Tag: ରଣପୁର

ରଣପୁର: ଜାତୀୟ ବାଳିକା ଦିବସ ଅବସରରେ ରଣପୁର ବ୍ଲକ ଶିକ୍ଷା କାର୍ଯ୍ୟାଳୟ ତରଫରୁ ବ୍ଲକ ଶିକ୍ଷା ଅଧିକାରୀ ବନଲତା ବେହେରାଙ୍କ ତତ୍ୱାବଧାନରେ ବ୍ଲକ କାର୍ଯ୍ୟାଳୟ ପରିସରରେ ପାଳିତ ହୋଇ ଯାଇଛି। ଏଥିରେ ମୁଖ୍ୟ ଅତିଥି ଭାବେ ରଣପୁର ବ୍ଲକ ଚେୟାରମ୍ୟାନ ନିର୍ମଳା ବେହେରା, ମୁଖ୍ୟ ବକ୍ତା ଭାବେ ପ୍ରବଚିକା ଡ଼. କଳ୍ପନା ରଥ, ସମ୍ମାନିତ ଅତିଥି ଭାବେ ରଣପୁର ଏନ.ଏ.ସି. ଚେୟାରମ୍ୟାନ ରଙ୍ଗୀନ ମହାନ୍ତି, ରଣପୁର ବିଡ଼ିଓ ସୁଧୀର କୁମାର ନାୟକ, ସିଡିପିଓ ମାଧୁରୀ ପଣ୍ଡା, ସହକାରୀ ବ୍ଲକ ଶିକ୍ଷା ଅଧିକାରୀ ବସନ୍ତ କୁମାର ରାଉତ, ରସାନନ୍ଦ ପ୍ରଧାନ, ନିଖିଳ ପ୍ରାଥମିକ ଶିକ୍ଷକ ସଙ୍ଘର ରାଜ୍ୟ ସଂଯୋଜକ ଜ୍ୟୋତି ରଞ୍ଜନ ଦାଶ ପ୍ରମୁଖ ଯୋଗ ଦେଇଥିଲେ।

ରଣପୁର ବ୍ଲକ ଚେୟାରମ୍ୟାନ ନିର୍ମଳା ବେହେରା ଝିଅ ଓ ପୁଅ ମଧ୍ୟରେ ତଫାତ କରିବା ନାହିଁ ବୋଲି ମତ ପ୍ରକାଶ କରିଥିଲେ। ସେହିପରି ରଣପୁର ଏନ.ଏ.ସି. ଚେୟାରମ୍ୟାନ ରଙ୍ଗୀନ ମହାନ୍ତି ଝିଅମାନଙ୍କୁ ସମ୍ମାନ ଅଧିକାର ଦେଇ ପାଠ ପଢେଇବା ପାଇଁ କହିଥିଲେ। ଅଙ୍ଗନବାଡି ସିଡିପିଓ ନିଜ ଲକ୍ଷରେ ଅଟଳ ରହି କଠିନ ପରିଶ୍ରମ କଲେ ନିଶ୍ଚିତ ସଫଳ ହେବେ ବୋଲି ମତ ରଖିଥିଲେ।

ଏହି ଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ହାସଲ କରିଥିବା ଛାତ୍ରୀମାନଙ୍କୁ ଅତିଥିମାନେ ଟ୍ରଫି ଦେଇ ପୁରସ୍କୃତ କରିଥିଲେ। କୈଳାଶ ଚନ୍ଦ୍ର ମାଝୀ, ସୁଶୀଲ କୁମାର ରଣା, ଜ୍ୟୋତି ରଞ୍ଜନ କର, ସୁଧାକର ମିଶ୍ରଙ୍କ ସମେତ ସମସ୍ତ ସାଧନ କେନ୍ଦ୍ର କର୍ମୀ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଅନ୍ୟମାନଙ୍କ ମଧ୍ୟରେ ବିଭିନ୍ନ ସ୍ୱୟଂ ସହାୟିକା ଗ୍ରୁପ, ଅଙ୍ଗନବାଡି କର୍ମୀ, ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ଉପସ୍ଥିତ ଥିଲେ।

ରଣପୁର: ରଣପୁର ଏନଏସି ସ୍ଥିତ ପାମ୍ପଡା ଠାରେ ଥିବା ପ୍ରସିଦ୍ଧ ଶୈବ ପୀଠ ବେଲେଶ୍ୱର ଦେବ ଙ୍କ ଦ୍ୱାଦଶ ବାର୍ଷିକ ବିଶ୍ୱଶାନ୍ତି ମହାଯଜ୍ଞ ଆରମ୍ଭ ହୋଇଛି। ପ୍ରାପ୍ତ ସୂଚନା ଅନୁସାରେ ଏହି କାର୍ଯ୍ୟକ୍ରମରେ ଗତ ମଙ୍ଗଳବାର ଅଙ୍କୁରାରୋପଣ, ବୁଧବାର କଳସ ଯାତ୍ରା, ପ୍ରବଚକ ରତ୍ନାକର ରାୟଙ୍କ ଦ୍ୱାରା ଭାଗବତ କଥାମୃତ, ଗୁରବାର ସୂର୍ଯ୍ୟପୂଜା, ଦେବତା ବରଣ ପ୍ରଥମ ଆହୁତି, ପ୍ରବଚକ କିଶୋର ଚନ୍ଦ୍ର ଭଞ୍ଜଙ୍କ ଦ୍ୱାରା ଭାଗବତ କଥାମୃତ ପରିବେଷଣ କରାଯାଇଥିଲା।

ସେହିଭଳି ଆଜି ସୂର୍ଯ୍ୟପୂଜା ଓ ଯଜ୍ଞକର୍ମ ପରେ ପ୍ରବଚିକା ଡଃ କଳ୍ପନା ରଥଙ୍କ ଦ୍ୱାରା ଭାଗବତ କଥାମୃତ ରହିଥିବା ବେଳେ ଶନିବାର ଶାମ୍ବ ଦଶମୀ ଦିନ ପୂର୍ଣ୍ଣାହୁତି, ସାଧୁ ଧର୍ମସଭା, ପ୍ରବଚକ ବିରଂଚି ନାରାୟଣ ତ୍ରିପାଠୀଙ୍କ ଦ୍ୱାରା ଭାଗବତ କଥାମୃତ ପରିବେଷଣ କରାଯିବାର କାର୍ଯ୍ୟକ୍ରମ ରହିଛି।

ଏହି କାର୍ଯ୍ୟକ୍ରମରେ ଚୈତନ୍ୟ ମଠର ମହନ୍ତ ଶ୍ରୀ ପର୍ଶୁରାମ ଦାସ ମହାରାଜ, ଦଧିବାମନ ମଠର ମହନ୍ତ ଶ୍ରୀ ରାମଚରଣ ଦାସ ମହାରାଜ, ବଡ ମଠର ମହନ୍ତ ଶ୍ରୀ ହରିଶରଣ ଦାସ ମହାରାଜ, ଗୋଡଖୋଲ ମଠ ମହାରାଜ ଶ୍ରୀ ଗୋପାଳଚରଣ ଦାସ ମହାରାଜ, ରାଧାକାନ୍ତ ମଠର ମହନ୍ତ ଶ୍ରୀ ସନ୍ଥଚରଣ ଦାସ ମହାରାଜ ଙ୍କ ସହ ସମସ୍ତ ଆଂଚଳିକ ମଠର ମହନ୍ତ ମାନେ ଯୋଗ ଦେବାର କାର୍ଯ୍ୟକ୍ରମ ରହିଛି।

