Categories
ଆଜିର ଖବର ଆଞ୍ଚଳିକ

ସରିଲା ରାଜ୍ୟରେ ଜାମିନ ବିହୀନ ପରୱାନା ସ୍ୱତନ୍ତ୍ର ଡ୍ରାଇଭ: ବାଣପୁର,ବାଲୁଗାଁ,ଟାଙ୍ଗୀରୁ ୧୨୨ ଅଭିଯୁକ୍ତ ଗିରଫ

 

ସୀତାରାମ ଅଗ୍ରୱାଲ

ଚିଲିକା/ଟାଙ୍ଗୀ: ରାଜ୍ୟ ଡ଼ିଜିପିଙ୍କ ନିର୍ଦ୍ଦେଶ କ୍ରମେ ରାଜ୍ୟର ସମସ୍ତ ପୋଲିସ ଥାନାରେ ମାର୍ଚ୍ଚ ୭ ତାରିଖରୁ ୧୪ ତାରିଖ ଯାଏଁ ଜାମିନ ବିହୀନ ପରୱାନା(ଏନବିଡବ୍ଲ୍ୟୁ) ବିରୁଦ୍ଧରେ ଏକ ସ୍ୱତନ୍ତ୍ର ଡ୍ରାଇଭ ଆରମ୍ଭ କରାଯାଇଥିଲା। ଉକ୍ତ ୭ ଦିନ ମଧ୍ୟରେ ଏହାର ଅପରାଧୀଙ୍କୁ ଗିରଫ କରିବାରେ ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବାଣପୁର, ବାଲୁଗାଁ ଏବଂ ଟାଙ୍ଗୀ ପୋଲିସର ଫଳାଫଳ ବେଶ ଭଲ ରହିଛି ବୋଲି ସୂଚନା ଦେଇଛନ୍ତି ଖୋର୍ଦ୍ଧା ଏସ.ପି ଶ୍ରୀ ରାଜକିଶୋର ଦୋରା।

ଏସ.ପିଙ୍କ ସୂଚନା ମୁତାବକ ବାଣପୁର, ବାଲୁଗାଁ ଏବଂ ଟାଙ୍ଗୀ ପୋଲିସ ସର୍ବମୋଟ ୧୨୨ ଜଣ ଏନବିଡବ୍ଲ୍ୟୁ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଥିବାବେଳେ ତନ୍ମଧ୍ୟରୁ ୭୬ ଜଣଙ୍କୁ କୋର୍ଟ ଓ ଜେଲ ଚାଲାଣ କରାଯାଇଅଛି। ବାଣପୁର ଥାନାର ୫୧, ବାଲୁଗାଁ ଥାନାର ୨୮ ଏବଂ ଟାଙ୍ଗୀ ଥାନାର ୪୩ ଗୋଟି ଏନବିଡବ୍ଲ୍ୟୁ ଅଭିଯୁକ୍ତଙ୍କୁ ଗିରଫ କରାଯାଇଥିବାବେଳେ ସେମାନଙ୍କ ମଧ୍ୟରୁ ବାଣପୁର ଥାନାର ୨୬, ବାଲୁଗାଁ ଥାନାର ୧୨ ଏବଂ ଟାଙ୍ଗୀ ଥାନାର ୩୮ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ ଏବଂ ପରେ ଜେଲ ଚାଲାଣ କରାଯାଇଅଛି।

ସେହିପରି ଭାବେ ବାଣପୁର ଥାନାର ୨୫, ବାଲୁଗାଁ ଥାନାର ୧୬ ଏବଂ ଟାଙ୍ଗୀ ଥାନାର ୫ ଗୋଟି ୱାରେଣ୍ଟର ଆଶୁ ସମାଧାନ କରାଯାଇଛି।

Categories
ଆଜିର ଖବର ରାଜ୍ୟ ଖବର

ନାଚୁଣୀ ଓଭରବ୍ରିଜଠାରେ ସଡ଼କ ଦୁର୍ଘଟଣା: କାରକୁ ପଛପଟୁ ଧକ୍କା ଦେଲା ଟ୍ରକ୍, ଦୁଇ ଆହତ

ସୀତାରାମ ଅଗ୍ରୱାଲ

ଚିଲିକା: ଆଜି ସଂଧ୍ୟାରେ ଖୋର୍ଦ୍ଧା ଜିଲ୍ଲା ୧୬ ନଂ ଜାତୀୟ ରାଜପଥ ନାଚୁଣୀ ଓଭରବ୍ରିଜ ଠାରେ ଏକ ସଡ଼କ ଦୁର୍ଘଟଣା ଘଟିଯାଇଛି। ଯେଉଁଥିରେ ଏକ କାର ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଯାଇଥିବା ବେଳେ ଦୁଇ ଜଣ ଆହତ ହୋଇଛନ୍ତି।

ସୂଚନା ମୁତାବକ ଭୁବନେଶ୍ୱର ନୀଳାଦ୍ରି ବିହାରର ପ୍ରଦୀପ କୁମାର ନାୟକ ତାଙ୍କ ପରିବାର ସହ ନିଜ କାର(ଓଡ଼ି-୩୩ ଟି ୪୮୮୪) ଯୋଗେ ଏକ ବାହାଘରରେ ଯୋଗ ଦେବାକୁ  ବାଣପୁର ଯାଉଥିଲେ। ତେବେ ପାଖପାଖି ସଂଧ୍ୟା ୭ ଘଟିକା ସମୟରେ ନାଚୁଣୀ ଓଭରବ୍ରିଜ ଠାରେ ପରିସ୍ରା କରିବା ନିମନ୍ତେ ପ୍ରଦୀପ ନିଜ ଗାଡିର ବ୍ଲିଙ୍କର ଅନ କରି ବାମ ପାର୍ଶ୍ୱରେ ଗାଡିକୁ ଠିଆ କରିଥିଲେ।

ତେବେ ହଠାତ ଦ୍ରୁତଗତିରେ ବଡ଼ବିଲରୁ ଗୋପାଳପୁର ଯାଉଥିବା ଏକ ଆଇରନ ଵୋଝେଇ ଟ୍ରକ( ଓଡ଼ି- ୦୭ ଡବ୍ଲୁ ୦୮୭୧) କାରକୁ ପଛପଟୁ ଧକ୍କା ଦେଇଥିଲା। ଫଳରେ କାର ଭିତରେ ବସିଥିବା ପ୍ରଦୀପଙ୍କ ପତ୍ନୀ ଏବଂ ପୁଅ ଆହତ ହୋଇଥିବେଳେ କାରର ପଛ ପାର୍ଶ୍ୱଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ଖବର ପାଇ ସଙ୍ଗେ ସଙ୍ଗେ ନାଚୁଣୀ ଫାଣ୍ଡି ଅଧିକାରୀ ଉମାକାନ୍ତ ସାହୁ ସଦଳବଳେ ଦୁର୍ଘଟଣାସ୍ଥଳରେ ପହଁଚି ଆହତଙ୍କୁ ଉଦ୍ଧାର କରି  ଆମ୍ବୁଲାନ୍ସ ଯୋଗେ ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ। ବର୍ତ୍ତମାନ ପୋଲିସ ଉଭୟ ଗାଡିକୁ ଜବତ କରି ତଦନ୍ତ ଜାରି ରଖିଛି।

Categories
ଆଜିର ଖବର ରାଜ୍ୟ ଖବର

ଆଇଏନ୍‌ଏସ୍ ଚିଲିକାର ବାର୍ଷିକ ଉତ୍ସବ

ଭୁବନେଶ୍ଵର: ଆଇଏନ୍‌ଏସ୍‌, ଚିଲିକା ଭାରତୀୟ ନୌସେନାର ପ୍ରାରମ୍ଭିକ ପ୍ରଶିକ୍ଷଣ କେନ୍ଦ୍ର ୨୦-୨୧ ଫେବୃୟାରୀରେ ନୌସେନା ଓ ଦେଶକୁ ସେବା ଯୋଗାଇଦେବାର ୪୧ତମ ବର୍ଷର ସମାପ୍ତି ଉତ୍ସବ ପାଳନ କରିଛି। ୨୧ ଫେବୃୟାରୀ ୧୯୮୦ରେ ଏହାର କମିଶନ ହେବାଠାରୁ ଅତ୍ୟାଧୁନିକ ତାଲିମ ପ୍ରଣାଳୀ ଓ ବୈଷୟିକ ବିକାଶ ସହିତ ତାଳଦେଇ କାମ କରି ଆସୁଛି। ୟୁନିଟ୍ ଏହାର ବର୍ଷ ଶେଷ ପର୍ଯ୍ୟନ୍ତ ବିଭିନ୍ନ କାର୍ଯ୍ୟକଳାପ ପରିଚାଳନା କରି ଆସିଥିଲା। ଯାହା ୟନିଟ୍‌ର ସମସ୍ତ ସଦସ୍ୟଙ୍କ ଅତ୍ୟଧିକ ଅଂଶଗ୍ରହଣର ସାକ୍ଷୀ ରହିଥିଲା।

ସାମରିକ କର୍ମଚାରୀ, ଡ଼ିଏସ୍‌ସି, ଏମ୍‌ଇଏସ୍ ଏବଂ ପ୍ରତିରକ୍ଷା ଅସୈନିକ କର୍ମଚାରୀ ଏବଂ ତାଙ୍କର ପରିବାରଙ୍କୁ ନେଇ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। କମାଣ ଅଧିକାରୀ କମୋଡ଼ର ଏନ୍‌ସି ପ୍ରଦୀପଙ୍କ ଦ୍ୱାରା ପାତକା ଦେଖାଇ ଶୁଭାରମ୍ଭ ହୋଇଥିବା ୱାକଥନରେ ସକ୍ରିୟ ଅଂଶଗ୍ରହଣ କରିଥିଲେ। ମହିଳା ଓ ଶିଶୁଙ୍କ ପାଇଁ ବିଭିନ୍ନ କ୍ରୀଡ଼ା କାର୍ଯ୍ୟକ୍ରମ ଆୟୋଜନ କରାଯାଇ ସମସ୍ତ ବିଜେତାଙ୍କୁ ପୁରସ୍କାର ବଣ୍ଟନ କରାଯାଇଥିଲା। ଷ୍ଟେସନ ବଡ଼ାଖାନା ଆରମ୍ଭ ପୂର୍ବରୁ ପାରମ୍ପରିକ ପିଠାକାଟିବା ସମାରୋହ, କନିଷ୍ଠ ନାବିକ କମାଲ ଅଧିକାରୀଙ୍କ ସହିତ ପିଠା କରିବା ସମାରୋହ ଅନୁଷ୍ଠିତ ହୋଇଥିଲା। ସମସ୍ତ କାର୍ଯ୍ୟକ୍ରମ କୋଭିଡ଼୍‌-୧୯ ନିୟମାନୁସାରେ ପରିଚାଳିତ ହୋଇଥିଲା।

