Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ପ୍ରାୟ ୧୦୦ କୋଟି ଟଙ୍କାର ଋଣ ଜାଲିଆତି କରିଛନ୍ତି ସୌମ୍ୟରଂଜନ ପଟ୍ଟନାୟକ; ଲେନିନ ମହାନ୍ତି

ଭୁବନେଶ୍ବର: ସମ୍ବାଦ ସଂପାଦକ ସୌମ୍ୟରଂଜନ ପଟ୍ଟନାୟକ କୋଟିଏ କି ଦୁଇ କୋଟି ନୁହେଁ। ପ୍ରାୟ ୧୦୦ କୋଟି ଟଙ୍କାର ଋଣ ଜାଲିଆତି କରିଛନ୍ତି। ସେ ପ୍ରାୟ ୩୦୦ ସାମ୍ବାଦିକ ତଥା କର୍ମଚାରୀଙ୍କ ନାମରେ ଏହି ଋଣ ନେଇଛନ୍ତି। ଏହି ତଥ୍ୟ ଦେଇଛନ୍ତି ବିଜେଡି ନେତା ଲେନିନ ମହାନ୍ତି। ସେ ନିଜ ସାମାଜିକ ଗଣମାଧ୍ୟମରେ ଏହି ତଥ୍ୟ ଉପସ୍ଥାପନ କରିଛନ୍ତି।

ଲେନିନ ସୌମ୍ୟରଂଜନ ପଟ୍ଟନାୟକଙ୍କୁ ଦର୍ଶାଇ କହିଛନ୍ତି ଯେ, ‘କୋଟି କୋଟି ଟଙ୍କାର ବ୍ୟାଙ୍କ ଋଣ ଜାଲିଆତି କରିଥିବା ଜଣେ ବ୍ୟକ୍ତି ଯଦି କୌଣସି ଗଣମାଧ୍ୟମ ସଂସ୍ଥାର ମାଲିକ ହୋଇଥାନ୍ତି, ତେବେ କଣ ସେ ଆଇନର ଉର୍ଦ୍ଧ୍ଵରେ ବୋଲି ଗଣା ଯିବେ କି? ଠକାମି ଓ ଜାଲିଆତି କରୁଥିବା ଗଣମାଧ୍ୟମ ପ୍ରତିଷ୍ଠାନ ପାଇଁ ଆଇନରେ କିଛି ଅଲଗା ବ୍ୟବସ୍ଥା ଅଛି କି?’

ସେହିପରି ସେ କହିଛନ୍ତି ଯେ, ‘କିଛି ମାସ ତଳେ ଦୈନିକ ଭାସ୍କର, ଏନଡିଟିଭି ଏବଂ ଜାତୀୟ ସ୍ତରର ଅନ୍ୟ କେତେକ ଗଣମାଧ୍ୟମ ସଂସ୍ଥା ଉପରେ ଆୟକର ଏବଂ ଜିଏସଟି ବିଭାଗ ପକ୍ଷରୁ ଚଢ଼ଉ ହୋଇଥିଲା। ସେମାନେ ଆଇନ ଅନୁଯାୟୀ ଏହାକୁ ସାମ୍ନା କରିଥିଲେ। ଜାତୀୟ ସ୍ତରର ଗଣମାଧ୍ୟମ ସଂସ୍ଥା ହେଲେ ବି କାହିଁ ସେତେବେଳେ ତ ସେମାନେ କେହି ଏହାକୁ ଆକ୍ରୋଶମୂଳକ ବୋଲି କହି ଏଭଳି ହୋହଲ୍ଲା କରି ନ ଥିଲେ’।

ନନ୍ଦିଘୋଷ ଟିଭିରେ କେନ୍ଦ୍ରୀୟ ଜିଏସଟି ଚଢାଉ ହୋଇଥିଲା

ଲେନିନ ମହାନ୍ତି ସୌମ୍ୟରଂଜନଙ୍କ ଉପରକୁ ଆଙ୍ଗୁଳି ଉଠାଇ କହିଛନ୍ତି ଯେ, ‘ଚାରି ପାଞ୍ଚ ଦିନ ତଳେ ନନ୍ଦିଘୋଷ ଟିଭିର କାର୍ଯ୍ୟାଳୟରେ ମଧ୍ୟ ସେଣ୍ଟ୍ରାଲ ଜିଏସଟି ପକ୍ଷରୁ ଅଚାନକ ଚଢ଼ଉ କରାଯାଇଥିଲା।

ଏହା ଅପ୍ରତ୍ୟାଶିତ ଥିଲେ ମଧ୍ୟ ଏହି ଚଢ଼ଉକୁ ସେମାନେ ଆକ୍ରୋଶମୂଳକ କହି ବିରୋଧ କରିନଥିଲେ କି ନିଜ ଚାନେଲରେ ଏହାକୁ ବିରୋଧ କରି ଖବର ପ୍ରସାରଣ କରି ନ ଥିଲେ। ବରଂ ଏଥିରେ ସମ୍ପୂର୍ଣ୍ଣ ସହଯୋଗ କରିଥିଲେ।’ ଶେଷରେ ସେଣ୍ଟ୍ରାଲ ଜିଏସଟି ଅଫିସରମାନେ କାଗଜପତ୍ର ଯାଞ୍ଚ କରି ଫେରି ଯାଇଥି‌ଲେ। ତେଣୁ ନନ୍ଦିଘୋଷ ହେଉ କି ସମ୍ବାଦ, କୌଣସି ଗଣମାଧ୍ୟମ ସଂସ୍ଥା ଆଇନର ଉର୍ଦ୍ଧ୍ଵରେ ନୁହନ୍ତି।

ଋଣ ଜାଲିଆତିର ତଦନ୍ତ ହେବାରେ ଅସୁବିଧା କେଉଁଠି ?

‘ସମ୍ବାଦ’ ଉପରେ ତାଙ୍କ ନିଜ ସଂସ୍ଥାର କର୍ମଚାରୀମାନେ କୋଟି କୋଟି ଟଙ୍କାର ବ୍ୟାଙ୍କ ଋଣ ଜାଲିଆତିର ଅଭିଯୋଗ ଆଣିଛନ୍ତି। ଠକାମିର ଶିକାର ‌ହୋଇଥିବା ଏଭଳି କର୍ମଚାରୀଙ୍କ ସଂଖ୍ୟା ପ୍ରାୟ ୩୦୦ ବୋଲି କୁହାଯାଉଛି ଏବଂ ସେମାନଙ୍କ ମଧ୍ୟରେ ଅଧିକାଂଶ ସାମ୍ବାଦିକଠୁ ନେଇ ଚତୁର୍ଥ ଶ୍ରେଣୀ କର୍ମଚାରୀ ଅଛନ୍ତି। ତେଣୁ ପ୍ରାୟ ୧୦୦ କୋଟି ଟଙ୍କାର ଏହି ଜାଲିଆତିର ଉପଯୁକ୍ତ ତଦନ୍ତ ହେବାରେ ଅସୁବିଧା କେଉଁଠି ବୋଲି ପ୍ରଶ୍ନ କରିଛନ୍ତି ଲେନିନ।

ଯଦି ସେମାନେ କିଛି ଜାଲିଆତି କରିନାହାନ୍ତି ତେବେ ତଦନ୍ତକୁ ସାମ୍ନା କରିବାକୁ ଡରୁଛନ୍ତି କାହିଁକି? ସମ୍ବାଦ ସଂପାଦକ ସୌମ୍ୟରଂଜନ ପଟ୍ଟନାୟକଙ୍କ ବିରୋଧରେ ଆସିଥିବା ଏହି ବଡ଼ ଧରଣର ବ୍ୟାଙ୍କ ଋଣ ଜାଲିଆତି ଅଭିଯୋଗର ତଦନ୍ତ ଆରମ୍ଭ ହେବା ପରେ ଯେଉଁମାନେ ତାଙ୍କ ପକ୍ଷ ନେଇ ଓକିଲାତି କରିବାକୁ ବାହାରିଛନ୍ତି, କିଛି ଜାଲିଆତି ହୋଇନାହିଁ ବୋଲି ସେମାନେ ଜାଣିଲେ କେମିତି? ଏନେଇ ସେମାନେ କେଉଁ ଆଧାରରେ ତାଙ୍କୁ କ୍ଲିନ୍ ଚିଟ୍ ଦେଇ ପକାଉଛନ୍ତି ବୋଲି ଲେନିନ କହିଛନ୍ତି।

Categories
ଆଜିର ଖବର ରାଜ୍ୟ ଖବର

ସମ୍ବାଦ ସଂପାଦକ ସୌମ୍ୟରଂଜନ ପଟ୍ଟନାୟକଙ୍କ ବିରୋଧରେ ଋଣ ଜାଲିଆତି ଅଭିଯୋଗ

ଭୁବନେଶ୍ବର: ଦୈନିକ ଖବରକାଗଜ ସମ୍ବାଦର ସଂପାଦକ ସୌମ୍ୟରଂଜନ ପଟ୍ଟନାୟକଙ୍କ ବିରୋଧରେ ଋଣ ଜାଲିଆତି ଅଭିଯୋଗ ଆସିଛି। ଏହି ଅଭିଯୋଗ ସମ୍ବାଦର ଜଣେ ପୂର୍ବତନ କର୍ମଚାରୀ କରିଛନ୍ତି। ସେ ତାଙ୍କ ଓକିଲ ଜରିଆରେ ଅର୍ଥନୈତିକ ଅପରାଧ ଶାଖା ବା ଇଓଡବ୍ଲୁରେ ଅଭିଯୋଗ କରାଯାଇଛି। ଏଥିରେ ସେ ସମ୍ବାଦ ସଂପାଦକ ସୌମ୍ୟରଂଜନ ପଟ୍ଟନାୟକ ଏବଂ ଏଚଆର ମୁଖ୍ୟ ବୈଜୟନ୍ତି କରଙ୍କ ନାମରେ ଏହି ଅଭିଯୋଗ କରାଯାଇଛି।

