Tag: ବାଲୁଗାଁ ରେଳ ଷ୍ଟେସନ

ବାଲୁଗାଁ: ବାଲୁଗାଁ ରେଳ ଷ୍ଟେସନର ପ୍ରଥମ ଷ୍ଟେସନ ପରାମର୍ଶଦାତା କମିଟି ବୈଠକ ଆଜି ରେଳ ଷ୍ଟେସନ ପରିସରରେ ଅନୁଷ୍ଠିତ ହୋଇଯାଇଛି। ଷ୍ଟେସନ ମାଷ୍ଟର ଶଙ୍କର ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ବୈଠକରେ ରେଳ ବିଭାଗ ପକ୍ଷରୁ ଆରପିଏଫ ଆଇଆଇସି ଜିତେନ୍ଦ୍ର ମୌର୍ଯ୍ୟ, ମୁଖ୍ୟ ସ୍ୱାସ୍ଥ୍ୟ ନିରୀକ୍ଷକ ଅନ୍ତେସ ମିନା, ମୁଖ୍ୟ ବାଣିଜ୍ୟ ନିରୀକ୍ଷକ ବ୍ରହ୍ମପୁର ସର୍କଲ ମୋହନ ଚନ୍ଦ୍ର ବେହେରା, ବରିଷ୍ଠ ଅନୁଭାଗ ଯନ୍ତ୍ରୀ ରବୀନ୍ଦ୍ରନାଥ ମହାପାତ୍ର, କନିଷ୍ଠ ବିଦ୍ୟୁତ ଯନ୍ତ୍ରୀ ଗଗନ ଚରଣ ସ୍ୱାଇଁ, ଦୂରସଂଚାର କର୍ମଚାରୀ ଚନ୍ଦ୍ର ଶେଖର ପାତ୍ର, ମୁଖ୍ୟ ଟିକେଟ ନିରୀକ୍ଷକ ରାଜେଶ କୁମାର, ମୁଖ୍ୟ ବାଣିଜ୍ୟ ସୁପରଭାଇଜର ରମେଶ ଚନ୍ଦ୍ର ବେହେରା, ମୁଖ୍ୟ ସୁପରଭାଇଜର ଏବଂ ଷ୍ଟେସନ ପରାମର୍ଶଦାତା କମିଟି ସଭ୍ୟ ଯଥା ପ୍ରଫୁଲ୍ଲ କୁମାର ମାନସିଂହ,ସୀତାରାମ ଅଗ୍ରୱାଲ, ଡ଼ା ଯୋଗେନ୍ଦ୍ରନାଥ ସେନାପତି,ମୁରଲୀଧର ସାମନ୍ତସିଂହାର ଏବଂ ରବୀନ୍ଦ୍ର ପ୍ରଧାନ ଆଦି ଯୋଗଦେଇଥିଲେ।