Categories
ଅପରାଧ ଆଜିର ଖବର ଆଞ୍ଚଳିକ ରାଜ୍ୟ ଖବର

ଚିଲିକାରେ ପୁଣି ବିଦେଶୀ ପକ୍ଷୀ ଶିକାର: ଜଣେ ଗିରଫ

ସୀତାରାମ ଅଗ୍ରୱାଲ

ଚିଲିକା: ଆଜି ପୁଣି ବିଦେଶାଗତ ପକ୍ଷୀଙ୍କୁ ଶିକାର କରାଯାଇଛି। ଏନେଇ ଜଣେ ଯୁବକଙ୍କୁ ବନ୍ୟପ୍ରାଣୀ ବିଭାଗ ଗିରଫ କରିଛି।

ସୂଚନା ଅନୁଯାୟୀ, ଚିଲିକାରେ କଇଁ ଫୁଲରେ ବିଷ ଦେଇ ଜଣେ ଯୁବକ ବିଦେଶାଗତ ପକ୍ଷୀଙ୍କୁ ଆଜି ଶିକାର କରୁଥିଲେ। ଖବର ପାଇ ବନ୍ୟପ୍ରାଣୀ ବିଭାଗ ଘଟଣାସ୍ଥଳରେ ପହଞ୍ଚି ତିନୋଟି ମୃତ ପକ୍ଷୀ ସହ ଶିକାରୀକୁ ଗିରଫ କରିଛି। ଏହାସହ ବନ୍ୟାପ୍ରାଣୀ ବିଭାଗ ଶିକାରୀ ଠାରୁ ସାଇକେଲ, ମୋବାଇଲ ଫୋନ, କଇଁ ଫୁଲ ମଧ୍ୟ ଜବତ କରିଛି।

ଗିରଫ ହୋଇଥିବା ଶିକାରୀ ଜଣଙ୍କ ସର୍ବେଶ୍ଵର ପ୍ରଧାନ (୩୦) ଏବଂ ସେ ଟାଙ୍ଗୀ ଥାନା ଅନ୍ତର୍ଗତ କାଟିଲା ଗୋଠ କଲୋନୀର ବାସିନ୍ଦା ବୋଲି ଜଣାପଡିଛି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଚିଲିକା ଅଞ୍ଚଳରେ ଲୁଟ, ରାହଜାନିକୁ ରୋକିବା ଲକ୍ଷ୍ୟ: ଖୋର୍ଦ୍ଧା ଆରକ୍ଷୀ ଅଧିକ୍ଷକ

ସୀତାରାମ ଅଗ୍ରୱାଲ

ଖୋର୍ଦ୍ଧା/ଚିଲିକା: ଗତ ୩୧ ତାରିଖରୁ ପୂର୍ବତନ ଏସପି  ଅଜେୟ ପ୍ରତାପ ସ୍ୱାଇଁ ଅବସର ନେବା ପରେ ଖୋର୍ଦ୍ଧା ଆରକ୍ଷୀ ଅଧିକ୍ଷକ ପଦବୀ ଖାଲିପଡିଥିଲା। ବର୍ତ୍ତମାନ ଖୋର୍ଦ୍ଧା ଜିଲ୍ଲାର ନୂତନ ଆରକ୍ଷୀ ଅଧିକ୍ଷକ ଭାବେ ବରିଷ୍ଠ ଓପିଏସ ଅଧିକାରୀ ରାଜକିଶୋର ଦୋରା ଯୋଗ ଦେଇଛନ୍ତି। କାର୍ଯ୍ୟଭାର ସମ୍ଭାଳିବା ପରେ ଟାଙ୍ଗୀ ଚିଲିକା ଅଞ୍ଚଳରେ ଲୁଟ, ରାହଜାନି, ସାଇବର ଅପରାଧକୁ ମୁଳୋତ୍ପାଟନ କରିବା ପୋଲିସର ପ୍ରାଥମିକତା ରହିବ ବୋଲି ଏସପି ରାଜକିଶୋର ଦୋରା ଆମ ପ୍ରତିନିଧିଙ୍କୁ ସୂଚନା ଦେଇଛନ୍ତି।

ଏହା ସହିତ ଖୋର୍ଦ୍ଧା ଜିଲ୍ଲା ରାଜ୍ୟର ଏକ ଗୁରୁତ୍ୱପୂର୍ଣ୍ଣ ଜିଲ୍ଲା ହୋଇଥିବାରୁ ଆଗାମୀ ଦିନରେ ଜିଲ୍ଲାକୁ କିପରି ଅପରାଧ ମୁକ୍ତ କରାଯିବ ସେଦିଗରେ ଯଥା ସମ୍ଭବ କାର୍ଯ୍ୟ କରିବେ ବୋଲି ନୂତନ ଏସପି ରାଜକିଶୋର ଦୋରା କହିଛନ୍ତି।

ଉଲ୍ଲେଖ ଯୋଗ୍ୟ ଯେ, ଶ୍ରୀ ଦୋରା ଦକ୍ଷ ପୋଲିସ ଅଧିକାରୀ ଭାବେ ସାରା ରାଜ୍ୟରେ ବେଶ୍ ଜଣାଶୁଣା। କିଛିଦିନ ତଳେ ଶ୍ରୀ ଦୋରା କ୍ରାଇମବ୍ରାଞ୍ଚ ଏସପି ଭାବେ ଅବସ୍ଥାପିତ ହୋଇଥିଲେ। ପୂର୍ବରୁ ଶ୍ରୀ ଦୋରା ଅନୁଗୁଳ, କେନ୍ଦ୍ରାପଡା, ଯାଜପୁର ଆଦି ଜିଲ୍ଲାରେ ଦକ୍ଷତାର ସହ କାର୍ଯ୍ୟ  ସମ୍ପାଦନ କରିଛନ୍ତି।

Categories
ଆଞ୍ଚଳିକ

ଚିଲିକାରେ ଭାଲେରୀ ପ୍ରିମିଅର ଲିଗ କ୍ରିକେଟ ଟୁର୍ଣ୍ଣାମେଣ୍ଟ: ଉଦଘାଟନ କଲେ ପୂର୍ବତନ ବିଧାୟକ ରଘୁନାଥ ସାହୁ

ସୀତାରାମ ଅଗ୍ରୱାଲ

ଚିଲିକା: ଖୋର୍ଦ୍ଧା ଜିଲ୍ଲା ବଡକୁଳ ପଞ୍ଚାୟତ ଅନ୍ତର୍ଗତ ବୋରିଆସାହି ଗ୍ରାମରେ ଭାଲେରୀ ପ୍ରିମିଅର ଲିଗ-୩  କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି। ଏହି ଟୁର୍ଣ୍ଣାମେଣ୍ଟର ଉଦଘାଟନୀ ଉତ୍ସବରେ ଚିଲିକାର ପୂର୍ବତନ ବିଧାୟକ ରଘୁନାଥ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଉକ୍ତ ପ୍ରିମିଅର ଲିଗରେ ୬ ଟି ଦଳ ପାଇଁ ୬ ଜଣ ଫ୍ରାଞ୍ଚାଇଜ ରହିଥିବା ବେଳେ ପାଞ୍ଚଟି ପଞ୍ଚାୟତର ମୋଟ ୧୨୦ ଜଣ ଖେଳାଳି ଏଥିରେ ଭାଗ ନେଉଛନ୍ତି।

ତେବେ ଆଜିର ଉଦଘାଟନୀ ମ୍ୟାଚ ରତ୍ନମାଳୀ ୱାରିଅର୍ସ ଏବଂ ଏସ.ଏମ ଭାଲେରୀ ୟୁଥ ଆଇକନ ମଧ୍ୟରେ ଅନୁଷ୍ଠିତ ହୋଇଥିଲା ଭାଲେରୀ ୟୁଥ ଆଇକନ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ରତ୍ନମାଳୀ ୱାରିଅର୍ସ ନିର୍ଦ୍ଧାରିତ ୧୫ ଓଭରରେ ୧୨୫ ରନ ସଂଗ୍ରହ କରିଥିବା ବେଳେ ଭାଲେରୀ ୟୁଥ ଆଇକନ ୧୨୬ ରନର ଲକ୍ଷ୍ୟକୁ ପୂରଣ କରି ବିଜୟ ଲାଭ କରିଥିଲା। ଭାଲେରୀ ୟୁଥ ଆଇକନର ଚିନୁ ବ୍ୟକ୍ତିଗତ ୩ ଟି ୱିକେଟ ନେଇଥିବା ବେଳେ ୨୭ ରନ ସଂଗ୍ରହ କରି ମ୍ୟାଚର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ।

Categories
ଆଜିର ଖବର ରାଜ୍ୟ ଖବର

ଚିଲିକା ମଝିରେ ଅଟକିଲେ ୨୦ ରୁ ୨୨ ପର୍ଯ୍ୟଟକ: ଖୋଜିବା ଜାରି ରଖିଛି ଦୁଇ ଅଗ୍ନିଶମ ବିଭାଗ

ସୀତାରାମ ଅଗ୍ରୱାଲ

ଚିଲିକା: ମା’ କାଳିଜାଇ ଦର୍ଶନ କରିବାକୁ ଯାଇଥବା ୨୦ ରୁ ୨୨ ଜଣ ପର୍ଯ୍ୟଟକ ଚିଲିକା ହ୍ରଦରେ ଫସିରହିଥିବା ସୂଚନା ରହିଛି।

