Categories
ଆଜିର ଖବର ରାଜ୍ୟ ଖବର

ହାତୀ ଆକ୍ରମଣରେ ସରପଞ୍ଚଙ୍କ ସ୍ଵାମୀଙ୍କ ସମେତ ୨ ମୃତ: କ୍ଷତିପୂରଣ ଦାବୀ କଲେ ଗ୍ରାମବାସୀ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡରେ ଦିନକୁ ଦିନ ହାତୀମାନଙ୍କର ତାଣ୍ଡବରେ ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବନବିଭାଗ ହାତୀ ଘଉଡାଇବାରେ ତୁରନ୍ତ ବିହୀତ ପଦକ୍ଷେପ ନେଇ ପାରୁ ନାହିଁ। ଗତ କିଛି ମାସ ହେଲା ରେଢାଖୋଲ ବନ ଖଣ୍ଡରେ ବହୁ ଜଣଙ୍କୁ ହାତୀ ଜୀବନ ନେଇଛି।

ଗତକାଲି ରାତିରେ ସମ୍ବଲପୁର ବନଖଣ୍ଡ ଯୁଯୋମୁରା ନିକଟସ୍ଥ ଗୋପାଳ ଢାବାର ମାଲିକକୁ ଏକ ହାତୀ ରାତି ପ୍ରାୟ ୧ ରୁ ୨ ଟା ମଧ୍ୟରେ ଢାବା ସାମ୍ନାରେ ଶୋଇଥିବା ସମୟରେ ଖଟରୁ ଘୋଷାଡି ନେଇ ଅତି ନିର୍ମମ ଭାବରେ ମାରି ପକାଇଥିବା ଜଣା ପଡିଛି। ମୃତକ ଗୋପାଳର ଅନ୍ତଃବୁଜୁଳା ମଧ୍ୟ ବାହାରି ପଡିଛି। ମୃତକ ଗୋପାଳ ପ୍ରଧାନ ବିଜେଡିର ଜଣେ ସକ୍ରିୟ କର୍ମୀ ଭାବରେ ବେଶ୍ ଜଣାଶୁଣା ଥିବା ବେଳେ ନିଜର ଧର୍ମପତ୍ନୀ ସରପଂଚ ଥିବା ଜଣା ପଡିଛି। ଏପରିକି ମୃତକ ଗୋପାଳ ଜନହିତକର କାମରେ ନିଜକୁ ନିୟୋଜିତ କରିଥିଲେ।

ଠିକ୍ ସେହିପରି ରେଢାଖୋଲ ବନଖଣ୍ଡ ବଡମାଳ ରେଞ୍ଜର ବୁଢିଖମାର ଗ୍ରାମରେ ରଙ୍କ ଭୂୟାଁ (୫୮) ନାମକ ବ୍ୟକ୍ତି ଭୋରରୁ ଆମ୍ବ ଗୋଟାଇବା ପାଇଁ ଯାଇଥିବା ବେଳେ ଏକ ଦନ୍ତା ହାତୀ ଆକ୍ରମଣରେ ମୃତ୍ୟୁବରଣ କରିଥିବା ଖବର ହସ୍ତଗତ ହୋଇଛି। ଘଟଣା ସ୍ଥଳରେ ରେଞ୍ଜ ଅଧିକାରୀ ପ୍ରଦୀପ ସେଠୀ, ବନବିଭାଗର କର୍ମଚାରୀ ତଥା ପୋଲିସ୍ ପହଞ୍ଚି ଶବକୁ ଜବତ କରିବା ସହ ବ୍ୟବଚ୍ଛେଦ ପାଇଁ ରେଢାଖୋଲ ଡାକ୍ତରଖାନାକୁ ପଠାଇଛନ୍ତି। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ବେଳେ ସରକାରଙ୍କ ତରଫରୁ ଉଭୟଙ୍କୁ ୬ ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ଦିଆଯିବ ବୋଲି ବନବିଭାଗ କହିଛି।

ଗୋଟିଏ ଦିନରେ ସମ୍ବଲପୁର ଜିଲ୍ଲାର ୨ଟି ସ୍ଥାନରେ ହାତୀ ଆକ୍ରମଣରେ ୨ ଜଣଙ୍କର ଅମୂଲ୍ୟ ଜୀବନ ଯାଇଥିବା ବେଳେ ଅଂଚଳରେ ଲୋକମାନଙ୍କ ମଧ୍ୟରେ କୋକୁଆଭୟ ଦେଖାଦେଇଛି। ହାତୀଟିକୁ ଟେଂକୁଲାଇଜର ଦେଇ ଅନ୍ୟତ୍ର ପଠାଇବାକୁ ସାଧାରଣରେ ଦାବୀ ହେଉଛି। ଘଟଣା ସ୍ଥଳରେ ବନବିଭାଗର ବରିଷ୍ଠ ଅଧିକାରୀମାନେ ପହଂଚି ମୃତକର ପରିବାରକୁ ସରକାରଙ୍କ ତରଫରୁ ଆବଶ୍ୟକ କ୍ଷତିପୂରଣ ପ୍ରଦାନ କରିବାକୁ ଦୃଢ ପ୍ରତିଶୃତି ଦେଇଛନ୍ତି। ସେ ପଟେ ବନବିଭାଗର କର୍ମଚାରୀମାନେ ନିଜ ସୁରକ୍ଷା ପାଇଁ ସରକାରଙ୍କୁ ଦାବୀ କରି ଆନ୍ଦୋଳନ କରିଥିବାରୁ ହାତୀ ଘଉଡାଇବାରେ ପ୍ରତିବନ୍ଧକ ସୃଷ୍ଟି ହୋଇଛି।