ଏଥିରେ ଦର୍ଶାଯାଇଛି ଯେ, ସମ୍ବାଦ ସଂପାଦକ ସୌମ୍ୟରଂଜନ ପଟ୍ଟନାୟକ ସମ୍ବାଦରେ କାର୍ଯ୍ୟ କରୁଥିବା ବିଭିନ୍ନ କର୍ମଚାରୀଙ୍କ ନାମରେ ବ୍ୟାଙ୍କରୁ ଋଣ କରିଛନ୍ତି। ସେ କର୍ମଚାରୀଙ୍କ ନାମରେ ଜାଲ ଆକାଉଣ୍ଟ ଖୋଲି ସେଥିରେ ଏହି ଋଣ କରିଛନ୍ତି। ଅଭିଯୋଗକାରୀ କହିଛନ୍ତି ଯେ, ତାଙ୍କ ନାମରେ ପାଞ୍ଚ ଲକ୍ଷ ଋଣ କରାଯାଇଛି। ଏ ନେଇ ଅଫିସରେ ଯୋଗାଯୋଗ କରିବାରୁ ସେମାନେ ମୋତେ ଧମକ ଦେଇଥିଲେ। ବହୁ କର୍ମଚାରୀଙ୍କ ନାମରେ ଏପରି ଋଣ କରାଯାଇଛି ବୋଲି ସେଥିରେ ଅଭିଯୋଗ କରାଯାଇଛି।

Categories
ଆଜିର ଖବର ବିଶେଷ ଖବର ରାଜ୍ୟ ଖବର

ବିଜୁ ଜନତା ଦଳରୁ ଏକ ଘରକିଆ ହୋଇଗଲେ କି ସୌମ୍ୟରଂଜନ ପଟ୍ଟନାୟକ !!!

ଭୁବନେଶ୍ବର: ବର୍ତ୍ତମାନ ବିଜେଡି ବିଧାୟକ ସୌମ୍ୟରଂଜନ ପଟ୍ଟନାୟକ ଦଳରେ ଏକ ଘରକିଆ ହୋଇଗଲେଣି। କାରଣ ବର୍ତ୍ତମାନ ଅଧିକାଂଶ ବିଜେଡି ନେତା ସୌମ୍ୟରଂଜନ ପଟ୍ଟନାୟକଙ୍କୁ ବିରୋଧ କରିବାରେ ଲାଗିଲେଣି। ଏହାଦ୍ବାରା ସୌମ୍ୟରଂଜନ ପଟ୍ଟନାୟକଙ୍କ ରାଜନୈତିକ ଭବିଷ୍ୟତ ଅନ୍ଧକାର ହେବା ସ୍ପଷ୍ଟ ହୋଇଗଲାଣି। ଯେଉଁ ଦଳର ଆର୍ଶିବାଦରେ ସେ ସାଂସଦ ଏବଂ ବିଧାୟକ ହୋଇଛନ୍ତି ସେହି ଦଳରେ ସେ ଅଛୁଆଁ ହେବାକୁ ବସିଲେଣି।

ତେବେ ସୌମ୍ୟରଂଜନଙ୍କୁ ବିଜେଡି ଏପରି ଆଘୋଷିତ ଏକ ଘରକିଆ କରିବାର କାରଣ ରହିଛି। ତାହା ହେଲା ସୌମ୍ୟବାବୁ ଯାହାର ସାହାଯ୍ୟ ପାଇବେ ପ୍ରଥମେ ତାକୁ ହିଁ ସେ ବିରୋଧ କରିବେ। ବିଜେଡିରେ ଯୋଗଦେବା ପୂର୍ବରୁ ସୌମ୍ୟରଂଜନଙ୍କ ରାଜନୈତିକ ପ୍ରତିପତି କିଛି ନ ଥିଲା। କେବଳ ମାତ୍ର ଜଣେ ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ଜୁଆଁଇ ବ୍ୟତିତ ଆଉ କିଛି ପରିଚୟ ନ ଥିଲା। ହେଲେ ବିଜେଡିରେ ଯୋଗ ଦେବା ପରେ ସାଂସଦ ଏବଂ ବିଧାୟକ ହୋଇପାରିଛନ୍ତି।

ହେଲେ ଦୁଃଖର କଥା ଗତ କିଛିମାସ ଧରି ସୌମ୍ୟରଂଜନ ବିଜେଡି ଦଳ ଏବଂ ଏହାର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିବାରେ ଲାଗିଛନ୍ତି। ସେହିପରି ସେ ମୁଖ୍ୟମନ୍ତ୍ରୀଙ୍କ ସଚିବ ତଥା 5ଟି ସଚିବ ଭି କେ ପାଣ୍ଡିଆନଙ୍କୁ ପୁରା ଟାର୍ଗେଟ କରିବାରେ ଲାଗିଛନ୍ତି। ସେ ତାଙ୍କର ଲେଖାରେ ଏବଂ ଭାଷଣରେ ପାଣ୍ଡିଆନଙ୍କ ଗସ୍ତକୁ ବିରୋଧ କରିଛନ୍ତି।

ଏପରି ପରିସ୍ଥିତି ଦେଖି ବର୍ତ୍ତମାନ ବିଜେଡିର ବରିଷ୍ଠ ନେତାମାନେ ଧିରେ ଧିରେ ତାଙ୍କୁ ବିରୋଧ କରିବା ଆରମ୍ଭ କରିଲେଣି। ପୂର୍ବରୁ ତାଙ୍କର ଚିରାଚରିତ ପ୍ରତିଦ୍ବନ୍ଦି ଅନୁଭବ ପଟ୍ଟନାୟକ ବିରୋଧ କରିଆସୁଥିଲେ। ହେଲେ ଏବେ ସେଥିରେ ଯୋଡି ହେଲେଣି ଅରୁଣ ସାହୁ, ଦେବୀ ମିଶ୍ର, ଅତନୁ ସବ୍ୟସାଚୀ ନାୟକଙ୍କ ପରି ବରିଷ୍ଠ ନେତା। ସେମାନେ ସିଧା ସୌମ୍ୟରଂଜନ ପଟ୍ଟନାୟକ ଜଣେ ବ୍ଲାକମେଲର ବୋଲି କହି ବୁଲିଲେଣି।

ଅରୁଣ ଏବଂ ଅତନୁ ସୌମ୍ୟରଂଜନ ଜଣେ ସୁବିଧାବାଦୀ ନେତା ବୋଲି କହିଲେଣି। ତାଙ୍କୁ ମନ୍ତ୍ରୀ ପଦ ମିଳି ନ ଥିବାରୁ ସେ ବାଉଳି ହେଉଛନ୍ତି ବୋଲି ଅରୁଣ ସାହୁ ମନ୍ତବ୍ୟ ଦେଲେଣି। ସେତିକି ନୁହେଁ ସୌମ୍ୟବାବୁଙ୍କୁ ଯାହାକିଛି ବିରୋଧ କରିବା କଥା ଏହି ଦୁଇଜଣ କହିସାରିଲେଣି। ଭବିଷ୍ୟତରେ ଆହୁରି କିଛି ନେତା ମଧ୍ୟ ତୁଣ୍ଡ ଖୋଲିବେ ବୋଲି ଆଭାସ ମିଳିସାରିଲାଣି।

ସୌମ୍ୟରଂଜନ ଦଳ ଭିତରେ ରହି ଦଳ ବିରୋଧୀ କାର୍ଯ୍ୟ କରୁଛନ୍ତି ବୋଲି ସେମାନେ ପ୍ରଶ୍ନ ଉଠାଇଲେଣି। ବିଜେଡିର ଏପରି ନେତାମାନେ ସୌମ୍ୟଙ୍କୁ ବିରୋଧ କଲେଣି ଅର୍ଥ ଦଳ ଭିତରେ କିଛି ବିଚାର ଚାଲିଥିବାର ଅନୁମାନ କରିହେଉଛି। ସେଥିପାଇଁ ରାଜନୈତିକ ସମୀକ୍ଷକମାନେ ସୌମ୍ୟରଂଜନଙ୍କ ଭବିଷ୍ୟତକୁ ନେଇ ଅବଗଣନା ଆରମ୍ଭ କରିସାରିଲେଣି। ଯଦି ସୌମ୍ୟରଂଜନ ବିଜେଡିରୁ ବହିସ୍କୃତ ହୁଅନ୍ତି ତେବେ ତାଙ୍କର ରାଜନୌତିକ ଭବିଷ୍ୟତ ସଂପୂର୍ଣ୍ଣ ଅନ୍ଧକାର ହୋଇଯିବ ବୋଲି ଅନୁମାନ କରିସାରିଲେଣି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ପାଣ୍ଡିଆନଙ୍କ ପାଖକୁ ଧାଇଁ ଧାଇଁ ହତାସ ହେବା ପରେ ବିଳିବିଳେଇ ହେଉଛନ୍ତି ସୌମ୍ୟରଂଜନ