ସୂଚନା ଅନୁଯାୟୀ, ଆଜି ଦିନବେଳେ ସୋରଣ ଗ୍ରାମର କିଛି ଲୋକ ଏକ ଡଙ୍ଗା ମାଧ୍ୟମରେ ମା କାଳିଜାଇ ଦର୍ଶନ ନିମନ୍ତେ ଚିଲିକାକୁ ଯାଇଥିଲେ। ହେଲେ ସେମାନେ ଫେରିବା ସମୟରେ ଡଙ୍ଗାର ଯାନ୍ତ୍ରିକ ତ୍ରୁଟି ଦେଖା ଦେବାରୁ ଚିଲିକା ମଧ୍ୟରେ ଡଙ୍ଗାଟି ଫସି ରହିଥିବା ତାଙ୍କ ସମ୍ପର୍କୀୟଙ୍କୁ ଜଣାଇଥିଲେ। ନଳ ବଣ ନିକଟରେ ଡଙ୍ଗାର ଯାନ୍ତ୍ରିକ ତ୍ରୁଟି ଦେଖାଯିବାରୁ ସେମାନେ ସେଠାରେ ଅଟକ ରହିଥିବା କୁହାଯାଉଛି।

ତେବେ ଖବର ପାଇ ବାଲୁଗାଁ ଅଗ୍ନିଶମ ଅଧିକରୀ ନିତ୍ୟାନନ୍ଦ ଜେନା ଦୁଇଟି ଡଙ୍ଗାରେ ସ୍ଥାନୀୟ ମତ୍ସ୍ୟଜୀବୀଙ୍କ ସହ ଚିଲିକା ମଝିରେ ଅଟକ ରହିଥିବା ଯାତ୍ରୀଙ୍କୁ ଖୋଜିବା ଜାରି ରଖିଛନ୍ତି। ସେପଟେ ଗଙ୍ଗାଧରପୁର ଅଗ୍ନିଶମ ବିଭାଗ ସୋରଣ ପଟୁ ସେମାନଙ୍କୁ ଖୋଜିବା ଲାଗି ବାହାରିଛି। ଅନ୍ଧାର ହୋଇଥିବାରୁ ସେମାନଙ୍କୁ ଖୋଜିବାରେ ଅସୁବିଧା ହେଉଥିବା ବେଳେ ବର୍ତ୍ତମାନ ଘଟଣା ସ୍ଥଳ ଠାରୁ ୩ କିଲୋମିଟର ଦୂରରେ ଅଛନ୍ତି ବୋଲି ଅଗ୍ନିଶମ ଅଧିକାରୀ ଶ୍ରୀ ଜେନା ପ୍ରକାଶ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ଚିଲିକାରେ ମାତିଛନ୍ତି କଳା ପଲସର ବାଇକ ଲୁଟେରା: ମାତ୍ର ଦୁଇ ଘଣ୍ଟା ବ୍ୟବଧାନରେ ଦୁଇଟି ଜାଗାରୁ ଲୁଟ୍

ସୀତାରାମ ଅଗ୍ରୱାଲ

କୁହୁଡି: ମାତ୍ର ଦୁଇ ଘଣ୍ଟା ବ୍ୟବଧାନରେ ଚିଲିକାର ଦୁଇଟି ପୃଥକ ପୃଥକ ସ୍ଥାନରୁ ସମାନ ଢଙ୍ଗରେ ସୁନା ଅଳଙ୍କାର ଲୁଟ୍ ହୋଇଛି। ଆଜି ଅପରାହ୍ନ ଦୁଇ ଘଟିକାରେ ଚିଲିକା ଢ଼ାବା ସମ୍ମୁଖରୁ ମହିଳାଙ୍କ ବେକରୁ ସୁନା ଚେନ ଲୁଟ୍ ହୋଇଥିବାସ୍ଥଳେ ଠିକ ସମାନ ଢଙ୍ଗରେ କୁହୁଡି ଫାଣ୍ଡି ଅନ୍ତର୍ଗତ କୋଚିଲା ଛକରେ ଆଉ ଏକ ସୁନା ହାର ଏବଂ ମଙ୍ଗଳସୂତ୍ର ଲୁଟ୍ ହୋଇଛି।

ସୂଚନା ମୁତାବକ ଚିଲିକା ସିଙ୍ଗିପୁର ଗ୍ରାମର ଆନନ୍ଦ ବେହେରା ଆଜି ସକାଳେ ନିଜ ପତ୍ନୀ ଏବଂ ପୁତ୍ରଙ୍କ ସହ ଏକ ବାଇକଯୋଗେ ଟାଙ୍ଗୀ ପଥରବନ୍ଧ ଅଞ୍ଚଳରେ ରହୁଥିବା ନିଜ ସମ୍ପର୍କୀୟଙ୍କ ଘରକୁ ଯାଇଥିଲେ। ତେବେ ସମ୍ପର୍କୀୟଙ୍କ ଘରୁ ଫେରିଲା ବେଳକୁ ପାଖାପାଖି ଅପରାହ୍ନ ୪ ଘଟିକାରେ କୁହୁଡି କୋଚିଲା ଛକରେ ଦୁଇ ଜଣ ଲୁଟେରା ଏକ କଳା ପଲସର ବାଇକରେ ଆସି ପଛପଟୁ ଆନନ୍ଦଙ୍କ ପତ୍ନୀଙ୍କ ବେକରୁ ଏକ ମଙ୍ଗଳସୂତ୍ର ଏବଂ ସୁନା ହାର ଛଡାଇ କ୍ଷିପ୍ର ଗତିରେ ପଳାଇଥିଲେ।

ତେବେ ଏ ନେଇ ଆନନ୍ଦ କୁହୁଡି ଫାଣ୍ଡିରେ ଲିଖିତ ଅଭିଯୋଗ କରିବାପରେ ଫାଣ୍ଡି ଅଧିକାରୀ ନିରଞ୍ଜନ ରାଉତ ଜାତୀୟ ରାଜପଥ ସିଲ କରି ତଦନ୍ତ ଜାରି ରଖିଛନ୍ତି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଚିଲିକାରେ ପ୍ରଥମ ଶ୍ରେଣୀ ବିଚାର ବିଭାଗୀୟ ଅଦାଲତର ଉଦଘାଟନ କଲେ ହାଇକୋର୍ଟର ମୁଖ୍ୟ ବିଚାରପତି

ସୀତାରାମ ଅଗ୍ରୱାଲ

ଚିଲିକା: ବହୁ ଦିନର ଆଶା ଆକାଂକ୍ଷର ଅନ୍ତ ଘଟାଇ ଚିଲିକା ବ୍ଲକରେ ଆଜି ପ୍ରଥମ ଶ୍ରେଣୀ ବିଚାର ବିଭାଗୀୟ ନ୍ୟାୟାଳୟର ଆନୁଷ୍ଠାନିକ ଭାବେ ଉଦଘାଟନ ହୋଇଯାଇଛି। ଏହି କୋର୍ଟ ପ୍ରତିଷ୍ଠା ପରେ ଗ୍ରାମାଞ୍ଚଳର ଗରିବ ଅଭାବି ଲୋକମାନେ ଖର୍ଚ୍ଚାନ୍ତରୁ ମୁକ୍ତି ପାଇବେ। ସେମାନେ ଉପର କୋର୍ଟକୁ ନ ଯାଇ ଏହି କୋର୍ଟରେ ସ୍ୱଳ୍ପ ଖର୍ଚ୍ଚରେ ନିଜ ନିଜର ଅଭିଯୋଗକୁ ଦାୟର କରିବାର ସୁଯୋଗ ପାଇପାରିବେ। ଏବଂ ଶୀଘ୍ର ନ୍ୟାୟ ପାଇପାରିବେ।

ଉକ୍ତ ଉଦଘାଟନ ଉତ୍ସବରେ ମୁଖ୍ୟ ଅତିଥି ରୂପେ ଓଡିଶା ଉଚ୍ଚ ନ୍ୟାୟାଳୟ ର ମୁଖ୍ୟ ବିଚାରପତି ନ୍ୟାୟମୂର୍ତ୍ତି ଡକ୍ଟର ଏସ. ମୁରଲୀଧର ଉପସ୍ଥିତ ଥିଲେ। ଅନ୍ୟ ଅତିଥି ରୂପେ ଉଚ୍ଚ ନ୍ୟାୟାଳୟ ର ନ୍ୟାୟମୂର୍ତ୍ତି ଏସ.କେ ମିଶ୍ର, ନ୍ୟାୟମୂର୍ତ୍ତି ସାବିତ୍ରୀ ରାଥୋ ଓ ଖୋରଧା ଜିଲ୍ଲା ଜର୍ଜ ଲୋକନାଥ ମହାପାତ୍ର ଉପସ୍ଥିତ ଥିଲେ। ତତ୍ ସହିତ କାର୍ଯ୍ୟକ୍ରମରେ ଜିଲ୍ଲା ଆରକ୍ଷୀ ଅଧିକାରୀ ଅଜୟ ପ୍ରତାପ ସ୍ୱାଇଁ, ଜିଲ୍ଲାପାଳ ସନତ କୁମାର ମହାନ୍ତି, ଉପଜିଲ୍ଲାପାଳ ଅଶୋକ ବେଉରିଆ, ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ, ପୂର୍ବତନ ବିଧାୟକ ରଘୁନାଥ ସାହୁ, ପୂର୍ବତନ ମନ୍ତ୍ରୀ ଦେବେନ୍ଦ୍ରନାଥ ମାନସିଂହ, ଚିଲିକା ତହସିଲଦାର ପୁନମ ମହାପାତ୍ର, ଚିଲିକା ବିଡ଼ିଓ ସୁଷମା ବାରିକ, ସ୍ଥାନୀୟ ଲୋକପ୍ରତିନିଧି, ବାଣପୁର, ଚିଲିକା ଓ ଟାଙ୍ଗି ଅଂଚଳର ଓକିଲ ସଂଘର କର୍ମକର୍ତ୍ତା, ଗଣମାଧ୍ୟମ ପ୍ରତିନିଧି, ବହୁ ଆଇନଜୀବୀ ଓ ସ୍ଥାନୀୟ ବୁଦ୍ଧିଜୀବି ଉପସ୍ଥିତ ଥିଲେ। ଏହି କାର୍ଯ୍ୟକ୍ରମକୁ ଚିଲିକା ବାର ଆସୋସିଏସନ ସଭାପତି ହରେ କୃଷ୍ଣ ଜଗଦ୍ଦେବ ଓ ସମ୍ପାଦକ ପ୍ରଦୋଷ ଦାସ ସଂଯୋଜନା କରିଥିଲେ।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ବାଣପୁର ଏବଂ ଚିଲିକାରେ ବେଆଇନ ଲଘୁ ଖଣିଜ ଦ୍ରବ୍ୟ ଚାଲାଣ: ଗାଡ଼ି ଜବତ କଲେ ତହସିଲଦାର

