Tag: ଗିରଫ

ଭୁବନେଶ୍ବର: ଗତକାଲି ଭୁବନେଶ୍ବରରେ ଏକ ଫ୍ୟାକ୍ଟ୍ରିରେ ନକଲି ମୃଦ୍ୟୁ ପାନୀୟ ପ୍ରସ୍ତୁତ କରାଯାଉଥିଲା। ଏନେଇ ଗତକାଲି ସେହି ଫ୍ୟାକ୍ଟ୍ରି ଉପରେ ଚଢାଉ କରାଯାଇଥିଲା ଏବଂ ଫ୍ୟାକ୍ଟ୍ରିକୁ ସିଲ କରାଯାଇଥିଲା। ତେବେ ଫ୍ୟାକ୍ଟ୍ରି ମାଲିକଙ୍କୁ ଆଜି ଗିରଫ କରାଯାଇଛି। ଫ୍ୟାକ୍ଟ୍ରି ମାଲିକ ଶ୍ରୀପତ୍ତି ରଞ୍ଜନ ବେହେରାଙ୍କୁ ପୋଲିସ ଗିରଫ କରିଛି।

ସୂଚନା ଅନୁଯାୟୀ, ଭୁବନେଶ୍ୱର ମଞ୍ଚେଶ୍ୱର ଶିଳ୍ପାଞ୍ଚଳରେ ଏକ ଫ୍ୟାକ୍ଟ୍ରିରେ ନକଲି ମୃଦ୍ୟୁ ପାନୀୟ ପ୍ରସ୍ତୁତ କରାଯାଉଥିଲା। ପୁଲିସର ନାକ ତଳେ ଏବଂ ସମସ୍ତଙ୍କ ଆଖି ସାମ୍ନାରେ ହେଉଥିଲା ଦୁଇ ନମ୍ବରି କାରବାର। ଚାରି ପାଞ୍ଚ ପ୍ରକାରର ମୃଦୁ ପାନୀୟ, ଜୁସ୍ ଏବଂ ମସାଲା ଡ୍ରିଙ୍କସ ପ୍ରସ୍ତୁତ କରାଯାଉଥିଲା। ହେଲେ କେଉଁ ଉତ୍ପାଦ କେତେ ପରିମାଣରେ ମିଶାଯିବ ଏବଂ ଶରୀର ଉପରେ ତାର କଣ ପ୍ରଭାବ ରହିବ, ତାର ଯାଂଚ ପାଇଁ ଏଠାରେ ନା ଲାବ୍ରୋଟାରୀ ଥିଲା ନା ଟେକ୍ନିସିଆନ୍ ଥିଲେ। ବଜାରରେ ବିକ୍ରି ହେଉଥିବା ବଡ ବଡ ବ୍ରାଣ୍ଡ ଭଳି ସମାନ ବୋତଲରେ ନକଲି ଲେବୁଲ ଲଗାଇ ଅପମିଶ୍ରିତ ମୃଦୁ ପାନୀୟ ତିଆରି ହେଉଥିଲା। ଏହାପରେ ଗାଁ ଗହଳିରେ ବିକ୍ରି ପାଇଁ ବେଶ୍ ଆରାମରେ ପଠାଇ ଦିଆଯାଉଥିଲା। ଏନେଇ ସୂଚନା ପାଇ ପୋଲିସ ନକଲି ଫ୍ୟାକ୍ଟ୍ରି ଉପରେ ଚଢାଉ କରି ସିଲ କରିଥିଲା।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ସାଉଥ୍‌କୋ ୟୁଟିଲିଟି ଅଧୀନରେ ଥିବା ସାତଟି ଜିଲ୍ଲାର ଜନସାଧାରଣଙ୍କୁ ପ୍ରିପେଡ଼୍ ମିଟର ବସାଇବା କହି ଠକେଇ ହୋଇଥିବା ନେଇ ବୈଦ୍ୟନାଥପୁର ଥାନାରେ ଅଭିଯୋଗ ହେବା ପରେ ପୋଲିସ୍ ବିଶ୍ୱନାଥ ବିଶ୍ୱାଳ ନାମକ ଜଣେ ଠକକୁ ଗିରଫ କରିଛି।