ଭୁବନେଶ୍ବର: ଓଡିଶା ରାଜନୀତିରେ ବିଜେଡି ବିଧାୟକ ତଥା ସମ୍ବାଦ ସଂପାଦକ ସୌମ୍ୟରଂଜନ ପଟ୍ଟନାୟକଙ୍କ ଆଲେଖ୍ୟକୁ ନେଇ ଆଜି ଦିନତମାମ ଚାଲିଛି ଆଲୋଚନା। ସଂପାଦକୀୟରେ ସୌମ୍ୟରଂଜନଙ୍କର ସେହି ପୁରୁଣା ରୋଗ, ‘ବିଜେଡି ଭଲ ନାହିଁ’, ‘ପାଣ୍ଡିଆନ କାହିଁକି ଗସ୍ତ କରୁଛନ୍ତି’ ଇତ୍ୟାଦି ଲେଖିଛନ୍ତି। ସେ ପୂର୍ବରୁ ଅନେକ ଥର ଏହିପରି ନବୀନଙ୍କୁ, ବିଜେଡିକୁ କିମ୍ବା ପାଣ୍ଡିଆନଙ୍କୁ ଟାର୍ଗେଟ କରି ଲେଖିଛନ୍ତି। ତାପରେ ସେ ଚୁପ ହୋଇଯାଆନ୍ତି।

ତେବେ ଆଶ୍ଚର୍ଯ୍ୟର କଥା ସେ କଣ ଲେଖିଲେ ତାହା ଆଲୋଚନା ନ ହୋଇ ସେ କାହିଁକି ଏପରି ଲେଖିଲେ ସେ ନେଇ ବେଶୀ ଚର୍ଚ୍ଚା ଚାଲିଛି। କାରଣ ସୌମ୍ୟବାବୁ ପାଣ୍ଡିଆନଙ୍କ ପାଖକୁ ଧାଇଁ ଧାଇଁ ହତାସ ହେବା ପରେ ସେ ଏପରି କଥା ଲେଖିଛନ୍ତି ବୋଲି ସମସ୍ତଙ୍କର ଧାରଣା। ସମସ୍ତେ ଜାଣନ୍ତି ସେ ଜଣେ ସୁବିଧାବାଦୀ ନେତା। ଯେଉଁଠି ସୁବିଧା ମିଳିବ ସେଠାରେ ସେ ନତମସ୍ତକ ହେବାରେ କିଛି ଅସୁବିଧା ନାହିଁ। ଏବେ ସେ ବିଭିନ୍ନ ସମୟରେ ବିଳିବିଳେଇ ହେବାର କାରଣ ହେଲା ତାଙ୍କୁ କାହିଁକି ମନ୍ତ୍ରୀ କରାଯାଉ ନାହିଁ।

୨୦୧୯ ସାଧାରଣ ନିର୍ବାଚନର ଠିକ୍ ବର୍ଷକ ପୂର୍ବରୁ ସୌମ୍ୟରଂଜନ ବିଜେଡିରେ ସାମିଲ ହୋଇଥିଲେ। ଏହାପରେ ସେ ରାଜ୍ୟସଭାକୁ ନିର୍ବାଚିତ ହେଲେ। ପରବର୍ତ୍ତି ସମୟରେ ସେ ବିଧାୟକ ହେବାକୁ ଇଚ୍ଛା କରିବାରୁ ତାଙ୍କୁ ଖଣ୍ଡପଡା ଟିକେଟ ଦିଆଗଲା। ସମସ୍ତେ ଜାଣନ୍ତି ଯେ ଏହି ସଫଳତା ହାସଲ କରିବା ପାଇଁ ସୌମ୍ୟବାବୁ ରାତିରେ ନବୀନ ନିବାସ ଆସି ପାଣ୍ଡିଆନଙ୍କ ସହିତ ବାରମ୍ବାର ଆଲୋଚନା କରିଛନ୍ତି। ତାଙ୍କର ଆର୍ଶିବାଦରେ ସେ ରାଜନୀତିରେ ଏକ ପରିଚୟ ପାଇଛନ୍ତି।

ହେଲେ ଯେଉଁ ପାଣ୍ଡିଆନଙ୍କ ପାଇଁ ସେ ସଫଳତା ହାସଲ କଲେ ତାଙ୍କୁ ସୌମ୍ୟବାବୁ ଟାର୍ଗେଟ କରିବା କେତେଦୂର ଯୁକ୍ତିଯୁକ୍ତି ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ପାଣ୍ଡିଆନଙ୍କ ପାଇଁ ରାଜ୍ୟସଭା ଗଲ, ତାଙ୍କ ପାଇଁ ବିଧାୟକ ହେଲ, ହେଲେ ରାଗ ହେଲା ସେହି ପାଣ୍ଡିଆନ କଣ ପାଇଁ ତାଙ୍କୁ ମନ୍ତ୍ରୀ କଲେ ନାହିଁ। ମନ୍ତ୍ରୀ ହେବା ପାଇଁ ସୌମ୍ୟରଂଜନଙ୍କ ବହୁଦିନ ଧରି ଏକ ବଡ ଅବଶୋଷ ହୋଇ ରହିଆସିଛି। ଯାହା ତାଙ୍କୁ ମିଳିପାରୁ ନାହିଁ।

ପ୍ରକୃତ କଥା ଦେଖିବାକୁ ଗଲେ ସୌମ୍ୟରଂଜନଙ୍କ ନିଜ ଦୋଷ ପାଇଁ ସେ ଏହି ମନ୍ତ୍ରୀପଦ ହାସଲ କରିପାରୁ ନାହାଁନ୍ତି। ତାଙ୍କ ପାଖରେ ମନ୍ତ୍ରୀ ହେବାର ସମସ୍ତ ପ୍ରକାରର ଗୁଣ ରହିଛି। ହେଲେ ଖୁଣ୍ଟା ମାରିବ ଦୋଷ ପାଇଁ ସେ ମନ୍ତ୍ରୀ ହୋଇପାରୁ ନାହାଁନ୍ତି।  ସେଥିପାଇଁ ଯେତେବେଳେ ତାଙ୍କର ମନ୍ତ୍ରୀ କଥା ମନେ ପଡିଯାଉଛି ସେତେବେଳେ ସେ ତାଙ୍କ ଖବର କାଗଜରେ ବିଳିବିଳେଇ ହୋଇ ରାଗ ସୁଝାଇ ଦେଉଛନ୍ତି। କେତେବେଳେ ମନ୍ତ୍ରୀ ବଡ ନା ସଚିବ ବଡ, ପୁଣି କେତେବେଳେ ମାଟି ବଡ ନା ପାର୍ଟି ବଡ ବୋଲି ଲେଖିଦେଉଛନ୍ତି।

ତେବେ ଏହି ଚର୍ଚ୍ଚା ଭିତରେ ବିଜେଡି ନେତା ଅନୁଭବ ପଟ୍ଟନାୟକ ସୌମ୍ୟରଂଜନଙ୍କ ଗୁମର ଖୋଲି ଦେଇଛନ୍ତି। ସେ ଲେଖିଛନ୍ତି ଯେ, ସୌମ୍ୟରଂଜନ ରାଜ୍ୟସଭାରୁ ବିଧାୟକ ହେବା ପାଇଁ ନବୀନ ନିବାସରେ ବହୁତ ଗୁହାରି କରିଥିଲେ। ଏପରିକି ସେ ପ୍ରାୟ ଦଶ ଜଣଙ୍କ ସମ୍ମୁଖରେ ବିଧାୟକ ଟିକେଟ ନେବା ପାଇଁ ହାତଯୋଡି ଅନୁରୋଧ କରିଥିଲେ। ସେହି ସମୟରେ ସେ ନିଜେ ସେଠାରେ ଉପସ୍ଥିତ ଥିଲେ ବୋଲି ଅନୁଭବ ତାଙ୍କ ଟୁଇଟରରେ ଉଲ୍ଲେଖ କରିଛନ୍ତି।

ଏଥିରୁ ସ୍ପଷ୍ଟ ଯେ, ସୌମ୍ୟରଂଜନ ଯେତେବେଳେ ବିଜେଡିକୁ ଆସିଲେ ସେତେବେଳେ ସେ ପାଣ୍ଡିଆନଙ୍କ କ୍ଷମତା କଣ ଭଲ ଭାବରେ ଜାଣିଥିଲେ।କ୍ଷମତା ହାସଲ ପାଇଁ ସେ ବାରମ୍ବାର ପାଣ୍ଡିଆନଙ୍କ ଶରଣ ପଶିଲେ। ପରିଶେଷରେ ସେ ସେହି ପାଣ୍ଡିଆନଙ୍କ ପାଇଁ ରାଜନୀତିରେ ନିଜର ସ୍ଥିତିକୁ ଜାହିର କଲେ। ହେଲେ ସେତେବେଳେ ପାଣ୍ଡିଆନଙ୍କ କାମ ତାଙ୍କୁ ଭଲ ଲାଗୁଥିବା ବେଳେ ଏବେ କାହିଁ ସେ କଥା ତାଙ୍କର ହଜମ ହେଉ ନାହିଁ ବୁଝାପଡୁ ନାହିଁ।

ଯଦି ବିଜେଡି ଏବଂ ପାଣ୍ଡିଆନଙ୍କ ପ୍ରତି ସୌମ୍ୟରଂଜନଙ୍କ ଏତେ ଅସନ୍ତୋଷ ରହିଛି ଏବଂ ଦଳର ନିତି ଆଦର୍ଶ ସହିତ ଖାପ ଖୁଆଇପାରୁ ନାହାଁନ୍ତି ତେବେ ସେ ଦଳରୁ ଇସ୍ତଫା ଦେଇଦେବା ଉଚିତ। ସେ ସ୍ବାଧୀନ ଭାବେ ଓଡିଶାର କୌଣସି ନିର୍ବାଚନ ମଣ୍ଡଳୀରୁ ଏଥର ଛିଡା ହୋଇ ନିଜର ପ୍ରତିପତି ଦେଖାଇ ଦେବା ଉଚିତ। ଯଦି ସେ ସ୍ବାଧୀନ ଭାବେ ବିଜୟ ଲାଭ କରନ୍ତି ତେବେ ଲୋକେ ଜାଣିବେ ଯେ, ସୌମ୍ୟରଂଜନଙ୍କର ପତିୟାରା ରହିଛି, ଲୋକପ୍ରିୟତା ରହିଛି।