ଏହି କାର୍ଯ୍ୟକ୍ରମରେ ପାମ୍ପଡା, ଜୟପୁର, ବାଉରୀ ସାହି, ମାର୍ଥାପଦର ଓ ନୂଆଗାଁ ବାସୀ ଙ୍କର ପୂର୍ଣ୍ଣ ସହଯୋଗ ରହିଛି।

ରଣପୁର: ଆଜି ୫ ଟି ଅଧକ୍ଷ ଭିକେ ପାଣ୍ଡିଆନ ରଣପୁର ଆସି ସରକାରଙ୍କର ବିଭିନ୍ନ ଲୋକାଭିମୁଖ୍ୟ ଯୋଜନା ସର୍ମ୍ପକରେ ଉଦବୋଧନ ଦେଇଛନ୍ତି। ଆଜି ମଧ୍ୟହ୍ନରେ ବାଣପୁରରେ ଏକ ସାଧାରଣ ସଭାରେ ଉଦବୋଧନ ଦେବାପରେ ଏକ ହେଲିକ୍ଟରରେ ରଣପୁର ଆସି ପହଚିଂଥିଲେ। ପରେ ସେ ଜେଲ ପଡିଆଠାରେ ଏକ ସାଧାରଣ ସଭାରେ ଉଦବୋଧନ ଦେଇଥିଲେ।

ଗତ ଜୁଲାଇ ୨୦ ରେ ସେ ରଣପୁର ଆସିଥିଲେ। ସେତେବଳେ ୩୫୦ ଟି ଅଭିଯୋଗ ସେ ଗ୍ରହଣ କରିଥିଲେ। ସେଥି ମଧ୍ୟରୁ ୩୦୦ ଟି ଫାଇସଲା ହୋଇଯାଇଛି ବୋଲି ସେ ମତ ଦେଇଥିଲେ। ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ୨୭ କୋଟି ୫୦ଲକ୍ଷ ଅନୁଦାନ କେବଳ ରଣପୁର ପାଇଁ ଯୋଗେଇ ଦେଇଥିବା କହିଛନ୍ତି। ସେହିପରି ରଣପୁର ମନ୍ଦିରର ରୂପାନ୍ତରିତ କରିବା ପାଇଁ ମୁଖ୍ୟମନ୍ତ୍ରୀ ଅର୍ଥ ଯୋଗାଇଛନ୍ତି ବୋଲି ସେ କହିଥିଲେ।

ରଣପୁର ଜଗନ୍ନାଥ ମନ୍ଦିର ପାଇଁ ୪କୋଟି ୬୦ ଲକ୍ଷ, ତଳ ଓ ଉପରମଣିନାଗ ପାଇଁ ୫ କୋଟି, ଶରଣକୂଳ ଲଡୁବାବା ମନ୍ଦିରର ପାଇଁ ୫ କୋଟି ,ରଣପୁର କଲେଜ ଓ ସୁନାଖଳା କଲେଜ ପାଇଁ କୋଟି ଟଙ୍କା ଲେକ୍ଷାଏଁ ଅନୁଦାନ ଯୋଗାଇ ଦେଇଛନ୍ତି। ଜୁଲାଇ ମାସ ରୁ ଆଜି ମଧ୍ୟରେ ରଣପୁର ନିର୍ବାଚନ ମଣ୍ଡଳିରେ ୮୦ କୋଟି ଟଙ୍କା ଦିଆଯାଇଛି ବୋଲି ସେ ମତ ଦେଇଥିଲେ ।ସେ ଆଜି ମଧ୍ୟ ଲୋକ ମାନଙ୍କ ଠାରୁ ମନ୍ଦିର ,ମସଜିଦ ଓ କମ୍ୟୁନିଟି ସେଟଂର ପାଇଁ ଅଭିଯୋଗ ଗ୍ରହଣ କରିଥିଲେ। ଯେଉଁ ି ସବୁ ଅଭିଯୋଗ ଆସୁଛି ତାହା ୧୦ ଦିନ ଭିତରେ ପୁରଣ କରାଯିବ ବୋଲି ସେ ମତ ଦେଇଥିଲେ।

ବିଜୁ ସ୍ୱାସ୍ଥ୍ୟା କଲ୍ୟାଣ ଯୋଜନା ଏକ ଯୁଗାନ୍ତକାରୀ ପଦକ୍ଷପ ବୋଲି ସେ ମତ ଦେଇଥିଲେ।ଏହି ଯୋଜନାରେ ମହିଳା ମାନଙ୍କ ପାଇଁ ୧୦ ଲକ୍ଷ ଟଙ୍କା, ପୁରୁଷ ମାନଙ୍କ ପାଇଁ ୫ଲକ୍ଷ ଟଙ୍କା ସ୍ୱାସ୍ଥ୍ୟ ବୀମାରେ ଯୋଗାଇ ଦେଇଛନ୍ତି। କେହି ଲୋକ ଅସୁସ୍ଥ ହୋଇ ପଡିଲେ ବଡ ବଡ ମେଡିକାଲରେ ଚିକିତ୍ସା ହୋଇ ପାରିବେ। ଲୋକମାନେ ଧନି ଲୋକ ଭଳିଆ ବଡବଡ ମେଡିକାଲରେ ଯାଇ ଚିକିତ୍ସା ହୋଇ ପାରିବେ। ଅର୍ଥ ପାଇଁ କାହାର ଜୀବନ ଜୀବନ ନାହିଁ।

