Categories
ଅପରାଧ ଆଜିର ଖବର ରାଜ୍ୟ ଖବର

ଖୋର୍ଦ୍ଧା: ଶରଧାପୁରର ବେଆଇନ ଖଣି ଉପରେ ପୋଲିସର ଚଢ଼ାଉ: ୮ ଗାଡି ଜବତ, ୨ ଗିରଫ

ଖୋର୍ଦ୍ଧା: ଆଜି ଟାଉନ ଥାନା ଅନ୍ତର୍ଗତ ଶରଧାପୁର ଅଞ୍ଚଳର ବେଆଇନ ଖଣି ଉପରେ ପୋଲିସ ଚଢ଼ାଉ କରିଛି। ଖୋର୍ଦ୍ଧା ଏସପି ଅଲେଖ ଚନ୍ଦ୍ର ପହି, ଏସଡିପିଓ ସୁଶୀଲ କୁମାର ମିଶ୍ରଙ୍କ ନିର୍ଦ୍ଦେଶକ୍ରମେ ଟାଉନ ଥାନା ଇନଚାର୍ଜ ଡ଼ିଏସପି ସଞ୍ଜୟ କୁମାର ପଟ୍ଟନାୟକଙ୍କ ନେତୃତ୍ୱରେ ଟାଉନ ଥାନା ଅନ୍ତର୍ଗତ ଶରଧାପୁର ଅଞ୍ଚଳରେ ବେଆଇନ ଖଣି ଉପରେ ଚଢ଼ାଉ କରାଯାଇଥିଲା।

ଚଢ଼ାଉ ସମୟରେ ପୋଲିସ ମାଙ୍କଡ଼ା ପଥର ବୋଝେଇ ଦୁଇ ଗୋଟି ହାଇୱା, ଦୁଇ ଗୋଟି ୪୦୭, ଦୁଇ ଗୋଟି ଟ୍ରକ ଓ ଦୁଇ ଗୋଟି ଟ୍ରାକ୍ଟରକୁ ମିଶାଇ ସମୁଦାୟ ୮ ଗୋଟି ଗାଡ଼ି ଜବତ କରିଛି। ଅନୁରୂପ ଭାବେ ଉକ୍ତ ବେଆଇନ ଖଣିରୁ ପୋଲିସ ସଦର ଥାନାର ଦୁଇ ଜଣ ଅଭିଯୁକ୍ତ ସତ୍ୟ ରଞ୍ଜନ ବରାଳ (୧୯) ଓ ସୁକାନ୍ତ ନାୟକ (୨୧) ଙ୍କୁ ଗିରଫ କରିଛି।

ତେବେ ଅନ୍ୟ ଅଭିଯୁକ୍ତ ମାନେ ଘଟଣାସ୍ଥଳରୁ ଫେରାର ହେବାରେ ସକ୍ଷମ ହୋଇଥିବା ବେଳେ ଟାଉନ ଥାନା ପୋଲିସ କେଶ ନମ୍ବର ୧୬୧/୨୨ ରେ ଏକ ମାମଲା ରୁଜୁ କରି ଫେରାର ଅଭିଯୁକ୍ତମାନଙ୍କୁ ଖୋଜିବାରେ ଲାଗିପଡ଼ିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଖୋର୍ଦ୍ଧା ଏସପିଙ୍କ ନିର୍ଦ୍ଦେଶକ୍ରମେ ଜିଲ୍ଲାରେ ବେଆଇନ ମାଙ୍କଡା ପଥର ଖଣିରେ ଚଢ଼ାଉ, ୯ ଗାଡ଼ି ଜବତ,୪ ଗିରଫ

ଖୋର୍ଦ୍ଧା: ଖୋର୍ଦ୍ଧା ଆରକ୍ଷୀ ଅଧିକ୍ଷକ ରାଜକିଶୋର ଦୋରାଙ୍କ ନିର୍ଦ୍ଦେଶକ୍ରମେ ଆଜି ଖୋର୍ଦ୍ଧା ଜିଲ୍ଲାର ବିଭିନ୍ନ ଥାନା ମାନଙ୍କ ତରଫରୁ ବେଆଇନ ଚୋରା ମାଙ୍କଡା ପଥର ଚାଲାଣ କରୁଥିବା ଖଣିମାନଙ୍କ ଉପରେ ପୋଲିସ ଚଢ଼ାଉ କରାଯାଇଥିଲା। ଏହି ଚଢ଼ାଉ ସମୟରେ ଚୋରା ଚାଲାଣ କରୁଥିବା ମୋଟ ୯ ଗୋଟି ମାଙ୍କଡା ପଥର ଗାଡିକୁ ପୋଲିସ ଜବତ କରିବା ସହ ୮ ଗୋଟି ମାମଲା ରୁଜୁ କରି ୪ ଜଣ ଡ୍ରାଇଭରଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।