ଅତି ଅଭିନବ ଉପାୟରେ ବିଶ୍ୱନାଥ ଲୋକଙ୍କଠାରୁ ପ୍ରାୟ ୧ କୋଟି ଟଙ୍କା ଠକିଥିବା ଜଣାପଡ଼ିଛି। ସେ ଦକ୍ଷିଣାଞ୍ଚଳ ଅନ୍ତର୍ଗତ ଗଂଜାମ, ବୌଦ୍ଧ, ସୋନପୁର ଏବଂ କନ୍ଧମାଳ ସହ ୭ଟି ଜିଲ୍ଲାର ଲୋକଙ୍କୁ ପ୍ରିପେଡ଼୍ ମିଟର ବସାଇବା ଲାଗି ୱାର୍କ ଅର୍ଡ଼ର ଦେବାକୁ କହିଥିଲା। ପ୍ରତ୍ୟେକ ଗ୍ରାହକଙ୍କଠାରୁ ଟାଟା ଉପରୋକ୍ତ ଜିଲ୍ଲାଗୁଡ଼ିକର ପ୍ରତ୍ୟେକ ଗ୍ରାହକଙ୍କ ଘରେ ଇଲେକ୍ଟ୍ରିକ୍ ମିଟର ପରିବର୍ତ୍ତନ କରିବାକୁ ଯାଉଛି। ଯିଏବି ଏଜେଣ୍ଟ ରହିବ ସେମାନେ ଗୋଟିଏ ଗୋଟିଏ ମିଟର ବସାଇଲେ ୧୭୦ ଟଙ୍କା ଲେଖାଙ୍କ ଟାଟା ଠାରୁ କମିଶନ ବାବଦ ଅର୍ଥ ପାଇବ। ତେଣୁ ତୁମେ ମାନେ ଏଜେଣ୍ଟ ହିସାବରେ ରହିବ ସିକ୍ୟୁରିଟି ବାବଦକୁ ୩୦ ହଜାର ଟଙ୍କା ଲେଖାଏ ଦିଅ କହି ବହୁ ଲୋକଙ୍କଠାରୁ ପ୍ରାୟ ଏକକୋଟି ଟଙ୍କା ଠକି ନେଇଯାଇଛି।

ଏନେଇ ଟାଟା କଂପାନୀ ସହ ଏଜେଣ୍ଟମାନେ ଯୋଗାଯୋଗ କରିବାରୁ ଏହା ସଂପୂର୍ଣ୍ଣ ମିଛ ବୋଲି ଜାଣିବା ପରେ ବୈଦ୍ୟନାଥପୁର ଥାନାରେ ଅଭିଯୋଗ ହୋଇଥିଲା। ପୋଲିସ୍ ଥାନା କେସ ନଂ ୨୮/୨୧ରେ ଏକ ମାମଲା ରୁଜୁ କରାଯାଇ ବିଶ୍ୱନାଥଙ୍କୁ ଗତକାଲି ଗିରଫ କରି ଆଜି କୋର୍ଟଚାଲଣ କରାଯାଇ ତଦନ୍ତ ଜାରି ରହିଥିବା ଥାନା ପକ୍ଷରୁ ସୂଚନା ମିଳିଛି।