ପ୍ରତ୍ୟେକ ଗରିବର ଜୀବନ ଆମ ପାଇଁ ମୂଲ୍ୟ ବାନ। ଯେଉଁ ମାନେ ବିଜୁସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ ହୋଇ ପାରିନାହାନ୍ତି ସେମାନେ ନବୀନ କାର୍ଡ ଯୋଗେଇ ଦିଆଯିବ ବୋଲି ସେ ମତ ଦେଇଥିଲେ। ଜାନୁଆରୀ ୬ ତାରିଖରୁ ୧୬ ତାରିଖ ପର୍ଯ୍ୟନ୍ତ ଲୋକମାନେ ଆବେଦନ କରିପାରିବେ। ପ୍ରତରକ ପଚଂୟତରେ ଲକ୍ଷ୍ମୀ ବସ ଯୋଜନାରେ ବସ ଚାଲିବ ଏଥିରେ ମହିଳା ଓ ଛାତ୍ରଛାତ୍ରୀ ୫ ଟଙ୍କାରେ ଜାତାୟତ କରିପାରିବେ। ଏହି ବସ ପଚାଂୟତ ରୁ ବ୍ଲକ ପର୍ଯ୍ୟନ୍ତ ଯିବ। ପ୍ରତି ପଚାଂୟତ ରେ ବ୍ୟାଙ୍କ ମଧ୍ୟ ଖୋଲାଯାଉଛି। ଆଗାମି ଦିନରେ ବାର୍ଦ୍ଧକ୍ଷ ,ଭିନ୍ନକ୍ଷମ ଓ କଳାକାରା ଭତା ବଢିବ ବୋଲି ସେ ମତ ଦେଇଥିଲେ। ଆଜିର ଏହି କାର୍ଯ୍ୟକ୍ରମରେ ଜିଲ୍ଲପାଳ ରବିନ୍ଦ୍ର କୁମାର ସାହୁ, ବିଜେଡି ସଂଗଠନିକ ସଂପାଦକ ବବିଦାସ,ନୟାଗଡ ବିଧାୟକ ଅରୁଣ ସାହୁ,ରଣପୁର ବିଧାୟକ ସତ୍ୟନାରାୟଣ ପ୍ରଧାନ, ନୟାଗଡ ଜିଲ୍ଲା ପରିଷଦ ଅଧକ୍ଷ ଦେବାଶିଷ ପଟନାୟକ ପ୍ରମୁଖ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ୧୦ ହଜାର ଉର୍ଦ୍ଦ ପୁରୁଷ ଓ ମହିଳା ଯୋଗ ଦେଇଥିଲେ।

ଅର୍ଜୁନ ରାଉତଙ୍କୁ ସହିଦ ଘୋଷଣା ଦାବି କଲା ରଣପୁର ପ୍ରେସ କ୍ଲବ

ଆଜି ୫ ଟି ଅଧକ୍ଷ ରଣପୁର ଗ୍ରସ୍ତ ବେଳେ ରଣପୁର ପ୍ରେସ କ୍ଲବ ତରଫରୁ ୨ ଟି ଦାବି ପତ୍ର ଦିଆଯାଇଛି। ଦେଶ ସ୍ୱାଧିନତାରେ ରଣପୁର ର ଅବଦାନ ଅତୁଳନିଅ। ବେଜେଲଗ୍ରେଟ ଗୁଳିରେ ଅର୍ଜୁନ ରାଉତ ସହିଦ ହୋଇଥିଲେ। ପରେ ଉତେକ୍ତ ଲୋକ ବାଡେଇ ମାରିଦେଇଥିଲେ ପରେ ଏହି ଘଟଣାରେ ରଘୁଦିବାକର ଙ୍କୁ ଫାଇସି ହୋଇଥିଲା। କିନ୍ତୁ ଆଜି ପର୍ଯ୍ୟନ୍ତ ଅର୍ଜୁନ ରାତଉ କୁ ସହିଦ ଘୋଷଣା କରାଯାଇନଥିବାରୁ ପ୍ରେସକ୍ଲବ ସହିଦ ଦାବି କରିଛି। ସେହିପରି ରଣପୁର ଖିଲାମୁଣ୍ଡା ଏକ ଐାତିହାସି ପୀଠ ହୋଇଥିବା ବେଳେ ସରକାରଙ୍କର ଏଥିପ୍ରତି ଦୃଷ୍ଟି ପଡିନାହିଁ। ସେହିପରି ଅସୁରକୁମାରୀ ପୀଠ ରେ ପ୍ରତିଦିନ ଭିଡ ଜମୁଥିବା ବେଳେ ଏହି ପୀଠର ଏହି ପୀଟର ଉନ୍ନତି କରଣ ପାଇଁ ଓ ରଣପୁର କୁ ଏକ ସର୍ବଡିଭିଜନ କରେିବା ପାଇଁ ଦାବି ହୋଇଛି।

ରଣପୁର: ସବୁଆଡେ ଆଜି ପୁରୁଣା ବର୍ଷ ୨୦୨୩ କୁ ବିଦାୟ ଦେଇ ନୂତନ ବର୍ଷ ୨୦୨୪ କୁ ସ୍ୱାଗତ କରାଯାଇଛି। ଏହି ଅବସରରେ ଲୋକମାନେ ପରିବାର, ବନ୍ଧୁବର୍ଗଙ୍କୁ ନୂତନ ବର୍ଷର ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ବିଭିନ୍ନ ସ୍ଥାନ ବୁଲି ଭୋଜି ଭାତରେ ମଜି ଥିଲେ।

ଓଡିଶାରେ ଦ୍ଵିତୀୟ ଶ୍ରୀ କ୍ଷେତ୍ର ଭାବେ ପରିଚିତ ରଣପୁର ଜଗନ୍ନାଥ ମନ୍ଦିରରେ ମଧ୍ୟ ଆଜି ହଜାର ହଜାର ଭକ୍ତଙ୍କ ସମାଗମ ଦେଖିବାକୁ ମିଳିଥିଲା। ନୂତନ ବର୍ଷରେ ଭକ୍ତମାନେ ଜଗତର ନାଥ ଜଗନ୍ନାଥଙ୍କୁ ଦର୍ଶନ କରି ନୂତନ ବର୍ଷଟି ଭଲରେ ବିତିବା ପାଇଁ ପ୍ରଭୁଙ୍କୁ ନିବେଦନ କରିଥିଲେ। ଏହି ସମୟରେ ରଣପୁର ବଜାରରେ ସାମୟିକ ଭାବେ ଟ୍ରାଫିକ ସମସ୍ୟା ଦେଖା ଦେଇଥିଲା।

ଅନ୍ୟ ପଟେ ବେଶ ଜଣାଶୁଣା ସୁନାଖଳା ନିକଟସ୍ଥ କୋଟଗଡ଼ ପାର୍କର ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ଆଜି ଲକ୍ଷାଧିକ ଲୋକଙ୍କ ଭିଡ଼ ଲାଗିଥିବା ଦେଖିବାକୁ ମିଳି ଥିଲା।  ଏଥିପାଇଁ ପ୍ରାୟ ୪ ଘଣ୍ଟା ଧରି କୋଟଗଡ଼ ପାର୍କ ଠାରୁ ସୁନାଖଳା ପର୍ଯ୍ୟନ୍ତ ଏବଂ ସୁନାଖଳା ଠାରୁ ଖୋର୍ଦ୍ଧା-ନୟାଗଡ଼ ରାସ୍ତାରେ ଯାନବାହାନଗୁଡିକ ଅଟକି ରହିଥିଲା। ଏଥିପାଇଁ ଘଣ୍ଟା ଘଣ୍ଟା ଧରି ଟ୍ରାଫିକ ସମସ୍ୟା ଦେଖା ଦେଇଥିଲା, ଯାହା ଫଳରେ ଯାତ୍ରୀମାନେ ଯିବା ଆସିବାରେ ବହୁ ସମସ୍ୟାର ସମ୍ମୁଖୀନ ହୋଇଥିଲେ।