ହେଲେ ସୌମ୍ୟରଂଜନ ସେତିକି କେବେ କରିପାରିବେ ନାହିଁ। କାରଣ ସେ ଜାଣନ୍ତି ବିନା ବିଜେଡିରେ ତାଙ୍କର ନିର୍ବାଚନ ଜିତିବା କେବେ ସମ୍ଭବ ହେବ ନାହିଁ। କେବଳ ମଝିରେ ମଝିରେ ଏପରି ବାଣ ଛାଡି ରାଜନୈତିକ ପରିବେଷକୁ ହଟଚମଟ କରିବେ ସିନା ସ୍ବାଧୀନ ଭାବେ କିଛି କରିପାରିବେ ନାହିଁ। ମଝିରେ ମଝିରେ ସେ ଏପରି ଖୁଣ୍ଟା ମାରିବାରେ ଲାଗିଛନ୍ତି। ହେଲେ ଯେତେବେଳେ ରାମକୃଷ୍ଣ ପଟ୍ଟନାୟକ, ବିଜୟ ମହାପାତ୍ରଙ୍କଠାରୁ ଆରମ୍ଭ କରି ଦାମୋଦର ରାଉତ ଏବଂ ପ୍ରଦୀପ ପାଣିଗ୍ରାହୀଙ୍କ କଥା ମନେ ପଡିଯାଉଛି ସେତେବେଳେ ସେ ଚୁପ ହୋଇ ପଡୁଛନ୍ତି।

Categories
ଆଜିର ଖବର ରାଜ୍ୟ ଖବର

ସୌମ୍ୟରଂଜନ ପଟ୍ଟନାୟକଙ୍କୁ ଜବାବ ଦେଲେ ଅନୁଭବ ପଟ୍ଟନାୟକ, କହିଲେ ଏପରି କଥା

ଭୁବନେଶ୍ବର: ବିଜେଡି ବିଧାୟକ ସୌମ୍ୟ ରଂଜନ ପଟ୍ଟନାୟକଙ୍କୁ କଡା ଜବାବ ଦେଇଛନ୍ତି ବିଜେଡି ନେତା ଅନୁଭବ ପଟ୍ଟନାୟକ। ସେ ଟୁଇଟ କରି ସୌମ୍ୟରଂଜନ କହିଥିବା ପୁରୁଣା କଥାକୁ ମନେ ପକାଇ ଦେଇଛନ୍ତି।

ଅନୁଭବ କହିଛନ୍ତି ଯେ ଜାନକୀ ପଟ୍ଟନାୟକ ଯେତେବେଳ ମୁଖ୍ୟମନ୍ତ୍ରୀ ଥିଲେ ସେତେବେଳେ ସୌମ୍ୟବାବୁ ତାଙ୍କୁ ଜଣେ ଅଥର୍ବ ମୁଖ୍ୟମନ୍ତ୍ରୀ ବୋଲି କହିଥିଲେ।ଜାନକୀବାବୁ ସୌମ୍ୟବାବୁଙ୍କର ଶଶୂର ହୋଇଥିଲେ ମଧ୍ୟ ସେ ଏପରି ବିବୃତି ଦେଇଥିଲେ।

ଏହା ଉପରେ କ୍ଲିକ କରନ୍ତୁ- ସୌମ୍ୟରଂଜନଙ୍କ ତେରଚ୍ଛା ବାଣ, ନବୀନଙ୍କୁ ନିନ୍ଦା, ଜାନକୀଙ୍କୁ ପ୍ରଶଂସା

ଆଜି ଏକ ସଭାରେ ସୌମ୍ୟବାବୁ ଜାନକୀବାବୁଙ୍କ ଶାସନ ଭଲ ଥିଲା ଏବେର ଶାସନ ଭଲ ନାହିଁବୋଲି କହିଥିଲେ। ଏଥିସହିତ ସେ ବିଧାୟକ ଓ ମନ୍ତ୍ରୀ ସଚିବଙ୍କ ଅଧସ୍ଥନ ବୋଲି କହିଥିଲେ। ଏହାକୁ ନେଇ ଅନୁଭବ ଏହି ପତିକ୍ରିୟା ଦେଉଛନ୍ତି।

Categories
ବିଶେଷ ଖବର ରାଜ୍ୟ ଖବର

କଂଗ୍ରେସର ସମସ୍ତ ବିଧାୟକ ବିଜେଡିରେ ମିଶିବେ ବୋଲି କହିଲେ ସୌମ୍ୟରଂଜନ ପଟ୍ଟନାୟକ

ଭୁବନେଶ୍ବର: କଂଗ୍ରେସରେ ବର୍ତ୍ତମାନ ଯେଉଁ ନଅ ଜଣ ବିଧାୟକ ଅଛନ୍ତି ସେମାନେ କୁଆଡେ ସମସ୍ତେ ବିଜେଡିରେ ମିଶିବେ। ଏପରି ଏକ ଥଟ୍ଟା ପରିହାସରେ କଂଗ୍ରେସକୁ ସମାଲୋଚନା କରିଛନ୍ତି ବିଜେଡି ବିଧାୟକ ସୌମ୍ୟରଂଜନ ପଟ୍ଟନାୟକ। ଏକ କାର୍ଯ୍ୟକ୍ରମରେ ଯୋଗଦେଇ ସେ କହିଛନ୍ତି ଯେ, କଂଗ୍ରେସର ବିଧାୟକ ଦଳର ନେତାଙ୍କଠାରୁ ଆରମ୍ଭ କରି ତଳ ନେତା ପର୍ଯ୍ୟନ୍ତ ସମସ୍ତେ ବିଜେଡିକୁ ଡେଇଁବେ ବୋଲି ଅନେଇ ବସିଛନ୍ତି।

ସେ କହିଛନ୍ତି ଯେ ନବୀନ ପଟ୍ଟନାୟକ ଥିବା ପର୍ଯ୍ୟନ୍ତ ଓଡିଶାରେ କୌଣସି ଦଳ ଜିତିପାରିବ ନାହିଁ। କାରଣ ଯେଉଁ ବିରୋଧୀ ଦଳ ଅଛନ୍ତି ସେମାନେ ଜିତିବା ପରି କାମ କଲେ ସିନା ଜିତିବେ। ସେମାନେ ହାରିବା ପରି କାମ କରି ହାରୁଛନ୍ତି। ନିର୍ବାଚନରେ ଜିତିବାକୁ ହେଲେ ଅନ୍ୟକୁ ହରାଇବାକୁ ପଡିବ। ହେଲେ ରାଜ୍ୟରେ ବର୍ତ୍ତମାନ ସୁଦ୍ଧା ଆମ ଦଳକୁ ହରାଇବା ପରି କୌଣସି ଦଳ ନାହିଁ। ନିର୍ବାଚନ ଜିତିବାର ତରିକା ବିରୋଧୀ ଦଳ କେହି ବୁଝି ପାରୁ ନାହାଁନ୍ତି।

ଯେଉଁ ନେତାମାନେ ଜିତିବାର ଶକ୍ତି ରହିଛି ସେମାନଙ୍କୁ ଆମ ଦଳ କୋଳେଇ ନେଉଛି। ଫଳରେ ସେମାନେ ଆମ ପାଖରେ ଜିତୁଛନ୍ତି। ସେହିପରି ବିଜେପିକୁ କଟୁ ସମାଲୋଚନା କରି ସୌମ୍ୟରଂଜନ କହିଛନ୍ତି ଯେ, ବିଜେପି ଆଉ ଦଳ ହୋଇ ରହି ନାହିଁ। ସେମାନଙ୍କ ପାଖରେ କାହାକୁ ହରାଇବାର ଶକ୍ତି ନାହିଁ। ଆମ ନେତା ନବୀନ ପଟ୍ଟନାୟକଙ୍କୁ ସାରା ଓଡିଶାର ଲୋକେ ଭଲ ପାଉଛନ୍ତି। ସେଥିବା ପର୍ଯ୍ୟନ୍ତ ଆମ ଦେହରେ କେହି ଟିପ ଦେଇପାରିବ ନାହିଁ।

Categories
ଆଜିର ଖବର ରାଜ୍ୟ ଖବର

ଶହୀଦ ରଘୁ-ଦିବାକରଙ୍କ ରାଜ୍ୟସ୍ତରୀୟ ଶ୍ରାଦ୍ଧଦିବସ ପାଳିତ

ଭୁବନେଶ୍ବର: ସୂଚନା ଓ ଲୋକସଂପର୍କ ବିଭାଗ, ରାଜ୍ୟସ୍ତରୀୟ ଶହୀଦ ରଘୁ-ଦିବାକର ସ୍ମୃତି କମିଟି ଏବଂ ରଣପୁର ସାଂସ୍କୃତିକ ପରିଷଦ, ଭୁବନେଶ୍ୱରର ମିଳିତ ଆନୁକୂଲ୍ୟରେ ସ୍ଥାନୀୟ ଜୟଦେବ ଭବନଠାରେ ଆୟୋଜିତ ହୋଇଯାଇଛି। ଅମର ଶହୀଦ ରଘୁ-ଦିବାକରଙ୍କ ରାଜ୍ୟସ୍ତରୀୟ ଶ୍ରାଦ୍ଧଦିବସ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଖଣ୍ଡପଡ଼ା ବିଧାୟକ ଶ୍ରୀ ସୌମ୍ୟରଞ୍ଜନ ପଟ୍ଟନାୟକ ଯୋଗଦେଇଥିଲେ।

