଜୁଲାଇ 2022 ଠାରୁ ରାୟଗଡାରୁ ଚଳାଚଳ କରିବ। ଏହା ବର୍ତ୍ତମାନ ଚଳାଚଳ କରୁଥିବା 18528/18527 ବିଶାଖାପାଟନମ୍-ରାୟଗଡା-ବିଶାଖାପାଟନମ୍ ସାମୟିକ ଏକ୍ସପ୍ରେସ୍ ଟ୍ରେନ ବଦଳରେ ଚଳାଚଳ କରିବ ଯାହାର ଅବଧି 14 ଜୁଲାଇ, 2022 ପର୍ଯ୍ୟନ୍ତ ବିଶାଖାପାଟନମ୍ ଠାରୁ ଏବଂ 15 ଜୁଲାଇ 2022 ପର୍ଯ୍ୟନ୍ତ ରାୟଗଡା ଠାରୁ ସମାପ୍ତ ହେବାକୁ ଯାଉଛି ଚାଲିବ।

08532/08531 ବିଶାଖାପାଟନମ୍-ପଲାସା-ବିଶାଖାପାଟନମ୍ ପାସେଞ୍ଜର ସ୍ପେଶାଲ୍ ବିଶାଖାପାଟନମ୍ରୁ 15 ଜୁଲାଇ 2022 ଠାରୁ ଏବଂ ପଲାସା ଠାରୁ 16 ଜୁଲାଇ 2022 ଠାରୁ 18532/18531 ବିଶାଖାପାଟନମ୍-ପଲାସା-ବିଶାଖାପାଟନମ୍ ସାମୟିକ ଏକ୍ସପ୍ରେସ ବଦଳରେ ଚଳାଚଳ କରିବ ଯାହାକି ବିଶାଖାପାଟନମ୍ ଠାରୁ 14 ଜୁଲାଇ, 2022 ପର୍ଯ୍ୟନ୍ତ ଏବଂ ପଲାସା ଠାରୁ 15 ଜୁଲାଇ 2022 ପର୍ଯ୍ୟନ୍ତ ଚଳାଚଳ କରିବାକୁ ସ୍ଥିର ହୋଇଛି।

08551/08552 ବିଶାଖାପାଟନମ୍-କିରାଣ୍ଡୁଲ-ବିଶାଖାପାଟନମ୍ ପାସେଞ୍ଜର ସ୍ପେଶାଲ୍ ବିଶାଖାପାଟନମ୍ରୁ 15 ଜୁଲାଇ 2022 ଠାରୁ ଏବଂ କିରାଣ୍ଡୁଲରୁ 16 ଜୁଲାଇ 2022 ଠାରୁ 18551/18552 ବିଶାଖାପାଟନମ୍-କିରାଣ୍ଡୁଲ-ବିଶାଖାପାଟନମ୍ ସାମୟିକ ଏକ୍ସପ୍ରେସ ଟ୍ରେନ ବଦଳରେ ଚଳାଚଳ କରିବ ଯାହାକି 14 ଜୁଲାଇ, 2022 ପର୍ଯ୍ୟନ୍ତ ବିଶାଖାପାଟନମ୍ରୁ ଏବଂ କିରାଣ୍ଡୁଲରୁ 15 ଜୁଲାଇ 2022 ପର୍ଯ୍ୟନ୍ତ ଚଳାଚଳ କରିବାକୁ ସ୍ଥିର ହୋଇଛି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

୧୨ ବର୍ଷରୁ କମ୍ ପିଲାମାନଙ୍କ ମଧ୍ୟରେ ବଢୁଛି କରୋନା ସଂକ୍ରମଣ, ବିଶେଷଜ୍ଞମାନେ ଦେଲେ ପରାମର୍ଶ

କୋଲକାତା: କୋଲକାତାରେ କୋଭିଡ ସଂକ୍ରମିତ ପିଲାଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଗତ ଏକ ସପ୍ତାହ ମଧ୍ୟରେ ସଂକ୍ରମିତ ଶିଶୁଙ୍କ ସଂଖ୍ୟା ଯଥେଷ୍ଟ ବୃଦ୍ଧି ପାଇଛି। ସୂଚନାଯୋଗ୍ୟ ଯେ ସହରରେ ୧୨ ବର୍ଷରୁ କମ୍ ବର୍ଗରେ ଆସୁଥିବା ପିଲାମାନଙ୍କୁ ଟୀକାକରଣ କରାଯାଇ ନ ଥିବାରୁ ସେମାନେ କୋଭିଡ-୧୯ ସଂକ୍ରମିତ ହୋଇଥିବାର ଦେଖାଉଛି। ଏଥି ସହିତ ଡାକ୍ତରମାନେ କହିଛନ୍ତି ଯେ, ଏହି ଲକ୍ଷଣ ସମସ୍ତଙ୍କଠାରେ ଭିନ୍ନ। କିନ୍ତୁ ସଂକ୍ରମଣ ଏପର୍ଯ୍ୟନ୍ତ ସାମାନ୍ୟ ରହିଛି। କେବଳ ଅଳ୍ପ କିଛି ପିଲାଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଛି।

କିଛି ପିଲା ଉଚ୍ଚ କାଶ ସହିତ ଜ୍ୱରରେ ପୀଡିତ:

କେତେକ ପିଲାଙ୍କର କାଶ ଏବଂ ଥଣ୍ଡା ସହିତ ଅତ୍ୟଧିକ ଜ୍ୱର ହୋଇଥିବାବେଳେ କେତେକଙ୍କର ଡାଇରିଆ ଏବଂ ନିଶ୍ୱାସ ପ୍ରଶ୍ୱାସ ବେଳେ ସାମାନ୍ୟ ଅସୁବିଧା ହେଉଛି। ଏଥି ସହିତ, ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ, ବିଦ୍ୟାଳୟର ଶ୍ରେଣୀ ଗୃହରେ ପୁନଃ ପାଠପଢା ଆରମ୍ଭ ହେବା ଯୋଗୁଁ ସଂକ୍ରମଣ ଶ୍ରୀଘ ବ୍ୟାପିଥାଇପାରେ। ତେବେ ଗତ ସପ୍ତାହରେ ଅନେକ ବିଦ୍ୟାଳୟ ନୋଟିସ ଜାରି କରି ଅଭିଭାବକମାନଙ୍କୁ ଜ୍ୱର କିମ୍ବା କାଶ ଭଳି ଲକ୍ଷଣ ଦେଖାଇଲେ ପିଲାମାନଙ୍କୁ ଡାକ୍ତରଖାନା ନ ପଠାଇବାକୁ କହିଛନ୍ତି।

୧୨ ବର୍ଷରୁ କମ୍ ପିଲାମାନଙ୍କୁ ସୁରକ୍ଷା ଦେବା ଆବଶ୍ୟକ:

ଗଣମାଧ୍ୟମ ପ୍ରକାଶିତ ରିପୋର୍ଟ ଅନୁଯାୟୀ ଶିଶୁରୋଗ ବିଶେଷଜ୍ଞମାନଙ୍କ ଅନୁଯାୟୀ, ଅଧିକାଂଶଙ୍କ ମଧ୍ୟରେ ସାମାନ୍ୟରୁ ମଧ୍ୟମ ସଂକ୍ରମଣ ଅଛି, ଯାହା ଘରେ ରହି ଚିକିତ୍ସିତ ହୋଇପାରିବେ। ଏପର୍ଯ୍ୟନ୍ତ ସଂକ୍ରମଣ ସାମାନ୍ୟ ରହିଛି। କିନ୍ତୁ ଅଳ୍ପ କିଛି ପିଲାଙ୍କ ମଧ୍ୟରେ ଶ୍ୱାସରୋଗ, ଅମ୍ଳଜାନ ଅଭାବ ଦେଖାଯାଉଛି। ଯେହେତୁ ୧୨ ବର୍ଷରୁ କମ୍ ବୟସର ପିଲାମାନେ ଟୀକାକରଣ ହୋଇନାହାଁନ୍ତି, ସେମାନଙ୍କୁ ସୁରକ୍ଷା ଦେବା ଆବଶ୍ୟକ। ଜ୍ୱର କିମ୍ବା ଅନ୍ୟାନ୍ୟ ଲକ୍ଷଣ ଦୁଇ-ତିନି ଦିନରୁ ଅଧିକ ରହିଲେ ସେମାନଙ୍କ ପିଲାମାନଙ୍କୁ କୋଭିଡ ପରୀକ୍ଷା କରିବାକୁ ସେ ପିତାମାତାଙ୍କୁ ପରାମର୍ଶ ଦେଇଛନ୍ତି।

Categories
ବିଶେଷ ଖବର

ଟିକାକରଣରେ ଉଲ୍ଲେଖନୀୟ ହ୍ରାସ ଘଟିଥିବା ଯୋଗୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଉଦ୍‌ବେଗ ପ୍ରକଟ

ନୂଆଦିଲ୍ଲୀ: ରାଜ୍ୟ ଏବଂ କେନ୍ଦ୍ରଶାସିତ କ୍ଷେତ୍ରରେ କୋଭିଡ-୧୯ ଟିକାକରଣର ମାତ୍ରା ଉଲ୍ଲେଖନୀୟ ଭାବେ ହ୍ରାସ ପାଇଥିବାରୁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଉଦ୍‌ବେଗ ପ୍ରକାଶ ପାଇଛି ଏବଂ ମନ୍ତ୍ରଣାଳୟ ପକ୍ଷରୁ ସେହିସବୁ ରାଜ୍ୟ ଓ କେନ୍ଦ୍ରଶାସିତ କ୍ଷେତ୍ରଗୁଡ଼ିକୁ ପୁଣି ଉଲ୍ଲେଖନୀୟ ଭାବେ ଟିକାକରଣ ମାତ୍ରାକୁ ବୃଦ୍ଧି କରିବା ସହ ସଂପୂର୍ଣ୍ଣ ଟିକାକରଣର ଲକ୍ଷ୍ୟ ହାସଲ ଏବଂ ସମସ୍ତ ଯୋଗ୍ୟ ହିତଧାରକଙ୍କୁ ଟିକାକରଣ କରାଯିବା ପାଇଁ ପରାମର୍ଶ ଦିଆଯାଇଛି। ଏହି ପରାମର୍ଶ ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ କ୍ଷେତ୍ରଙ୍କୁ ଜଣାଇ ଦିଆଯାଇଛି ବୋଲି କେନ୍ଦ୍ର ସ୍ୱାସ୍ଥ୍ୟସଚିବ ରାଜେଶ ଭୂଷଣ କହିଛନ୍ତି। ଆଜି ସମସ୍ତ ରାଜ୍ୟ ଓ କେନ୍ଦ୍ରଶାସିତ କ୍ଷେତ୍ରର ସ୍ୱାସ୍ଥ୍ୟ ସଚିବ ଏବଂ ରାଷ୍ଟ୍ରୀୟ ସ୍ୱାସ୍ଥ୍ୟ ମିଶନର ପରିଚାଳନା ନିର୍ଦ୍ଦେଶକମାନଙ୍କ ସହ ଭିଡିଓ କନଫରେନ୍ସିଂ ଯୋଗେ କୋଭିଡ ଟିକାକରଣ ସଂପର୍କରେ ସମୀକ୍ଷା କରିବା ଅବସରରେ ଶ୍ରୀ ଭୂଷଣ ଏହି ପରାମର୍ଶ ଦେଇଥିବା ଜଣାଯାଇଛି।

କୋଭିଡ ଟିକାକରଣକୁ ସାରା ଦେଶରେ ମିଶନ ମୋଡ୍‌ରେ ତ୍ୱରାନ୍ୱିତ କରିବା ପାଇଁ ବ୍ୟାପକ ପଦକ୍ଷେପ ଗ୍ରହଣ କରାଯିବାର ଆବଶ୍ୟକତା ରହିଛି। ଏ ଦିଗରେ କୌଣସି ପ୍ରକାର କୋହଳ ମନୋଭାବ ପ୍ରଦର୍ଶନ ନ କରିବାକୁ କେନ୍ଦ୍ର ସ୍ୱାସ୍ଥ୍ୟ ସଚିବ ରାଜ୍ୟ ଏବଂ କେନ୍ଦ୍ରଶାସିତ କ୍ଷେତ୍ରମାନଙ୍କୁ ପରାମର୍ଶ ଦେଇଛନ୍ତି। ଏହି ପରିପ୍ରେକ୍ଷୀରେ ସେ କହିଛନ୍ତି ଯେ ଆସନ୍ତା ଜୁନ୍‌-ଜୁଲାଇ ମାସରେ ’ହର ଘର ଦସ୍ତଖ ଅଭିଯାନ-୨’କୁ ଦୁଇମାସ ଧରି ବ୍ୟାପକ ଭାବେ କାର୍ଯ୍ୟକାରୀ କରାଯିବା ଲାଗି ସେମାନେ ଯୋଜନା ପ୍ରସ୍ତୁତ କରନ୍ତୁ। ଏଥିପାଇଁ ବିସ୍ତୃତ ଭାବେ ଜିଲ୍ଲା, ବ୍ଲକ୍‌ ଏବଂ ଗ୍ରାମ୍ୟସ୍ତରୀୟ ଯୋଜନାମାନ ପ୍ରସ୍ତୁତ କରାଯିବା ଉଚିତ୍‌। ‘ହର ଘର ଦସ୍ତଖ ୨.୦’ ଅଭିଯାନର ମୂଳ ଲକ୍ଷ୍ୟ ହେଲା – ଟିକାକରଣ କରାଯିବା ଏବଂ ସମସ୍ତ ଯୋଗ୍ୟ ଲୋକଙ୍କୁ ପ୍ରଥମ, ଦ୍ୱିତୀୟ ଏବଂ ବୁଷ୍ଟର ଡୋଜ୍‌ ଟିକା ପ୍ରଦାନ ଘର ଘର ବୁଲି ଅଭିଯାନ ମାଧ୍ୟମରେ ସଂପାଦନ କରିବା।