Categories
ଆଜିର ଖବର ରାଜ୍ୟ ଖବର

ଲଣ୍ଡାକୋଟ ସଂରକ୍ଷିତ ଜଙ୍ଗଲରେ ପୁଣି ଅନୁପ୍ରବେଶକାରୀଙ୍କ ୧୫ ଘର ଭାଙ୍ଗିଲା ପ୍ରଶାସନ

କନ୍ଦର୍ପ ବେହେରା
ରେଢ଼ାଖୋଲ: ରେଢ଼ାଖୋଲ ବନଖଣ୍ଡ ନାକଟିଦେଉଳ ବ୍ଲକ ଅଞ୍ଚଳରେ ଦିନକୁ ଦିନ ଝାଡଖଣ୍ଡ ଅନୁପ୍ରବେଶକାରୀଙ୍କ ପ୍ରାଦୁର୍ଭାବ ଯୋଗୁଁ ପ୍ରଶାସନର ମୁଣ୍ଡବ୍ୟଥାର କାରଣ ହୋଇଛି। ପୂର୍ବରୁ ମଧ୍ୟ ସେଇ ସଂରକ୍ଷିତ ଜଙ୍ଗଲରୁ ପ୍ରଶାସନ ଅନୁପ୍ରବେଶ କାରୀମାନଙ୍କୁ ହଟାଇଥିଲା। ଏବେ ପୁଣି ସେଇ ସଂରକ୍ଷିତ ଜଙ୍ଗଲକୁ ସେମାନେ ପଦା କରି ବସତି ସ୍ଥାପନ କରିଥିବାରୁ ପ୍ରଶାସନ କୌଣସି ସୂତ୍ରରୁ ଖବର ପାଇ ଆଜି ଚଢ଼ଉ କରି ୧୫ ଘର ଭାଙ୍ଗି ଦେଇଥିବା ଜଣା ପଡ଼ିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ନାକଟିଦେଉଳ ବ୍ଲକ୍ କିସିଣ୍ଡା ନିକଟସ୍ଥ ଲଣ୍ଡାକୋଟ ସଂରକ୍ଷିତ ଜଙ୍ଗଲରେ ଅନୁପ୍ରବେଶକାରୀମାନେ ଘର କରି ସେଠାରେ ଜଙ୍ଗଲକୁ ପଦା କରି ଚାଷ ଜମି କରିବା ଉଦ୍ଦେଶ୍ୟରେ ରହି ଆସୁଥିଲେ। ଆଜି ପ୍ରଶାସନ ଲଣ୍ଡାକୋର୍ଟ ସଂରକ୍ଷିତ ଜଙ୍ଗଲକୁ ଯାଇ ୧୫ ଘର ଭାଙ୍ଗିଥିଲା ପ୍ରଶାସନ। ଏହି ଚଢ଼ଉରେ ରାଜସ୍ବ ବିଭାଗ, ବନବିଭାଗ, ପୋଲିସ୍ ପ୍ରଶାସନ ଆଦିର ବରିଷ୍ଠ ଅଧିକାରୀ ତଥା ଅନ୍ୟାନ୍ୟ କର୍ମଚାରୀମାନେ ସାମିଲ୍ ହୋଇଥିଲେ।

ସୂଚନା ଥାଉକି ପୂର୍ବରୁ ବନ ବିଭାଗ ଚଢ଼ାଉ କରି ଅନେକ ଥର ଉଚ୍ଛେଦ କରିଥିବା ବେଳେ ଗତ ତା୦୯.୦୧.୨୨ରିଖରେ ୩୦ ଘର ଭାଙ୍ଗିଥିଲା ଏବଂ ୭୦ ଅନୁପ୍ରବେଶକାରୀଙ୍କୁ ହଟାଇଥିଲା। ବନ ବିଭାଗ ଦୀର୍ଘ ଦିନର ନୀରବତା ପରେ ପୁଣି ଏହି ଅନୁପ୍ରବେଶକାରୀଙ୍କ ବେଆଇନ ବସତି ସ୍ଥାପନ କରି ଥିବା ସ୍ଥାନ ଉପରେ ବନ ବିଭାଗ ପୁଣି ଥରେ ଅଣ୍ଟା ଭିଡି ଉଚ୍ଛେଦ ପ୍ରକ୍ରିୟାକୁ ତୀବ୍ରତର କରିଛି। ଏହାକୁ ନେଇ ଅଞ୍ଚଳବାସୀ ପୂର୍ବରୁ ଉପରିସ୍ଥ ବନ ବିଭାଗ ଅଧିକାରୀ, ଉପଖଣ୍ଡ ଓ ଜିଲ୍ଲା ପ୍ରଶାସନ ପାଖରେ ଅନୁପ୍ରବେଶକାରୀ ଙ୍କୁ ହଟାଇବା ପାଇଁ ଲିଖିତ ଅଭିଯୋଗ କରି ରାଜପଥ ଅବରୋଧ, ଶୋଭାଯାତ୍ରା ଓ ଅନଶନ ଆଦି କାର୍ଯ୍ୟକ୍ରମ ହାତକୁ ନେଇ ବିରୋଧ କରିଥିଲେ। ଫଳରେ ବନ ବିଭାଗ ଓ ପ୍ରଶାସନ ପକ୍ଷରୁ ଚଢ଼ାଉ କରି କିଛି ଘରକୁ ଉଚ୍ଛେଦ କରିଥିଲେ। ତଥାପି ଅନୁପ୍ରବେଶ କାରୀ ମାନଙ୍କର ଅବାଧରେ ପ୍ରବେଶ କରିବା ପ୍ରଶାସନକୁ ଏକ ଚ୍ୟାଲେଞ ସ୍ରୁଷ୍ଟି କରିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ବନ କର୍ମଚାରୀକୁ ଗୁଳିମାରି ହତ୍ୟା ଉଦ୍ୟମ ଘଟଣା: ଆଉ ଜଣେ ଅଭିଯୁକ୍ତ ଗିରଫ

କନ୍ଦର୍ପ ବେହେରା

ରେଢାଖୋଲ: ରେଢାଖୋଲ ବନଖଣ୍ଡ ମୋଚିବାହଳ ନିକଟସ୍ଥ ବଡମାଳ ବନାଂଚଳ ଲଣ୍ଡାକୋର୍ଟ ସଂରକ୍ଷିତ ଜଙ୍ଗଲରେ ଗତ ତା ୯ ନଭେମ୍ବର ରାତିରେ ଦୁଇ ଜଣ ବାଣୁଆ ଜନ୍ତୁ ଶିକାର ପାଇଁ ଯାଇଥିବା ବେଳେ ବନବିଭାଗ ଖବର ପାଇ ଚଢଉ କରିବାକୁ ଯାଇଥିଲେ। ଦୁଇ ଜଣ ବାଣୁଆ ବନବିଭାଗର କର୍ମଚାରୀମାନଙ୍କୁ ଦେଖି ବନ୍ଧୁକ ରୁ ଗୁଳି ମାରିଥିଲେ ହେଲେ ଭାଗ୍ୟକୁ ଫରେଷ୍ଟ ଗାର୍ଡ କୈଳାସ ମିଶ୍ରଙ୍କ ଦେହରେ ନ ବାଜି ଗୁଳିଟି ଲକ୍ଷ୍ୟଚ୍ୟୁତ ହୋଇଥିଲା। ଫରେଷ୍ଟ ଗାର୍ଡ ଅଳ୍ପକେ ରକ୍ଷା ପାଇଯାଇଥିଲେ। ଏଥିରେ ସଂପୃକ୍ତି ଥିବା ଜଣେ ବାଣୁଆକୁ ବନବିଭାଗ ଧରିଥିବା ବେଳେ ଅନ୍ୟ ଅଭିଯୁକ୍ତ ନାମରେ ଚାରମାଳ ଥାନାରେ ମୋଚିବାହାଳ ଫରେଷ୍ଟର ସୁନୀଲ୍ କୁମାର ମିର୍ଦ୍ଧା ଅଭିଯୋଗ କରିଥିଲେ।