ସମ୍ମାନିତ ଅତିଥି ଭାବେ ଯୋଗଦେଇ ରଣପୁର ବିଧାୟକ ଶ୍ରୀ ସତ୍ୟନାରାୟଣ ପ୍ରଧାନ ଶହୀଦ ରଘୁ-ଦିବାକରଙ୍କ ସାହସ ତଥା ବି୍ରଟିଶ ଶାସନର ଅନ୍ୟାୟ ଓ ଅତ୍ୟାଚାର ବିରୁଦ୍ଧରେ ସେମାନଙ୍କର ସଂଗ୍ରାମ ଭାରତର ଅନ୍ୟ ସ୍ୱାଧୀନଚେତା ସଂଗ୍ରାମୀଙ୍କୁ ପ୍ରେରଣା ଦେଇଥିଲା ବୋଲି ଉଲ୍ଲେଖ କରିଥିଲେ।

ମୁଖ୍ୟବକ୍ତା ଭାବେ ଯୋଗଦେଇ ବିଶିଷ୍ଟ ଶିକ୍ଷାବିତ୍‌ ଏବଂ ଐତିହାସିକ ଶ୍ରୀ ସତ୍ୟବାଦୀ ବଳିୟାରସିଂହ କହିଲେ ଯେ ଅତ୍ୟାଚାରୀ ଶାସନରୁ ମୁକ୍ତ ହୋଇ ସ୍ୱାଧୀନତାର ଆଶାରେ ରଣପୁରବାସୀ ରଘୁନାଥ ମହାନ୍ତି ଓ ଦିବାକର ପରିଡ଼ାଙ୍କୁ ଆନ୍ଦୋଳନର ପୁରୋଧା ଭାବେ ଗ୍ରହଣ କରିଥିଲେ।

ସୂଚନା ଓ ଲୋକସଂପର୍କ ବିଭାଗ ନିର୍ଦ୍ଦେଶକ ବୈଷୟିକ ଶ୍ରୀ ସୁରେନ୍ଦ୍ରନାଥ ପରିଡ଼ା ସ୍ୱାଗତ ଭାଷଣ ପ୍ରଦାନ କରିଥିଲେ। ପ୍ରାରମ୍ଭରେ ଅତିଥିମାନେ ଅମର ଶହୀଦ ରଘୁ-ଦିବାକରଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ। ଶହୀଦ ରଘୁ-ଦିବାକର ସ୍ମୃତି କମିଟିର ସାଧାରଣ ସଂପାଦକ ଶ୍ରୀ ଗୌରାଙ୍ଗ ନାୟକ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମ ଶେଷରେ ‘ସ୍ୱର ସୁଧା’ ଅନୁଷ୍ଠାନ ଦ୍ୱାରା ‘ଅମର ଶହୀଦ ରଘୁ-ଦିବାକର’ ନାଟକ ପରିବେଷିତ ହୋଇଥିଲା।

Categories
ଆଜିର ଖବର ରାଜ୍ୟ ଖବର

ବିପ୍ଲବୀ ପ୍ରାଣନାଥ ପଟ୍ଟନାୟକଙ୍କ ୫୨ ତମ ଶ୍ରାଦ୍ଧ ବାର୍ଷିକ ଉତ୍ସବ, ୫ ଜଣ ହେଲେ ସମ୍ମାନିତ

ଭୁବନେଶ୍ବର: ଆଜି ମହାନ ବିପ୍ଲବୀ, ସ୍ବାଧୀନତା ସଂଗ୍ରାମୀ ତଥା ଲେଖକ ପ୍ରାଣନାଥ ପଟ୍ଟନାୟକଙ୍କ ୫୨ ତମ ଶ୍ରାଦ୍ଧ ବାର୍ଷିକ ପାଳନ ହୋଇଯାଇଛି। ଜୟଦେବ ଭବନରେ ଆୟୋଜିତ ଏହି ଉତ୍ସବରେ ରାଜ୍ୟପାଳ ପ୍ରଫେସର ଗଣେଷୀଲାଲ ଯୋଗଦେଇଥିଲେ। ଏଥିସହିତ କିଟ କିସର ପ୍ରତିଷ୍ଠାତା ଡ ଅଚ୍ୟୁତ ସାମନ୍ତ ମଧ୍ୟ ଯୋଗଦେଇଥିଲେ।

ସେହିପରି ସମ୍ବାଦର ସଂପାଦକ ତଥା ବିଧାୟକ ସୌମ୍ୟରଂଜନ ପଟ୍ଟନାୟକ ମଧ୍ୟ ଯୋଗ ଦେଇ ପ୍ରାଣନାଥଙ୍କ ଜୀବନର ବିଭିନ୍ନ ଦିଗକୁ ଆଲୋକପାତ କରିଥିଲେ।ଅନ୍ୟତମ ଅତିଥୀ ଭାବେ ଦୈନିକ ସମାଜର ପ୍ରକାଶର ନିରଂଜନ ରଥ ମଧ୍ୟ ଯୋଗ ଦେଇ ନିଜର ବ୍ୟକ୍ତବ୍ୟ ପ୍ରଦାନ କରିଥିଲେ।

ଏହି ପରିପ୍ରେକ୍ଷୀରେ ରାଜ୍ୟର ବିଶିଷ୍ଟ ୫ ଜଣ ପ୍ରତିଭାଙ୍କୁ ପ୍ରାଣନାଥ ସମ୍ମାନରେ ସମ୍ମାନିତ କରାଯାଇଥିଲା। ସେମାନେ ହେଲେ ଡାକ୍ତର ସି ବି କେ ମହାନ୍ତି, କବି ରକ୍ଷକ ନାୟକ, ଚଳଚିତ୍ର ନିର୍ଦ୍ଦେଶକ ହିଂମାଶୁ ଖଟୁଆ, ଶିକ୍ଷାବିତ ଡ ସୌରେନ୍ଦ୍ର ମହାପାତ୍ର ଏବଂ କଣ୍ଠଶିଳ୍ପ ଶୈଳଭାମା ମହାପାତ୍ର।

ଏହି ଉତ୍ସବରେ ସିନେ ସମୀକ୍ଷକ ଦିଲ୍ଲୀପ ହାଲି ବିବରଣୀ ପାଠ କରିଥିବା ବେଳେ ଶିକ୍ଷାବିତ କ୍ଷିରୋଦ ପ୍ରସାଦ ମହାନ୍ତି ସ୍ବାଗତ ଭାଷଣ ଦେଇଥିଲେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ସୌମ୍ୟରଞ୍ଜନଙ୍କ ବାରମ୍ବାର ଆକ୍ରମଣ ଘଟଣାକୁ ଗମ୍ଭୀରତା ସହ ଚିନ୍ତା କରୁଛନ୍ତି ବିଜେଡି ସୁପ୍ରିମୋ

ଭୁବନେଶ୍ବର: ସୌମ୍ୟରଂଜନ ପଟ୍ଟନାୟକ, ବିଜେଡି ବିଧାୟକ ସହିତ ଓଡିଆ ମିଡିଆ ଜଗତର ଜଣେ ବାଦସାହା। ହେଲେ ଦୁଃଖର କଥା ସେ ମିଡିଆରେ ଯେତିକି ସଫଳତା ପାଇଛନ୍ତି ରାଜନୀତିରେ ସେତେକି ନୁହେଁ। କାରଣ ସେ କଂଗ୍ରେସ ଏବଂ ପରେ ନିଜେ ରାଜନୈତିକ ଦଳ କରି ବିଫଳ ହୋଇଛନ୍ତି। କେବଳ ନବୀନ ପଟ୍ଟନାୟକଙ୍କ ଆର୍ଶିବାଦରେ ତାଙ୍କର ରାଜନୈତିକ ଜୀବନରେ ଆଂଶିକ ସଫଳତା ମିଳିଛି।

ହେଲେ ବର୍ତ୍ତମାନ ସୌମ୍ୟରଂଜନଙ୍କ ଚାଲିଚଳନକୁ ଦେଖିଲେ ଜଣାପଡୁଛି ସେ ଏହି ସଫଳତାକୁ ନେଇ ମଧ୍ୟ ଖୁସି ନାହାଁନ୍ତି। କାରଣ ବିଭିନ୍ନ ସମୟରେ ବିଜେଡିରେ ଥାଇ ସରକାରଙ୍କୁ ହରଡଘଣାରେ ପକାଇବା ପରି ପଦକ୍ଷେପ ଗ୍ରହଣ କରୁଛନ୍ତି। କେତେବେଳେ ସେ ଦଳର ବରିଷ୍ଠ ନେତାଙ୍କୁ ସମାଲୋଚନା କରୁଛନ୍ତି ତ କେତେବେଳେ ନବୀନ ପଟ୍ଟନାୟକଙ୍କୁ। ଫଳରେ ବିଜେଡି ବର୍ତ୍ତମାନ ଏହି ବ୍ୟକ୍ତିଙ୍କୁ ନେଇ ଅଡୁଆ ପରିସ୍ଥିତିରେ ପଡିଯାଇଛି।

ବର୍ତ୍ତମାନ ଆଉ ଏକ ନୂଆ ଘଟଣାରୁ ସୌମ୍ୟ ରଂଜନଙ୍କ ମତିଗତି ଯେ ଆଦୌ ଠିକ ନାହିଁ ତାହା ସ୍ପଷ୍ଟ ହୋଇଛି। ତାଙ୍କର ମନ ଆଉ ବିଜେଡିରେ ନାହିଁ ଏହି ଘଟଣାରୁ ସଂପୂର୍ଣ୍ଣ ଭାବେ ଜଣାପଡିଛି। ତାହା ହେଲା ବିଜେପି ପ୍ରାୟୋଜିତ ଏକ କାର୍ଯ୍ୟକ୍ରମରେ ସୌମ୍ୟବାବୁ ଯୋଗଦେବା ଏବଂ ସେଠାରେ ବିଜେପି ନେତା ଅମିତ ସାହାଙ୍କୁ ପ୍ରଶଂସା କରିବା।ଏହାକୁ ନେଇ ଓଡିଶା ରାଜନୈତିକ ମହଲରେ ବେଶ ଚର୍ଚ୍ଚା ହେବାରେ ଲାଗିଛି।