ଶେଷରେ ସୁନାଖଳା ଫାଣ୍ଡି ଅଧିକାରୀ ପ୍ରୀତି ପ୍ରକାଶ ମହାନ୍ତି ପାର୍କରେ ପହଞ୍ଚି ଲୋକମାନଙ୍କ ପ୍ରବେଶକୁ ବନ୍ଦ କରି ପାର୍କର ଗେଟ ବନ୍ଦ କରିଥିଲେ। ଏହା ସ୍ୱତେ ଟ୍ରାଫିକ ସମସ୍ୟା ନ କମିବାରୁ ରଣପୁର ଥାନାର ସହାୟତା ନେଇଥିଲେ। ଫଳରେ ରଣପୁର ପୋଲିସ ଓ ସୁନାଖଳା ଫାଣ୍ଡି ପୋଲିସ ମିଳିତ ଭାବେ ପାର୍କ ନିକଟକୁ ଯାଇ ଟ୍ରାଫିକ ସମସ୍ୟାକୁ ଧୀରେ ଧୀରେ ଆୟତ୍ତଧୀନ କରିବା ପାଇଁ ଚେଷ୍ଟା କରିଥିଲେ। ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ଏହାର ସ୍ଥାୟୀ ସମସ୍ୟା କରିବା ପାଇଁ ଗାଡିଚାଳକ, ପର୍ଯ୍ୟଟକ ଓ ବୁଦ୍ଧିଜୀବୀମାନେ ଦାବି କରିଛନ୍ତି।

ରଣପୁର: ଗତ କାଲି ରାତିରେ ଅସୁସ୍ଥ ଦନ୍ତାର ମୃତ୍ୟୁ ହୋଇ ଯାଇଥିବା ଜଣା ପଡିଛି। ନୟାଗଡ଼ ଜିଲ୍ଲା ରଣପୁର ବନ ବିଭାଗ ଅଧୀନରେ ଥିବା କାଞ୍ଚନପୁର କାଜୁ ଜଙ୍ଗଲରେ ଏକ ଅସୁସ୍ଥ ଦନ୍ତା ହାତୀ କିଛି ଦିନ ହେବ ବୁଲୁ ଥିବା ଦେଖିବାକୁ ମିଳିଥିଲା। ଏ ନେଇ ସ୍ଥାନୀୟ ଗ୍ରାମବାସୀମାନେ ବନ ବିଭାଗରେ ଜଣାଇ ଥିଲେ। ବିଭିନ୍ନ ଗଣ ମାଧ୍ୟମରେ ମଧ୍ୟ ଏହି ଖବର ପରିବେଷଣ କରାଯାଇଥିଲା। ତୁରନ୍ତ ବନ ବିଭାଗ ହାତୀଟିକୁ ଟାଙ୍କୁ ଲାଇଜାର କରି ଚିକିତ୍ସା କରିବା ପାଇଁ ସ୍ଥାନୀୟ ଗ୍ରାମବାସୀମାନେ ଦାବି କରିଥିଲେ।

ଯାହା ଫଳରେ ଅସୁସ୍ଥ ଦନ୍ତାକୁ ଟ୍ରାଙ୍କୁଲାଇଜ କରି ଚିକିତ୍ସା କରିବା ଆରମ୍ଭ କରିଥିଲା ବନ ବିଭାଗ। ହାତୀକୁ ଚିକିତ୍ସା କରିବା ପାଇଁ ଭୁବନେଶ୍ୱରରୁ ସ୍ୱତନ୍ତ୍ର ବିଶେଷଜ୍ଞ ଦଳ ଆସିଥିଲେ। କିନ୍ତୁ ଗୋଟାଏ ଦିନ ଚିକିତ୍ସା କରି ସେମାନେ ସେଠାରୁ ପଳାଇ ଯାଇଥିଲେ।

ଚିକିତ୍ସା ପରେ ମଧ୍ୟ ହାତୀଟିର ଅବସ୍ଥାରେ କୌଣସି ଉନ୍ନତି ପରିଲକ୍ଷିତ ହୋଇ ନ ଥିଲା। ଏପରିକି ହାତୀଟି ଠିଆ ହେବା ପାଇଁ ଅସମର୍ଥ ହୋଇଥିଲା। ହାତୀର ଆଗ ପଟ ଗୋଡ଼ରେ ଗଭୀର କ୍ଷତ ସହ ସଂକ୍ରମଣ ଥିଲା। ଗତ କାଲି ରାତିରେ ଅସୁସ୍ଥ ଦନ୍ତା ହାତୀର ମୃତ୍ୟ ହୋଇଯାଇଥିବା ଜଣାପଡିଛି।

ରଣପୁର: ନୟାଗଡ ଜିଲ୍ଲା ରଣପୁର ବ୍ଲକ ରାଜସୁନାଖଳା “କାଉଁରୀ ମହୋତ୍ସବ” ପଞ୍ଚମ ବର୍ଷରେ ସଫଳତାର ସହ ପାଦ ଥାପିଛି। ଏହି ପଞ୍ଚମ ବର୍ଷର”କାଉଁରୀ ମହୋତ୍ସବ-୨୦୨୩” ପ୍ରଥମ ଦିବସର ମୁଖ୍ୟ ଅତିଥି ତଥା ଓଡ଼ିଶାର ରାଜ୍ୟପାଳ ରଘୁବର ଦାସଙ୍କ କରକମଳରେ ଉଦଘାଟିତ ହୋଇ ଯାଇଛି।

ମୁଖ୍ୟ ବକ୍ତା ଭାବେ ଜାତୀୟ ପର୍ଯ୍ୟଟକ ବିଭାଗର ଅଧ୍ୟକ୍ଷ ସମ୍ବିତ ପାତ୍ର, ସମ୍ମାନିତ ଅତିଥି ଭାବେ ନୟାଗଡ ଜିଲ୍ଲାପାଳ ରବିନ୍ଦ୍ରନାଥ ସାହୁ, ସେବା ଉତ୍ସବ ଅଧ୍ୟକ୍ଷ ଶିବରାମ ମହାପାତ୍ର, ରଣପୁର ବାର ଆସୋସିଏସନର ଅଧ୍ୟକ୍ଷ ଗିରିଜାକାନ୍ତ ମହାପାତ୍ର ପ୍ରମୁଖ ଯୋଗ ଦେଇଥିଲେ।

ଏହି ପରିପ୍ରେକ୍ଷୀରେ ରାଜସୁନାଖଳାର ଐତିହ୍ୟ ପରମ୍ପରା, ଶିକ୍ଷା, କଳା, ସଂସ୍କୃତି ଓ ଇତିହାସକୁ ନେଇ ଏକ ବାର୍ଷିକ ବିଶେଷାଙ୍କ ”କାଉଁରୀ” ଉନ୍ମୋଚିତ ହୋଇ ଯାଇଛି।  ରାଜସୁନାଖଳାକୁ ଭଲ ପାଉଥିବା ପ୍ରତ୍ୟେକ କବି, ଲେଖକ ତଥା ବାହୁ ମାନ୍ୟଗଣ୍ୟ ବ୍ୟକ୍ତିମାନଙ୍କର ଗଳ୍ପ, କବିତା ଆଦି ଏହି ପତ୍ରିକାରେ ସ୍ଥାନିତ ହୋଇଛି।