ବିଶେଷକରି ବୃଦ୍ଧ ବ୍ୟକ୍ତିମାନଙ୍କୁ ଘରେ ଏହି ଅଭିଯାନ ମାଧ୍ୟମରେ ଟିକାକରଣ କରାଯାଇପାରିବ। ସେହିଭଳି ସ୍କୁଲ/କଲେଜ ମାନଙ୍କରେ ଏବଂ ସ୍କୁଲରେ ପାଠ ପଢୁନଥିବା ପିଲା (ବିଶେଷକରି ୧୨-୧୮ବର୍ଷ ଆୟୁ ବର୍ଗର ଶିଶୁମାନେ), ଜେଲ୍‌, ଇଟାଭାଟି ଆଦିରେ କାମ କରୁଥିବା ପିଲାମାନଙ୍କୁ ଏହା ଦିଆଯାଇପାରିବ। ସେହିଭଳି ୬୦ବର୍ଷ ଆୟୁବର୍ଗରୁ ଅଧିକ ଲୋକମାନଙ୍କୁ ସବ୍‌ ଅପ୍ଟିମାଲ ମାତ୍ରାରେ ସାମିଲ କରାଯାଇ ହେବ। ଏହି ଟିକା ପ୍ରଦାନ କରାଗଲେ ସେମାନେ ସଂକ୍ରମଣ ବିପଦମୁକ୍ତ ହୋଇପାରିବେ। କେତେକ ରାଜ୍ୟରେ ୧୨ରୁ ୧୪ ବର୍ଷ ଆୟୁବର୍ଗର ପିଲାମାନଙ୍କୁ ଟିକାଦାନ ମାତ୍ରା ମନ୍ଥର ହୋଇଥିବା ପ୍ରସଙ୍ଗ ମଧ୍ୟ ଆଲୋଚନା କରାଯାଇଥିଲା। ତେଣୁ ରାଜ୍ୟ ଓ କେନ୍ଦ୍ରଶାସିତ କ୍ଷେତ୍ରମାନଙ୍କୁ ଶ୍ରୀ ଭୂଷଣ ପରାମର୍ଶ ଦେଇଥିଲେ ଯେ ଟିକାକରଣକୁ ସକ୍ରିୟଭାବେ ମନିଟର କରିବା ଲାଗି ସେମାନେ ମାଇକ୍ରୋ ଯୋଜନା ଆଧାରରେ ସମସ୍ତ ଯୋଗ୍ୟ ହିତାଧିକାରୀମାନଙ୍କ ତାଲିକା ପ୍ରସ୍ତୁତ କରନ୍ତୁ। ସେହିଭଳି ୧୮ରୁ ୫୯ ବର୍ଷ ଆୟୁବର୍ଗର ଲୋକମାନେ ଯେଉଁ ବୁଷ୍ଟର ଡୋଜ ଟିକା ଘରୋଇ ହସ୍ପିଟାଲମାନଙ୍କରେ ନିୟମିତ ଭାବେ ନେଉଛନ୍ତି ତାହା ମଧ୍ୟ ରାଜ୍ୟ ପ୍ରଶାସନ ସମୀକ୍ଷା କରିବା ଉଚିତ।

କେନ୍ଦ୍ର ସ୍ୱାସ୍ଥ୍ୟ ସଚିବ ଏହି ସମୀକ୍ଷା ବୈଠକ ବେଳେ ସ୍ପଷ୍ଟଭାବେ ଗୁରୁତ୍ୱାରୋପ କରିବା ସହ କହିଛନ୍ତି ଯେ ଦେଶବ୍ୟାପୀ କୋଭିଡ ଟିକାକରଣ ଯେଉଁ ମାତ୍ରାରେ ଜାରି ରହିଛି ସକ୍ରିୟ ଯୋଗାଯୋଗ ବ୍ୟବସ୍ଥା ଏବଂ ରଣନୀତି ଗ୍ରହଣ ଦ୍ୱାରା ତାହାକୁ ଆହୁରି ତ୍ୱରାନ୍ୱିତ କରାଯାଇପାରିବ। ସ୍ଥଳବିଶେଷରେ କ୍ଷେତ୍ରୀୟ ଯୋଗାଯୋଗ ନିମନ୍ତେ ଯାହା ସବୁଠାରୁ ଉତ୍ତମ ବ୍ୟବସ୍ଥା ବୋଲି ବିବେଚନା କରାଯିବ ତାହା ଗ୍ରହଣ କରାଗଲେ ସେଥିରୁ ଇପସିତ ସୁଫଳ ମିଳିପାରିବ। ଅତୀତରେ ଏହା ହାସଲ କରାଯାଇଛି। ବର୍ତ୍ତମାନ ସୁଦ୍ଧା ଦେଶରେ ୧୯୧ କୋଟିରୁ ଅଧିକ ଡୋଜ୍‌ କୋଭିଡ ପ୍ରତିଷେଧକ ଟିକା ଦିଆଯିବା ଏକ ପ୍ରଶଂସନୀୟ କାର୍ଯ୍ୟ ବୋଲି ସେ ଉଲ୍ଲେଖ କରିଥିଲେ।

ରାଜ୍ୟୱାରି ଟିକାକରଣର ଯେଉଁ ତଥ୍ୟ ଉପଲବ୍ଧ ରହିଛି ତାହାକୁ ଯୋଗ୍ୟ ହିତାଧିକାରୀମାନଙ୍କ ସହ ତୁଳନା କରିବାକୁ ଶ୍ରୀ ଭୂଷଣ ପରାମର୍ଶ ଦେଇଛନ୍ତି। ଏହି ପରିପ୍ରେକ୍ଷୀରେ ରାଜ୍ୟ ଓ କେନ୍ଦ୍ରଶାସିତ କ୍ଷେତ୍ରମାନଙ୍କୁ ସେ ସୂଚୀତ କରିଥିଲେ ଯେ ଯେଉଁ ଟିକାର ଆୟୁସୀମା ଶେଷ ହୋଇଆସୁଛି ସେଗୁଡ଼ିକୁ ସେମାନେ ତୁରନ୍ତ ବ୍ୟବହାର କରିବା ଉଚିତ୍‌। କୋଭିଡ-୧୯ ପ୍ରତିଷେଧକ ଟିକା ଏକ ମୂଲ୍ୟବାନ ରାଷ୍ଟ୍ରୀୟ ସମ୍ପଦ ବୋଲି ଉଲ୍ଲେଖ କରି ସେ କହିଛନ୍ତି ଯେ ରାଜ୍ୟ ଓ କେନ୍ଦ୍ରଶାସିତ କ୍ଷେତ୍ରମାନେ ଏଭଳି କୋଭିଡ-୧୯ ଟିକା କୌଣସି ମତେ ଯେଭଳି ନଷ୍ଟ ନ ହୁଏ ସେଥିପ୍ରତି ବିଶେଷ ଧ୍ୟାନ ଦେବା ଆବଶ୍ୟକ। ସକ୍ରିୟ ପରିଚାଳନା ଦ୍ୱାରା ଏହା ସୁନିଶ୍ଚିତ କରାଯିବା ଉଚିତ ଏବଂ ’ଫାଷ୍ଟ ଏକ୍ସପାୟାରି- ଫାଷ୍ଟ ଆଉଟ୍‌’ ନୀତିରେ ଯେଉଁ ଟିକା ଡୋଜର ଏକ୍ସପାୟାରି ତାରିଖ ପାଖେଇ ଆସୁଛି ସେଗୁଡ଼ିକୁ ପ୍ରଥମେ ଟିକାକରଣ ପାଇଁ ବ୍ୟବହାର କରାଯିବା ଜରୁରି। ୨୦୨୧ ମସିହା ଡିସେମ୍ବର ମାସଠାରୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକର ଆବଶ୍ୟକତା ଅନୁସାରେ ସେମାନଙ୍କୁ ପ୍ରତିଷେଧକ ଡୋଜ୍‌ ଟିକା ଯୋଗାଇ ଦିଆଯାଉଛି। ତେଣୁ ସେମାନେ ବଳକା ଅବ୍ୟବହୃତ ଟିକାଡୋଜ୍‌ ଗୁଡ଼ିକୁ ମେ, ଜୁନ ଏବଂ ଜୁଲାଇ ମାସ ମଧ୍ୟରେ ଶେଷ କରିବା ଆବଶ୍ୟକ।

ସମୀକ୍ଷା ବୈଠକ ବେଳେ ଏହି ପ୍ରସଙ୍ଗ ଉଠିଥିଲା ଯେ କେତେକ ରାଜ୍ୟରେ କତିପୟ ବ୍ୟକ୍ତିବିଶେଷ ଯେଉଁମାନେ କି ବିଦେଶ ଗସ୍ତରେ ଯିବାକୁ ଇଛୁକ ଏବଂ ଦ୍ୱିତୀୟ ଡୋଜ ଟିକା ନେବାର ୯୦ ଦିନ ମଧ୍ୟରେ ବୁଷ୍ଟର ଡୋଜ୍‌ ଟିକା ନେବାକୁ ଆଗ୍ରହ ପ୍ରକାଶ କରୁଛନ୍ତି ସେମାନଙ୍କୁ ନିଜର ବିଦେଶ ଯାତ୍ରା ସଂପର୍କିତ ପ୍ରମାଣପତ୍ର ଦେଖାଇବାକୁ ପରାମର୍ଶ ଦିଆଯାଇଛି। କେନ୍ଦ୍ର ସ୍ୱାସ୍ଥ୍ୟ ସଚିବ ଏହି ପ୍ରସଙ୍ଗ ଉପରେ ଗୁରୁତ୍ୱାରୋପ କରି କହିଛନ୍ତି ଯେ କୌଣସି ପରିସ୍ଥିତିରେ କୌଣସି କୋଭିଡ-୧୯ ଟିକାକରଣ କେନ୍ଦ୍ର ଅଥବା ରାଜ୍ୟ ସରକାର ଯେଉଁମାନେ ବିଦେଶ ଯାତ୍ରା ପୂର୍ବରୁ ବୁଷ୍ଟର ଡୋଜ ଟିକା ନେବାକୁ ଚାହୁଁଛନ୍ତି ସେମାନଙ୍କୁ ତଥ୍ୟଗତ ପ୍ରମାଣ ଦେବାକୁ ବାଧ୍ୟ କରିପାରିବେ ନାହିଁ। ଏହି ପରିପ୍ରେକ୍ଷୀରେ ରାଜ୍ୟ ଓ କେନ୍ଦ୍ରଶାସିତ ସରକାରମାନଙ୍କୁ ପୂର୍ବରୁ ମଧ୍ୟ ଅବଗତ କରାଯାଇ ସାରିଛି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

୨୪ ଘଣ୍ଟାରେ ୨୮୨୭ ଆକ୍ରାନ୍ତ ଚିହ୍ନଟ, ୨୪ ମୃତ୍ୟୁ, ସୁସ୍ଥ ହେଲେ ୩୨୩୦ ରୋଗୀ

ନୂଆଦିଲ୍ଲୀ: ଦେଶରେ କରୋନା ମହାମାରୀ ଏପର୍ଯ୍ୟନ୍ତ ଶେଷ ହୋଇନାହିଁ। ରୋଗୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଗୁରୁବାର ଦିନ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ଵାରା ପ୍ରକାଶିତ ତଥ୍ୟ ଅନୁଯାୟୀ କୋଭିଡ-୧୯ ର ୨୮୨୭ ଟି ନୂଆ ମାମଲା ଚିହ୍ନଟ ହୋଇଛି। ଏହାକୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୪ କୋଟି ୩୧ ଲକ୍ଷ ୧୩ ହଜାର ୪୧୩କୁ ବୃଦ୍ଧି ପାଇଛି। ବର୍ତ୍ତମାନ ସକ୍ରିୟ ମାମଲାଗୁଡ଼ିକ ବିଷୟରେ କହିବାକୁ ଗଲେ, ଏହି ସଂଖ୍ୟା ୧୯ ହଜାର ୬୭ କୁ ଖସି ଆସିଛି।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ଵାରା ପ୍ରକାଶିତ ତଥ୍ୟ ଅନୁଯାୟୀ ଦେଶରେ ସଂକ୍ରମଣ ହେତୁ ଆଉ ୨୪ ଜଣଙ୍କର ମୃତ୍ୟୁ ଘଟିଛି। ଏହା ପରେ ମୃତ୍ୟୁ ସଂଖ୍ୟା ୫,୨୪,୧୮୧ କୁ ବୃଦ୍ଧି ପାଇଛି।