ସୂଚନାଯୋଗ୍ୟ ଅଭିଯୁକ୍ତଜଣକ ବୈଦ୍ୟନାଥପୁର ଥାନା ଅନ୍ତର୍ଗତ ଡ଼କ୍ଟର୍ସ ଲେନ୍‌ରେ ମା’ ତାରାତାରିଣୀ ସର୍ଭିସ୍ ନାମକ ଅଫିସ୍ କରି ମଧ୍ୟ ବସିଥିଲା।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଜଣେ ଅଚିହ୍ନା ଯୁବତୀର ଶବ ଚିହ୍ନଟ ଏବଂ ତାହାର ହତ୍ୟାକାରୀକୁ ଧରିବା ପାଇଁ ଜଗନ୍ନାଥପ୍ରସାଦ ପୋଲିସ୍ ବହୁ କଷ୍ଟ ସ୍ୱୀକାର କରି ଶେଷରେ ସଫଳତା ପାଇଛି। ଏନେଇ ଗଂଜାମ ଏସ୍‌ପି ଏକ ସାମ୍ବାଦିକ ସମ୍ମିଳନୀରେ ଯୁବତୀଙ୍କୁ ଭୁବନେଶ୍ୱରରେ ହତ୍ୟାକରି ଜଗନ୍ନାଥପ୍ରସାଦ ଥାନା ଅଂଚଳରେ ଶବକୁ ଫିଙ୍ଗିବା ଘଟଣା ବିଷୟରେ ସୂଚନା ଦେଇଥିଲେ। ହତ୍ୟା ଘଟଣାରେ ପୋଲିସ୍ ନୟାଗଡ଼ ଜିଲ୍ଲା ଫତେଗଡ଼, ପଥରପୁଂଜି ଗ୍ରାମର ମାନେଶ ରଂଜନ ପାଇଲ୍‌କ୍ରେ (୩୫) ଏବଂ ସରୋଜିନି ସାହୁ ଓରଫ୍ ଜିନା (୩୧)କୁ ଗିରଫ କରିଛି। ଏହାସହ ହତ୍ୟାରେ ବ୍ୟବହୃତ ଗୋଟିଏ ସିଭଲେଟ୍ କାର ଏବଂ ଛଅଟି ମୋବାଇଲ୍ ଫୋନ୍‌କୁ ଜବତ କରିଛି।

ଘଟଣାରୁ ପ୍ରକାଶ ଯେ ଗତ ୨.୧୨.୨୦୨୦ ତାରିଖରେ ଜଗନ୍ନାଥପ୍ରସାଦ ଥାନା ଅନ୍ତର୍ଗତ ଭୁଷଣ୍ଡାପଲ୍ଲି ଗ୍ରାମର ଏକ ଧାନବିଲ୍‌ରେ ଜଣେ ଅଚିହ୍ନା ଯୁବତୀ ଶବ ପଡ଼ିଥିବା ଦେଖିବାକୁ ମିଳିଥିଲା। ଏନେଇ ଜଗନ୍ନାଥପ୍ରସାଦ ପୋଲିସ୍ ଥାନା କେସ ନଂ ୨୮୪/୨୦୨୦, ୟୁ/ଏସ୍ ୩୦୨/୨୦୧ ଆଇପିସିରେ ମାମଲା ରୁଜୁ କରି ଅନୁସନ୍ଧାନ ଆରମ୍ଭ କରିଥିଲା। ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ଏବଂ ଡ଼ଗସ୍କ୍ୱାର୍ଡ଼ ଦ୍ୱାରା ତଦନ୍ତ ଆରମ୍ଭ ହୋଇ ଶବକୁ ଭଂଜନଗର ସବ୍‌ଡ଼ିଭିଜନାଲ୍ ହସ୍‌ପିଟାଲ୍‌ରେ ରଖାଗଲା। କିନ୍ତୁ ୭୨ ଘଣ୍ଟା ପରେ ଶବ ଚିହ୍ନଟ ନ ହେବାରୁ ନିୟମ ମୁତାବକ ଯୁବତୀର ଦାହ ସଂସ୍କାର କରାଯାଇଥିଲା।

