Categories
ଆଜିର ଖବର ରାଜ୍ୟ ଖବର

ଡି.ଏସ.ପି ପଦୋନ୍ନତି ମାମଲା: ଓଡିଶା ଲୋକସେବା ଆୟୋଗର ଅବଧି ହ୍ରାସ ଉପରେ ହାଇକୋର୍ଟର ରହିତାଦେଶ

ଭୁବନେଶ୍ବର: ଆଜି ହାଇକୋର୍ଟ ଏକ ଗୁରୁତ୍ୱପୂର୍ଣ ଆବେଦନର ଶୁଣାଣି କରି ଓଡିଶା ଲୋକସେବା ଆୟୋଗ ଉପରେ କଡା ଆଭିମୁଖ୍ୟ ଗ୍ରହଣ କରିଛନ୍ତି। ଜଷ୍ଟିସ ଆଦିତ୍ୟ ମହାପାତ୍ରଙ୍କୁ ନେଇ ଗଠିତ ଖଣ୍ଡପୀଠ ଗୁଣନିଧି ମଲ୍ଲିକଙ୍କ ରିଟ ପିଟିସନ ୩୦୮୮୪/୨୦୨୨ ର ଶୁଣାଣି କରି ନୀତିଗତ ନିଷ୍ପତ୍ତିରୁ ଦୁରେଇ ମନମୁତାବକ କୌଣସି ବିଷୟକୁ ଗ୍ରହଣ ନ କରିବା ପାଇଁ ଗୃହ ବିଭାଗ ଏବଂ ଓ. ପି. ଏସ. ସିକୁ ଆଦେଶ ଦେଇଛନ୍ତି।  ତତସହିତ ଡି.ଏସ.ପିରୁ ଅତିରିକ୍ତ ଏସ.ପିକୁ ପଦୋନ୍ନତି ପାଇଁ ତିନି ବର୍ଷ ଅବଧିରୁ ଛଅ ମାସ କମାଇବା ଵିଜ୍ଞପ୍ତି ଉପରେ ରହିତାଦେଶ ଜାରି କରିଛନ୍ତି।

ପ୍ରକାଶଯୋଗ୍ୟ ଯେ, ଓଡିଶା ଲୋକସେବା ଆୟୋଗର ବିଜ୍ଞପ୍ତି ସଂଖ୍ୟା ୪୯୬୨/ପିଏସସି, ତା ୨୬.୦୬.୨୦୧୮ ରିଖ ଅନୁଯାୟୀ ପଦୋନ୍ନତି ସକାଶେ ଆବଶ୍ୟକ ଅବଧିକୁ କେବଳ ପଚାଶ ପ୍ରତିଶତ କୋହଳ କରାଯାଇପାରିବ। କିନ୍ତୁ ଏ କ୍ଷେତ୍ରରେ ଓଡିଶା ଲୋକସେବା ଆୟୋଗ କିଛି ନିର୍ଦିଷ୍ଟ ଗୋଷ୍ଠୀକୁ ଫାଇଦା ଦେବାକୁ ଯାଇ ସବୁ ନିୟମକୁ ଫୁ କରିଦେଇଛି ଓ ସିଧାସଳଖ ତିନିବର୍ଷରୁ ଛଅ ମାସ କରିଦେଇଛି, ଯାହା ନିୟମ ବହିର୍ଭୁକ୍ତ। ଏ ପ୍ରକାର ପକ୍ଷପାତି ମନୋଭାବ ଯୋଗୁଁ ଅନେକ ଯୋଗ୍ୟ ବ୍ୟକ୍ତି ପଦୋନ୍ନତିରୁ ବଞ୍ଚିତ ହେଉଛନ୍ତି।

ଅନ୍ୟପକ୍ଷେ ଗୃହ ବିଭାଗର ଅଧିକାରୀଙ୍କ କାର୍ଯ୍ୟ ମଧ୍ୟ ସନ୍ଦେହ ଘେରରେ ରହିଛି। ୨୦୧୬ ରେ ଡି. ଏସ. ପି ଭାବରେ ଯୋଗଦେଇଥିବା ସିଧା ସଳଖ ନିଯୁକ୍ତ ଅଧିକାରୀ ପଦୋନ୍ନତି ପାଇଁ ଯୋଗ୍ୟ ଥିଲେ ମଧ୍ୟ ତାଙ୍କୁ ବିଚାରକୁ ନ ନେଇ ଗୃହ ବିଭାଗ କେହି ଯୋଗ୍ୟ ନାହାନ୍ତି ବୋଲି ଓଡିଶା ଲୋକସେବା ଆୟୋଗକୁ ଜଣାଇଛି, ଯାହା ସମ୍ପୂର୍ଣ ତ୍ରୁଟି ଓ ପ୍ରମାଦପୂର୍ଣ୍ଣ ତଥ୍ୟ।

ଅନ୍ୟତଃ ସବୁ ଏ ସଂକ୍ରାନ୍ତୀୟ ପ୍ରସ୍ତାବ ସାଧାରଣ ପ୍ରଶାସନ ବିଭାଗ ମାଧ୍ୟମ ଦେଇ ଓଡିଶା ଲୋକସେବା ଆୟୋଗକୁ ପ୍ରେରିତ ହେବା କଥା କିନ୍ତୁ ଅତି ତରବରିଆ ଭାବରେ ପାଞ୍ଚବର୍ଷପରେ ନିଯୁକ୍ତ ଡି.ଏସ.ପିଙ୍କୁ ଉପରେ ରଖି ପଦୋନ୍ନତି ଦେବା ଚକ୍ରାନ୍ତ କରି ଗୃହ ବିଭାଗ ଓଡିଶା ଲୋକସେବା ଆୟୋଗକୁ ସିଧା ଏ ପ୍ରସ୍ତାବ ପ୍ରେରିତ କରିଛି, ଯାହା ଆଇନ ଦୃଷ୍ଟିରୁ ଅବୈଧ।

ଆଜିର ଏ ରାୟ ପ୍ରକାଶ ପରେ ଓଡିଶା ଲୋକସେବା ଆୟୋଗକୁ ନିଜର ତ୍ରୁଟି ସଂଶୋଧନ କରି ଆତ୍ମଚିନ୍ତନ କରିବା ଆବଶ୍ୟକ ବୋଲି ମାମଲା ପରିଚାଳନା କରୁଥିବା ଆଇନଜୀବୀ ବିଦ୍ୟାଲୋକ ମହାପାତ୍ର କହିଛନ୍ତି। ଏମିତି ଅନୈତିକ ଓ ଆଇନ ବିରୁଦ୍ଧରେ ସେ ଲଢେଇ ଜାରିରଖିବେ ବୋଲି ମତ ଦେଇଛନ୍ତି। କୋର୍ଟର ଆଜିର ଆଦେଶ ସତ୍ୟ, ନ୍ୟାୟ ଓ ନୀତିର ବିଜୟ ବୋଲି ସେ କହିଛନ୍ତି।

Categories
ଆଜିର ଖବର ଜାତୀୟ ଖବର

ସିନ୍ଦେ ଗୋଷ୍ଠୀକୁ ଝଟକା: ଦଷେରା ରାଲି ଆୟୋଜନ କରିବା ଆବେଦନକୁ ଖାରଜ କଲେ ହାଇକୋର୍ଟ

ମୁମ୍ବାଇ: ମୁମ୍ବାଇର ଶିବାଜୀ ପାର୍କରେ ଦଷେରା ରାଲି ଆୟୋଜନ କରିବାକୁ ଟିମ୍ ଏକନାଥ ସିନ୍ଦେଙ୍କ ଆବେଦନକୁ ହାଇକୋର୍ଟ ଖାରଜ କରିଛନ୍ତି। ହାଇକୋର୍ଟଙ୍କ ନିଷ୍ପତ୍ତି ପୂର୍ବରୁ ବିଏମସିର ପରାମର୍ଶଦାତା ସୁପ୍ରିମକୋର୍ଟଙ୍କ ୨୦୦୪ ଆଦେଶକୁ ସୂଚାଇ ଦେଇଥିଲେ, ଯେଉଁଥିରେ ଦର୍ଶାଯାଇଥିଲା ଯେ କୋର୍ଟ ଆଇନ ଶୃଙ୍ଖଳା କାର୍ଯ୍ୟରେ ହସ୍ତକ୍ଷେପ କରିବା ଉଚିତ ନୁହେଁ ଏବଂ ପ୍ରଶାସନ ଦ୍ୱାରା ନିୟନ୍ତ୍ରିତ ହେବା ଉଚିତ। ଏହି ରାୟ ଘୋଷଣା କରିବାବେଳେ କୋର୍ଟ କହିଛନ୍ତି ଯେ ବିଏମସି ସେହି ଦିନ ପୋଲିସ ରିପୋର୍ଟ ମାଗିଥିଲା ​​ଯେଉଁ ଦିନ ଠାକରେ ଗୋଷ୍ଠୀ ହାଇକୋର୍ଟଙ୍କ ଦ୍ଵାରସ୍ଥ ହୋଇଥିଲା। କୋର୍ଟ ଏହା ମଧ୍ୟ କହିଛନ୍ତି ଯେ, ଶିବାଜୀ ପାର୍କରେ ଉଭୟ ଗୋଷ୍ଠୀକୁ ଦଷେରା ରାଲି କରିବାକୁ ଅନୁମତି ନଦେବା ବିଏମସିର ନିଷ୍ପତ୍ତି ଯଥାର୍ଥ ନୁହେଁ।