ଅବସର ଥିଲା ‘ଅମିତ ସାହା ଏବଂ ବିଜେପିର ଯାତ୍ରା’ ନାମିତ ଏକ ପୁସ୍ତକ ଉନମୋଚନ ଉତ୍ସବ। ଭୁବନେଶ୍ବରରେ ଆୟୋଜିତ ଏହି ଉତ୍ସବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ସଭାପତି ସମୀର ମହାନ୍ତି ପ୍ରମୁଖଙ୍କ ସହିତ ଥିଲେ ସୌମ୍ୟରଂଜନ। ସେଠାରେ ସେ କହିଲେ ଯେ, ଯଦି ରାଜନୀତିରେ ସଫଳତା ଚାହୁଁଛ ତେବେ ଅମିତ ସାହାଙ୍କ ରଣନୀତିକୁ ଜାଣିବା ଦରକାର। ସେତିକି ନୁହେଁ ସେ ପରୋକ୍ଷରେ ବିଜେଡିକୁ ସମାଲୋଚନା କରିବାକୁ ଯାଇ କହିଥିଲେ ଯେ, ବର୍ତ୍ତମାନ ଏକ ନୂଆ ଭୋଟ ବ୍ୟାଙ୍କ ସୃଷ୍ଟି ହୋଇଛି, ତାହା ହେଲା ‘ହିତାଧିକାରୀ’ ବା ‘ ଲାଭାର୍ଥୀ’।

ତେବେ କଥା ହେଲା ଯେ, ସୌମ୍ୟବାବୁ ପୁସ୍ତକ ଉନମୋଚନ କରିବାରେ କୌଣସି ଅସୁବିଧା ନାହିଁ। ହେଲେ ବିଜେପିର ଜୟଯାତ୍ରା ଲେଖା ଯାଇଥିବା ପୁସ୍ତକକୁ ବିଜେଡି ବିଧାୟକ ଭାବେ ସେଥିରେ ଯୋଗଦେବା ନିଶ୍ଚିତ ଭୁଲ। ସେ ପ୍ରତି ମାସରେ ପୁସ୍ତକ ଉନମୋଚନ କରୁଛନ୍ତି। ଜଣେ ସାହିତ୍ୟିକ ତଥା ସଂପାଦକ ଭାବେ ସେ କର୍ତ୍ତବ୍ୟ ତାଙ୍କର ରହିଛି। ହେଲେ ବିରୋଧୀ ଦଳର ଜୟଯାତ୍ରା ପୁସ୍ତକ ଉନମୋଚନ କରିବାକୁ ସାଧାରଣରେ ଗ୍ରହଣ କରାଯାଇପାରୁ ନାହିଁ।

ସୌମ୍ୟବାବୁ ଭଲ ଭାବରେ ଜାଣିଛନ୍ତି ଯେ, ଏହି କାର୍ଯ୍ୟକ୍ରମ ବିଜେପିର, ଯେଉଁ ପୁସ୍ତକ ଉନମୋଚନ ହେବ ତାହା ମଧ୍ୟ ବିଜେପିର ସଫଳତା ଉପରେ ପର୍ଯ୍ୟବେସିତ। ଏସବୁ ସତ୍ବେ ସେ ସେଥିରେ ଯୋଗ ଦେବା ନିଶ୍ଚିତ ଭାବେ ଜାଣିଶୁଣି କରିଛନ୍ତି। ଏଥିରୁ ସ୍ପଷ୍ଟ ହେଲା ଯେ, ତାଙ୍କର ବିଜେଡି ପ୍ରତି ଯେଉଁ ପ୍ରତିବଦ୍ଧତା ରହିବା କଥା ତାହା ଆଉ ସେ ରଖିବାକୁ ଚାହାଁନ୍ତି ନାହିଁ।

ତେବେ ଏହି ଗୋଟିଏ ଘଟଣା ନୁହେଁ, ବିଭିନ୍ନ ସଭା ସମିତିରେ ସେ ଖୋଲମଖୁଲା ବିଜେଡି ତଥା ସରକାରଙ୍କୁ ସମାଲୋଚନା କରିବାରେ ଲାଗିଛନ୍ତି। ଏପରିକି ତାଙ୍କ ସଂପାଦିତ ଖବରକାଗଜ ‘ସମ୍ବାଦ’ ରେ ମଧ୍ୟ ସେ ବିଭିନ୍ନ ସମୟରେ ସରକାରଙ୍କୁ ସିଧା ଆଙ୍ଗୁଠି ଦେଖାଇବାକୁ ପଛାଇ ନାହାଁନ୍ତି। ଫଳରେ ସୌମ୍ୟବାବୁଙ୍କ ଏପରି ହାବଭାବକୁ ଦେଖି ଆସନ୍ତା ନିର୍ବାଚନ ବେଳକୁ ନବୀନ ଉପଯୁକ୍ତ ଜବାବ ଦେବ ବୋଲି ସ୍ପଷ୍ଟ ଜଣାପଡିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

‘ବିଜେପିର ଯାତ୍ରା’ ପୁସ୍ତକକୁ ଉନମୋଚନ କଲେ ବିଜେଡି ବିଧାୟକ ସୌମ୍ୟରଂଜନ ପଟ୍ଟନାୟକ

ଭୁବନେଶ୍ବର: ଆଜି ‘ଅମିତ ସାହା ଏବଂ ବିଜେପି ଯାତ୍ରା’ ପୁସ୍ତକର ଓଡିଆ ଅନୁବାଦକୁ ଉନମୋଚନ କରିଛନ୍ତି ବିଜେଡି ବିଧାୟକ ସୌମ୍ୟରଂଜନ ପଟ୍ଟନାୟକ। ସେ ଏହି ଉତ୍ସବର ଅନ୍ୟତମ ଅତିଥି ଭାବେ ଯୋଗ ଦେଇ ଏହି ପୁସ୍ତକୁ ଉନମୋଚନ କରିଛନ୍ତି।

ଭୁବନେଶ୍ବରର ମେ ଫାୟାର କନଭେନସନ ହଲରେ ଆୟୋଜିତ ଏହି ଉତ୍ସବ ଆୟୋଜିତ ହୋଇଥିଲା। ଏଥିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ସଭାପତି ସମୀର ମହାନ୍ତି ଏବଂ ସାମ୍ବାଦିକ ସପନ ଦାସଗୁପ୍ତା ମଧ୍ୟ ଯୋଗ ଦେଇଥିଲେ।

ହିନ୍ଦି ଓ ଇଂରାଜୀରେ ଏହି ପୁସ୍ତକକୁ ରଚନା କରିଛନ୍ତି ଅର୍ନିବାଣ ଗାଙ୍ଗୋଲି ଏବଂ ଶିବାନନ୍ଦ ଦ୍ବିବେଦୀ। ଯାହାର ଓଡିଆ ଅନୁବାଦ କରାଯାଇଛି। ଏହି ଉତ୍ସବରେ ସୌମ୍ୟରଂଜନ ଯୋଗ ଦେଇ ଅମିତ ସାହାଙ୍କ ରଣନୀତିକୁ ବେଶ ପ୍ରଶଂସା କରିଥିଲେ।

ସେ କହିଥିଲେ ଯେ, ଏହି ପୁସ୍ତକଟି କେବଳ ବିଜେପି ନୁହେଁ ଅନ୍ୟ ଦଳର ନେତା ମଧ୍ୟ ପାଠ କରିବା ଉଚିତ। କାରଣ ଜଣେ ସଫଳ ନେତା ହେବା ପାଇଁ ଯାହା ଦରକାର ତାହା ଏହି ପୁସ୍ତକରେ ରହିଛି। ତେବେ ବିଜେଡି ବିଧାୟକ ଭାବେ ବିଜେପି ଯାତ୍ରା ପୁସ୍ତକୁ ଉନମୋଚନ କରିବା ନେଇ ବିଭିନ୍ନ ମହଲରେ ସମାଲୋଚନା କରାଯାଇଛି।

Categories
ବିଶେଷ ଖବର ରାଜ୍ୟ ଖବର

ପୁଣି ଥରେ ନବୀନ ପଟ୍ଟନାୟକଙ୍କୁ ପରୋକ୍ଷରେ ଆକ୍ରମଣ କଲେ ବିଜେଡି ବିଧାୟକ ସୌମ୍ୟରଂଜନ ପଟ୍ଟନାୟକ

ଭୁବନେଶ୍ବର, ପୁଣିଥରେ ଓଡିଶା ମିଡିଆ ସମ୍ରାଟ ତଥା ବିଜେଡି ବିଧାୟକ ସୌମ୍ୟରଂଜନ ପଟ୍ଟନାୟକ ଚିରାଚରିତ ଭାବେ ନବୀନଙ୍କୁ ପରୋକ୍ଷରେ ଆକ୍ରମଣ କରିଛନ୍ତି। ସେ ସମ୍ବାଦ ଖବରକାଗଜର ‘ଆମଘରର ହାଲଚାଲ’ ରେ ଏହି ତେରଚ୍ଛା ବାଣ ମାରିଛନ୍ତି। ପୂର୍ବରୁ ସେ ଅନେକ ଥର ଏପରି କରିଛନ୍ତି। ଏଥର ଏହି ପୃଷ୍ଠାରେ ସେ ‘କୋଟିପତି କିରାଣୀଙ୍କ କଥା’ ଉଲ୍ଲେଖ କରିଛନ୍ତି। ଷ୍ଟାଫ୍ ସିଲେକସନ କମିଶନରର କିରାଣୀ ବିରଞ୍ଚିନାରାୟଣ ସାହୁଙ୍କ ଦୁର୍ନିତି କଥା ବିଷୟରେ ଲେଖିଛନ୍ତି।