ଏହି ହତ୍ୟାଘଟଣାର ପର୍ଦ୍ଦାଫାସ କରିବା ପାଇଁ ଗଂଜାମ ଏସ୍‌ପିଙ୍କ ନିର୍ଦ୍ଦେଶରେ ତଥା ଭଂଜନଗର ଏସ୍‌ଡ଼ିପିଓଙ୍କ ତତ୍ତ୍ୱାବଧାନରେ ବଛାବଛା ଅଫସିରଙ୍କୁ ନେଇ ୫ଟି ଟିମ୍ ଗଠିତ ହୋଇଥିଲା। ଟିମ୍‌ଗୁଡ଼ିକ ଭୁବେନଶ୍ୱର, ନୟାଗଡ଼, ଖୋର୍ଦ୍ଧା, କନ୍ଧମାଳ ପ୍ରଭୃତି ଅଂଚଳକୁ ଯାଇ ତଦନ୍ତ ଆରମ୍ଭ କରିଥିଲା। କେବଳ ଯୁବତୀଟି ଭୁବନେଶ୍ୱର ହୋଇଥିବା ଛଡ଼ା ଅନ୍ୟ କୌଣସି ସୁଫଳ ମିଳିନଥିଲା।

ଏହାପରେ ତଦନ୍ତର ଦିଗ କେବଳ ଭୁବେଶ୍ୱରରେ କେନ୍ଦ୍ରିଭୂତ ହୋଇଥିଲା। ଯୁବତୀର ଫଟୋଟିକୁ ବିଭିନ୍ନ ସାମାଜିକ ଗଣମାଧ୍ୟମ, ପୋଲିସ ଅଫିସର ଗ୍ରୁପ, ନିରୁଦ୍ଦିଷ୍ଟ ମାମଲା ଆଦି ନେଇ ବିଭିନ୍ନ ଥାନାରେ ଖୋଜା ଯାଇଥିଲା। ଶେଷରେ ଜଗନ୍ନାଥପ୍ରସାଦ ପୋଲିସ୍‌କୁ ଏକ ସୁରାକ ମିଳିବାରୁ ଆଇଆଇସି ଦିଲିପ ସ୍ୱାଇଁ ଭୁବନେଶ୍ୱରେ ଡ଼େରା ପକାଇ ଉକ୍ତ ସୋର୍ସକୁ ତଦନ୍ତ କରିଥିଲେ।

ଏହାପରେ ଝିଅଟିର ବାପାଙ୍କୁ ଠାବ କରି ଡ଼ିଏନ୍‌ଏ ଟେଷ୍ଟ କରିବା ପରେ ଶବଟିକୁ ପରିଚୟ ମିଳିଥିଲା। ପରେ ଯୁବତୀଟି କାମ କରୁଥିବା ସ୍ଥାନଗୁଡ଼ିକରେ ପଚରାଉଚରା ଆରମ୍ଭ କରିଥିଲା ପୋଲିସ୍। ପରେ କିଛି ଅଭିଯୁକ୍ତକୁ ପଚରାଉଚରା ପରେ ଉପରୋକ୍ତ ଦୁଇଜଣ ଏହି ଘଟଣା ଘଟାଇଥିବା ମାନିଥିଲେ।

ଦୁଇ ଅଭିଯୁକ୍ତ ଯୁବତୀଙ୍କୁ ଭୁବନେଶ୍ୱରରେ ତାଙ୍କ ଘରେ ହତ୍ୟା କରିବା ପରେ ଓଲା କାର୍ (ଓଡ଼ି ୩୩ ଏମ୍ ୩୦୧୪)ରେ ଭୁଷଣ୍ଡାପଲା ଗ୍ରାମକୁ ଆଣି ଫିଙ୍ଗି ଦେଇଥିଲେ। ପୋଲିସ୍ ଅଭିଯୁକ୍ତଙ୍କୁ ଗିରଫ କରିଥିବାବେଳେ ହତ୍ୟା ହୋଇଥିବା ସ୍ଥାନକୁ ସିଲ୍ କରି ଅଧିକ ଅନୁସନ୍ଧାନ ଜାରି ରଖିଥିବା ଗଂଜାମ ଏସ୍‌ପି ବ୍ରିଜେଶ ରାୟ ସୂଚନା ଦେଇଛନ୍ତି।