ବମ୍ବେ ହାଇକୋର୍ଟ ମୁମ୍ବାଇର ଶିବାଜୀ ପାର୍କରେ ଉଦ୍ଧବ ଠାକରେଙ୍କୁ ଦଶେରା ରାଲି କରିବାକୁ ଅନୁମତି ଦେଇଛନ୍ତି। ଅଦାଲତ ଆଜି ଏହାର ରାୟ ପ୍ରଦାନ କରିବାବେଳେ କହିଛନ୍ତି ଯେ, ମହାରାଷ୍ଟ୍ର ସରକାର ଅକ୍ଟୋବର ୨ ତାରିଖରୁ ୬ ତାରିଖ ପର୍ଯ୍ୟନ୍ତ ଶିବଜୀ ପାର୍କରେ ଦଶେରା ରାଲି ଆୟୋଜନ କରିବାକୁ ଅନୁମତି ଦିଅନ୍ତୁ। ଅଦାଲତର ଏହି ନିଷ୍ପତ୍ତିକୁ ଶିବସେନାର ଏକନାଥ ସିନ୍ଦେ ଦଳ ପାଇଁ ଏକ ବଡ଼ ଝଟକା ବୋଲି ବିବେଚନା କରାଯାଉଛି।

ଆଜି ଏହି ମାମଲାର ଶୁଣାଣି ବେଳେ ବମ୍ବେ ହାଇକୋର୍ଟରେ ଆଡଭୋକେଟ ଏସପି ଚିନାୟ ଶିବସେନା (ଠାକରେ ଗୋଷ୍ଠୀ) ତରଫରୁ କହିଛନ୍ତି ଯେ, ଶିବସେନା ୧୯୬୬ ମସିହାରୁ ଶିବାଜୀ ପାର୍କରେ ଦଷେରା ରାଲିର ଆୟୋଜନ କରିଆସୁଛି। କୋଭିଡ ପରେ ବର୍ତ୍ତମାନ ସମସ୍ତ ପର୍ବ ପାଳନ କରାଯାଉଛି। ଏଭଳି ପରିସ୍ଥିତିରେ ୨୦୨୨ ମସିହାରେ ଶିବସେନା ତରଫରୁ ଦଷେରା ମେଳା ଆୟୋଜନ କରିବାକୁ ଅନୁମତି ଦିଆଯିବା ଉଚିତ୍।

ଏଥି ସହିତ, ବିତର୍କ ସମୟରେ ସିନ୍ଦେ ଗୋଷ୍ଠୀ କହିଛନ୍ତି ଯେ ଏକନାଥ ସିନ୍ଦେ ଶିବସେନାର ମୁଖ୍ୟ ନେତା ଅଟନ୍ତି। ଠାକରେ ଦଳର ଦାବି ବିଭ୍ରାନ୍ତିକର ଏବଂ ମିଥ୍ୟା ତଥ୍ୟ ଉପରେ ଆଧାରିତ। ସିନ୍ଦେ ଦଳର ପରାମର୍ଶଦାତା ମିଲିନ୍ଦ ସାଲଭେ କହିଛନ୍ତି ଯେ, “ଶିବାଜୀପାର୍କ ଏକ ଖେଳ ପଡିଆ ଏବଂ ନିରବ ଜୋନ୍ ରେ ଆସିଥାଏ। ୨୦୧୬ ର ଏକ GR ଅଛି, ଯେଉଁଥିରେ ଦର୍ଶାଯାଇଛି ଯେ ଦଷେରା ମେଳା ପାଇଁ ଶିବାଜୀ ପାର୍କକୁ ଅନୁମତି ଦିଆଯାଇଛି, କିନ୍ତୁ ସମାନ GR ରେ ଏହା ମଧ୍ୟ କୁହାଯାଇଛି ଯେ ଯଦି କୌଣସି ଆଇନ ଶୃଙ୍ଖଳା ସମସ୍ୟା ଥାଏ ତେବେ ସେଠାରେ କୌଣସି କାର୍ଯ୍ୟକ୍ରମ ଆୟୋଜନ କରାଯାଇପାରିବ ନାହିଁ।

Categories
ଅପରାଧ ଆଜିର ଖବର ଜାତୀୟ ଖବର

ଜେଲରଙ୍କୁ ଧମକ ଦେବା ମାମଲା: ମୁଖତାର୍ ଅନସାରୀଙ୍କୁ ଦୁଇ ବର୍ଷ କାରାଦଣ୍ଡରେ ଦଣ୍ଡିତ କଲେ ହାଇକୋର୍ଟ

ଲକ୍ଷ୍ନୌ: ଲକ୍ଷ୍ନୌର ତତ୍କାଳୀନ ଜେଲରଙ୍କୁ ଧମକ ଦେବା ମାମଲାରେ ମାଫିଆ ମୁଖତାର ଅନସାରୀଙ୍କୁ ଦୁଇ ବର୍ଷ ଜେଲ ଦଣ୍ଡାଦେଶ ହୋଇଛି। ହାଇକୋର୍ଟଙ୍କ ଦ୍ଵାରା ଅନସାରୀଙ୍କୁ ଦୁଇ ବର୍ଷ ଜେଲ ଦଣ୍ଡ ହୋଇଛି। ୨୨ ବର୍ଷ ପୂର୍ବେ ଏପ୍ରିଲ ୩ ତାରିଖ ୨୦୦୦ରେ ଲକ୍ଷ୍ନୌର ଆଲାମବାଗ କୋତୱାଲିରେ ଏକ ମାମଲା ରୁଜୁ ହୋଇଥିଲା। ଜେଲର ଏସ.ଏନ୍ ଦ୍ୱିବେଦୀ ଅନସାରୀଙ୍କ ବିରୋଧରେ ମାମଲା ଦାୟର କରିଥିଲେ। ଏହି ମାମଲାରେ ମୁଖତାର ଅନସାରୀ ନିର୍ଦ୍ଦୋଷରେ ଖଲାସ ହୋଇଥିଲେ। କିନ୍ତୁ ନିମ୍ନ ଅଦାଲତର ନିଷ୍ପତ୍ତି ବିରୋଧରେ ୟୁପି ସରକାର ହାଇକୋର୍ଟରେ ଆବେଦନ କରିଥିଲେ। ଯାହାର ଶୁଣାଣି ଆଜି ହୋଇଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବର୍ଷା-ଅନୁଭବ ପରିବାର ବିବାଦ ମାମଲା: ଉଭୟଙ୍କୁ ତାଗିଦ କଲେ ହାଇକୋର୍ଟ

କଟକ: ସାଂସଦ ଅନୁଭବ ମହାନ୍ତି ଏବଂ ତାଙ୍କ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ମଧ୍ୟରେ ଲାଗି ରହିଥିବା ବିବାଦ ମଧ୍ୟରେ ଆଜି ହାଇକୋର୍ଟ ଏକ ଶୁଣାଣି କରିଛନ୍ତି। ଏହି ଶୁଣାଣି ସମୟରେ ଉଭୟଙ୍କୁ ହାଇକୋର୍ଟ ତାଗିଦ କରିଛନ୍ତି। ସୋସିଆଲ ମିଡିଆରେ ଦେଉଥିବା ମନ୍ତବ୍ୟକୁ ନେଇ ଉଭୟଙ୍କୁ ହାଇକୋର୍ଟ ତାଗିଦ କରିଛନ୍ତି। ସୋସିଆଲ ମିଡିଆରେ କେହି କାହା ବିରୋଧରେ ମନ୍ତବ୍ୟ ନଦେବା ଲାଗି ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଯେପରି ଆଉ କୌଣସି ଭିଡିଓ ପୋଷ୍ଟ କରାନଯିବ, ସେଥିପାଇଁ ଅନୁଭବଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। କିନ୍ତୁ ଏହି ମାମଲାର ପରବର୍ତ୍ତୀ ଶୁଣାଣି ଜୁଲାଇ ୩ ତାରିଖରେ କରିବାକୁ ଦିନ ଧାର୍ଯ୍ୟ କରାଯାଇଛି।

ଉଲ୍ଲେଖ ଯୋଗ୍ୟ ଯେ, ଏଭଳି ଭିଡିଓ ପୋଷ୍ଟ କରୁଥିବାରୁ ଅନୁଭବଙ୍କ ବିରୋଧରେ ପତ୍ନୀ ବର୍ଷା ପ୍ରଥମେ ପୁରିଘାଟ ଥାନାରେ ଅଭିଯୋଗ କରିଥିଲେ। କିନ୍ତୁ ପୁନର୍ବାର ଭିଡିଓ ପୋଷ୍ଟ କରୁଥିବା ଅଭିଯୋଗ କରି ଅନୁଭବଙ୍କ ବିରୋଧରେ ବର୍ଷା ହାଇକୋର୍ଟଙ୍କ ଦ୍ଵାରସ୍ଥ ହୋଇଥିଲେ। ଯାହାଦ୍ଵାରା ଆଜି ଏହି ମାମଲାର ଶୁଣାଣି ହୋଇଥିଲା।

Categories
ବିଶେଷ ଖବର

ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାର୍ଯ୍ୟ ଆଇନ୍‌ର ପରିସର ମଧ୍ୟରେ ହେଉଛି: ପିନାକୀ ମିଶ୍ର