ଜବତ ହୋଇଥିବା ମୋଟ ମାଙ୍କଡା ପଥରର ଆନୁମାନିକ ମୂଲ୍ୟ ୭୫ ହଜାର ଟଙ୍କା ହେବ ବୋଲି ଜଣାପଡିଛି। ତେବେ ଜବତ ସମୁଦାୟ ୯ ଗୋଟି ଗାଡ଼ି ମଧ୍ୟରୁ ସଦର ଥାନା ତିନି ଗୋଟି, ଜଙ୍କିଆ ଥାନା ଚାରି ଗୋଟି ଏବଂ ବେଗୁନିଆ ଥାନା ଦୁଇ ଗୋଟି ଗାଡ଼ି ଜବତ କରିଛି।

ସେହିପରି ଭାବେ ଗିରଫ ୪ ଡ୍ରାଇଭର ମଧ୍ୟରୁ ସଦର ଥାନା ଜଣଙ୍କୁ, ଜଙ୍କିଆ ଥାନା ଦୁଇ ଜଣଙ୍କୁ ଏବଂ ବେଗୁନିଆ ଥାନା ଜଣଙ୍କୁ ଗିରଫ କରିଛି।

Categories
ଅପରାଧ ଆଜିର ଖବର ଆଞ୍ଚଳିକ ରାଜ୍ୟ ଖବର

ନାଚୁଣୀ ବଜାରରେ ଭିଡକୁ ଦେଖି ପୋଲିସର ଚଢାଉ: ଗାଡି ଜବତ ହେବା ସହ ୫୫ ହଜାର ଜରିମାନା ଆଦାୟ

ସୀତାରାମ ଅଗ୍ରୱାଲ

ଚିଲିକା: ରାଜ୍ୟରେ କରୋନା ସଂକ୍ରମଣକୁ ରୋକିବା ପାଇଁ ଦୀର୍ଘ ୧୩ ଦିନ ହେଲା ଲକଡାଉନ କଟକଣା ଜାରି ରହିଛି। ଏହି ସମୟରେ ଅତ୍ୟାବଶ୍ୟକ ସାମଗ୍ରୀ ଯଥା ପନିପରିବା, ଗ୍ରସେରୀ ସାମଗ୍ରୀ କିଣିବା ପାଇଁ ଅନୁମତି ମିଳିଛି। କୌଣସି ବ୍ୟକ୍ତି ନିଜର ଗାଡି ମାଧ୍ୟମରେ ଏଭଳି ସାମଗ୍ରୀ କିଣିବା ପାଇଁ ଯିବାକୁ ବାରଣ ହୋଇଛି। ଚାଲି ଚାଲି ଯାଇ ନିକଟସ୍ଥ ଦୋକାନରୁ କିଣିବା ପାଇଁ ଲୋକଙ୍କୁ ନିର୍ଦ୍ଦେଶ ହୋଇଛି। ହେଲେ କିଛି ଲୋକ ଏହି ନିୟମକୁ ଅବମାନନା କରୁଥିବା ଦେଖାଯାଉଛି। ସେଥିପାଇଁ ସେଭଳି ଅମାନିଆଙ୍କ ଉପରେ ପ୍ରଶାସନ ପକ୍ଷରୁ କାର୍ଯ୍ୟାନୁଷ୍ଠାନ ମଧ୍ୟ ନିଆଯାଉଛି।