କନ୍ଦର୍ପ ବେହେରା
ରେଢାଖୋଲ: ଆଜି ସଂଧ୍ୟା ୭ଟାରେ ରେଢାଖୋଲ ପୋଲିସ୍ ବଡବାହାଳ ଛକଠାରୁ ବୌଦ୍ଧରୁ ଆସୁଥିବା ଏକ ବାଇକରୁ ୧୩ କେଜି ଗଞ୍ଜେଇ ଜବତ କରିବା ସହ ଜଣକୁ ଗିରଫ କରିବାରେ ସକ୍ଷମ ହୋଇଛି।

ପୋଲିସ୍ ସୂତ୍ରରୁ ପ୍ରକାଶ ଯେ, ଆଜି ସଂଧ୍ୟାରେ ରେଢାଖୋଲ ପୋଲିସ୍ ପେଟ୍ରୋଲିଙ୍ଗ କରୁଥିବା ସମୟରେ ବୌଦ୍ଧ ପଟୁ ଆସୁଥିବା ଏକ ମୋଟର ସାଇକେଲରୁ ୨ ଟି ଏୟାର ବ୍ୟାଗ୍ ରୁ ୧୩ କେଜି ଗଞ୍ଜେଇ ଜବତ କରିଥିଲା। ମୋଟର ସାଇକେଲରେ ଗଞ୍ଜେଇ ଚାଲାଣ କରୁଥିବା ଚୋରାବେପାରୀର ହେଲା ବିହାରର ସୋନୁ କୁମାର ବୋଲି ଜଣା ପଡିଛି।

ରେଢାଖୋଲ ଥାନା କେସ୍ ନଂ ୨୨୯/୨୦୨୦(ବି)(ଆଇଆଇ)(ବି)ଏନ୍‌ଡିପିଏସ୍ ଆକ୍ଟ ରେ ବିହାରର ସୋନୁ କୁମାରକୁ ପୋଲିସ୍ ଗିରଫ କରିଛି। ଆସନ୍ତାକାଲି ଅଭିଯୁକ୍ତକୁ କୋର୍ଟ ଚାଲାଣ କରାଯିବା ସହ ଗଣ ମାଧ୍ୟମକୁ ସମସ୍ତ ତଥ୍ୟ ପ୍ରଦାନ କରାଯିବ ବୋଲି ରେଢାଖୋଲ ଥାନାଧିକାରୀ ଆମ ପ୍ରତିନିଧିଙ୍କ ଠାରେ ପ୍ରକାଶ କରିଛନ୍ତି।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: କିଛି ମାସ ମଧ୍ୟରେ ପୋଲିସ୍ ବ୍ରହ୍ମପୁର ତଥା ଦକ୍ଷିଣ ଓଡ଼ିଶାରେ ଆଇପିଏଲ୍ ବୁକିଂମାନଙ୍କୁ ୠିରଫ କରିବାରେ ଲାଗି ପଡ଼ିଛନ୍ତି। ଏହିକ୍ରମରେ ଗୋଷାଣିନୂଆଗାଁ ପୋଲିସ୍ ପକ୍ଷରୁ ଆଉ ଜଣେ ବୁକିକୁ ଗିରଫ କରି କୋର୍ଟଚାଲଣ କରାଯାଇଛି। ଗିରଫ ଅଭିଯୁକ୍ତ ଜଣକ ହେଲେ ଲୋଚାପଡ଼ା ଅଂଚଳର ସଂଜୀବ ବେହେରା (୨୭)।