ଭୁବନେଶ୍ୱର: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନିର୍ମାଣ କାର୍ଯ୍ୟ ଉପରେ ହାଇକୋର୍ଟ ରହିତାଦେଶ ଦେଇନାହାନ୍ତି। ବରଂ ଏଏସ୍‌ଆଇ ସହିତ ସମନ୍ୱୟ ରଖି ରାଜ୍ୟ ସରକାର ନିର୍ମାଣ କାର୍ଯ୍ୟ ଜାରି ରଖିବାକୁ ପରାମର୍ଶ ଦେଇଛନ୍ତି। ହାଇକୋର୍ଟ ଏହା ସ୍ପଷ୍ଟ କଲା ପରେ ବିରୋଧୀମାନେ କେଉଁ ଆଧାରରେ ଏବଂ କେଉଁ କ୍ଷମତା ବଳରେ କାମ ବନ୍ଦ ରଖିବା ଉଚିତ୍ ବୋଲି କହୁଛନ୍ତି? ପରିକ୍ରମା ପ୍ରକଳ୍ପ ସମ୍ପର୍କରେ ଏଏସ୍‌ଆଇ ହାଇକୋର୍ଟରେ ସତ୍ୟପାଠ ଦାଖଲ କରିବା ପରେ ଆଜି ପ୍ରକଳ୍ପ ବିରୋଧୀଙ୍କୁ ଏଭଳି ପ୍ରଶ୍ନ କରିଛନ୍ତି ପୁରୀ ସାଂସଦ ପିନାକୀ ମିଶ୍ର।

ଗଣମାଧ୍ୟମରେ ମତ ରଖି ଶ୍ରୀ ମିଶ୍ର କହିଛନ୍ତି ଯେ ରାଜ୍ୟ ସରକାର ଯାହା କାମ କରୁଛନ୍ତି ଆଇନ୍‌ର ପରିସରରେ ରହି କରୁଛନ୍ତି। ଶୌଚାଳୟ, ଡ୍ରେନ୍ ଏବଂ ବୈଦ୍ୟୁତିକ ନିର୍ମାଣ ଆମ୍‌ସାର ଆଇନ୍ ପରିସରରେ ଆସୁନାହିଁ, ତେଣୁ ଏହିସବୁ କାମ କରାଯାଇପାରିବ ବୋଲି ନିଜେ ଏଏସ୍‌ଆଇ ତାଙ୍କ ସତ୍ୟପାଠରେ କହିଛନ୍ତି। ଏହାଛଡ଼ା ଏନ୍‌ଏମ୍‌ଏ ବା ଜାତୀୟ ସ୍ମାରକୀ ପ୍ରାଧୀକରଣ ଆମକୁ ଏଥିପାଇଁ ୪ ସେପ୍ଟେମ୍ବର ୨୦୨୧ରେ ଏନ୍‌ଓସି ଦେଇଛନ୍ତି ବୋଲି ଆଡ୍‌ଭୋକେଟ୍ ଜେନେରାଲ ହାଇକୋର୍ଟରେ କହିଛନ୍ତି।

ଶ୍ରୀ ମିଶ୍ର ଆହୁରି କହିଛନ୍ତି ଯେ, ଏଏସ୍‌ଆଇ ନିଜର ସତ୍ୟପାଠରେ ଉଲ୍ଲେଖ କରିଥିବା କେତେକ ପ୍ରସଙ୍ଗରେ ରାଜ୍ୟ ସରକାରଙ୍କ ଭିନ୍ନ ମତ ରହିଛି ବୋଲି ଆଡ୍‌ଭୋକେଟ୍ ଜେନେରାଲ ମାନ୍ୟବର ହାଇକୋର୍ଟଙ୍କୁ ସ୍ପଷ୍ଟ ଭାବେ ଜଣାଇଛନ୍ତି। ସେଥିପାଇଁ ହାଇକୋର୍ଟ ମଧ୍ୟ ରାଜ୍ୟ ସରକାରଙ୍କୁ ଜବାବୀ ସତ୍ୟପାଠ ଦାଖଲ କରିବାକୁ ସମୟ ଦେଇଛନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଆବେଦନକାରୀ ପରିକ୍ରମା ପ୍ରକଳ୍ପ କାର୍ଯ୍ୟ ଉପରେ ରହିତାଦେଶ ଦିଆଯାଉ ବୋଲି ବାରମ୍ବାର ନିବେଦନ କରିଥିଲେ। ମାତ୍ର ହାଇକୋର୍ଟ ଏହା ଉପରେ ରହିତାଦେଶ ଦେବାକୁ ସ୍ପଷ୍ଟ ଭାବେ ମନା କରିଦେଇଛନ୍ତି। ବରଂ ରାଜ୍ୟ ସରକାର ଓ ଏଏସ୍‌ଆଇ ପରସ୍ପର ଭିତରେ ସମନ୍ୱୟ ରଖି କାମ ଜାରି ରଖିବାକୁ ହାଇକୋର୍ଟ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି।

ପୁରୀର ଲୋକ ଏହି ପରିକ୍ରମା ପ୍ରକଳ୍ପ କାମ ହେଉ ବୋଲି ଚାହୁଁଛନ୍ତି ବୋଲି ଦର୍ଶାଇ ଶ୍ରୀ ମିଶ୍ର କହିଛନ୍ତି ଯେ ପ୍ରତିଦିନ ମହାପ୍ରଭୁଙ୍କ ଦର୍ଶନ ଲାଗି ଆସୁଥିବା ଲକ୍ଷ ଲକ୍ଷ ଭକ୍ତ ଓ ଶ୍ରଦ୍ଧାଳୁ ଶୌଚାଳୟ ଓ ଅନ୍ୟାନ୍ୟ ଅସୁବିଧାର ସମ୍ମୁଖୀନ ହେଉଥିଲେ। ଏହି ସ୍ପର୍ଶକାତର ସମସ୍ୟାକୁ ମାନ୍ୟବର ମୁଖ୍ୟମନ୍ତ୍ରୀ ଓ ରାଜ୍ୟ ସରକାର ଉପଲବ୍ଧି କଲା ପରେ ଲୋକଙ୍କ ସୁବିଧା ଲାଗି ଏନ୍‌ଏମ୍‌ଏର ଏନ୍‌ଓସି ନେଇ ଶୌଚାଳୟ ଆଦି ନିର୍ମାଣ କରୁଛନ୍ତି।

ଅନ୍ୟପକ୍ଷରେ ପରିକ୍ରମା ପ୍ରକଳ୍ପ କାର୍ଯ୍ୟର ଯୁଗ୍ମ ଅନୁଧ୍ୟାନ ପରେ ଏନେଇ ଏଏସ୍‌ଆଇ ସତ୍ୟପାଠରେ ଯେଉଁସବୁ ବିଷୟ ଉଲ୍ଲେଖ କରିଛି, ହାଇକୋର୍ଟ ଏହାକୁ ଅସ୍ପଷ୍ଟ ବୋଲି ଦର୍ଶାଇଛନ୍ତି ଏବଂ ଏହି ନିର୍ମାଣ କାର୍ଯ୍ୟ ମନ୍ଦିର ଉପରେ କ୍ଷତି ପହଞ୍ଚାଇବ କି ନାହିଁ ତାହା ଉପରେ ଅଧିକ ଅନୁଧ୍ୟାନ କରି ନିର୍ଦ୍ଦିଷ୍ଟ ଭାବେ ରିପୋର୍ଟ ଦେବାକୁ ଏଏସ୍‌ଆଇକୁ ନିର୍ଦ୍ଦେଶ ଦେଇଛନ୍ତି। ଏହାଛଡ଼ା ହାଇକୋର୍ଟ ରାଜ୍ୟ ସରକାରଙ୍କୁ ଜବାବୀ ସତ୍ୟପାଠ ଦାଖଲ ପାଇଁ ସମୟ ଦେବା ସହ କାମ ଜାରି ରଖିବାକୁ କହିଛନ୍ତି।

ହାଇକୋର୍ଟ ସ୍ପଷ୍ଟ ଭାବେ ଏଭଳି ନିର୍ଦ୍ଦେଶ ଦେବା ପରେ ପ୍ରକଳ୍ପ କାମ ବନ୍ଦ କରିବାକୁ କାହାର ସତ୍‌ସାହାସ ହେଉଛି ବୋଲି ଶ୍ରୀ ମିଶ୍ର ପ୍ରଶ୍ନ କରିଛନ୍ତି। ବିଜେପିର ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଗଣମାଧ୍ୟମରେ ଏନେଇ ମତ ରଖିବା ପରେ ଶ୍ରୀ ମିଶ୍ର ତାଙ୍କ ନାମ ନ ନେଇ ତାଙ୍କୁ କଟାକ୍ଷ କରିଛନ୍ତି ଏବଂ ଯେଉଁମାନେ ପାର୍ଲାମେଣ୍ଟ ଯିବାକୁ ଚାହୁଁଛନ୍ତି ସେମାନେ ପ୍ରଥମେ ଆଇନ୍‌ର ଜ୍ଞାନ ହାସଲ କରନ୍ତୁ ବୋଲି କହିଛନ୍ତି।