ଉକ୍ତ ବୈଠକରେ ବାଲୁଗାଁ ରେଳ ଷ୍ଟେସନର ଉନ୍ନତି ଏବଂ ପାସେଞ୍ଜର ମାନେ ସମ୍ମୁଖୀନ ହେଉଥିବା ବିଭିନ୍ନ ସମସ୍ୟା ବିଷୟରେ ରେଳ ବିଭାଗ ଅଧିକାରୀମାନଙ୍କୁ ଷ୍ଟେସନ ପରାମର୍ଶଦାତା କମିଟିର ସଦସ୍ୟମାନେ ଅବଗତ କରାଇଥିଲେ ଏବଂ ସେଗୁଡିକର ଯଥାଶୀଘ୍ର ସମାଧାନ ପାଇଁ ଅନୁରୋଧ କରିଥିଲେ। ଖୋର୍ଦ୍ଧା ରୋଡ ରେଳ ଡିଭିଜନ ଅଧୀନରେ ଆସୁଥିବା ବାଲୁଗାଁ ଏକ ଗୁରୁତ୍ୱପୂର୍ଣ ରେଳ ଷ୍ଟେସନ ହୋଇଥିବା ବେଳେ ଏଠାରେ ପାସେଞ୍ଜର ଙ୍କ ପାଇଁ ବିଭିନ୍ନ ସୁବିଧା ଯଥା ସବୁ ପ୍ଲାଟଫର୍ମ ରେ କୋଚ ଇଣ୍ଡିକେଟର ବୋର୍ଡ଼ ସ୍ଥାପନ, ସବୁ ପ୍ଲାଟଫର୍ମକୁ ପୂର୍ଣ୍ଣ ସେଡ଼ କରିବା, ବରିଷ୍ଠ ନାଗରିକ ଏବଂ ଦିବ୍ୟାଙ୍ଗମାନଙ୍କ ସୁବିଧା ନିମନ୍ତେ ଏକ୍ସପ୍ରେସ ଟ୍ରେନ ଗୁଡିକ ୨ ନମ୍ବର ପ୍ଲାଟଫର୍ମ ବଦଳରେ ୧ ନମ୍ବର ପ୍ଲାଟଫର୍ମ ରେ ରହିବା, ଷ୍ଟେସନ ପରିସରରେ ସିସିଟିଭି ଲଗାଇବା, ଫୁଡ ପ୍ଲାଜା ଖୋଲିବା, ସାପ୍ତାହିକ ସ୍ୱାସ୍ଥ୍ୟ ପରୀକ୍ଷାଗାରକୁ ନିୟମିତ କରିବା, ଜିଆରପି ବିଟ ହାଉସକୁ ଫାଣ୍ଡିରେ ପରିଣତ କରିବା, ଆଉ ଏକ ପାଦ ଚଲା ବ୍ରିଜ ନିର୍ମାଣ, ପ୍ଲାଟଫର୍ମରେ ଲିଫ୍ଟ ସ୍ଥାପନ, ପାର୍ସଲ ବୁକିଙ୍ଗ ବ୍ୟବସ୍ଥା, ଗରିବ ରଥ ସମେତ ଏକାଧିକ ଦ୍ରୁତଗାମୀ ଟ୍ରେନ ରହଣି ଏବଂ ଟିକେଟ ନିରୀକ୍ଷକ ମାନେ ଯାତ୍ରୀଙ୍କୁ ଉଚିତ ବ୍ୟବହାର ଦେଖାଇବା ଆଦି ବିଷୟରେ କାର୍ଯ୍ୟ ଆରମ୍ଭ କରିବା ପାଇଁ କମିଟି ସଦସ୍ୟ ମାନେ ରେଳ ବିଭାଗ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ।

ତେବେ ଉକ୍ତ ସମସ୍ୟା ମଧ୍ୟରୁ କିଛି ସମସ୍ୟା ଆସନ୍ତା ୩ ମାସ ମଧ୍ୟରେ ପୂରଣ ହେବ ଏବଂ ଅନ୍ୟ କିଛି ସୁବିଧା ପ୍ରଦାନ ଦିଗରେ ପୁର୍ବରୁ କାର୍ଯ୍ୟ ଜାରି ରହିଥିବା ଅଧିକାରୀ ମାନେ କହିଥିଲେ l ସେହିପରି ଭାବେ ଅନ୍ୟ ଗୁରୁତ୍ୱପୂର୍ଣ ବିଷୟ ଗୁଡିକୁ ତୁରନ୍ତ ଉପରିସ୍ଥ ଅଧିକାରୀଙ୍କୁ ଜଣାଇଦିଆଯିବ ବୋଲି କମିଟି ଅଧ୍ୟକ୍ଷ ତଥା ଷ୍ଟେସନ ମାଷ୍ଟର ଶ୍ରୀ ନାୟକ କହିଛନ୍ତି।

ବାଲୁଗାଁ (ସୀତାରାମ ଅଗ୍ରୱାଲ): ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ନିକଟବର୍ତ୍ତୀ ଅଞ୍ଚଳରୁ ଦୁଇ ଜଣ ମୃତ ବ୍ୟକ୍ତିଙ୍କ ଶବ ଜବତ ହୋଇଛି। କାଳିଜାଇ ଓ ଖଲ୍ଲିକୋଟ ରେଳ ଷ୍ଟେସନ ମଧ୍ୟବର୍ତ୍ତୀ ଟ୍ରାକରୁ ଜଣଙ୍କର ମୃତଦେହ ଉଦ୍ଧାର ହୋଇଥିବା ବେଳେ ବାଲୁଗାଁ ରେଳ ଷ୍ଟେସନ ନିକଟରୁ ଅନ୍ୟ ଜଣଙ୍କର ମୃତ୍ ଶରୀର ଜିଆରପି ଜବତ କରିଛି।