ସୀତାରାମ ଅଗ୍ରୱାଲ

ବାଣପୁର/ଚିଲିକା: ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ଖୋର୍ଦ୍ଧା ଜିଲ୍ଲା ବାଣପୁର ଏବଂ ଚିଲିକା ଅଞ୍ଚଳରେ ପ୍ରତିଦିନ ବେଆଇନ ବାଲି, ମାଟି, ଗୋଡି, ମାଙ୍କଡା ପଥର ଚାଲାଣ କରୁଥିବା ଗାଡିଗୁଡିକ ଉପରେ ଚଢ଼ାଉ କରାଯାଉଛି। ବାଣପୁର ଏବଂ ଚିଲିକା ତହସିଲଦାର ଏହିସବୁ ଗାଡିଗୁଡ଼ିକ ଉପରେ ଚଢାଉ କରି ଜରିମାନା ଆଦାୟ କରୁଛନ୍ତି।

ଗତକାଲି ବାଣପୁର ତହସିଲ ପକ୍ଷରୁ ଦୁଇ ଗୋଟି ବେଆଇନ ମାଙ୍କଡା ପଥର ବୋଝେଇ ଟ୍ରକ ଜବତ କରାଯାଇ ସେମାନଙ୍କଠାରୁ ଜରିମାନା ବାବଦରେ ୫୫ ହଜାର ଟଙ୍କା ଆଦାୟ କରାଯାଇଥିଲା। ତେବେ ଆଜି ପୁଣି ବାଣପୁର ତହସିଲଦାର ମନ୍ମଥ ବେହେରା ତହସିଲ ସ୍କ୍ୱାର୍ଡ ଟିମ୍ ସହଯୋଗରେ ସକାଳୁ ତହସିଲର ବିଭିନ୍ନ ଅଞ୍ଚଳରେ ଚଢ଼ାଉ କରି ମଧ୍ୟାହ୍ନ ସୁଦ୍ଧା ୬ ଗୋଟି ଗାଡ଼ି ଜବତ କରିଛନ୍ତି। ତନ୍ମଧ୍ୟରୁ ୨ ଗୋଟି ମାଙ୍କଡା ପଥର ବୋଝେଇ ଟ୍ରକ, ୨ ଗୋଟି ମାଟି ବୋଝେଇ ଟ୍ରାକ୍ଟର, ୧ ଗୋଟି ମେଟାଲ ବୋଝେଇ ଟିପର ଏବଂ ଗୋଟାଏ ଜେସିବି ଜବତ ହୋଇଥିବାର ସୂଚନା ଦେଇଛନ୍ତି ତହସିଲଦାର ଶ୍ରୀ ବେହେରା। ସମସ୍ତ ଗାଡ଼ି ବେଆଇନ ଭାବେ ଏହି ସବୁ ଜିନିଷ ଚାଲାଣ କରୁଥିଲେ।  ତେବେ ବର୍ତ୍ତମାନ ସମସ୍ତ ଗାଡିଗୁଡିକ ବାଣପୁର ତହସିଲ ପରିସରରେ ଅଛି।

ଅନୁରୂପ ଭାବେ ଆଜି ସକାଳେ ଚିଲିକା ତହସିଲଦାର ପୁନମ ମହାପାତ୍ର ବେଆଇନ ଭାବେ ଗୋଡି ଚାଲାଣ କରୁଥିବା ୨ ଗୋଟି ଟ୍ରାକ୍ଟରକୁ  କୁହୁଡି ନିକଟରୁ ଜବତ କରିଛନ୍ତି। ଜବତ ହୋଇଥିବା ଟ୍ରାକ୍ଟର ଦୁଇଟି ବର୍ତ୍ତମାନ କୁହୁଡି ଫାଣ୍ଡି ପରିସରରେ ରହିଛି। ଉପଯୁକ୍ତ କାଗଜପତ୍ର ଦେଖାଇବାସହ ଜରିମାନା ପରିମାଣ ଦେଇ ଗାଡ଼ି ମାଲିକମାନେ ସେମାନଙ୍କ ଗାଡ଼ି ମୁକୁଳାଇ ନେଇପାରିବେ ବୋଲି ସୂଚନା ଦେଇଛନ୍ତି ଉଭୟ ବାଣପୁର ଏବଂ ଚିଲିକା ତହସିଲଦାର।

Categories
ଆଜିର ଖବର ରାଜ୍ୟ ଖବର

ଚିଲିକାରେ ଚାଲିଛି ଉଦ୍ଭିଦ ଓ ପ୍ରାଣୀ ଗଣନା: ସକାଳ ୬ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ବୋଟ୍ ଚଳାଚଳ ବନ୍ଦ

ସୀତାରାମ ଅଗ୍ରୱାଲ

ଚିଲିକା: ଆଜିଠୁ ସିଡିଏ ଦ୍ୱାରା ଚିଲିକାରେ ଉଦ୍ଭିଦ ଓ ପ୍ରାଣୀ ଗଣନା ଆରମ୍ଭ କରାଯାଇଛି। ୧୮ ଜଣିଆ ଟିମ ଦ୍ୱାରା ଉଦ୍ଭିଦ ଓ ପ୍ରାଣୀ ଗଣନା ଚାଲିଛି। ସାତପଡା ପଟୁ ୮ଟି ଟିମ ଗଣନା କରୁଥିବା ବେଳେ ବାଲୁଗାଁ ପଟୁ ୧୦ଟି ଟିମ ଗଣନା କରୁଛି। ଚିଲିକା ଡେଭଲଅପମେଣ୍ଟ ଅଥରିଟି ପକ୍ଷରୁ ଏନେଇ ସୂଚନା ପ୍ରଦାନ କରାଯାଇଛି। ଆଜି ସକାଳ ୬ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଚିଲିକାରେ ବୋଟ୍‌ ଚଳାଚଳ ବନ୍ଦ ରହିବ। ସମସ୍ତ ବୋଟ୍‌ ମାଲିକ ସଂଘ ଓ ପିଏଫ୍‌ସିଏସ୍‌ ସଦସ୍ୟମାନେ ଏହି ସମୟରେ ସହଯୋଗ କରିବାକୁ ସିଡିଏ ପକ୍ଷରୁ ଅନୁରୋଧ କରାଯାଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଚିଲିକାରେ ପକ୍ଷୀ ଶିକାର: ମୃତ ବିଦେଶୀ ପକ୍ଷୀ ଜବତ, ଜଣେ ଗିରଫ

ସୀତାରାମ ଅଗ୍ରୱାଲ

ଟାଙ୍ଗୀ: ସାରା ରାଜ୍ୟରେ ପକ୍ଷୀ ଗଣନା କାର୍ଯ୍ୟ ଜାରି ରହିଛି। ସେହିପରି ଦୁଇ ଦିନ ତଳେ ଚିଲିକାରେ ମଧ୍ୟ ପକ୍ଷୀ ଗଣନା କାର୍ଯ୍ୟ ଚାଲିଥିଲା। ଏଥିରେ ଗତ ବର୍ଷ ଅପେକ୍ଷା ଚଳିତ ବର୍ଷ ଚିଲିକାରେ ପକ୍ଷୀଙ୍କ ସଂଖ୍ୟା ବୃଦ୍ଧି ପାଇଥିବାର ରିପୋର୍ଟ ଆସିଥିଲା। କିନ୍ତୁ ସେପଟେ କେତେଜଣ ଶିକାରୀ ନିରୀହ ପକ୍ଷୀଗୁଡିକୁ ମାରି ପ୍ରକୃତି ଓ ପରିବେଶକୁ ନଷ୍ଟ କରିବାରେ ଲାଗିପଡିଛନ୍ତି। ଏମାନେ ବଣ୍ୟ ପ୍ରାଣୀ ବିଭାଗର ସମସ୍ତ କଟକଣାକୁ ଫୁ କରି ଉଡାଇ ଦେଉଛନ୍ତି। ଦିନରେ ବି ପକ୍ଷୀ ଶୀକାର କରିବାକୁ ପଛ ଘୁଂଚା ଦେଉ ନାହଁନ୍ତି। ପକ୍ଷୀ ମାନଙ୍କୁ କଇଁଫୁଲ କେଶରରେ ମାରାତ୍ମକ ଵିଷ ଦେଇ ଶୀକାର କରୁଥିବା ଜଣା ପଡିଛି।

ଆଜି ଜଣେ ପକ୍ଷୀ ଶୀକାରୀ ପକ୍ଷୀ ଶୀକାର କରିବା ବେଳେ ବଣ୍ୟ ପ୍ରାଣୀ ବିଭାଗ ହାତରେ ଧରାପଡିଛି। ଟାଙ୍ଗୀ ରେଞ୍ଜ ଅଧିନସ୍ଥ ଅଭିମାନପୁର ରିଂଗ୍ ବନ୍ଧର ଉଜ୍ଜଳା ଗୋପୀନାଥପୁର ନିକଟରୁ ଜଣେ ପକ୍ଷୀ ଶୀକାରୀଙ୍କୁ ସମ୍ପୃକ୍ତ ବିଭାଗ ଗିରଫ କରିଛି। ତା’ଠାରୁ ତିନୋଟି ମୃତ ବିଦେଶୀ ପକ୍ଷୀକୁ ମଧ୍ୟ ଜବତ କରାଯାଇଛି। ଗିରଫ ହୋଇଥିବା ଶୀକାରୀ ଜଣକ ଗୁରୁଦେବ ସାହୁ (୩୨) ବୋଲି ଜଣାପଡିଛି। ଗୁରୁଦେବଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଛି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆଜି ଚିଲିକାରେ ହେବ ପକ୍ଷୀ ଗଣନା, 120 ଜଣଙ୍କୁ କରାଗଲା ନିଯୁକ୍ତ