ଚାରମାଳ ପୋଲିସ୍ ଘଟଣାଟିକୁ ଗୁରୁତର ସହ ନେବା ଏବଂ ଆଉ ଜଣେ ବାଣୁଆକୁ ଧରିବା ସହ ତା ପାଖରୁ ବନ୍ଧୁକ ଓ ଆବଶ୍ୟକୀୟ ଜିନିଷ ଜବତ କରିବାରେ ସଫଳ ହୋଇଛି। ଚାରମାଳ ପୋଲିସ୍ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଚାରମାଳ ଥାନା କେସ୍ ନଂ ୧୫୬ ତା ୧୦/୧୧/୨୦୨୨ ୟୁଏସ୍‌-୩୦୭/୫୦୬ ଆଇପିସି ଆର୍ /ଡବ୍ଲୁ ସେକସନ୍ ୨୫/୨୭ଆର୍ମସ୍ ଆଇନ୍‌ରେ ମାମଲା ରୁଜୁ ହୋଇଥିବା ଚାରମାଳ ଥାନାଧିକାରୀ ଏକ ପ୍ରେସ୍ ଇସ୍ତାହାରରେ ଜଣାଇଛନ୍ତି।

ସୁଚନା ଥାଉକି , ରେଢାଖୋଲ ବନଖଣ୍ଡ ବଡମାଳ ବନାଂଚଳ ଅନ୍ତର୍ଗତ ଲଣ୍ଡାକୋର୍ଟ ସଂରକ୍ଷିତ ଜଙ୍ଗଲ ସେରେନି ମନ୍ଦିର ପାଖ କଂପାଟ୍ ମେଂଟ୍ ନଂ ୬୪କୁ ଶିକାରୀମାନେ ଜନ୍ତୁ ଶିକାର ପାଇଁ ଯାଇଥିଲେ। ବନବିଭାଗ କୌଣସି ସୂତ୍ରରୁ ଖବର ପାଇ ରାତି ପ୍ରାୟ୧୨.୩୦ ସମୟରେ ଜଙ୍ଗଲକୁ ଶିକାରୀମାନଙ୍କୁ ଧରିବାକୁ ଯାଇଥିଲେ। ସେଇ ଜଙ୍ଗଲରେ ଶିକାରୀ ଦ୍ୱୟ ଟର୍ଚ୍ଚ ଲାଇଟ୍ ମାରୁଥିବାରୁ ବନବିଭାଗ ଜାଣି ପାରିଥିଲେ। ଏହି ଶିକାରୀମାନେ ବନବିଭାଗ କର୍ମଚାରୀମାନଙ୍କୁ ଦେଖିବା ମାତ୍ରକେ ଗୁଳିଚାଳନା କରିଥିଲେ। ସୋଭାଗ୍ୟ କୁ ବନ୍ଧୁକର ଗୁଳି ଫରେଷ୍ଟ ଗାର୍ଡ କୈଳାସ ମିଶ୍ରଙ୍କ ଦେହରେ ନ ବାଜି ଲକ୍ଷ୍ୟଚ୍ୟୁତ ହୋଇଯାଇଥିଲା। ଏକ ବଡ ଧରଣର ଦୁର୍ଘଟଣାରୁ ଫରେଷ୍ଟ ଗାର୍ଡ ବର୍ତି ଯାଇଥିଲେ। ଅଭିଯୁକ୍ତ ମୋଚିବାହାଳର ରମେଶ ପ୍ରଧାନକୁ ବନବିଭାଗ ଧରିବାରେ ସଫଳ ହୋଇଥିଲା। ତା ଠାରୁ ଏକ ଦେଶୀ ବନ୍ଧୁକ ମଧ୍ୟ ଜବତ କରିଥିଲା ବନବିଭାଗ। ଜୁଜୁମୁରା ଥାନା ବଡପାଳ ଗ୍ରାମର ସୁରେଶ ପ୍ରଧାନ ଫେରାର୍ ହୋଇଯାଇଥିଲା। ରମେଶ ଠାରୁ ଏକ ଦେଶୀ ବନ୍ଧୁକ ଜବତ କରିବା ସହ ତାକୁ ଗିରଫ କରି କୋର୍ଟ ଚାଲାଣ କରାଯାଇଥିଲା।

ଆଜି ଚାରମାଳ ପୋଲିସ୍ ସୁରେଶ ପ୍ରଧାନଙ୍କୁ ନିଜ ଗ୍ରାମ ଜୁଜୁମୁରା ଥାନା ବଡପାଳରୁ ଗିରଫ କରିବାରେ ସଫଳ ହୋଇଥିଲା। ତା ପାଖରୁ ଏହ ଦେଶୀ ବନ୍ଧୁକ, ୨ ଟି ଟର୍ଚ୍ଚ ଲାଇଟ୍, ଗନ୍ ପାଉଡର୍ ଆଦି ଜବତ କରିଥିବା ପୋଲିସ୍ ପ୍ରକାଶ କରିଛି।

Categories
ଅପରାଧ ଆଜିର ଖବର ରାଜ୍ୟ ଖବର

ଶିକାରୀଙ୍କ ଗୁଳିମାଡରେ ଅଳ୍ପକେ ରକ୍ଷା ପାଇଲେ ଫରେଷ୍ଟ ଗାର୍ଡ

କନ୍ଦର୍ପ ବେହେରା

ରେଢାଖୋଲ: ରେଢାଖୋଲ ବନଖଣ୍ଡରେ ଦିନକୁ ଦିନ ଶିକାରୀମାନଙ୍କ ଉପ୍ତାତରେ ବନବିଭାଗ ନାକେଦମ୍ ହୋଇପଡୁଛି। ଏପରିକି ବନବିଭାଗ କର୍ମଚାରୀମାନଙ୍କୁ ଧମକ ଦେଉଥିବା ନଜିର ରହିଛି। ହେଲେ ଏଥର ସିଧା ସଳଖ ଗୁଳି କରି ମାରି ଦେବାକୁ ଶିକାରୀମାନେ ଆଗଭର ହୋଇଛନ୍ତି। ରେଢାଖୋଲ ବନଖଣ୍ଡ ମୋଚିବାହାଳ ଅଂଚଳରେ ଶିକାରୀମାନଙ୍କୁ ଧରିବାକୁ ଯାଇ ସେଠାକାର ଫରେଷ୍ଟ ଗାର୍ଡ ଶିକାରୀମାନଙ୍କ ଗୁଳିରୁ ଅଳ୍ପକେ ରକ୍ଷା ପାଇଯାଇଥିବା ବେଳେ ବନ୍ଧୁକ ଧାରୀ ଶିକାରୀକୁ ଧରିବାରେ ବନବିଭାଗ ସଫଳ ହୋଇଛି। ଜଣେ ଶିକାରୀ ଫେରାର୍ ହୋଇଯାଇଥିବା ଜଣାପଡିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ରେଢାଖୋଲ ବନଖଣ୍ଡ ବଡମାଳ ବନାଂଚଳ ଅନ୍ତର୍ଗତ ଲଣ୍ଡାକୋର୍ଟ ସଂରକ୍ଷିତ ଜଙ୍ଗଲକୁ ଶିକାରୀମାନେ ଜନ୍ତୁ ଶିକାର ପାଇଁ ଯାଇଥିଲେ। ବନବିଭାଗ କୌଣସି ସୂତ୍ରରୁ ଖବର ପାଇ ରାତି ପ୍ରାୟ ୧ ଟାରେ ଜଙ୍ଗଲକୁ ଶିକାରୀମାନଙ୍କୁ ଧରିବାକୁ ଯାଇଥିଲେ। ଏହି ଶିକାରୀମାନେ ବନବିଭାଗ କର୍ମଚାରୀମାନଙ୍କୁ ଦେଖିବା ମାତ୍ରକେ ଗୁଳିଚାଳନା କରିଥିଲେ। ସୌଭାଗ୍ୟକୁ ବନ୍ଧୁକ ର ଗୁଳି ଫରେଷ୍ଟ ଗାର୍ଡ କୈଳାସ ମିଶ୍ରଙ୍କ ଦେହ ରେ ନ ବାଜି ଲକ୍ଷ୍ୟଚ୍ୟୁତ ହୋଇଯାଇଥିଲା। ଏକ ବଡ ଧରଣର ଦୁର୍ଘଟଣାରୁ ଫରେଷ୍ଟ ଗାର୍ଡ ବର୍ତି ଯାଇଥିଲେ।