ତେବେ ଆଜି ଖୋର୍ଦ୍ଧା ଜିଲ୍ଲା ଅନ୍ତର୍ଗତ ନାଚୁଣୀ ବଜାରରେ କିଛି ଅମାନିଆ ବିନା କାରଣରେ ଗାଡି ଧରି ବୁଲୁଥିବାର ଦେଖିବାକୁ ମିଳିଥିଲା। ଯାହା ଫଳରେ ନାଚୁଣୀ ଫାଣ୍ଡି ଅଧିକାରୀ ଏହି ଅମାନିଆଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ। ଆଜି ସକାଳେ ନାଚୁଣୀ ବଜାରରେ ଲୋକଙ୍କ ପ୍ରବଳ ଭିଡ ସହ ମାଳ ମାଳ ବାଇକ ଧରି ଲୋକେ ବୁଲୁଥିବାର ଅଭିଯୋଗ ହୋଇଥିଲା।

ଏହାପରେ ବାଲୁଗାଁ ଏସଡ଼ିପିଓଙ୍କ ତତ୍ୱାବଧାନ ଏବଂ ବାଣପୁର ଆଇଆଇସିଙ୍କ ନିର୍ଦ୍ଦେଶକ୍ରମେ ଆଜି ସକାଳେ ନାଚୁଣୀ ଫାଣ୍ଡି ଅଧିକାରୀ ଉମାକାନ୍ତ ସାହୁ ଚଢ଼ାଉ ଜାରି ରଖିଥିଲେ। ଚଢ଼ାଉର ମାତ୍ର ଦୁଇ ଘଣ୍ଟା ମଧ୍ୟରେ ୫୪ ଜଣ ବାଇକ ଆରୋହୀଙ୍କଠାରୁ ଏମ.ଭି ଆଇନ ଅନୁଯାୟୀ ବିଭିନ୍ନ ଫାଇନ ବାବଦକୁ ୫୫ ହଜାର ଟଙ୍କା ଜରିମାନା ଆଦାୟ କରାଯାଇଥିଲା। ତତସହିତ ଦୁଇ ବାଇକ ଆରୋହୀ ଫାଇନ ଦେବାକୁ ଅମଙ୍ଗ ହେବାରୁ ସେମାନଙ୍କ ବାଇକ ଜବତ କରିଛି ପୋଲିସ।

ଆଜିର ଉକ୍ତ ଚଢ଼ାଉରେ ପୋଲିସ ଓଏଏସଆଇ ତପନ କୁମାର ହଂସଦା ଏବଂ ଅନ୍ୟ କର୍ମଚାରୀମାନେ ସାମିଲ ଥିଲେ।

Categories
ଅପରାଧ ଆଜିର ଖବର ରାଜ୍ୟ ଖବର

ସଟଡାଉନ ସମୟରେ ଚୋରାରେ ବିଦେଶୀ ମଦ କାରବାର: ଗାଡି ଜବତ, ଜଣଙ୍କୁ ଗିରଫ କଲା ଚାନ୍ଦପୁର ପୋଲିସ୍

ଚାନ୍ଦପୁର: କରୋନା ସଂକ୍ରମଣ ଯୋଗୁଁ ରାଜ୍ୟର ସବୁ ସହରାଞ୍ଚଳରେ ସପ୍ତାହନ୍ତ ସଟଡାଉନ ଜାରି ରହିଛି। ଏହି ସମୟରେ ଲୋକେ ଘରେ ରହୁଥିବା ବେଳେ ମଦ ମାଫିଆ ମାନେ ଏହାର ସୁଯୋଗ ନେଉଛନ୍ତି। ଏଥିରେ ନୟାଗଡ ଜିଲ୍ଲା ଚାନ୍ଦପୁର ଥାନା ଅଞ୍ଚଳ ମଧ୍ୟ ବାଦ ପଡିନି।

ଏହି ଅଞ୍ଚଳରେ ବେଆଇନ ଚୋରା ମଦ କାରବାର ହେଉଥିବା ଖବର ପାଇ ଚାନ୍ଦପୁର ପୋଲିସ ଚଢାଉ କରିଛି। ଏହି ଚଢାଉ ସମୟରେ ପୋଲିସ ବିଦେଶ ମଦ ସହ ବୋଲେରୋ ପିକ୍ ଅପ୍ ଭ୍ୟାନକୁ ଜବତ କରିଛି। ଏହା ସହ ମଦ ଚୋରା କାରବାର ଅଭିଯୋଗରେ ପୋଲିସ ଜଣଙ୍କୁ ଗିରଫ କରିଛି।