ଭୁବନେଶ୍ବର, ଚିଲିକା ହ୍ରଦଙ୍କୁ ଚଳିତ ବର୍ଷ କେତେ ସଂଖ୍ୟାର ବିଦେଶାଗତ ପକ୍ଷୀ ଆସିଛନ୍ତି ତାହାର ଗଣନା ଆଜିଠାରୁ ଆରମ୍ଭ କରାଯାଇଛି। ଏଥିପାଇଁ ଚିଲିକା ଉନ୍ନୟନ କର୍ତ୍ତୁପକ୍ଷ 120 ଜଣଙ୍କୁ ସ୍ବତନ୍ତ୍ର ଭାବେ ପ୍ରଶିକ୍ଷଣ ପ୍ରଦାନ କରିଛି। ଏହି 120 ଜଣ 21 ଟି ଜୋନରେ ଭାଗ ହୋଇ ପକ୍ଷଗଣନା କରିବେ ବୋଲି କୁହାଯାଇଛି। ଗତବର୍ଷ ମଧ୍ୟ ଚିଲିକାର ପକ୍ଷୀ ଗଣନା ଏହି ଜାନୁୟାରୀ 5 ତାରିଖରେ କରାଯାଇଥିଲା।

ଚଳିତ ବର୍ଷ ପାଗ ଠିକ ଥିବାରୁ ବିଦେଶାଗତ ପକ୍ଷୀଙ୍କ ସଂଖ୍ୟା ବୃଦ୍ଧି ପାଇବ ବୋଲି ଆଶା କରାଯାଉଛି। ଗତ ବର୍ଷ ଚିଲିକାକୁ ରେକର୍ଡ ସଂଖ୍ୟକ 184 ପ୍ରକାରର 11 ଲକ୍ଷ 5 ହଜାର 40 ପକ୍ଷୀ ଆସିଥିଲେ।

 

Categories
ଆଞ୍ଚଳିକ

ଚିଲିକାରେ ରାଜ୍ୟ ସରକାର ବିରୋଧରେ ପ୍ରତିବାଦ: ମୁଖ୍ୟମନ୍ତ୍ରୀଙ୍କ ବିରୋଧରେ ଥାନାରେ ଏତଲା ଦେଲା ବିଜେପି

ସୀତାରାମ ଅଗ୍ରୱାଲ

ଚିଲିକା: ପ୍ରଧାନମନ୍ତ୍ରୀ ଆବାସ ଯୋଜନାକୁ ହଡପ ଓ ଚଞ୍ଚକତା କରି କେନ୍ଦ୍ର ସରକାରଙ୍କ ନାମକୁ ଲୁଚାଇ ବିଜୁ ପକ୍କା ଘର ଯୋଜନା ନାମରେ ଷ୍ଟିକର ଲଗାଇ ଜନସାଧାରଣଙ୍କୁ ବିଭ୍ରାଟ କରୁଥିବା ପ୍ରତିବାଦରେ ରାଜ୍ୟ ସରକାରଙ୍କ ବିରୁଦ୍ଧରେ ଏତଲା ଦେଇଛି ଚିଲିକା ବିଜେପି।

ଏହି ପ୍ରରିପ୍ରେକ୍ଷୀରେ ଆଜି ଚିଲିକା ବିଜେପି ବିଧାୟକ ପ୍ରାର୍ଥୀ ତଥା ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନଙ୍କ ନେତୃତ୍ବରେ ଚିଲିକା ନିର୍ବାଚନ ମଣ୍ଡଳୀର ଦୁଇଟି ବ୍ଲକରେ ପ୍ରତିବାଦ କରିବା ସହ ମୁଖ୍ୟମନ୍ତ୍ରୀଙ୍କ ଚିଠିକୁ ଚିରାଯାଇଛି। ରାଜ୍ୟ ସରକାର ଏହି କେନ୍ଦ୍ରୀୟ ଯୋଜନାକୁ ହଡପ କରିବା ପାଇଁ ରୀତିମତ ଯୋଜନା କରୁଥିବା ସମ୍ପର୍କରେ ଲିଖିତ ଅଭିଯୋଗ କରାଯାଇଛି। ଏହା ସହିତ ବାଣପୁର ଥାନାରେ ମୁଖ୍ୟମନ୍ତ୍ରୀଙ୍କ ବିରୁଦ୍ଧରେ ଆଇପିସି ୪୨୦ ଦଫା ଅନୁଯାୟୀ ମୁକଦମା ରୁଜ୍ଜୁ କରାଯାଇଛି।

ପ୍ରଧାନମନ୍ତ୍ରୀ ଆବାସ ଯୋଜନାର ପ୍ରସ୍ତୁତ ଘରେ ଲାଗୁଥିବା ଫଳକରେ ଖୁବ୍‍ ଛୋଟ ଅକ୍ଷରରେ ପ୍ର.ଆ.ଯୋ ଲେଖିଥିଲା ବେଳେ ଚଞ୍ଚକତା କରି ବିଜୁବାବୁଙ୍କ ଫଟୋ ଲୋଗୋ ସହ ବଡବଡ ଅକ୍ଷରରେ ବିଜୁ ପକ୍କାଘର ଯୋଜନା ଲେଖି ନିର୍ମିତ ଗୃହରେ ଷ୍ଟିକର ମାରୁଥିବା ଅଭିଯୋଗ କରିଛନ୍ତି ଶ୍ରୀ ହରିଚନ୍ଦନ। ଚଞ୍ଚକତା କରି ରାଜ୍ୟ ସରକାର କେନ୍ଦ୍ରୀୟ ଯୋଜନାକୁ ରାଜ୍ୟ ଯୋଜନା ବୋଲି ପ୍ରଚାର କରିବା ସହ ରାଜ୍ୟବାସୀଙ୍କୁ ଏଥିସହିତ ମୁଖ୍ୟମନ୍ତ୍ରୀଙ୍କ ଦସ୍ତଖତ ଥିବା ଏକ ଚିଠି ବାଣ୍ଟୁଛନ୍ତି। ଯେଉଁଥିରେ ପ୍ରଧାନମନ୍ତ୍ରୀ ଆବାସ ଯୋଜନା ବୋଲି ନକରି ସବୁ ପକ୍କାଘର ତାଙ୍କ ସରକାର ଯୋଗାଇ ଦେଇଥିବା ଏକ ମିଥ୍ୟା ବାର୍ତ୍ତା ଦେଇ ରାଜ୍ୟବାସୀଙ୍କୁ ପ୍ରଦାନ କରୁଛନ୍ତି ବୋଲି ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ଅଭିଯୋଗ କରିଛନ୍ତି।

ଏହି ପ୍ରତିବାଦ ରାଲିରେ ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ, ଖୋର୍ଦ୍ଧା ଜିଲ୍ଲା ବିଜେପି ସାଧାରଣ ସମ୍ପାଦକ ଦୁଷ୍ମନ୍ତ ହରିଚନ୍ଦନ, ଖୋର୍ଦ୍ଧା ଜିଲ୍ଲା ବିଜେପି ସମ୍ପାଦକ ବିଦ୍ୟୁତ କୁମାର କାଣ୍ଡି, ଜିଲ୍ଲା ଉପସଭାପତି ବିଜୟ ବିଶ୍ଵାଳ, ଜିଲ୍ଲା ପରିଷଦ ସଭ୍ୟ ସର୍ବେଶ୍ୱର ପ୍ରଧାନ, ମଣ୍ଡଳ ସଭାପତି କୈଳାଶ ବରାଳ, ସୌମ୍ୟରଂଜନ ସାମନ୍ତରାୟ, ଜିତେନ୍ଦ୍ର ଭୋଳ, ଦିଲ୍ଲୀପ ମହାନ୍ତି, ବିଭିନ୍ନ ପଞ୍ଚାୟତ ସରପଞ୍ଚ ରମେଶ ପ୍ରଧାନ, ଦୀପକ ପ୍ରଧାନ, ଅଜୟ ମାର୍ଥା, ଇନ୍ଦୁ ଜାଲି, ସୁଜାତା ବିଶ୍ୱାଳ, ଲକ୍ଷ୍ମୀ ସେଠି, କଳ୍ପନା ଦୈରିଗଞ୍ଜନ ଏବଂ ଦଳର ବହୁ ବରିଷ୍ଠ ନେତା ଓ କର୍ମୀମାନେ ଉକ୍ତ ଦୁଇ ବ୍ଲକ ଆନ୍ଦୋଳନରେ ଯୋଗ ଦେଇଥିଲେ।

Categories
ଆଞ୍ଚଳିକ

ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କ ଉପସ୍ଥିତିରେ ଚିଲିକା ନିର୍ବାଚନମଣ୍ଡଳୀରେ ପ୍ରଶିକ୍ଷଣ ଶିବିର ଅନୁଷ୍ଠିତ

ସୀତାରାମ ଅଗ୍ରୱାଲ

ଚିଲିକା: ଆଜି ଭାରତୀୟ ଜନତା ପାର୍ଟି ଓଡିଶା ପ୍ରଦେଶ ପ୍ରଶିକ୍ଷଣ ବିଭାଗ ତରଫରୁ ଚିଲିକା ବିଧାନସଭା ନିର୍ବାଚନ ମଣ୍ଡଳୀରେ ପୃଥକ ପୃଥକ ଭାବେ ଦୁଇ ଗୋଟି ମଣ୍ଡଳ ସ୍ତରୀୟ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ବିଜେପିର ରାଷ୍ଟ୍ରୀୟ ପ୍ରବକ୍ତା ଡ଼. ସମ୍ବିତ ପାତ୍ରଙ୍କ ଉପସ୍ଥିତିରେ ବାଣପୁର ଏନ.ଏ.ସି ଏବଂ ଚିଲିକା ବ୍ଲକ ନିମାଇଁମଲ୍ଲ ଗାଁରେ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି।