ପୂର୍ବରୁ ଗତ ୩୦ ତାରିଖରେ ଆଇପିଏଲ୍ ବ୍ୟାଟିଂର ବେତାଜ ବାଦାଶାହା ବୁକି ଲାଲି ଏବଂ ତା’ର ସହଯୋଗୀକୁ ପୋଲିସ୍ ଗିରଫ କରି ଲକ୍ଷ ଲକ୍ଷ ଟଙ୍କା ଜବତ କରିଥିଲା। ଇତି ମଧ୍ୟରେ ସେମାନେ ଜାମିନରେ ଆସିଛନ୍ତି। ଏହାସହ କିିଛିଦିନ ତଳେ ଆଉ ଜଣେ ବୁକିକୁ ଭୁବନେଶ୍ୱର ଏୟାରପୋର୍ଟ ଏବଂ ବ୍ରହ୍ମପୁରରୁ ଗିରଫ କରିବାରେ ସକ୍ଷମ ହୋଇଥିଲା।

ଧିରେ ଧିରେ କ୍ରିକେଟ ବ୍ୟାଟିଂରେ ସାମିଲ ଥିବା ଲୋକଙ୍କ ମୁଳଦୁଆ ଉପୁଡ଼ିବା ଆରମ୍ଭ ହେଲାଣି। ଗିରଫ ଭୟରେ କିଛି ବୁକିଂ ଅଣ୍ଡରଗ୍ରାଉଣ୍ଡ ହୋଇଯାଇଥିବା ଶୁଣିବାକୁ ମିଳିଛି। ସଂଜୀବ ବୁକି ଲାଲି ଆଚାରୀଙ୍କ ଲିଙ୍କରେ ଥିବା ଜଣାପଡ଼ିଛି।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ବର୍ତ୍ତମାନ କଟକ ଅଂଚଳର ରାଜ୍ୟର ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଥିବାବେଳେ ଗଂଜାମ ଜିଲ୍ଲା ମଧ୍ୟ ଏହାର ପଛରେ ରହିଛି। ନକଲି ଗୁଟ୍‌ଖା, ନକଲି ମଦ, ନକଲି ମସଲା, ନକଲି ଘିଅ ଇତ୍ୟାଦି କେଉଁଠି ନା କେଉଁଠି ଲୁଚାଛପା ତିଆରି ହେଉଥିବା ନେଇ ବହୁବାର ଅଭିଯୋଗ ହେଉଛି। ପୂର୍ବରୁ କୋଟି କୋଟି ଟଙ୍କାର ନକଲି ଜର୍ଦ୍ଦା ଏବଂ ମଦ ଜବତ ହୋଇଥିବାବେଳେ ଆଜି ନକଲି ଲୁବ୍ରିକାଣ୍ଟ କାରଖାନାକୁ ଟାଉନ୍ ଥାନା ଠାବ କରି ଜଣକୁ ଗିରଫ କରିଛି।

ଘଟଣାରୁ ପ୍ରକାଶ ଯେ, ସହରରେ ନକଲି ଲୁବ୍ରିକାଣ୍ଟ କାରଖାନା ଚାଲିଥିବା ନେଇ ଅଭିଯୋଗ ହେଉଥିବାବେଳେ ଆଜି କୌଣସି ବିଶେଷ ସୂତ୍ରରୁ ଖବର ପାଇ ଟାଉନ୍‌ଥାନା ପୋଲିସ୍ ଏକ ସୁଇଫ୍ଟ ଡ଼ିଜାଇର୍ (ଓଡ଼ି ୦୭ ଡ଼ବ୍ଲ୍ୟୁ ୭୯୬୯)କାରକୁ ଅଟକାଇଥିଲା। ଯାଞ୍ଚ ବେଳେ ଗାଡ଼ି ଡ଼ିକିରୁ ପେଟିରେ ଭର୍ତ୍ତି ହୋଇଥିବା ୨୦୦ ଲିଟର ନକଲି ଲୁବ୍ରିକାଣ୍ଟ ଜବତ ହୋଇଥିଲା। ପୋଲିସ୍ ଗାଡ଼ି ମାଲିକ ତଥା ଡ଼୍ରାଇଭର ମହମ୍ମଦ ଇଜାଜକୁ ଧରିଥିବାବେଳେ ପଚାରାଉଚରା ପରେ ନିଳାଦ୍ରୀ ବିହରରେ ଥିବା ଏକ କାରଖାନା ଠାବ ହୋଇଥିଲା।