ସୂଚନା ଅନୁଯାୟୀ, ମୟୁର ଝାଲିଆ ପଂଚାୟତ ହରିହରପୁର ଗ୍ରାମ ଜଙ୍ଗଲରେ ଚୋରା ମଦ କାରବାର ହେଉଥିବା ଖବର ପାଇ ଚାନ୍ଦପୁର ପୋଲିସ ଆଜି ଚଢାଉ କରିଛି। ଚଢାଉ ବେଳେ ୪୩ ଲିଟର ବିଦେଶୀ ମଦ ସହ ବୋଲେରୋ ପିକ୍ ଅପ୍ ଭ୍ୟାନ ପୋଲିସ ଜବତ କରିଛି। ଏହା ସହ ଚୋରା ମଦ କାରବାର ଅଭିଯୋଗରେ ପୋଲିସ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତର ନାମ ବିଜୟ କେଶରୀ ପ୍ରଧାନ ବୋଲି ଜଣା ପଡିଛି। ତେବେ ଅଭିଯୁକ୍ତଙ୍କ ନାମରେ କେସ ନଂ ୬୪/୨୧ରେ ମାମଲା ରୁଜ୍ଜୁ କରାଯାଇ ଆଜି କୋର୍ଟ ଚାଲାଣ କରାଯାଇଛି। ଚାନ୍ଦପୁର ଥାନା ଆଇଆଇସି ରଶ୍ମି ରଞ୍ଜନ ଦାସ ଏନେଇ ସୂଚନା ଦେଇଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ରଣପୁର ପୋଲିସକୁ ବଡ ସଫଳତା: ୨୨ ଲକ୍ଷରୁ ଊର୍ଦ୍ଧ୍ୱ ଗଞ୍ଜେଇ ସହ ୧୦ ଚକିଆ ଗାଡି ଜବତ, ୬ ଗିରଫ

ନୟାଗଡ଼: ରଣପୁର ଥାନା ପୋଲିସକୁ ମିଳିଛି ଏକ ବଡ ସଫଳତା। ବିପୁଳ ପରିମାଣର ଗଞ୍ଜେଇ ସହ ଏକ ୧୦ ଚକିଆ ଟ୍ରକ୍ ପୋଲିସ ଜବତ କରିଛି। ଏହାସହ ଆନ୍ତରାଜ୍ୟ ଚୋରା ଗଞ୍ଜେଇ ଚାଲାଣ ର‌୍ୟାକେଟକୁ ଧରିବାରେ ମଧ୍ୟ ପୋଲିସ ସଫଳ ହୋଇଛି।

ନୟାଗଡ଼ ଜିଲ୍ଲା ରଣପୁର ଥାନା ପୋଲିସ ଏକ ଆନ୍ତରାଜ୍ୟ ଗଞ୍ଜେଇ ଚୋରାଚାଲାଣ ର‌୍ୟାକେଟକୁ ଗିରଫ କରିବା ସହ ବ୍ୟବହାର ହୋଇଥିବା ଏକ ୧୦ ଚକିଆ ଟ୍ରକ୍ ଓ ସେଥିରୁ ୩ କୁଇଣ୍ଟାଲ ୬୬ କେଜି ଗଞ୍ଜେଇ ଜବତ କରିଛି। ଗିରଫ ଅଭିଯୁକ୍ତମାନଙ୍କୁ ରଣପୁର ପୋଲିସ ଆଜି କୋର୍ଟ ଚାଲାଣ କରିଥିବା ରଣପୁର ଆଇଆଇସି ଜ୍ୟୋତିପ୍ରକାଶ ପଣ୍ଡା ସୂଚନା ଦେଇଛନ୍ତି।