କିନ୍ତୁ ଉଭୟଙ୍କ ପରିଚୟ ମିଳିପାରିନଥିବା ବେଳେ ମୃତ୍ୟୁର କାରଣ ଅସ୍ପଷ୍ଟ ରହିଛି। ତେବେ ଜଣେ ବ୍ୟକ୍ତିଙ୍କ ମୃତ୍ ଶରୀର ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ରହିଥିବା ବେଳେ ଅନ୍ୟ ଜଣଙ୍କ ଗଞ୍ଜାମ ସ୍ଥାନାନ୍ତରିତ ହେବ ବୋଲି ଆରପିଏଫ ପକ୍ଷରୁ ସୂଚନା ମିଳିଛି।

ସୀତାରାମ ଅଗ୍ରୱାଲ

ବାଲୁଗାଁ: ଗତକାଲି ରାତିରେ ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ଠାରେ କଟକ-ପଲାସା ପାସେଞ୍ଜର ଟ୍ରେନ ମଧ୍ୟରୁ ଜଣେ ମହିଳାଙ୍କ ଶବ ଉଦ୍ଧାର କରିଛି ଆରପିଏଫ। ମୃତକ ଜଣକ ଖୋର୍ଦ୍ଧା ଅରଗୁଳ ଅଞ୍ଚଳର ଅର୍ଜୁନ ସିଂ ଙ୍କ ପତ୍ନୀ ବିଷ୍ଣୁପ୍ରିୟା ସିଂ (୬୫)। ବିଷ୍ଣୁପ୍ରିୟାଙ୍କ ପୁତ୍ର ଗୋପୀ ସିଂ ସମ୍ବଲପୁର ରେଳ ଡିଭିଜନ ଅନ୍ତର୍ଗତ ଛତିଶଗଡ ମହସାମୁଣ୍ଡ ରେଳଷ୍ଟେସନରେ ଆରପିଏଫ ଏଏସଆଇ ଭାବେ ବର୍ତ୍ତମାନ କାର୍ଯ୍ୟରତ ଅଛନ୍ତି।

ସୂଚନା ମୁତାବକ ବିଷ୍ଣୁପ୍ରିୟା ଗତକାଲି ରାତିରେ କଟକ-ପଲାସା ପାସେଞ୍ଜର ଟ୍ରେନରେ ଖୋର୍ଦ୍ଧାରୁ ଅରଗୁଳ ଯାଉଥିବା ବେଳେ ଖୋର୍ଦ୍ଧା ଷ୍ଟେସନ ଛାଡିବା ମାତ୍ରେ ତାଙ୍କର ପ୍ରାଣବାୟୁ ଚାଲିଯାଇଥିଲା। ତେବେ ଟ୍ରେନ ଟି ବାଲୁଗାଁ ଷ୍ଟେସନରେ ପହଞ୍ଚିବା ପରେ ପାସେଞ୍ଜର ମାନେ ଏ ନେଇ ବାଲୁଗାଁ ଆରପିଏଫକୁ ଖବର ଦେଇଥିଲେ।

ଆରପିଏଫ କର୍ମଚାରୀମାନେ ଟ୍ରେନରୁ ଶରୀର ଉଦ୍ଧାର କରି ବାଲୁଗାଁ ମେଡିକାଲ ନେଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ଏହା ହୃଦଘାତ ଲାଗି ହୋଇଥିବାର ଅନୁମାନ କରାଯାଉଥିବାବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ଡାକ୍ତର କହିଛନ୍ତି।

ଆଜି ଖୋର୍ଦ୍ଧା ରୋଡ ଜିଆରପି ଘଟଣାସ୍ଥଳରେ ପହଞ୍ଚି ଶବ ଜବତ କରି ତଦନ୍ତ ଆରମ୍ଭ କରିବ ବୋଲି ଜଣାପଡିଛି।

ସୀତାରାମ ଅଗ୍ରୱାଲ

ବାଲୁଗାଁ: ଆଜି ଅପରାହ୍ନରେ ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ଉତ୍ତର କ୍ୟାବିନ ନିକଟ ରେଳ ଧାରଣାରୁ ଏକ ଖଣ୍ଡ ବିଖଣ୍ଡିତ ଶବ ଉଦ୍ଧାର ହୋଇଛି। କୌଣସି କାରଣ ବଶତଃ ଟ୍ରେନରେ କଟି ଶରୀରରୁ ଗୋଡ଼ ଦୁଇଟି ଅଲଗା ହୋଇ ରେଳ ଧାରଣାରେ ପଡିଥିବା ଦେଖି ସ୍ଥାନୀୟ ଲୋକମାନେ ଷ୍ଟେସନ ଅଧିକାରୀଙ୍କୁ ଅବଗତ କରିଥିଲେ।