Categories
ଆଜିର ଖବର ରାଜ୍ୟ ଖବର

ଶ୍ରୀମନ୍ଦିର ପରିକ୍ରମା ପ୍ରକଳ୍ପ ସମ୍ପର୍କିତ ମାମଲା: ଜବାବ ତଲବ କଲେ ହାଇକୋର୍ଟ

କଟକ: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଘଟଣା ଏବେ ହାଇକୋର୍ଟରେ ପହଞ୍ଚିଛି। ଏହି ସଂକ୍ରାନ୍ତରେ ଜବାବ ରଖିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ରାଜ୍ୟ ସରକାର ଏବଂ ଏଏସଆଇକୁ ହାଇକୋର୍ଟ ଜବାବ ଦେବାକୁ ନିର୍ଦ୍ଦେଶ ଦେଇଛନ୍ତି। ଆସନ୍ତା ୧୭ ତାରିଖରେ ଏସମ୍ପର୍କିତ ଉତ୍ତର ରଖିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏହି ପ୍ରକଳ୍ପ ଯୋଗୁଁ ଶ୍ରୀମନ୍ଦିର ପ୍ରତି ବିପଦ ଅଛି କି ନାହିଁ, କିଏ ଏହାର ନିର୍ମାଣ କାର୍ଯ୍ୟ କରୁଛି, କଣ ନିର୍ମାଣ ହେଉଛି, ଏହି ସବୁ ପ୍ରଶ୍ନର  ଜବାବ ରକିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।

Categories
ଆଜିର ଖବର ଜାତୀୟ ଖବର

ଟୀକା ପ୍ରମାଣପତ୍ରରେ ପ୍ରଧାନମନ୍ତ୍ରୀଙ୍କ ଫଟୋ ବିରୋଧରେ ଆବେଦନ: ୧ ଲକ୍ଷ ଜରିମାନା କଲେ ହାଇକୋର୍ଟ

ଥିରୁଅନନ୍ତପୁରମ୍: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଫଟୋକୁ କୋଭିଡ-୧୯ ଟୀକାକରଣ ପ୍ରମାଣପତ୍ରରୁ ହଟାଇବାକୁ ଏକ ଆବେଦନକୁ ଆଜି କେରଳ ହାଇକୋର୍ଟ ଖାରଜ କରିଦେଇଛନ୍ତି। ଏହା ସହିତ ଆବେଦନକାରୀଙ୍କୁ ହାଇକୋର୍ଟ ଏକ ଲକ୍ଷ ଟଙ୍କା ଜରିମାନା କରିଛନ୍ତି। ଗଣମାଧ୍ୟମ ସୂଚନା ଅନୁଯାୟୀ, ଜଷ୍ଟିସ୍ ପି.ଭି କୁନିକ୍ରିଷ୍ଣନ୍ କହିଛନ୍ତି ଯେ ଦେଶର ପ୍ରଧାନମନ୍ତ୍ରୀଙ୍କୁ କଂଗ୍ରେସ ପ୍ରଧାନମନ୍ତ୍ରୀ କିମ୍ବା ବିଜେପି ପ୍ରଧାନମନ୍ତ୍ରୀ କିମ୍ବା ଅନ୍ୟ କୌଣସି ରାଜନୈତିକ ଦଳର ପ୍ରଧାନମନ୍ତ୍ରୀ ବୋଲି କେହି କହିପାରିବେ ନାହିଁ। ସମ୍ବିଧାନ ଅନୁଯାୟୀ ପ୍ରଧାନମନ୍ତ୍ରୀ ନିର୍ବାଚିତ ହେବା ପରେ ଏହା ଦେଶର ପ୍ରଧାନମନ୍ତ୍ରୀ ଏବଂ ଏହି ପଦଟି ପ୍ରତ୍ୟେକ ନାଗରିକଙ୍କ ଗର୍ବ ହେବା ଉଚିତ୍।

Categories
ଆଜିର ଖବର ଜାତୀୟ ଖବର

ଲଖିମପୁର ଖେରୀ ଘଟଣା: ମୃତକ ଚାଷୀଙ୍କ ପରିବାରକୁ ସରକାରୀ ଚାକିରୀ ସହ ମିଳିବ ୪୫ ଲକ୍ଷ

ଲକ୍ଷ୍ନୌ: ଲଖିମପୁର ଖେରୀ ଘଟଣାରେ ମୃତ୍ୟୁବରଣ କରିଥିବା ଚାଷୀଙ୍କ କ୍ଷତିପୂରଣ ବାବଦକୁ ୪୫ ଲକ୍ଷ ଟଙ୍କା ଏବଂ ଆହତମାନଙ୍କୁ ୧୦ ଲକ୍ଷ ଟଙ୍କା ପ୍ରଦାନ କରାଯିବ। ହାଇକୋର୍ଟର ଜଣେ ଅବସରପ୍ରାପ୍ତ ବିଚାରପତିଙ୍କ ତତ୍ତ୍ୱାବଧାନରେ ସମଗ୍ର ମାମଲାର ନ୍ୟାୟିକ ତଦନ୍ତ ହେବ। ଆଇନ ଶ୍ରୁଙ୍ଖଳା ଏଡିଜି ପ୍ରଶାନ୍ତ କୁମାର ଏହି ସୂଚନା ଦେଇଛନ୍ତି।

ପ୍ରଶାନ୍ତ କୁମାର କହିଛନ୍ତି ଯେ, ଗତକାଲି ଲଖିମପୁର ଖେରୀରେ ନିହତ ୪ କୃଷକଙ୍କ ପରିବାରକୁ ୪୫ ଲକ୍ଷ ଟଙ୍କା ଏବଂ ସରକାରୀ ଚାକିରି ଦିଆଯିବ। ଆହତମାନଙ୍କୁ ୧୦ ଲକ୍ଷ ଟଙ୍କା ଦିଆଯିବ। କୃଷକଙ୍କ ଅଭିଯୋଗ ଆଧାରରେ ଏକ ଏଫ୍ଆଇଆର୍ ପଞ୍ଜିକୃତ ହେବ। ହାଇକୋର୍ଟର ଜଣେ ଅବସରପ୍ରାପ୍ତ ବିଚାରପତି ଏହି ଘଟଣାର ତଦନ୍ତ କରିବେ। ସେ କହିଛନ୍ତି ଯେ, ସିଆରପିସି ର ଧାରା ୧୪୪ ଲାଗୁ ହେତୁ ରାଜନୈତିକ ଦଳର ନେତାମାନଙ୍କୁ ଜିଲ୍ଲା ପରିଦର୍ଶନ କରିବାକୁ ଅନୁମତି ଦିଆଯାଇ ନାହିଁ। ତେବେ କୃଷକ ସଂଗଠନର ସଦସ୍ୟମାନଙ୍କୁ ଏଠାକୁ ଆସିବାକୁ ଅନୁମତି ଦିଆଯାଇଛି।

Categories
ଆଜିର ଖବର ଜାତୀୟ ଖବର

ହାଇକୋର୍ଟରେ ବିଚାରପତି ନିଯୁକ୍ତି ପାଇଁ ସୁପ୍ରିମକୋର୍ଟ କଲେଜିୟମ ସୁପାରିଶ କଲେ ୬୮ ଜଣଙ୍କ ନାମ

ନୂଆଦିଲ୍ଲୀ: ଏକ ଅପ୍ରତ୍ୟାଶିତ ନିଷ୍ପତ୍ତିରେ ଭାରତର ପ୍ରଧାନ ବିଚାରପତି ଏନ.ଭି ରମନାଙ୍କ ନେତୃତ୍ୱରେ ସୁପ୍ରିମକୋର୍ଟ କଲେଜିୟମ ଆହ୍ଲାବାଦ, ରାଜସ୍ଥାନ ଏବଂ କଲିକତା ସମେତ ୧୨ ଟି ହାଇକୋର୍ଟରେ ବିଚାରପତି ନିଯୁକ୍ତି ପାଇଁ ଏକା ସଙ୍ଗରେ ୬୮ ନାମ ସୁପାରିଶ କରିଛନ୍ତି। ଏହି ହାଇକୋର୍ଟଗୁଡିକରେ ବିଚାରପତିଙ୍କ ଅଭାବ ରହିଛି।

ସୂତ୍ରରୁ ପ୍ରକାଶ ଯେ ଜଷ୍ଟିସ୍ ରମନା, ଜଷ୍ଟିସ୍ ୟୁୟୁ ଲଲିତ ଏବଂ ଜଷ୍ଟିସ୍ ଏମ୍ ଖାନୱିଲକରଙ୍କ ତିନି ଜଣିଆ କଲେଜିୟମ୍ ପୁଣି ଥରେ ଇତିହାସ ସୃଷ୍ଟି କରିଛି। ମାର୍ଲି ୱାଙ୍କୁଗ ମିଜୋରାମର ପ୍ରଥମ ନ୍ୟାୟିକ ଅଧିକାରୀ ଭାବରେ ଗୌହାଟି ହାଇକୋର୍ଟରେ ବିଚାରପତି ଭାବରେ ମନୋନୀତ ହୋଇଛନ୍ତି। ସେ ଅନୁସୂଚିତ ଜନଜାତିର। ତାଙ୍କ ବ୍ୟତୀତ ଅନ୍ୟ ୯ ଜଣ ମହିଳା ପ୍ରାର୍ଥୀଙ୍କୁ ମଧ୍ୟ ସୁପାରିଶ କରାଯାଇଛି।

ଅଗଷ୍ଟ ୨୫ ଏବଂ ସେପ୍ଟେମ୍ବର ୧ ତାରିଖରେ ହୋଇଥିବା ବୈଠକରେ କଲେଜିୟମ୍ ଉଚ୍ଚ ନ୍ୟାୟାଳୟରେ ବିଚାରପତି ଭାବରେ ପଦୋନ୍ନତି ପାଇଁ ୧୧୨ ପ୍ରାର୍ଥୀଙ୍କ ନାମ ବିଚାର କରିଥିଲେ। ସେଥିମଧ୍ୟରୁ ୬୮ ଟି ନାମ ୧୨ ଜଣ ହାଇକୋର୍ଟ, ୪୪ ଜଣ ବାରରୁ ଏବଂ ୨୪ ଜଣ ନ୍ୟାୟିକ ସେବା ପାଇଁ ଅନୁମୋଦିତ ହୋଇଛି।