ଉକ୍ତ ପ୍ରଶିକ୍ଷଣ ଶିବିରରେ ଡ଼. ପାତ୍ର ସମସ୍ତ କର୍ମୀଙ୍କୁ ଏକତା, ଏକାଗ୍ରତା ଓ ଏକାତ୍ମ ଭାବ ସହକାରେ କିପରି ଦଳକୁ ସୁଦୃଢ଼ କରାଯାଇପାରିବ ଓ ସମସ୍ତେ କିପରି ନିଜର ଦକ୍ଷତା ପ୍ରତିପାଦନ କରିପାରିବେ ତାହା ଉପରେ ଗୁରୁତ୍ୱ ଆରୋପ କରିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକାଭିମୁଖୀ ଯୋଜନା ବିଷୟରେ ଲୋକଙ୍କୁ ଅବଗତ କରାଇବା ସହ ସେଗୁଡିକୁ ଲୋକଙ୍କ ପାଖରେ ପହଞ୍ଚାଇବା ମୂଳଲକ୍ଷ୍ୟ ବୋଲି ସମସ୍ତଙ୍କୁ ସୂଚିତ କରାଇଥିଲେ।

ଏହି ଶିବିରରେ ରାଜ୍ୟ ବିଜେପି ସାଧରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ଯୋଗଦେଇ ସମସ୍ତ କର୍ମୀ ମାନଙ୍କୁ ଆଗାମୀ ଦିନରେ ଦଳକୁ ମଜଭୁତ କରିବା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଆରମ୍ଭ ହୋଇଥିବା ବିଭିନ୍ନ ଜନମଙ୍ଗଳକାରି ଯୋଜନା ଗୁଡିକର ଲାଭ କିପରି ସାଧାରଣ ଜନତା ଉଠାଇପାରିବେ ତାହା ଉପରେ ପରାମର୍ଶ ଦେଇଥିଲେ।

ଅନ୍ୟାନ୍ୟ ଅତିଥି ଭାବେ ଉକ୍ତ ଶିବିରରେ ବିଜେପି ରାଜ୍ୟ ସମ୍ପାଦିକା ପିଙ୍କି ପ୍ରଧାନ, ଜିଲ୍ଲା ସାଧାରଣ ସମ୍ପାଦକ ଦୁଷ୍ମନ୍ତ ହରିଚନ୍ଦନ, ଜିଲ୍ଲା ସମ୍ପାଦକ ବିଦୁ୍ତ୍ କୁମାର କାଣ୍ଡି, ଜିଲ୍ଲା ଉପସଭାପତି ବିଜୟ ବିଶ୍ଵାଳ, ବାଣପୁର ନଗର ମଣ୍ଡଳ ପରାମର୍ଶଦାତା ଭାସ୍କର ନାୟକ, ସଭାପତି ଭଗବାନ ପ୍ରଧାନ, ସମ୍ପାଦକ ସୁକାନ୍ତ ସାହୁ, ଚିରଞ୍ଜିବି ପରିଡ଼ା, ନନ୍ଦକିଶୋର ମିଶ୍ର, ନଗର ଯୁବମୋର୍ଚ୍ଚା ସଭାପତି ରାଜକିଶୋର ସାହୁ ଆଦି ଉପସ୍ଥିତ ରହିବା ସହ ଶତାଧିକ ପୁରୁଷ ଓ ମହିଳା କର୍ମୀମାନେ ପ୍ରଶିକ୍ଷଣ ଶିବିରରେ ଭାଗନେଇଥିଲେ।

Categories
ଆଞ୍ଚଳିକ

ପାରାଦ୍ବୀପ ବନ୍ଦର ନ୍ୟାସ ଦ୍ବାରା ମତ୍ସଜୀବୀମାନଙ୍କ ତାଲିମ୍‌ କାର୍ଯ୍ୟକ୍ରମ

ସୀତାରାମ ଅଗ୍ରୱାଲ

ଚିଲିକା: ଖୋର୍ଦ୍ଧା ଜିଲ୍ଲା ଚିଲିକା ଠାରେ ପାରାଦ୍ବୀପ ବନ୍ଦର ନ୍ୟାସ ଦ୍ବାରା ମତ୍ସଜୀବୀ ଦକ୍ଷତା ବୃଦ୍ଧି ତାଲିମ ଶିବିର ଅନୁଷ୍ଠିତ ହୋଇଯାଇଛି। ନେଟଫିସ୍‌ ଓ ଏମ୍‌ପିଇଡିଏର ରାଜ୍ୟ ସଂଯୋଜକ ଶୁଭ୍ରକାନ୍ତ ମହାପାତ୍ର ଏବଂ କ୍ଷେତ୍ର  ସଂଯୋଜକ ଜିତେନ୍ଦ୍ରିୟ ନାୟକଙ୍କ ଦ୍ବାରା କୋଭିଡ୍‌ କଟକଣା ଉପରେ ଗୁରୁତ୍ବ ପ୍ରଦାନ କରି ସାମାଜିକ ଦୂରତ୍ବା ରକ୍ଷା କରି ଗତ ନଭେମ୍ବର ୨୦ ତାରିଖ ଦିନ ଅଶୋକ ନଗର ପ୍ରାଥମିକ ମତ୍ସ୍ୟ ସମବାୟ ସମିତି ଲିଃ, ବାଲୁଗାଁ, ୨୪ ତାରିଖ ଦିନ ଘଡେଇ ସାହି (ହାଟବରଡିହ) ପ୍ରାଥମିକ ମତ୍ସ୍ୟ ସମବାୟ ସମିତି ଲିଃ ଏବଂ ୨୫ ତାରିଖ ଦିନ ଗଙ୍ଗାମାତା ପ୍ରାଥମିକ ମହିଳା ମତ୍ସ୍ୟ ସମବାୟ ସମିତି ଲିଃ ଜୟନ୍ତିପୁରଠାରେ ଅନୁଷ୍ଠିତ ହୋଇଯାଇଛି।

ଏଥିରେ ଚିଲିକାର ମତ୍ସ୍ୟ ସମ୍ବଳର ବୃଦ୍ଧି ତତ୍‌ ସହିତ ଡଙ୍ଗା, ଜାଲ ଏବଂ ବରଫ ବାକ୍ସ ସଫା ସୁତୁରା ଉପରେ ବିଶେଷ ଗୁରୁତ୍ବ ଆରୋପ କରାଯାଇଥିଲା। ଉକ୍ତ କାର୍ଯ୍ୟକ୍ରମକୁ ପଲ୍ଲୀଶ୍ରୀ ସ୍ବେଚ୍ଛାସେବୀ ଅନୁଷ୍ଠାନ ତରଫରୁ ଡବ୍ଲୁ କାଶୀନାଥ, ସନ୍ତୋଷ କୁମାର ଜେନା, ଦାଶରଥୀ କର ସହଯୋଗ କରିଥିଲେ।

Categories
ଅପରାଧ ଆଜିର ଖବର ଆଞ୍ଚଳିକ

ଚିଲିକାରେ ମାଛ ଧରୁଥିବାବେଳେ ଡ଼ଙ୍ଗାରୁ ଖସିପଡ଼ି ଧୀବରଙ୍କ ମୃତ୍ୟୁ

ବାଣପୁର, ଆଜି ମଧ୍ୟାହ୍ନରେ ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ କୁମାଣ୍ଡଳ ଗ୍ରାମର ସାମନ୍ତରାୟପୁର ରେ ଘଟିଯାଇଛି ଏକ ଦୁଃଖଦ ଘଟଣା। ମାଛ ଧରିବାକୁ ଯାଇଥିବାବେଳେ ଡ଼ଙ୍ଗାରୁ ଖସିପଡି ଜଣେ ଧୀବରଙ୍କ ମୃତ୍ୟୁ ଘଟିଛି। ମୃତ ଧୀବର ଜଣକ ହେଲେ ଗଣେଶ ଘଡ଼ାଇ, ତାଙ୍କର ବୟସ 58 ବର୍ଷ।

ସୂଚନା ମୁତାବକ ଗଣେଶ ଆଜି ମଧ୍ୟାହ୍ନ ରେ ମାଛ ଧରିବା ପାଈଁ ଚିଲିକା ଯାଇଥିବାବେଳେ ଅସାବଧାନତା ବଶତଃ ଡ଼ଙ୍ଗାରୁ ଖସିପଡି ପାଣିରେ ବୁଡ଼ିଯାଇଥିଲେ। ଅନ୍ୟ ସହଯୋଗୀ ତାଙ୍କୁ ପାଣିରୁ ଉଦ୍ଧାର କରି ବାଲୁଗାଁ ମେଡିକାଲ କୁ ନେଇଥିବାବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।

ଖବର ପାଇ ନାଚୁଣୀ ଫାଣ୍ଡି ଅଧିକାରୀ ଉମାକାନ୍ତ ସାହୁ ମେଡ଼ିକାଲରେ ପହଁଚି ଶବ ଜବତ କରି କେସ ନମ୍ବର ୨୯/୨୦ ରେ ଏକ ଅପମୃତ୍ୟ ମାମଲା ରୁଜୁକରି ଶବ ବ୍ୟବଛେଦ ପାଈଁ ବାଣପୁର ମେଡିକାଲକୁ ପଠେଇଦେଇଛନ୍ତି ।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

କାର୍ଯ୍ୟାନୁଷ୍ଠାନ ଭୟରେ ଚିଲିକାରେ ରାତିଅଧିଆ ରାସ୍ତା କାମ କଲେ ଜିଆରଏସ୍‌

ସୀତାରାମ ଅଗ୍ରଓ୍ବାଲ

ଚିଲିକା: କାର୍ଯ୍ୟାନୁଷ୍ଠାନ ଭୟରେ ରାତାରାତି ଅନ୍ଧାରରେ କାମ ସାରିଦେଲେ। ଏଠି ଆମେ କହୁଛୁ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ହରିପୁର ପଞ୍ଚାୟତ ଅନ୍ତର୍ଗତ ପରବଳ ଗ୍ରାମ କଥା। ପରବଳ ଅଙ୍ଗନବାଡି କେନ୍ଦ୍ରରୁ ମା ଉତ୍ତରାୟିଣି ମନ୍ଦିର ଯାଏଁ ଅନୁମୋଦିତ ହୋଇଥିବା ମୋରମ ରୋଡ଼ ପାଇଁ ଆସିଥିବା ୨ ଲକ୍ଷ ଅର୍ଥରାଶିରୁ କିପରି ବିନା କାମରେ ୭୬ ହଜାର ୭୯୭ ଟଙ୍କା ଉଠାଯାଇଛି ତାହା ପ୍ରମାଣ ସହ ଗତ ଦୁଇଦିନ ତଳେ ସମୀକ୍ଷା ସମେତ ଅନ୍ୟ ଗଣମାଧ୍ୟମରେ ଏନେଇ ଏକ ଖବର ପ୍ରସାରଣ କରାଯାଇଥିଲା।