ବର୍ତ୍ତମାନ ପର୍ଯ୍ୟନ୍ତ ଦେଶରେ ମୋଟ ୪ କୋଟି ୨୫ ଲକ୍ଷ ୭୦ ହଜାର ୧୬୫ ଲୋକ ସଂକ୍ରମଣମୁକ୍ତ ହୋଇଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଘୋଷଣାର ମାସକ ମଧ୍ୟରେ ୩୦ ଯୋଡ଼ା ଟ୍ରେନରେ ସେବା ଯୋଗାଇଲା ପୂର୍ବତଟ ରେଳପଥ

ଭୁବନେଶ୍ବର: କୋଭିଡ-୧୯ ମାମଲାର ସଂଖ୍ୟା ହ୍ରାସକୁ ଦୃଷ୍ଟିରେ ରଖି ଭାରତୀୟ ରେଳବାଇ ମାର୍ଚ୍ଚ ୨୦୨୨ ର ଦ୍ୱିତୀୟ ସପ୍ତାହରେ ଟ୍ରେନରେ ବେଡ଼ରୋଲ/ ଲିନେନ ସେବା ପୁନଃ ଆରମ୍ଭ କରିବାକୁ ଘୋଷଣା କରିଥିଲା ​​ଏବଂ ଯାତ୍ରୀମାନଙ୍କ ସୁବିଧା ପାଇଁ ଜୋନାଲ ରେଳବାଇକୁ ପୁନ ପ୍ରଚଳନ କରିବାକୁ ପରାମର୍ଶ ଦେଇଥିଲା।

ମହାମାରୀ ସମୟରେ କୋଭିଡ-୧୯ ର ପ୍ରସାରକୁ ରୋକିବା ପାଇଁ, ଟ୍ରେନ୍ ଦ୍ୱାରା ଯାତ୍ରୀମାନଙ୍କ ଯାତାୟାତକୁ ବାତିଲ କରାଯାଇଥିଲା ଯାହାକି ଟ୍ରେନ୍ ଭିତରେ ବେଡ଼ରୋଲ/ ଲିନେନ (ଚାଦର, ତକିଆ, କମ୍ବଳ ଓ ଟାୱେଲ), ଏବଂ ପରଦା ଉପରେ ପ୍ରତିବନ୍ଧକ ଲଗାଇଥିଲା। ସମସ୍ତ ଟ୍ରେନର ଶୀତତାପ ନିୟନ୍ତ୍ରିତ କୋଚରେ ଯାତ୍ରୀମାନଙ୍କୁ ଦୀର୍ଘ ଯାତ୍ରା ସମୟରେ ନିଜର କମ୍ବଳ ଆଣିବାକୁ ପରାମର୍ଶ ଦିଆଯାଇଥିଲା।

ଉପରୋକ୍ତ ବିଷୟକୁ ଦୃଷ୍ଟିରେ ରଖି ପୂର୍ବ ତଟ ରେଳବାଇ ଏହାର ପ୍ରାଧିକରଣରୁ ଉତ୍ପନ୍ନ ଟ୍ରେନ୍ଗୁଡ଼ିକ ପାଇଁ ପର୍ଯ୍ୟାୟକ୍ରମେ ଟ୍ରେନ୍ ଭିତରେ ଚାଦର, ତକିଆ, କମ୍ବଳ ଓ ଟାୱେଲ ସେବାକୁ ପୁନ ପ୍ରଚଳନ କରିଛି।

ସମସ୍ତ ଟ୍ରେନରେ ବେଡ଼ରୋଲ/ଲିନେନ ଯୋଗାଇବା ପାଇଁ ପୂର୍ବ ତଟ ରେଳପଥ ଏକ ପ୍ରମୁଖ ଆହ୍ୱାନର ସମ୍ମୁଖୀନ ହୋଇଛି। ମହାମାରୀ ଅବଧିରେ ଲଣ୍ଡ୍ରି ସେବା ବନ୍ଦ ରହିବା, ଟ୍ରେନ୍ ମାନଙ୍କରେ ଯାତ୍ରୀମାନଙ୍କୁ ବେଡ଼ରୋଲ ଏବଂ ଲିନେନ ଯୋଗାଇବା ପାଇଁ ନିୟୋଜିତ ଥିବା ଚୁକ୍ତିଭିତ୍ତିକ ମାନବ ଶକ୍ତି ସେବା ବାତିଲ ଇତ୍ୟାଦି ଅନ୍ତର୍ଭୁକ୍ତ।

ଏହା ବ୍ୟତୀତ ବ୍ରାଣ୍ଡ ନାମ ଏବଂ ଲୋଗୋ ସହିତ କପା ଶିଳ୍ପରୁ ନୂତନ ବେଡ଼ରୋଲ/ ଲିନେନ ଖୁବ ଶୀଘ୍ର କିଣିବା ରେଳବାଇ ପାଇଁ ଏକ ବାଧା ଅଟେ। ଶିଳ୍ପ ଉଦ୍ୟୋଗ ଗୁଡିକ ଦ୍ୱାରା ତୁରନ୍ତ ଯୋଗାଣ ସମ୍ଭବ ନୁହେଁ। ଅନେକ ଆହ୍ୱାନର ସମ୍ମୁଖୀନ ହେବା ପରେ ମଧ୍ୟ ପୂର୍ବତଟ ରେଳପଥ ଦିନରାତି ପରିଶ୍ରମ କରି ଗୁଣବତ୍ତା ସମ୍ପନ୍ନ ଲିନେନର ସଠିକ୍ ଗୁଣ ନିଶ୍ଚିତ କରିବା ପାଇଁ ମଧ୍ୟ ଆହ୍ୱାନ ଗୁଡିକର ସମ୍ମୁଖୀନ ହେଉଅଛି।

୧୮୪୨୫/୧୮୪୨୬ ପୁରୀ-ଦୁର୍ଗ-ପୁରୀ ଏକ୍ସପ୍ରେସରେ ମାର୍ଚ୍ଚ ୨୧ ତାରିଖ ୨୦୨୨ରୁ ଟ୍ରେନରେ ବେଡ଼ରୋଲ/ଲିନେନ ସେବା ଯୋଗାଣକୁ ପୁନ ଆରମ୍ଭ କରି ପୂର୍ବ ତଟ ରେଳପଥ ଏପ୍ରିଲର ତୃତୀୟ ସପ୍ତାହ ପର୍ଯ୍ୟନ୍ତ ୩୦ ଯୋଡି (୬୦ ଟି ଟ୍ରେନ୍) ରେ ଧୀରେ ଧୀରେ ବେଡ଼ରୋଲ ସେବା ଯୋଗାଉଅଛି। ପୂର୍ବତଟ ରେଳପଥ ପରିସୀମା ମଧ୍ୟରେ ୬୭ ଯୋଡି ଟ୍ରେନ୍ ମଧ୍ୟରୁ ଖୁବ କମ ସମୟ ମଧ୍ୟରେ ୩୦ ଯୋଡି ଟ୍ରେନ ମାନଙ୍କରେ ଏହି ସେବା ଯୋଗାଇ ସାରିଛି। ଏହି ଟ୍ରେନଗୁଡିକ ମଧ୍ୟରୁ ଛଅ ଯୋଡି ଦୈନିକ ଚଳାଚଳ କରୁଥିବା ଟ୍ରେନ୍, ଦୁଇ ଯୋଡି ଦ୍ୱି-ସାପ୍ତାହିକ, ଦୁଇ ଯୋଡି ତ୍ରି-ସାପ୍ତାହିକ, ୧୫ ଯୋଡି ସାପ୍ତାହିକ ଏବଂ ୫ ଯୋଡି ଟ୍ରେନ ସପ୍ତାହରେ ୫ ଦିନ/୪ ଦିନ ଚଳାଚଳ କରୁଥିବା ଟ୍ରେନ। ଭୁବନେଶ୍ୱରରୁ ୭ ଯୋଡି ଟ୍ରେନ୍, ପୁରୀରୁ ୧୦ ଯୋଡି, ସମ୍ବଲପୁରରୁ ୪ ଯୋଡି ଏବଂ ବିଶାଖାପାଟନମରୁ ୯ ଯୋଡି ଟ୍ରେନ୍ ବର୍ତ୍ତମାନ ବେଡ଼ରୋଲ/ ଲିନେନ ସେବାରେ ଅନ୍ତର୍ଭୁକ୍ତ ହୋଇଛି।

ଭୁବନେଶ୍ୱରରୁ ଉତ୍ପନ୍ନ ଏହି ଟ୍ରେନରେ ରାଜଧାନୀ ଏକ୍ସପ୍ରେସ, ହିରାଖଣ୍ଡ ଏକ୍ସପ୍ରେସ, ଭୁବନେଶ୍ୱର-ଜୁନାଗଡ଼ ରୋଡ ଏକ୍ସପ୍ରେସ, ଭୁବନେଶ୍ୱର-ତିରୁପତି ଏବଂ ଭୁବନେଶ୍ୱର-ପଣ୍ଡିଚେରୀ ଏକ୍ସପ୍ରେସ ଅନ୍ତର୍ଭୁକ୍ତ। ପୁରୀରୁ ପୁରୀ-ଦୁର୍ଗ ଏକ୍ସପ୍ରେସ, ନୀଳାଚଳ, ନନ୍ଦନକାନନ, ପୁରୁଷୋତ୍ତମ, କଳିଙ୍ଗ ଉତ୍କଳ, ପୁରୀ-ଯୋଧପୁର, ପୁରୀ-ଅହମ୍ମଦାବାଦ, ପୁରୀ-ଓଖା ଏବଂ ପୁରୀ-ଜୟନଗର ଏକ୍ସପ୍ରେସ ଟ୍ରେନ ଅନ୍ତର୍ଭୁକ୍ତ ଅଛି। ସମ୍ବଲପୁରରୁ ସମ୍ବଲପୁର-ବାରାଣାସୀ, ସମ୍ବଲପୁର-ଜମ୍ମୁ ତାୱି, ସମ୍ବଲପୁର-ନନ୍ଦେଡ ଏବଂ ସମ୍ବଲପୁର-ଶାଲିମାର ଏକ୍ସପ୍ରେସ ଅଛି।  ସେହିଭଳି ବିଶାଖାପାଟନମରୁ ଛାଡୁଥିବା ଟ୍ରେନ୍ ଗୁଡିକ ହେଉଛି ବିଶାଖାପାଟନମ୍-ଏଲଟିଟି ଏକ୍ସପ୍ରେସ, ବିଶାଖାପାଟନମ୍-ସିକନ୍ଦରାବାଦ, ବିଶାଖାପାଟନମ୍-ଚେନ୍ନାଇ, ବିଶାଖାପାଟନମ୍-ଟାଟା, ସମତା, ବିଶାଖାପାଟନମ୍-କୋଲାମ, ଏପି ଏକ୍ସପ୍ରେସ ଟ୍ରେନ୍ ଅନ୍ତର୍ଭୁକ୍ତ ଯାହା ଦ୍ୱାରା ଏହି ସେବା ଉପଲବ୍ଧ ଅଛି।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

କୋଭିଡ-୧୯ର ନୂତନ ଭ୍ୟାରିଏଣ୍ଟକୁ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟଙ୍କ ବୈଠକ

ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ କୋଭିଡ-୧୯ର ନୂତନ ପ୍ରଜାତି ଏକ୍ସଇ ଉପରେ ବିଶେଷଜ୍ଞ ଓ ଅଧିକାରୀମାନଙ୍କ ସହ ଏକ ବୈଠକରେ ଅଧ୍ୟକ୍ଷତା କରିଛନ୍ତି। ଦେଶରେ କୋଭିଡ-୧୯ ମାମଲାଗୁଡିକର ସମୀକ୍ଷା କଲାବେଳେ ସେ ଅଧିକାରୀମାନଙ୍କୁ ବର୍ତ୍ତମାନ ଚାଲିଥିବା ତଦାରଖ ଓ ନୂତନ ପ୍ରଜାତି ଓ ମାମଲାଗୁଡିକ ଉପରେ ତୀକ୍ଷ୍ଣ ନଜର ରଖିବାକୁ ନିର୍ଦ୍ଦେଶ ଦେଇଛନ୍ତି।

ସ୍ୱାସ୍ଥ୍ୟ ଭିତ୍ତିଭୂମିର ସମୀକ୍ଷା କରି ଡକ୍ଟର ମାଣ୍ଡଭିୟ ଅଧିକାରୀମାନଙ୍କୁ କୋଭିଡ ଉପଚାର ନିମନ୍ତେ ଆବଶ୍ୟକ ଔଷଧପତ୍ରର ଉପଲବ୍ଧତା ଉପରେ ଗୁରୁତ୍ୱ ଦେବାକୁ ନିର୍ଦ୍ଦେଶ ଦେଇଥିଲେ। ସେ ବର୍ତ୍ତମାନ ଚାଲିଥିବା ଟିକାକରଣ ଅଭିଯାନକୁ ସୁନିଶ୍ଚିତ କରିବା ଉପରେ ଗୁରୁତ୍ୱ ଆରୋପ କରିବା ସହ ପ୍ରତ୍ୟେକ ଯୋଗ୍ୟ ହିତାଧିକାରୀ ଟିକା ଦେବା ଉଚିତ ବୋଲି କହିଥିଲେ।