ସୂଚନାଯୋଗ୍ୟ ଯେ, ଯଦି ଏହି ନାମଗୁଡିକ କେନ୍ଦ୍ର ଦ୍ୱାରା ଅନୁମୋଦିତ ହୁଏ, ତେବେ ଏହି ବିଚାରପତିମାନେ ଆହ୍ଲାବାଦ, ରାଜସ୍ଥାନ, କଲିକତା, ଝାଡଖଣ୍ଡ, ଜମ୍ମୁ କାଶ୍ମୀର, ମାଡ୍ରାସ, ପଞ୍ଜାବ-ହରିୟାଣା, ମଧ୍ୟପ୍ରଦେଶ, କର୍ଣ୍ଣାଟକ, କେରଳ, ଛତିଶଗଡ ଏବଂ ଆସାମ ହାଇକୋର୍ଟରେ ନିଯୁକ୍ତ ହେବେ। ଏଥିମଧ୍ୟରୁ ୧୬ ଜଣ ବିଚାରପତି ଆହ୍ଲାବାଦ ହାଇକୋର୍ଟରେ ନିଯୁକ୍ତ ହେବେ। ଯେଉଁଥିରେ ମୋଟ ୧୬୦ ଜଣ ବିଚାରପତି ରହିବା ଉଚିତ, କିନ୍ତୁ ବର୍ତ୍ତମାନ ସେଠାରେ ୯୩ ଜଣ ବିଚାରପତି ଅଛନ୍ତି।

Categories
ଆଜିର ଖବର ରାଜ୍ୟ ଖବର

ମ୍ୟାନହୋଲରେ ଫସି ଶ୍ରମିକଙ୍କ ମୃତ୍ୟୁ ଘଟଣା: ମୁଖ୍ୟ ସଚିବ ଏବଂ ଦୁଇ ଜିଲ୍ଲାପାଳଙ୍କୁ ନୋଟିସ୍ କଲେ ହାଇକୋର୍ଟ

କଟକ: ମ୍ୟାନହୋଲରେ ଫସି ଶ୍ରମିକଙ୍କ ମୃତ୍ୟୁ ଘଟଣାରେ ମୁଖ୍ୟ ସଚିବ ଏବଂ ଦୁଇ ଜିଲ୍ଲାପାଳଙ୍କୁ ହାଇକୋର୍ଟ ନୋଟିସ୍ କରିଛନ୍ତି। ମୁଖ୍ୟ ଶାସନ ସଚିବ ଏବଂ ଉନ୍ନୟନ ବିଭାଗ ସଚିବଙ୍କୁ ହାଇକୋର୍ଟ ନୋଟିସ୍ କରିଛନ୍ତି।

ସେହିଭଳି ଖୋର୍ଦ୍ଧା ଜିଲ୍ଲାପାଳ ଏବଂ କଟକ ଜିଲ୍ଲାପାଳଙ୍କୁ ହାଇକୋର୍ଟ ନୋଟିସ୍ କରିଥିବା ବେଳେ କଟକ ଏବଂ ଭୁବନେଶ୍ଵର କମିଶନରଙ୍କୁ ମଧ୍ୟ ନୋଟିସ ହୋଇଛି। ସମସ୍ତଙ୍କୁ ସତ୍ୟପାଠ ଜରିଆରେ ଦାଖଲ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି।

ଏହି ଘଟଣାରେ ସରାକାରଙ୍କ ଉପରେ ଅସନ୍ତୋଷ ବ୍ୟକ୍ତ କଲେ ହାଇକୋର୍ଟ। ଆଇନ ଆନୁସାରେ କ୍ଷତିପୂରଣ ବାବଦକୁ ତୁରନ୍ତ ୧୦ ଲକ୍ଷ ଟଙ୍କା ଲେଖାଏଁ ଦେବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଫୌଜଦାରି ମାମଲା ରୁଜୁ ସହ କାର୍ଯ୍ୟାନୁଷ୍ଠାନ ନେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଚିଲିକାରେ ପ୍ରଥମ ଶ୍ରେଣୀ ବିଚାର ବିଭାଗୀୟ ଅଦାଲତର ଉଦଘାଟନ କଲେ ହାଇକୋର୍ଟର ମୁଖ୍ୟ ବିଚାରପତି

ସୀତାରାମ ଅଗ୍ରୱାଲ

ଚିଲିକା: ବହୁ ଦିନର ଆଶା ଆକାଂକ୍ଷର ଅନ୍ତ ଘଟାଇ ଚିଲିକା ବ୍ଲକରେ ଆଜି ପ୍ରଥମ ଶ୍ରେଣୀ ବିଚାର ବିଭାଗୀୟ ନ୍ୟାୟାଳୟର ଆନୁଷ୍ଠାନିକ ଭାବେ ଉଦଘାଟନ ହୋଇଯାଇଛି। ଏହି କୋର୍ଟ ପ୍ରତିଷ୍ଠା ପରେ ଗ୍ରାମାଞ୍ଚଳର ଗରିବ ଅଭାବି ଲୋକମାନେ ଖର୍ଚ୍ଚାନ୍ତରୁ ମୁକ୍ତି ପାଇବେ। ସେମାନେ ଉପର କୋର୍ଟକୁ ନ ଯାଇ ଏହି କୋର୍ଟରେ ସ୍ୱଳ୍ପ ଖର୍ଚ୍ଚରେ ନିଜ ନିଜର ଅଭିଯୋଗକୁ ଦାୟର କରିବାର ସୁଯୋଗ ପାଇପାରିବେ। ଏବଂ ଶୀଘ୍ର ନ୍ୟାୟ ପାଇପାରିବେ।

ଉକ୍ତ ଉଦଘାଟନ ଉତ୍ସବରେ ମୁଖ୍ୟ ଅତିଥି ରୂପେ ଓଡିଶା ଉଚ୍ଚ ନ୍ୟାୟାଳୟ ର ମୁଖ୍ୟ ବିଚାରପତି ନ୍ୟାୟମୂର୍ତ୍ତି ଡକ୍ଟର ଏସ. ମୁରଲୀଧର ଉପସ୍ଥିତ ଥିଲେ। ଅନ୍ୟ ଅତିଥି ରୂପେ ଉଚ୍ଚ ନ୍ୟାୟାଳୟ ର ନ୍ୟାୟମୂର୍ତ୍ତି ଏସ.କେ ମିଶ୍ର, ନ୍ୟାୟମୂର୍ତ୍ତି ସାବିତ୍ରୀ ରାଥୋ ଓ ଖୋରଧା ଜିଲ୍ଲା ଜର୍ଜ ଲୋକନାଥ ମହାପାତ୍ର ଉପସ୍ଥିତ ଥିଲେ। ତତ୍ ସହିତ କାର୍ଯ୍ୟକ୍ରମରେ ଜିଲ୍ଲା ଆରକ୍ଷୀ ଅଧିକାରୀ ଅଜୟ ପ୍ରତାପ ସ୍ୱାଇଁ, ଜିଲ୍ଲାପାଳ ସନତ କୁମାର ମହାନ୍ତି, ଉପଜିଲ୍ଲାପାଳ ଅଶୋକ ବେଉରିଆ, ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ, ପୂର୍ବତନ ବିଧାୟକ ରଘୁନାଥ ସାହୁ, ପୂର୍ବତନ ମନ୍ତ୍ରୀ ଦେବେନ୍ଦ୍ରନାଥ ମାନସିଂହ, ଚିଲିକା ତହସିଲଦାର ପୁନମ ମହାପାତ୍ର, ଚିଲିକା ବିଡ଼ିଓ ସୁଷମା ବାରିକ, ସ୍ଥାନୀୟ ଲୋକପ୍ରତିନିଧି, ବାଣପୁର, ଚିଲିକା ଓ ଟାଙ୍ଗି ଅଂଚଳର ଓକିଲ ସଂଘର କର୍ମକର୍ତ୍ତା, ଗଣମାଧ୍ୟମ ପ୍ରତିନିଧି, ବହୁ ଆଇନଜୀବୀ ଓ ସ୍ଥାନୀୟ ବୁଦ୍ଧିଜୀବି ଉପସ୍ଥିତ ଥିଲେ। ଏହି କାର୍ଯ୍ୟକ୍ରମକୁ ଚିଲିକା ବାର ଆସୋସିଏସନ ସଭାପତି ହରେ କୃଷ୍ଣ ଜଗଦ୍ଦେବ ଓ ସମ୍ପାଦକ ପ୍ରଦୋଷ ଦାସ ସଂଯୋଜନା କରିଥିଲେ।

