Categories
ଆଜିର ଖବର ଜାତୀୟ ଖବର

ସୁରଟରେ କାରରୁ ମିଳିଲା ୭୫ ଲକ୍ଷ ଟଙ୍କା: ସିସିଟିଭିରେ ଧରାପଡିଲେ କଂଗ୍ରେସ ନେତା

ସୁରଟ: ସୁରଟରେ ୭୫ ଲକ୍ଷ ଟଙ୍କା ନଗଦ ଜବତ ମାମଲାରେ ଏକ ବଡ ଖବର ଆସୁଛି। ସିସିଟିଭି ଫୁଟେଜରେ କଂଗ୍ରେସ ନେତା ସନ୍ଦୀପ ନହର ଦେଖିବାକୁ ମିଳିଛନ୍ତି। ଏହି ଭିଡିଓରେ ସେ ପଛକୁ ଚାହିଁ ଦୌଡୁଥିବା ନଜର ଆସିଛନ୍ତି। ଏହି ଘଟଣା ନିକଟରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି। ସୂଚନା ଅନୁଯାୟୀ ଜବତ କାରରୁ ବିଏମ ସନ୍ଦୀପଙ୍କ ଆଧାର କାର୍ଡ ମଧ୍ୟ ଜବତ କରାଯାଇଛି।

Categories
ଅପରାଧ ଆଜିର ଖବର ଜାତୀୟ ଖବର

ଗୁଜୁରାଟର ସୁରଟରେ ଆମ୍ବୁଲାନ୍ସରୁ ୨୫.୮୦ କୋଟି ମୂଲ୍ୟର ନକଲି ନୋଟ୍ ଜବତ

ସୁରଟ: ଗୁଜୁରାଟର ସୁରଟ ଜିଲ୍ଲାର ଏକ ଆମ୍ବୁଲାନ୍ସରୁ ୨୫.୮ କୋଟି ଟଙ୍କା ମୂଲ୍ୟର ନକଲି ନୋଟ ଜବତ କରିଛି ପୋଲିସ। ଜଣେ ଅଧିକାରୀ ଶୁକ୍ରବାର ଦିନ ଏହି ସୂଚନା ଦେଇଛନ୍ତି। ଏହି ନକଲି ନୋଟଗୁଡ଼ିକୁ ଚଳଚ୍ଚିତ୍ରରେ ବ୍ୟବହାର ପାଇଁ ମୁମ୍ବାଇକୁ ନିଆଯାଉଥିବା ପୋଲିସ କହିଛି। ପୋଲିସ ଅଧୀକ୍ଷକ (ସୁରଟ ଗ୍ରାମୀଣ) ହିତେଶ ଜୋଏସର କହିଛନ୍ତି ଯେ, ନକଲି ଭାରତୀୟ ମୁଦ୍ରାର ଏକ ସାମଗ୍ରୀ ଆମ୍ବୁଲାନ୍ସ ମାଧ୍ୟମରେ କାମରେଜ ପୋଲିସ ଷ୍ଟେସନ ଅଞ୍ଚଳ ଦେଇ ଯିବ ବୋଲି ସୂଚନା ମିଳିଥିଲା। ଏହି ସୂଚନା ପରେ ସ୍ଥାନୀୟ ପୋଲିସ ଗୁରୁବାର ଏକ ଚେକପଏଣ୍ଟରେ ଗାଡିଟିକୁ ଅଟକାଇ ୬ ଟି ବ୍ୟାଗରେ ୨୦୦୦ ଟଙ୍କା ନୋଟ୍ ଜବତ କରିଥିଲା।

ସେ କହିଛନ୍ତି ଯେ, ପ୍ରତ୍ୟେକ ନୋଟରେ ‘ରିଭର୍ସ ବ୍ୟାଙ୍କ ଅଫ୍ ଇଣ୍ଡିଆ’ ଏବଂ ‘ଫିଲ୍ମରେ ବ୍ୟବହାର ପାଇଁ’ ମୁଦ୍ରିତ ହୋଇଛି। ସେ କହିଛନ୍ତି ଯେ ଆରବିଆଇ ନିର୍ଦ୍ଦେଶାବଳୀ ଅନୁଯାୟୀ ଏହି ନୋଟଗୁଡ଼ିକୁ ନକଲି ମୁଦ୍ରା ଭାବରେ ବ୍ୟବହାର କରାଯାଇପାରିବ କି ନାହିଁ ତାହା ଯାଞ୍ଚ କରିବା ପାଇଁ ଏକ ଦଳ ଗଠନ କରାଯାଇଛି।

