ଭୁବନେଶ୍ବର: ଆଜି ମୁଖ୍ୟମନ୍ତ୍ର ନବୀନ ପଟ୍ଟନାୟକ ରାଉରକେଲା ଗସ୍ତରେ ଯିବେ। ସେ ଆଜି ଦିନ ୧୧ଟା ୨୦ ମିନିଟ୍ରେ ନିବାସରୁ ବିଜୁ ପଟ୍ଟନାୟକ ବିମାନ ବନ୍ଦର ଯିବେ। ସେଠାରୁ ସାଢ଼େ ୧୧ଟାରେ ସ୍ବତନ୍ତ୍ର ଏୟାରକ୍ରାଫ୍ଟରେ ରାଉରକେଲା ଅଭିମୁଖେ ବାହାରିବେ।
ନବୀନ ଅପରାହ୍ନ ୧୨ଟା ୧୫ ମିନିଟ୍ରେ ରାଉରକେଲା ବିମାନ ବନ୍ଦରରେ ଅବତରଣ କରିବେ। ୧୨ଟା ୨୦ ମିନିଟ୍ରେ ବିର୍ସା ମୁଣ୍ଡା ହକି ଷ୍ଟାଡିୟମ କ୍ୟାମ୍ପସ୍ରେ ପହଞ୍ଚିବେ। ସେଠାରେ ସେ ବିଶ୍ବକପ ଗ୍ରାମକୁ ଉଦଘାଟନ କରିବେ। ସେହିପରି ସେଠାରେ ଥିବା ହକି ଖେଳାଳୀଙ୍କ ସହିତ ଭାବ ବିନିମୟ କରିବେ।
ଏହାପରେ ନବୀନ ଅପରାହ୍ନ ୩ଟା ୫୫ ମିନିଟ୍ରେ ଡିଏଭି ପୋଖରୀ ଅଭିମୁଖେ ବାହାରି ସେଠାରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ଯୋଗଦେବେ। ସେ ଜିଲ୍ଲାର ବିଭିନ୍ନ ଉନ୍ନୟନମୂଳକ ପ୍ରକଳ୍ପ ସହ ସୁନ୍ଦରଗଡ଼ ମେଡ଼ିକାଲ କଲେଜକୁ ଉଦ୍ଘାଟନ କରିବେ। ପରେ ପରେ ‘ମୋ ବସ୍’ ସେବାକୁ ପତାକା ଦେଖାଇ ଶୁଭାରମ୍ଭ କରିବେ।
ଅପରାହ୍ନ ୪ଟା ୨୦ ମିନିଟ୍ରେ ସେ ବିର୍ସା ମୁଣ୍ଡା ହକି ଷ୍ଟାଡିୟମରେ ପହଞ୍ଚିବେ। ବିର୍ସା ମୁଣ୍ଡା ହକି ଷ୍ଟାଡିୟମକୁ ଉଦ୍ଘାଟନ କରିବେ। ଅପରାହ୍ନ ୪ଟା ୩୦ ମିନିଟ୍ରେ ଷ୍ଟାଡିୟମରୁ ରାଉରକେଲା ଅଭିମୁଖେ ବାହାରି ଅପରାହ୍ନ ୪ଟା ୪୫ ମିନିଟ୍ରେ ନବୀନ ନିବାସ ପହଞ୍ଚିବାର କାର୍ଯ୍ୟକ୍ରମ ରହିଛି।