Categories
ଆଜିର ଖବର ରାଜ୍ୟ ଖବର

ସ୍ୱଚ୍ଛ ଭାରତ ମିଶନରେ ମହାଦୁର୍ନୀତି: ହାଇକୋର୍ଟରେ ମାମଲା ରୁଜୁ

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ପାତ୍ରପୁର ବ୍ଲକ୍‌ରେ ସ୍ୱଚ୍ଛ ଭାରତ ମିଶନରେ ହୋଇଥିବା ମହାଦୁର୍ନୀତିର ତଦନ୍ତ ପାଇଁ ଗଂଜାମ ଜିଲ୍ଲା ଫରୱାର୍ଡ଼ ବ୍ଳକ୍‌ର ଜିଲ୍ଲା ସାଧାରଣ ସଂପାଦକ ସମରଜିତ୍ ମହାନ୍ତି ଗତ ଡ଼ିସେମ୍ବର ୧୨ ତାରିଖରେ ସରକାର ଓ ପ୍ରଶାସନ ପାଖରେ ଅଭିଯୋଗ କରିଥିଲେ। ଯଦି ଏହାର ତଦନ୍ତ ୧୫ ଦିନ ମଧ୍ୟରେ ନହୁଏ ତେବେ ହାଇକୋର୍ଟର ଦ୍ୱାରସ୍ଥ ହେବାକୁ ମଧ୍ୟ ସ୍ମାରକପତ୍ରରେ ଉଲ୍ଲେଖ କରିଥିଲେ।

ପ୍ରଶାସନ ପକ୍ଷରୁ କୌଣସି ତଦନ୍ତ ନହେବା ଯୋଗୁଁ ଶ୍ରୀ ମହାନ୍ତି ଜାନୁୟାରୀ ୧୧ ତାରିଖରେ ହାଇକୋର୍ଟରେ ସିଆର୍‌ଏଲ୍‌ଏମ୍‌ପି ନଂ ୨୦/୨୦୨୧ରେ ମାମଲା ରୁଜୁ କରିଛନ୍ତି। ଏଥିରେ ପଂଚାୟତରାଜ ସଚିବ, ଗଂଜାମ ଜିଲ୍ଲାପାଳ, ପ୍ରକଳ୍ପ ନିର୍ଦ୍ଦେଶକ, ଡ଼ିଆର୍‌ଡ଼ିଏ, ଗଂଜାମ, ବ୍ରହ୍ମପୁର ଭିଜିଲାନସ ଏସ୍‌ପି ଓ ପାତ୍ରପୁର ବିଡ଼ିଓଙ୍କୁ ପକ୍ଷଭୁକ୍ତ କରାଯାଇଛି।

ସୂଚନାଯୋଗ୍ୟ ପାତ୍ରପୁର ବ୍ଲକ୍‌ରେ ସ୍ୱଚ୍ଛ ଭାରତ ମିଶନରେ ପାଇଖାନା ନିର୍ମାଣ ପାଇଁ ୧୫୦୭୨ ଜଣ ହିତାଧିକାରୀଙ୍କୁ ଚିହ୍ନଟ କରାଯାଇ କାର୍ଯ୍ୟାଦେଶ ଦିଆଯାଇଛି। ଏହାସହ ଏଲ୍‌ଓବିରେ ୧୭୯୧ ଏବଂ ଏନ୍‌ଓଏଲ୍‌ବିରେ ୨୫୯୮ ଜଣଙ୍କୁ କାର୍ଯ୍ୟାଦେଶ ମିଳିଛି। ସମୁଦାୟ ୧୮୪୬୧ ଜଣ ହିତାଧିକାରୀଙ୍କ ବଦଳରେ ଚଞ୍ଚକତା କରି ୧୯୬୯୯ ଜଣଙ୍କୁ କିଭଳି ଅର୍ଥ ପ୍ରଦାନ କରାଗଲା ତାହା ଆଶ୍ଚର୍ଯ୍ୟ ସୃଷ୍ଟି କରିଛି। ସମୁଦାୟ ୧କୋଟି ୪୮ ଲକ୍ଷ ୫୬ହଜାର ଟଙ୍କା ରାଜକୋଷରୁ ହରିଲୁଟ୍ ହୋଇଥିବା ନେଇ ଶ୍ରୀ ମହାନ୍ତି ସ୍ମାରକପତ୍ରରେ ଦର୍ଶାଇଥିଲେ। ଶୌଚାଳୟର ଜିଓ ଟ୍ୟାଗିଂ ହୋଇନି। ବିଲ୍ ମଧ୍ୟ ଦିଆଯାଇନି। ହିତାଧିକାରୀଙ୍କ ନାମକୁ ଟେମ୍ପରିଂ କରି ଦୁଇଟି ଲେଖାଏଁ ଲେଟିନ୍ ବିନ୍ ହୋଇଛି। ଗୋଟିଏ ଏସ୍‌ଏଚ୍‌ଜିକୁ ପ୍ରାୟ ୮୭ ଲକ୍ଷ ଟଙ୍କା ପ୍ରଦାନ କରାଯାଇଥିବା ସଂପୃକ୍ତ ଗୃପ ହିତାଧିକାରୀଙ୍କୁ ଅର୍ଥ ପୈଠ କରିନଥିବା ଘଟଣା ମଧ୍ୟ ଏହି ବ୍ଲକ୍‌ରେ ଘଟିଛି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଥାନାଧିକାରୀଙ୍କ କ୍ଷମତା ଅପବ୍ୟବହାର ନେଇ ଏସ୍‌ପିଙ୍କ ନିକଟରେ ଅଭିଯୋଗ କଲେ ଆଇନଜୀବୀ ମଙ୍ଗରାଜ

ହେମାଙ୍ଗ ପ୍ରସାଦ ରାଉଳ

ବ୍ରହ୍ମପୁର: ଜଣେ କର୍ତ୍ତବ୍ୟନିଷ୍ଠ ଆଇନଜୀବୀ, ପୂର୍ବତନ ସେନାଧିକାରୀଙ୍କୁ ଜଣେ ଥାନାଧିକାରୀ ନିଜର କ୍ଷମତା ବଳରେ କିଭଳି ଉଦ୍ଦେଶ୍ୟମୂଳକ ଭାବେ ଅପଦସ୍ତ କରୁଛନ୍ତି ତାହାର ନିରପେକ୍ଷ ତଦନ୍ତ ପାଇଁ ଆଜି ଆଇନଜୀବୀ ଲଳିତ ମଙ୍ଗରାଜ ବ୍ରହ୍ମପୁର ଏସ୍‌ପିଙ୍କୁ ସାକ୍ଷାତ କରି ଦାବି ପତ୍ର ପ୍ରଦାନ କରିଛନ୍ତି। ଜଣେ ଥାନାଧିକାରୀ ହୋଇ ଅଂଚଳର ମୋଷ୍ଟ ୱାଣ୍ଟେଡ଼୍ କ୍ରିମିନାଲ୍‌ଙ୍କ ସହ ମଧୁଚନ୍ଦ୍ରିକା ରଖି ସାକ୍ଷୀଙ୍କୁ ଧମକାଇ, କ୍ଷମତାର ଅପବ୍ୟବହାର କରି ମିଛ ମାମଲା ରୁଜୁ କରିବାକୁ ନେଇ ଆଇନଜୀବୀ ଏବଂ ସାଧାରଣ ମହଲରେ ଅସନ୍ତୋଷ ପ୍ରକାଶ ପାଇଛି।

ଗୋଷାଣିନୂଆଗାଁ ଥାନାଧିକାରୀ ସୁମିତ୍‌ କୁମାର ସୋରେନ୍ ନିଜ କ୍ଷମତା ଅପବ୍ୟବହାର କରୁଥିବାର ଅଭିଯୋଗ କରିଛନ୍ତି ଆଇନଜୀବୀ ଲଳିତ ମଙ୍ଗରାଜ। ଗତ ୨୭.୦୩.୨୦୨୦ରେ ମଧ୍ୟ କ୍ଷମତାର ଅପବ୍ୟହାର କରି ଶ୍ରୀ ମଙ୍ଗରାଜଙ୍କ ସଂପର୍କୀୟଙ୍କୁ ହଇରାଣ କରିଥିଲେ। ଏନେଇ ଶ୍ରୀ ମଙ୍ଗରାଜ ଗୋଷାଣିନୂଆଗାଁ ଥାନାରେ ଅଭିଯୋଗ କରିଥିଲେ ମଧ୍ୟ ଅଭିଯୋଗ ଗ୍ରହଣ କରାଯାଇନଥିଲା। ଫଳରେ ସେ ହାଇକୋର୍ଟର ଦ୍ୱାରସ୍ଥ ହୋଇଥିଲେ। ହାଇକୋର୍ଟଙ୍କ ନିର୍ଦ୍ଦେଶରେ ଉଚ୍ଚସ୍ତରୀୟ ଅଧିକାରୀ ଆଇଆଇସି ବିରୋଧରେ ସଂଗୀନ ଦଫା ଲଗାଇବା ସହ ୯.୧୨.୨୦୨୦ରେ ମାମଲା ରୁଜୁ ହୋଇଥିଲା। ଏହି ରାଗକୁ ରଖି ଆଇଆଇସି ବର୍ତ୍ତମାନ ତାଙ୍କ ସହ ଉଦ୍ଦେଶ୍ୟମୂଳକ ମିଥ୍ୟା ମାମଲାକୁ ଛନ୍ଦୁଥିବା ସେ ଅଭିଯୋଗ କରିଛନ୍ତି। ତେଣୁ ଏଭଳି ଘଟଣାର ନିରପେକ୍ଷ ତଦନ୍ତ କରିବାକୁ ଦାବି ଜଣାଇଛନ୍ତି ମଙ୍ଗରାଜ।