ମୃତକ ଜଣକଙ୍କ ବୟସ ଆନୁମାନିକ ୩୫-୪୦ ଜଣାପଡୁଥିବା ବେଳେ ଏକ ନାଲି ରଙ୍ଗର ଟି ସାର୍ଟ ଓ ନୀଳ ରଙ୍ଗର ଏକ ପ୍ୟାଣ୍ଟ ପିନ୍ଧିଥିବା ଦେଖାଦେଇଛି। ଖବର ପାଇ ଘଟଣାସ୍ଥଳରେ ବାଲୁଗାଁ ଆରପିଏଫ ଓ ଖୋର୍ଦ୍ଧା ରୋଡ ଜିଆରପିର ଅଧିକାରୀମାନେ ପହଞ୍ଚି କେସ ନମ୍ବର ୨୩/୨୦୨୩ ରେ ଏକ ଅପମୃତ୍ୟୁ ମାମଲା ରୁଜୁକରି ଶବ ବ୍ୟବଚ୍ଛେଦ ପାଇଁ ପଠାଇ ଦେଇଛନ୍ତି।

ତେବେ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ପ୍ରାଥମିକ ତଦନ୍ତରୁ ମୃତକ ଜଣକ ଖୋର୍ଦ୍ଧା ଠାରୁ ବ୍ରହ୍ମପୁର ଅଭିମୁଖେ ଏକ ଡାଉନ ଯାତ୍ରୀବାହୀ ଟ୍ରେନରୁ କୌଣସି କାରଣବଶତଃ ଖସି ଯାଇଥିବା ସନ୍ଦେହ ହେଉଥିବା ବେଳେ ମୃତକଙ୍କ ପରିଚୟ ମିଳି ନଥିବା ନିରାକାରପୁର ଜିଆରପି ଏଏସଆଇ ପରିକ୍ଷିତ ନାୟକ ସୂଚନା ଦେଇଛନ୍ତି।

ସୀତାରାମ ଅଗ୍ରୱାଲ

ବାଲୁଗାଁ: ଆଜି ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ନିକଟରେ ଏକ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି। ଏହା ଏକ ଆତ୍ମହତ୍ୟା ବୋଲି ଅନୁମାନ କରାଯାଉଛି। ବ୍ୟକ୍ତିଙ୍କ ଶରୀରରୁ ମୁଣ୍ଡ ଓ ଗଣ୍ଡି ଅଲଗା ହୋଇଯାଇଛି।

ଘଟଣାସ୍ଥଳରେ ବାଲୁଗାଁ ଆରପିଏଫ ଏବଂ ନିରାକାରପୁର ଜିଆରପି ଅଧିକାରୀମାନେ ପହଞ୍ଚି ତଦନ୍ତ ଜାରି ରଖିଥିବା ବେଳେ ମୃତକଙ୍କ ପରିଚୟ ଅଦ୍ୟାବଧି ମିଳିପାରିନାହିଁ। ତେବେ ଆଜି ଅପରାହ୍ନରେ ଫାଲକନାମା ଟ୍ରେନ ବାଲୁଗାଁ ଷ୍ଟେସନ ଛାଡିବା ପରେ ବ୍ୟକ୍ତି ଜଣକ ଉକ୍ତ ଟ୍ରେନ ସମ୍ମୁଖରେ ଆତ୍ମହତ୍ୟା କରିଛନ୍ତି ବୋଲି ବାଲୁଗାଁ ଆରପିଏଫ ଏସଆଇ କୃଷ୍ଣ ଚନ୍ଦ୍ର ସାହୁ ସୂଚନା ଦେଇଛନ୍ତି।

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ରୋଡ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ନିକଟରେ ଏକ ଅଜଣା ବ୍ୟକ୍ତିଙ୍କ ମୃତ ଦେହ ଉଦ୍ଧାର ହୋଇଛି। ରାମପୁର ରୋଡ ରେଳ ଲାଇନରେ ଜଣେ ବୟସ୍କ ବ୍ୟକ୍ତିଙ୍କ ଖଣ୍ଡ ବିଖଣ୍ଡିତ ମୃତ ଦେହ ଦେଖିବାକୁ ମିଳିଛି।