କାରଖାନାରେ ବିପୁଳ ପରିମାଣରେ ନକଲି ଲୁବ୍ରିକାଣ୍ଟ ଏବଂ ଲୁବ୍ରିକାଣ୍ଟ ପ୍ରସ୍ତୁତ ସାମଗ୍ରୀ ଜବତ ହୋଇଥିଲା। ଏଠାରୁ ନକଲି ଲୁବ୍ରିକାଣ୍ଟ ପ୍ରସ୍ତୁତ ହୋଇ ବିଭିନ୍ନ ସ୍ଥାନରୁ ପଠାଯାଉଥିଲା। କାରଖାନାରେ ବିଭିନ୍ନ ଦାମିନାମୀ କଂପାନୀର ଖାଲି ବୋତଲ, ସିଲ୍‌, ନକଲି ଅଏଲ୍ ସମେତ ପେକିଂ ହୋଇ ପ୍ରସ୍ତୁତ ହୋଇଥିବା ପ୍ରାୟ ୧ହଜାର ଲିଟର ନକଲି ଲୁବ୍ରିକାଣ୍ଟ ମଧ୍ୟ ରହିଥିଲା। ନକଲି ଲୁବ୍ରିକାଣ୍ଟ ପ୍ରସ୍ତୁତ ପାଇଁ ୧୦୦ ଟଙ୍କା ଖର୍ଚ୍ଚ ହେଉଥିବାବେଳେ ଏହା ବାହାରେ ୩୦୦ ଟଙ୍କାରେ ବ୍ୟବହୃତ ହେଉଥିବାବେଳେ ଏଥିରେ ବହୁ ବ୍ୟକ୍ତି ସାମିଲ ଥିବା ପୋଲିସ୍ ଅନୁମାନ କରୁଛି।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗତ ୧୮.୧୧.୨୦୧୯ରେ ବଡ଼ଗଡ଼ ଥାନା ଅନ୍ତର୍ଗତ ବଡ଼ଗଡ଼ ଗ୍ରାମର ବ୍ୟବସାୟୀ କେ. ସିମାଦ୍ରୀ ପାତ୍ର (୬୩)ଙ୍କୁ ବନ୍ଧୁକ ମୁନରେ ଲୁଟ୍ କରିଥିବା ଘଟଣାରେ ବଡ଼ଗଡ଼ ପୋଲିସ୍‌କୁ ମିଳିଛି ସଫଳତା। ଘଟଣାର ଅନୁସନ୍ଧାନ କରି ବଡ଼ଗଡ଼ ପୋଲିସ୍ ୭ ଜଣକୁ ଗିରଫ କରିଥିବାବେଳେ ଲୁଟ୍ ସାମଗ୍ରୀ ଜବତ କରିଛି।