ଏସପି କହିଛନ୍ତି ଯେ ଆମ୍ବୁଲାନ୍ସ ଡ୍ରାଇଭରକୁ ଅଟକ ରଖାଯାଇଛି। ଏବଂ ତାଙ୍କ ନାମରେ ଏପର୍ଯ୍ୟନ୍ତ କୌଣସି ଏଫଆଇଆର ପଞ୍ଜିକୃତ ହୋଇନାହିଁ।

Categories
ଅପରାଧ ଆଜିର ଖବର ଜାତୀୟ ଖବର

ସୁରଟରେ ବଡ ଦୁର୍ଘଟଣା, ରାସ୍ତାରେ ଶୋଇଥିବା ଶ୍ରମିକଙ୍କ ଉପରେ ମାଡିଗଲା ଟ୍ରକ, 13 ମୃତ୍ୟୁ

ସୁରଟ, ଗୁଜୁରାଟର ବ୍ୟବସାୟିକ ସହର ସୁରଟରେ ଘଟିଯାଇଛି ଏକ ଦୁଃଖଦ ଘଟଣା। ସୁରଟ ସହରର କିମଚାର ରାସ୍ତାର ଫୁଟଫାଥରେ ଶୋଇଥିବା ଶ୍ରମିକଙ୍କ ଉପରକୁ ଏକ ଟ୍ରକ ମାଡିଯାଇଥିଲା। ଫଳରେ ଘଟଣା ସ୍ଥଳରେ 13 ଜଣଙ୍କର ମୃତ୍ୟୁ ହୋଇଥିବା ବେଳେ 5 ଜଣ ଗୁରୁତର ଅଛନ୍ତି। ସେମାନଙ୍କୁ ସ୍ଥାନୀୟ ହସପିଟାଲରେ ଭର୍ତ୍ତି କରାଯାଇଛି। ସମସ୍ତଙ୍କର ଘର ରାଜସ୍ଥାନର ବୋଲି ଜଣାପଡିଛି।

ଘଟଣାରୁ ପ୍ରକାଶ ଯେ, ଗତାକାଲି ରାତିରେ ଫୁଟଫାଥରେ ପ୍ରାୟ 18 ଜଣ ଶ୍ରମିକ ଶୋଇଥିଲେ। ସେହି ରାସ୍ତାରେ ଏକ ଟ୍ରକ ସହିତ ଟ୍ରାକ୍ଟରର ଧକ୍କା ହୋଇଥିଲା। ଫଳରେ ଟ୍ରକ ଡ୍ରାଇଭର ନିୟନ୍ତ୍ରଣ ହରାଇ ରାସ୍ତାରେ ଶୋଇଥିବା ଶ୍ରମିକଙ୍କ ଉପରକୁ ମାଡିଯାଇଥିଲା। ଏହି ଘଟଣା ଜଣାପଡିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି।

Categories
ଆଜିର ଖବର ଜାତୀୟ ଖବର ଜୀବନ ଶୈଳୀ

ସୁନା ପରେ ଏବେ ହୀରା ଖଚିତ ମାସ୍କ, ଦାମ୍ 2 ଲକ୍ଷ, ଜାଣନ୍ତୁ କିଏ ସେ କିଣିଲା ହୀରା ମାସ୍କ

ସୁରଟ, କୋଭିଡ ସାରା ବିଶ୍ବବାସୀଙ୍କ ନିଦ ହଜାଇ ଦେଇଥିବା ବେଳେ କିଛି ଲୋକ ନିଜ ନିଜ ସଉକ ପାଇଁ ଏଥିରୁ ବେଶ ମଜା ଉଠାଉଛନ୍ତି। ମଜା ବି ଏମିତି ସେମିତି ନୁହେଁ। ଏ ବାବଦରେ ଖର୍ଚ୍ଚ କରୁଛନ୍ତି ଲକ୍ଷ ଲକ୍ଷ ଟଙ୍କା। ଆମେ କହୁଛୁ କରୋନା ଭୂତାଣୁ ରୋକିବା ପାଇଁ ଲୋକେ ପିନ୍ଧୁଥିବା ମାସ୍କ କଥା। କେହି କେବେ ଭାବି ନଥିଲେ ଯେ ଲୋକଙ୍କ ଆଲମିରାରେ ସ୍ଥାନ ପାଇବ ସୁନା ଅଳଙ୍କାର ପରି ସୁନାରୂପା ଓ ହୀରରେ ତିଆରି ମାସ୍କ।