ବିରଞ୍ଚିଙ୍କୁ ଢାଲ କରି ସେ ନବୀନ ପଟ୍ଟନାୟକଙ୍କ ନେତୃତ୍ବରେ ଚାଲିଥିବା ସରକାର ଏବଂ ଅମଲାତନ୍ତ୍ରଙ୍କୁ ତୀବ୍ର ସମାଲୋଚନା କରିଛନ୍ତି। ସୌମ୍ୟବାବୁ ଲେଖିଛନ୍ତି ଯେ,

ଆମର କାହିଁକି ମନେହେଉଛି, ନବୀନବାବୁ ଯେଉଁ ପରିମାଣରେ ବିନମ୍ର ଓ ନିରହଂକାର ତାଙ୍କର ଅମଲାତନ୍ତ୍ର ତା’ଠାରୁ ଅଧିକ ଉଗ୍ର ଓ ଅହଂକାରୀ। ଆଉ ଗୋଟିଏ ଛୋଟିଆ ଉଦାହରଣରୁ ଏହାକୁ ପ୍ରମାଣିତ କରିହେବ । ଓଡ଼ିଆ ଜାତିର ଆରାଧ୍ୟ ଦେବତା ଜଗନ୍ନାଥଙ୍କ ଶ୍ରୀକ୍ଷେତ୍ରକୁ ସରସ ସୁନ୍ଦର କରି ଗଢ଼ି ତୋଳିବା ସହିତ ଏହାକୁ ଏକ ବିଶ୍ବସ୍ତରୀୟ ପର୍ଯ୍ୟଟନସ୍ଥଳୀରେ ପରିଣତ କରିବାର ନବୀନବାବୁଙ୍କ ଉଦ୍ୟମକୁ ଦଳମତ ନିର୍ବିଶେଷରେ ସମସ୍ତେ ସ୍ବୀକାର କରୁଛନ୍ତି। କିନ୍ତୁ ଏହି ଶ୍ରୀକ୍ଷେତ୍ରକୁ ପର୍ଯ୍ୟଟନସ୍ଥଳୀରେ ପରିଣତ କରିବାକୁ ଯାଇ ବେଳାଭୂମିରେ ମଦ ଦୋକାନ ଖୋଲିବାର ନିଷ୍ପତ୍ତି କେଉଁ ଉର୍ବର ମସ୍ତିଷ୍କର ଆମେ ଜାଣୁନା। ସୁଖର କଥା ଭକ୍ତମାନଙ୍କ ଭାବନା ଓ ପ୍ରତିକ୍ରିୟାକୁ ସମ୍ମାନ ଜଣାଇ ଏପ୍ରକାର ନିଷ୍ପତ୍ତି ପ୍ରତ୍ୟାହୃତ ହୋଇଛି । କିନ୍ତୁ ଆହୁରି ଅନେକ ନିଷ୍ପତ୍ତି ଏପରି ନିଆଯାଉଛି ଯାହା ରାଜନୈତିକ ଉତ୍ତରଦାୟିତ୍ବର ସର୍ବନିମ୍ନ ଗଣତାନ୍ତ୍ରିକ ମୂଲ୍ୟବୋଧକୁ ଉପେକ୍ଷା କରୁଛି ।”

ସେହିପରି ସୌମ୍ୟବାବୁ ଆଉ ଏକ ପାରା ରେ ଉଲ୍ଲେଖ କରିଛନ୍ତି ଯେ, ରାଜ୍ୟରେ କିପରି ନେତାମାନଙ୍କୁ ପଛରେ ପକାଇ ଅମଲାତନ୍ତ୍ର ବା ପ୍ରଶାସକମାନଙ୍କ ଶାସନ ଚାଲିଛି। ସେ କହିଛନ୍ତି ଯେ,

ରାଜନୀତି ବିଜ୍ଞାନର ଛାତ୍ର ଭାବରେ ଆମେ ପଢ଼ିଥିଲୁ ଯେ ଅମଲାତନ୍ତ୍ର ରାଜନୈତିକ ଉତ୍ତରଦାୟିତ୍ରର ଆଢୁଆଳରେ ରହି ସବୁକାର୍ଯ୍ୟ କରେ। ଏବେ କିନ୍ତୁ ମନେହେଉଛି ସବୁକିଛି ଓଲଟି ଯାଇଛି । ସରକାରଙ୍କର କୌଣସି ନୀତିଗତ ମୌଳିକ ନିଷ୍ପତ୍ତି ଏବଂ ଉଲ୍ଲେଖନୀୟ କାର୍ଯ୍ୟକ୍ରମର ଘୋଷଣା ସମୟରେ ମନ୍ତ୍ରୀମାନେ ଦୃଶ୍ୟମାନ ହେଉନାହାନ୍ତି। କରୋନା କଟକଣାର ସବୁକଥାକୁ ନୂଆ ନିୟମ ଭାବରେ ଗ୍ରହଣ କରିନେଲା ପରି ଆମ ରାଜନେତାମାନେ ଏହାକୁ ଆଧୁନିକ ଗଣତନ୍ତ୍ରର ନୂଆ ବ୍ୟବସ୍ଥା ଭାବି ମାନି ନେଇଛନ୍ତି।”

ଦୋଷ ତୁଟାଇବା ସୌମ୍ୟରଂଜନ ଏହି ଲେଖାର ପ୍ରଥମେ ନବୀନ ପଟ୍ଟନାୟକଙ୍କ କିଛି ପ୍ରଶଂସା କରିଛନ୍ତି। ମୋଟ ବଡବଡ ଚାରି ପାରା ଲେଖା ମଧ୍ୟରୁ ପ୍ରଥମ ପାରାରେ ସେ ଏହି ପ୍ରଶଂସା କରିଥିବା ବେଳେ ଆଉ ତିନି ପାରାରେ କେବଳ ସମାଲୋଚନା ପରିଲକ୍ଷିତ ହୋଇଛି। ତେବେ ନବୀନ ସୌମ୍ୟବାବୁଙ୍କୁ ମନ୍ତ୍ରୀ ନ କରିବା ପର୍ଯ୍ୟନ୍ତ ସେ ଏପରି ବିରୋଧ ଜାରି ରଖିବେ ବୋଲି ଆଲୋଚନା ଚାଲିଛି।

Categories
ବିଶେଷ ଖବର ରାଜ୍ୟ ଖବର

ସୌମ୍ୟରଂଜନ ପଟ୍ଟନାୟକଙ୍କ ‘ୟୁ’ ଟର୍ଣ୍ଣ, ସେବେ ନବୀନଙ୍କୁ ସମାଲୋଚନା ଏବେ ପ୍ରଶଂସା, କାରଣ କଣ ?

ଭୁବନେଶ୍ବର, ଆଜି ସମ୍ବାଦ ଖବରକାଗଜ ଯେ କେହି ଦେଖିବ ସେ ପ୍ରଥମ ପୃଷ୍ଠା ପଢି ଆଶ୍ଚର୍ଯ୍ୟ ହେବ। କାରଣ ହେଲା ଆଜି ସୌମ୍ୟରଂଜନ ପଟ୍ଟନାୟକଙ୍କ ଆମ ଘରର ହାଲଚାଲରେ ଯାହା ଲେଖିଛନ୍ତି ତାହା ସମସ୍ତଙ୍କୁ ଚକିତ କରିଛି। ପୂର୍ବରୁ ‘ ଶ୍ରେଣୀରେ ପ୍ରଥମ ହେଲା ପରେ ବି କପି’ ? ଲେଖା ସହିତ ଆଜିର ‘ଟୋକିଓ ଅଲମ୍ପିକ୍ସର ବାର୍ତ୍ତା’ ଲେଖା ପୁରା ‘ୟୁ’ ଟର୍ଣ୍ଣ ମାରିଛି।

ଏଥର ଲେଖାରେ ସୌମ୍ୟରଂଜନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବେଶ୍ ପ୍ରଶଂସାରେ ପୋତି ପକାଇଛନ୍ତି। ହକି ଇଣ୍ଡିଆର ପ୍ରାୟୋଜକ ସାଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବେଶ ଦୂରଦର୍ଶି କାର୍ଯ୍ୟ କରିଛନ୍ତି ବୋଲି ସେ ଉଲ୍ଲେଖ କରିଛନ୍ତି। ନବୀନଙ୍କ ହକି ଇଣ୍ଡିଆର ପ୍ରାୟୋଜକ ହେବା ନିଷ୍ପତି ସାରା ଦେଶରେ ପ୍ରଶଂସା କରାଯାଉଛି। ହେଲେ ସୌମ୍ୟରଂଜନ ପ୍ରଶଂସା କରିବା ଘଟଣା ଭିନ୍ନ ଦୃଷ୍ଟିଭଙ୍ଗି ସୃଷ୍ଟି କରୁଛି।

ସବୁଠାରୁ ଆଶ୍ଚର୍ଯ୍ୟର ଘଟଣା ହେଲା ଏଥର ଲେଖାରେ ସୌମ୍ୟରଂଜନ ‘ମାନ୍ୟବର’ ନବୀନ ପଟ୍ଟନାୟକ ବୋଲି ସମ୍ବୋଧିତ କରିଛନ୍ତି। ତାଙ୍କର ପୂର୍ବ ଲେଖାରେ ସେ ଏହି ‘ମାନ୍ୟବର’ ଶଦ୍ଦଟି ବ୍ୟବହାର କରି ନ ଥିଲେ। ସାଧାରଣତଃ ମିଡିଆରେ କାହାକୁ ବି ମାନ୍ୟବର ଶଦ୍ଦ ବ୍ୟବହାର କରାଯାଉ ନ ଥିବା ବେଳେ ସୌମ୍ୟରଂଜନ କିନ୍ତୁ ତାହା ଲେଖିଛନ୍ତି। ତେବେ ହଠାତ କଣ ହେଲା କେଜାଣି ସେ ମୁଖ୍ୟମନ୍ତ୍ରୀଙ୍କ ପ୍ରତି ବେଶ୍ ଗଦଗଦ୍ ହୋଇପଡିଛନ୍ତି।

ରାଜନୈତିକ ପାଣିପାଗ ଅନୁସାରେ ନବୀନ ଖୁବ ଶିଘ୍ର ରାଜ୍ୟ ମନ୍ତ୍ରୀ ମଣ୍ଡଳର ଅଦଳବଦଳ କରୁଛନ୍ତି। ସେଥିରେ ସୌମ୍ୟରଂଜନଙ୍କୁ ସାମିଲ କରିବା ପାଇଁ ସେ କୁଆଡେ ଏପର ଅସ୍ତ୍ର ପ୍ରୟୋଗ କରିଛନ୍ତି ବୋଲି କୁହାଯାଉଛି। ଚଳିତ ସରକାରରେ ସୌମ୍ୟରଂଜନ ମନ୍ତ୍ରୀ ହୋଇ ଥାଆନ୍ତେ। ହେଲେ ନବୀନ ତାଙ୍କୁ ବିଶ୍ବାସକୁ ନେଇପାରିଲେ ନାହିଁ। ଫଳରେ ସୌମ୍ୟରଂଜନ ଭିତରେ ଭିତରେ ରାଗ ତମତମ ହୋଇ ରହିଛନ୍ତି।

ତେବେ ଏଥର ମନ୍ତ୍ରୀମଣ୍ଡଳ ଅଦଳବଦଳ ପୂର୍ବରୁ ସୌମ୍ୟରଂଜନ ନବୀନଙ୍କ ବିଶ୍ବାସ ଭାଜନ ପାଇଁ ଚେଷ୍ଠା କରୁଛନ୍ତି। ସେଥିପାଇଁ ସେ ଏପରି ଲେଖା ଲେଖିଛନ୍ତି ବୋଲି ଚର୍ଚ୍ଚା ଚାଲିଛି। ମନ୍ତ୍ରୀ ହେବା ପର୍ଯ୍ୟନ୍ତ ସୌମ୍ୟରଂଜନ ନବୀନଙ୍କୁ ଖୁସି କରିବା ପାଇଁ ଏମିତି ଆହୁରି କିଛି ଲେଖା ପ୍ରକାଶ କରିବେ ବୋଲି ଜଣାପଡିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଅଶ୍ବିନୀ ବୈଷ୍ଣବ ହେଲେ କେନ୍ଦ୍ର ମନ୍ତ୍ରୀ, କିନ୍ତୁ ସୌମ୍ୟରଂଜନ ପଟ୍ଟନାୟକଙ୍କୁ ମିଳିଲା ଶୁଭେଚ୍ଛା, କାହିଁକି ?

ଭୁବନେଶ୍ବର, ଅଶ୍ବିନୀ ବୈଷ୍ଣବ କେନ୍ଦ୍ରମନ୍ତ୍ରୀ ହେବା ପରେ ତାଙ୍କ ପାଖକୁ ଶୁଭେଚ୍ଛା ବାର୍ତ୍ତା ପହଞ୍ଚିବାରେ ଲାଗିଛି। ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, କେତେକ ଲୋକ ବିଜେଡି ବିଧାୟକ ସୌମ୍ୟରଂଜନ ପଟ୍ଟନାୟକଙ୍କୁ ଶୁଭେଚ୍ଛା କରୁଛନ୍ତି। ସୌମ୍ୟବାବୁଙ୍କୁ ଫୋନ କରି କହୁଛନ୍ତି, ଆପଣ କେନ୍ଦ୍ରମନ୍ତ୍ରୀ ହୋଇଥିବାରୁ ଶୁଭେଚ୍ଛା।

ସୌମ୍ୟବାବୁ ଏପରି ଫୋନ କଲ ପାଇ ସେଦିନ ଆଉ ସମ୍ଭାଳିପାରିଲେ ନାହିଁ। ସମସ୍ତଙ୍କୁ ମୁଁ ଅଶ୍ବିନୀ ବୈଷ୍ଣବ ନୁହେଁ ବୋଲି କହି କହି ବ୍ୟସ୍ତ ହେଲେ। ସାଧାରଣତଃ ଯେ କେହି ମନ୍ତ୍ରୀ ହେଲେ ଚିହ୍ନା ଅଚିହ୍ନା ଲୋକେ ଶୁଭେଚ୍ଛା ଦେଇଥାନ୍ତି। ହେଲେ ଲୋକେ ଅଶ୍ବିନୀବାବୁଙ୍କ ଶୁଭେଚ୍ଛା ନ କରି ତାଙ୍କୁ ଶୁଭେଚ୍ଛା କରିବାକୁ ନେଇ ଖୋଦ ସୌମ୍ୟବାବୁ ମଧ୍ୟ ଆଶ୍ଚର୍ଯ୍ୟ ହେଲେ।

ଏହିପରି ବାରମ୍ବାର ଶୁଭେଚ୍ଛା କଲ ଆସିବା ପରେ ସୌମ୍ୟବାବୁ ନିଜେ ମଧ୍ୟ ଏହା ପଛର କାରଣ କଣ ଜାଣିବା ପାଇଁ ଇଚ୍ଛୁକ ହେଲେ। ଯେଉଁମାନେ ଫୋନ କରି ତାଙ୍କୁ ଶୁଭେଚ୍ଛା ଜଣାଇଲେ ସେମାନଙ୍କ ମଧ୍ୟରୁ କେତେକଙ୍କୁ ପଚାରିଲେ ମୋତେ କାହିଁକି ଫୋନ କରୁଛ। ଏହାର ଉତ୍ତରେ ସୌମ୍ୟବାବୁ ଯାହା ଶୁଣିଲେ ସେଥିରେ ତାଙ୍କୁ ମୁଣ୍ଡ ଖରାପ ହୋଇ ଯାଇଥିଲା।

ଘଟଣାଟି ହେଲା ଯେ, ରାଜ୍ୟ ସରକାରଙ୍କ ଡାଇରୀରେ ସମସ୍ତ ବିଧାୟକ ତଥା ସାଂସାଦଙ୍କ ଠିକଣା ସହିତ ଫୋନ ନମ୍ବର ଛପାଯାଇଥାଏ। ଏଥର ଡାଇରୀରେ ପୂର୍ବରୁ ରାଜ୍ୟସଭା ସାଂସଦ ଥିବା ସୌମ୍ୟବାବୁଙ୍କ ନାମକୁ କାଟି ଅଶ୍ବିନୀ ବୈଷ୍ଣବଙ୍କ ନାମ ଛପାଯାଇଛି। ହେଲେ ଦୁର୍ଭାଗ୍ୟବସତଃ ନାମ ବଦଳିଛି ସିନା ସୌମ୍ୟବାବୁଙ୍କ ଠିକଣା ଓ ଫୋନ ନମ୍ବର ବଦଳା ଯାଇ ନାହିଁ। ଫଳରେ ଡାଇରୀରୁ ଯେଉଁମାନେ ଅଶ୍ବିନୀବାବୁଙ୍କ ନମ୍ବର ଖୋଜି ପାଇଛନ୍ତି ସେମାନେ ସୌମ୍ୟବାବୁଙ୍କ ନମ୍ବରକୁ କଲ କରିଛନ୍ତି।

ତେବେ ଏହି ଘଟଣାଟି ଆଜି ଖୋଦ ସୌମ୍ୟବାବୁ ତାଙ୍କର ‘ସମ୍ବାଦ’ ଖବର କାଗଜରେ  ଲୋକ ଲୋଚନକୁ ଆଣିଛନ୍ତି। ଆମ ଘରର ହାଲଚାଲରେ ସେ ନିଜେ ଏହି କଥାକୁ ଉଲ୍ଲେଖ କରିଛନ୍ତି। ଅଶ୍ବିନୀ ବୈଷ୍ଣବଙ୍କ ସଂପର୍କରେ ତାଙ୍କର ଏହି ଲେଖା ଭିତରେ ରହିଛି ଏହି ଭୁଲ ଫୋନ ନମ୍ବର ଘଟଣା।

ଘଟଣାଟିକୁ ସୌମ୍ୟବାବୁ କିପରି ଗ୍ରହଣ କରିଛନ୍ତି ତାହା ଭିନ୍ନ କଥା। କିନ୍ତୁ ଏଥିରୁ ସ୍ପଷ୍ଟ ବାରି ହୋଇପଡୁଛି ଯେ ଓଡିଶା ସରକାରୀ ଅଧିକାରୀଙ୍କ ଖାମଖିଆଲି ନିତି। ଜଣେ ଭିଆଇପିଙ୍କ ସଂପର୍କରେ ତଥ୍ୟ ଦେବା ବେଳେ ଡାଇରୀ ପ୍ରସ୍ତୁତ କରୁଥିବା ଅଧିକାରୀମାନେ କେତେ ସତର୍କ ଅଛନ୍ତି ତାହା ଏଥିରୁ ସ୍ପଷ୍ଟ ବାରି ହୋଇପଡିଛି। ବର୍ତ୍ତମାନ ସୌମ୍ୟବାବୁ ଘଟଣାଟିକୁ ପଦାକୁ ଆଣିବାରୁ ଏହି ଭୁଲ ଜଣାପଡିଲା। ତେବେ ଏମିତି ଆହୁରେ କେତେକ ଭିଭିଆଇପିଙ୍କ ତଥ୍ୟ ଭୁଲ ନ ଥିବ ତାହା କହି ହେବ ନାହିଁ।