ନୀତି ଆୟୋଗ ସଦସ୍ୟ (ସ୍ୱାସ୍ଥ୍ୟ) ଡକ୍ଟର ଭି କେ ପଲ, ସ୍ୱାସ୍ଥ୍ୟ ସଚିବ ରାଜେଶ ଭୂଷଣ, ଏମ୍ସ ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ, ଆଇସିଏମଆର ଡିଜି ଡକ୍ଟର ବଳରାମ ଭାର୍ଗବ, ଏନଟିଏଜିଆଇ ଡକ୍ଟର ଏନ କେ ଆରୋରା ଓ ସ୍ୱାସ୍ଥ୍ୟ ମନ୍ତ୍ରଣାଳୟର ଅନ୍ୟାନ୍ୟ ବରିଷ୍ଠ ଅଧିକାରୀମାନେ ବୈଠକରେ ଯୋଗ ଦେଇଥିଲେ।

Categories
ବିଶେଷ ଖବର

୧୨-୧୪ ବର୍ଷ ବୟସ ବର୍ଗର ପିଲା ଏବଂ ୬୦ବର୍ଷରୁ ଅଧିକ ବୟସ୍କଙ୍କୁ ଟିକାକରଣ ପାଇଁ ପ୍ରଧାନମନ୍ତ୍ରୀଙ୍କ ଆହ୍ଵାନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, ଆମ ନାଗରିକମାନଙ୍କ ଟିକାକରଣ ଲାଗି ଭାରତର ପ୍ରୟାସରେ ଆଜି ଏକ ଗୁରୁତ୍ୱପୂର୍ଣ୍ଣ ଦିନ। ୧୨ରୁ ୧୪ ବର୍ଷ ବୟସର ସବୁ ପିଲା ଏବଂ ୬୦ବର୍ଷରୁ ଉର୍ଦ୍ଧ୍ୱ ବୟସ୍କ ସମସ୍ତେ କୋଭିଡ ପ୍ରତିଷେଧକ ଟିକା ନେବାକୁ ଆଗେଇ ଆସିବାକୁ ପ୍ରଧାନମନ୍ତ୍ରୀ ଆହ୍ଵାନ କରିଛନ୍ତି।

ଏକାଧିକ ଟୁଇଟ୍‌ ମାଧ୍ୟମରେ ପ୍ରଧାନମନ୍ତ୍ରୀ କହିଛନ୍ତି ଯେ; ‘‘ଆମ ନାଗରିକମାନଙ୍କ ଟିକାକରଣ ଲାଗି ଭାରତର ପ୍ରୟାସରେ ଆଜି ଏକ ଗୁରୁତ୍ୱପୂର୍ଣ୍ଣ ଦିବସ। ଏବେ ଠାରୁ ୧୨ରୁ ୧୪ ବର୍ଷ ବୟସ୍କ ପିଲାମାନେ ଟିକା ନେବାକୁ ଯୋଗ୍ୟ ହୋଇପାରିଛନ୍ତି। ସେହିପରି ୬୦ ବର୍ଷରୁ ଅଧିକ ବୟସ୍କ ସବୁ ନାଗରିକ ଆଜି ଠାରୁ ବୁଷ୍ଟର ଡୋଜ୍‌ ନେଇପାରିବେ। ଏହି ବୟସ ବର୍ଗର ଲୋକମାନଙ୍କୁ ଟିକା ନେବା ପାଇଁ ମୁଁ ନିବେଦନ କରୁଛି।’’

‘‘ସମଗ୍ର ବିଶ୍ୱ କଥା ଚିନ୍ତା କରିବା ଲାଗି ଭାରତର ପ୍ରାଚୀନ ନୀତି ଅନୁରୂପ, ଆମେ ଭାକ୍ସିନ ମୈତ୍ରୀ କାର୍ଯ୍ୟକ୍ରମ ଅଧୀନରେ ବିଭିନ୍ନ ରାଷ୍ଟ୍ରକୁ ଟିକା ପଠାଇଛୁ। ଭାରତର ଟିକାକରଣ ପ୍ରୟାସ କୋଭିଡ-୧୯ ବିରୋଧୀ ଲଢ଼େଇକୁ ଆହୁରି ମଜବୁତ କରିଥିବାରୁ ମୁଁ ଆନନ୍ଦିତ।’’

‘‘ଆଜି, ଭାରତରେ, ଅନେକଗୁଡ଼ିଏ ‘ମେଡ୍‌ ଇନ୍‌ ଇଣ୍ଡିଆ’ ଟିକା ରହିଛି। ବିଧିବଦ୍ଧ ମୂଲ୍ୟାଙ୍କନ ପ୍ରକ୍ରିୟା ପରେ ଆମେ ଅନ୍ୟ ଟିକାଗୁଡ଼ିକୁ ମଧ୍ୟ ମଞ୍ଜୁରି ଦେଇଛୁ। ଏହି ପ୍ରାଣଘାତୀ ମହାମାରୀ ବିରୋଧୀ ଲଢ଼େଇରେ ଆମେ ଅପେକ୍ଷାକୃତ ଅଧିକ ଉନ୍ନତ ସ୍ଥିତିରେ ରହିଛୁ। ତେବେ ଆମ ସମସ୍ତଙ୍କୁ କୋଭିଡ ସଂକ୍ରାନ୍ତ ସମସ୍ତ ସତର୍କତା ଅବଲମ୍ବନ କରିବାକୁ ହେବ।’’

Categories
ଆଜିର ଖବର ଜାତୀୟ ଖବର

କୋଭିଡ ପରିସ୍ଥିତିରେ ଭାରତର ଭୂମିକା ଅତୁଳନୀୟ: ପୂର୍ବତନ ରାଷ୍ଟ୍ରଦୂତ ଦୀପକ ଭୋରା

ଭୁବନେଶ୍ୱର: କୋଭିଡ-୧୯ର ବିଭୀଷିକା ପୃଥିବୀରେ ଅନେକ କିଛି ପରିବର୍ତ୍ତନ ଆଣିଛି ମାତ୍ର ଏହି ସମୟରେ ଭାରତର ଆନ୍ତର୍ଜାତିକ ଭୂମିକା ନିଶ୍ଚିତ ଭାବେ ପ୍ରଶଂସନୀୟ ବୋଲି ପୋଲାଣ୍ଡରେ ଅବସ୍ଥାପିତ ଭାରତର ପୂର୍ବତନ ରାଷ୍ଟ୍ରଦୂତ ଡକ୍ଟର ଦୀପକ ଭୋରା କହିଛନ୍ତି।
କୋଭିଡ୍‌ର ଆକ୍ରମଣ ଫଳରେ ଏହା ପରେ ପୃଥିବୀର ସମୟକୁ କୋଭିଡ୍ ପୂର୍ବ ଓ କୋଭିଡ ପର ଭାବେ ଜଣାଯିବ ବୋଲି ଶନିବାର ସୋଆ ବିଶ୍ୱବିଦ୍ୟାଳୟ ଦ୍ୱାରା ଭର୍ଚୁଆଲି ଆୟୋଜିତ ଫୋର୍ଟନାଇଟଲି ଏକାଡେମିକ ଲେକ୍‌ଚର ପ୍ରଦାନ କରି ଡ: ଭୋରା କହିଛନ୍ତି।

ବର୍ତ୍ତମାନ ପରିସ୍ଥିତିରେ ପୃଥିବୀ ୪ଟି ବିଷୟକୁ ଗୁରୁତ୍ୱ ପ୍ରଦାନ କରୁଛି। ସେଗୁଡ଼ିକ ହେଲା ସ୍ୱାସ୍ଥ୍ୟସେବା, ଜଳବାୟୁରେ ସ୍ଥିରତା, ଅର୍ଥନୈତିକ ପୂର୍ନଃଜାଗରଣ ଓ ସନ୍ତ୍ରାସବାଦର ମୂଳତ୍ପାଟନ। କୋଭିଡ୍‌ର ବିଭୀଷିକା ମଧ୍ୟରେ ଭାରତ ଟୀକା ଉତ୍ପାଦନ କରି ୬୦ଟି ଦେଶକୁ ଯୋଗାଇ ପାରିବା କମ୍ କଥା ନୁହେଁ ବୋଲି ସେ କହିଥିଲେ। ସେ କହିଥିଲେ ଏହି ଟୀକା ଉତ୍ପାଦନ କ୍ଷମତା ଭାରତ ପକ୍ଷରେ ଏକ ବିଶେଷ ସଫଳତା ଓ ନିରାଶାବାଦୀ ନ ହୋଇ ଦେଶର ସଫଳତା ଉପରେ ଦୃଷ୍ଟିପାତ କରିବା ଆବଶ୍ୟକ।

ଜଳବାୟୁ ପରିବର୍ତନ ଏକ ବିଶେଷ ଆହ୍ୱାନ ବୋଲି ବର୍ଣ୍ଣନା କରି ଡ: ଭୋରା କହିଥିଲେ ଯେ ସୂର୍ଯ୍ୟାଲୋକ ବ୍ୟବହାର କରି ଶକ୍ତି ଉତ୍ପାଦନ କ୍ଷେତ୍ରରେ ମଧ୍ୟ ଭାରତ ଆଗରେ ରହିଛି। ଏହା ଛଡ଼ା ୧୯୪୭ ମସିହାରେ ଭାରତର ସ୍ୱାକ୍ଷର ସଂଖ୍ୟା ଜନସଂଖ୍ୟାର ୧୨ ପ୍ରତିଶତ ହୋଇଥିବା ବେଳେ ଶୀଘ୍ର ଏହା ଶତ ପ୍ରତିଶତରେ ପହଂଚିବ।

ସୋଆ କୁଳପତି ପ୍ରଫେସର (ଡ) ଅଶୋକ କୁମାର ମହାପାତ୍ର ବିଶ୍ୱବିଦ୍ୟାଳୟ ବିଷୟରେ ବିବରଣୀ ରଖିଥିଲେ। ସୋଆର ୟୁନିଭର୍ସିଟି ଆଉଟ୍‌ରିଚ୍ ପ୍ରୋଗ୍ରାମ୍ ନିର୍ଦ୍ଦେଶକ ପ୍ରଫେସର ନଚିକେତା କେ. ଶର୍ମା ବକ୍ତାଙ୍କ ପରିଚୟ ପ୍ରଦାନ କରିଥିଲେ।

ଏହି କାର୍ଯ୍ୟକ୍ରମରେ ସୋଆର ପ୍ରୋ ଚାନ୍‌ସେଲର ପ୍ରଫେସର (ଡ) ଅମିତ ବାନାର୍ଜୀ, ପ୍ରୋ ଭାଇସ୍ ଚାନ୍‌ସେଲର ପ୍ରଫେସର ପ୍ରଦୀପ୍ତ କୁମାର ନନ୍ଦ, ଡିନ୍‌, ଫାକଲ୍ଟି ମେମ୍ବର, ଛାତ୍ରଛାତ୍ରୀ, ୟୁନିଭର୍ସିଟି ଆଉଟ୍‌ରିଚ୍ ସେଲର କର୍ମକର୍ତା ଓ ଅତିଥିମାନେ ଯୋଗ ଦେଇଥିଲେ। ଆସନ୍ତା ଅଗଷ୍ଟ-ସେପ୍ଟେମ୍ବର ମାସରେ ଡ: ଭୋରା ସୋଆ ପରିଦର୍ଶନରେ ଆସି ଏକ ଦୁଇ ଦିନିଆ କର୍ମଶାଳାରେ ଯୋଗ ଦେବାକୁ ସମ୍ମତି ପ୍ରଦାନ କରିଥିଲେ। ଇଥିଓପିଆରୁ ଆସି ସୋଆରେ ଡକ୍ଟରେଟ୍ କରୁଥିବା ଛାତ୍ରୀ ସେଗ୍‌ନେଟ ମେନଜିତସୁ ଆବେବେ ଧନ୍ୟବାଦ ଅର୍ପଣ କରିଥିଲେ।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଉଭୟ ଡୋଜ ଟୀକା ନେବା ପରେ କେତେ ଲୋକଙ୍କର ହୋଇଛି ମୃତ୍ୟୁ: ଜାଣନ୍ତୁ କଣ କହିଲେ ସରକାର

ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟ ରାଜ୍ୟମନ୍ତ୍ରୀ ଭାରତୀ ପାୱାର ଲୋକସଭାରେ କହିଛନ୍ତି ଯେ, କୋଭିଡ-୧୯ ଟୀକାକରଣର ଦ୍ୱିତୀୟ ମାତ୍ରା ଗ୍ରହଣ କରିବା ପରେ ପାର୍ଶ୍ୱ ପ୍ରତିକ୍ରିୟା ଯୋଗୁଁ ୧୬୭ ଜଣଙ୍କର ମୃତ୍ୟୁ ଘଟିଛି। ଏକ ପ୍ରଶ୍ନର ଲିଖିତ ଉତ୍ତରରେ ସେ ଏହି ସୂଚନା ଦେଇଛନ୍ତି।