ରାଜସୁନାଖଳା ମହୋତ୍ସବ ପାଇଁ ନିର୍ଦ୍ଧିଷ୍ଟ ଜାଗା ଯୋଗାଇ ଦେବା ପାଇଁ ଜିଲ୍ଲାପାଳଙ୍କୁ ରଣପୁର ବାର ଆସୋସିଏସନର ଅଧ୍ୟକ୍ଷ ଗିରିଜା କାନ୍ତ ମହାପାତ୍ର ବକ୍ତବ୍ୟ ମାଧ୍ୟମରେ ନିବେଦନ କରିଥିଲେ।

ଏହି ଅବସରରେ ବିଭିନ କ୍ଷେତ୍ରରେ କୃତି ଅର୍ଜନ କରିଥିବା ପ୍ରତିଭାମାନଙ୍କୁ ରାଜ୍ୟପାଳ ସମ୍ବର୍ଦ୍ଧିତ କରିଥିଲେ। ଏହା ପରେ ମହୋତ୍ସବ କମିଟି ତରଫରୁ କମିଟିର ଅଧ୍ୟକ୍ଷ ଆର୍ତ୍ତତ୍ରାଣ ପ୍ରଧାନ ରାଜ୍ୟପାଳ ମହୋଦୟଙ୍କୁ ମୁମେଣ୍ଟମ ଉପହାର ଭାବେ ପ୍ରଦାନ କରିଥିଲେ।

ମହାମହିମ ରାଜ୍ୟପାଳ କହିଥିଲେ ଯେ ମୁଁ ଏଠି ଜନସାଧାରଣଙ୍କ ସେବକ ଭାବେ ଉପସ୍ଥିତ ଅଛି। ଶହୀଦ ରଘୁଦିବାକରଙ୍କ ସମେତ ସମସ୍ତ ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ। ଉତ୍ସବ ବିନା ଜୀବନ ବ୍ୟର୍ଥ ଅଟେ। ତେଣୁ ସମୟ ସମୟରେ ଉତ୍ସବ କରି ଜୀବନକୁ ସାର୍ଥକ କରିବାର ଆବଶ୍ୟକତା ରହିଛି।

ଏହି ଉତ୍ସବ ମାଧ୍ୟମରେରେ ସଂସ୍କୃତି, ପ୍ରଥା, ପରମ୍ପରାର ପ୍ରଚାର ପ୍ରସାର ହୋଇ ପାରିଛି।  ଏହା ମାଧ୍ୟମରେ ସ୍ଥାନୀୟ କଳାକାରମାନଙ୍କ କଳା ପ୍ରଦର୍ଶନ କରିବାର ସୁଯୋଗ ମଧ୍ୟ ପାଇ ପାରନ୍ତି। ସଭାକାର୍ଯ୍ୟ ପରେ ବିଭିନ୍ନ ଆକର୍ଷଣୀୟ ସାଂସ୍କୃତିକ କାର୍ଯ୍ୟ ପରିବେଷଣ କରାଯାଇଥିଲା।

ରଣପୁର: ଟ୍ରେନରୁ ଖସି ଜଣେ ଯୁବକଙ୍କ ମୃତ ହୋଇ ଯାଇଥିବା ଜଣା ପଡିଛି। ମୃତ ଯୁବକ ଜଣଙ୍କ ହେଉଛନ୍ତି ନୟାଗଡ ଜିଲ୍ଲା ରଣପୁର ବ୍ଲକ ବଜ୍ରକୋଟ ଗ୍ରାମର ପ୍ରକାଶ କୁମାର ପ୍ରଧାନ (୨୫)।

ଖବର ନେବାରେ ଜଣା ଯାଇଛି ଯେ, ମୃତକ ପ୍ରକାଶ ଜୀବିକା ପୋଷଣ କରିବା ପାଇଁ ଗୁଜୁରାଟ ଯାଇଥିଲେ। ଦୀପାବଳି ଅବସରରେ ଟ୍ରେନ ଯୋଗେ ଗ୍ରାମକୁ ଫେରିଥିବା ବେଳେ ଟ୍ରେନରୁ ଖସି ମୃତ୍ୟୁ ହୋଇ ଯାଇଥିବା ଜଣା ପଡିଛି। ଏହି ଖବର ଗ୍ରାମରେ ପହଂଚିବା ପରେ ପରିବାର ସମେତ ଗ୍ରାମରେ ଶୋକର ଛାୟା ଖେଳି ଯାଇଛି। ମୃତକ ପରିବାରକୁ ସରକାରୀ ସହାୟତା ଦେବା ପାଇଁ ସାଧାରଣରେ ଦାବି ହେଉଛି।

ରଣପୁର: ଆଜି ରଣପୁର ଶିକ୍ଷା ବ୍ଲକରେ ଶିକ୍ଷକ ମହାସଂଘ ବା ଶିକ୍ଷକ ସମନ୍ୱୟ କମିଟି ଗଠନ ହୋଇ ଯାଇଛି। ରଣପୁର ମଣିନାଗ ପାହାଡ଼ ପାଦ ଦେଶରେ ଥିବା ମା’ ମଣିନାଗଙ୍କ ପୀଠରେ ଏହି ଶିକ୍ଷକ ମହାସଂଘ ଗଠନ କରାଯାଇଛି। ଏହି କାର୍ଯ୍ୟକ୍ରମରେ ରଣପୁର ବ୍ଲକ ଶିକ୍ଷା ଅଧିକାରିଣୀ ବନଲତା ବେହେରା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ରାଜ୍ୟ ପ୍ରାଥମିକ ଶିକ୍ଷକ ସଙ୍ଘର ସଂଯୋଜକ ଜ୍ୟୋତି ରଞ୍ଜନ ଦାଶ, ବ୍ଲକ ପ୍ରାଥମିକ ଶିକ୍ଷକ ସଙ୍ଘର ସଭାପତି ପ୍ରଫୁଲ କୁମାର ବିଶ୍ୱାଳ, ସମ୍ପାଦକ ଜଗନ୍ନାଥ ଦାଶ, ମଧ୍ୟ ଇଁରାଜୀ ବିଦ୍ୟାଳୟ ଶିକ୍ଷକ ସଙ୍ଘର ସଭାପତି ଅଶୋକ କୁମାର ଦାଶ, ସମ୍ପାଦକ ନୀଳକଣ୍ଠ ରଥ, ନୂତନ ପେନସନ ଯୋଜନା ଶିକ୍ଷକ ସଙ୍ଘର ସଭାପତି ଅନିଲ କୁମାର ପାଇକରାୟ, ସମ୍ପାଦକ ଜ୍ୟୋତି ରଞ୍ଜନ କର, ପିଟିଆଇ ସଙ୍ଘର ସଭାପତି ଲଡ଼ୁକିଶୋର ପ୍ରଧାନ, ଗଣ ଶିକ୍ଷକ ସଂଘର ସଭାପତି ବସନ୍ତ କୁମାର ବେହେରା, ଟେକେନ ଓଭର ଶିକ୍ଷକ ସଂଘର ସଭାପତି ବ୍ରଜ କିଶୋର ପ୍ରଧାନ ପ୍ରମୁଖ ମଂଚାସୀନ ଥିଲେ। ଶିକ୍ଷକ ଅଶୋକ କୁମାର ଦାଶଙ୍କ ସଭାପତିତ୍ବରେ କାର୍ଯ୍ୟକ୍ରମ ପରିଚାଳିତ ହୋଇଥିଲା। ସମସ୍ତ ସର୍କଲର ସଭାପତିମାନେ ମଧ୍ୟ ମଂଚାସୀନ ଥିଲେ।