ପୋଲିସ ସୂତ୍ରରୁ ମିଳିଥିବା ଖବର ଅନୁସାରେ ବିପୁଳ ପରିମାଣର ଗଞ୍ଜେଇ ଚାଲାଣ ହେଉଥିବା ବିଶ୍ୱସ୍ତ ସୂତ୍ରରୁ ଖବର ପାଇ ଆଇଆଇସି ଶ୍ରୀ ପଣ୍ଡା, ଏସଆଇ ପ୍ରୀତି ପ୍ରକାଶ ମହାନ୍ତି ସଦଳବଳେ ରାଜସୁନାଖଳା କୋଟଗଡ ଘାଟି ନିକଟରେ ଜଗି ରହିଥିଲେ। ମଙ୍ଗଳବାର ସନ୍ଧ୍ୟା ୭ଟାରେ ସଂନ୍ଦିଗ୍ଧ ୧୦ଚକିଆ ଟ୍ରକ୍‌କୁ ଘାଟି ନିକଟରେ ଅଟକାଇ ଯାଞ୍ଚ କରିବାରୁ ସେଥିରେ ଗଞ୍ଜେଇ ଥିବା ଦେଖି ଗଞ୍ଜେଇ ସହ ଟ୍ରକ୍‌କୁ ଜବତ କରିଥିଲେ।

ଗିରଫ ଅଭିଯୁକ୍ତମାନେ ହେଲେ ଆଠଗଡ ଜେନାପଦାର କାଳନ୍ଦିଚରଣ ରଣା, ଗୁଣ୍ଠୁଣିର ପବିତ୍ର କୁମାର ନାୟକ, ବେଗୁନିଆର ନାରାୟଣ ପରିଡା, ଭଞ୍ଜଗର ତାରିସେଣି ର ଭିକାରୀ ସେଠୀଙ୍କ ସମେତ ଉତ୍ତରପ୍ରଦେଶ ବାରଣାସୀ ଅଞ୍ଚଳର ଆରେଖ କୁମାର ଓ ବିନୟ କୁମାର।

ଏହି ଗଞ୍ଜେଇ ବିଶାଖାପାଟଣା ଅଞ୍ଚଳରୁ ଉତ୍ତରପ୍ରଦେଶ ବାରଣାସୀ ଯାଉଥିଲା ବୋଲି ପୋଲିସ ଗିରଫ ଅଭିଯୁକ୍ତମାନଙ୍କୁ ଜେରା କଲାବେଳେ ଜାଣିବାକୁ ପାଇଛି। ଏହି ଆନ୍ତରାଜ୍ୟ ଗଞ୍ଜେଇ ଚୋରା ଚାଲାଣରେ ଓଡ଼ିଶାର କିଛି ଗଞ୍ଜେଇ ବେପାରୀ ସାମିଲ୍ ଥିବାର ଅନୁମାନ କରାଯାଉଛି।

Categories
ଆଜିର ଖବର ଆଞ୍ଚଳିକ

ଟାଙ୍ଗୀରେ ବୃଦ୍ଧି ପାଉଛି ବେଆଇନ ମାଙ୍କଡା ପଥର କାରବାର: ୫ ଟି ପଥର ବୋଝେଇ ଗାଡ଼ି ଜବତ କଲେ ତହସିଲଦାର

ସୀତାରାମ ଅଗ୍ରୱାଲ
ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲ ଅଂଚଳରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ବେଆଇନ ମାଙ୍କଡା ପଥର କାରବାର। ଚଳିତ ରାତ୍ରୀକାଳୀନ କର୍ଫ୍ୟୁକୁ ଭୃକ୍ଷେପ ନକରି ଚୋରା ପଥର ବେପାରୀମାନେ ଵେଧଡକ ଭାବେ ଚଳାଇଛନ୍ତି ସେମାନଙ୍କର କାରବାର। ଏଭଳି ଚୋରା କାରବାରକୁ ରୋକ୍ ଦେଵା ପାଇଁ ଅଣ୍ଟା ଭିଡିଛନ୍ତି ଟାଙ୍ଗୀ ତହସିଲଦାର।

ଆଜି ଟାଙ୍ଗୀ ତହସିଲଦାର ତିନୋଟି ପୃଥକ ପୃଥକ ଅଞ୍ଚଳରେ ଚଢାଉ କରି ୫ ଟି ପଥର ବୋଝେଇ ଗାଡି ଜବତ କରିଛନ୍ତି। ତେବେ ବେଆଇନ ଭାଵେ ମାଙ୍କଡା ପଥର ଚାଲାଣ କରାଯାଉଥିବା ଵେଳେ ଟାଙ୍ଗୀ ବଜାରରୁ ଗୋଟିଏ ପଥର ବୋଝେଇ ୪୦୭ଗାଡି ଜବତ ହୋଇଥିବା ବେଳେ ଉଜ୍ଜଳା ଗୋପୀନାଥପୁର ଗ୍ରାମରୁ ୩ ଟି ପଥର ବୋଝେଇ ଟ୍ରାକ୍ଟର ଏବଂ ପାତ୍ରପଡା ସହଜ ଉପାଯ ମୌଜାରୁ ଗୋଟିଏ ଟ୍ରକ୍ ଜବତ କରିଛନ୍ତି ତହସିଲଦାର।