କେରଳରେ ସର୍ବାଧିକ ୪୩ ଟି ମାମଲା ଆସିଛି ବୋଲି ମନ୍ତ୍ରୀ ଗୃହକୁ ସୂଚନା ଦେଇଛନ୍ତି। ଏହା ପରେ ମହାରାଷ୍ଟ୍ରରେ ୧୫, ପଶ୍ଚିମବଙ୍ଗରେ ୧୪ ଏବଂ ମଧ୍ୟପ୍ରଦେଶ ଏବଂ ଓଡିଶାରେ ୧୨ ଜଣଙ୍କର ମୃତ୍ୟୁ ଘଟିଛି। ଅନ୍ୟ ଏକ ପ୍ରଶ୍ନର ଲିଖିତ ଉତ୍ତରରେ ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିଆ କହିଛନ୍ତି ଯେ, ସ୍ତନ୍ୟପାନ କରାଉଥିବା ମହିଳାଙ୍କ ପ୍ରତି ଟୀକାକରଣ ପରେ ୧୩ ଟି ପ୍ରତିକୂଳ ପ୍ରଭାବ ପଡିଛି। ଗତ ଫେବୃଆରୀ ୩ ତାରିଖ ପର୍ଯ୍ୟନ୍ତ ଏହି ରିପୋର୍ଟ କରାଯାଇଛି ଏବଂ ଏହା ସାମାନ୍ୟ ଲକ୍ଷଣ ଥିଲା।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

କୋଭିଡ-୧୯ ଟିକାକରଣ ୧୭୧.୨୮ କୋଟି ଅତିକ୍ରମ: ୨୪ ଘଣ୍ଟା ମଧ୍ୟରେ ୪୬.୪୪ ଲକ୍ଷ ଡୋଜ ପ୍ରଦାନ

ନୂଆଦିଲ୍ଲୀ: ଗତ ୨୪ ଘଣ୍ଟା ମଧ୍ୟରେ ୪୬.୪୪ ଲକ୍ଷରୁ ଅଧିକ (୪୬,୪୪,୩୮୨) ଟିକା ପ୍ରଦାନ ସହିତ, ଆଜି ସକାଳ ୭ଟା ସୁଦ୍ଧା ଭାରତର କୋଭିଡ-୧୯ ଟିକାକରଣ ୧୭୧.୨୮ କୋଟି (୧,୭୧,୨୮,୧୯,୯୪୭) ଅତିକ୍ରମ କରିଛି। ୧,୯୧,୧୭,୮୭୯ ଅଧିବେଶନ ମାଧ୍ୟମରେ ଏହା ହାସଲ କରାଯାଇଛି। ଆଜି ସକାଳ ୭ ଟା ପର୍ଯ୍ୟନ୍ତ ଅସ୍ଥାୟୀ ରିପୋର୍ଟ ଅନୁଯାୟୀ ସଂଗୃହିତ ଚିତ୍ରର ତଥ୍ୟ ଅନ୍ତର୍ଭୁକ୍ତ:

ଗତ ୨୪ ଘଣ୍ଟା ମଧ୍ୟରେ ୧,୬୭,୮୮୨ ରୋଗୀ ସୁସ୍ଥ ହୋଇଛନ୍ତି ଏବଂ ସୁସ୍ଥ ହୋଇଥିବା ରୋଗୀମାନଙ୍କର ସଂଖ୍ୟା (ମହାମାରୀ ଆରମ୍ଭରୁ) ବର୍ତ୍ତମାନ ସୁଦ୍ଧା ୪,୧୧,୮୦,୭୫୧ ରହିଛି। ପରିଣାମ ସ୍ୱରୂପ ଭାରତର ସୁସ୍ଥତା ହାର ୯୬.୯୫% ରହିଛି। ଗତ ୨୪ ଘଣ୍ଟା ମଧ୍ୟରେ ୬୭,୦୮୪ ନୂତନ ମାମଲା ରିପୋର୍ଟ ହୋଇଥିଲା।

ଭାରତର ସକ୍ରିୟ ମାମଲା ବର୍ତ୍ତମାନ ୭,୯୦,୭୮୯ ରେ ଅଛି। ସକ୍ରିୟ ମାମଲା ଦେଶର ମୋଟ ସକ୍ରିୟ ମାମଲାର ୧.୮୬% ଅଟେ। ସମଗ୍ର ଦେଶରେ ପରୀକ୍ଷା କ୍ଷମତା ବୃଦ୍ଧି ଜାରି ରହିଛି। ଗତ ୨୪ ଘଣ୍ଟା ମଧ୍ୟରେ ସମୁଦାୟ ୧୫,୧୧,୩୨୧ ପରୀକ୍ଷା କରାଯାଇଥିଲା। ଭାରତ ଏପର୍ଯ୍ୟନ୍ତ ୭୪.୬୧ କୋଟି (୭୪,୬୧,୯୬,୦୭୧) ରୁ ଅଧିକ ପରୀକ୍ଷଣ କରିଛି।
ସମଗ୍ର ଦେଶରେ ପରୀକ୍ଷଣ କ୍ଷମତା ବୃଦ୍ଧି ପାଇଥିବାବେଳେ ଦେଶରେ ସାପ୍ତାହିକ ପଜିଟିଭିଟି ହାର ୬.୫୮% ଏବଂ ଦୈନିକ ପଜିଟିଭିଟି ହାର ୪.୪୪% ବୋଲି ଜଣାଯାଇଛି।

Categories
ଜାତୀୟ ଖବର ବିଶେଷ ଖବର ସ୍ବାସ୍ଥ୍ୟ

୫୦ ଲକ୍ଷ ଅବ୍ୟବହୃତ କୋଭିସିଲ୍ଡ ମାତ୍ରା ନଷ୍ଟ ହେବା ଖବର: ସ୍ପଷ୍ଟ କଲା କେନ୍ଦ୍ର ସରକାର

ନୂଆଦିଲ୍ଲୀ: ଅବ୍ୟବହୃତ ୫୦ଲକ୍ଷ କୋଭିସିଲ୍ଡ ମାତ୍ରା ଫେବୃୟାରୀ ମାସ ଶେଷ ସୁଦ୍ଧା ନଷ୍ଟ ହୋଇଯିବ ବୋଲି ଏକ ଖବର କେତେକ ଗଣମାଧ୍ୟମରେ ପ୍ରକାଶ ପାଇଛି। ଏଭଳି ଖବର ନିର୍ଦ୍ଦିଷ୍ଟ ତଥ୍ୟ ଉପରେ ଆଧାରିତ ନୁହଁ ଯେ, ରାଜ୍ୟୱାରୀ ଟିକାର ମାତ୍ରା ଏହାର ମିଆଦ ପୂରଣ କରିବାର ନିକଟବର୍ତ୍ତୀ ହୋଇଛି।

କେନ୍ଦ୍ର ସରକାର ଆଗତୁରା ପ୍ରତ୍ୟେକ ରାଜ୍ୟକୁ କୋଭିଡ-୧୯ ଟିକାକରଣ ଅଭିଯାନ ଆରମ୍ଭରେ ମାତ୍ରା ଯେପରି ଯଥା ସମ୍ଭବ କମ୍ ନଷ୍ଟ ହୁଏ। ତାହା ଉପରେ ନଜର ରଖିବାକୁ ପରାମର୍ଶ ଦେଇଛନ୍ତି। ଏଥିରେ ପ୍ରଥମ ମିଆଦ ସମ୍ପୂର୍ଣ୍ଣ ହେବାକୁ ଥିବା ଟିକାର ବ୍ୟବହାର ପ୍ରଥମେ କରିବାକୁ କୁହାଯାଇଛି।

ନଭେମ୍ବର ୨୦୨୧ ରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ପ୍ରତ୍ୟେକ ରାଜ୍ୟକୁ ନିୟମିତ ଭାବେ କୋଭିଡ ଟିକାର ମିଆଦ ପୂରଣ ତିଥି ନେଇ ମାସିକ ସମୀକ୍ଷା କରିବାକୁ କୁହାଯାଇଛି। ରାଜ୍ୟର ଘରୋଇ ଡାକ୍ତରଖାନାରେ ଥିବା ଷ୍ଟକ୍ ମଧ୍ୟ ଏଥିରେ ଅନ୍ତର୍ଭୁକ୍ତ।
ଯେପରି କୌଣସି ଟିକାକୁ ଏହାର ମିଆଦ ପୂରଣ ପର୍ଯ୍ୟନ୍ତ ଅବ୍ୟବହୃତ ଉଭୟ ସରକାରୀ ଓ ଘରୋଇ ଡାକ୍ତରଖାନାରେ ରଖା ନଯିବ ସେଥିପାଇଁ ମଧ୍ୟ ପରାମର୍ଶ ଦିଆଯାଇଛି। ରାଜ୍ୟ ସରକାରଙ୍କ ଅତିରିକ୍ତ ଓ ପ୍ରଧାନ ସ୍ୱାସ୍ଥ୍ୟ ସଚିବମାନେ ଭିଡିଓ କନ୍ଫରେନ୍ସିଂ ଜରିଆରେ ଘରୋଇ ହସ୍ପିଟାଲ ଗୁଡିକରେ ଟିକା ମାତ୍ରା ବିନିଯୋଗ ଅବଗତ ହେବାକୁ ମଧ୍ୟ ପରାମର୍ଶ ଦିଆଯାଇଛି।
ଘରୋଇ ହସ୍ପିଟାଲଗୁଡିକରେ ମଧ୍ୟ ରିହାତି ଦରରେ ଟିକାକରଣ ସଂକ୍ରାନ୍ତରେ ରାଜ୍ୟ ସରକାରମାନେ ହସ୍ତକ୍ଷେପ କରିପାରିବେ ବୋଲି ମଧ୍ୟ ରାଜ୍ୟ ସରକାରଙ୍କୁ ପରାମର୍ଶ ଦିଆଯାଇଛି।

ଏହାଛଡା କେତେକ ରାଜ୍ୟଙ୍କ ଅନୁରୋଧ କ୍ରମେ ଘରୋଇ କ୍ଷେତ୍ର ସ୍ୱାସ୍ଥ୍ୟ ଅନୁଷ୍ଠାନରୁ ସରକାରୀ କ୍ଷେତ୍ରକୁ ଆବଶ୍ୟକ ସ୍ଥଳେ ଟିକା ସ୍ଥାନାନ୍ତର ନେଇ ମଧ୍ୟ କୌଣସି ଆପତ୍ତି ନାହିଁ ବୋଲି କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଳୟ ସ୍ପଷ୍ଟୀକରଣ ଦେଇଛନ୍ତି। ଏହାଫଳରେ ଟିକା ନଷ୍ଟ ହେବାରୁ ରୋକି ହେବ। ଏହି ବିନିମୟକ୍ଷମ ଟିକାର ସବିଶେଷ କୋୱିନ ଡିଜିଟାଲ ପ୍ଲାଟଫର୍ମରେ ମଧ୍ୟ ଉପଲବ୍ଧ ହେବ।

ଏହାଛଡା ପଶ୍ଚିମବଙ୍ଗ, ମହାରାଷ୍ଟ୍ର, କର୍ଣ୍ଣାଟକ, ତେଲଙ୍ଗାନା, ଗୁଜରାଟ ଏବଂ ଦିଲ୍ଲୀ ଭଳି ରାଜ୍ୟଙ୍କ ସହ ଆଲୋଚନା ହୋଇ ଘରୋଇ କୋଭିଡ ଟିକାକରଣ କେନ୍ଦ୍ରରେ ଯେପରି ଟିକା ବ୍ୟବହୃତ ହୁଏ ତାହା ସୁନିଶ୍ଚିତ କରିବାକୁ କୁହାଯାଇଛି।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଓମିକ୍ରନ୍ ଠାରୁ ଦୂରେଇ ରହିବା ପାଇଁ କପଡ଼ାରେ ତିଆରି ମାସ୍କ ଯଥେଷ୍ଟ ନୁହେଁ, ଏହି ଉପାୟରେ କୋଭିଡରୁ କରନ୍ତୁ ରକ୍ଷା

ନୂଆଦିଲ୍ଲୀ: କୋଭିଡ-୧୯ ପୁଣି ଥରେ ପାଦ ବିସ୍ତାର କରୁଛି। ଏଥି ସହିତ, ଓମିକ୍ରନ୍ ଭାରିଆଣ୍ଟ୍ ମଧ୍ୟ ଦିନକୁ ଦିନ ବୃଦ୍ଧି ପାଉଛି। ଏହା ଦ୍ଵାରା ସଂକ୍ରମିତ ନହେବା ପାଇଁ ସତର୍କତା ଅବଲମ୍ବନ କରିବା ଅତ୍ୟନ୍ତ ଜରୁରୀ ଅଟେ। ଓମିକ୍ରନ୍ ଠାରୁ ଦୂରେଇ ରହିବା ପାଇଁ ମାସ୍କ ପିନ୍ଧିବା ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆମ ମଧ୍ୟରୁ ଅଧିକାଂଶ କପଡା ମାସ୍କ ବ୍ୟବହାର କରୁଛନ୍ତି। କରୋନା ସଂକ୍ରମଣକୁ ରୋକିବାରେ ଏକ କପଡା ମାସ୍କ ପ୍ରଭାବଶାଳୀ କି?