ଖବର ପ୍ରସାରିତ ହେବାପରେ ଜିଲ୍ଲା ପ୍ରଶାସନର କାର୍ଯ୍ୟାନୁଷ୍ଠାନ ଭୟରେ ଜନୈକ ଜି.ଆର.ଏସ ଦୁଇ ରାତି ହେଲା ଲୁଚା ଚୋରାରେ ଉକ୍ତ ରୋଡରେ ଜେସିବି ଏବଂ ଟ୍ରାକ୍ଟର ଦ୍ୱାରା ମାଟିପକାଉଥିବାର ସୂଚନା ମିଳିଛି। ତେବେ ଆମ ପ୍ରତିନଧି ଗତକାଲି ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଦିଗନ୍ତ ରାଉତଙ୍କୁ ଏ ଉପରେ ହୋଇଥିବା କାର୍ଯ୍ୟାନୁଷ୍ଠାନ ବିଷୟରେ ପଚାରିବାରୁ ଆଜି ସମ୍ପୃକ୍ତ ସ୍ଥଳ ପରିଦର୍ଶନ ପାଇଁ ତଦନ୍ତକାରୀ ଦଳ ହରିପୁର ପଞ୍ଚାୟତ ଆସିବେ ବୋଲି ସୂଚନା ଦେଇଥିଲେ।

ଅପରପକ୍ଷରେ ତଦନ୍ତକାରୀ ଦଳ ଆସିବା ପୂର୍ବରୁ ଚୋରାରେ ସମ୍ପୃକ୍ତ ରୋଡ଼ରେ ମାଟି ପକାଇ ସରକାରଙ୍କ ସମ୍ମୁଖରେ ଭଦ୍ର ସାଜିବାକୁ ପାରୁପର୍ଯ୍ୟନ୍ତ ଚେଷ୍ଟା ଚଳାଇଛନ୍ତି ଜି.ଆର.ଏସ ସନ୍ତୋଷ ଜେନା। ତେବେ ଦୁର୍ନୀତି ସମ୍ପର୍କରେ ଖବର ପ୍ରସାରଣ ହେବା ପରେ ଜିଆରଏସ୍‌ ମହୋଦୟ କାର୍ଯ୍ୟ କରିବା ପାଇଁ ତତ୍ପର ହେବା ଭଲ କଥା। କିନ୍ତୁ ଦୁର୍ନୀତିକୁ ଲୁଚାଇବାକୁ ଯାଇ ଆଉ ଏକ ଦୁର୍ନୀତି କରିବା ବଡ଼ ଅପରାଧ। ଜିଆରଏସ୍‌ ମହୋଦୟ ନିଜ କର୍ତ୍ତବ୍ୟକୁ ବୁଝି ଦାୟିତ୍ବ ସମ୍ପାଦନ କରିବା ଉଚିତ୍‌।

ଅପରପକ୍ଷରେ ତଦନ୍ତକାରୀ ଦଳ ଅଥବା ପିଡି ମହୋଦୟ ସମ୍ପୃକ୍ତ କାମକୁ ସଠିକ୍‌ ଭାବରେ ଅନୁସନ୍ଧାନ କରି ସତ୍ୟକୁ ସାମ୍ନାକୁ ଆଣିବେ ବୋଲି ଆମର ଆଶା। ଖୋର୍ଦ୍ଧା ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ଏବଂ ଜିଲ୍ଲାପାଳ ମହୋଦୟ ଉକ୍ତ କାର୍ଯ୍ୟର ପୁଙ୍ଖାନୁପୁଙ୍ଖ ତଦନ୍ତ କରିବା ସହ ଅଭିଯୁକ୍ତଙ୍କୁ ଦଣ୍ଡ ଦେବେ ବୋଲି ସ୍ଥାନୀୟବାସୀ ଆଶା ପ୍ରକଟ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ଦୀର୍ଘ ସାତ ମାସ ପରେ ପର୍ଯ୍ୟଟକଙ୍କ ପାଇଁ ଚିଲିକାରେ ଚାଲିଲା ଡଙ୍ଗା

ସୀତାରାମ ଅଗ୍ରଓ୍ବାଲ

ବାଲୁଗାଁ : କରୋନାକୁ ଦୃଷ୍ଟିରେ ରଖି ସାରା ରାଜ୍ୟରେ ଲକ୍‌ଡାଉନ୍‌ ଜାରି ରହିଥିବାବେଳେ ରାଜ୍ୟର ପର୍ଯ୍ୟଟନ ସ୍ଥଳୀଗୁଡିକ ବନ୍ଦ ରହିଥିଲା। କରୋନା ସଂକ୍ରମଣ ହ୍ରାସକୁ ଦେଖି ସାରା ଦେଶରେ ଅନଲକ୍‌ ପ୍ରକ୍ରିୟା ଚାଲିଛି । ଏହି ପ୍ରକ୍ରିୟାରେ ରାଜ୍ୟର ସମସ୍ତ ପର୍ଯ୍ୟଟନସ୍ଥଳୀଗୁଡିକୁ ଖୋଲିବା ପାଇଁ ଅନୁମତି ପ୍ରଦାନ କରାଯାଇଛି ।

ଦୀର୍ଘ ସାତ ମାସରେ ପର୍ଯ୍ୟଟକଙ୍କ ପାଇଁ ଚିଲିକାରେ ପୁଣି ଥରେ ନୌକା ବିହାର ପାଇଁ ବାଟ ଫିଟିଛି । ତେବେ ପର୍ଯ୍ୟଟକଙ୍କ ପାଇଁ ଡଙ୍ଗା ଚଳାଚଳ ପାଇଁ ଖୋର୍ଦ୍ଧା ଜିଲ୍ଲାପାଳ ସର୍ତ୍ତମୂଳକ ଅନୁମତି ଦେଇଥିବାର ସୂଚନା ରହିଛି । ସର୍ତ୍ତ ଅନୁଯାୟୀ ପ୍ରତ୍ୟେକ ଡଙ୍ଗାରେ ସର୍ବାଧିକ ନଅ ଜଣ ବ୍ୟକ୍ତିଙ୍କ ଯିବା ଲାଗି ଅନୁମତି ରହିଥିବାବେଳେ କୋଭିଡ୍‌ ଗାଇଡଲାଇନ୍‌କୁ କଡାକଡି ପାଳନ କରିବାକୁ ନିର୍ଦ୍ଦେଶ ରହିଛି । କୋଭିଡ୍‌ ନିୟମ ପାଳନ କରି ପର୍ଯ୍ୟଟକଙ୍କୁ ଡଙ୍ଗାରେ ନେବା ପାଇଁ ନିର୍ଦ୍ଦେଶ ରହିଥିବାବେଳେ ଏହି ନିୟମ ଉଲ୍ଳଂଘନ କଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ରହିଛି । ଆଜି ଦିବା ଦଶ ଘଟିକାରେ ଚିଲିକା କୂଳରୁ ପର୍ଯ୍ୟଟକଙ୍କ ପାଇଁ ଡଙ୍ଗା ଚଳାଚଳ ଆରମ୍ଭ ହୋଇଛି ।

ଉକ୍ତ ସମୟରେ ମା’ କାଳିଜାଇ ମୋଟର ବୋଟ୍‌ ଆସୋସିଏସନ୍, ବାଲୁଗାଁ‌ର ସଭାପତି ଲକ୍ଷ୍ମୀଧର ତରେଇ, ସମ୍ପାଦକ କୃଷ୍ଣଚନ୍ଦ୍ର ବେହେରା, ଉପସଭାପତି ତରଣୀ ବଳବନ୍ତରାୟ ଏବଂ ଅନ୍ୟ କର୍ମକର୍ତ୍ତାମାନେ ଉପସ୍ଥିତ ଥିଲେ ।  ସୂଚନା ଥାଉ କି, ବାରମ୍ବାର ଉକ୍ତ ସଂଘ ଦ୍ବାରା ଜିଲ୍ଲାପାଳଙ୍କୁ ଡଙ୍ଗା ଚଳାଚଳ ପାଇଁ ଅନୁରୋଧ କରାଯାଇଥିଲା  । ଏହି ପରିପ୍ରେକ୍ଷୀରେ ଜିଲ୍ଲାପାଳ  ଗତ 15 ତାରିଖରୁ କୋଭିଡ୍‌ ଗାଇଡଲାଇନ ଅନୁଯାୟୀ ଚିଲିକାରେ ଡଙ୍ଗା ଚଳାଚଳକୁ ଅନୁମତି ପ୍ରଦାନ କରିଥିବାବେଳେ  ପ୍ରତିକୂଳ ପାଗ ଯୋଗୁଁ ଆଜିଠାରୁ ଚିଲିକାରେ ଡଙ୍ଗା ଚଳାଚଳ ଆରମ୍ଭ ହୋଇଛି ।

Categories
ଆଞ୍ଚଳିକ

ଚିଲିକା ତହସିଲଦାର ଏବଂ ଟିମ ଦ୍ୱାରା କଡ଼ା କୋଭିଡ ପାଟ୍ରୋଲିଂ: ଦିନକରେ ରେକର୍ଡ଼ ଏକୋଇଶି ହଜାର ଜରିମାନା ଆଦାୟ