ଅଭିଯୁକ୍ତ ଯୁଯୁମୁରା ଥାନା ବଡପାଳର ସୁରେଶ ପ୍ରଧାନକୁ ବନବିଭାଗ ଧରିବାରେ ସଫଳ ହୋଇଥିଲା। ତା ଠାରୁ ଏକ ଦେଶୀ ବନ୍ଧୁକ ମଧ୍ୟ ଜବତ କରିଛି ବନବିଭାଗ। ମୋଚବିବାହାଳ ଗ୍ରାମର ରମେଶ ପ୍ରଧାନ ଫେରାର୍ ହୋଇଯାଇଥିବା ବନବିଭାଗ ପ୍ରକାଶ କରିଛି। ସୁରେଶ ଠାରୁ ଏକ ଦେଶୀ ବନ୍ଧୁକ ଜବତ କରିବା ସହ ତାକୁ ଗିରଫ କରି କୋର୍ଟ ଚାଲାଣ କରାଯାଇଥିବା ବନବିଭାଗ ପ୍ରକାଶ କରିଛି। ଏହି ଟିମ୍ ରେ ଫରେଷ୍ଟର ସୁନୀଲ ମିର୍ଦ୍ଧା , ଫରେଷ୍ଟ ଗାର୍ଡ କୈଳାସ ମିଶ୍ରଙ୍କ ସହ ବନ ବିଭାଗର କର୍ମଚାରୀମାନେ ସାମିଲ୍ ହୋଇଥିଲେ।

Categories
ଆଜିର ଖବର ରାଜ୍ୟ ଖବର

ବାରାହା ଆକ୍ରମଣରେ ଚାଷୀ ମୃତ

କନ୍ଦର୍ପ ବେହେରା

ରେଢ଼ାଖୋଲ: ଜଙ୍ଗଲି ବାରହା ଆକ୍ରମଣରେ ରେଢ଼ାଖୋଲ ବନଖଣ୍ଡ ବଡ଼ମାଳ ରେଞ୍ଜ ଅନ୍ତର୍ଗତ ଲେଙ୍ଗଟିଦାଦର ଗ୍ରାମର ଜନୈକ ଚାଷୀ ମୃତ୍ୟୁବରଣ କରିଥିବା ଖବର ବନ ବିଭାଗ ସୂତ୍ରରୁ ଜଣା ପଡ଼ିଛି। ଚାଷୀ ଜଣଙ୍କ ହେଲେ ଗେଥଲ ମାଝୀ (୫୦) ବନବିଭାଗ ସୂତ୍ରରୁ ପ୍ରକାଶ ଯେ, ରେଢ଼ାଖୋଲ ବନଖଣ୍ଡ ବଡ଼ମାଳ ରେଞ୍ଜ ଲେଙ୍ଗଟିଦାଦର ଗ୍ରାମ ନିକଟ ଜଙ୍ଗଲ ପାଖ ଚାଷ ଜମିକୁ ଗ୍ରାମର ଗେଠଲ ମାଝୀ (୫୦) ଯାଇଥିବା ବେଳେ ଏକ ବାରାହା ଆକ୍ରମଣ କରିଥିଲା।

ଗତକାଲି ଠାରୁ ଚାଷୀ ଜଣକ ନିଖୋଜ ରହିଥିଲା। ପରିବାର ଲୋକେ ଥାନାରେ ନିଖୋଜ ଥିବା ଅଭିଯୋଗ କରିଥିଲେ। ଆଜି ସକାଳୁ ପରିବାର ଲୋକେ ଜଙ୍ଗଲରୁ ଉଦ୍ଧାର କରି ରେଢ଼ାଖୋଲ ଉପଖଣ୍ଡ ଚିକିତ୍ସାଳୟ କୁ ଆଣିଥିଲେ। ଡାକ୍ତର ପ୍ରାଥମିକ ଚିକିତ୍ସା ପରେ ମୃତ ଘୋଷିତ କରିଥିଲେ। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ଜଣାପଡିଛି।

ଏପଟେ ବନବିଭାଗ ଚାଷୀ ଜଣଙ୍କ ଚାଷ ଜମି ପାଖରେ ମ୍ରୁତ୍ୟୁ ବରଣ କରିଥିବା ପ୍ରକାଶ କରିଛି। ମୃତ ଚାଷୀ ଗରିବ ଶ୍ରେଣୀର ଥିବାରୁ ତାର ପରିବାରକୁ ସରକାରଙ୍କ ତରଫରୁ ଆର୍ଥିକ ସହଯୋଗ ଯୋଗାଇ ଦେବାକୁ ପରିବାର ଲୋକେ ଦାବୀ କରିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ହରିଣ ଶିକାର ଅଭିଯୋଗରେ ୨ ଗିରଫ, ଶିଙ୍ଗ ଜବତ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡରେ ଦିନକୁ ଦିନ ଜନ୍ତୁ ଶିକାର ହେବା ନିତ୍ୟନୈମିତିକ ଘଟଣା। ବନବିଭାଗ ଯେତେ ଚେଷ୍ଟା କଲେ ମଧ୍ୟ ଶିକାରୀମାନେ ଏହି କାମ କରିବାକୁ ପଛାଉ ନାହାନ୍ତି। ବର୍ତ୍ତମାନ ଖରା ଦିନ। ଯେଉଁଠି ପାଣି ଅଛି ସେଇ ସ୍ଥାନକୁ ଜନ୍ତୁମାନେ ପାଣି ପିଇବା ପାଇଁ ଆସିଥାନ୍ତି। ବାଣୁଆ ପୂର୍ବରୁ ଜନ୍ତୁକୁ ମାରିବା ପାଇଁ ପ୍ରସ୍ତୁତ ମଧ୍ୟ ହୋଇ ରହିଥାଏ। ଅନାୟାସରେ ଶିକାରୀ ନିରୀହ ଜୀବକୁ ବନ୍ଧୁକରେ ମାରି ପକାଇଥାଏ। ବାଣୁଆର ଏଇ ଘୃଣ୍ୟକାମକୁ ବନବିଭାଗ ଜାଣି ପାରି ନ ଥାଏ।