ସୂଚନାଯୋଗ୍ୟ, ମଙ୍ଗରାଜଙ୍କ ନାମରେ ଗତ ୧୮.୧୨.୨୦୨୦ ତାରିଖ ଦିନ ଗୋଷାଣିନୂଆଗାଁ ଥାନା ଠାକୁରାଣି ମନ୍ଦିର ସାହିର ସ୍ୱର୍ଗତ ନାରାୟଣ ପାତ୍ରଙ୍କ ପତ୍ନୀ ସାବିତ୍ରୀ ପାତ୍ର (୨୭) ଗୋଷାଣିନୂଆଗାଁ ଥାନାକୁ ଆସି ଶ୍ରୀ ମଙ୍ଗରାଜ ବିରୋଧରେ ଏକ ଲିଖିତ ଅଭିଯୋଗ କରିଥିଲେ। ମଙ୍ଗରାଜ ତାଙ୍କୁ ଅଶ୍ଲୀଳ ଭାଷାରେ ଗାଳିଗୁଲଜ କରିବା ସହ ଅସଦାଚରଣ କରିଥିବା ନେଇ ଲିଖିତ ଅଭିଯୋଗ କରିଥିଲେ ସାବିତ୍ରୀ।

Categories
ଆଜିର ଖବର ରାଜ୍ୟ ଖବର

ସରକାରଙ୍କୁ ଉଚ୍ଚନ୍ୟାୟଳୟର ନିର୍ଦ୍ଦେଶ: ସ୍କୁଲ ଫି ହ୍ରାସ ନେଇ ସତ୍ୟ ପାଠ ଦାଖଲ କର

ଭୁବନେଶ୍ବର: କରୋନା ମହାମାରୀ ଯୋଗୁଁ ଜୀବନ ଜୀବିକା ବାଧାପ୍ରାପ୍ତ ହୋଇଛି। ଏହି ମହାମାରୀ ସମୟରେ ଅଧିକାଂଶ ଅଭିଭାବକ ପିଲାଙ୍କ ସ୍କୁଲ ଫି ଦେବାରେ ଅସମର୍ଥ ହୋଇପଡିଛନ୍ତି। ସ୍କୁଲ ଦରମା ହ୍ରାସ କରିବା ପାଇଁ ବାରମ୍ବାର ଅଭିଭାବକଙ୍କ ପକ୍ଷରୁ ଦାବି ହେଉଥିଲା। ଏନେଇ ଉଚ୍ଚନ୍ୟାୟଳୟରେ ଏକ ମାମଲା ମଧ୍ୟ ଆବେଦନ କରାଯାଇଥିଲା। ତେବେ  ସ୍କୁଲ ଫି’ ହ୍ରାସ ଆବେଦନ ମାମଲାରେ ଉଚ୍ଚନ୍ୟାୟଳୟ ଆଜି ଶୁଣାଣି କରିଛନ୍ତି। ଏହି ପ୍ରସଙ୍ଗରେ ଉଚ୍ଚ ନ୍ୟାୟଳୟ ରାଜ୍ୟ ସରକାରଙ୍କ ଠାରୁ ସ୍ପଷ୍ଟୀକରଣ ମାଗିଛନ୍ତି। ରାଜ୍ୟ ସରକାର  ସ୍କୁଲ ଫି କେତେ ହ୍ରାସ କରି ପାରିବେ  ସେ ସମ୍ପର୍କରେ ଜଣାଇବାକୁ ଉଚ୍ଚ ନ୍ୟାୟଳୟ ନିର୍ଦ୍ଦେଶ ଦେଇଛନ୍ତି। ସରକାର ଏହି ବିଷୟରେ ସତ୍ୟପାଠ ଦାଖଲ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଏଥିସହ ଆସନ୍ତା ଡିସେମ୍ବର ୨ ତାରିଖ ଦିନ ମାମଲାର ପରବର୍ତ୍ତୀ ଶୁଣାଣି ପାଇଁ ଦିନ ଧାର୍ଯ୍ୟ କରାଯାଇଛି।

Categories
ଆଜିର ଖବର ରାଜ୍ୟ ଖବର

ରାଜ୍ୟ ସରକାରଙ୍କ ସ୍କୁଲ ବନ୍ଦ ନିଷ୍ପତ୍ତି ବେନିୟମ: ଆଦେଶ ପ୍ରତ୍ୟାହାର କରିବାକୁ ହାଇକୋର୍ଟରେ ଜନସ୍ୱାର୍ଥ ମାମଲା

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଭାରତୀୟ ବିକାଶ ପରିଷଦର ରାଜ୍ୟ ସଭାପତି ସୁରେନ୍ଦ୍ର ପାଣିଗ୍ରାହୀ ମାନ୍ୟବର ଉଚ୍ଚ ନ୍ୟାୟାଳୟ ଓଡ଼ିଶାରେ ଏକ ଜନସ୍ୱାର୍ଥ ମାମଲା ରିଟ୍ ପିଟସନ ୨୮୦୭୯/୨୦୨୦ରେ ଓଡ଼ିଶା ସରକାର ରାଜ୍ୟର ୧୪୩୭୯ ପ୍ରାଥମିକ, ଉଚ୍ଚ ପ୍ରାଥମିକ ବିଦ୍ୟାଳୟ ୨୦୨୦-୨୧ ବର୍ଷଠାରୁ ବନ୍ଦ କରିବା ପାଇଁ ଗଣଶିକ୍ଷା ବିଭାଗ ଚିଠି ନଂ ୧୦୪୪୨/୧୪.୫.୨୦୨୦ର ବିରୋଧରେ ମାମଲା ରୁଜୁ କରିଛନ୍ତି। ପୁନଶ୍ଚ ଜିଲ୍ଲାୱାରୀ ତାଲିକା ନୋଟିଫିକେସନ ନଂ ୫୩୭୯/୭.୩.୨୦ରେ ନିକଟରେ ଥିବା ଅନ୍ୟ ସରକାରୀ ବିଦ୍ୟାଳୟରେ ମିଶ୍ରଣ କରିବା ପାଇଁ ଆଦେଶ ପ୍ରଦାନ କରିଛନ୍ତି ଯେ ଯେଉଁ ପ୍ରାଥମିକ ବିଦ୍ୟାଳୟରେ ପ୍ରଥମ ଠାରୁ ପଞ୍ଚମରେ ୨୦ ରୁ ୪୦ ଛାତ୍ର ପଠନ କରୁଛନ୍ତି ଏବଂ ମାଧ୍ୟମିକ ୬ ରୁ ୮ରେ ୫୦ ଛାତ୍ର ପଢ଼ୁଛନ୍ତି ସେହି ସ୍କୁଲଗୁଡ଼ିକ ନିକଟ ଗ୍ରାମରେ ଥିବା ସରକାରୀ ବିଦ୍ୟାଳୟରେ ମିଶ୍ରଣ ହେବ।

ସେହିପରି କ୍ଲାସ ୬ ରୁ ୧୦ ଶ୍ରେଣୀରେ ୬୦ରୁ କମ୍ ପିଲା ପଢ଼ୁଥିବେ ଯଥାକ୍ରମେ ୧ କି.ମି. ୨ କି.ମି. ଓ ୩ କି.ମି. ଦୂରତାରେ ୪୦, ୬୦, ୮୦ ଏପରି ପ୍ରକାରେ ଛାତ୍ର ସଂଖ୍ୟା ଥିବ ଏବଂ ୯ ଓ ୧୦ ଶ୍ରେଣୀ ୩ କି.ମି. ଭିତରେ ୬୦ରୁ କମ୍ ଥିବେ ସେହି ବିଦ୍ୟାଳୟକୁ ବନ୍ଦ କରାଯିବ। ଏହିପରି ଭାବେ କ୍ଲାସ ୧ ରୁ ୫, ୫ ରୁ ୮ ଓ ୮ ରୁ ୧୦ ଏବଂ ୧ରୁ ୧୦ କ୍ଲାସ୍ ଥିବା ସ୍କୁଲ ଅନ୍ୟ ସ୍କୁଲରେ ମିଶ୍ରଣ ପାଇଁ ନିର୍ଦ୍ଦେଶ ଦେଇଛନ୍ତି। ୬୩୪୦ ସ୍କୁଲରେ ୨୦ରୁ କମ୍ ପିଲା ଅଛନ୍ତି। ସେଥିମଧ୍ୟରୁ ରାୟଗଡ଼ା ଜିଲ୍ଲାରେ ୪୯୮, ମୟୁରଭଂଜରେ ୪୮୬, ଗଂଜାମରେ ୪୩୦, କନ୍ଧମାଳରେ ୪୦୪ ଏବଂ ୫୧୭୭ ସ୍କୁଲରେ ୪୦ ରୁ କମ୍ ପିଲା ପଢ଼ୁଛନ୍ତି। ରାଜ୍ୟ ସରକାରଙ୍କ ଏହି ସ୍କୁଲ ବନ୍ଦ ନିଷ୍ପତ୍ତି ବେନିୟମ, ଅଗଣତାନ୍ତ୍ରିକ। କାରଣ ସରକାରୀ ସ୍ତରରେ କେବେ ଚେଷ୍ଟା କରାଯାଇନାହିଁ ଯେ ପ୍ରକୃତରେ ଛାତ୍ର ସଂଖ୍ୟା କମିବାର କାରଣ କ’ଣ? ପିଲା ସେହି ଅଂଚଳରେ ଅଛନ୍ତି ନା’ ନାହିଁ, ସ୍କୁଲରେ ଶିକ୍ଷକ ଅଛନ୍ତି ନା’ ନାହିଁ ? ସ୍କୁଲ ଗୃହ ନାହିଁ, ଶୌଚାଳୟ ନାହିଁ, ପାଣି ନାହିଁ ଇତ୍ୟାଦି ବହୁ ସମସ୍ୟା ରହିଛି।