ଓମିକ୍ରନ୍ ସଂକ୍ରମଣକୁ ରୋକିବା ପାଇଁ କପଡ଼ାରେ ତିଆରି ଏକ ମାସ୍କ ଯଥେଷ୍ଟ ନୁହେଁ। ଓମିକ୍ରନ୍ ଠାରୁ ଦୂରେଇ ରହିବା ପାଇଁ କପଡ଼ାରେ ନିର୍ମିତ ଏକ ମାସ୍କ କେତେ ପ୍ରଭାବଶାଳୀ ତାହା ଆମେ ଆପଣଙ୍କୁ ଏଠାରେ ଆପଣଙ୍କ କହିବୁ।

କପଡା ମାସ୍କ ପ୍ରଭାବଶାଳୀ ନୁହେଁ: ମୁହଁରେ କପଡା ମାସ୍କ ପିନ୍ଧିବା ଦ୍ୱାରା ଓମିକ୍ରନ୍ କୁ ଏଡାଯାଇପାରିବ ନାହିଁ। ଓମିକ୍ରନ୍ ଭାରିଆଣ୍ଟକୁ ଏଡାଇବା ପାଇଁ ଆପଣଙ୍କର ଏକ ଭଲ ମାସ୍କ ରହିବା ଜରୁରୀ।

ଓମିକ୍ରନ୍ କୁ କିପରି ଏଡାଇ ହେବ: N95 ଏବଂ KN95 ମାସ୍କଗୁଡ଼ିକ ଓମିକ୍ରନ୍ ଭାରିଆଣ୍ଟରୁ ସୁରକ୍ଷା ଦେବ। ଏହା ଆପଣଙ୍କୁ ଅଧିକ ସୁରକ୍ଷା ଦେଇଥାଏ। ଏହା ବ୍ୟତୀତ ସର୍ଜିକାଲ୍ ମାସ୍କଗୁଡିକ ମଧ୍ୟ ପ୍ରଭାବଶାଳୀ ବିବେଚନା କରାଯାଇଛି। କିନ୍ତୁ ଯଦି ଆପଣ ଏହାକୁ ଦୁଇଥର ପିନ୍ଧନ୍ତି ତେବେ କେବଳ ଲାଭ ହେବ। ଏହା ବ୍ୟତୀତ, ଆପଣ ଓମିକ୍ରନ୍ ଠାରୁ ଦୂରେଇ ରହିବା ପାଇଁ ଆପଣ ଏକ ତିନି ସ୍ତରୀୟ ମାସ୍କ ମଧ୍ୟ ପିନ୍ଧିପାରିବେ, ସେଗୁଡିକ ଆପଣଙ୍କୁ ସମସ୍ତ ପ୍ରକାରର ଜୀବାଣୁରୁ ରକ୍ଷା କରିବାରେ ପ୍ରଭାବଶାଳୀ।

ଓମିକ୍ରନ୍ ରୁ ରୋକିବା ପାଇଁ ପଦକ୍ଷେପ:

– ଅନାବଶ୍ୟକ ଭାବେ ଘରୁ ବାହାରକୁ ଯାଆନ୍ତୁ।

– ଯେତେବେଳେ ଆପଣ ଘରୁ ବାହାରକୁ ଯାଆନ୍ତି ଏକ ଡବଲ୍ ମାସ୍କ ପିନ୍ଧନ୍ତୁ।

– ବାରମ୍ବାର ହାତକୁ ସାନିଟାଇଜ୍ କରନ୍ତୁ। ଏହା ସହିତ ଖାଦ୍ୟ ଖାଇବା ପୂର୍ବରୁ ସାବୁନ୍ ସହିତ ଭଲ ଭାବରେ ହାତ ଧୋଇ ଦିଅନ୍ତୁ।

– ପାଟି, ଆଖିକୁ ହାତରେ ଛୁଇଁବା ଠାରୁ ଦୂରେଇ ରୁହନ୍ତୁ। ଯାହା ଦ୍ଵାରା ଆପଣ ସଂକ୍ରମିତ ହୋଇପାରିବେ।

Categories
ବିଶେଷ ଖବର ସ୍ବାସ୍ଥ୍ୟ

ସାଧାରଣ ଥଣ୍ଡା ଏବଂ କାଶ ନୁହେଁ ଓମିକ୍ରନ୍, ଏଗୁଡ଼ିକ ହେଉଛି ଓମିକ୍ରନ୍ ର ପ୍ରାରମ୍ଭିକ ଲକ୍ଷଣ

ନୂଆଦିଲ୍ଲୀ: କୋଭିଡ-୧୯ ର ଆରମ୍ଭରେ ଘଟିଥିବା ସମସ୍ୟା, ସମାନ ସମସ୍ୟା ବର୍ତ୍ତମାନ ଓମିକ୍ରନ୍ ସମୟରେ ଦେଖାଯାଉଛି। ଯେତେବେଳେ କରୋନା ଆରମ୍ଭ ହେଲା ସାଧାରଣ ଥଣ୍ଡା ଏବଂ କୋଭିଡ୍ -୧୯ ମଧ୍ୟରେ ପାର୍ଥକ୍ୟ କରିବା ସମ୍ଭବ ହେଉନଥିଲା। କିନ୍ତୁ ଯେତେବେଳେ ଏହାର ମାମଲା ବଢିବାରେ ଲାଗିଲା ଏବଂ ପ୍ରଭାବ ସାମ୍ନାକୁ ଆସିବା ପରେ ସାମାନ୍ୟ ଥଣ୍ଡା ଏବଂ କାଶ ମଧ୍ୟ ଲୋକଙ୍କୁ ଭୟଭୀତ କରିବାକୁ ଲାଗିଲା।

ବର୍ତ୍ତମାନ ଓମିକ୍ରନ୍ ସହିତ ମଧ୍ୟ ସମାନ ପରିସ୍ଥିତି ଘଟୁଛି। କିନ୍ତୁ ଆପଣ ଏହାକୁ ନେଇ ଭୟଭୀତ ହୁଅନ୍ତୁ ନାହିଁ। ଆମେ ଆପଣଙ୍କ ପାଇଁ ସେହି ପାର୍ଥକ୍ୟକୁ ଆଲୋଚନା କରିବୁ, ଯାହା ଜାଣିବା ପରେ ଆପଣ ସହଜରେ ଜାଣି ପାରିବ ଯେ, ଆପଣ ଓମିକ୍ରନ୍ ପଜିଟିଭ୍ କି ଥଣ୍ଡାର ଶିକାର ହୋଇଛନ୍ତି।

ତଥାପି ସାମାନ୍ୟ ସନ୍ଦେହ ଥିଲେ ମଧ୍ୟ ଆପଣ କରୋନା ପରୀକ୍ଷା କରିଦେବା ଉଚିତ୍। କାରଣ ସଂକ୍ରମଣର ଆରମ୍ଭରେ ନିଆଯାଇଥିବା ଉଦାସୀନତା ଆପଣଙ୍କ ପରିବାରକୁ ଅତିଷ୍ଠ କରିପାରେ। ତେବେ ଆସନ୍ତୁ ଜାଣିବା ସାଧାରଣ ଥଣ୍ଡା ଏବଂ ଫ୍ଲୁ ଠାରୁ ଓମିକ୍ରନ୍ କିପରି ଭିନ୍ନ।

ଏଗୁଡ଼ିକ ହେଉଛି ଓମିକ୍ରନ୍ ର ଲକ୍ଷଣ:

ଓମିକ୍ରନ୍ ଯାହା ବି ହେଉ ଏପର୍ଯ୍ୟନ୍ତ ସାମ୍ନାକୁ ଆସିଛି। ସେମାନଙ୍କର ଅଧ୍ୟୟନ ଉପରେ ଆଧାର କରି ସ୍ୱାସ୍ଥ୍ୟ ବିଶେଷଜ୍ଞମାନେ କହିଛନ୍ତି ଯେ, ଯଦି ଆପଣ ଓମିକ୍ରନ୍ ପଜିଟିଭ୍ ଅଟନ୍ତି, ତେବେ ଆପଣ ନିଜ ଶରୀରରେ ଏହି ପାର୍ଥକ୍ୟ ଦେଖିବେ।

କ୍ଳାନ୍ତ
ଗଣ୍ଠି ଯନ୍ତ୍ରଣା
ଥଣ୍ଡା
ସ୍ଥାୟୀ ମୁଣ୍ଡବିନ୍ଧା
ଗଳା ଯନ୍ତ୍ରଣା

କୋଭିଡ-୧୯ ଠାରୁ ଓମିକ୍ରନ କେତେ ଭିନ୍ନ?:

ଏଠାରେ ଉଲ୍ଲେଖ କରାଯାଇଥିବା ଲକ୍ଷଣଗୁଡିକ ଜାଣିବା ପରେ, ଆପଣଙ୍କ ମନରେ ପ୍ରଶ୍ନ ନିଶ୍ଚିତ ଭାବରେ ଆସିବ ଯେ ଏସବୁ ମଧ୍ୟ କୋଭିଡ -୧୯ ର ଲକ୍ଷଣ। ତେବେ, ଓମିକ୍ରନ୍ ଏହାଠାରୁ କିପରି ଭିନ୍ନ? ତେଣୁ ଏହି ପ୍ରଶ୍ନର ଉତ୍ତର ଏଠାରେ ଜାଣନ୍ତୁ।

ଓମିକ୍ରନ୍ ଜୀବାଣୁ ଗଳାରେ ବୃଦ୍ଧି ପାଇଥାଏ। ଯେତେବେଳେ କି କୋଭିଡ-୧୯ ର ଜୀବାଣୁ ଫୁସଫୁସକୁ ସିଧାସଳଖ ଗଳା କିମ୍ବା ନାକ ଦେଇ ଆକ୍ରମଣ କରନ୍ତି।

ଓମିକ୍ରନ୍ ଜୀବାଣୁ ଫୁସଫୁସକୁ ଜୀବନ୍ତ ରଖେ ଏବଂ ନିଶ୍ୱାସ ନେବାରେ କୌଣସି ଅସୁବିଧା ହୁଏ ନାହିଁ।

ଅବଶ୍ୟ, କୋଭିଡ-୧୯ ଫୁସଫୁସକୁ ଖରାପ ଭାବରେ କ୍ଷତି ପହଞ୍ଚାଏ ଏବଂ ନିଶ୍ୱାସ ନେବାରେ ବହୁତ ଅସୁବିଧା ହୁଏ।

ଓମିକ୍ରନ୍ ରେ ଆକ୍ରାନ୍ତ ହେଲେ ଅମ୍ଳଜାନ ସ୍ତର କମିଯାଏ ନାହିଁ। କିନ୍ତୁ, କୋଭିଡ-୧୯ ରେ ଅମ୍ଳଜାନର ଅଭାବ ଦେଖାଯାଏ।

ସାଧାରଣ ଥଣ୍ଡା ଲକ୍ଷଣ:

ସାଧାରଣ ଥଣ୍ଡା ସମୟରେ ମୁଣ୍ଡବିନ୍ଧା ଏବଂ ନାକ ପ୍ରବାହିତ ହୁଏ।

ଛିଙ୍କ ହୁଏ ଏବଂ ମୁଣ୍ଡ ଭାରୀ ଭାରୀ ଲାଗେ।

ଗରମ ଜିନିଷ ପିଇବା ପରେ ଆରାମ ମିଳିଥାଏ ଏବଂ ଯନ୍ତ୍ରଣା ଶରୀରର ଅନ୍ୟ ଅଂଶକୁ ପ୍ରଭାବିତ କରେ ନାହିଁ।

ସାଧାରଣ ଥଣ୍ଡା ସମୟରେ, ଗଳାରେ ଯନ୍ତ୍ରଣା ହୁଏ ନାହିଁ, କିନ୍ତୁ ନାକ ଭିତରେ ଶୁଷ୍କତା ବା ବନ୍ଦ ହୋଇଯାଏ।

ସାଧାରଣ ଥଣ୍ଡାରେ, ଆପଣ କ୍ଳାନ୍ତ ଅନୁଭବ କରନ୍ତି ନାହିଁ କିନ୍ତୁ ଚିଡାଚିଡା ଅନୁଭବ କରନ୍ତି।

Categories
ବିଶେଷ ଖବର ସ୍ବାସ୍ଥ୍ୟ

ଓମିକ୍ରନ ପ୍ରଜାତି ସଂକ୍ରମଣ ପରିପ୍ରେକ୍ଷୀରେ କେନ୍ଦ୍ରର ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ସହ ପ୍ରସ୍ତୁତି ସମୀକ୍ଷା