ଆଜି ସକାଳେ ରେଳ ଲାଇନରେ ଏକ ଅଜଣା ବ୍ୟକ୍ତିଙ୍କ ଖଣ୍ଡ ବିଖଣ୍ଡିତ ଶରୀର ପଡିଥିବାର ଗ୍ରାମବାସୀ ଦେଖିବାକୁ ପାଇଥିଲେ। ଏନେଇ ସେମାନେ ବାଲୁଗାଁ ଆରପିଏଫ କୁ ଖବର ଦେଇଥିଲେ। ବର୍ତ୍ତମାନ ବାଲୁଗାଁ ଆରପିଏଫ ଘଟଣାସ୍ଥଳରେ ପହଞ୍ଚିଥିବା ବେଳେ ଖୋର୍ଦ୍ଧା ରୋଡ ଜିଆରପି କିଛି ସମୟ ମଧ୍ୟରେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବ ବୋଲି ଜଣାପଡିଛି।

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ରୋଡ଼ ରେଳବାଇ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ନିକଟରେ ଏକ ଅଭାବନୀୟ ଘଟଣା ଘଟିଯାଇଛି। ଚଳନ୍ତା ଯାତ୍ରୀବାହି ଟ୍ରେନରୁ ଜଣେ ଯୁବକ ପଡ଼ିଯାଇ ଗୁରୁତର ହୋଇଥିବା ଜଣାପଡିଛି।

ଖବର ମୁତାବକ ଆଜି ଅପରାହ୍ନରେ ସୋଲରି ଏବଂ ଗଙ୍ଗାଧରପୁର ଷ୍ଟେସନ ମଧ୍ୟରେ ଜଣେ ଯୁବକ ରେଳ ଟ୍ରାକ ପାର୍ଶ୍ଵରେ ଗୁରୁତର ଅବସ୍ଥାରେ ପଡିଥିବାର ଦେଖିବାକୁ ପାଇଥିଲେ ଜଣେ ଲୋକୋ ପାଇଲଟ। ସଙ୍ଗେସଙ୍ଗେ ଏ ନେଇ ବାଲୁଗାଁ ଷ୍ଟେସନ ମାଷ୍ଟରଙ୍କୁ ଜଣାଇବା ପରେ ଷ୍ଟେସନ ମାଷ୍ଟର ଆରପିଏଫକୁ ମେମୋ ଦେଇଥିଲେ। ଆରପିଏଫ ଘଟଣାସ୍ଥଳକୁ ଯାଇ ଆହତ ଯୁବକଙ୍କୁ ଅଗ୍ନିଶମ ବାହିନୀର ସହଯୋଗରେ ଉଦ୍ଧାର କରି ଟାଙ୍ଗୀ ଏବଂ ପରବର୍ତ୍ତୀ ସମୟରେ ଖୋର୍ଦ୍ଧା ମେଡିକାଲକୁ ନେଇଥିବାର ଜଣାପଡିଛି।

ଯୁବକଙ୍କ ନାମ ଶିବଶଙ୍କର ସାହୁ (୨୫) ଏବଂ ସେ ଗଞ୍ଜାମ ଜିଲ୍ଲା ଖଲିକୋଟ ଥାନା ଅନ୍ତର୍ଗତ ବିକ୍ରମପୁର ଗ୍ରାମ ମୋଚିରାମ ସାହୁଙ୍କ ପୁତ୍ର। ବର୍ତ୍ତମାନ ଯୁବକଙ୍କ ନିକଟରେ ତାଙ୍କ ପରିବାରବର୍ଗ ଉପସ୍ଥିତ ଥିବା ବାଲୁଗାଁ ଆରପିଏଫ କର୍ମଚାରୀ ସୂଚନା ଦେଇଛନ୍ତି।

ସୀତାରାମ ଅଗ୍ରୱାଲ

ବାଲୁଗାଁ: ଭାରତୀୟ ରେଳ ବୋର୍ଡର ଯାତ୍ରୀ ସୁବିଧା କମିଟି (ପିଏସି) ସଦସ୍ୟମାନେ ଆଜି ଅପରାହ୍ନରେ ଖୋର୍ଦ୍ଧା ରୋଡ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ପରିଦର୍ଶନକୁ ଆସି ଯାତ୍ରୀ ମାନଙ୍କ ସୁବିଧା ସମ୍ବନ୍ଧୀୟ ବିଭିନ୍ନ ବ୍ୟବସ୍ଥାଗୁଡିକୁ ଯାଞ୍ଚ କରିଥିଲେ। ଏହି କମିଟିର ସଦସ୍ୟ ଦିଲୀପ ମଲ୍ଲିକ, ଅଜୟ କୁମାର ଯାଦବ, ଅଭିଜିତ ଦାସ, ରାମ କୁମାର ପହାନ, ଅଭିଲାଶ ପାଣ୍ଡେ, ବିଚିତ୍ର ନାରାୟଣ କଳିତା ଏବଂ ସୁନୀଲ ରାମ ରହିଛନ୍ତି।