ସୀତାରାମ ଅଗ୍ରଓ୍ବାଲ

ଚିଲିକା: କରୋନା ମହାମାରୀ ଦିନକୁ ଦିନ ଖୋର୍ଦ୍ଧା ଜିଲ୍ଲା ଅନ୍ତର୍ଗତ  ଚିଲିକା ନିର୍ବାଚନମଣ୍ଡଳୀରେ କମି କମି ଯାଉଛି। ବିଶେଷତଃ ବାଲୁଗାଁ ସହର ଏବଂ ଚିଲିକା ବ୍ଲକର କିଛି ପଞ୍ଚାୟତ ଗଞ୍ଜାମ ଜିଲ୍ଲାର ସୀମାନ୍ତ ଅଞ୍ଚଳ ହୋଇଥିବାସ୍ଥଳେ ଏହାକୁ ବେଶ ଧ୍ୟାନ ଦେଉଛି ଉଭୟ ସ୍ଥାନୀୟ ଏବଂ ଜିଲ୍ଲା ପ୍ରଶାସନ। ଗତକାଲି ସୁଦ୍ଧା ବାଲୁଗାଁ ଏନ.ଏ.ସି ରେ ୩୨ ଗୋଟି କୋଭିଡ ଆକ୍ଟିଭ କେସ ଥିବାବେଳେ ଚିଲିକା ବ୍ଲକରେ ୨୫ ଗୋଟି କୋଭିଡ କେସ ଆକ୍ଟିଭ ଅଛି। ତଥାପି ଖୋର୍ଦ୍ଧା ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଚିଲିକା ବ୍ଲକ ଏବଂ ବାଲୁଗାଁ ଏନ.ଏ.ସି ରେ ଅକ୍ଟୋବର ୩୧ ସୁଦ୍ଧା ଶୂନ କୋଭିଡ କେସ କରିବା ପାଇଁ ଲାଗିପଡିଛନ୍ତି ସ୍ଥାନୀୟ ପ୍ରଶାସନ।

ଏହି ପରିପ୍ରେକ୍ଷୀରେ ନିକଟରେ କୋଭିଡରେ ଆକ୍ରାନ୍ତ ହୋଇ ସୁସ୍ଥ ହୋଇଥିବା ଆଗ ଧାଡ଼ିର କରୋନା ଯୋଦ୍ଧା ତଥା ଚିଲିକା ତହସିଲଦାର ଡ଼ା ପୁନମ ମହାପାତ୍ରଙ୍କ ନେତୃତ୍ୱରେ ଆଜି ଏକ ବିଶାଳ ଏନ୍ଫୋର୍ସମେଣ୍ଟ ଟିମ ଗଠନ ହୋଇଥିଲା ଯେଉଁଥିରେ ଚିଲିକାରେ କୋଭିଡ ମନିଟରିଂ ପାଇଁ ସ୍ୱତନ୍ତ୍ର ଭାବେ ସରକାରଙ୍କ ଦ୍ୱାରା ନିଯୁକ୍ତି ହୋଇଥିବା ଟି.ଆର.ଓ ସାଗର ପାଲୋ, ବାଲୁଗାଁ ଏନ.ଏ.ସି କାର୍ଯ୍ୟନିର୍ବାହୀ ଅଧିକାରୀ ଆକୃତି ଗୋଏଙ୍କା , ତହସିଲ କର୍ମଚାରୀ, ଏନ.ଏ.ସି କର୍ମଚାରୀ ଏବଂ ବାଲୁଗାଁ  ପୋଲିସ ପ୍ରମୂଖ ସାମିଲ ଥିଲେ। ଉକ୍ତ ଟିମ ବାଲୁଗାଁ ଏନ.ଏ.ସି ସମେତ ବଡକୁଳ,ଡୁଙ୍ଗମାଳ ଏବଂ ନାଭାଲ ଛକ ବଜାର ଆଦି ସ୍ଥାନରେ କଡ଼ାକଡ଼ି କୋଭିଡ ଗାଇଡ଼ଲାଇନ ତଦାରଖ କରିଥିଲେ। ଏହି ସମୟରେ କେତେକ ଜାଗାରେ ଭିଡ଼ ପରିଲକ୍ଷିତ ହେବା ସହ କେତେ ଜଣ ଅମାନିଆ ମାସ୍କ ପିନ୍ଧିନଥିଲେ। ସ୍ଥାନୀୟ  ପ୍ରଶାସନ ସେମାନଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ସ୍ୱରୂପ  ଏକୋଇଶି ହଜାର ଟଙ୍କା ଜରିମାନା ଆଦାୟ କରିଥିଲା ଯାହା ଚିଲିକା ଏବଂ ବାଲୁଗାଁ ଅଞ୍ଚଳରେ ଦିନିକିଆ ସର୍ବକାଳୀନ ରେକର୍ଡ ପରିମାଣର ଜରିମାନା।

ଅନ୍ୟପକ୍ଷରେ ତହସିଲଦାର ମହୋଦୟା କରୋନା ସଚେତନତା ବାର୍ତ୍ତା ଦେଇକହିଥିଲେ ଯେ, ଏହି କରୋନା ମହାମାରୀ କବଳରୁ ନିଜକୁ ଏବଂ ନିଜ ପରିବାରକୁ ବଞ୍ଚାଇବାକୁ ହେଲେ ଆମ ସମସ୍ତଙ୍କୁ କୋଭିଡ଼ ନିୟମକୁ ମାନି ଚାଲିବାକୁ ପଡିବ। ଏହା ସହିତ ଯେ ପର୍ଯ୍ୟନ୍ତ କରୋନା ଟୀକା କିମ୍ବା ଔଷଧ ତିଆରି ହୋଇନି ସେପର୍ଯ୍ୟନ୍ତ ଆମକୁ ଏହି ସବୁ କଟକଣା ତଥା ମାସ୍କ ପରିଧାନ ଏବଂ ସାମାଜିକ ଦୁରତ୍ଵ ସହିତ ଅଭ୍ୟସ୍ତ ହେବାକୁ ପଡିବ। ଆଜିର ଏହି ଏନ୍ଫୋର୍ସମେଣ୍ଟ ଦ୍ୱାରା ବାଲୁଗାଁ ସହର ସହ ସମସ୍ତ ଚିଲିକାବାସୀ କୋଭିଡ ମହାମାରୀକୁ ନେଇ ଆହୁରି ସଚେତନ ଓ ସତର୍କ  ହୋଇଥିବା ଏବଂ ଅମାନିଆମାନଙ୍କ ମନରେ ଛନକା ପଶିଥିବା ପରିଲକ୍ଷିତ ହୋଇଛି।

Categories
ଆଜିର ଖବର ରାଜ୍ୟ ଖବର

ଚିଲିକା କୁମାଣ୍ଡଳ ଗ୍ରାମରେ ବିଦ୍ୟୁତ ଟ୍ରାନ୍ସଫର୍ମର ଚୋରି କଲାବେଳେ ଧରା ପଡ଼ି ଜେଲ ଗଲେ ଦୁର୍ବୃତ୍ତ

ସୀତାରାମ ଅଗ୍ରଓ୍ବାଲ

ଚିଲିକା: ଚିଲିକା ବ୍ଲକ କୁମାଣ୍ଡଳ ଗ୍ରାମରେ ଗତକାଲି ରାତିରେ ୪ ଜଣ ଦୁର୍ବୃତ୍ତ ଗୋଟାଏ ୧୬ କେଭି ଟ୍ରାନ୍ସଫର୍ମରକୁ ଚୋରି କରି ନେଇ ଅନ୍ୟ ଏକ ଟ୍ରାନ୍ସଫର୍ମରକୁ ଚୋରି କଲା ବେଳେ ଲୋକଙ୍କ ହାତରେ ଧରାପଡିଛନ୍ତି।

ମିଳିଥିବା ସୂଚନା ଅନୁସାରେ ଗତ କାଲି ରାତିରେ  ବର୍ଷାର ସୁଯୋଗ ନେଇ ଚାରି ଜଣ ଦୁର୍ବୃତ୍ତ  ବିଦ୍ୟୁତ ଖୁଣ୍ଟରେ ଚଢି ଦୁଇ ଗୋଟି ଟ୍ରାନ୍ସଫର୍ମରର ବିଦ୍ୟୁତ  ସଂଯୋଗ କାଟି ଦେଇଥିଲେ। ଗୋଟିଏ  ଟ୍ରାନ୍ସଫର୍ମରକୁ ଚୋରି କରିବା ପରେ ପରବର୍ତ୍ତୀ ଟ୍ରାନ୍ସଫର୍ମରକୁ  ଚୋରି କରି ନେବାକୁ ଉଦ୍ୟତ ହେଉଥିବାବେଳେ କିଛି ଗ୍ରାମବାସୀଙ୍କ ହାବୁଡରେ ଏହି ଦୁର୍ବୃତ୍ତମାନେ  ପଡିଥିଲେ। ହେଲେ ଘଟଣାସ୍ଥଳରୁ ତିନିଜଣ ଖସିଯିବାରେ ସକ୍ଷମ ହୋଇଥିବାବେଳେ ଜଣକୁ ଗ୍ରାମବାସୀମାନେ ଧରି ବିଦ୍ୟୁତ ବିଭାଗକୁ ହସ୍ତାନ୍ତର କରିଛନ୍ତି।

ଏ ସଂପର୍କରେ ଖବର ପାଇ ଟି.ପି.ସି.ଓ.ଡ଼ି.ଏଲ ବାଲୁଗାଁ ସବ୍‌ ଡିଭିଜନ୍‌ କନିଷ୍ଠ ଯନ୍ତ୍ରୀ ପ୍ରଭାତ କୁମାର ସାହୁ ଗ୍ରାମରେ ପହଞ୍ଚି ଦୁର୍ବୃତ୍ତକୁ ଆଣି ବାଣପୁର ମେଡିକାଲରେ ପ୍ରାଥମିକ ସ୍ୱାସ୍ଥ୍ୟ ଯାଞ୍ଚ କରି ବାଣପୁର ଥାନାରେ ଜିମା ଦେଇଛନ୍ତି। ଅଭିଯୁକ୍ତ ଜଣକ  ନିଲୁ ନାୟକ ଓ ତାଙ୍କ ଘର ଟାଙ୍ଗୀ ଥାନା ଅନ୍ତର୍ଗତ ପାରିଓରଡ ଗ୍ରାମ ବୋଲି ଜଣାପଡିଛି। ହେଲେ ବାଣପୁର ପୋଲିସ ଏ ବାବଦରେ କେସ ନମ୍ବର ୩୨୦/୨୦ ରେ ଏକ  ଚୋରି କେସ ରୁଜୁ କରି ତଦନ୍ତ ଜାରିରଖିଛି।