ମୋଚିବାହାଳ ସଂରକ୍ଷିତ ଜଙ୍ଗଲରେ ବନବିଭାଗ ଚଢଉ କରି ଦୁଇଜଣ ଶିକାରୀଙ୍କ ପାଖରୁ ହରିଣ ମୁଣ୍ଡ ସହ କଂଚା ମାଂସ, କିଛି ରନ୍ଧା ମାଂସ ଜବତ କରିବାରେ ସଫଳ ହୋଇଛି। ସେମାନଙ୍କ ପାଖରୁ ପନିକି, ଟାଙ୍ଗିଆ ତଥା ଡେକଚି, କଡେଇ ଆଦି ଜବତ କରିଛି। ବନବିଭାଗ ଗିରଫ କରିଥିବା ଅଭିଯୁକ୍ତମାନେ ହେଲେ ମୋଚିବାହାଳ ପଂଚାୟତ ଆମଦର ଗ୍ରାମର ବସୁ ଧରୁଆ ଏବଂ ରାମଚନ୍ଦ୍ର ନାଏକ।

ଏହି ଚଢାଉରେ ବଡମାଳ ରେଞ୍ଜ ଅଧିକାରୀ ପ୍ରଦୀପ କୁମାସର ସେଠୀ, ବଡମାଳ ଫରେଷ୍ଟର ଶ୍ରୀବତ୍ସ କିସାନ୍, ଫରେଷ୍ଟର ପ୍ରବୀଣ କୁମାର ପ୍ରଧାନ, ଫରେଷ୍ଟ ଗାର୍ଡ କୈଳାସ ମିଶ୍ର, ପ୍ରଶାନ୍ତ ସାହୁ ସାମିଲ୍ ହୋଇଥିଲେ। ଦିନକୁ ଦିନ ଜନ୍ତୁ ଶିକାର ହେଉ ଥିବାରୁ ଜଙ୍ଗଲରୁ ଜୀବଜନ୍ତୁଙ୍କ ସଂଖ୍ୟା କମିବାରେ ଲାଗିଛି। ଯାହାକି ପରିବେଶ୍ ବିଦ୍ ମାନଙ୍କ ମଧ୍ୟରେ ଚିନ୍ତାର କାରଣ ସାଜିଛି।

Categories
ଆଜିର ଖବର ରାଜ୍ୟ ଖବର

ନରହନ୍ତା ହାତୀର ଉପ୍ତାତ: ଅନ୍ୟତ୍ର ସ୍ଥାନାନ୍ତର ପାଇଁ ବିଜେପି ପକ୍ଷରୁ ଡିଏଫ୍‌ଓଙ୍କୁ ଦାବିପତ୍ର ପ୍ରଦାନ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡରେ ଏକ ନିର୍ଦ୍ଦିଷ୍ଟ ଦନ୍ତାହାତୀର ଉପ୍ତାତ ଯୋଗୁଁ ଅଂଚଳରେ କୋକୁଆ ଭୟ ଦେଖା ଦେଇଛି। ଏହି ହାତୀକୁ ଶିଘ୍ର ଏ ଅଂଚଳରୁ ଟ୍ରାଙ୍କୁଲାଇଜର ଦେଇ ଅନ୍ୟତ୍ର ସ୍ଥାନାନ୍ତର କରିବାକୁ ବିଜେପି ତରଫରୁ ଦାବୀ କରାଯାଇଛି। ବିଜେପିର ବରିଷ୍ଠ ନେତା ଗୋବିନ୍ଦ ଅଗ୍ରଓାଲାଙ୍କ ନେତୃତ୍ୱରେ ଏକ ଦଳ ରେଢାଖୋଲ ଡିଏଫ୍‌ଓ ଙ୍କୁ ଭେଟି ଏକ ଦାବୀ ପତ୍ର ପ୍ରଦାନ କରିଛନ୍ତି। ଦନ୍ତା ହାତୀଟି ଏକ ବର୍ଷରେ ରେଢାଖୋଲ ଓ ନାକଟିଦେଉଳ ବ୍ଲକ୍ ରୁ ୬ ଜଣଙ୍କର ଜୀବନ ନେଲାଣି। ଏହି ଦନ୍ତା ହାତୀର ଉତ୍ପାତରେ ଏଠାକାର ଜନସାଧାରଣଙ୍କ ମଧ୍ୟରେ କୋକୁଆ ଭୟ ଦେଖାଦେଇଛି।

ରାସ୍ତା ଉପରେ ଏହି ନରହନ୍ତା ହାତୀଟି ବହୁ ସମୟ ଧରି ଠିଆ ହୋଇ ରହିଥିବାରୁ ରାସ୍ତାରେ ଆତଯାତ କରୁଥିବା ଲୋକମାନେ ନାହିଁ ନ ଥିବା ଅସୁବିଧାର ସମ୍ମୁଖିନ ହେଉଛନ୍ତି। ଏପରିକି ରାସ୍ତାରେ ଯିବା ଆସିବା କରିବାକୁ ସୁରକ୍ଷା ମଣୁ ନାହାନ୍ତି। ଶିଘ୍ର ଏହି ନରହନ୍ତା ଦନ୍ତା ହାତୀକୁ ଟ୍ରାଙ୍କୁଲାଇଜର ଦେଇ ଅନ୍ୟତ୍ର ସ୍ଥାନାନ୍ତର କରିବାକୁ ବିଜେପି ଦାବୀ କରିଛି।

Categories
ଆଜିର ଖବର ରାଜ୍ୟ ଖବର

ପିଟାନାଳି ଗ୍ରାମ ଜଙ୍ଗଲରୁ ନବ ଜନ୍ମିତ ହାତୀ ଛୁଆର ମୃତ ଦେହ ଉଦ୍ଧାର

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡ ଲୁହାପଙ୍କ ସେକ୍ସନ ଅଂଚଳରେ ଏକ ନବ ଜନ୍ମିତ ହାତୀ ଛୁଆର ମୃତ ଦେହକୁ ବନ ବିଭାଗ ଉଦ୍ଧାର କରିଛି।

ବନବିଭାଗ ସୂତ୍ରରୁ ପ୍ରକାଶ ଯେ, ସମ୍ବଲପୁର ଜିଲ୍ଲା ରେଢାଖୋଲ ବନଖଣ୍ଡ ଲୁହାପଙ୍କଲ ସେକ୍ସନ ଅନ୍ତର୍ଗତ ପିଟାନାଳି ଗ୍ରାମ ନିକଟସ୍ଥ ଜଙ୍ଗଲରୁ ଏକ ନବ ଜନ୍ମିତ ହାତୀ ଛୁଆ ମୃତ୍ୟୁ ବରଣ କରିଥିବା ବନବିଭାଗ ଖବର ପାଇଥିଲା। ମା ହାତୀ ସୋମବାର ବିଳମ୍ବିତ ରାତ୍ରିରେ ଛୁଆ ଜନ୍ମ ଦେଇଥିଲା। ଯାହା ଅନୁମାନ କରାଯାଉଛି ହାତୀମାନଙ୍କର ଦଳା ଚକଟାରେ ହାତୀ ଛୁଆଟିର ମୃତ୍ୟୁ ହୋଇଥାଇ ପାରେ ବୋଲି ବନ ବିଭାଗ ପ୍ରକାଶ କରିଛି। ମୃତ ହାତୀ ଛୁଆର ଶବକୁ ବ୍ୟବଚ୍ଛେଦ କରାଯାଇ ବନବିଭାଗ ପୋତି ଦେଇଥିବା ଜଣା ପଡିଛି।