ରେଳ ଷ୍ଟେସନର ଯାଞ୍ଚ ସମୟରେ ଯାତ୍ରୀ ମାନଙ୍କ ସୁବିଧା ନିମନ୍ତେ ବିଭିନ୍ନ ଜିନିଷ ଯଥା ପାନୀୟ ଜଳ ବ୍ୟବସ୍ଥା , ଶୌଚାଳୟ, ପ୍ରତୀକ୍ଷାଳୟ , ପ୍ଲାଟଫର୍ମ ସେଡ୍, ଯାତ୍ରୀମାନଙ୍କ ପାଇଁ ବସିବାର ବ୍ୟବସ୍ଥା ଇତ୍ୟାଦି ବିଷୟଗୁଡିକୁ ଯାଞ୍ଚ କରାଯାଇଥିଲା। ଷ୍ଟେସନ ପରିସରର ପରିଷ୍କାର ପରିଚ୍ଛନ୍ନତା ମଧ୍ୟ କମିଟି ସଦସ୍ୟଙ୍କ ଦ୍ୱାରା ଯାଞ୍ଚ କରାଯାଇଥିଲା।

ତେବେ ସମସ୍ତ ପ୍ଲାଟଫର୍ମ ଗୁଡିକର ପ୍ରଥମରୁ ଶେଷ ଯାଏଁ ସଂପୂର୍ଣ୍ଣ ସେଡ ବ୍ୟବସ୍ଥା ଉପରେ ଗୁରୁତ୍ୱ ଦେଇଥିଲା କମିଟି। ତେବେ କହିବାକୁ ଗଲେ ଷ୍ଟେସନରେ ଯାତ୍ରୀ ସୁବିଧା ବ୍ୟବସ୍ଥା ଉପରେ କମିଟିର ସମସ୍ତ ସଦସ୍ୟ ସନ୍ତୋଷ ବ୍ୟକ୍ତ କରିଥିଲେ।

ଉକ୍ତ ଗସ୍ତ ସମୟରେ ଖୋର୍ଦ୍ଧା ରୋଡ଼ ଡିଭିଜନର ବରିଷ୍ଠ ଡ଼ିସିଏମ, ବାଲୁଗାଁ ଷ୍ଟେସନ ପ୍ରବନ୍ଧକ ଶଙ୍କର ନାୟକ, ରେଳ ସୁରକ୍ଷା ବଳ ଥାନାଧିକାରୀ ମହେଶ୍ୱର ଚଣ୍ଡରାୟ ଏବଂ ଅନ୍ୟ ସମସ୍ତ ରେଳ କର୍ମଚାରୀମାନେ ଉପସ୍ଥିତ ଥିଲେ। ଏହି ଅବସରରେ ପିଏସି ସଦସ୍ୟଙ୍କୁ ବାଲୁଗାଁ ରେଳ ଷ୍ଟେସନରେ ଉପସ୍ଥିତ ଥିବା ଯାତ୍ରୀ ଏବଂ ସାଧାରଣ ଲୋକେ ସ୍ଵାଗତ କରିଥିଲେ।

ସୀତାରାମ ଅଗ୍ରୱାଲ

ବାଲୁଗାଁ: ଖୋର୍ଦ୍ଧା ରୋଡ଼ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନରୁ ନିୟମିତ ଯାତାୟତ କରୁଥିବା ଶତାଧିକ ରେଳ ଯାତ୍ରୀମାନେ ଏକ ବିଶାଳ ଗଣଧାରଣା ଦେଇଛନ୍ତି।