ଏହି ବୈଠକରେ ପ୍ରାଥମିକ ଶିକ୍ଷକ ସଂଘ, ମଧ୍ୟ ଇଂରାଜୀ ଶିକ୍ଷକ ସଂଘ, ନୂତନ ପେନସନ ଭୂକ୍ତ ଶିକ୍ଷକ ସଂଘ, ଏକ୍ସ-କ୍ୟାଡ଼ର ଶିକ୍ଷକ ସଂଘ, ଗଣ ଶିକ୍ଷକ ସଂଘ, ଟେକେନ ଓଭର ଶିକ୍ଷକ ସଂଘ, ନିୟୁ ଟେକେନ ଓଭର ସଂଘ, ପିଟିଆଇ ଶିକ୍ଷକ ସଙ୍ଘ ପ୍ରଭୃତି ଶିକ୍ଷକ ସଂଘର ସମସ୍ତ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ଥିଲେ। ସମୁଦାୟ ୬୫୫ ଜଣ ଏହି କାର୍ଯ୍ୟକ୍ରମରେ ଯୋଗ ଦାନ କରିଥିଲେ। ଏଥିରେ ପ୍ରାଥମିକ ଶିକ୍ଷକ ସଙ୍ଘ ନୂତନ ପେନସନ ଭୂକ୍ତ ଶିକ୍ଷକ ସଂଘ, ଏକ୍ସ-କ୍ୟାଡ଼ର ଶିକ୍ଷକ ସଂଘ, ଗଣ ଶିକ୍ଷକ ସଂଘର ସଭାପତି ଓ ସମ୍ପାଦକଙ୍କୁ ପୁଷ୍ପଗୁଛ ଦେଇ ସ୍ୱାଗତ କରିଥିଲେ।

ନୂତନ ଭାବେ ଗଠିତ ହୋଇଥିବା ଶିକ୍ଷକ ସମନ୍ୱୟ କମିଟିର ସଭାପତି ଭାବେ ପ୍ରଫୁଲ କୁମାର ବିଶ୍ୱାଳ, କାର୍ଯ୍ୟକାରୀ ସଭାପତି ଭାବେ ଅନିଲ କୁମାର ପାଇକରାୟ, ଉପସଭାପତି ଭାବେ ନୀଳକଣ୍ଠ ରଥ, ସ୍ମୃତି ରଞ୍ଜନ ଦାଶ, ଅଜୟ କୁମାର ସାହୁ ନିର୍ବାଚିତ ହୋଇଥିବା ବେଳେ ସାଧାରଣ ସମ୍ପାଦକ ଭାବେ ଜ୍ୟୋତି ରଞ୍ଜନ କର ନିର୍ବାଚିତ ହୋଇଛନ୍ତି। ସଂଗଠନ ସାଧାରଣ ସମ୍ପାଦକ ଭାବେ ବସନ୍ତ କୁମାର ବେହେରା, ଅଶୋକ କୁମାର ବେହେରା, ବସନ୍ତ କୁମାର ବେହୁରା , ବିଜୟା ମିଶ୍ର ନିର୍ବାଚିତ ହୋଇଥିବା ବେଳେ ଯୁଗ୍ମ ସମ୍ପାଦକ ଭାବେ ବ୍ରଜ କିଶୋର ପଟ୍ଟନାୟକ, ସୁଶାନ୍ତ କୁମାର ପ୍ରଧାନ, କୁଳମଣି ପଟ୍ଟନାୟକ, ମହେନ୍ଦ୍ର କୁମାର ସୁବୁଦ୍ଧି, ଭାସ୍କର ଚନ୍ଦ୍ର ସାହୁ, ରିତାଞ୍ଜଳୀ ମହାରଣାଙ୍କୁ ମନୋନୀତ କରାଯାଇଛି। ପବିତ୍ର ମୋହନ ସାମନ୍ତରାୟ, ରସାନନ୍ଦ ବେହୁରା କୋଷାଧକ୍ଷ ଦାୟିତ୍ୱ ପ୍ରଦାନ କରାଯାଇଥିବା ବେଳେ ନୀଳମଣି ବେହେରା, ପ୍ରକାଶ ଚନ୍ଦ୍ର ମିଶ୍ର, ବ୍ରଜ କିଶୋର ପ୍ରଧାନ, ନିରଞ୍ଜନ ରଥଙ୍କୁ ଅଡିଟର ଭାବେ ଚୟନ କରାଯାଇଛି।

ସେହିପରି ସୁଶୀଲ କୁମାର ରଣାଙ୍କୁ ମିଡ଼ିଆ କୋର୍ଡିନେଟର ଭାବେ ମନୋନୀତ କରାଯାଇଛି। ମହାସଂଘର ଉପଦେଷ୍ଟା ଭାବେ ଜ୍ୟୋତି ରଞ୍ଜନ ଦାଶ, ଅଶୋକ କୁମାର ଦାଶ, ଜଗନ୍ନାଥ ଦାଶ, ଯୁଧିଷ୍ଠିର ପ୍ରଧାନ, ବିଭୁତି ଭୂଷଣ ମିଶ୍ର, ସୁରେଶ ଚନ୍ଦ୍ର ଶତପଥୀ, ରମାକାନ୍ତ ସାହୁ, ପାର୍ବତୀ ସାହୁ, ବସନ୍ତ ପରିଡା, ପବିତ୍ର ପ୍ରଧାନ ପ୍ରମୁଖଙ୍କୁ ଚୟନ କରାଯାଇଛି।

ନୂତନ ଭାବେ ଗଠିତ ହୋଇଥିବା ଶିକ୍ଷକ ମହାସଂଘର ନିଷ୍ପତ୍ତି ଅନୁଯାୟୀ ଯେ କୌଣସି ବର୍ଗର ଶିକ୍ଷକଙ୍କ ବ୍ୟକ୍ତିଗତ ଓ ବୃତ୍ତିଗତ କାର୍ଯ୍ୟରେ ସମସ୍ତେ ସହଯୋଗ କରିବେ। ସମସ୍ତ ଶିକ୍ଷକ ଶିକ୍ଷୟତ୍ରୀ ଏହି କାର୍ଯ୍ୟରେ ଉପସ୍ଥିତ ରହି ସହଯୋଗ କରିଥିଲେ ।