ଆଗକୁ ବେଆଇନ ମାଙ୍କଡା ପଥର କାରବାର ଉପରେ ତିକ୍ଷ୍ନ ନଜର ରଖାଯିବ ବୋଲି ସୂଚନା ଦେଇଛି ଟାଙ୍ଗୀ ତହସିଲଦାର। ତେବେ ରାତ୍ରି ସମୟରେ ପଥର କାରଵାର ଜୋରଦାର ହେଉଥିବାରୁ ରାତ୍ରୀ କାଳୀନ ଚଢାଉକୁ ଜୋରଦାର କରାଯିବ ବୋଲି ତହସିଲଦାର ଦୃଢୋକ୍ତି ପ୍ରକାଶ କରିଛନ୍ତି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଲକ ଡାଉନକୁ ନେଇ ଆହୁରି କଠୋର ହେଲା ବାଣପୁର ପୋଲିସ: ତିନି ଘଣ୍ଟାରେ ଜବତ ହେଲା ୨୧ ବାଇକ

ସୀତାରାମ ଅଗ୍ରଓ୍ବାଲ

ବାଣପୁର: କରୋନା ମହାମାରୀକୁ ଗୁରୁତର ସହ ନେଇ କେନ୍ଦ୍ର ସରକାର ଜାରି କରିଥିବା ୨୧ଦିନିଆ ଲକ ଡାଉନର ନିର୍ଦ୍ଦେଶକୁ ରାଜ୍ୟ ସରକାର କଡ଼ାକଡ଼ି ଭାବେ ପୁରା ରାଜ୍ୟରେ ଲାଗୁ କରିଛନ୍ତି। ଏହି ପରିପ୍ରେକ୍ଷୀରେ ରାଜ୍ୟ ସରକାର ସମସ୍ତ ଜିଲ୍ଲାର ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକ୍ଷକଙ୍କୁ ଲକ ଡାଉନକୁ କଡ଼ାକଡ଼ି ଭାବେ ଲାଗୁ କରିବାକୁ ନିର୍ଦ୍ଦେଶ ଦେଇଛନ୍ତି। ଗତକାଲି ଖୋର୍ଦ୍ଧା ଜିଲ୍ଲାର ବାଣପୁର ଓ ବାଲୁଗାଁ ଅଞ୍ଚଳକୁ ଜିଲ୍ଲାପାଳ, ଉପ ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକ୍ଷକ ପରିଦର୍ଶନରେ ଆସି ଲକ ଡାଉନର ସ୍ଥିତି ସମୀକ୍ଷା କରିଥିଲେ।