ନୂଆଦିଲ୍ଲୀ: କେନ୍ଦ୍ର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳଗୁଡିକୁ କୌଣସି କୋହଳତା ଅବଲମ୍ବନ ନ କରି କୋଭିଡ-୧୯ ଓ ଏହାର ଅନ୍ୟାନ୍ୟ ପ୍ରଜାତି (ଓମିକ୍ରନ ସମେତ)ର ମୁକାବିଲା ଲାଗି ପ୍ରସ୍ତୁତ ରହିବାକୁ ପରାମର୍ଶ ଦେଇଛି। ଏଠାରେ ସୂଚନାଯୋଗ୍ୟ ଯେ ନଭେମ୍ବର ୨୬, ୨୦୨୧ରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଓମିକ୍ରନକୁ ଉଦ୍ବେଗଜନକ ପ୍ରଜାତିର ଆଖ୍ୟା ଦେଇଛି।

କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ଆଜି (୨୩.୧୨.୨୧) ବିଭିନ୍ନ ରାଜ୍ୟର କୋଭିଡ-୧୯ ସହ ଓମିକ୍ରନ ପ୍ରଜାତିର ମୁକାବିଲା, ଟିକାକରଣ ଅଗ୍ରଗତି ନେଇ ରାଜ୍ୟ ସ୍ୱାସ୍ଥ୍ୟ ସଚିବ ଓ ବିଭିନ୍ନ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର NHM ପରିଚାଳନା ନିର୍ଦ୍ଦେଶକମାନଙ୍କ ସହ ଭିଡିଓ କନ୍ଫରେନ୍ସିଂ ଜରିଆରେ ସମୀକ୍ଷା କରିଥିଲେ। ସେ କୋଭିଡର ବ୍ୟାପକତା ସହ କୋଭିଡ-୧୯ ଓମିକ୍ରନ ପ୍ରଜାତିର ବିଶ୍ୱ ବ୍ୟାପୀ କ୍ରମବର୍ଦ୍ଧିଷ୍ଣୁ ମାମଲାଗୁଡିକ ଉପରେ ମଧ୍ୟ ଆଲୋପାତ କରିଥିଲେ।

କେନ୍ଦ୍ର ସ୍ୱାସ୍ଥ୍ୟ ସଚିବ କହିଥିଲେ ଯେ, ସ୍ଥାନୀୟ ସଙ୍ଗରୋଧ ପଦକ୍ଷେପ ଜିଲ୍ଲା ଓ ସ୍ଥାନୀୟ ପ୍ରଶାସନିକ କ୍ଷେତ୍ରରେ ଯେଉଁଠି ପଜିଟିଭି ସଂଖ୍ୟା ଶତକଡା ୧୦ଭାଗ ଓ ଅମ୍ଳଜାନଯୁକ୍ତ ଶଯ୍ୟାର ଚାହିଦା ଶତକଡା ୪୦ରୁ ଅଧିକ ହେବ ନିଆଯିବ। ତେବେ ସ୍ଥାନୀୟ ପରିସ୍ଥିତି ଓ ଜନସଂଖ୍ୟ। ଘନତ୍ୱ ଇତ୍ୟାଦି ବିଚାରକୁ ନେଇ ବା ଓମିକ୍ରନ ସଂକ୍ରମଣର ଅଧିକ ସମ୍ଭାବନାକୁ ନେଇ ରାଜ୍ୟର କେନ୍ଦ୍ରଶାସିତ ଅଞ୍ଚଳଗୁଡିକ ସେମାନଙ୍କ ସଂଗରୋଧ ଓ ଆବଦ୍ଧାଞ୍ଚଳ ସଂଖ୍ୟା ବୃଦ୍ଧି କରିପାରିବେ। ଯେକୌଣସି କଟକଣା ଅନୂନ୍ୟ ୧୪ଦିନ ପାଇଁ ଲାଗୁ କରିବାକୁ ପରାମର୍ଶ ଦିଆଯାଇଛି। ଓମିକ୍ରନ ସଂକ୍ରମଣ ଲକ୍ଷଣ ମାମୁଲି ଥଣ୍ଡା କାଶ ସତ୍ତ୍ୱେ ଦୁଇ ବା ତିନିଗୁଣ ଅଧିକ ସଂକ୍ରମଣ କ୍ଷମତା ଯୋଗୁଁ କୋଭିଡ ଆବଦ୍ଧାଞ୍ଚଳ ନିୟମ ମଧ୍ୟ ଏ କ୍ଷେତ୍ରରେ ଲାଗୁ ହେବ।
ନିକଟରେ ଦେଖାଯାଇଥିବା ଓମିକ୍ରନର ମୁକାବିଲା ନିମନ୍ତେ ନିମ୍ନୋକ୍ତ
ସୂତ୍ରୀ ରଣନୀତ ଉପରେ ଗୁରୁତ୍ୱ ଆରୋପ କରାଯାଇଛି।

ଆବଦ୍ଧାଞ୍ଚଳ ନିମନ୍ତେ ରାଜ୍ୟଗୁଡିକୁ ପରାମର୍ଶ ହେଲା

ରାତ୍ରୀ କର୍ଫ୍ୟୁ ଲାଗୁ ଓ ବିରାଟ ସମାବେଶ ଉପରେ କଡା କଟକଣା ବିଶେଷ କରି ଆସୁଥିବା ପର୍ବପର୍ବାଣୀ ଦୃଷ୍ଟିରୁ।

ନୂତନ ଗୋଷ୍ଠୀ ସଂକ୍ରମଣ ବ୍ୟାପିଲେ ଆଶୁ ଆବଦ୍ଧାଞ୍ଚଳ ଓ ବଫର ଜୋନର ବିଜ୍ଞପ୍ତି

ମାର୍ଗଦର୍ଶିକା ଅନୁସାରେ ଆବଦ୍ଧାଞ୍ଚଳକୁ ସୁନିଶ୍ଚିତ ଭାବେ ନିୟନ୍ତ୍ରଣ କରିବା।

ସମସ୍ତ ଗୋଷ୍ଠୀ ସଂକ୍ରମଣ ନମୁନା ଆଇଏନଏସ୍ଏଆଇଓଜି ପରୀକ୍ଷାଗାରକୁ ଅବିଳମ୍ବେ ଜିନୋମ ସିକ୍ୟୁଏନ୍ସିଂ ପାଇଁ ପଠାଇବା।

୨. ପରୀକ୍ଷା ଓ ସତର୍କ ନଜର: ରାଜ୍ୟଗୁଡିକୁ ପ୍ରତ୍ୟେକ ଜିଲ୍ଲାର ଡେଲଟା ଓ ଓମିକ୍ରନ ମାମଲାଗୁଡିକ ପ୍ରତି ତୀକ୍ଷ୍ମ ନଜର ରଖିବାକୁ କୁହାଯାଇଛି। ପଜିଟିଭ ମାମଲାଗୁଡିକୁ ଦିନିକିଆ ଓ ସପ୍ତାହିକୀ ଭିତ୍ତିରେ ଦେଖିବା ସହ ଓ ନୂତନ ଗୋଷ୍ଠୀ ସଂକ୍ରମଣର ଅଞ୍ଚଳରେ ସଂଗରୋଧ ବ୍ୟବସ୍ଥା ତୁରନ୍ତ କାର୍ଯ୍ୟକାରୀ କରିବାକୁ ପରାମର୍ଶ ଦିଆଯାଇଛି।

ଏଥିସହ ନିମ୍ନ ଲିଖିତ ବିଷୟ ପ୍ରତି ଦୃଷ୍ଟି ଦେବାକୁ କୁହାଯାଇଛି:-

ଆଇସିଏମଆର ଓ MoHFW ମାର୍ଗଦର୍ଶିକା ଅନୁସାରେ ନମୁନା ପରୀକ୍ଷଣ

ଆବଦ୍ଧାଞ୍ଚଳରେ ଘରକୁ ଘର ବୁଲି ମାମଲା ଖୋଜା।

ସମସ୍ତ SARI/ILI ଓ ସାଂଘାତିକ ଲକ୍ଷଣ ଯୁକ୍ତ ରୋଗୀଙ୍କ ପରୀକ୍ଷା।

RT-PCR: RAT ୬୦:୪୦ ଅନୁପାତ ପରିବର୍ତ୍ତେ ପ୍ରତିଦିନ ନମୁନା ପରୀକ୍ଷଣକୁ ୭୦:୩୦ରେ କରିବାକୁ ପରାମର୍ଶ।

ସମସ୍ତ କୋଭିଡ ପଜିଟିଭ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବା ସମସ୍ତଙ୍କୁ ଚିହ୍ନଟ ଓ ସେମାନଙ୍କ ସମୟାନୁଯାୟୀ ପରୀକ୍ଷଣ। ଏଗୁଡିକକୁ ବିଶେଷକରି ଗୋଷ୍ଠୀ ସଂକ୍ରମଣ ସ୍ଥାନରେ ଅଧିକ ସତର୍କତା ସହ କରାଯିବା ଦରକାର।

ଆନ୍ତର୍ଜାତିକ ଯାତ୍ରୀମାନଙ୍କ ଗତିବିଧି ଲକ୍ଷ୍ୟ ପାଇଁ ଏୟାର ସୁବିଧା ପୋର୍ଟାଲ ଅନୁସରଣ।

୩. କ୍ଲିନିକାଲ ପରିଚାଳନା- ଓମିକ୍ରନ ପାଇଁ ବର୍ତ୍ତମାନର ଜାତୀୟ କ୍ଲିନିକାଲ ପରିଚାଳନା ମାର୍ଗଦର୍ଶିକା ଅପରିବର୍ତ୍ତିତ ରହିଛି ବୋଲି ରାଜ୍ୟମାନଙ୍କୁ ଜଣାଇ ଦିଆଯାଇଛି।

ସେମାନଙ୍କୁ ନିମ୍ନଲିଖିତ ପରାମର୍ଶମାନ ଦିଆଯାଇଛି।

ଶଯ୍ୟା ସଂଖ୍ୟା ବୃଦ୍ଧି, ଆମ୍ବୁଲାନ୍ସ ଓ ରୋଗୀଙ୍କୁ ସ୍ଥାନାନ୍ତର ପାଇର୍ଁ ବ୍ୟବସ୍ଥା।

ଅମ୍ଳଜାନ ଉପକରଣଗୁଡିକୁ ଚଳନ୍ତି ଅବସ୍ଥାରେ ରଖିବା।

ଅନୂନ୍ୟ ୩୦ଦିନ ପାଇଁ ଅଧିକ ଅତ୍ୟାବଶ୍ୟକ ଔଷଧପତ୍ର ମହଜୁଦ୍ ରଖିବା।

ଯେକୌଣସି ଆପତ୍କାଳୀନ ସ୍ଥିତିର ସମ୍ମୁଖୀନ ହେବା ନିମନ୍ତେ (ECRP-II)ପ୍ୟାକେଜ ଅଧୀନରେ ରୋଗପ୍ରବଣ ଅଞ୍ଚଳରେ ସମସ୍ତ ସୁବିଧା ରଖିବା। ରାଜ୍ୟ ସ୍ୱାସ୍ଥ୍ୟ ସଚିବମାନେ ସ୍ଥିତି ଓ ଅଗ୍ରଗତି ସମ୍ପର୍କରେ ନଜର ରଖିବେ।

ଘରୋଇ ଏକାନ୍ତବାସ /ଆବଦ୍ଧାଞ୍ଚଳ ଉପରେ ମାର୍ଗଦର୍ଶିକା ଅନୁସାରେ ନିୟମ କଡାକଡି ଲାଗୁ କରିବା।

ଅନେକ ରାଜ୍ୟ କୋଭିଡ ସୁବିଧା ବନ୍ଦ କରିଦେଇଥିବାବେଳେ ସେମାନେ ସେସବୁ ସୁବିଧାକୁ ପୁନଃ ଠିକ୍ କରିବା ପାଇଁ ଆବଶ୍ୟକ ଡାକ୍ତର ଓ ଆମ୍ବୁଲାନ୍ସ ଇତ୍ୟାଦି କୋଭିଡ ମାମଲା ବଢିବା ମାତ୍ରେ କରିବାକୁ କୁହାଯାଇଛି।

୪. କୋଭିଡ ନିରାପଦ ବ୍ୟବହାର ନିମନ୍ତେ ରାଜ୍ୟଗୁଡିକୁ ନିମ୍ନୋକ୍ତ ପରାମର୍ଶ

ଆଗୁଆ ମୁତୟନ ଓ ସୂଚନା ରଖିଲେ କୌଣସି ଆତଙ୍କ ବା ଗୁଜବ ପ୍ରଚାରିତ ହେବନାହିଁ।

ହସ୍ପିଟାଲ ଓ ପରୀକ୍ଷା ଭିତ୍ତିଭୂମି ଉପରେ ସଠିକ ତଥ୍ୟ ପ୍ରଦାନ।

ନିୟମିତ ସାମ୍ବାଦିକ ସମ୍ମିଳନୀ।

ଗୋଷ୍ଠୀଗତ ଯୋଗାଯୋଗ ଓ କୋଭିଡ ମାର୍ଗଦର୍ଶିକା ପାଳନ।

୫. ଟିକାକରଣ ସମ୍ପର୍କରେ ରାଜ୍ୟଗୁଡିକୁ ପରାମର୍ଶ-

ପ୍ରଥମ ଓ ଦ୍ୱିତୀୟ ମାତ୍ରା ନେଇ ନ ଥିବା ହିତାଧିକାରୀଙ୍କୁ ସମ୍ପୂର୍ଣ୍ଣ ଟୀକାକରଣ।

ଜାତୀୟ ହାରାହାରୀ ଟିକାକରଣଠାରୁ କମ୍ ଜିଲ୍ଲାଗୁଡିକ ପ୍ରତି ସ୍ୱତନ୍ତ୍ର ଧ୍ୟାନ।

ଜାତୀୟ ଟିକାକରଣ ହାରଠାରୁ କମ୍ ଥିବା ରାଜ୍ୟ ବା କେନ୍ଦ୍ରଶାସିତ ଅଞ୍ଚଳରେ ଘରକୁ ଘର ବୁଲି ଟିକାକରଣ।

ନିକଟ ଭବିଷ୍ୟତରେ ନିର୍ବାଚନ ହେବାକୁ ଯାଉଥିବା ରାଜ୍ୟରେ ଟିକାକରଣକୁ ବ୍ୟାପକ କରି ଜିଲ୍ଲାଗୁଡିକୁ ପର୍ଯ୍ୟାୟଭୁକ୍ତ କରିବା।

ଟିକାକରଣ କମ୍ ବା କୋଭିଡ କମ୍ ଥିବା ଅଞ୍ଚଳରେ ନୂତନ ଓମିକ୍ରନ ପ୍ରଜାତି ବ୍ୟାପିବା ସମ୍ଭାବନା ଅଧିକ ଦୃଷ୍ଟିରୁ ରାଜ୍ୟଗୁଡିକୁ ସେ ଅଞ୍ଚଳକୁ ଅଗ୍ରାଧିକାର ଭିତ୍ତିରେ ଟିକାକରଣ କରିବାକୁ ପରାମର୍ଶ ।

ସ୍ୱାସ୍ଥ୍ୟ ଅତିରିକ୍ତ ସଚିବ ଶ୍ରୀମତୀ ଆରତୀ ଆହୁଜା, ଅତିରିକ୍ତ ସଚିବ ଓ ଅଭିଯାନ ନିର୍ଦ୍ଦେଶକ (ଏନଏଚଏମ୍) ବିକାଶ ଶୀଲ,ସ୍ୱାସ୍ଥ୍ୟ ଯୁଗ୍ମସଚିବ ଡକ୍ଟର ମନଦୀପ ଭଣ୍ଡାରୀ, ଏମ୍ସ ନୂଆଦିଲ୍ଳୀ ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ,ଏନସିଡିସି ନିର୍ଦ୍ଦେଶକ ଡକ୍ଟର ସୁଜିତ ସିଂ, ଆଇସିଏମଆର ଏଡିଜି ଡକ୍ଟର ସମୀରଣ ପଣ୍ଡା ପ୍ରମୁଖ ଉପସ୍ଥିତ ଥିଲେ।

Categories
ଆଜିର ଖବର ଜାତୀୟ ଖବର ସ୍ବାସ୍ଥ୍ୟ

ଭାରତରେ ତୃତୀୟ ତରଙ୍ଗର ଭୟ?: ଓମିକ୍ରୋନକୁ ନେଇ ହୁ’ ର ବରିଷ୍ଠ ଅଧିକାରୀଙ୍କ ଏଭଳି ପ୍ରତିକ୍ରିୟା

ନୂଆଦିଲ୍ଲୀ: ଦେଶରେ କରୋନାଭାଇରସ୍ ର ଏକ ନୂତନ ଭାରିଆଣ୍ଟ ‘ଓମିକ୍ରନ୍’ ପ୍ରବେଶ ପରେ ତୃତୀୟ ତରଙ୍ଗର ଭୟ ଆହୁରି ବଢିବାରେ ଲାଗିଛି। “ଅତ୍ୟଧିକ ସଂକ୍ରାମକ” ବୋଲି ବିଶ୍ବାସ କରାଯାଉଥିବା କୋଭିଡର ନୂତନ ଭାରିଆଣ୍ଟ ଓମିକ୍ରନ୍ ଏପର୍ଯ୍ୟନ୍ତ ଅତି କମରେ ୫୯ ଟି ଦେଶରେ ବ୍ୟାପିଛି। ଏହି ନୂଆ ଭାରିଆଣ୍ଟ ଭାରତରେ ତୃତୀୟ ତରଙ୍ଗକୁ ନେଇ ଚିନ୍ତା ବଢାଇଛି। ଏହି ସମୟରେ, ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ର ଦକ୍ଷିଣ ପୂର୍ବ ଏସିଆର ଆଞ୍ଚଳିକ ନିର୍ଦ୍ଦେଶକ ଡ ପୁନମ ଖେତ୍ରପାଲ କହିଛନ୍ତି ଯେ, ନୂତନ ପ୍ରକାରର ଅର୍ଥ ନୁହେଁ ଯେ ଅବସ୍ଥା ଆହୁରି ଖରାପ ହେବ, କିନ୍ତୁ ଅବଶ୍ୟ ଅବସ୍ଥା ଅଧିକ ଅନିଶ୍ଚିତ ହେବ।

ସେ ସ୍ପଷ୍ଟ କରିଛନ୍ତି, “ମହାମାରୀର ବିପଦ ଏବେବି ରହିଛି। ନୂତନ ଭାରିଆଣ୍ଟର ପ୍ରବର୍ତ୍ତନ ତଥା ବିଶ୍ଵର ଅନ୍ୟାନ୍ୟ କ୍ଷେତ୍ରରେ ମାମଲା ବଢିବା ସହିତ ବିଶ୍ୱ ସ୍ତରରେ କୋଭିଡ-୧୯ ର ବିପଦ ଅଧିକ ରହିଛି।”

ଭାରତରେ ବର୍ତ୍ତମାନ ପର୍ଯ୍ୟନ୍ତ ୩୩ ଟି ଓମିକ୍ରନ୍ ମାମଲା ପଞ୍ଜିକୃତ ହୋଇଛି ଏବଂ ପାଞ୍ଚଟି ରାଜ୍ୟ ଏହା ଦ୍ୱାରା ପ୍ରଭାବିତ ହୋଇଛନ୍ତି। ମାସ୍କ ବ୍ୟବହାର ନକରିବା ଏବଂ ଟୀକାକରଣରେ ବିଳମ୍ବକୁ ନେଇ ସରକାର ଚେତାବନୀ ଦେଇଛନ୍ତି।

Categories
ଆଜିର ଖବର ରାଜ୍ୟ ଖବର

ପୂର୍ବତଟ ରେଳପଥ କେନ୍ଦ୍ରୀୟ ଚିକିତ୍ସାଳୟ ଠାରେ ମେଡିକାଲ୍ ଅକ୍ସିଜେନ୍ ଜେନେରେସନ୍ ପ୍ଲାଣ୍ଟ ଉଦ୍ଘାଟନ

ଭୁବନେଶ୍ବର: ପୂର୍ବତଟ ରେଳପଥର ମହାପ୍ରବନ୍ଧକ ବିଦ୍ୟା ଭୂଷଣ ଖୋର୍ଦ୍ଧା ରୋଡ଼ ରେଳ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକ ରିଙ୍କେଶ ରାୟ ଏବଂ ରେଳପଥର ବିଭାଗୀୟ ପ୍ରମୁଖ ଅଧିକାରୀ ଓ ଅନ୍ୟାନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ମଞ୍ଚେଶ୍ୱରର ସ୍ଥିତ ରେଳବାଇ କେନ୍ଦ୍ରୀୟ ଚିକିତ୍ସାଳୟ ଠାରେ ୬୦୦ ଲିଟର କ୍ଷମତା ବିଶିଷ୍ଟ ଅମ୍ଳଜାନ ଉତ୍ପାଦନ ପ୍ଲାଣ୍ଟର ଉଦଘାଟନ କରିଛନ୍ତି।

ଏହି ଅମ୍ଳଜାନ ଉତ୍ପାଦନ ପ୍ଲାଣ୍ଟ ପୂର୍ବତଟ ରେଳପଥ କେନ୍ଦ୍ରୀୟ ଚିକିତ୍ସାଳୟକୁ ଅମ୍ଳଜାନ ଯୋଗାଣ ପାଇଁ ଆତ୍ମନିର୍ଭରଶୀଳ କରିବ। ଏହା ବ୍ୟତୀତ କୋଭିଡ ଏବଂ ଅମ୍ଳଜାନ ସପ୍ଲିମେଣ୍ଟ ଆବଶ୍ୟକ କରୁଥିବା ଅନ୍ୟ ଗୁରୁତର ରୋଗୀଙ୍କ ପାଇଁ ଆବଶ୍ୟକ ଚାହିଦା ପୁରାଣ କରିପାରିବ। ମହାପ୍ରବନ୍ଧକ ବିଦ୍ୟା ଭୂଷଣ ମଧ୍ୟ ୨୪ ଟି ଅମ୍ଳଜାନ କଂସେନଟ୍ରେଟରକୁ ଉତ୍ସର୍ଗ କରିଛନ୍ତି ଯାହା ଖୋର୍ଦ୍ଧା ରୋଡ, ୱାଲଟିୟର ଏବଂ ସମ୍ବଲପୁରର ରେଳ ମଣ୍ଡଳରେ ଥିବା ରେଳବାଇ ଚିକିତ୍ସାଳୟ ବ୍ୟତୀତ ମଞ୍ଚେଶ୍ୱର ସ୍ଥିତ ରେଳବାଇ କେନ୍ଦ୍ରୀୟ ଚିକିତ୍ସାଳୟ ଦ୍ୱାରା ବ୍ୟବହୃତ ହେବ।

ମେଡିକାଲ୍ ଅମ୍ଳଜାନର ଅଭାବ ଦେଶର ବିଭିନ୍ନ ସ୍ଥାନରେ କୋଭିଡ-୧୯ ମହାମାରୀର ଦ୍ୱିତୀୟ ତରଙ୍ଗ ସମୟରେ ସାମ୍ନା କରାଯାଇଥିଲା। ଏହାକୁ ଦୃଷ୍ଟିରେ ରଖି ରେଳ ହସ୍ପିଟାଲରେ ଅମ୍ଳଜାନର ଆତ୍ମନିର୍ଭରଶୀଳତା ପାଇଁ ଅମ୍ଳଜାନ ଜେନେରେସନ୍ (ଉତ୍ପାଦନ) ପ୍ଲାଣ୍ଟ ପ୍ରତିଷ୍ଠା କରାଯାଇଛି।

Categories
ଅନ୍ତରାଷ୍ଟ୍ରୀୟ ଆଜିର ଖବର ସ୍ବାସ୍ଥ୍ୟ

ଋଷରେ ଚିହ୍ନଟ ହେଲେ ରେକର୍ଡ ସଂଖ୍ୟକ କରୋନା ଆକ୍ରାନ୍ତ, ପ୍ରାଣ ହରାଇଲେ ପ୍ରାୟ ଏକ ହଜାର ଲୋକ

ନୂଆଦିଲ୍ଲୀ: ରୁଷିଆରେ କୋଭିଡ-୧୯ ମହାମାରୀର ସର୍ବାଧିକ ୩୪ ହଜାର ୩୦୩ ନୂତନ ମାମଲା ଚିହ୍ନଟ ହୋଇଛି। ଯାହାକି ଏକ ମାସ ପୂର୍ବରୁ ଦୈନିକ ମାମଲା ତୁଳନାରେ ୭୦ ପ୍ରତିଶତ ଅଧିକ। ଦେଶରେ କରୋନା ମହାମାରୀ ମାମଲା କ୍ରମାଗତ ଭାବେ ବୃଦ୍ଧି ପାଉଛି। ନ୍ୟାସନାଲ କରୋନା ଭାଇରସ ଟାସ୍କ ଫୋର୍ସ ରବିବାର ଦିନ କହିଛି ଯେ, ପୂର୍ବ ଦିନ କୋଭିଡ-୧୯ ର ୩୪ ହଜାର ୩୦୩ ଟି ନୂଆ ମାମଲା ଚିହ୍ନଟ ହୋଇଥିଲା, ଯାହାକି ସେପ୍ଟେମ୍ବର ୧୯ ତାରିଖରେ ଏକ ମାସ ପୂର୍ବରୁ ୨୦ ହଜାର ୧୭୪ ଟି ନୂଆ ମାମଲା ଥିଲା। ରବିବାର ଦିନ ଦେଶରେ ୯୯୯ କୋଭିଡ-୧୯ ରୋଗୀଙ୍କ ମୃତ୍ୟୁ ଘଟିଛି, ଯାହା ଶନିବାର ଦିନ ୧୦୦୨ ମୃତ୍ୟୁଠାରୁ ସାମାନ୍ୟ କମ୍ ଅଟେ।