ରଣପୁର: ଆଜି ଅପରାହ୍ନରେ ରଣପୁର ନୂତନ ଦେୱାନୀ ଓ ଫୌଜଦାରୀ ଅଦାଲତର ଉଦଘାଟନୀ ପର୍ବ ଅନୁଷ୍ଠିତ ହୋଇ ଯାଇଛି। ଏଥିରେ ମୁଖ୍ୟ ଅତିଥି ଭାବେ ହାଇକୋର୍ଟ କାର୍ଯ୍ୟକାରୀ ମୁଖ୍ୟ ବିଚାରପତି ବିଦ୍ୟୁତ ରଞ୍ଜନ ଷଡ଼ଙ୍ଗୀ, ଅନ୍ୟତମ ସମ୍ମାନିତ ଅତିଥି ଭାବେ ହାଇକୋର୍ଟ ବିଚାରପତି ରାଧା କ୍ରିଷ୍ଣ ପଟ୍ଟନାୟକ, ରଣପୁର ବାର ଆସୋସିଏସନର ସଭାପତି ଗିରିଜାକାନ୍ତ ମହାପାତ୍ର, ରଣପୁର ବାର ଆସୋସିଏସନର ସମ୍ପାଦକ ସତ୍ୟ ରଞ୍ଜନ ମତ୍ତା ପ୍ରମୁଖ ଯୋଗ ଦେଇଥିଲେ। ନୟାଗଡ ଜିଲ୍ଲା କୋର୍ଟର ବିଚାରପତି ଆନଦ ନାରାୟଣ ମହାରଣା ସ୍ୱାଗତ ଭାଷଣ ଦେଇଥିଲେ।

କାର୍ଯ୍ୟକ୍ରମ ଆରମ୍ଭରେ ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ କରାଯାଇଥିଲା। କୋର୍ଟ ପରିସର ମଧ୍ୟରେ ବାର ଆସୋସିଏସନ ଘର, ଟ୍ରଞ୍ଜିଟ ଗୃହ ଏବଂ କୋର୍ଟ କର୍ମଚାରୀଙ୍କ ନିମନ୍ତେ ନିର୍ମାଣ କରାଯାଇଥିବା କ୍ଵାର୍ଟର ମଧ୍ୟ ଶିଳାନ୍ୟାସ କରାଯାଇଥିଲା। ଛାତ୍ରଛାତ୍ରୀମାନେ ଆଇନ ବିଭାଗରେ କିପରି ଅଧିକ ଆଗ୍ରହ ପ୍ରକାଶ କରିବେ ସେଦିଗରେ ବିଭିନ୍ନ ପରାମର୍ଶ ଦେଇଥିଲେ।

ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ନୟାଗଡ ଜିଲ୍ଲାପାଳ ରବୀନ୍ଦ୍ର କୁମାର ସାହୁ, ହାଇକୋର୍ଟର ରେଜିଷ୍ଟର ଆନଦ ଦାଶ, ନୟାଗଡ ଆରକ୍ଷୀ ଅଧିକ୍ଷକ ରାହୁଲ ଜୈନ ପ୍ରମୁଖ ଉପସ୍ଥିତ ଥିଲେ। ରଣପୁର ବାର ଆସୋସିଏସନର ସମସ୍ତ ଆଇନୀଜୀବୀ, କର୍ମଚାରୀମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ରଣପୁର କଲେଜର ଛାତ୍ରଛାତ୍ରୀ, ଏନ.ସି.ସି. ଛାତ୍ରଛାତ୍ରୀମାନେ ଓ ରଣପୁର ଅଞ୍ଚଳର ବହୁ ଜନ ସାଧାରଣ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। ଶେଷରେ ସତ୍ୟ ରଞ୍ଜନ ମତ୍ତା ଧନ୍ୟବାଦ ଦେଇଥିଲେ।

ଜଗନ୍ନାଥ ମନ୍ଦିର ପରିଦର୍ଶନ କଲେ ହାଇକୋର୍ଟ ମୁଖ୍ୟ ବିଚାରପତି

ଆଜି ଅପରାହ୍ନରେ ରଣପୁର ନୂତନ ଦେୱାନୀ ଓ ଫୌଜଦାରୀ ଅଦାଲତର ଉଦଘାଟନୀ ପରେ ହାଇକୋର୍ଟ କାର୍ଯ୍ୟକାରୀ ମୁଖ୍ୟ ବିଚାରପତି ବିଦ୍ୟୁତ ରଞ୍ଜନ ଷଡ଼ଙ୍ଗୀ, ଅନ୍ୟତମ ହାଇକୋର୍ଟ ବିଚାରପତି ରାଧା କ୍ରିଷ୍ଣ ପଟ୍ଟନାୟକ ରଣପୁର ମା ମଣିନାଗ ମନ୍ଦିର ଓ ରଣପୁର ଜଗନ୍ନାଥ ମନ୍ଦିର ପରିଦର୍ଶନ କରିଥିଲେ। ବିଚାରପତି ମହୋଦୟଙ୍କୁ ରଣପୁର ଜଗନ୍ନାଥ ମନ୍ଦିରର ଦେବୋତ୍ତର ଅଧିକାରୀ ତଥା ରଣପୁର ତହସିଲଦାର ରବିନ ଚର୍ଚ୍ଚିଲ, ଦେବୋତ୍ତର ମ୍ୟାନେଜର ରମେଶ ଚନ୍ଦ୍ର ପ୍ରଧାନ ଉପଢକନ ଦେଇ ସମ୍ବର୍ଦ୍ଧିତ କରି ମନ୍ଦିର ଭିତରକୁ ପାଛୋଟି ନେଇ ଥିଲେ। ଏହା ପରେ ବିଚାରପତି ମହୋଦୟ ଜଗନ୍ନାଥ ମନ୍ଦିର ବେଢା ପରିକ୍ରମା କରିବା ସହ ପ୍ରଭୁ ଜଗନ୍ନାଥ, ମା ଶୁଭଦ୍ରା ଓ ପ୍ରଭୁ ବଳଭଦ୍ରଙ୍କୁ ଦର୍ଶନ କରି ପୂଜାର୍ଚ୍ଚନା କରିଥିଲେ।

ନୟାଗଡ ଖାଉଟି ଫୋରମର ପୂର୍ବତନ ଅଧ୍ୟକ୍ଷ ନାରାୟଣ ମହାପାତ୍ର ଦ୍ଵିତୀୟ ଶ୍ରୀ କ୍ଷେତ୍ର ରଣପୁର ଜଗନ୍ନାଥ ମନ୍ଦିରର ଐତିହ୍ୟ ବିଷୟରେ ବୁଝାଇଥିଲେ। ଅନ୍ୟମାନଙ୍କ ମଧ୍ୟରେ ବରିଷ୍ଠ ସେବାୟତ ହରିହର ନନ୍ଦ, ଆଇନୀଜୀବୀ ଶ୍ରୀକାନ୍ତ ସାହୁ, ଆଇନୀଜୀବୀ ପ୍ରିୟବ୍ରତ ପ୍ରହରାଜଙ୍କ ସହ ମନ୍ଦିରର ସମସ୍ତ ସେବାୟତ ଉପସ୍ଥିତ ଥିଲେ।

ରଣପୁର: ଆମ ଓଡିଶା ନବୀନ ଓଡ଼ିଶାରେ ଯୋଡିହେଲା ନୟାଗଡ ଜିଲ୍ଲା ରଣପୁର ବ୍ଲକ। ଓଡିଶା ଆଗକୁ ବଢିବ, ଶସକ୍ତ ହେବ, ପରିବହନ ବ୍ୟବସ୍ଥାରେ ରୂପାନ୍ତର ହେବ, ସାମାଜିକ ଓ ଅର୍ଥନୀତିରେ ବିକାଶ ହେବ। ରାଜ୍ୟରେ ଏହି ବିକାଶ ଧାରା ଆହୁରି ଆଗକୁ ଶିଖର ଛୁଇଁବ। ଆଜି ଲଷ୍ମୀ ଯୋଜନାରେ ବସ ଯୋଜନାର ଶୁଭାରମ୍ଭ ହେଲା।

ଏହିଯୋଜନାରେ ଉପାନ୍ତ ଅଞ୍ଚଳର ଅର୍ଥନୀତିକୁ ସୁଦୃଢ କରିବା ସହ ଗାଁ ଗହଳିର ସମୃଦ୍ଧି ଆଣିବ ବୋଲି ମାନ୍ୟବର ମୁଖ୍ୟମନ୍ତ୍ରୀ “ଲକ୍ଷ୍ମୀ” ବସ ଯୋଜନା କରିଛନ୍ତି।

ରଣପୁରର ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ମାନ୍ୟବର ବିଧାୟକ ରଣପୁର ସତ୍ୟନାରାୟଣ ପ୍ରଧାନ, ଜିଲ୍ଲା ପରିଷଦ ସଦସ୍ୟ ରାଜନୀରାଣୀ ପଟ୍ଟନାୟକ, ବ୍ଲକ ଉପାଧ୍ୟକ୍ଷ ପ୍ରଭାତ ଦଳବେହେରା, ରଣପୁର ବିଜ୍ଞାପିତ ଅଞ୍ଚଳର ନଗର ସଭାପତି ଲିଙ୍ଗରାଜ ନାୟକ, ସନ୍ତୋଷ କୁମାର ଲେଙ୍କା, ବିଜୁ ଯୁବ ସଭାପତି ଆକାଶ କୁମାର ପାଣି, ରଣପୁର ବିଜ୍ଞାପିତ ପରିଷଦର ଅଧ୍ୟକ୍ଷା ରଙ୍ଗୀନ ମହାନ୍ତି, ନର୍ମଦା ରାୟ, ପ୍ରମୁଖ ଯୋଗ ଦେଇଥିଲେ।

ରଣପୁର: ଆସନ୍ତାକାଲି ସାରା ଦେଶରେ ଅନୁଷ୍ଠିତ ହେବ ୧୫୪ତମ ଗାନ୍ଧୀ ଜୟନ୍ତୀ। ଏହି ପରିପ୍ରେକ୍ଷୀରେ ସାରା ଦେଶରେ “ସ୍ୱଛତା ହିଁ ସେବା – ଆବର୍ଜନା ମୁକ୍ତ ଭାରତ” ଅକ୍ଟୋବର ୧ ତାରିଖରେ ସାରା ଦେଶରେ ପାଳିତ ହେଉଛି।

ଏହି କାର୍ଯ୍ୟକ୍ରମ ବିଜ୍ଞାପିତ ପରିଷଦ ରଣପୁରରେ ମଧ୍ୟ ଏହି କାର୍ଯ୍ୟକ୍ରମ ପାଳିତ ହୋଇ ଯାଇଛି। ଏଥିରେ ରଣପୁର ବିଧାୟକ ତଥା ନୟାଗଡ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ସତ୍ୟ ନାରାୟଣ ପ୍ରଧାନ, ରଣପୁର ବିଜ୍ଞାପିତ ପରିଷଦ କାର୍ଯ୍ୟ ନିର୍ବାହୀ ଅଧିକାରିଣୀ ଅପର୍ଣ୍ଣା ଡେଙ୍ଗୁଆ, ରଣପୁର ବିଜ୍ଞାପିତ ପରିଷଦ ଅଧ୍ୟକ୍ଷା, ଉପାଧ୍ୟକ୍ଷ ବିଶ୍ୱରଂଜନ ପଟ୍ଟନାୟକ, ନଗର ସଭାପତି ଲିଙ୍ଗରାଜ ନାୟକ ପ୍ରମୁଖ ସାମିଲ ହୋଇ ରଣପୁର ଡାକ୍ତରଖାନା, ପଞ୍ଚୁଦଳ ପଡିଆ, ବଧି ପୁଷ୍କରିଣୀ ଆଦି ସଫେଇ କରିଥିଲେ। ବିଧାୟକ, ଅଧ୍ୟକ୍ଷା, କାର୍ଯ୍ୟ ନିର୍ବାହୀ ଅଧିକାରିଣୀ ପ୍ରମୁଖ ହାତରେ ଝାଡୁ ଧରି ଓଳାଇବା ସହ ଅଳିଆକୁ ତୋଳି ଡଷ୍ଟବିନରେ ପକାଇ ଥିଲେ। ୩ ନମ୍ବର ୱାର୍ଡ ଅନ୍ତର୍ଗତ ଉପର ବାଇପାସକୁ ପରିଷ୍କାର ରଖିବା ପାଇଁ ହୋର୍ଡିଙ୍ଗ ବୋର୍ଡ ଲଗାଇବା ସହ ଜନ ସାଧାରଣଙ୍କୁ ସଚେତନ କରାଯିବ ବୋଲି କାର୍ଯ୍ୟ ନିର୍ବାହୀ ଅଧିକାରିଣୀ ମତ ଦେଇଥିଲେ।

ଅନ୍ୟମାନଙ୍କ ମଧ୍ୟରେ ସାଂସଦ ପ୍ରତିନିଧି ସ୍ୱରାଜ ମହାନ୍ତି, କାଉନସିଲର କମଳାକ୍ଷୀ ଦେଵିଦର୍ଶିନୀ, କୈଳାଶ ମହାରଣା, ଦିନେଶ ପରିଡାଙ୍କ ସହ ସମସ୍ତ କାଉନସିଲର, ବିଜ୍ଞାପିତ ପରିଷଦର ସମସ୍ତ କର୍ମଚାରୀ, ସଫେଇ କର୍ମଚାରୀ, ସ୍ୱୟଂ ସହାୟିକା ଗୋଷ୍ଠୀର ସଦସ୍ୟାମାନେ ଏହି କାର୍ଯ୍ୟକ୍ରମରେ ସାମିଲ ହୋଇ ଜାତିର ପିତା ମହାତ୍ମାଗାନ୍ଧୀଙ୍କ ଆଦର୍ଶକୁ ସମ୍ମାନ ଜଣାଇ ଥିଲେ।