ଏହି ସମୟରେ ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକ୍ଷକ ବାଣପୁର ଓ ବାଲୁଗାଁ ଅଞ୍ଚଳରେ ଲକ ଡାଉନ କଟକଣାକୁ ଆହୁରି କଠୋର କରିବା ପାଇଁ ପୋଲିସ ଓ ପ୍ରଶାସନକୁ ନିର୍ଦ୍ଦେଶ ଦେଇଥିଲେ। କୌଣସି ବ୍ୟକ୍ତି ପଦାକୁ ଗାଡ଼ି ନେଇକି ଯାଇପାରିବେନି ଓ ଯଦି ଗାଡ଼ି ନିଅନ୍ତି ତାହାଲେ ତାଙ୍କ ଗାଡ଼ି ଜବତ ହେବା ସହ କୋର୍ଟ ଚାଲାଣ କରାଯିବ। ଜନସାଧାରଣମାନେ ଅତ୍ୟାବଶକ ସାମଗ୍ରୀ ଆଣିବା ପାଇଁ ପ୍ରଶାସନ ଦ୍ୱାରା ଜାରି କରାଯାଇଥିବା ସମୟରେ ଯାନବାହାନ ନ ନେଇ ନିକଟସ୍ଥ ବିକ୍ରୟ କେନ୍ଦ୍ରକୁ ଚାଲି ଚାଲି ଆସିବା ପାଇଁ ପରାମର୍ଶ ଦେଇଥିଲେ ଏହା ସହ ସମସ୍ତ ଜନସାଧାରଣ ଘରୁ ବାହାରକୁ ବାହାରିବା ସମୟରେ ମାସ୍କ ଲଗେଇବା ବାଧ୍ୟତାମୂଳକ ବୋଲି ସୂଚନା ଦେଇଥିଲେ। ଯଦି ଏଥିରେ ବ୍ୟତିକ୍ରମ ଘଟେ ତାହାଲେ ଜନସାଧାରଣଙ୍କଠୁ ଫାଇନ ଆଦାୟ ହେବା ସହ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ। ସବୁ ଦୋକାନୀମାନେ ଅତ୍ୟାବଶ୍ୟକୀ ଜିନିଷ ବିକ୍ରୟ କରିବା ସମୟରେ ସାମାଜିକ ଦୂରତା ରକ୍ଷା କରିବା ବାଧ୍ୟତାମୂଳକ ଓ ଯଦି କୌଣସ ଦୋକାନୀ ଏହାକୁ ଅମାନ୍ୟ କରେ ତାହେଲେ ତାର ଦୋକାନ ସିଜ ହେବା ସହ ଲାଇସେନ୍ସ ରଦ୍ଦ କରାଯିବ ବୋଲି ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକ୍ଷକ ସାମ୍ବାଦିକ ମାନଙ୍କୁ ସୂଚନା ଦେଇଥିଲେ।

ଏହି ପରିପେକ୍ଷୀରେ ବାଣପୁର ପୋଲିସ ଆଜି ଲକ ଡାଉନ ପ୍ରକ୍ରିୟାକୁ ଆହୁରି ଜୋରଦାର କରିଦେଇଛି। ସକାଳ ୬ରୁ ରାତି ୧୦ ଯାଏଁ ପୋଲିସ ତରଫରୁ କଡା ପ୍ରହରା ଦିଆଯାଉଛି ଓ ସହରର ବିଭିନ୍ନ ଛକକୁ ପୋଲିସ ସିଲ କରିବା ସହ ଲକ ଡାଉନକୁ ମାନୁନଥିବା ବ୍ୟକ୍ତିଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଆଜି ବାଣପୁର ପୋଲିସ ଦ୍ୱାରା ସକାଳ ୯ଘଟିକା ସୁଦ୍ଧା ଲକ ଡାଉନ ନିୟମକୁ ଅମାନ୍ୟ କରି ବାଇକରେ ବୁଲୁଥିବା ୨୧ଟି ବାଇକ ଚାଳକଙ୍କ ଗାଡ଼ିକୁ ଜବତ କରାଯାଇଛି ବୋଲି ବାଣପୁର ଥାନାଧିକାରୀ ସଞ୍ଜୟ ପଟ୍ଟନାୟକ ସୂଚନା ଦେଇଛନ୍ତି। ଏହା ସହ ଥାନାଧିକାରୀ ସମୀକ୍ଷା ନ୍ୟୁଜ ମାଧ୍ୟମରେ ବାଣପୁର ଜନସାଧାରଣଙ୍କୁ ଘରେ ରହିବା ସହିତ ଅତ୍ୟାବଶ୍ୟକୀୟ ସାମଗ୍ରୀ କିଣିବା ପାଇଁ ମାସ୍କ ଲଗାଇ ଚାଲି ଚାଲି ନିକଟସ୍ଥ ବିକ୍ରୟ କେନ୍ଦ୍ରକୁ ଯିବାକୁ ନିବେଦନ କରିଛନ୍ତି।

ବାଣପୁର ପୋଲିସର ଏପରି କାର୍ଯ୍ୟାନୁଷ୍ଠାନକୁ ସାଧାରଣ ଜନତା ସମର୍ଥନ କରୁଥିବାସ୍ଥଳେ ଲକ୍‌ଡାଉନ୍‌ ଅମାନ୍ୟ କରୁଥିବା ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି।