ଭୁବନେଶ୍ଵର: ଅକ୍ଷୟ ପରିଜା ପ୍ରଡକ୍ସନ୍ସ ବ୍ୟାନରରେ ନିର୍ମାଣ ହୋଇଛି ଓଡ଼ିଆ ଚଳଚ୍ଚିତ୍ର ‘ଦୃଷ୍ଟିକୋଣ’। ଆଉ ଏହି ବିଗ୍ ବଜେଟର ଚଳଚ୍ଚିତ୍ର ମାଧ୍ୟମରେ ବଡ଼ ପରଦାରେ ଡେବ୍ୟୁ କରିଛନ୍ତି ଆଉ ଜଣେ ଓଡ଼ିଆ ନାୟିକା। ନାଁ ତାଙ୍କର ଲିଜା ନାୟକ। ସିନେମା ତ ମୁକ୍ତିଲାଭ ଅପେକ୍ଷାରେ କିନ୍ତୁ ସେଥିରେ ଲିଜାଙ୍କ ଅଭିନୟ ଚଳଚ୍ଚିତ୍ର ‘ଦୃଷ୍ଟିକୋଣ’ର ପୂରା ଦୃଷ୍ଟିକୋଣ ବଦଳାଇ ଦେଉଛି।
ତାଙ୍କର ବାସ୍ତବଧର୍ମୀ ଅଭିନୟ ବେଶ୍ ପ୍ରଶଂସନୀୟ। ଚଳଚ୍ଚିତ୍ର ଦୁନିଆରେ ନବାଗତା ହେଲେ ବି ଅଭିନୟରେ ସେ ତାହା ଆଦୌ ବାରି ହେବାକୁ ଦେଇନାହାନ୍ତି। ତାଙ୍କର ଲୁକ୍ତ, ଅଭିନୟ ଶୈଳୀ ଖୁବ୍ ଚମତ୍କାର। ବିଶେଷକରି ସେ ଯେଉଁଭଳି ଭାବରେ ସ୍ପଷ୍ଟତାର ସହ ସଂଳାପ ଉଚ୍ଚାରଣ କରୁଛନ୍ତି ଆଉ ତା’ ସହିତ ଅଭିନୟରେ ଭାବର ପରିପ୍ରକାଶ କରୁଛନ୍ତି ଦେଖିଲେ ଲାଗିବ ନାହିଁ ସେ ନୂଆ।
ଚଳଚ୍ଚିତ୍ରଟି ଦେଖିଲେ ଅନୁଭବ କରିବେ, ଯେମିତି ଚରିତ୍ର ତାଙ୍କ ପାଇଁ ହିଁ ହୋଇଥିଲା। ବେଳେ ବେଳେ ଅଭିନେତା ଆଉ ଅଭିନେତ୍ରୀଙ୍କ କ୍ଷେତ୍ରରେ ଏମିତି ହୋଇଥାଏ। କିଛି ଚରିତ୍ରକୁ ସେ ବହୁ ସୁନ୍ଦର ଭାବେ ବୁଝି ଯାଇଥାନ୍ତି ଯେଉଁଥିପାଇଁ ତାଙ୍କୁ ଅଭିନୟ କରିବାରେ କୌଣସି
ବାଧା ଉପୁଜେ ନାହିଁ। ମାତ୍ର ଏଠି ଲିଜା ପ୍ରଥମେ ନିଜକୁ ବୁଝି ଅତି ସହଜ, ସରଳ ଏବଂ ଆରାମଦାୟକ ଭାବରେ ଚରିତ୍ରକୁ ଉଠାଇ ପାରିଛନ୍ତି।
ଏ ଚଳଚ୍ଚିତ୍ରରେ ଅଭିନୟ ନିଶ୍ଚୟ ଭାବେ ତାଙ୍କର ଆଗାମୀ ରାସ୍ତାକୁ ସୁଗମ କରିବ। ଏଥିରେ ସନ୍ଦେହ ନାହିଁ। ତାଙ୍କ ଭବିଷ୍ୟତ ଉଜ୍ଜଳ ଏବଂ ସଫଳ ମଧ୍ୟ। କାରଣ ଏ ଚଳଚ୍ଚିତ୍ର ବୋଲି ନୁହେଁ, ସେ ଏହା ପୂର୍ବରୁ ବି ଓଡ଼ିଆ ଦର୍ଶକଙ୍କ ପାଖକୁ ଆସିଛନ୍ତି। କିନ୍ତୁ ଫରକ୍ ଏତିକି ସେତେବେଳେ ଛୋଟ ପରଦାରେ ଆସିଥିଲେ ଏବେ ବଡ଼ ପରଦାରେ ନଜର ଆସିବେ। ମେଗା ଧାରାବାହିକ ‘ସାବତ୍ରୀ’ରେ ସାବିତ୍ରୀ ଭୂମିକାରେ ଅଭିନୟ କରି ଘରେ ଘରେ ପରିଚିତ ଲିଜା ଚଳଚ୍ଚିତ୍ର ‘ଦୃଷ୍ଟିକୋଣ’ରେ ମୁଖ୍ୟ ଚରିତ୍ରରେ ଅଭିନୟ କରିଛନ୍ତି। ଯାହାଙ୍କୁ ନେଇ ସିନେମା ଆଗକୁ ବଢ଼ିଛି। ଏହା ତାଙ୍କର ପ୍ରଥମ ଚଳଚ୍ଚିତ୍ର ହୋଇଥିବାରୁ ସେ ଯେତିକି ଉତ୍ସାହିତ ଅଛନ୍ତି, ତାଙ୍କୁ ଚଳଚ୍ଚିତ୍ରଟିରେ ନେଇ ପ୍ରଡକ୍ସନ୍ସ ବହୁତ ଖୁସି।
ଚଳଚ୍ଚିତ୍ରରେ ତାଙ୍କ ଚରିତ୍ରଟି ଆହ୍ବାନପୂର୍ଣ୍ଣ ଥିଲା। ଚଳଚ୍ଚିତ୍ରରେ ଜଣେ ନୀରିହ, ସୁନ୍ଦର ପାଠୁଆ ଝିଅ ଭୂମିକାରେ ସେ ଯେଉଁ ସମସ୍ୟାକୁ ସାମ୍ନା କରିଛନ୍ତି, ତାହା ଦେଖିବା ଲାଗି ଚଳଚ୍ଚିତ୍ର ମୁକ୍ତିଲାଭ ପର୍ଯ୍ୟନ୍ତ ଅପେକ୍ଷା କରିବାକୁ ପଡ଼ିବ। କାହାଣୀ ଅନୁସାରେ ସେ ନିଜ ମାଧ୍ୟମରେ ସାମ୍ପ୍ରତିକ ସମାଜରେ ମହିଳାଙ୍କ ଉପରେ ଘଟୁଥିବା ଘଟଣାର କଥା କହିଛନ୍ତି। ଅତି ନିଖୁଣ ଭାବେ ଭୂମିକାଟି ତୁଲାଇ ଟିର ଭରସା ଓ ବିଶ୍ୱାସକୁ ଜିତି ସମସ୍ତଙ୍କ ହୃଦୟରେ ରହି ଯାଇଛନ୍ତି ଲିଜା।