ଏହି ସବୁ ଅସୁବିଧାକୁ ଦୂର ନ କରି ସ୍କୁଲ ବନ୍ଦ କରିବା ବେନିୟମ ଅଟେ। ଗାଁର ଗରିବ ପିଲାମାନେ ଇଂରାଜୀ ମାଧ୍ୟମ ବିଦ୍ୟାଳୟକୁ ପଢ଼ିବାକୁ ଯାଇପାରିବେ ନାହିଁ। ଏହିପରି ସ୍କୁଲ ବନ୍ଦ କରିଦେଲେ ଦେଶର ମୁକ୍ତ ଶିକ୍ଷା ଅଧିକାର ଆଇନର ଉଲ୍ଲଂଘନ ହେବ ବା କୌଣସି ଅର୍ଥ ରହିବ ନାହିଁ। ଯେଉଁ ଅଂଚଳରେ ସ୍କୁଲ ବନ୍ଦ କରିବାକୁ ଗଣଶିକ୍ଷା ବିଭାଗ ଆଦେଶ ଦେଇଛନ୍ତି ସେହି ଅଂଚଳରେ ୬୨୯୧ ଇଂରାଜୀ ମାଧ୍ୟମ ବିଦ୍ୟାଳୟ ଅବସ୍ଥିତ। ସେଥିମଧ୍ୟରୁ ୨୯୬୮ ସ୍କୁଲରେ ପାଠ ପଢ଼ାଇବା ପାଇଁ ଏନ୍‌ଓସି ବା ଅନୁମତି ନାହିଁ। ସଂପୃକ୍ତ ଜିଲ୍ଲାର ଡ଼ିଇଓ ମାନେ ଗୋଟିଏ ମଧ୍ୟ ଘରୋଇ ଇଂରାଜୀ ମାଧ୍ୟମ ତଥା ସରସ୍ୱତୀ ଶିଶୁମନ୍ଦିର ବନ୍ଦ କରିବାକୁ ପ୍ରସ୍ତାବ ନଦେଇ ବରଂ ଘରୋଇ ସ୍କୁଲଠାରୁ ମୋଟା ଅଙ୍କର ଉତ୍କୋଚ ନେଇ ତାଙ୍କୁ ସହାୟତା କରିବା ପାଇଁ ସରକାରୀ ସ୍କୁଲ ବନ୍ଦ କରିବାକୁ ପ୍ରସ୍ତାବ ଦେଇଛନ୍ତି। ବିକାଶ ପରିଷଦ ପୁଣି ଅଭିଯୋଗ କରିଛି ରାଜ୍ୟରେ ୧୪ ହଜାରରୁ ଅଧିକ ଶିକ୍ଷକ ପଦବୀ ଖାଲି ପଡ଼ିଛି। ୨୦୧୬ ଡ଼ିସେମ୍ବର ମାସରୁ କୌଣସି ଶିକ୍ଷକ ନିଯୁକ୍ତି ହେଉ ନାହିଁ।

ବର୍ତ୍ତମାନ ରାଜ୍ୟରେ ପ୍ରାୟ ୭୪ ହଜାର ସିଟି, ବି.ଇଡ଼ି. ଓଟିଇଟି (ପ୍ରଥମ ଓ ଦ୍ୱିତୀୟ) ପେପର ପାସ୍ କରି ବେକାର ହୋଇ ବସିଛନ୍ତି। ସେମାନେ ପାଠ ପଢ଼ିବା ପାଇଁ ଋଣ କରି ବର୍ତ୍ତମାନ ତାହା ସୁଝି ନପାରି ଭାଗ୍ୟକୁ ଆଦରି ଘରେ ବେକାରୀ ହୋଇ ପଡ଼ି ରହିଛନ୍ତି। ତେଣୁ ଏଭଳି ସ୍କୁଲ ବନ୍ଦ କଲେ ରାଜ୍ୟରେ ବେକାର ସଂଖ୍ୟା ଆହୁରି ବୃଦ୍ଧି ପାଇବ। ରାଜ୍ୟ ତ ବେକାରରେ ଏକ ନମ୍ବର ସ୍ଥାନ ରହିଛି। ଆହୁରି ବେକାରୀ ସମସ୍ୟା ବଢ଼ି ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହେବ। ବର୍ତ୍ତମାନ ରାଜ୍ୟରେ ୧୨୫ ପ୍ରାଥମିକ ବିଦ୍ୟାଳୟରେ ସ୍କୁଲ ବିଲ୍‌ଡ଼ିଂ ନାହିଁ, ୧୧୯୬୬ ସ୍କୁଲରେ କୋଠା ଭଗ୍ନାବସ୍ଥାରେ ରହିଛି, ୧୩୪ ସ୍କୁଲରେ ପ୍ରଥମଠାରୁ ୫ମ ଶ୍ରେଣୀ ପାଇଁ ଜଣେ ଶିକ୍ଷକ ଅଛନ୍ତି। ରାଜ୍ୟ ସରକାରଙ୍କ ଅଭାବ, ଅସୁବିଧାକୁ ଲୁଚାଇବା ପାଇଁ ସରକାରୀ ସ୍କୁଲ ବନ୍ଦ କରିବାକୁ ଚାହୁଁଛନ୍ତି। ଘରୋଇ ସ୍କୁଲଠାରୁ ମାସିକ, ବାର୍ଷିକ ମୋଟା ଅଙ୍କର ଉତ୍କୋଚ ଡ଼ିଇଓମାନେ ଗ୍ରହଣ କରି ସରକାରୀ ସ୍କୁଲ ବନ୍ଦ କରିବାକୁ ସୁପାରିଶ କରୁଛନ୍ତି। ଅନ୍ଧ ହୋଇ ଗଣଶିକ୍ଷା ବିଭାଗ ଏଭଳି ଦୁର୍ଭାଗ୍ୟପୂର୍ଣ୍ଣ ଓ ଲକ୍ଷ୍ୟହୀନ ନିଷ୍ପତ୍ତି ନେଉଛି।

ରାଜ୍ୟ ସରକାରଙ୍କ ଏହି ନିଷ୍ପତ୍ତି ରାଇଟ୍ ଟୁ ଏଜୁକେଶସନ ୨୦୦୯କୁ ଉଲ୍ଲଂଘନ କରୁଛି। ଏହା ଘରୋଇ ସ୍କୁଲର ପ୍ରୋତ୍ସାହନ, ବେକାରୀ ସମସ୍ୟା ବୃଦ୍ଧି, ଗରିବ, ଆଦିବାସୀ, ହରିଜନ ଶ୍ରେଣୀର ଶିଶୁଙ୍କୁ ଶ୍ରମିକ ହେବାରେ ସାହାଯ୍ୟ କରିବା। ତେଣୁ ବିକାଶ ପରିଷଦ ଉକ୍ତ ମାମଲାରେ ପ୍ରମୁଖ ଶାସନ ସଚିବ, ଗଣଶିକ୍ଷା ବିଭାଗ, ପଞ୍ଚାୟତି ରାଜ ବିଭାଗ, ଅର୍ଥ ବିଭାଗ, ଓଡ଼ିଶା ସରକାର, ନିର୍ଦ୍ଦେଶକ ପ୍ରାଥମିକ ବିଦ୍ୟାଳୟ ଓ ନିର୍ଦ୍ଦେଶକ ମାଧ୍ୟମିକ ଶିକ୍ଷାଙ୍କୁ ପକ୍ଷଭୁକ୍ତ କରି ମାମଲା ରୁଜୁ କରି ମିସ୍ କେସ ମାଧ୍ୟମରେ ପ୍ରାର୍ଥନା କରାଯାଇଛି। ଏହି ବେନିୟମ ଆଦେଶକୁ ସ୍ଥଗିତ ରଖିବା ସହିତ ବିଚାର କରି ରବ୍ଦ କରିବାକୁ ପ୍ରାର୍ଥନା କରାଯାଇଛି। ଏହାକୁ ଆଇନଜୀବୀ ଗୋପାଳ ପ୍ରସାଦ ଜେନା ପରିଚାଳନା କରୁଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆଜି ହାଇକୋର୍ଟରେ ଦୁର୍ଗାପୂଜା ମୂର୍ତ୍ତି ଉଚ୍ଚତା ମାମଲା, ମୁଖ୍ୟ ବିଚାରପତିଙ୍କ କୋର୍ଟରେ ହେବ ବିଚାର

କଟକ, କୋଭିଡ କଟକଣା ପାଇଁ ଏଥର ଦୁର୍ଗା ପୂଜାରେ ମୂର୍ତ୍ତିର ଉଚ୍ଚତା 4 ଫୁଟ ମଧ୍ୟରେ ରହିବ। ପ୍ରଶାସନର ଏପରି ନିଷ୍ପତି ବିରୋଧରେ ହାଇକୋର୍ଟର ଦ୍ବାରସ୍ଥ ହୋଇଛନ୍ତି କେତେକ ପୂଜା ସମିତି। ଆଜି ଏହି ମାମଲାର ଶୁଣାଣି ହାଇକୋର୍ଟରେ ହେବ ବୋଲି ତାଲିକା ଭୁକ୍ତ ହୋଇଛି। ଆଜି ହାଇକୋର୍ଟର ମୁଖ୍ୟ ବିଚାରପତି କୋର୍ଟରେ ଏହାର ବିଚାର ହେବ ବୋଲି ବରିଷ୍ଠ ଓକିଲ ବିଭୂତି ଚୌଧୁରୀ କହିଛନ୍ତି।