ଆପଣ ବଜାରରେ କେତେ ଟଙ୍କା ଦେଇ ମାସ୍କ କିଣି ପାରିବେ। ଅତି ବେଶୀ ହେଲେ ଶହେ କିମ୍ବା ଦୁଇଶହ ଟଙ୍କା ହେଲେ ଅଧିକ ହୋଇଯିବ । କିନ୍ତୁ ଳୋକ ଏମିତି ବି ଅଛି ତାହା ଜାଣିଲେ ଆପଣ ନିଶ୍ଚିତ ଆଶ୍ଚର୍ଯ୍ୟ ହୋଇଯିବେ। କିଛି ଦିନ ତଳେ ଜଣେ ପୁଣେର ଜଣେ ଲୋକ ସୁନା ମାସ୍କ ପିନ୍ଧି ବେଶ୍ ଚର୍ଚ୍ଚାକୁ ଆସିଥିଲେ। ଏବେ ପୁଣେ ପରେ ସୁରଟ।

କରୋନା ମହାମାରୀ ସମସ୍ତଙ୍କୁ ବିଚଳିତ କରି ରଖିଥିବା ବେଳେ ସୁରଟର ଜଣେ ହୀରା ବ୍ୟବସାୟୀଙ୍କ ନିକଟକୁ ଆସିଥିଲେ ବିବାହ କରିବାକୁ ଯାଉଥିବା ଦମ୍ପତି। ବରାଦ ଦେଇଥିଲେ ହୀରାରେ ତିଆରି ମାସ୍କ ପାଇଁ। ପରେ ଆସି ତାଙ୍କଠାରୁ କିଣିଥିଲେ ହୀରା ଖଚିତ ମାସ୍କ । ଯାହାର ଦାମ ରହିଛି ପ୍ରାୟ ଏକ ଲକ୍ଷ ୪୦ ହଜାରରୁ ୨ ଲକ୍ଷ ଟଙ୍କା । ଦମ୍ପତିଙ୍କ ଚାହିଦା ଅନୁସାରେ ସୁରଟର ହୀରା ବ୍ୟବସାୟୀ ତିଆରି କରିଛନ୍ତି ହୀରା ଖଚିତ ମାସ୍କ । ଏହା ଦେଖିବାକୁ ଠିକ୍ ମାସ୍କ ଭଳି । କିନ୍ତୁ ତା’ ଉପରେ ସଜେଇ ହୋଇଛି ହୀରା ।

ତେବେ ଏହା ଆଗରୁ ପୁନେର ଜଣେ ବ୍ୟକ୍ତି ସୁନାର ଏକ ମାସ୍କ ତିଆରି କରି ପିନ୍ଧିଥିଳେ, ଯାହାର ଦାମ୍ ଏହି ହୀରା ଖଚିତ ମାସ୍କ ଠାରୁ ଅଧିକ ରହିଥିଲା । ସୁନା ମାସ୍କର ଦାମ୍ ଥିଲା ୨ ଲକ୍ଷ ୮୯ ହଜାର ଟଙ୍କା । ଦିନକୁ ଦିନ କରୋନା ମହାମାରୀ ବ୍ୟାପିଥିବା ବେଳେ ସମସ୍ତଙ୍କ ମଧ୍ୟରେ ମାସ୍କ ବ୍ୟବହାର ନେଇ ସଚେତନତା ମଧ୍ୟ ବଢୁଛି । ଏହାରି ମଧ୍ୟରେ ଦିନକୁ ଦିନ ବିଭିନ୍ନ ଡିଜାଇନର ଦାମୀ ମାସ୍କ ସବୁ ବଜାରକୁ ଆସୁଛି । ଏହାକୁ ଦୃଷ୍ଟିରେ ରଖି ଫାସନ୍ ଡିଜାଇନରମ‌ାନେ ଆକର୍ଷଣୀୟ ଡିଜାଇନର ମ‌ାସ୍କ ପିନ୍ଧିବାରେ ଲାଗି ପଡ଼ିଛନ୍ତି।