ଦିନକୁ ଦିନ ରେଢାଖୋଲ ବନଖଣ୍ଡରେ ହାତୀ ଓ ହାତୀ ଛୁଆମାନଙ୍କର ମୃତ୍ୟୁ ଯୋଗୁଁ ହାତୀ ବଂଶ ଲୋପ ପାଇଯିବାର ଆଶଙ୍କା ରହିଛି। ବେଳେ ବେଳେ ବାଣୁଆମାନେ ମଧ୍ୟ ହାତୀମାନଙ୍କର ଦାନ୍ତ ସଂଗ୍ରହ ପାଇଁ ବନ୍ଧୁକ ସାହାଯ୍ୟରେ ମାରି ପକାଉଥିବା ଏକ ଚିନ୍ତାର କାରଣ ହୋଇଛି। ବନବିଭାଗ ଏ ଦିଗରେ ସଚେତନ ହେବାର ଆବଶ୍ୟକତା ରହିଛ।

Categories
ଆଜିର ଖବର ରାଜ୍ୟ ଖବର

କରଡାପାଳ ଗ୍ରାମ ନିକଟ ଜଙ୍ଗଲରୁ ଦନ୍ତା ହାତୀର ମୃତଦେହ ଉଦ୍ଧାର: ମୃତ୍ୟୁର କାରଣ ଅସ୍ପଷ୍ଟ

କନ୍ଦର୍ପ ବେହେରା

ରେଢ଼ାଖୋଲ: ସମ୍ବଲପୁର ଜିଲ୍ଲା ରେଢାଖୋଲ ବନଖଣ୍ଡ ଅଞ୍ଚଳରୁ ଏକ ଦନ୍ତାହାତୀର ମୃତଦେହ ଉଦ୍ଧାର କରାଯାଇଛି। କୁକୁଡାବାହାଳୀ ପଞ୍ଚାୟତ କରଡାପାଲ ଗ୍ରାମର ଜଙ୍ଗଲରେ ଆଜି ସକାଳୁ ଏକ ଦନ୍ତାହାତୀର ମୃତଦେହ ପଡ଼ିଥିବା ଦେଖି ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ। ଘଟଣାସ୍ଥଳରେ ବନ କର୍ମଚାରୀମାନେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିବାବେଳେ ଶବ ବ୍ୟବଚ୍ଛେଦ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ବନ ବିଭାଗ କହିଛି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ରେଢାଖୋଲ ବନଖଣ୍ଡ ବଂଶାଜାଲ ନିକଟରେ ଅଜଣା ଗାଡି ଧକ୍କାରେ ଭାଲୁ ଓ ଛୁଆ ମୃତ

କନ୍ଦର୍ପ ବେହେରା
ରେଢାଖୋଲ: ଆଜି ସକାଳୁ ସକାଳୁ ଚାରମାଳ ରେଞ୍ଜ ବଂଶାଜାଲ ସେକ୍ସନରେ ଏକ ଭାଲୁ ଓ ତାରଛୁଆ ଅଜଣା ଗାଡି ଧକ୍କାରେ ମୃତ୍ୟୁବରଣ କରିଥିବା ଜଙ୍ଗଲ ବିଭାଗ ସୂତ୍ରରୁ ପ୍ରକାଶ।

ସୂଚନା ଅନୁଯାୟୀ, ଆଜି ଭୋରରୁ ରେଢାଖୋଲ ବନଖଣ୍ଡ ଚାରମାଳ ରେଞ୍ଜ ଅଧିନସ୍ଥ ବଂଶାଜାଲ ସେକ୍ସନ ପୁଡାବଲଣ୍ଡାରୁ ବଡମାଳ ଯାଇଥିବା ପ୍ରଧାନମନ୍ତ୍ରୀ ରାସ୍ତାର ସୁରୁବାଲି ଜୋର ଠାରୁ ୧କିମି ଦୂରରେ ଏରୁଣ୍ଡିବାହାଳ ଖେସରା ଜଙ୍ଗଲର ରାସ୍ତା ଉପରେ ଏକ ଅଜଣା ଗାଡି ଧକ୍କାରେ ଏକ ଭାଲୁ ଓ ତାର ଛୁଆ ମୃତ୍ୟୁବରଣ କରିଥିବା ବନବିଭାଗ ସୂତ୍ରରୁ ପ୍ରକାଶ। ଯାହା ଅନୁମାନ କରାଯାଉଛି ଭାଲୁଟି ରାସ୍ତା ପାର ହେଉଥିବା ସମୟରେ ଅଜଣା ଗାଡି ଧକ୍କାରେ ମୃତ୍ୟୁବରଣ କରିଥିବା ଜଙ୍ଗଲ ବିଭାଗ ପ୍ରକାଶ କରିଛି।

ମୃତ ଭାଲୁର ଅନୁମାନିକ ବୟସ ୨୦ ବର୍ଷ ହୋଇଥିବା ବେଳେ ଛୁଆର ବୟସ ଦେଢବର୍ଷ ହୋଇଥିବା ବନବିଭାଗ କହିଛି। ମୃତ ଭାଲୁକୁ ଫରେଷ୍ଟର ବିଜୟ କୁମାର ବିଶ୍ୱାଳ, ଚାରମାଳ ଫରେଷ୍ଟର ପ୍ରବୀଣ କୁମାର ପ୍ରଧାନ, ରେଞ୍ଜଅଫିସର ଦର୍ଶନୀୟା ଭୋଇ ଜବତ କରି ରେଢାଖୋଲ ପ୍ରାଣୀଧନ କାର୍ଯ୍ୟାଳୟକୁ ଆଣିଥିଲେ। ରେଢାଖୋଲ ପ୍ରାଣୀଧନ ଚିକିତ୍ସକ ପ୍ରଦୀପ ସାହୁ ଶବ ବ୍ୟବଚ୍ଛେଦ କରିଥିଲେ। ଚାରମାଳରେ ଗାତ ଖୋଳି ମୃତ ଭାଲୁ ଓ ଛୁଆକୁ ପୋତି ଦିଆଯାଇଥିବା ଜଙ୍ଗଲ ବିଭାଗ କହିଛି।

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଡଇଁଚା ଗାଁକୁ ପଶିଆସିଲେ ହାତୀପଲ: ଅଳ୍ପକେ ବର୍ତ୍ତିଲେ ଯୁବକ, ବ୍ୟାପକ ଧାନ ଫସଲ ନଷ୍ଟ