ଆଜି ପୂର୍ବାହ୍ନରେ ବାଲୁଗାଁ ରେଳ ଷ୍ଟେସନରେ ରେଳ ଯାତ୍ରୀମାନେ ଏକତ୍ରୀତ ହୋଇ ଶାନ୍ତିପୂର୍ଣ୍ଣ ଭାବେ ଏକ ବିଶାଳ ଗଣଧାରଣା ଦେଇଛନ୍ତି। ସୁରେଶ କୁମାର ପ୍ରଧାନ, ସୁଦେଶ କୁମାର ସେଠୀ, ରବି ନାରାୟଣ ଷଡଙ୍ଗୀ ଏବଂ ସମାଜସେବୀ ଅନନ୍ତ ଚରଣ ଖଟେଇଙ୍କ ନେତୃତ୍ୱରେ ଉକ୍ତ ଗଣଧାରଣା ଦିଆଯାଇଛି।

ଏହି ଅବସରରେ ବ୍ରହ୍ମପୁରରୁ ଭୁବନେଶ୍ୱରକୁ ଯାତାୟତ କରୁଥିବା ସମସ୍ତ ଲୋକାଲ ଟ୍ରେନ ଓ ପାସେଞ୍ଜର ଟ୍ରେନ ଚଳାଚଳ ଏବଂ ସମସ୍ତ ଟ୍ରେନ୍ ପାଇଁ ଅଣସଂରକ୍ଷିତ ଟିକେଟ ଓ ସିଜନାଲ୍ ଟିକେଟ ପ୍ରଦାନ ଦାବିରେ ଧାରଣାରତ ରେଳ ଯାତ୍ରୀମାନେ ବାଲୁଗାଁ ଷ୍ଟେସନ ମାଷ୍ଟର ସୁକାନ୍ତ ସାହୁଙ୍କ ମାଧ୍ୟମରେ ଏକ ଦାବିପତ୍ର ମାନ୍ୟବର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ପ୍ରଦାନ କରିଛନ୍ତି। ଗଣଧାରଣା ସମୟରେ ରେଳଯାତ୍ରୀଙ୍କ ସୁରକ୍ଷା ଦୃଷ୍ଟିରୁ ବାଲୁଗାଁ ରେଳ ସୁରକ୍ଷା ବଳ ଥାନାଧିକାରୀ ମହେଶ୍ୱର ଚଣ୍ଡରାୟଙ୍କ ସମେତ ଅନ୍ୟ କର୍ମଚାରୀ ମାନେ ଉପସ୍ଥିତ ଥିଲେ।

ସୀତାରାମ ଅଗ୍ରୱାଲ

ଚିଲିକା: ଆଜି ମଧ୍ୟାହ୍ନରେ ଖୋର୍ଦ୍ଧା ରୋଡ଼ ରେଳ ଡିଭିଜନ ଅନ୍ତର୍ଗତ ବାଲୁଗାଁ ରେଳ ଷ୍ଟେସନ ନିକଟରେ ଥିବା ସରଳସିଂହ ଗେଟ ଠାରେ ଏକ ଅଘଟଣ ଘାଟିଯାଇଛି। ଯଶବନ୍ତପୁରରୁ ହାୱଡ଼ା ଯାଉଥିବା ଚଳନ୍ତି ଟ୍ରେନରୁ ଜଣେ ଯୁବକ ଖସିପଡିଛନ୍ତି। ଖସିଥିବାର କାରଣ ଅସ୍ପଷ୍ଟ ଥିବାବେଳେ ଆହତ ଯୁବକ ଜଣକ ପଶ୍ଚିମବଙ୍ଗ ବର୍ଦ୍ଧମାନ ସହରର ବୋଲି ଜଣାପଡିଛି।

ଆହତ ଯୁବକଙ୍କୁ ସ୍ଥାନୀୟ ଲୋକଙ୍କ ଦ୍ୱାରା ଉଦ୍ଧାର କରାଯାଇ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଥିବା ସ୍ଥଳେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ୱର ସ୍ଥିତ କ୍ୟାପିଟାଲ ହସ୍ପିଟାଲ କୁ ୧୦୮ ଦ୍ୱାରା ସ୍ଥାନାନ୍ତରିତ କରାଯାଇଛି। ତେବେ ଏତେବଡ ଦୁର୍ଘଟଣା ଘଟିଯାଇଥିଲେ ମଧ୍ୟ ଆଶ୍ଚର୍ଯ୍ୟର କଥା ଏଯାବତ ରେଳବାଇ ପୋଲିସ ଅବା ସ୍ଥାନୀୟ ପୋଲିସ ଏବାଦରେ ଅବଗତ ନାହିଁ।