ଲୁଟେରାମାନେ ହେଲେ ଖଣ୍ଡରାବନ୍ଧ ଗ୍ରାମର ଅନିଲ ଡ଼ାକୁଆ (୨୫), କଳାସିଂ ଗ୍ରାମର ଏ. ସୁରେଶ ଡ଼ୋରା (୨୪), ଗାଙ୍ଗପୁର ଗ୍ରାମର କାହ୍ନୁ ବିଷୋୟୀ (୨୭), ଶିକିରି ଗ୍ରାମର ଜଗନ୍ନାଥ ରାଉତ ଓରଫ୍ ଜଗା ଓରଫ୍ ପେପ୍‌ସି (୨୦), ଶିକିରର ଶିବ ନାୟକ (୨୧), ସୋଲସେଲା ଗ୍ରାମର କୈଳାସ ଚିନ୍ଦ୍ରା (୩୦) ଏବଂ ବି. ରମେଶ ପାତ୍ର (୫୭)। ଏମାନଙ୍କ ନିକଟରୁ ପୋଲିସ୍ ଗୋଟିଏ ବନ୍ଧୁକ, ଦୁଇଟି ଜୀବନ୍ତ ଗୁଳି, ଚାକୁ, ତିନୋଟି ମଟର ସାଇକେଲ୍ ସହ ଲୁଟ୍ ସାମଗ୍ରୀର ଗୋଟିଏ ସୁନା ଚେନ୍‌, ଦୁଇଟି ମୁଦି ଏବଂ ଅନ୍ୟାନ୍ୟ ସାମଗ୍ରୀ ଜବତ କରିଛି। ଘଟଣା ଦିନ ଏହି ୭ ଅଭିଯୁକ୍ତ ବନ୍ଧୁକ ମୁନରେ କେ. ସିମାଦ୍ରୀ ପାତ୍ରଙ୍କ ବଡ଼ଗଡ଼ ବଡ଼ଦାଣ୍ଡ ସାହିରେ ଥିବା ଲୁଗା ଦୋକାନ ମଧ୍ୟରେ ପ୍ରବେଶ କରି ବନ୍ଧୁକ ଦେଖାଇ ଭୟଭୀତ କରିବା ସହ ତାଙ୍କ ନିକଟରୁ ସୁନା ଚେନ୍‌, ସୁନା ମୁଦି ଏବଂ ଅନ୍ୟାନ୍ୟ ସାମଗ୍ରୀ ଲୁଟ୍ କରିଥିବା ନେଇ ସେ ବଡ଼ଗଡ଼ ଥାନାରେ ଅଭିଯୋଗ କରିଥିଲେ।

ପୋଲିସ୍ ଥାନା କେସ ନଂ ୨୬୭/୨୦୧୯ରେ ବଡ଼ଗଡ଼ ଥାନାଧିକାରୀ ପ୍ରତାପ ଚନ୍ଦ୍ର ତ୍ରିପାଠୀ ଘଟଣାର ଅନୁସନ୍ଧାନ ଚଳାଇଥିଲେ। ଅନୁସନ୍ଧାନରେ ଦୁଇଟି ସନ୍ଧିଗ୍ଧ ଅନିଲ ଡ଼ାକୁଆ ଏବଂ ଅନ୍ୟନ୍ୟ ଅଭିଯୁକ୍ତକୁ ଆଣି ଥାନାରେ ପଚରାଉଚରା କଲା ପରେ ସେମାନେ ଏହି ଲୁଟ୍ ଘଟଣାରେ ସାମିଲ ଥିବା ସ୍ୱୀକାର କରିଥିଲେ। ଅଭିଯୁକ୍ତମାନେ ଅନ୍ୟାନ୍ୟ ଘଟଣାରେ ବି ସାମିଲ ଥିବାରୁ ଅଧିକ ଅନୁସନ୍ଧାନ ଚାଲିଛି। ଥାନା କେସ ୨୬୭/୧୯, ୟୁ/ଏସ୍ ୩୯୪/୪୫୭ ଆଇପିସି/ଆର୍‌/ଡ଼ବ୍ଲୁ ସେକ୍ସନ ୨୫/୨୭ ଆର୍ମସ ଆକ୍ଟରୁ ପରିବର୍ତ୍ତନ କରାଯାଇ ୟୁ/ଏସ୍ ୩୯୫/୪୫୭/୪୧୨/ଆର୍‌ଡ଼ବ୍ଲ୍ୟୁ ସେକ୍ସନ ୨୫/୨୭ରେ ଅଭିଯୁକ୍ତମାନଙ୍କୁ କୋର୍ଟଚାଲଣ କରାଯାଇଛି।