କନ୍ଦର୍ପ ବେହେରା
ରେଢାଖୋଲ: କିଛି ଦିନ ହେଲା ରେଢାଖୋଲ ବନଖଣ୍ଡରେ ହାତୀମାନଙ୍କର ଆତଙ୍କରାଜରେ ଲୋକମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଗତକାଲି ରାତିରେ ହାତୀପଲ ଡଇଁଚା ଗାଁ କୁ ପଶି ଆସି ଖଳାଭିତରେ ପଶି ଧାନ ବିଡା ଖାଇବା ସହ ଧାନ ଅମଳ କରି ରଖିଥିବା ୩ ଜଣ ଚାଷୀଙ୍କର ଧାନ ବସ୍ତାକୁ ଟେକି ନେଇଥିବା ଜଣା ପଡିଛି।

ପ୍ରକାଶ ଯେ, ରେଢାଖୋଲ ବନଖଣ୍ଡ ଡଇଁଚା ଗ୍ରାମରେ ଗତକାଲି ରାତି ପ୍ରାୟ ୧୨ ଟାରେ ୧୩ ରୁ ଉର୍ଦ୍ଧ୍ୱ ହାତୀ ନିକଟସ୍ଥ ହିନ୍ତରାଇ ଗ୍ରାମପଟୁ ଆସି ଗାଁ ପାଖରେ ଥିବା ଗ୍ରାମର ସନାତନ ଧଳଙ୍କ ଖଳାକୁ ପଶି ବ୍ୟାପକ ଧାନ ଫସଲ ନଷ୍ଟ କରିଦେଇଥିଲେ। ଖଳାରେ ସନାତନ ଧଳଙ୍କ ମଝିଆଁ ପୁଅ ଦେବରାଜ ଧଳ ଏକାକୀ ଶୋଇଥିଲେ। ହାତୀ ପଲ ଖଳାକୁ ପଶୁଥିବାର ଜାଣିପାରି ସେ ଦୌଡି ଆସି ପାଟି କରିଥିଲେ। ହାଟପଦା ସାହିର ଲୋକମାନେ ଆସି ବାଣ ଓ ପାଟି କରିବାରୁ ହାତୀପଲ ପଳାଇଯାଇଥିଲେ। ଭାଗ୍ୟକୁ ସେ ହାତୀଆକ୍ରମଣରୁ ରକ୍ଷା ପାଇଯାଇଥିଲେ। ହେଲେ ତାଙ୍କର ମୋଟର ସାଇକେଲଟିକୁ ହାତୀପଲ ମାଡି ଦେଇଥିଲେ। ହାତୀ ପଲ ଖଳାର ଚାରି ପାଖ ତାଙ୍କୁ ଘେରିବନ୍ଦୀ କରିଥିଲେ ମଧ୍ୟ କୌଶଳ କ୍ରମେ ପଳାଇ ଯିବାରେ ସକ୍ଷମ ହୋଇଥିଲେ।

ଜଙ୍ଗଲ ବିଭାଗ ହାତୀପଲକୁ ଘଉଡାଇ ନାକେଦମ୍ ହୋଇଯାଇଥିଲେ। ଗ୍ରାମର ଶେଷଦେବ ଦେହୁରୀ ଓ ବିଶ୍ୱନାଥ ଦେହୁରୀଙ୍କ ଜମିରେ ଥିବା ଧାନ ଫସଲକୁ ମଧ୍ୟ ହାତୀପଲ ଖାଇ ଦଳୀଚକଟି ଦେଇଛନ୍ତି।

କ୍ଷତିଗ୍ରସ୍ତ ଚାଷୀମାନଙ୍କୁ ଜଙ୍ଗଲ ବିଭାଗ ଉପଯୁକ୍ତ କ୍ଷତିପୂରଣ ଦେବାକୁ ଦାବୀ କରାଯାଇଛି। ହାତୀପଲ ଏ ଅଂଚଳରେ ରହିଥିବାରୁ ରାତିରେ ଲୋକମାନେ ଭୟରେ ବାହାରକୁ ବାହାରିବାକୁ ଭୟ କରୁଛନ୍ତି। ହେଲେ ଜଙ୍ଗଲ ବିଭାଗର କର୍ମଚାରୀମାନେ ନିଜ ଜୀବନକୁ ବାଜି ଲଗାଇ ରାତି ଅଧରେ ହାତୀ ପଛରେ ଯିବା ଏକ ଚ୍ୟାଲେଞ୍ଜ ସୃଷ୍ଟି କରିଛି।

Categories
ଅପରାଧ ଆଜିର ଖବର ଆଞ୍ଚଳିକ ରାଜ୍ୟ ଖବର

ଜଙ୍ଗଲରୁ ମାଙ୍କଡ ମାଂସ ନେଇ ଆସୁଥିବା ଯୁବକକୁ ଗିରଫ କଲା ବନବିଭାଗ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡ ବଡବାହାଳ ରେଞ୍ଜ କଦଳିଗଡ ଅଂଚଳରୁ ମାଙ୍କଡ ମାଂସ ସହ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ବନବିଭାଗ।

ବନବିଭାଗ ସୂତ୍ରରୁ ପ୍ରକାଶ ଯେ, ବଡବାହାଳ ରେଞ୍ଜ ଅଧିନସ୍ଥ କଦଳିଗଡ ଗ୍ରାମର ରାହାନ୍ ରିଜର୍ଭ ଜଙ୍ଗଲର କଂପାର୍ଟ ମେଂଟ୍ ନଂ ୬ ନିକଟରୁ ବଡବାହାଳର ଫରେଷ୍ଟ ଗାର୍ଡ ରାଜେନ୍ଦ୍ର କୁମାର ପ୍ରଧାନ ପେଟ୍ରୋଲିଙ୍ଗ କରୁଥିବା ସମୟରେ ଜଙ୍ଗଲରୁ ମାଙ୍କଡମାରି ଆସୁଥିବା ସମରା ମୁଣ୍ଡାକୁ ଧରିଥିଲେ। ତାଙ୍କ ଘର ଜମନକିରା ଥାନା ବନ୍ଧାଭୂଇଁର ବୋଲି ଜଣା ପଡିଛି। ତାଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଛି।

Categories
ଆଜିର ଖବର ଆଞ୍ଚଳିକ

ରେଢାଖୋଲ ବନଖଣ୍ଡ ଲାଇଜାରେ ହାତୀପଲଙ୍କ ଉତ୍ପାତ: ଦଳିଦେଲେ ଧାନ, ଆଖୁ ଓ କଦଳୀଗଛ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡ ଗୋଗୁଆ ପଂଚାୟତର ଲାଇଜା ଗ୍ରାମରେ ଆଜି ରାତିରେ ହାତୀପଲ ଆସି ବ୍ୟାପକ ଫସଲ ଖାଇବା ସହ ନଷ୍ଟ କରିଦେଇଥିବା ଖବର ହସ୍ତଗତ ହୋଇଛି।

ପ୍ରକାଶ ଯେ ,ଗତକାଲି ରାତି ୧୨ ଟା ପାଖାପାଖିରେ ହାତୀପଲ ଆସି ଲାଇଜା ଗ୍ରାମର ଉଦ୍ଧବ ବେହେରା ଙ୍କ ଆଖୁଫସଲ, ରାମଚନ୍ଦ୍ର ସାହୁଙ୍କ କଦଳୀ , ଧାନ , ଦାଶରଥୀ ସାହୁଙ୍କ ଧାନ ଫସଲ , ପଦ୍ମନାଭ ପ୍ରଧାନଙ୍କ କଦଳୀ ଚାଷ ଆଦି ଖାଇବା ସହ ବ୍ୟାପକ ନଷ୍ଟ କରିଦେଇଛନ୍ତି। ଯେତିକି ଖାଇଛନ୍ତି ତତୋଧିକ ଫସଲ ସବୁ ନଷ୍ଟ କରିଦେଇଛନ୍ତି ହାତୀପଲ। ସନ୍ଧ୍ୟାରେ ବନବିଭାଗ ହାତୀକୁ ଘଉଡାଇବାକୁ ଯାଇ ସେମାନଙ୍କୁ ଜଙ୍ଗଲକୁ ତଡିଦେଇଥିଲେ। ହେଲେ ଅଧରାତିରେ ପୁଣି ହାତୀପଲ ଆସି ସବୁ ଫସଲ ନଷ୍ଟ କରିଦେଇଥିବା ଗ୍ରାମବାସୀ ଅଭିଯୋଗ କରିଛନ୍ତି।

ଦିନକୁ ଦିନ ହାତୀ ସଂଖ୍ୟା ବୃଦ୍ଧି ପାଇବା ସହ ଜଙ୍ଗଲ ନଷ୍ଟ ହେବା ଫଳରେ ଖାଦ୍ୟ ଅନ୍ୱେଷଣରେ ଗାଁ ମୁହାଁ ହେଉଛନ୍ତି ହାତୀପଲ। ପ୍ରାୟତଃ ଛତିଶଗଡ ଅଂଚଳରୁ ହାତୀପଲ ଓଡିଶାର ସୁନ୍ଦରଗଡ ଦେଇ ସମ୍ବଲପୁର ଜିଲ୍ଲାକୁ ପ୍ରବେଶ କରି ଖଲାସୁଣୀ ଅଭୟାରଣ୍ୟ ଦେଇ ଏ ଅଂଚଳକୁ ଅନାୟାସରେ ପ୍ରବେଶ କରି ବିଭିନ୍ନ ପ୍ରକାର ଫସଲ ନଷ୍ଟ କରିଥାନ୍ତି। ହାତୀ ପଲକୁ ନା ବନ ବିଭାଗ ଆୟତ କରିପାରୁଛି ନା ଗ୍ରାମବାସୀ ଆୟତକରି ଘଉଡାଇ ପାରୁଛନ୍ତି। ବିରାଟକାୟ ଜୀବ ହୋଇଥିବାରୁ ଯେତିକି ପରିମାଣର ଖାଦ୍ୟ ଆବଶ୍ୟକ ସେମାନଙ୍କୁ ନିଅଂଟ ହେଉଛି। ଯା ଫଳରେ ହାତୀମାନେ ଗ୍ରାମାଭିମୁଖୀ ହୋଇ ଚାଷୀମାନଙ୍କର ପ୍ରଭୃତ କ୍ଷତି ଘଟାଉଛନ୍ତି।

ଚାଷୀମାନଙ୍କର ଯେତିକି କ୍ଷତି ହେଉଛି ସେତିକି ପରିମାଣର କ୍ଷତିପୂରଣ ସରକାର ମଧ୍ୟ ଦେଇପାରୁ ନାହାନ୍ତି ବୋଲି ଚାଷୀମାନେ ଗଣମାଧ୍ୟମ ଆଗରେ ପ୍ରକାଶ କରିଛନ୍ତି। କ୍ଷତିଗ୍ରସ୍ତ ଚାଷୀମାନଙ୍କୁ ସରକାର ଆବଶ୍ୟକୀୟ କ୍ଷତିପୂରଣ ଦେବାକୁ ଲାଇଜା ଗ୍ରାମବାସୀ ଦାବୀ କରିଛନ୍ତି।

Categories
ଅପରାଧ ଆଜିର ଖବର ଆଞ୍ଚଳିକ

ବନବିଭାଗର ରାତି ଅଧରେ ଚଢଉ: ବାର୍‌ହା ମାଂସ ଭୋଜି କରୁଥିବା ସମୟରେ ୨ଶିକାରୀ ଗିରଫ

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ବନଖଣ୍ଡ ଗୋଗୁଆ ଗ୍ରାମରେ ବାରହା ମାଂସ ଭୋଜି କରୁଥିବା ସମୟରେ ବନବିଭାଗ ୨ ଜଣ ଶିକାରୀଙ୍କୁ ଧରିବାରେ ସଫଳ ହୋଇଛି।

ପ୍ରକାଶ ଯେ, ଗତ କାଲି ରେଢାଖୋଲ ବନଖଣ୍ଡ ଗୋଗୁଆ ଗ୍ରାମର ନରୋତମ ସାହୁ ଓ ପୂର୍ଣଚନ୍ଦ୍ର ବାଗ୍ ଗୋଗୁଆ ହାଇସ୍କୁଲ ପଡିଆରେ ବାରହା ମାଂସ ଭୋଜି କରୁଥିବାର ବନବିଭାଗ କୌଣସି ସୂତ୍ରରୁ ଖବର ପାଇ ଚଢଉ କରିଥିଲା। ସେମାନଙ୍କ ଠାରୁ ବାରହା ମାଂସ ସହ ସେମାନଙ୍କୁ ବନ ବିଭାଗ ଧରିଥିଲା। ଗତକାଲି ଛୁଟିଥିବାରୁ ଶିକାରୀ ଦ୍ୱୟଙ୍କୁ ଆଜି ବନବିଭାଗ କୋର୍ଟଚାଲାଣ କରିଛି। ଶିକାରୀଦ୍ୱୟ ଏମିତି ପ୍ରତିଦିନ ଜଙ୍ଗଲରୁ ଅବାଧରେ ଜନ୍ତୁଶିକାର କରୁଥିବାର ବନ ବିଭାଗ କହିଛି। ଏମାନଙ୍କୁ ଧରିବାକୁ ବନବିଭାଗ ବହୁଦିନରୁ ଜାଲ ବିଛାଇଥିଲା ହେଲେ ଧରିବାରେ ସଫଳ ହୋଇପାରୁ ନ ଥିଲା।

ଗୋଗୁଆ ଅଂଚଳରେ ପ୍ରତ୍ୟେକ ଦିନ ଚୋରାରେ ବନ୍ଧୁକ ରଖି ଜନ୍ତୁ ଶିକାର କରି ବାହାର ଜିଲ୍ଲାକୁ ପ୍ୟାକେଟ୍ କରି ଅବାଧରେ ଚାଲାଣ ହେଉଛି ବାରହା ମାଂସ। ବନବିଭାଗ ସେମାନଙ୍କୁ ଧରିବାରେ ସଫଳ ହୋଇପାରୁନାହିଁ। ଏହି ଚଢଉରେ ଡଇଁଚା ଫରେଷ୍ଟର ଡୋଳାଧର ମେହେର, ଫରେଷ୍ଟଗାର୍ଡ ରାମନାରାୟଣ ମେଣ୍ଡୁଲୀ ଏବଂ ତାଙ୍କ ଟିମ୍ ଚଢଉ କରିଥିଲେ।